NLG: ప్రైవేట్ ట్రావెల్స్ బస్సు దగ్ధం ఘటన లో వ్యక్తి సజీవ దహనం
హైదారాబాద్ నుండి చీరాల కు వెళ్ళే శ్రీ క్రిష్ణా ట్రావెల్స్ బస్సు కు,  నల్లగొండ జిల్లా మర్రి గూడ బైపాస్ దగ్గర తెల్లవారు జామున 2 గంటల సమయం లో అగ్ని ప్రమాదం జరిగింది. ఈ బస్సు లో మొత్తం 34 మంది ప్రయనించగా అందులో ఒకరు సజీవ దహనమాయ్యారు. స్లీపర్ క్లాస్ కోచ్ అవ్వటం వలన ప్రమాద సమయంలో నిద్ర పోతుండగా బయటికి రాలేకపోవడంతో, ఆ వ్యక్తి చనిపోయాడని తెలుస్తుంది. చనిపోయిన వ్యక్తి ఎముకులు గుర్తించారు. మిగతా ప్రయాణికులకు చిన్న గాయాలే తప్ప ప్రమాదం ఏమీ లేదని, ఈ ప్రమాదం లో ప్రయాణికుల లగేజ్ , బంగారంతో పాటు అమెరికా వెళ్ళాలనే అమ్మాయి వీసా కూడా దగ్ధం అయ్యింది అని చెప్పారు. ఈ ప్రమాదం పై పోలీసుల దర్యాప్తు చేస్తున్నారు. మరిన్ని వివరాలు తెలియాల్సి ఉంది.

TS: కాసేపట్లో సీఎం పేరు ప్రకటించనున్న కాంగ్రెస్
తెలంగాణ ఎన్నికల్లో 64 సీట్లు సాధించిన కాంగ్రెస్ ఈరోజు ప్రభుత్వాన్ని ఏర్పాటు చేయనుంది. హైదరాబాదులో కాసేపటి క్రితమే సిఎల్పీ సమావేశం ప్రారంభమైనది. కాంగ్రెస్ ఎమ్మెల్యేలందరూ ఏకవాఖ్య తీర్మానం తో సీఎల్పీ నేతను ఎన్నుకున్నారు. అనంతరం కాంగ్రెస్ జాతీయ అధిష్టానం సీఎం ఎవరు అనేది ప్రకటించనుంది.

TS: 64 సీట్లు సాధించి, ప్రభుత్వ ఏర్పాటు దిశగా కాంగ్రెస్ పార్టీ
తెలంగాణలో అసెంబ్లీ ఎన్నికల కౌంటింగ్ ప్రక్రియ ఆదివారం పూర్తయింది. 
119 స్థానాలకు గాను ఫలితాలు ఈ విధంగా ఉన్నాయి.
కాంగ్రెస్ --- 64
బిఆర్ఎస్ - 39
బిజెపి ----- 08
ఎంఐఎం --- 07
సిపిఐ -----  01
కాంగ్రెస్ సిపిఐ అలయన్స్ 65 సీట్లు సాధించినట్లు అయ్యింది.
119 స్థానాలకు 60 లేదా ఆ పైన  సీట్లు సాధించిన పార్టీ అధికారాన్ని చేపట్టడానికి అవకాశం ఉంటుంది. ఈ నేపథ్యంలో కాంగ్రెస్ పార్టీ ప్రభుత్వ ఏర్పాటు దిశగా చర్యలు చేపట్టింది.

ఎలక్షన్స్ అప్డేట్: కాంగ్రెస్‌ లో గెలిచి బీఆర్‌ఎస్‌ లో చేరిన 9మంది ఎమ్మెల్యేలు ఓటమి
తెలంగాణ అసెంబ్లీ ఎన్నికల ఫలితాల్లో కాంగ్రెస్‌ హవా సాధిస్తోంది.
2018లో కాంగ్రెస్‌లో గెలిచి బీఆర్‌ఎస్‌ లో చేరిన 9మంది ఎమ్మెల్యేలు ఓటమి చెందారు. తాజాగా బీఆర్‌ఎస్ నుంచి కాంగ్రెస్‌లో చేరిన వారిలో 8 మంది విజయం సాధించారు. ఈ ఎన్నికల్లో (2023) కొల్లాపూర్, కల్వకుర్తి, నకిరేకల్, తుంగతుర్తి, ఖమ్మం, పాలేరు, పినపాక, ఇల్లందు, జగిత్యాల, ఖానాపూర్‌ అభ్యర్థులు గెలుపొందారు.

NLG: చండూరులో కాంగ్రెస్ శ్రేణులు సంబరాలు (వీడియో)
చండూరు: రాష్ట్రంలో అసెంబ్లీ ఎన్నికల ఫలితాల కౌంటింగ్ లో కాంగ్రెస్ పార్టీ మెజార్టీ దిశగా ఉండడంతో ఆ పార్టీ శ్రేణులు మండల కేంద్రంలో పటాసులు పేల్చి, జై కాంగ్రెస్ నినాదాలు చేస్తూ సంబరాలు జరుపుకుంటున్నారు. ఈ సందర్భంగా వారు మాట్లాడుతూ.. మునుగోడు నియోజకవర్గం లో కోమటిరెడ్డి రాజగోపాల్ రెడ్డి స్పష్టమైన ఆధిక్యత ఉన్నట్లు తెలిపారు. కార్యక్రమంలో పలువురు కాంగ్రెస్ నాయకులు, కార్యకర్తలు పాల్గొన్నారు.

TS: కొడంగల్ లో రేవంత్ రెడ్డి ఘన విజయం
కొడంగల్ లో రేవంత్ రెడ్డి ఘనవిజయం సాధించారు. 32800 ఓట్ల మెజారిటీ పొందారు.
మునుగోడు నియోజకవర్గం 14వ రౌండ్ ముగిసే సరికి కాంగ్రెస్ అభ్యర్థి కోమటిరెడ్డి రాజ్ గోపాల్ రెడ్డి  25వేల పైచిలుకు లీడ్
నకిరేకల్ నియోజకవర్గం  13వ రౌండ్ ముగిసేసరికి కాంగ్రెస్ అభ్యర్థి వేముల వీరేశం  35 వేల లీడ్
మిర్యాలగూడ నియోజకవర్గం 14వ రౌండ్ ముగిసే సమయానికి  కాంగ్రెస్ అభ్యర్థి బత్తుల లక్ష్మారెడ్డి  35558 లీడ్
నాగార్జునసాగర్ నియోజకవర్గం 13వ రౌండ్ ముగిసే సమయానికి  కాంగ్రెస్ అభ్యర్థి కుందూరు జైవీర్ రెడ్డి  33899 లీడ్

TS: రేవంత్ రెడ్డి ఇంటికి వెళ్లిన డిజిపి (JUST IN)
తెలంగాణలో కాంగ్రెస్ పార్టీ అధికారం చేపట్టే దిశగా దూసుకెళ్తోంది. ఈ నేపథ్యంలో టీపీసీసీ అధ్యక్షుడు రేవంత్ రెడ్డి ఇంటికి .. రాష్ట్ర డిజిపి అంజనీ కుమార్ వెళ్లారు. రేవంత్ రెడ్డికి మరింత భద్రత పెంచినట్లు తెలుస్తోంది. డీజీపీ తో పాటు పలువురు ఐపీఎస్ అధికారులు కూడా ఉన్నారు.

ఎన్నికల కౌంటింగ్: 8వ రౌండ్ ముగిసే సమయానికి 13,020 మెజారిటీ లో రాజగోపాల్ రెడ్డి
తెలంగాణలో అసెంబ్లీ ఎన్నికల కౌంటింగ్ ఉత్కంఠ భరితంగా ఉన్నాయి.
నల్లగొండ జిల్లా, మునుగోడు కాంగ్రెస్ అభ్యర్థి కోమటిరెడ్డి రాజగోపాల్ రెడ్డి ఎనిమిదవ రౌండ్ మూసే సమయానికి 13,020 ఓట్ల ఆధిక్యత తో ఉన్నారు. దీంతో కాంగ్రెస్ పార్టీ శ్రేణులు ఉత్సాహంగా ఉన్నట్లు తెలుస్తోంది. 11.05am 

TS: అసెంబ్లీ ఎన్నికల కౌంటింగ్: మెజారిటీ లో మ్యాజిక్ నెంబర్ ను దాటిన కాంగ్రెస్
అసెంబ్లీ ఎన్నికల కౌంటింగ్: 
మెజారిటీలో మ్యాజిక్ నెంబర్ ను దాటిన కాంగ్రెస్..
అసెంబ్లీ ఎన్నికలు 2023 కౌంటింగ్ ప్రక్రియ కొనసాగుతుంది. 11 గంటల సమయానికి..
కాంగ్రెస్ 67 లీడ్
బిఆర్ఎస్ 38 లీడ్
బిజెపి 11 లీడ్
ఎంఐఎం 3 లీడ్

అసెంబ్లీ ఎన్నికలు: నల్లగొండలో ఆధిక్యతలో కాంగ్రెస్ అభ్యర్థి కోమటిరెడ్డి వెంకటరెడ్డి
10:30am 
నల్లగొండలో కాంగ్రెస్ అభ్యర్థి కోమటిరెడ్డి వెంకటరెడ్డి 17350 ఓట్ల ఆధిక్యతతో ముందంజలో ఉన్నారు. మునుగోడులో రాజగోపాల్ రెడ్డి ముందంజలో ఉన్నారు.
హుజూర్నగర్ లో ఉత్తంకుమార్ రెడ్డి 12 వేల ఓట్ల మెజారిటీ లో ఉన్నారు.
ఇక తుంగతుర్తిలో మందుల సామెల్ ముందంజలో ఉన్నారు