దెబ్బతిన్న హైదరాబాద్ బ్రాండ్
కల్తీ ఆహారంతో హైదరాబాద్ బిర్యానీ బ్రాండ్ దెబ్బతింది. సిటీలోని హోటల్స్ కనీస నాణ్యత ప్రమాణాలు పాటించట్లేదంటూ సర్వేలో వెల్లడైంది. 19 ప్రధాన నగరాల్లో సర్వే నిర్వహించగా కల్తీ ఆహారంలో టాప్ ప్లేస్‌లో హైదరాబాద్ నిలిచింది.

  


సరదాగా బయటకు వెళ్లినప్పుడు స్ట్రీట్‌ ఫుడ్‌ తినడం కామన్. వారాంతరాల్లో కొందరూ అదే పనిగా బయటకు వెళ్లి మరీ స్ట్రీడ్‌ ఫుడ్‌ను తింటుంటారు. వారానికి ఒక్కసారైనా బయటఫుడ్ తినాలని ఆలోచించే వారు ఎంతోమంది ఉంటారు. అలాగే బిర్యానీ, పానీపూరీ, కబాబ్స్, బర్గర్లు, షవర్మా, బజ్జీలు ఇలా ఏదైనా కనిపిస్తే చాలు లొట్టలేసుకుని మరీ తింటారు. అయితే స్ట్రీట్‌ ఫుడ్ అంటే భయపడేలా చేస్తున్నారు కొందరు వ్యక్తులు. వీరి నిర్లక్ష్యం వల్ల హైదరాబాద్ బ్రాండ్ పూర్తిగా దెబ్బతింటుంది. భాగ్యనగరంలో ఫుడ్స్ సేఫ్టీ‌పై నేషనల్ క్రైమ్ రికార్డ్స్ బ్యూరో సర్వే ఆందోళన కలిగిస్తోంది. ఈ సర్వేలో ఫుడ్ క్వాలిటీ‌లో హైదరాబాద్ చివరిగా నిలిచింది.

కల్తీ ఆహారంతో హైదరాబాద్ బిర్యానీ బ్రాండ్ దెబ్బతింది. సిటీలోని హోటల్స్ కనీస నాణ్యత ప్రమాణాలు పాటించట్లేదంటూ సర్వేలో వెల్లడైంది. 19 ప్రధాన నగరాల్లో సర్వే నిర్వహించగా కల్తీ ఆహారంలో టాప్ ప్లేస్‌లో హైదరాబాద్ నిలిచింది. గడిచిన రెండు నెలల వ్యవధిలో 84% ఫుడ్ పాయిజన్ కేసులు భాగ్యనగరంలో నమోదయ్యాయి. . 62% హోటల్స్, గడువుతీరిన పాడైపోయిన కుళ్లిన ఆహారాన్ని కస్టమర్లకు వడ్డిస్తున్నట్లు సర్వేలో వెల్లడైంది. బిర్యానీ శాంపిల్స్‌లో ప్రమాదకరమైన కలర్స్ వాడుతున్నట్లు గుర్తించారు. ప్రపంచవ్యాప్తంగా గుర్తింపు పొందిన హైదరాబాద్ బిర్యానీ ప్రతిష్ట దెబ్బతీసేలా హోటల్స్ నిర్వాహకులు వ్యవహరిస్తున్నారు. నేషనల్ క్రైమ్ రికార్డ్స్ బ్యూరో సర్వేతో జీహెచ్ఎంసీ ఫుడ్ సేఫ్టీ విభాగం అలర్ట్ అయింది. హోటల్స్ రెస్టారెంట్లలో మార్పు వచ్చేవరకు నిరంతరం డ్రైవ్ చేపట్టాలని తెలంగాణ ప్రభుత్వం నిర్ణయం తీసుకుంది. మరో నెల రోజుల వరకు సిటీలో ఫుడ్ సేఫ్టీ మెరుపు దాడులు కొనసాగనున్నాయి.

  

కాగా ఇప్పటికే హోటళ్లు, రెస్టారెంట్లలో ఆహార నాణ్యతపై నిరంతరం నిఘా పెట్టేందుకు ఇకపై జనాభా ప్రాతిపదికన కాకుండా తెలంగాణలో ఉన్న హోటళ్ల సంఖ్య ఆధారంగా ఆహార తనిఖీ అధికారుల(ఫుడ్‌ ఇన్‌స్పెక్టర్లు)ను నియమించాలని రాష్ట్ర ప్రభుత్వం నిర్ణయానికి వచ్చింది. దీనిపై ఇప్పటికే కసరత్తు మొదలుపెట్టింది. రాష్ట్రవ్యాప్తంగా ఎన్ని హోటళ్లు ఉన్నాయన్నదానిపై వైద్య ఆరోగ్యశాఖ ఆరా తీస్తోంది. హోటళ్ల సంఖ్య లెక్కతేలిన తర్వాత.. ఎన్ని హోటళ్లకు ఒక ఫుడ్‌ ఇన్‌స్పెక్టర్‌ను నియమించాలన్నవిషయంపై నిర్ణయానికి రానున్నారు. దీనిపై ఒక కమిటీని వేసే యోచనలో కూడా ప్రభుత్వం ఉన్నట్లు సమాచారం. నేషనల్‌ రెస్టారెంట్‌ అసోసియేషన్‌ ఆఫ్‌ ఇండియా(ఎన్‌ఆర్‌ఏఐ) లెక్కల ప్రకారం ఈ ఏడాది జూన్‌ చివరికి హైదరాబాద్‌లో 74,807 రెస్టారెంట్లు ఉన్నాయి.

ఇవి కాకుండా తగిన అనుమతుల్లేకుండా ఏర్పాటు చేసిన హోటళ్లు, రెస్టారెంట్లు వేల సంఖ్యలో ఉంటాయి. ఏటా ఈ హోటళ్ల ద్వారా రూ.కోట్లలో వ్యాపారం జరుగుతోంది. ఇంత భారీ స్థాయిలో ఫుడ్‌ బిజినెస్‌ జరుగుతున్నప్పటికీ హోటళ్లలో ఆహార నాణ్యతను పరిశీలించే విషయంలో రాష్ట్ర అధికార యంత్రాంగం బాగా వెనుకబడింది. మానవ వనరుల కొరత కారణంగా పర్యవేక్షణ అసలే ఉండటం లేదు. హైదరాబాద్‌లో 74 వేల రెస్టారెంట్లు ఉంటే కేవలం 23 మందే ఫుడ్‌ ఇన్‌స్పెక్టర్లున్నారు. అంటే ప్రతీ 3,552 రెస్టారెంట్లకు ఒక ఆహార తనిఖీ అధికారి ఉన్నారన్నమాట. దీన్ని బట్టి ఫుడ్‌ ఇన్‌స్పెక్టర్ల కొరత ఎంత ఉందో అర్థం చేసుకోవచ్చు. ఓ అధికారి సెలవు రోజులు మినహాయించి, రోజుకు 10 చొప్పున హోటళ్లు తనిఖీ చేసినా కూడా ఒక ఏడాదిలో అన్ని హోటళ్లను తనిఖీ చేయడం అసాధ్యం. కాగా, ఇటీవలి కాలంలో రాష్ట్రంలోని చాలా హోటళ్లలో టాస్క్‌ఫోర్స్‌ తనిఖీలు నిర్వహించగా దాదాపు అన్ని హోటళ్లు, రెస్టారెంట్లు ఆహార నాణ్యతను ఏ మాత్రం పట్టించుకోవడం లేదని తేలింది.

బలహీనపడిన అల్పపీడనం
నైరుతి బంగాళాఖాతంలో ఈ నెల 12వ తేదీ ఏర్పడి స్థిరంగా కొనసాగుతున్న అల్పపీడనం బలహీనపడింది. అయినప్పటికీ ఉత్తర తమిళనాడు కోస్తాతీరం నైరుతి బంగాళాఖాతంలో చెన్నై(Chennai)కి సమీపంలో బాహ్య ఉపరితల ఆవర్తన ద్రోణి నెలకొంది. ఈ కారణంగా తిరువళ్లూరు, వేలూరు, దక్షిణ కోస్తా ఆంధ్రప్రదేశ్‌(Andhra Pradesh)లో వర్షాలు కురుస్తాయనివాతావారణ కేంద్రం తెలిపింది.

  


నైరుతి బంగాళాఖాతంలో ఈ నెల 12వ తేదీ ఏర్పడి స్థిరంగా కొనసాగుతున్న అల్పపీడనం బలహీనపడింది. అయినప్పటికీ ఉత్తర తమిళనాడు కోస్తాతీరం నైరుతి బంగాళాఖాతంలో చెన్నై(Chennai)కి సమీపంలో బాహ్య ఉపరితల ఆవర్తన ద్రోణి నెలకొంది. ఈ కారణంగా తిరువళ్లూరు, వేలూరు, దక్షిణ కోస్తా ఆంధ్రప్రదేశ్‌(Andhra Pradesh)లో వర్షాలు కురుస్తాయనివాతావారణ కేంద్రం తెలిపింది. కేరళ సముద్రతీర ప్రాంతానికి సమీపంలో ఆగ్నేయ అరేబియా సముద్రంలో బాహ్య ఉపరితల ఆవర్తన ద్రోణి ఏర్పడింది.

దీని ప్రభావం కారణంగా రాష్ట్రంలోని పలు ప్రాంతాలతోపాటు పుదుచ్చేరి, కారైక్కాల్‌(Puducherry, Karaikal)లో తేలికపాటి వర్షాలు కురిశాయి. గురువారం చెంగల్పట్టు, కాంచీపురం, కళ్ళకుర్చి, తిరువణ్ణామలై, విల్లుపురం, కడలూరు, మైలాడుదురై, నాగపట్టణం, తంజావూరు, తిరువారూర్‌(Nagapattinam, Thanjavur, Thiruvarur), అరియలూరు, పెరంబలూరు, పుదుక్కోట, శివగంగై, మదురై, విరుదునగర్‌, తెన్‌కాశి, రామనాథపురం, తేని, తూత్తుకుడి, తిరునెల్వేలి, కన్నియాకుమారి, రామనాథపురం, శివగంగై, నీలగిరి, కోయంబత్తూరు, తిరుపూరు తదితర ప్రాంతాల్లో కొన్ని ప్రాంతాల్లో భారీ వర్షాలు పడ్డాయి.

  

ఈ నెల 15న పైన పేర్కొన్న జిలాల్లో భారీ వర్షాలకు అవకాశం ఉందని ఐఎండీ వెల్లడించింది. 16వ తేదీన నీలగిరి, కోయంబత్తూరు, తిరుపూరు, తేని, దిండిగల్‌ జిల్లాల సహా చెన్నై, దాని పరిసర ప్రాంతాల్లో ఉరుములు మెరుపులతో భారీ వర్షం కురుస్తుందని ఐఎండీ అధికారులు తెలిపారు.

భూదాన్ భూముల వ్యవహారంపై హైకోర్టు విస్మయం
భూదాన్ భూములుగా గుర్తించిన వాటికి.. మళ్లీ వారసత్వ హక్కు కల్పిస్తూ కలెక్టర్ ధ్రువీకరణ పత్రాన్ని జారీచేయడం తీవ్ర దుమారం రేగుతోంది. దీనిపై హైకోర్టులో పిటిషన్ దాఖలు కాగా.. దీనిపై విచారణ చేపట్టింది. ఈ భూములను కట్టబెట్టడంలో రంగారెడ్డి జిల్లా గత కలెక్టర్‌ నిజాం నవాబ్‌ను కూడా మించిపోయారని న్యాయస్థానం వ్యాఖ్యలు చేయడం గమనార్హం. పేదలకు పంచడం కోసం రామచంద్రారెడ్డి దాదాపు 300 ఎకరాలు ఇచ్చారని, అందినకాడికి నొక్కేసిన అధికారులు వాటి స్వాహాకు సహకరించారని చెప్పింది.

  


భూదాన్ భూముల విషయంలో రంగారెడ్డి జిల్లా పూర్వ కలెక్టర్ అమోయ్ కుమార్ వ్యవహరించిన తీరుపై హైకోర్టు విస్మయం వ్యక్తం చేసింది. ఆర్డీవో ఇచ్చిన ఉత్తర్వులను అప్పిలేట్‌ ట్రైబ్యునల్‌ అథారిటీ హోదాలో ధ్రువీకరించిన అధికారే... జిల్లా కలెక్టర్‌గా ఉన్నప్పుడు వారసత్వ ధ్రువీకరణ పత్రం జారీ చేయడంపై విస్తుపోయింది. రంగారెడ్డి జిల్లా గత కలెక్టర్‌ ఇప్పటికే పలు ఆరోపణలు ఎదుర్కొంటున్నట్లు మీడియాలో కథనాలు చూశామని.. నిజాం కూడా భూములను అలా కట్టబెట్టలేదని ఉన్నత న్యాయస్థానం వ్యాఖ్యానించింది. ఆనాడు భూములను దివానీ, సర్ఫేకాజ్, పట్టాలు అనే మూడు విభాగాలుగా గుర్తించిన నిజాంను అభినందించాలని పేర్కొంది.

ఆరోపణలు ఎదుర్కొన్నన్నప్పుడు అధికారులు కోర్టుకు సమాధానం చెప్పాల్సిందేనంటూ గతంలో సుప్రీంకోర్టు రాజ్యాంగ ధర్మాసనం సయ్యద్‌ యాకూబ్‌ కేసులో ఇచ్చిన తీర్పును హైకోర్టు ప్రస్తావించింది. భూదాన్‌ భూముల రక్షణ కోసం అధికారులు చర్యలు తీసుకోకపోవడంపై తీవ్ర అసంతృప్తి వ్యక్తం చేసింది. పేదల కోసం రామచంద్రారెడ్డి 300 ఎకరాలను వితరణ చేస్తే... గతంలో ఉన్న భూదాన్‌ బోర్డుతోసహా అధికారులు వాటిని స్వాహా చేశారని వ్యాఖ్యానించింది. తెలంగాణలో పేదలకు భూములను ఇచ్చిన ఎందరో గొప్ప వ్యక్తులు ఉన్నారని, అగ్రికల్చరల్‌ సీలింగ్‌ చట్టం అమల్లోకి వచ్చినప్పుడు మాజీ ప్రధాని పీవీ నరసింహారావు 500 ఎకరాలు ఇచ్చేశారని తెలిపింది.

  

భూదాన్‌ భూముల రక్షణలో గత బోర్డు సహా అధికారులు విఫలమయ్యారని మండిపడింది. ప్రస్తుత కేసులో 10 ఎకరాల భూమి భూదాన్‌ బోర్డుకు చెందినదని ధ్రువీకరించిన తర్వాత వారసత్వ ధ్రువీకరణ పత్రం ఎలా జారీ చేస్తారు? అని ప్రశ్నించింది. దీనిపై కౌంటరు దాఖలు చేయాలంటూ రెవెన్యూశాఖ ముఖ్య కార్యదర్శి, భూదాన్‌ యజ్ఞబోర్డు, వ్యక్తిగత హోదాలో గత కలెక్టర్‌ డి.అమోయ్‌కుమార్, అప్పటి డీఆర్‌వో ఆర్పీ జ్యోతితోపాటు మరో ఇద్దరు ప్రైవేటు వ్యక్తులకు నోటీసులు జారీ చేసింది.

రంగారెడ్డి జిల్లా మహేశ్వరం మండలం నాగారం గ్రామం సర్వే నం.182లో 10.29 ఎకరాలకు సంబంధించి ఖాదర్‌ ఉన్నీసా బేగమ్‌కు వారసత్వ ధ్రువీకరణ పత్రం జారీ చేయడాన్ని నవాబ్‌ ఫరూక్‌ అలీఖాన్‌ హైకోర్టులో సవాల్ చేశారు. దీనిపై జస్టిస్‌ సి.వి.భాస్కర్‌రెడ్డి విచారణ చేపట్టారు. పిటిషనర్‌ తరఫు లాయర్ వాదనలు వినిపిస్తూ గతంలో వీటిని భూదాన్‌ భూములుగా ఆర్డీవో ఉత్తర్వులు ఇస్తే, స్పెషల్‌ ట్రైబ్యునల్‌ సమర్థించిందని తెలిపారు. దీనికి విరుద్ధంగా అప్పట్లో ట్రైబ్యునల్‌కు నేతృత్వం వహించిన అధికారి.. కలెక్టర్‌ హోదాలో ఖాదర్‌ ఉన్నీసా బేగం పెట్టుకున్న అర్జీని ఆమోదించి పట్టాదారు పాస్‌బుక్‌ జారీ చేశారని వివరించారు.

అంతేకాదు, భూదాన్‌ భూములకు సంబంధించి యథాతథస్థితి కొనసాగించాలంటూ హైకోర్టు స్టే ఇచ్చినా పట్టించుకోలేదని వివరించారు. ఈ వాదనలను విన్న జస్టిస్ భాస్కరరెడ్డి.. భూములకు సంబంధించి వివాదం పెండింగ్‌లో ఉన్నప్పటికీ ఆలోచించకుండా పట్టాదారు పాస్‌ బుక్‌ జారీ చేయడం ఏంటి? అని విస్తుపోయారు. ఈ భూములపై యథాతథస్థితిని కొనసాగించాలని మధ్యంతర ఉత్తర్వులు జారీ చేశారు. దీనికి సంబంధించి పూర్తి వివరాలతో కౌంటర్లు దాఖలు చేయాలని ఆదేశిస్తూ ప్రతివాదులకు నోటీసులు జారీ చేస్తూ విచారణను 28కి వాయిదా వేశారు.

ప్రభుత్వం కీలక నిర్ణయం
నియోజకవర్గాల్లో మౌలిక సౌకర్యాలు ముఖ్యంగా రహదారులు నిర్మాణం.. పాతవి మరమ్మతు పనులపై తెలంగాణ ప్రభుత్వం ప్రత్యేక శ్రద్ధ పెట్టింది. ఆగస్టు, సెప్టెంబరులో కురిసిన భారీ వర్షాలకు వరదలు పోటెత్తి అనేక ప్రాంతాల్లో రహదారులు దెబ్బతినగా.. కొన్నిచోట్ల వంతెనలు కొట్టుకుపోయాయి. ఈ నష్టం విలువ రూ.2,346 కోట్ల అని కాంగ్రెస్ సర్కారు అంచనా వేసింది. ఈ నివేదికను కేంద్రానికి కూడా పంపింది. మరోవైపు, కేంద్రం నుంచి వచ్చి నిధులకు ప్రభుత్వం కొంత జోడించాలని నిర్ణయించింది.

  


రోడ్లు, భవనాల శాఖ పరిధిలో కొత్త రహదారుల నిర్మాణం, ఇతర పనులపై తెలంగాణ ప్రభుత్వం దృష్టి సారించింది. నియోజకవర్గాల్లో అవసరమైన చోట రోడ్ల అభివృద్ధికి ఎమ్మెల్యేల నుంచి ఆర్‌ అండ్ బీ శాఖ ఉన్నతాధికారులు ప్రతిపాదనలు కోరారు. ఈ అంచనాలు రూ.50 కోట్లు మించకూడదని ముందే స్పష్టం చేసినా.. పలువురు ఎమ్మెల్యేలు భారీ అంచనాలతో ప్రతిపాదనలు పంపుతున్నారు. కొందరివి ఏకంగా రూ.200 కోట్లు దాటడం గమనార్హం. ఉమ్మడి మహబూబ్‌నగర్‌ జిల్లాకు చెందిన ఓ ఎమ్మెల్యే ప్రతిపాదనలు రూ.180 కోట్లకు పంపగా.. వాటిని రూ.50 కోట్లకు తగ్గించి పంపించాలని అధికారులు స్పష్టం చేశారు. దీంతో ఆయన వాటిని సవరించి చివరకు రూ.70 కోట్లతో ప్రతిపాదనలు పంపించారు.

సెంట్రల్‌ రోడ్‌ అండ్‌ ఇన్‌ఫ్రాస్ట్రక్చర్‌ ఫండ్‌ (సీఆర్‌ఐఎఫ్‌) కింద రాష్ట్రంలో రహదారుల నిర్మాణం, మరమ్మతులకు కేంద్రం రూ.900 కోట్లు అందజేయనుంది. వీటికి అదనంగా రాష్ట్ర ప్రభుత్వం కూడా రోడ్ల అభివృద్ధికి నిధులు మంజూరు చేయడానికి సిద్ధంగా ఉంది. ఒక్కో ఎమ్మెల్యే రూ.50 కోట్ల చొప్పున ప్రతిపాదనలు పంపితే.. మొత్తం కలిపి రూ.5 వేల కోట్లు దాటేస్తాయి.. వాటికి కేంద్రం ఇచ్చే రూ.900 సీఆర్‌ఐఎఫ్‌ నిధులు ఏ మూలకూ సరిపోవు. పంచాయతీరాజ్, రహదారులు-భవనాల శాఖకు రూ.12 వేల కోట్లు మంజూరు చేయనున్నట్లు ఇటీవలే రాష్ట్ర ప్రభుత్వం ప్రకటించింది.

  

ఇందులో పంచాయతీరాజ్‌కు కేటాయించిన నిధులు పోనూ మిగిలిన వాటిని సీఆర్‌ఐఎఫ్‌తో కలిపి ఎమ్మెల్యేలు ప్రతిపాదించిన రహదారుల నిర్మాణానికి ఇవ్వాలని భావిస్తోంది. ఎమ్మెల్యేల నుంచి వచ్చిన ప్రతిపాదనలపై డీపీఆర్‌లు సిద్ధం చేసి.. టెండర్లు పిలవడానికి అధికారులు కసరత్తు మొదలుపెట్టారు.

ఇటీవల రాష్ట్రంలో కురిసిన భారీ వర్షాలకు రోడ్లు, వంతెనలు పెద్దఎత్తున దెబ్బతిన్నాయి. వరదల వల్ల మొత్తం రూ.2,362 కోట్ల విలువ చేసే రహదారులు, బ్రిడ్జ్‌లు కొట్టుకుపోయినట్టు కేంద్రానికి రాష్ట్రం నివేదిక పంపించింది. తక్షణ సాయంగా ఎస్డీఆర్‌ఎఫ్, ఎన్డీఆర్‌ఎఫ్‌ కింద రాష్ట్రానికి రూ.416.80 కోట్లు మంజూరు చేస్తున్నట్లు కేంద్రం గత నెలలో ప్రకటించింది. పూర్తిస్థాయిలో నివేదికలు అందిన తర్వాత వాటిని పరిశీలించి మిగతా నిధులు మంజూరు చేస్తామని తెలిపింది. ఈ నేపథ్యంలో పూర్తి వివరాలతో కేంద్రానికి రాష్ట్ర ప్రభుత్వం నివేదిక అందజేసింది. కానీ, ఈ వివరాలు సరిపోవని, నిబంధనల ప్రకారం ఐదు పట్టికల్లో వివరాలు పంపాలని కేంద్రం సూచించినట్లు తెలుస్తోంది.

భూదాన్ భూముల వ్యవహారంపై హైకోర్టు విస్మయం
భూదాన్ భూములుగా గుర్తించిన వాటికి.. మళ్లీ వారసత్వ హక్కు కల్పిస్తూ కలెక్టర్ ధ్రువీకరణ పత్రాన్ని జారీచేయడం తీవ్ర దుమారం రేగుతోంది. దీనిపై హైకోర్టులో పిటిషన్ దాఖలు కాగా.. దీనిపై విచారణ చేపట్టింది. ఈ భూములను కట్టబెట్టడంలో రంగారెడ్డి జిల్లా గత కలెక్టర్‌ నిజాం నవాబ్‌ను కూడా మించిపోయారని న్యాయస్థానం వ్యాఖ్యలు చేయడం గమనార్హం. పేదలకు పంచడం కోసం రామచంద్రారెడ్డి దాదాపు 300 ఎకరాలు ఇచ్చారని, అందినకాడికి నొక్కేసిన అధికారులు వాటి స్వాహాకు సహకరించారని చెప్పింది.

  


భూదాన్ భూముల విషయంలో రంగారెడ్డి జిల్లా పూర్వ కలెక్టర్ అమోయ్ కుమార్ వ్యవహరించిన తీరుపై హైకోర్టు విస్మయం వ్యక్తం చేసింది. ఆర్డీవో ఇచ్చిన ఉత్తర్వులను అప్పిలేట్‌ ట్రైబ్యునల్‌ అథారిటీ హోదాలో ధ్రువీకరించిన అధికారే... జిల్లా కలెక్టర్‌గా ఉన్నప్పుడు వారసత్వ ధ్రువీకరణ పత్రం జారీ చేయడంపై విస్తుపోయింది. రంగారెడ్డి జిల్లా గత కలెక్టర్‌ ఇప్పటికే పలు ఆరోపణలు ఎదుర్కొంటున్నట్లు మీడియాలో కథనాలు చూశామని.. నిజాం కూడా భూములను అలా కట్టబెట్టలేదని ఉన్నత న్యాయస్థానం వ్యాఖ్యానించింది. ఆనాడు భూములను దివానీ, సర్ఫేకాజ్, పట్టాలు అనే మూడు విభాగాలుగా గుర్తించిన నిజాంను అభినందించాలని పేర్కొంది.

ఆరోపణలు ఎదుర్కొన్నన్నప్పుడు అధికారులు కోర్టుకు సమాధానం చెప్పాల్సిందేనంటూ గతంలో సుప్రీంకోర్టు రాజ్యాంగ ధర్మాసనం సయ్యద్‌ యాకూబ్‌ కేసులో ఇచ్చిన తీర్పును హైకోర్టు ప్రస్తావించింది. భూదాన్‌ భూముల రక్షణ కోసం అధికారులు చర్యలు తీసుకోకపోవడంపై తీవ్ర అసంతృప్తి వ్యక్తం చేసింది. పేదల కోసం రామచంద్రారెడ్డి 300 ఎకరాలను వితరణ చేస్తే... గతంలో ఉన్న భూదాన్‌ బోర్డుతోసహా అధికారులు వాటిని స్వాహా చేశారని వ్యాఖ్యానించింది. తెలంగాణలో పేదలకు భూములను ఇచ్చిన ఎందరో గొప్ప వ్యక్తులు ఉన్నారని, అగ్రికల్చరల్‌ సీలింగ్‌ చట్టం అమల్లోకి వచ్చినప్పుడు మాజీ ప్రధాని పీవీ నరసింహారావు 500 ఎకరాలు ఇచ్చేశారని తెలిపింది.

  

భూదాన్‌ భూముల రక్షణలో గత బోర్డు సహా అధికారులు విఫలమయ్యారని మండిపడింది. ప్రస్తుత కేసులో 10 ఎకరాల భూమి భూదాన్‌ బోర్డుకు చెందినదని ధ్రువీకరించిన తర్వాత వారసత్వ ధ్రువీకరణ పత్రం ఎలా జారీ చేస్తారు? అని ప్రశ్నించింది. దీనిపై కౌంటరు దాఖలు చేయాలంటూ రెవెన్యూశాఖ ముఖ్య కార్యదర్శి, భూదాన్‌ యజ్ఞబోర్డు, వ్యక్తిగత హోదాలో గత కలెక్టర్‌ డి.అమోయ్‌కుమార్, అప్పటి డీఆర్‌వో ఆర్పీ జ్యోతితోపాటు మరో ఇద్దరు ప్రైవేటు వ్యక్తులకు నోటీసులు జారీ చేసింది.

రంగారెడ్డి జిల్లా మహేశ్వరం మండలం నాగారం గ్రామం సర్వే నం.182లో 10.29 ఎకరాలకు సంబంధించి ఖాదర్‌ ఉన్నీసా బేగమ్‌కు వారసత్వ ధ్రువీకరణ పత్రం జారీ చేయడాన్ని నవాబ్‌ ఫరూక్‌ అలీఖాన్‌ హైకోర్టులో సవాల్ చేశారు. దీనిపై జస్టిస్‌ సి.వి.భాస్కర్‌రెడ్డి విచారణ చేపట్టారు. పిటిషనర్‌ తరఫు లాయర్ వాదనలు వినిపిస్తూ గతంలో వీటిని భూదాన్‌ భూములుగా ఆర్డీవో ఉత్తర్వులు ఇస్తే, స్పెషల్‌ ట్రైబ్యునల్‌ సమర్థించిందని తెలిపారు. దీనికి విరుద్ధంగా అప్పట్లో ట్రైబ్యునల్‌కు నేతృత్వం వహించిన అధికారి.. కలెక్టర్‌ హోదాలో ఖాదర్‌ ఉన్నీసా బేగం పెట్టుకున్న అర్జీని ఆమోదించి పట్టాదారు పాస్‌బుక్‌ జారీ చేశారని వివరించారు.

అంతేకాదు, భూదాన్‌ భూములకు సంబంధించి యథాతథస్థితి కొనసాగించాలంటూ హైకోర్టు స్టే ఇచ్చినా పట్టించుకోలేదని వివరించారు. ఈ వాదనలను విన్న జస్టిస్ భాస్కరరెడ్డి.. భూములకు సంబంధించి వివాదం పెండింగ్‌లో ఉన్నప్పటికీ ఆలోచించకుండా పట్టాదారు పాస్‌ బుక్‌ జారీ చేయడం ఏంటి? అని విస్తుపోయారు. ఈ భూములపై యథాతథస్థితిని కొనసాగించాలని మధ్యంతర ఉత్తర్వులు జారీ చేశారు. దీనికి సంబంధించి పూర్తి వివరాలతో కౌంటర్లు దాఖలు చేయాలని ఆదేశిస్తూ ప్రతివాదులకు నోటీసులు జారీ చేస్తూ విచారణను 28కి వాయిదా వేశారు.

పెన్షన్లు ఇక వీరికే వారికి కోత
ఏపీ ప్రభుత్వం కీలక ప్రకటన చేసింది. ఏపీలో కొత్త పెన్షన్ల మంజూరుతో పాటుగా అనర్హులవి రద్దు దిశగా కసరత్తు జరుగుతోంది. కూటమి ప్రభుత్వం అధికారంలోకి వచ్చిన తరువాత పెన్షన్ రూ 4 వేలకు పెంచి అమలు చేస్తున్నారు. 26 రకాల పెన్షన్లు ప్రస్తుతం అందిస్తున్నారు. అయితే, కొత్త పెన్షన్ల కోసం ఎదురు చూస్తున్న వారికి ప్రభుత్వం క్లారిటీ ఇచ్చింది. పెన్షన్ల కొనసాగింపు పైన ప్రభుత్వం అసెంబ్లీ వేదికగా స్పష్టత ఇచ్చింది.

  


ఏపీ ప్రభుత్వం కొత్త పెన్షన్ల మంజూరు పైన కీలక నిర్ణయం తీసుకుంది. కూటమి ప్రభుత్వం అధికారంలోకి వచ్చిన తరువాత నెలకు రూ 4 వేలకు పెన్షన్ పెంచి అమలు చేస్తోంది. ప్రతీ నెలా ఒకటో తేదీన ఇంటి వద్దకు వెళ్లి అందిస్తోంది. ప్రస్తుతం ఏపీలో ఎన్టీఆర్‌ భరోసా పెన్షన్‌ కింద ప్రస్తుతం మొత్త 64,14,174 మంది పెన్షన్‌ అందుకుంటున్నారు. వీరిలో వృద్ధులతో పాటుగా, దివ్యాంగులు, తలసేమియా వ్యాధితో బాధపడుతున్న వారు ఉన్నారు. అదే సమయంలో గత ఏడాది కాలంగా కొత్త పెన్షన్ల మంజూరుకు పెద్ద సంఖ్యలో లబ్దిదారులు నిరీక్షిస్తున్నారు.

అసెంబ్లీలో కొత్త పెన్షన్ల మంజూరు పైన మంత్రి కొండపల్లి శ్రీనివాస్‌ స్పష్టత ఇచ్చారు. రాష్ట్రంలో అర్హులైన పెన్షన్‌దారులు డిసెంబర్ మొదటి వారం నుంచి దరఖాస్తు చేసుకోవచ్చని వెల్లడించారు. డిసెంబర్ 1 నుంచి సమీపంలోని గ్రామ, వార్డు సచివాలయంలో దరఖాస్తుకు అవకాశం కల్పిస్తా మని చెప్పారు. దీనికి సంబంధించి విధి విధానాలు త్వరలోనే ప్రకటిస్తామన్నారు. అదే విధంగా రాష్ట్రంలో దాదాపు మూడు లక్షల వరకు అర్హత లేని వారు పెన్షన్లు తీసుకుంటున్నట్లు అధికారులు గుర్తించినట్లు తెలుస్తోంది. దివ్యాంగుల పెన్షన్ల మంజూరులో అర్హత లేని వారికి లబ్ది అందుతున్నట్లు గుర్తించారు. వీరి వివరాలను ప్రభుత్వానికి సమర్పించారు.

  

రాష్ట్రంలో కొత్త పెన్షన్ల కోసం దాదాపు రెండు లక్షల మంది వేచి చూస్తున్నట్లు తెలుస్తోంది. అయితే, గత ఏడాది కాలంగా కొత్త పెన్షన్లు మంజూరు చేయలేదు. కొత్త పెన్షన్ల కోసం దరఖాస్తులు స్వీకరిం చి .. డిసెంబర్ నెలాఖరులో గా పరిశీలన పూర్తి చేయాలని ప్రభుత్వం భావిస్తోంది. జనవరిలో ప్రారంభించే జన్మభూమి -2 లో కొత్త పెన్షన్ల పంపిణీ ప్రారంభించాలని సూత్ర ప్రాయంగా నిర్ణయించారు. నకిలీ ధృవపత్రాలతో పెన్షన్లు అందుకుంటున్న వారిని గుర్తించి వారికి తెలిగించేలా అధికారులు కసరత్తు చేస్తున్నారు. ఇక, పెన్షన్లు రెండు నెలల వరకు తీసుకోని వారికి మూడో నెలలో మొత్తం కలిపి ఇవ్వాలని ప్రభుత్వం నిర్ణయించింది.

మండల పూజల కోసం నేడు తెరుచుకోనున్న శబరిమల
పశ్చిమ కనుమల్లోని పత్తనంతిట్టా జిల్లా ఉన్శ పవిత్ర పుణ్య క్షేత్రం శబరిమల అయ్యప్ప స్వామి ఆలయంలో రెండు నెలల పాటు సాగే మండల మకరు విళక్కు యాత్రా సీజన్ మొదలవుతోంది. ఈ సమయంలో స్వామి దర్శనం కోసం అయ్యప్ప దీక్షాదారులు వేలాదిగా తరలివస్తారు. గతేడాది భక్తుల సంఖ్య భారీగా ఉన్నా.. అందుకు తగ్గ ఏర్పాట్లు చేయలేదనే ఆరోపణలు వచ్చాయి. చాలా మంది దర్శనాలు చేసుకోకుండానే వెనుదిరిగారు. దీంతో ప్రస్తుతం పక్కా ఏర్పాట్లు చేశారు.

  


రెండు నెలల పాటు సాగే మండల మకరవిళక్కు పూజల కోసం శబరిమల అయ్యప్ప స్వామి ఆలయం సర్వం సిద్దమైంది. శుక్రవారం (నవంబరు 15న) సాయంత్రం 4 గంటలకు ఆలయ ద్వారాలు తెరుచుకోనున్నాయి. ఇందుకు సంబంధించిన ఏర్పాట్లు అన్నీ పూర్తిచేసినట్టు అధికారులు తెలిపారు. రోజుకు ఎంత మంది భక్తులను దర్శనాలకు అనుమతించేల అంశంపై రాష్ట్ర ప్రభుత్వం తుది నిర్ణయం తీసుకుందని చెప్పారు. ఆన్‌లైన్‌లో 70 వేల మంది, స్పాట్ బుకింగ్ ద్వారా 10 వేల మంది మొత్తం 80 వేల మందిని దర్శనాలకు అనుమతిస్తామని వెల్లడించారు

శబరిమల సహా పలు ఆలయాలను నిర్వహిస్తోన్న ట్రావెన్‌కోర్ దేవస్థానం బోర్డు (టీడీబీ) మధ్యాహ్నం 1 గంట నుంచి యాత్రికులకు ప్రవేశం కల్పిస్తున్నట్లు గురువారం ప్రకటించింది. ఆలయ తలుపులు తెరిచిన తర్వాత పూజారుల మార్పు సాయంత్రం 5 గంటలకు జరుగుతుందని తెలిపింది. కానీ, దర్శనాలు మాత్రం శనివారం ఉదయం మొదలవుతాయని, అప్పటి నుంచే మండల పూజల సీజన్ అధికారికంగా మొదలవుతుందని పేర్కొంది. మరోవైపు, వర్చువల్ క్యూ కోసం శుక్రవారం 30 వేల మంది భక్తులు ఆన్‌లైన్‌లో టిక్కెట్లు కొనుగోలు చేశారు. వారిని గురువారం 1 గంట తర్వాత పంబ నుంచి అనుమతిస్తారు. భక్తుల రద్దీ నేపథ్యంలో దర్శనాల సమయం కూడా పెంచారు. రోజుకు 18 గంటల పాటు దర్శనాలు ఉంటాయని టీడీబీ ఇప్పటికే ప్రకటించింది. పశ్చిమ కనుమల్లో 914 మీటర్ల ఎత్తులో ఉన్న శబరిమల అయ్యప్ప స్వామి సన్నిధానానికి పంబ నుంచి 4 కిలోమీటర్ల కాలినడక చేరుకోవాల్సి ఉంటుంది.

  

ఇక 10 ఏళ్లు నిండి.. 50 ఏళ్లలోపు మహిళలకు ఆలయ ప్రవేశం నిషేధం. స్వామి దర్శనానికి వచ్చే భక్తులు మండల కాలం అంటే 41 రోజుల పాటు దీక్ష చేపట్టి.. ఇరుమడితో వస్తారు. పావన పదునెట్టాంబడి (18 మెట్లు) మీదుగా స్వామిని దర్శించుకుంటారు. ఇరుముడి ఉన్నవారికే పదునెట్టాంబడి ఎక్కేందుకు అనుమతి ఉంటుంది. సాధారణ భక్తులకు పద్దెనిమిది మెట్లు ఎక్కడానికి అర్హత ఉండదు. వీరిని పక్కనే ఉన్న గేటు ద్వారా అనుమతిస్తారు.

ఇక మండల-మకర విళక్కు పూజల సీజన్ ఏర్పాట్లు, బందోబస్తుపై కేరళ డీజీపీ షేక్ దర్వైష్ సాహెబ్ గురువారం ఉన్నత న్థాయి సమీక్ష నిర్వహించారు. మొత్తం 14 వేల మంది పోలీసులతో పాటు వాలంటీర్లను భద్రత విధులు, యాత్రికుల సేవల కోసం మోహరిస్తున్నట్టు తెలిపారు. అలాగే, భక్తుల వాహనాల పార్కింగ్ స్లాట్లను 10 వేలకు పెంచారు. అలాగే, రెస్టారెంట్లు, హోటళ్లపై ధరల వివరాలను దక్షిణాది అన్ని భాషల్లోనూ డిసిప్లే చేయాలని అధికారులు ఆదేశించారు.

చలో కొడంగల్‌
కొడంగల్‌(Kodangal) ఫార్మా కోసం గిరిజనుల భూములను ప్రభుత్వం దౌర్జన్యంగా స్వాధీనం చేసుకోవాలనే ప్రయత్నాలను వెంటనే విరమించాలని గిరిజన సంఘాల జేఏసీ నేతలు రాష్ట్ర ప్రభుత్వాన్ని డిమాండ్‌ చేశారు. త నపై దాడి జరగలేదని జిల్లా కలెక్టర్‌ స్వయంగా ప్రకటించినప్పటికీ ప్రభుత్వం కుట్రపూరితంగా లంబాడీ రైతులపై అక్రమంగా కేసులు బనాయించి అరెస్టు చేసిందని ఆరోపించారు.

  


కొడంగల్‌(Kodangal) ఫార్మా కోసం గిరిజనుల భూములను ప్రభుత్వం దౌర్జన్యంగా స్వాధీనం చేసుకోవాలనే ప్రయత్నాలను వెంటనే విరమించాలని గిరిజన సంఘాల జేఏసీ నేతలు రాష్ట్ర ప్రభుత్వాన్ని డిమాండ్‌ చేశారు. త నపై దాడి జరగలేదని జిల్లా కలెక్టర్‌ స్వయంగా ప్రకటించినప్పటికీ ప్రభుత్వం కుట్రపూరితంగా లంబాడీ రైతులపై అక్రమంగా కేసులు బనాయించి అరెస్టు చేసిందని ఆరోపించారు. గిరిజన రైతులపై పెట్టిన అక్రమ కేసులను ఉపసంహరించుకొని అందరిని విడుదల చేయాలని డిమాండ్‌ చేశారు.

గురువారం బాగ్‌లింగంపల్లి(Baglingampalli)లోని సుందరయ్య విజ్ఞాన కేంద్రంలో గిరిజన సంఘాల జేఏసీ ఆధ్వర్యంలో ‘కొడంగల్‌ ఫార్మా- భూముల కేటాయింపు’ అనే అంశంపై రౌండ్‌ టేబుల్‌ సమావేశం నిర్వహించారు. ఈ సందర్భంగా సేవాలాల్‌సేన వ్యవస్థాపక అధ్యక్షుడు భూక్యా సంజీవ్‌నాయక్‌(Bhukya Sanjeev Nayak), ప్రొఫెసర్‌ నారాయణ, గణేష్ నాయక్‌, మోతీలాల్‌, శంకర్‌నాయక్‌తో పాటు పలువురు మాట్లాడారు.

  

ఫార్మాసిటీ కోసం గిరిజనుల వ్యవసాయ భూములను తీసుకునే అధికారం ప్రభుత్వానికి లేదన్నారు. వచ్చే సోమవారం ప్రత్యేక సమావేశాన్ని ఏర్పాటు చేసి భవిష్యత్‌ కార్యాచరణ ప్రకటించి గిరిజనుల చలో కొడంగల్‌ కార్యక్రమాన్ని నిర్వహిస్తామని ప్రకించారు. సమావేశంలో గిరిజన జేఏసీ నాయకులు రాంబాబు నాయక్‌, రాజునాయక్‌, హరినాయక్‌, రాథోడ్‌, విద్యాకృష్ణ, శ్రీనివా్‌సనాయక్‌, కల్యాన్‌నాయక్‌, మోహన్‌, బిక్షనాయక్‌ పాల్గొన్నారు.

రాం గోపాల్ వర్మకు షాక్
కాంట్రవర్సీలకు కేరాఫ్ అడ్రస్ అయిన రాం గోపాల్ వర్మ కు ఏపీ ప్రభుత్వం షాక్ ఇచ్చింది. టాలీవుడ్ సెన్సేషనల్ డైరెక్టర్ రామ్ గోపాల్ వర్మపై పోలీస్ స్టేషన్లో కేసు నమోదయింది. ప్రకాశం జిల్లా మద్దిపాడు మండలం పోలీస్ స్టేషన్ లో ఐటీ చట్టం కింద రామ్ గోపాల్ వర్మ పైన పోలీసులు కేసు నమోదు చేశారు.

  


అయితే రాంగోపాల్ వర్మ పైన మద్దిపాడు టిడిపి మండల ప్రధాన కార్యదర్శి రామలింగం ఫిర్యాదు మేరకు పోలీసులు కేసు నమోదు చేసినట్టుగా తెలుస్తుంది. వ్యూహం సినిమా ప్రమోషన్లలో భాగంగా టిడిపి అధినేత చంద్రబాబు నాయుడు పైన, లోకేష్, నారా బ్రాహ్మణి పైన వారి వ్యక్తిత్వాన్ని కించపరిచే విధంగా రాంగోపాల్ వర్మ సోషల్ మీడియాలో పోస్టులు పెట్టారు.

ఇక ఈ పోస్టులపైన మద్దిపాడు టిడిపి మండల ప్రధాన కార్యదర్శి పోలీస్ స్టేషన్లో ఫిర్యాదు చేశారు. ఈ ఫిర్యాదు ఆధారంగా పోలీసులు ఐటీ చట్టం కింద కేసు నమోదు చేసి దర్యాప్తు చేస్తున్నారు. కాగా గతంలో వైసిపి ప్రభుత్వానికి మద్దతుగా వైయస్ జగన్మోహన్ రెడ్డి కోసం రాంగోపాల్ వర్మ చంద్రబాబును పదేపదే టార్గెట్ చేశారు. ఏకంగా చంద్రబాబును నెగిటివ్ క్యారెక్టర్ గా తన సినిమాలలో చూపిస్తూ వ్యక్తిత్వ హననానికి పాల్పడ్డారు.

  

సోషల్ మీడియాలో కూడా చంద్రబాబును పదేపదే టార్గెట్ చేసి తీవ్ర స్థాయిలో చంద్రబాబుపై అభ్యంతరకర వ్యాఖ్యలు చేశారు. ఇదిలా ఉంటే ఇప్పటికే చంద్రబాబు, పవన్, లోకేష్ ల పైన అనుచిత వ్యాఖ్యలు చేసి పోస్టులు పెట్టిన వైసిపి కార్యకర్తలను అరెస్టులు చేస్తున్నారు. సోషల్ మీడియా వేదికగా రెచ్చిపోతున్న వారి భరతం పడుతున్నారు.

రాం గోపాల్ వర్మకు పోలీసుల షాక్
ఈ క్రమంలోనే తాజాగా ఏపీ పోలీసులు రాంగోపాల్ వర్మ కి కూడా షాక్ ఇచ్చి ఆయన పైన కేసు నమోదు చేసి దర్యాప్తు మొదలుపెట్టారు. మరి ఈ వ్యవహారంలో ముందు ముందు ఏం జరగబోతుందో ప్రకాశం జిల్లా పోలీసులు కేసు నమోదు చేయడం పైన రామ్ గోపాల్ వర్మ ఎలా రియాక్ట్ అవుతారో అన్నది తెలియాల్సి ఉంది.

ప్రజ్వల్ రేవణ్ణకు షాకిచ్చిన సుప్రీంకోర్టు
మహిళలు, యువతులపై లైంగిక దౌర్జన్యాలకు పాల్పడినట్టు ఆరోపణలు ఎదుర్కొంటున్న హసన మాజీ ఎంపీ ప్రజ్వల్ రేవణ్ణకు సుప్రీంకోర్టు ఝలక్ ఇచ్చింది. ఈ కేసులో ప్రజ్వల్‌కు బెయిల్ ఇవ్వడానికి నిరాకరించింది. అంతేకాదు, ఇవి చాలా తీవ్రమైన ఆరోపణలని ధర్మాసనం వ్యాఖ్యానించింది. హసన మాజీ ఎంపీతో పాటు ఆయన తండ్రిపై ఆరోపణలు రావడంతో అరెస్టయ్యారు. కానీ, అతడికి కోర్టు బెయిల్ ఇచ్చింది. లోక్‌సభ ఎన్నికల సమయంలో ప్రజ్వల్ వ్యవహారం వెలుగులోకి వచ్చిన విషయం తెలిసిందే.

  


మహిళలు, యువతులపై లైంగిక దౌర్జన్యాలకు పాల్పడినట్టు ఆరోపణలు ఎదుర్కొంటున్న మాజీ ప్రధాని దేవెగౌడ మనవడు, జేడీఎస్ నేత ప్రజ్వల్ రేవణ్ణకు సుప్రీంకోర్టులోనూ చుక్కెదరయ్యింది. ఈ కేసులో ప్రజ్వల్‌కు బెయిల్ ఇవ్వడానికి సర్వోన్నత న్యాయస్థానం నిరాకరించింది. అంతేకాదు, ఇవి చాలా తీవ్రమైన ఆరోపణలని వ్యాఖ్యానించింది. ఆయన బెయిల్ పిటిషన్‌ను తిరస్కరించింది. సార్వత్రిక ఎన్నికల సమయంలో ప్రజ్వల్ వీడియోలు వెలుగులోకి రావడంతో దేశవ్యాప్తంగా ఇది సంచలనంగా మారింది. వందల మందిపై అత్యాచారాలకు పాల్పడి... వాటిని వీడియోలు తీసినట్టు ఆరోపణలు ఎదుర్కొంటున్నారు.

ఈ కేసులో ట్రయల్ కోర్టు ఆయనకు బెయిల్ నిరాకరించడంతో హైకోర్టును ఆశ్రయించారు. కర్ణాటక హైకోర్టు కూడా బెయిల్ ఇవ్వడానికి ససేమిరా అంది. దీంతో రేవణ్ణ అత్యున్నత న్యాయస్థానంలో పిటిషన్ దాఖలు చేశారు. దీనిపై సోమవారం విచారణ చేపట్టిన జస్టిస్ బేలా ఎం త్రివేది, జస్టిస్ సతీశ్ చంద్ర శర్మలతో కూడి ధర్మాసనం.. వచ్చిన ఆరోపణలు చాలా తీవ్రమైనవి వ్యాఖ్యానించింది.

  

రేవణ్ణ తరఫున సీనియర్ న్యాయవాది ముకుల్ రోహత్గీ వాదనలు వినిపించారు. ఈ కేసులో ఛార్జ్‌షీట్ వేశారు కానీ, ప్రాథమిక ఫిర్యాదులో ఐపీసీ సెక్షన్ 376 కింద కేసు నమోదుచేయలేదన్నారు. దీనికి ధర్మాసనం స్పందిస్తూ.. అక్టోబరు 21న కర్ణాటక హైకోర్టు ఇచ్చిన ఉత్తర్వుల్లో జోక్యం చేసుకోలేమని తేల్చిచెప్పింది. అరెస్ట్ అయిన ఆరు నెలల తర్వాత కోర్టును ఆశ్రయించే అవకాశం కల్పించాలని రోహత్గీ కోరారు. అయితే దాని గురించి ఏమీ చెప్పలేమని బెంచ్ పేర్కొంది. అనంతరం అతని పిటిషన్‌ను కొట్టివేసింది.

ప్రజ్వల్ రేవణ్ణ లైంగిక దాడులు, అత్యాచారాలపై విచారణకు కర్ణాటక ప్రభుత్వం సిట్‌ను ఏర్పాటుచేసిన విషయం తెలిసిందే. మాజీ ప్రదాని మనవడిపై వచ్చిన ఫిర్యాదులు ఆధారంగా నాలుగు కేసులు నమోదయ్యాయి. ఈ కేసుల్లో విచారణ పూర్తిచేసిన సిట్.. ఆగస్టులో 2,144 పేజీలతో కూడిన ఛార్జ్‌షీట్‌ను కోర్టుకు సమర్పించింది. ప్రజ్వల్‌తో పాటు ఆయన తండ్రి, హోళినరిసిపుర ఎమ్మెల్యే హెచ్‌డీ రేవణ్ణపై కూడా లైంగిక వేధింపులు, కిడ్నాప్ వంటి ఆరోపణల్లో అరెస్టయ్యారు. ఆయనకు ప్రజా ప్రతినిధుల కోర్టు బెయిల్ ఇవ్వడంతో బయట ఉన్నారు.