అనకాపల్లిలో షాకింగ్ ఘటన  ఏటీఎంలో దూరిన నాగుపాము తృటిలో తప్పిన ప్రమాదం 
 
ఆంధ్రప్రదేశ్‌లోని అల్లూరి జిల్లా లోని ఓ ఏటీఎంలో షాకింగ్  సంఘటన ఆదివారం నాడు ఆంధ్రప్రదేశ్‌లోని అల్లూరిలో జరిగింది,  ఇక్కడ ఓ వ్యక్తి డబ్బులు డ్రా చేసేందుకు ఏటీఎంలోకి ప్రవేశించాడు. ఏటీఎం కార్డును మెషీన్‌లో పెట్టగానే శబ్దం ఆ వ్యక్తి పెద్దగా పట్టించుకోలేదు. ఆపై అతను తన పిన్ కోట్‌ను నమోదు చేశాడు. ఆ వింత శబ్దం మరోసారి వచ్చింది ఇక్కడ ఏదో తప్పు జరిగినట్లు. ఆ వ్యక్తి వెనుదిరిగిన వెంటనే అరిచాడు.



అతని ముందు  నాగుపాము ఉంది. ఎలాగోలా ఆ వ్యక్తి  కేకలు విని చుట్టుపక్కల వారు కూడా అక్కడికి చేరుకున్నారు. వెంటనే పోలీసులకు, రెస్క్యూ టీమ్‌కు సమాచారం అందించారు. అప్పటి వరకు పాము బయటకు రాకుండా ఏటీఎం తలుపులు మూసి ఉంచారు. దీని తరువాత, చాలా శ్రమ తర్వాత, పామును రక్షించి అడవిలోకి విడిచిపెట్టారు.



మరణం నా ముందు కనిపించింది'



అయితే ఈ ఘటన తర్వాత ఈ ఏటీఎం వద్దకు వెళ్లేందుకు కూడా ప్రజలు వెనుకాడుతున్నారు. నాగుపాము ఇక్కడికి ఎలా వచ్చిందని పోలీసులు ఆరా తీస్తున్నారు. ఇది ఎవరి అల్లరి? మరోవైపు, ఆ వ్యక్తి తనకు జరిగిన విషయాన్ని చెప్పాడు. వ్యక్తి చెప్పాడు- నేను ATM లోకి ప్రవేశించిన వెంటనే, నాకు అప్పటికే ఏదో శబ్దం వినిపిస్తోంది. అయితే అది ఏసీ సౌండ్ అని అనుకున్నాను. తర్వాత సౌండ్ చాలా బిగ్గరగా రావడం మొదలైంది. నేను వెనక్కి తిరిగిన వెంటనే, నా పరిస్థితి మరింత దిగజారింది. ఆ నాగుపాము నన్ను కాటు వేయబోతుంది. ఎలాగోలా అతని నుంచి నా ప్రాణాన్ని కాపాడుకున్నాను. ఆ సమయంలో నాకు ఎదురుగా మృత్యువు కనిపించింది.



పాము ఎవరినైనా కాటేస్తే...



స్నేక్ క్యాచర్ వాసు మాట్లాడుతూ- ఫోన్ చేసి ఇక్కడికి పిలిచారు. నాగుపామును పట్టుకుని అడవిలో వదిలేశాను. అయితే ఆ నాగుపాము చాలా విషపూరితమైనది. అది ఎవరినైనా కరిచి ఉంటే ఆ వ్యక్తి మరణం ఖాయం. ఎండ వేడిమి కారణంగా నాగుపాము ఇక్కడి ఏటీఎంలోకి ప్రవేశించి ఉండవచ్చు. ఎందుకంటే ఇక్కడ ఏసీ నడుస్తూనే ఉంటుంది. లేకపోతే, ఇది కూడా ఎవరి అల్లరి కావచ్చు. పోలీసులు మాట్లాడుతూ- నాగుపాము ఇక్కడికి ఎలా వచ్చిందో తెలుసుకోవడానికి శాయశక్తులా ప్రయత్నిస్తున్నాం.

డిప్యూటీ సీఎం పవన్ కళ్యాణ్ కామెంట్స్

 
 
  
  

  
చిన్న వయసు నుండీ సనాతన ధర్మాన్ని పాటించే వాళ్ళం.. మా కుటుంబం ఆంజనేయ స్వామికి పరమ భక్తులం.. అన్ని మతాలను ఈ దేశం సమానంగా తీసుకుంది.. వైసీపీలో హిందువులే దేవాలయాలకు నష్టం జరుగుతుంటే పట్టించుకోలేదు.. భూమన కరుణాకరరెడ్డి బాధ్యత తీసుకున్నప్పుడు కాపాడాల్సిన అవసరం ఉంది.. భూమన కరుణాకరరెడ్డి తిరుమల వెళ్లి హై డ్రామా క్రియేట్ చేస్తున్నాడు.. విచారణ కు రావాలి అంటే వైవీ సుబ్బారెడ్డి రికార్డ్స్ కావాలి అంటున్నాడు.. మీరు మాకు ఇచ్చారా..? వైవీ సుబ్బారెడ్డి విచారణకు సిద్ధంగా ఉండాలి.. ధర్మారెడ్డి ఇష్టానుసారంగా ఎలా వ్యవహరించాడో నేను దర్శనానికి వెళ్ళినప్పుడు చూశా.. ధర్మారెడ్డి అడ్రెస్స్ లేడు.. ఇంత జరుగుతుంటే ఏమయ్యాడు..? కొడుకు చనిపోతే నిబంధనలకు విరుద్ధంగా తిరుమల కు వెళ్ళాడు.. వైఎస్ జగన్ ను నేను బ్లేమ్ చెయ్యడం లేదు.. తప్పు జరిగితే ఒప్పుకోవాలి కదా.. తిరుమల తో ఆటలు ఆడతామా.. అన్ని ఆధారాలు ఉన్నాయి.. నన్ను విమర్శించే వైసిపి వాళ్ళకి చెప్తున్నా.. గొడవ పెట్టుకోవాలి అంటే ఎంత గొడవకి అయినా సిద్ధం.. సెక్యులరిజం అనేది ఒకే సైడ్ ఉంటే కుదరదు.. అన్ని సైడ్ లనుండి రావాలి.. సాటి హిందువులే..తోటి హిందువులను తిడుతున్నారు.. మసీదు, చర్చిలో ఇలానే జరిగితే వైసిపి వాళ్ళు ఇలానే మాట్లాడతారా..? పొన్నవోలు పొగరుగా మాట్లాడుతున్నారు.. నోటికొచ్చినట్లు మాట్లాడుతున్నాడు.. పొన్నవోలు మధమెక్కింది అందుకే ఇలా మాట్లాడుతున్నాడు.. వైసిపి నాయకులకు చెప్తున్నా.. సనాతన ధర్మం జోలికి రాకండి.. హిందువుల గురించి మాట్లాడితే ప్రకాష్ రాజ్ కి సంబంధం ఏంటి..? ఏమీ పిచ్చి పట్టింది మీకు.. హిందువుల అవమానం జరిగితే మాట్లాడటం తప్పా..? సనాతన ధర్మం పై ఎవడి ఇష్టం వచ్చినట్టు వాడు మాట్లాడుతున్నాడు.. సనాతన ధర్మ పరిరక్షణ బోర్డు ఉండాలి.. సనాతన ధర్మం కోసం చనిపోడానికి అయినా సిద్ధం.. వైసీపీలో హిందువులు మౌనం వీడండి.. తారలు నాశనం అయిపోతాయి దేవుడితో ఆటలు వద్దు.. మా సినిమా అభిమానులు సనాతన ధర్మాన్ని పాటించండి. అందరి సినిమా హీరో లు ధర్మం కోసం మాట్లాడండి.. హిందువులు అంటే మెత్తని మనుషులు అందుకే హేళన చేస్తున్నారు.. సినిమా రంగానికి చెందిన వాళ్ళు ఈ ఇష్యూ గురించి మాట్లాడితే మద్దతుగా మాట్లాడండి లేకుంటే నోరు మూసుకుని కూర్చోండి.. #AndhraPradesh #Pawanakalyan #TirumalaLaddu #TirupatiLaddu #SanatanaDharma #G NEWS
 
 

తిరుపతిలో వృద్ధురాలి గొంతు కోసి దారుణ హత్య 


మరో ముగ్గురికి తీవ్ర గాయాలు
తిరుపతి జిల్లా కేంద్రంలోని రాయల్ నగర్ లో గురువా రం సాయంత్రం దారుణం జరిగింది. 

ఇంటిలో చొరబడ్డ అగంత కుడు 67 ఏళ్ల జయలక్ష్మి అనే వృద్ధురాలిని హత్య చేశాడు. ఆమె మనవరాలు 14 ఏళ్ల మైనర్ బాలికపై కూడా కత్తితో దాడికి పాల్పడ్డాడు. ఆసుపత్రిలో చికిత్స పొందుతున్న బాలిక పరిస్థితి విషమంగా ఉన్నట్లు వైద్యులు తెలిపారు. 

ఈ ఘటనకు సంబంధించి కేసు నమోదు చేసుకున్న పోలీసులు దర్యాప్తు చేపట్టారు.ముఖానికి మాస్క్ వేసుకుని ఇంటిలోకి చొరబడిన దుండగుడు దారుణానికి ఒడిగట్టాడు. ఆగంతకుడు ఎందుకు ఈ దారుణానికి ఒడి గట్టాడన్న దానిపై పోలీసుల విచారణ కొనసాగుతుంది. 

తిరుపతి రాయల్ నగర్ లో సంచలనంగా మారిన ఈ ఘటనపై పోలీసులు కూడా దర్యాప్తు ప్రారంభించారు. ఘటన స్థలాన్ని పరిశీలిం చిన ఎస్పీ సుబ్బరాయుడు, ఎమ్మెల్యే ఆరని శ్రీనివాసులు దారుణంపై ఆరా తీశారు.

తిరుపతి రాయల్ నగర్‌ లోని తిలక్ రోడ్డులోని బసవయ్య అండ్ కో యజమాని శ్రీనివాసరావు ఇంట్లోకి చొరబడ్డాడు అగంతకుడు. శ్రీనివాసరావు తల్లి జయలక్ష్మి, ఆయన భార్య సురక్ష, ఇద్దరు కూతుళ్లు ప్రేరణ, నియాతి, లపై కత్తితో దాడికి పాల్పడి నట్లు గుర్తించారు. 

కాగా వృద్ధురాలు జయలక్ష్మి అక్కడికక్కడే మృతి చెందగా మనవరాలు 14 ఏళ్ల మైనర్ బాలిక గొంతుపై కత్తితో దాడి జరిగినట్లు గుర్తించారు. 

దాడి చేసి పారిపోతున్న అగంతకుడు అదే సమ యంలో బయటకు వెళ్లి ఇంటి తిరిగి వచ్చిన శ్రీనివా సరావు భార్య సురక్ష, పెద్ద కూతురు ప్రేరణ పై కూడా దాడికి పాల్పడ్డాడు. 

మెట్లు ఎక్కుతూ ఎదురు వచ్చిన ఇద్దరిపైనా కత్తి దాడికి ప్రయత్నం చేశాడని పోలీసులు చెబుతున్నారు.. అయితే ఈ దారుణానికి ఒడిగట్టిన హంతకుడు పక్కింటి యువకుడిగా పోలీసులు అనుమానిస్తు న్నారు. 

సిసి ఫుటేజీ ఆధారంగా దాడికి పాల్పడిన యువ కుడిని గుర్తించినట్లు పోలీసు లు చెబుతున్నారు. ఈ మేరకు పోలీసులు గాలింపు చర్యలు చేపట్టారు.

జేసీ ప్రేమిస్తే ప్రాణమిస్తారు.. వంచిస్తే ఎత్తి అవతల పడేస్తారు
  జేసీ దివాకర్ రెడ్డి తన ఇంట్లో ప్రజల్ని కలుస్తున్న సమయంలో  శ్రీనివాసులు అనే మాజీ టీడీపీ నేత ఆయన వద్దకు వచ్చారు. గత ఎన్నికల్లో ఓడిన తర్వాత పెద్దారెడ్డి పంచన  చేరి జేసీపైనే విమర్శలు చేశారు ఈ శ్రీనివాసులు.   ఇప్పుడు టీడీపీ గెలవడంతో మళ్లీ ఆయన జేసీ వద్దకు వచ్చి.. టీడీపీలో చేరుతానన్నారు. కానీ జేసీ మాత్రం..బయటకు పంపేశారు. ఆయన వెళ్లనంటే .. జేసీ అనుచురులు ఇలా కాళ్లు, చేతులు పట్టుకుని తీసుకెళ్లి బయట పడేసి వచ్చారు. 

త్వరలోనే ఆలయాలకు కొత్త పాలకమండళ్లు: మంత్రి
రాష్ట్రంలోని ఎనిమిది ప్రధాన దేవాలయాల్లో సౌకర్యాలు, అభివృద్ధి కార్యక్రమాలు ఇతర అంశాలపై సమీక్ష చేస్తున్నట్లు ఏపీ దేవాదాయశాఖ మంత్రి ఆనం రాంనారాయణ రెడ్డి తెలిపారు. 

త్వరలోనే అన్ని ఆలయాలకు కొత్త పాలకమండళ్లు ఏర్పాటు చేయనున్నట్టు చెప్పారు. ప్రభుత్వం మారిన తర్వాత అప్పటి వరకు కొనసాగిన పాలకమండళ్ల సభ్యులు తమ పదవీకాలంతో సంబంధం లేకుండా రాజీనామాలు చేయడం నైతిక విలువలు పాటించడం అవుతుందని తెలిపారు.

AP : బాలికపై ముగ్గురు మైనర్ల అత్యాచారం, హత్య
నంద్యాల జిల్లా పగిడ్యాల మండలం ముచ్చుమర్రిలో బాలిక (8) అదృశ్యం ఘటన కలకలం రేపింది. ఆమె తండ్రి ఫిర్యాదు మేరకు ముగ్గురు మైనర్ బాలురను అదుపులోకి తీసుకుని పోలీసులు విచారించారు. 

బాలిక ఆడుకుంటుండగా సమీపంలోని ఎత్తిపోతల పథకం వద్దకు తీసుకెళ్లామని.. అనంతరం అత్యాచారం చేసినట్లు నిందితులు అంగీకరించారు. ఈ విషయం బయటపడుతుందనే భయంతో బాలికను కాల్వలోకి తోసేశామని తెలిపారు. బాలిక ఆచూకీ కోసం పోలీసులు గాలిస్తున్నారు.

AP : ట్రిపుల్ ఐటీలో గంజాయి.. మంత్రి లోకేశ్ ఆగ్రహం







వైఎస్సార్ జిల్లా ఇడుపులపాయ ట్రిపుల్ ఐటీలో గంజాయి కలకలం రేపింది. దీనిపై సమగ్ర విచారణ జరపాలని అధికారులపై మంత్రి లోకేశ్ ఆగ్రహం వ్యక్తంచేశారు

 గంజాయిని ప్రోత్సహించే స్థానిక నాయకులపైనా కఠిన చర్యలకు ఆదేశించారు. దీనిపై మంత్రిని విద్యార్థుల తల్లిదండ్రులు కలిశారు. విద్యాలయాల్లో గంజాయి ఆనవాళ్లు లేకుండా చేస్తామని మంత్రి వారికి హామీ ఇచ్చారు. సమస్యను పరిష్కరించి విద్యార్థుల భవిష్యత్తు కాపాడతామని తెలిపారు.

AP : జగన్ అక్రమాస్తుల కేసులో కీలక పరిణామం

 
 
  
  
 జగన్ అక్రమాస్తుల కేసులో కీలక పరిణామం చోటుచేసుకుంది. జగన్పై ఉన్న కేసుల గురించి దాఖలైన పిటిషన్పై హైకోర్టు విచారణ చేపట్టింది. సీబీఐ కోర్టులో ఉన్న జగన్ కేసులను రోజువారీగా విచారించాలని హైకోర్టు ఆదేశించింది. 
  

  
జగన్ కేసులపై గతంలో హరిరామజోగయ్య హైకోర్టులో పిటిషన్ వేశారు. దీనిపై వాదనలు వినిపించిన ప్రభుత్వ న్యాయవాది కోర్టులో దర్యాప్తు కొనసాగుతోందని తెలిపారు. తదుపరి విచారణను హైకోర్టు 3వారాలకు వాయిదా వేసింది.
 

నా గుండె వేయి ముక్కలైంది: షర్మిల

 
 
  
  
 యూపీలోని హథ్రాస్ లో జరిగిన తొక్కిసలాట ఘటనపై ఏపీసీసీ అధ్యక్షురాలు షర్మిల స్పందించారు. “ఈ ఘటన నా హృదయాన్ని వేయి ముక్కలు చేసింది. ఈ దుఃఖాన్ని వ్యక్తీకరించేందుకు నాకు పదాలు దొరకడం లేదు.
  

  
 ఘటనలో మృతి చెందిన వారి కుటుంబాలకు నా ప్రగాఢ సానుభూతి తెలుపుతున్నా. యూపీ సీఎం యోగి నిరంకుశ పాలనవల్లే ఈఘటన జరిగింది. దీనిపై కేంద్ర విచారణ జరిపించాలి” అని ట్వీట్ చేశారు.
 

AP : నాసిరకం విత్తనాలకు చెక్... - విక్రయిస్తే కఠిన చర్యలకు సీఎం ఆదేశాలు...

 
 
  
  
 రాష్ట్రవ్యాప్తంగా పంటల సాగులో ఇబ్బందులు తలెత్తకుండా చర్యలు తీసుకోవాలని సీఎం చంద్రబాబు ఆదేశించారు. "నకిలీ విత్తనాలకు చెక్ పెట్టాలి. అనుమతి లేని, నాసిరకం విత్తనాలు విక్రయిస్తే కఠిన చర్యలు తీసుకోవాలి.
  

  
 రాష్ట్రవ్యాప్తంగా సహకార సంఘాల ద్వారా ఎరువుల పంపిణీకి ఏర్పాట్లు చేయాలి. ఖరీఫ్ లో 4 లక్షల భూసార పరీక్షలు చేయాలి. ప్రకృతి వ్యవసాయం, బిందు సేద్యం ప్రోత్సహించి సాగు విస్తీర్ణం పెంచాలి" అని అధికారులను ఆదేశించారు.