కవిత బెయిల్ పిటిషన్ వాయిదా...
FLASH: కవిత బెయిల్ పిటిషన్ వాయిదా
ఢిల్లీ లిక్కర్ స్కామ్ కేసులో MLC కవిత బెయిల్
పిటిషన్ ఈ నెల 27వ తేదీకి వాయిదా పడింది.
ఈ కేసులో కవిత పాత్ర గురించి దర్యాప్తు సంస్థ
చెప్పిన విషయాలపై కవిత తరఫున
న్యాయవాది కోర్టుకు వివరించారు. దీనికి
సంబంధించి ఆదివారం సాయంత్రం లోపు
కౌంటర్ కాపీని కవిత న్యాయవాదికి మెయిల్
ద్వారా ఇవ్వాలని ED, CBIని హైకోర్టు
ఆదేశించింది.

హైదరాబాద్‌లో దారుణం! 16 ఏళ్ల బాలికపై ర్యాపిడో డ్రైవర్ అత్యాచారం!
హైదరాబాద్‌లో దారుణం! 16 ఏళ్ల బాలికపై ర్యాపిడో డ్రైవర్ అత్యాచారం!

  


 చిన్న పిల్లల దగ్గర నుండి పెద్ద వాళ్ల వరకు ప్రతి ఒక్కరి చేతిలో ఉండే ఆయుధంగా మారింది సెల్ ఫోన్. ఇది లేకుంటే పూట గడవడం కష్టంగా మారింది. ముఖ్యంగా టీనేజ్ పిల్లలు దీనికి బాగా ఎడిక్ట్ అవుతున్నారు. దీంతో పెరేంట్స్ కు పెద్ద తలనొప్పిగా మారింది.

హైదరాబాద్‌లో దారుణం! 16 ఏళ్ల బాలికపై ర్యాపిడో డ్రైవర్ అత్యాచారం!

పొద్దున లేస్తూనే ఫోన్. అర్థరాత్రి వరకు ఆ మాయ పేటికలోనే సమయం గడిపేస్తున్నారు పిల్లలు, పెద్దలు. ముఖ్యంగా టీనేజ్, యూత్ యువతీ యువకులు అందులో తలమునకలు అయిపోతున్నారు. ఇంట్లో తల్లిదండ్రులకు హెల్ప్ చేయకుండా అస్తమాను ఫోన్ పట్టుకుని కూర్చుంటారు. అంతే కాకుండా వయస్సుకు మించి వ్యవహారాలను ఫోనులో చక్కబెడుతున్నారు. నిండా 18 సంవత్సరాలు నిండని అమ్మాయిలు, అబ్బాయిలు.. సెల్ ఫోనులో చాటింగ్, ఫోన్స్ అంటూ గంటలు గంటలు గడిపేస్తున్నారు. దీంతో తల్లిదండ్రులు మందలిస్తుంటారు. తల్లిదండ్రులు కోప్పడడటం ఆలస్యం అన్నం మీద అలిగి కూర్చుంటారు కొంత మంది పిల్లలు. మరికొంత మంది అయితే ఇంట్లో నుండి కోపంతో వెళ్లిపోతుంటారు. వీరిని వెతికి వెతికి పట్టుకొస్తుంటారు పెరేంట్స్. అరవమని, కోప్పడమని సర్ది చెబితే తిరిగి వస్తుంటారు. అలా ఇంట్లో నుండి వెళ్లిపోయిన అనేక మంది పిల్లలు అనాధలుగా బతుకుతుంటారు.



మగ పిల్లలది ఒక దారైతే.. ఆడ పిల్లల పరిస్థితి అధ్వానం. అందులోనూ ఈడొచ్చిన ఆడ పిల్ల బయటకు వెళితే పరిస్థితి ఊహించని పరిణామాలు ఎదుర్కొవలసి వస్తుంది. తాజాగా సికింద్రాబాద్‌లో ఈ తరహా ఘటనే వెలుగు చూసింది. గంటల తరబడి ఫోనులో మాట్లాడుతుందని తల్లిదండ్రులు మందలించడంతో సికింద్రాబాద్‌కు చెందిన 16 ఏళ్ల బాలిక ఇంట్లో నుండి పారిపోయింది. బయటకు వెళ్లాక.. ఆమెకు ర్యాపిడో డ్రైవర్ సందీప్ రెడ్డితో పరిచయం ఏర్పడింది. ఆమె వివరాలు తెలుసుకున్న సందీప్.. ఇదే అదునుగా భావించి.. ఆమెకు మాయ మాటలు చెప్పాడు. రోడ్డు మీద ఉండటం మంచిది కాదంటూ కల్లబొల్లి కబుర్లు చెప్పి కాచిగూడలోని ఓ లాడ్జికి తీసుకెళ్లాడు.



అతడి దురుద్దేశం తెలియని బాలిక.. ర్యాపిడో డ్రైవర్ సందీప్‌తో కలిసి లాడ్జికి వెళ్లింది. అక్కడకు వెళ్లాక ఆమెపై అత్యాచారానికి ఒడిగట్టాడు సందీప్. దీంతో ఆమె ఏడ్చుకుంటూ తన కుటుంబ సభ్యులకు సమాచారం అందించింది. దీనిపై పోలీసులకు ఫిర్యాదు చేశారు ఆమె పేరెంట్స్. పోలీసులు ర్యాపిడో డ్రైవర్ సందీప్ రెడ్డిని అదుపులోకి తీసకుని విచారిస్తున్నారు. అతడిపై పోక్సోతో పాటు పలు ఆ8కేసులు నమోదు చేసినట్లు తెలుస్తుంది. ఇటీవల కాలంలో ర్యాపిడో, ఊబర్ డ్రైవర్స్ మహిళల పట్ల అనుచితంగా ప్రవర్తిస్తున్న ఘటనలు వెలుగులోకి వచ్చిన సంగతి విదితమే. మహిళా ప్రయాణీకులతో వియర్డ్ బిహేవియర్‌తో ఇబ్బందులకు గురి చేస్తున్నారు. పలు ఘటనలు బయటకు వచ్చాయి. ఆటో, బైక్స్, క్యాబ్స్ ల్లో ఆడ పిల్లలపై అఘాయిత్యాలు జరిగిన ఘటనలు దేశాన్ని కుదిపేసిన సంగతి విదితమే.

ప్రముఖ స్వాతంత్ర సమరయోధుడు,సిపిఎం సీనియర్ నేత పెన్నా అనంతరామ శర్మ మృతి...
సిపిఎం సీనియర్ నేత పెన్నా అనంతరామ శర్మ మృతి.
 నల్గొండ 
 ప్రముఖ స్వాతంత్ర సమరయోధుడు, సిపిఎం సీనియర్ నేత పెన్నా అనంతరామశర్మ (90) కొద్దిసేపటి క్రితం మృతి చెందారు. 

  


నల్గొండలోని రామగిరిలోని ఆయన స్వగృహంలో వయాభారంతో బుధవారం రాత్రి 9 గంటలకు మృతి చెందిన జరిగింది. కట్టంగూరు మండలం పిట్టంపల్లిలో జన్మించిన అనంతరామ శర్మ చిన్నప్పటినుంచి ప్రగతిశీలభావాలతో పెరిగారు. ఆనాటి స్వాతంత్ర ఉద్యమంలో పాల్గొంటూ తర్వాత కమ్యూనిస్టు ఉద్యమం వైపు తన మళ్లారు. తెలంగాణ రైతాంగ సాయుధ పోరాటంలోనూ కీలక పాత్ర పోషించారు. 

నల్గొండలోని ఎన్జీ కళాశాలలో గ్రాడ్యుయేషన్ పూర్తి చేసి కమ్యూనిస్టు పార్టీలో పూర్తి కాలం కార్యకర్తగా మారారు ఉమ్మడి కమ్యూనిస్టు పార్టీలో పనిచేస్తూ అనంతరం సిపిఎం పార్టీలో కీలక నేతగా ఏదిగారు. ప్రారంభంలో సిపిఎంలో కీలకంగా ఉంటూ దండంపల్లి. గ్రామ సర్పంచ్గా కూడా రెండు దశాబ్దాలకు పైగా సేవలందించారు. రైతు వ్యవసాయ కార్మిక కార్మిక ఉద్యమాల్లో కీలక భూమిక పోషించారు. నల్లగొండ జిల్లాలో సిపిఎం పార్టీ విస్తరణ కోసం అహర్నిశల కృషి చేశారు. నల్గొండ జిల్లా ఉద్యమ నిర్మాతలైన విఎన్, స్వరాజ్యం, నర్రా రఘువరెడ్డి లాంటి ఉద్దండ అనేకలతో కలిసి పార్టీలోకి కీలకంగా వ్యవహరించారు. 

నల్లగొండ జిల్లాలో కార్మిక ఉద్యమాన్ని పటిష్టం చేసేందుకు సిఐటియూలో చాలా కాలం పని చేసారు. సిపిఎం పార్టీ నల్లగొండ డివిజన్ కార్యదర్శి గాను చాలా కాలం సేవలు అందించారు. సిపిఎం రాష్ట్ర కమిటీ సభ్యులుగా కూడా చాలాకాలం బాధ్యతలు నిర్వహించారు. స్వాతంత్ర సమరయోధుల పెన్షన్ల కోసం చివరి వరకు వరకు వెళ్లి కొట్లాడారు. సమరయోధుల పెన్షన్ల సంఘం కన్వీనర్ గాను వ్యవహరించారు. చివరి వరకు నమ్ముకున్న కమ్యూనిస్టు సిద్ధాంతానికి కట్టుబడి నిలబడ్డారు. ప్రజాస్వామ్యంపై అచంచల విశ్వాసంతో  తీవ్ర వయోభారంలోనూ ఈ నెల 13వ తేదీన జరిగిన పార్లమెంటు ఎన్నికల్లో తన ఓటు హక్కును వినియోగించుకున్నారు. 

తన స్వగ్రామం పిట్టంపల్లి వరకు వెళ్లి ఓటు వేసి రావడం ఆయన నిబద్దత కు నిదర్శనము. బుధవారం సాయంత్రం కూడా టివి చూస్తూ గడిపిన అనంతరామ శర్మ హఠాత్తుగా మృతి చెందడం జరిగింది. కాగా అనంతరామ శర్మకు ముగ్గురు కుమారులు, ఒక కుమార్తె ఉన్నారు. 
సంతాపం తెలిపిన సీపీఎం నేతలు. 
 అనంతరామ శర్మ మృతి విషయం తెలిసిన సిపిఎం నేతలు ఆయన మన పార్థివ దేహాన్ని సందర్శించి  మృతికి సంతాపం ప్రకటించారు. అనంతరామ శర్మ పార్ధివదేహంపై ఎర్రజెండాను కప్పి సిపిఎం జిల్లా కార్యదర్శి ముదిరెడ్డి సుధాకర్ రెడ్డి, పార్టీ నేతలు తుమ్మల వీరారెడ్డి, నారి ఐలయ్య , పాలడుగు నాగార్జున,పాలడుగు ప్రభావతి,శ్రీశైలం, లక్ష్మీ నారాయణ, సయ్యద్ హశం, సలీం, పుచ్చకాయల నర్సిరెడ్డి తదితరులు ఉన్నారు. 
 శర్మ మృతి కి సిపిఎం మాజీ ఎమ్మెల్సీ చేరుపల్లి సీతారాములు, మాజీ ఎమ్మెల్యేలు నంద్యాల నరసింహారెడ్డి, జూలకంటి రంగారెడ్డి తమ సంతాపం తెలిపారు.  

సింగపూర్ లో ఉన్న ఆయన చిన్న కుమారుడు వచ్చాక అంతక్రియలు నిర్వహించినట్లు తెలిసింది.

జూన్ 02 న కెసిఆర్ ను ఆహ్వానించనున్న రేవంత్ రెడ్డి సర్కారు
జూన్ 02 న కెసిఆర్ ను ఆహ్వానించనున్న రేవంత్ రెడ్డి సర్కారు 

  


తెలంగాణ వచ్చిన పదేండ్లకు రాష్ట్రంలో కాంగ్రెస్ అధికారంలోకి వచ్చింది. జూన్ 2న రాష్ట్ర అవతరణ దినోత్సవం రేవంత్ సర్కారు కు ప్రభుత్వపరంగా ఇదే తొలి పండుగ.  

దీంతో ధూమ్ ధామ్ గా వేడుకలు నిర్వహించాలని ప్రభుత్వం భావిస్తోంది. అవతరణ దినోత్సవాన్ని పరేడ్ గ్రౌండ్ లో పదివేల మందితో ఘనంగా నిర్వ హించేందుకు ప్రభుత్వం ఏర్పాట్లు చేయనుంది.  
రాష్ట్రం ఏర్పడిన పదేండ్లకు కాంగ్రెస్ పార్టీకి అవకాశం రావడంతో తెలంగాణ ఇచ్చిన సోనియా గాంధీని ఘనంగా సన్మానించాలని ప్రభుత్వం నిర్ణయించింది. 

వేలాదిమంది ఉద్యమించి నా, ప్రధాన ఉద్యమకారుడిగా, తెలంగాణ తెచ్చిన గొప్ప నాయకుడిగా, తెలంగాణ రాష్ట్ర తొలి ముఖ్యమంత్రి కేసీఆర్ కు పేరు ఉంది. 

కాబట్టి తెలంగాణ అవతరణ దినోత్సవం రోజు సోనియాతోపాటు కేసీఆర్ ను కూడా ఘనంగా సన్మానించాలని ప్రభుత్వం నిర్ణయించింది. ఈ మేరకు ఆయనకు ఆహ్వానం పంపనున్నట్టు సమాచారం...

కూలిన ఇరాన్ అధ్యక్షుడి హెలికాప్టర్.. అధ్యక్షుడు కోసం గాలింపు.....
కూలిన ఇరాన్‌ అధ్యక్షుడు ఇబ్రహీం హెలికాప్టర్‌. వాతావరణం అనుకూలించక కుప్పకూలిన హెలికాప్టర్‌. ఇబ్రహీం ఆచూకీ కోసం కొనసాగుతున్న గాలింపు. జోల్ఫా సిటీ సమీపంలో ప్రమాదం. అజర్‌బైజాన్ పర్యటనకు వెళ్తుండగా ఘటన.

ఇకపై కల్యాణ లక్ష్మి పథకంలో లక్ష, తులం బంగారానికి రేవంత్ సర్కార్ గ్రీన్ సిగ్నల్...
రేవంత్ సర్కార్ శుభవార్త లక్ష తులం బంగారానికి గ్రీన్ సిగ్నల్

  


తెలంగాణలో లోక్‌సభ ఎన్నికలు ముగిశాయి. కానీ.. ఇంకా ఎలక్షన్ కోడ్‌ మాత్రం అమల్లోని ఉంటుంది. వచ్చే నెల నాలుగో తేదీన ఎన్నికల ఫలితాలు ఉన్న సందర్భంగా ఆంక్షలు కొనసాగుతున్నాయి.అయితే.. ఎన్నికల ముగిసిన వెంటనే రేవంత్‌ ప్రభుత్వం పథకాల అమలుపై ఫోకస్‌ పెడుతోంది.
ఫలితాలు వెల్లడి అయిన తర్వాత ఎన్నికల కోడ్ ఎత్తేసిన వెంటనే వివిధ పథకాల అమలుకు రాష్ట్ర ప్రభుత్వం రంగం సిద్ధం చేస్తోంది. ఇప్పటికే అధికారుల ద్వారా ప్రణాళికలను సిద్ధం చేసింది. నిధులను కూడా సమకూరుస్తోంది.
కాంగ్రెస్‌ ప్రభుత్వం హామీల్లో భాగమైన ముఖ్యమైన పథకం కల్యాణ లక్ష్మి. దీన్ని తాము చెప్పినట్లుగానే రూ.లక్షతో పాటు తులం బంగారం ఇచ్చేలా ప్రణాళికలను సిద్ధం చేశారు అధికారులు.

అంతేకాదు.. దీన్ని ఎన్నికల కోడ్ ముగిసిన వెంటనే అమలు చేసేందుకు నిధులను కూడా మంజూరు చేసింది. 2024-25 ఆర్థిక సంవత్సరానికి సంబంధించి రూ.725 కోట్లకు తెలంగాణ ప్రభుత్వం అప్రూవల్ ఇచ్చింది. ఈ మేరకు ప్రిన్సిపల్ సెక్రటరీ బుర్రా వెంకటేశం శనివారం ఉత్తర్వులు జారీ చేశారు.

ఎన్నికల కోడ్‌ ముగిసిన వెంటనే కాంగ్రెస్‌ పార్టీ ముందు చెప్పినట్లుగా లక్ష రూపాయలతో పాటు.. తులం బంగారం అందించనున్నట్లు సమాచారం. ఈ మేరకు ప్రభుత్వం నిధులు మంజూరు చేసినట్లు చెబుతున్నారు.



కల్యాణ లక్ష్మి పథకం అమలు కోసం రాష్ట్రంలో చాలా మంది లబ్ధిదారులు ఎదురుచూస్తున్నారు. కొందరు అయితే.. కల్యాణలక్ష్మి కోసం దరఖాస్తు చేసుకుని చాలా కాలంగా ఎదురుచూస్తున్నారు.

మరోవైపు ఈ పథకంపై అధికార పార్టీపై ప్రతిపక్ష నాయకులు తీవ్ర విమర్శలు చేసిన విషయం తెలిసిందే. దాంతో.. సీఎం రేవంత్‌రెడ్డి సీరియస్‌గా తీసుకుని కచ్చితంగా తాము చెప్పినట్లుగానే రూ.లక్షతో పాటుగా తులం బంగారం అందించేలా ప్రణాళికలను సిద్దం చేశారని ఆ పార్టీ వర్గాలు చెబుతున్నాయి.

TS: రేపు జరగబోయే క్యాబినెట్ సమావేశానికి సిఈసి గ్రీన్ సిగ్నల్...
TS: రేపు జరగబోయే క్యాబినెట్ సమావేశానికి సిఈసి గ్రీన్ సిగ్నల్...

  






రేపు మ.3 గంటలకు తెలంగాణ కేబినెట్‌ సమావేశం
సీఈసీ గ్రీన్‌సిగ్నల్‌ ఇవ్వడంతో రేపు సమావేశం
కేబినెట్‌ సమావేశానికి షరతులు విధించిన సీఈసీ
అత్యవసర అంశాలను మాత్రమే చర్చించాలన్న సీఈసీ
ఎన్నికల విధుల్లో ఉన్నవారు భేటీకి వెళ్లకూడదు-CEC
ఎన్నికల ప్రక్రియ పూర్తయ్యే వరకు..
ఉమ్మడి రాజధాని, రైతు రుణమాఫీని వాయిదా వేయాలి-సీఈసీ

ఏపీకి ఇంటెలిజెన్స్‌ అలర్ట్.. 
ఏపీకి ఇంటెలిజెన్స్‌ అలర్ట్.. జూన్‌ 4 తర్వాత ఏపీలో దాడులు జరిగే అవకాశం ఉందంటూ హెచ్చరిక.. జూన్‌ 19 వరకు పోలీసు బలగాలు అప్రమత్తంగా ఉండాలని సూచన.. అవసరమైతే కేంద్ర బలగాలతో భద్రత ఏర్పాటు చేసుకోవాలన్న ఇంటెలిజెన్స్‌

ఈనెల 20న ప్రారంభం కానున్న తెలంగాణ TET పరీక్షలు.. హాల్ టికెట్ ఈ వెబ్ సైట్ నుంచి డౌన్లోడ్ చేసుకోండి...
 ఈనెల 20 నుంచి ప్రారంభం కానున్న తెలంగాణ టెట్-2024 పరీక్షలకు హాల్ విడుదలయ్యాయి. గురువారం సాయంత్రం అధికారులు విడుదల చేశారు. అభ్యర్థులు https://tstet2024.aptonline.in వెబ్‌సైట్‌ నుంచి తమ హాల్ టికెట్లు డౌన్‌లోడ్ చేసుకోవచ్చు. తొలిసారి కంప్యూటర్ బేస్డ్ టెస్ట్ విధానంలో నిర్వహిస్తున్న టెట్ పరీక్షలు జూన్ 2వ తేదీన ముగుస్తాయి. టెట్‌కు సుమారు 2.86 లక్షల మంది దరఖాస్తు చేసుకున్నారు.

బ్రిటన్‌ పార్లమెంట్‌ ఎన్నికల బరిలో నిలిచిన తెలుగోడు!
బ్రిటన్‌ పార్లమెంట్‌ ఎన్నికల బరిలో నిలిచిన తెలుగోడు!

  


ప్రపంచం వ్యాప్తంగా తెలుగులో ఉన్నారు. అన్ని దేశాల్లో తెలుగువారు కనిపిస్తున్నే ఉంటారు. అంతేకాక విదేశాల్లో తమదైన ప్రతిభతో తెలుగు ఖ్యాతిని పెంచుతుంటారు. ఇప్పటికే అనేక మంది తెలుగు వారు వివిధ సంస్థల్లో కీలక పాత్ర పోషిస్తున్నారు. అలానే పలు దేశ రాజకీయాల్లోనూ తెలుగు వారు..తమ ప్రత్యేకను చాటుకుంటున్నారు. తాజాగా మరో తెలుగు వ్యక్తి విదేశాల్లో సత్తాచాటారు. బ్రిటన్ పార్లమెంట్ ఎన్నికల బరిలో తెలంగాణ రాష్ట్రానికి చెందిన వ్యక్తి నిలిచారు. మరి.. ఆ వివరాలు ఏమిటో ఇప్పుడు చూద్దాం…

బ్రిటన్‌ పార్లమెంట్‌ ఎన్నికల్లో తెలంగాణ రాష్ట్రంలోని ఉమ్మడి కరీంనగర్‌ జిల్లా కోహెడ మండలం శనిగరం గ్రామానికి చెందిన ఉదరు నాగరాజు నిలిచారు. బ్రిటన్ లోని ప్రధాన పార్టీల్లో ఒకటైనా లేబర్‌ పార్టీ నుంచి నాగరాజు ఎన్నికల్లో పోటీ చేస్తున్నారు. నార్త్‌ బెడ్‌ ఫోర్డ్‌ షైర్‌ లేబర్‌ పార్టీ తమ పార్లమెంటరీ అభ్యర్థిగా నాగరాజు పేరు ప్రకటించింది. నార్త్‌ బెడ్‌ ఫోర్డ్‌ షైర్‌ బౌండరీ కమిషన్‌ సూచనతో కొత్తగా ఏర్పడ్డ పార్లమెంట్‌ నియోజకవర్గం నుంచి ఆయన ఎన్నికల బరిలో నిలిచారు.

Sandip University
ఎలక్టో రల్‌ కాల్కులస్‌ ప్రకారం.. ఆ నియోజకవర్గంలో లేబర్‌ పార్టీ గెలవబోతుందన్న అంచనాలు ఉన్నాయి. మధ్యతరగతి కుటుంబం నుంచి బ్రిటన్ వెళ్లిన నాగరాజు.. అక్కడ అంచలంచలుగా ఎదిగారు. ఇప్పుడు యూకే బరిలో నాగరాజు దిగారు. శనిగరం గ్రామానికి చెందిన హనుమంతరావు, నిర్మలాదేవి దంపతులకు ఉదరు నాగరాజు జన్మించారు. నాగరాజుకు చిన్నప్పటి నుంచే కష్టపడే తత్వం కలిగి ఉన్నారు. అలానే చదువుల్లో కూడా ఎప్పుడు ముందు ఉన్నారు. అలా కష్టపడే తత్వం ఉన్న నాగరాజు ఉదరు అంచెలంచలుగా ఎదిగారు.

బ్రిటన్‌లోనియూనివర్సిటీ కాలేజీ అఫ్‌ లండన్‌లో అడ్మినిస్ట్రేషన్ లో పీజీ చేశారు. ఐ పాలసీ ల్యాబ్స్‌ అనే థింక్‌ట్యాంక్‌ను నాగరాజు స్థాపించారు. అంతర్జాతీయ వక్తగా, రైటర్ గా మంచి పేరు పొందారు. అక్కడ పొలిటికల్ అంశాలపై దశాబ్దకాలంగా ప్రచారం చేయడంతో అక్కడి ప్రజల్లో పట్టు సాధించారు. స్థానిక పరిస్థితులను బట్టి ఉదరు నాగ రాజు కూడా బ్రిటన్‌ పార్ల మెంట్‌ ఎన్నికల్లో ఎంపీగా విజయం సాధించడం ఖాయంగా కనిపిస్తుందని పలువురు అభిప్రాయ పడుతున్నారు.