NLG: నల్గొండలో ప్రతీ విద్యార్ధి ని ప్రయోజకున్ని చేయడమే నా లక్ష్యం: మంత్రి కోమటిరెడ్డి వెంకట్ రెడ్డి
నల్గొండలోని కోమటిరెడ్డి ప్రతీక్ మెమోరియల్ ప్రభుత్వ బాలుర జూనియర్ కాలేజీలో కోమటిరెడ్డి ప్రతీక్ ఫౌండేషన్ ద్వారా, ఈ నెల 5 నుంచి అందిస్తున్న ఎప్ సెట్ పరీక్షల కోచింగ్ సెంటర్ ను కోమటిరెడ్డి ప్రతీక్ ఫౌండేషన్ ఛైర్మన్ గా మంత్రి కోమటిరెడ్డి వెంకట్ రెడ్డి మంగళవారం సందర్శించారు. 

  


ఈ కార్యక్రమంలో విద్యార్ధులతో మాట్లాడిన మంత్రి కోమటిరెడ్డి వెంకట్ రెడ్డి.. నల్గొండలో చదువుకోవాలనుకునే ప్రతీ విద్యార్ధికి అండగా ఉంటానని.. చదువును నిర్లక్ష్యం చేయకుండా ప్రతీ విద్యార్ధి కష్టపడి చదువుకొని పైకి రావాలని ఆకాంక్షించారు. ఇప్పటికే జిల్లాలో స్కిల్ డెవలప్ మెంట్ సెంటర్ ను ఏర్పాటుకు ప్రతిపాదనలు సిద్ధం చేశామని, ఎలక్షన్ కోడ్ ముగిసిన వెంటనే పనులు ప్రారంభిస్తామని విద్యార్ధులకు తెలియజేశారు.

కోమటిరెడ్డి ప్రతీక్ ఫౌండేషన్ ద్వారా అందిస్తున్న ఈ కోచింగ్ కేంద్రంలో జిల్లాలోని ప్రభుత్వ మరియు ప్రైవేటు జూనియర్ కాలేజీల్లో ఇంటర్మీడియట్ పూర్తిచేసుకున్న విద్యార్ధిని, విద్యార్ధులకు ఉచితంగా ఎప్ సెట్ కోచింగ్ అందిస్తున్నామని ఆయన తెలిపారు. ఒక్క కోచింగ్ మాత్రమే కాకుండా ఉచిత హాస్టల్, భోజన వసతి మరియు ఉచిత స్టడీ మెటీరియల్ ను కూడా అందిస్తున్నామని ఆయన వివరించారు. విద్యార్ధులకు కోచింగ్ ఇవ్వడమే కాదు.. రోజువారీ పరీక్షలు, వారంతపు పరీక్షలు, గ్రాండ్ టెస్ట్ లు నిర్వహిస్తూ విద్యార్ధులను ఎప్ సెట్ కు సిద్ధం చేస్తున్నామని ఆయన అన్నారు.

  

కోమటిరెడ్డి ప్రతీక్ ఫౌండేషన్ ఛైర్మన్ గా శిక్షణ కేంద్రాన్ని సందర్శించిన మంత్రి కోమటిరెడ్డి వెంకట్ రెడ్డి.. 300 మంది విద్యార్ధులకు ఉచిత స్టడీ మెటీరియల్ ను అందించారు. అనంతరం విద్యార్ధిని, విద్యార్ధులతో సమావేశమై వారికి అందుతున్న సౌకర్యాలు, శిక్షణ గురించి విద్యార్ధులను అడిగి తెలుసుకున్నారు. విద్యార్ధుల నుంచి సానుకూల స్పందన రావడంతో కోచింగ్ సిబ్బందిని అభినందించారు. 

విద్యార్ధులందరూ కష్టపడి చదువుకొని మంచి ర్యాంకులు సాధించి తల్లిదండ్రులకు, గురువులకు మరియు కోమటిరెడ్డి ప్రతీక్ ఫౌండేషన్ కు పేరు తీసుకురావాలని ఆయన ఆకాంక్షించారు. భవిష్యత్తులో విద్యార్ధులకు ఏ సమస్య ఉన్నా తన దృష్టికి తీసుకువస్తే అండగా నిలబడతానని హామీ ఇచ్చారు. రాబోయే రోజుల్లో కోమటిరెడ్డి ప్రతీక్ ఫౌండేషన్ నుంచి మరిన్ని పరీక్షల శిక్షణా కార్యక్రమాలను నిర్వహించి విద్యార్ధుల భవిష్యత్తుకు బంగారు బాటలు వేస్తామని ప్రకటించారు.

ఈ కార్యక్రమంలో ప్రతీక్ ఫౌండేషన్ సీఈఓ గోనారెడ్డి, మున్సిపల్ ఛైర్మన్ బుర్రి శ్రీనివాస్ రెడ్డి, పట్టణ అధ్యక్షులు గుమ్మల మోహన్ రెడ్డి, జెడ్పీటీసీ పాశం రాంరెడ్డి స్థానిక కౌన్సిలర్లు తదితరులు పాల్గొన్నారు.

ప్రముఖ హీరో సల్మాన్ ఖాన్ నివాసంపై కాల్పులు జరిపిన షూటర్లు అరెస్ట్*


  


గుజరాత్‌లో ఇద్దరు నిందితులను అరెస్ట్ చేసిన ముంబై పోలీసులు

సోమవారం అర్ధరాత్రి అదుపులోకి తీసుకున్న ముంబై క్రైమ్ బ్రాంచ్

  

విచారణ కోసం ముంబైకి తరలిస్తామని చెప్పిన అధికారులు

ముంబైలోని బాంద్రా వెస్ట్‌లో బాలీవుడ్ నటుడు సల్మాన్ ఖాన్ నివాసం వెలుపల కాల్పులకు పాల్పడ్డ ఇద్దరు నిందితులను ముంబై క్రైమ్ బ్రాంచ్ పోలీసులు అరెస్టు చేశారు. గుజరాత్‌లోని భుజ్‌లో సోమవారం అర్ధరాత్రి వీరిద్దరినీ అదుపులోకి తీసుకున్నట్టు ధృవీకరించారు. కాల్పుల అనంతరం ముంబై నుంచి గుజరాత్ పారిపోయారని పోలీసులు అధికారులు వివరించారు. విచారణ కోసం వీరిని ముంబైకి తీసుకొస్తామని తెలిపారు.

కాగా ఆదివారం తెల్లవారుజామున జరిగిన కాల్పుల ఘటన జరిగింది. సల్మాన్ నివాసం గెలాక్సీ అపార్ట్‌మెంట్ వెలుపల ఇద్దరు గుర్తుతెలియని వ్యక్తులు కాల్పులకు పాల్పడ్డారు. కాల్పుల అనంతరం అక్కడి నుంచి పారిపోయారు. మోటారుసైకిల్‌పై వచ్చిన నిందితులు హెల్మెట్‌లు ధరించారు. పక్కా ప్రణాళికతో నాలుగు రౌండ్ల కాల్పులకు పాల్పడ్డారు. ఈ ఘటనపై మహారాష్ట్ర సీఎం ఏక్‌నాథ్ షిండే స్పందించారు. సల్మాన్‌ ఖాన్‌తో ఫోన్‌లో మాట్లాడారు. సల్మాన్ ఖాన్‌కు భద్రతను పెంచాలని ముంబై పోలీస్ కమిషనర్‌తో సూచించారు.

...



...

NLG: ఇంటింటి ప్రచారం లో పాల్గొన్న గోలి మధుసూదన్ రెడ్డి 
నల్లగొండ పట్టణంలో 18, 19 వార్డులో బిజెపి పార్లమెంట్ అభ్యర్థి సైదిరెడ్డి విజయం కోరుతూ, మంగళవారం బిజెపి కిసాన్ మోర్చా జాతీయ నాయకులు గోలి మధుసూదన్ రెడ్డి ఇంటింటి ప్రచారం నిర్వహించారు. ఈ సందర్భంగా వారు మాట్లాడుతూ.. మూడోసారి మోడీ ప్రధాని కావడం ఖాయం, నల్లగొండలో కాషాయ జెండా ఎగరడం ఖాయమని, ప్రతి కార్యకర్త గెలుపే లక్ష్యంగా పని చేయాలని కోరారు.

  


..

..

  

..

ఇందుర్తి గ్రామంలో ఎన్నికల ప్రచారంలో పాల్గొన్న సిపిఎం మండల కార్యదర్శి
మర్రిగూడ: మండలం ఇందుర్తి గ్రామంలో మంగళవారం  భువనగిరి పార్లమెంట్ సిపిఎం అభ్యర్థి జహంగీర్ ను గెలిపించాలని మండల కార్యదర్శి ఏర్పుల యాదయ్య మహిళలను కలిసి ఓటు వేయాలని కోరారు. యాదయ్య మాట్లాడుతూ.. ప్రజల కోసం కార్మికుల కోసం పోరాటం చేసే వ్యక్తిని పార్లమెంట్ కు పంపించాలని ఓటర్లను కోరారు. కార్యక్రమంలో పగిళ్ల మల్లేష్, గౌస్య బేగం, పగిళ్ల మట్టమ్మ, లప్పంగి సులోచన, తదితరులు పాల్గొన్నారు

  


..

...

  

...

NLG: ఆపదలో ఉన్న వారిని ఆదుకుంటున్న ఎరెడ్ల రఘుపతి రెడ్డి
నాంపల్లి: మండలంలోని రేవల్లి గ్రామంలో అనారోగ్యంతో నిరుపేద కుటుంబానికి చెందిన కార్యకర్త రేవెల్లి వెంకులు మరణించడంతో, ఆ కుటుంబాన్ని పరామర్శించి ప్రగాఢ సానుభూతి తెలిపి, సాధారణ ఖర్చుల కొరకు పదివేల రూపాయల ఆర్థిక సహాయం చేసి  కుటుంబానికి ఎల్లప్పుడూ అండగా ఉంటానని జిల్లా నాయకులు ఎరెడ్ల రఘుపతి రెడ్డి   తెలిపి వారి ధైర్యం చెప్పారు.

  


ఈ కార్యక్రమంలో కాంగ్రెస్ పార్టీ జిల్లా నాయకులు పూల వెంకటయ్య, పెద్దిరెడ్డి సంజీవరెడ్డి, తుమ్మలపల్లి చంద్రారెడ్డి బట్టు శ్రీను, తుమ్మలపల్లి లింగారెడ్డి, కోన్ రెడ్డి యాదయ్య, కోన్ రెడ్డి వెంకటయ్య, బట్టు జగన్, మేకల కొండల్, గ్రామ శాఖ బట్టు శ్రీశైలం, మేకల రాములు, తదితరులు కార్యకర్తలు పాల్గొన్నారు.

NLG: కస్తూరిభా గాంధీ బాలికల గురుకుల పాఠశాలలో ఘనంగా అంబేద్కర్ జయంతి వేడుక
నాంపల్లి: మండలంలోని కస్తూరిబా గాంధీ  బాలికల గురుకుల పాఠశాలలో, ఆదివారం డాక్టర్ బి.ఆర్ అంబేద్కర్133 జయంతి వేడుకలు ఘనంగా నిర్వహించారు. పాఠశాల ప్రిన్సిపాల్ విజయశ్రీ  అంబేద్కర్ చిత్రపటానికి పూలమాల వేసి జోహార్లు అర్పించారు. అనంతరం ఆమె మాట్లాడుతూ.. డాక్టర్ బి.ఆర్ అంబేద్కర్ ప్రముఖ భారతీయ న్యాయవాది, ఆర్థిక శాస్త్రవేత్త, రాజకీయ నేత, కుల నిర్మూలన కోసం ఎంత కృషి చేశాడని, అతను స్వాతంత్ర భారతదేశం మొట్టమొదటి కేంద్ర న్యాయ శాఖ మంత్రిని, రాజ్యాంగ శిల్పి అలాంటి గొప్ప మహనీయుల జయంతి వర్ధంతులను చేసుకోవాలని, వారి ఆశయ సాధనకై యువత ఎప్పుడు ముందుండాలని ఆమె అన్నారు. 

  


అదేవిధంగా కేతపల్లి గ్రామంలో డాక్టర్ బి.ఆర్ అంబేద్కర్ విగ్రహానికి గ్రామ మాజీ సర్పంచ్ కోరే యాదయ్య, కాశీమల జంగయ్య, వడ్లకొండ రమేష్ పూలమాలవేసి నివాళులు అర్పించారు. అనంతరం డాక్టర్ బి.ఆర్ అంబేద్కర్ గురించి గ్రామ ప్రజలకు ఆయన సేవలు చేసిన గురించి తెలియజేశారు.

NLG: ముఖ్యమంత్రి రేవంత్ రెడ్డి ని కలిసిన కాంగ్రెస్ పార్టీ జిల్లా నాయకులు పూల వెంకటయ్య
నాంపల్లి: మండల కేంద్రానికి చెందిన కాంగ్రెస్ పార్టీ జిల్లా నాయకులు పూల వెంకటయ్య, ఆదివారం హైదరాబాద్ లో తెలంగాణ రాష్ట్ర ముఖ్యమంత్రి రేవంత్ రెడ్డి నివాసంలో మర్యాదపూర్వకంగా కలిశారు. ఈ సందర్భంగా ఆయన  సిఎం రేవంత్ రెడ్డిని శాలువ తో ఘనంగా సన్మానించారు. ఈ కార్యక్రమంలో కాంగ్రెస్ పార్టీ నాయకులు, కార్యకర్తలు పాల్గొన్నారు.

అంబేద్కర్ యువజన సంఘం ఆధ్వర్యంలో ఘనంగా బాబాసాహెబ్ డాక్టర్ బి.ఆర్ అంబేద్కర్ జయంతి 
డాక్టర్ బి.ఆర్ అంబేద్కర్ యువజన సంఘం ఆధ్వర్యంలో, రామన్నపేట మండలం బోగారం గ్రామంలో, ఆదివారం అంబేద్కర్ జయంతిని ఘనంగా నిర్వహించారు. ఈ సందర్భంగా పలువురు అంబేద్కర్ విగ్రహానికి పూలమాలలు వేసి ఘనంగా నివాళులు అర్పించారు.

  


ఈ కార్యక్రమంలో ప్రముఖ పారిశ్రామికవేత్త  కునూరు సాయి కుమార్ గౌడ్, అంబేద్కర్ యువజన సంఘం అధ్యక్షులు మేడి కృష్ణ, అంబేద్కర్ యువజన సంఘం కమిటీ అధ్యక్షులు  మేడి రవీందర్, విగ్రహం కమిటీ కోశాధికారి మేడి నరసింహ,  కమిటీ గౌరవ అధ్యక్షులు మేడి యాదయ్య, మాజీ ఎంపిటిసి మేడి రామలింగం, మాజీ వార్డ్ మెంబర్ మేడి యాదయ్య, మెట్టు అంజయ్య, బొడ్డుపల్లి లింగయ్య, గోగు శ్రీను,చింతల మల్లేష్,మేడి చిరంజీవి,మేడి శివ,మేడి ముఖేష్ ,గుంజా ఆంజనేయులు, గుంజ మహేష్,  మేడి మల్లేష్,కునూరు రాజు గౌడ్ ,జల శ్రీనివాస్,బద్దుల మహేష్ ,బద్దుల రాజు ,చిరగోని నవీన్ గౌడ్, గుంజ గణేష్,  గుంజ కనకయ్య,గుంజ సత్తయ్య,ఏర్పుల కిరణ్,మేడి స్వామి,మేడి లింగస్వామి, కునూరు వెంకన్న, మోహిన్, మెట్టు తదితరులు పాల్గొన్నారు.

NLG: ఆల్ ఇండియా సమతా సైనిక్ దళ్ ఆధ్వర్యంలో ఘనంగా అంబేద్కర్ 133వ జయంతి
నల్లగొండ జిల్లా: కొండమల్లేపల్లి, దేవరకొండ:
డాక్టర్ బి.ఆర్ అంబేద్కర్ చే స్థాపించబడిన ఆలిండియా సమతా సైనిక్ దళ్ నల్లగొండ జిల్లా శాఖ ఆధ్వర్యంలో, మహాత్మ జ్యోతిరావు పూలే డాక్టర్ బి.ఆర్ అంబేద్కర్ మహనీయుల జయంతి ఉత్సవాలు పురస్కరించుకొని.. ఆదివారం భారత రాజ్యాంగ నిర్మాత డాక్టర్ బి.ఆర్ అంబేద్కర్ 133 వ జయంతి సందర్భంగా, దేవరకొండ పట్టణంలో దిండి చౌరస్తా నుండి స్థానిక బస్టాండ్ వరకు జై భీమ్ నినాదాలతో, డప్పుల దరువులతో భారీ ర్యాలీ నిర్వహించి బస్టాండ్ వద్ద గల అంబేద్కర్ విగ్రహానికి పూలమాలలు వేసి నివాళులర్పించారు. అదేవిధంగా కొండమల్లేపల్లి పట్టణంలో చౌరస్తాలో గల అంబేద్కర్ విగ్రహానికి పూలమాలలు వేసి నివాళులర్పించారు.
ఈ కార్యక్రమంలో ముఖ్య అతిథులుగా పాల్గొన్న ఆలిండియా సమతా సైనిక్ దళ్ రాష్ట్ర సంయుక్త కార్యదర్శి బుర్రి వెంకన్న, జిల్లా అధ్యక్షుడు మద్దిమడుగు బిక్షపతి మాట్లాడుతూ.. 14 డిసెంబర్ 1891లో జన్మించిన బాబాసాహెబ్ అంబేద్కర్, పేద వర్గాలకు చెందిన వారైనప్పటికీ ఉన్నత చదువులు చదివి భారత రాజ్యాంగం రచనలో కీలక పాత్ర పోషించారని, బడుగు బలహీనవర్గాలకు ఎంతో మేలు చేశారని, ప్రస్తుతం మనం పొందుతున్న రాజ్యాంగ ఫలాలు డాక్టర్ బి.ఆర్ అంబేద్కర్ అందించినవేనని అన్నారు. 
మహనీయులు అడుగుజాడల్లో నిలిచి వారి ఆశయాల సాధనకు ప్రతి ఒక్కరూ కృషి చేయాలని అన్నారు. ఈ కార్యక్రమంలో జిల్లా ఉపాధ్యక్షుడు ఏకుల సురేష్, జిల్లా కార్యదర్శి మానే ప్రవీణ్ కుమార్, నియోజకవర్గం అధ్యక్షుడు చిట్యాల గోపాల్ ఉపాధ్యక్షుడు ఏకుల అంబేద్కర్, నాయకులు ధర్మపురి శీను, సాయి, కూర శ్రీకాంత్, మేడ సైదులు, పేర్ల గిరి తదితరులు పాల్గొన్నారు.

CSL ఫుట్బాల్ లీగ్స్ పోటీలకు ముఖ్యఅతిథిగా డిఎస్పి శివరాం రెడ్డి
నల్లగొండ టౌన్: CSL ఫుట్బాల్ లీగ్ మ్యాచ్ లో మాన్ ఫోర్ట్ ఫుట్బాల్ క్లబ్, చత్రపతి శివాజీ ఫుట్బాల్ స్పోర్ట్స్ క్లబ్ జట్ల మధ్యన హోరా హోరి మ్యాచ్ జరగగా 2-2 స్కోర్ నిర్ణీత సమయానికి రెండు జట్లు సమ స్కోర్టు తో నిలిచి మ్యాచ్ డ్రా  అయ్యి ముగియడం జరిగింది.
ఈ సందర్భంగా మహమ్మద్ జాన్ స్మారకార్థం వారి కుమారుడు మహమ్మద్ ఫయాజ్ అరటిపండ్లు, సాఫ్ట్ డ్రింక్స్ ను క్రీడాకారులకు పంపిణీ చేసి ప్రోత్సహించడం జరిగింది.

  


ఈ సందర్భంగా తెలంగాణ ఫుట్బాల్ అసోసియేషన్ ఎగ్జిక్యూటివ్ మెంబర్ ఉమ్మడి నల్గొండ జిల్లా ఫుట్బాల్ అసోసియేషన్ జనరల్ సెక్రెటరీబొమ్మపాల గిరిబాబు మాట్లాడుతూ.. ప్రతి ఆదివారం మేకల అభినవ్ స్టేడియంలో ఉదయం 6 గంటల నుండి 10 గంటల వరకు ఫుట్బాల్ కాంపిటీషన్స్ నిర్వహిస్తున్నామని తెలిపారు.

ఫుట్బాల్ క్రీడను సమాజంలో క్షేత్రస్థాయిలో ప్రతి వ్యక్తికి చేరవేసే విధంగా CSL ఫుట్బాల్ లీగ్ పోటీలను ఎంతో ప్రతిష్టాత్మకంగా నిర్వహిస్తున్నామని, ఈరోజు కార్యక్రమానికి ముఖ్యఅతిథిగా నల్గొండ డిఎస్పి శివరాం రెడ్డి రావడం, క్రీడాకారుల తో ఎన్నో విషయాలపై చర్చించడం క్రీడాకారులకు ఎంతో స్ఫూర్తినిచ్చిందని తెలియజేశారు.

  

ఈరోజు కార్యక్రమానికి ముఖ్యఅతిథిగా విచ్చేసిన నల్గొండ DSP శివరాం రెడ్డి  క్రీడాకారులను ఉద్దేశించి మాట్లాడుతూ.. పాఠశాల దశ నుండే క్రీడల్లో పాల్గొనడం ద్వారా మంచి శారీరక ఆరోగ్యంతో పాటు, క్రమశిక్షణ అలవాటు అవుతుందని తెలియజేస్తూ, ఫుట్బాల్ క్రీడ ఎంతో గొప్పదని, ప్రపంచంలో అత్యధిక దేశాలు ఆడే క్రీడ ఫుట్బాల్ అని తెలిపారు. నల్గొండ జిల్లాలో చత్రపతి శివాజీ స్పోర్ట్స్ క్లబ్ సేవలు చాలా గొప్పవని వ్యవస్థాపకులు బొమ్మ పాల గిరిబాబు ను ఫుట్బాల్ కోచ్ మద్ది కరుణాకర్ లను ప్రత్యేకంగా  అభినందించారు.

ఈ కార్యక్రమంలో ఫుట్బాల్ కోచ్ మద్ది కరుణాకర్, కత్తుల హరి, శంకర్, తాజుద్దీన్, వెంకటసాయి, యశ్వంత్, శివదాసు మరియు క్రీడాకారులు తదితరులు పాల్గొన్నారు.