హైదరాబాద్‌: సీఎం కేసీఆర్‌ కుటుంబ ఆస్తి రూ.లక్ష కోట్లకు చేరిందని టీపీసీసీ అధ్యక్షుడు రేవంత్‌రెడ్డి ఆరోపించారు.
Revanth Reddy: సీఎం కేసీఆర్‌ కుటుంబం ఆస్తి రూ.లక్ష కోట్లు: రేవంత్‌రెడ్డి


హైదరాబాద్‌: సీఎం కేసీఆర్‌ కుటుంబ ఆస్తి రూ.లక్ష కోట్లకు చేరిందని టీపీసీసీ అధ్యక్షుడు రేవంత్‌రెడ్డి ఆరోపించారు. కేసీఆర్‌ కుటుంబ ఆస్తులపై ఒక్క కేసు అయినా పెట్టారా?

అని ప్రశ్నించారు. భాజపా, భారాస మధ్య సంబంధాలు ఉన్నాయనడానికి ఇదే నిదర్శనమన్నారు. సంబంధం లేకపోతే కేసీఆర్‌ ఆస్తులపై ఎందుకు విచారణ చేయట్లేదని ప్రశ్నించారు. కేసీఆర్‌ అవినీతిపై ఇప్పటి వరకు 50 ఫిర్యాదులు చేశానని.. ఒక్క దానిపై కూడా చర్యలు తీసుకోలేదన్నారు.

''రాష్ట్రంలో 80శాతం మంది కేసీఆర్‌కు వ్యతిరేకంగా ఉన్నారు. వీరిలో ఎక్కువ మంది కాంగ్రెస్‌ వైపు చూస్తున్నారు. ప్రజలు తమ వ్యూహాన్ని రూపొందించుకుంటున్నారు.. దానికి అనుగుణంగా రాజకీయ పార్టీలు అడుగులు వేస్తున్నాయి. పదేళ్లలో .. రాష్ట్రంలో భారాస, కేంద్రంలో భాజపా చేసిందేమిటో ప్రజలకు చెప్పగలరా? నీటిపారుదల విషయంలో కేసీఆర్‌ అబద్ధాలు చెబుతున్నారు. కాళేశ్వరం, పాలమూరు-రంగారెడ్డి ప్రాజెక్టులను కాంగ్రెస్‌ పార్టీ మొదలు పెట్టింది. ఇప్పుడు దాన్ని కేసీఆర్‌ మార్కెటింగ్‌ చేసుకున్నారు. పాదయాత్రలో అనేక విషయాలు స్థానిక ప్రజలకు సవివరంగా చెప్పగలిగాం. ప్రజలు అడిగినవి పక్కనపెడితే.. కేసీఆర్‌ ఇచ్చిన హామీల్లో ఒక్కటైనా అమలు చేశారా? టీచర్‌ నియామకాలు చేపట్టారా? తెలంగాణ ప్రజలు స్వేచ్ఛ కోసం రాష్ట్రాన్ని సాధించుకున్నారు. ఇప్పుడు ఆ స్వేచ్ఛనే కేసీఆర్‌ గుంజుకున్నారు.

Avalanche: సిక్కింలో భారీ హిమపాతం.. ఏడుగురి మృతి!
Avalanche: సిక్కింలో భారీ హిమపాతం.. ఏడుగురి మృతి!


గాంగ్‌టక్‌: సిక్కిం(Sikkim)లో భారీ హిమపాతం (Avalanche) సంభవించింది. ఇక్కడి నాథూలా (Nathu La) పర్వత లోయ ప్రాంతంలో మంగళవారం మధ్యాహ్నం చోటుచేసుకున్న ఈ దుర్ఘటనలో ఏడుగురు పర్యాటకులు మృతి చెందారు.
మరో 11 మందికి గాయాలయ్యాయి. క్షతగాత్రులను చికిత్స నిమిత్తం రాష్ట్ర రాజధాని గాంగ్‌టక్‌(Gangtok)కు తరలించారు. పదుల సంఖ్యలో పర్యాటకులు మంచు కింద చిక్కుకుపోయారు. ప్రమాద సమయంలో దాదాపు 150 మందికిపైగా పర్యాటకులు అక్కడున్నట్లు సమాచారం.

గాంగ్‌టక్‌ను, చైనా సరిహద్దు సమీపంలోని నాథులా పాస్‌(Nathu La Pass)ను కలిపే జవహార్‌లాల్‌ నెహ్రూ రోడ్డు మార్గంలో ఈ ఘటన చోటుచేసుకుంది. సరిహద్దు రహదారుల సంస్థ(BRO), సిక్కిం పోలీసులు, స్థానిక అధికారుల ఆధ్వర్యంలో సహాయక చర్యలు సాగుతున్నాయి. ఇప్పటివరకు 22 మందిని రక్షించినట్లు అధికారులు వెల్లడించారు. మంచు కారణంగా రోడ్డుపై వాహనాల్లో చిక్కుకుపోయిన 350 మంది పర్యాటకులనూ కాపాడినట్లు తెలిపారు.

ఏపీ ::రూ.380 కోట్లకు పెరిగిన అంబేద్కర్ స్మృతివనం నిర్మాణ వ్యయం
రూ.380 కోట్లకు పెరిగిన అంబేద్కర్ స్మృతివనం నిర్మాణ వ్యయం
•	జూలై నాటికి పూర్తి కానున్న విగ్రహ నిర్మాణం
•	మంత్రి మేరుగు నాగార్జున వెల్లడి




అమరావతి, ఏప్రిల్ 4: బీఆర్ అంబేద్కర్ స్మృతివనం నిర్మాణ వ్యయం రూ.268 కోట్ల నుంచి రూ.380 కోట్లకు చేరిందని రాష్ట్ర సాంఘిక సంక్షేమశాఖ మంత్రి, అంబేద్కర్ నిర్మాణ కమిటీ ఛైర్మెన్ మేరుగు నాగార్జున వెల్లడించారు. నిర్మాణ వ్యయం ఎంతగా పెరిగినా నాణ్యతలో ఎక్కడా రాజీపడకుండా జరుగుతున్న స్మృతివనం, 125 అడుగుల అంబేద్కర్ విగ్రహ నిర్మాణ పనులను జూలై నాటికి పూర్తి చేస్తామని తెలిపారు.
రాష్ట్ర సచివాలయంలో మంగళవారం జరిగిన సమావేశంలో మంత్రి మేరుగు నాగార్జున  అంబేద్కర్ స్మృతివనం పనులను సమీక్షించారు. ఈ సందర్భంగానే నాగార్జున మాట్లాడుతూ, గత టీడీపీ ప్రభుత్వ హయాంలో ఎక్కడో మారుమూలన రూ.100 కోట్ల వ్యయంతో అంబేద్కర్ విగ్రహాన్ని ఏర్పాటు చేయాలని నిర్ణయించారని చెప్పారు. అయితే తమ ప్రభుత్వం అధికారంలోకి వచ్చాక ముఖ్యమంత్రి వైయస్ జగన్మోహన్ రెడ్డి విజయవాడ లో వేల కోట్ల రుపాయల విలువైన పీడబ్ల్యుడీ గ్రౌండ్స్ భూములను అంబేద్కర్ స్మృతివనం నిర్మాణానికి కేటాయించడంతో పాటుగా రూ.268 కోట్ల ను మంజూరు చేసారని తెలిపారు. అయితే స్మృతివనం లో చిరస్థాయిగా నిలిచిపోయేలా మరికొన్ని భవనాలను నిర్మించాలని, స్మృతివనం ప్రాంగణాన్ని అత్యాధునిక పద్ధతుల్లో సుందరీకరించాలని నిర్ణయించడంతో అదనంగా మరో రూ.106 కోట్లను మంజూరు చేయడం జరిగిందని చెప్పారు. ఇది కాకుండా పురపాలక శాఖ కూడా మరో రూ.6 కోట్లను స్మృతివనం పనులకు మంజూరు చేసిందని ఈ లెక్కన ప్రస్తుతం అంబేద్కర్ స్మృతివనం నిర్మాణ వ్యయం రూ.380 కోట్లకు చేరిందని వివరించారు. విగ్రహావిష్కరణ పూర్తయ్యే సమయానికి అంచనా వ్యయం రూ.400 కోట్లు దాటే అవకాశం ఉందని  అభిప్రాయపడ్డారు. అయితే నిర్మాణ వ్యయం ఎంతగా పెరిగినా స్మృతివనం పనులు చరిత్రలో మిగిలిపోయేలా చేయాలని సీఎం జగన్మోహన్ రెడ్డి ఆదేశించడంతో దేశంలో మరెక్కడా లేని విధంగా ఈపనులను పూర్తి చేయడానికి చర్యలు తీసుకుంటున్నామని చెప్పారు. 125 అడుగుల అంబేద్కర్ విగ్రహ నిర్మాణం హరియాణలో జరుగుతుండగా దానికి సమాంతరంగా పీడబ్ల్యుడీ గ్రౌండ్స్ లో స్మృతివనం పనులు రాత్రీ పగలూ జరుగుతున్నాయని జరుగుతున్నాయన్నారు. ఏప్రిల్ 14న అంబేద్కర్ జయంతి నాటికి స్మృతివనం పనులను పూర్తి చేయాలనుకున్నా అనివార్యకారణాలతో జూలై నాటికి స్మృతివనం పనులను పూర్తి చేసి విగ్రహాన్ని ఆవిష్కరిస్తామని నాగార్జున తెలిపారు. నిర్మాణ పనుల్లో ఎక్కడా ఎలాంటి లోపాలు లేకుండా చూడాలని, సందర్శకులకు ఒక మంచి అనుభూతిని కలిగించే విధంగా అంబేద్కర్ జీవిత చరిత్రకు సంబంధించిన అంశాలను ప్రదర్శించడానికి చర్యలు తీసుకోవాలని కోరారు. స్మృతివనంలో భాగంగా నిర్మిస్తున్న కన్వెన్షన్ సెంటర్ నిర్మాణపనులను వేగవంతం చేయాలని, మరింత ఎక్కువ మంది కార్మికులను ఈ పనుల్లో వినియోగించాలని సూచించారు. అంబేద్కర్ విగ్రహ శిల్పి నరేష్ విగ్రహ నిర్మాణపనుల పురోగతిని వివరించారు. ఏపీఐఐసి అధికారులు స్మృతివనం పనుల ప్రగతిని పీపీటీ ద్వారా ప్రదర్శించారు. ఈ సమావేశంలో పురపాలక శాఖ ప్రిన్సిపల్ సెక్రటరీ వై.శ్రీలక్ష్మి, సాంఘిక సంక్షేమ శాఖ ప్రిన్సిపల్ సెక్రటరీ జి.జయలక్ష్మి, సోషల్ వెల్ఫేర్ డైరెక్టర్ కే.హర్షవర్ధన్,  ఎన్టీఆర్ జిల్లా జాయింట్ కలెక్టర్ శ్రీవాస్ నూపుర్, విజయవాడ మున్సిపల్ కమీషనర్ స్వప్నిల్, ఏపీఐఐసి సిఇ నరసింహారావు, కేపీసీ ప్రాజెక్ట్స్ డైరెక్టర్ వాసు తదితరులు పాల్గొన్నారు.
•	ఫోటోవార్త: అంబేద్కర్ స్మృతివనం పనుల పురోగతిని సమీక్షిస్తున్న మంత్రి మేరుగు నాగార్జున, సమావేశంలో  పాల్గొన్న అధికారులు

  ప్రధాని నరేంద్ర మోడీ ఏప్రిల్ 8న హైదరాబాద్ కు రానున్నారు.
ఏప్రిల్ 8న హైదరాబాద్కు మోడీ




 ప్రధాని నరేంద్ర మోడీ ఏప్రిల్ 8న హైదరాబాద్ కు రానున్నారు.  బేగంపేట్  విమానాశ్రయం  నుంచి నేరుగా ఆయన  సికింద్రాబాద్ రైల్వే స్టేషన్ కు చేరుకోనున్నారు.  ముందుగా  తెలుగు రాష్ట్రాల మధ్య సికింద్రాబాద్- తిరుపతి వరకు నడిచే రెండో వందేభారత్ రైలును అదే రోజున మోడీ  ప్రారంభించనున్నారు. ఇది దేశంలో ప్రవేశపెట్టనున్న 13 వ రైలు కావడం విశేషం.  ఈ రైలు వలన సికింద్రాబాద్ – తిరుపతిల మధ్య ప్రయాణ సమయం 12 గంటల నుంచి 8.30 గంటల వరకు తగ్గనుంది. 

ఆనంతరం సికింద్రాబాద్‌ రైల్వే స్టేషన్ ఆధునీకరణ పనులకి మోడీ శంకుస్థాపన చేయనున్నారు.   రాబోయే 40 సంవత్సరాల వరకు ప్రయాణికులకు అవసరమైన సౌకర్యాలను అందించటానికి వీలుగా రైల్వే స్టేషన్ ను అభివృద్ధి చేయనున్నారు. దీనికి సంబంధించిన ఏర్పాట్లను కేంద్ర మంత్రి కిషన్ రెడ్డి,  రాష్ట్ర అధ్యక్షుడు బండి సంజయ్‌, ఎంపీ లక్ష్మణ్‌ పరిశీలించారు.

పవన్ కళ్యాణ్ : అందర్నీ కలిశాక అన్ని విషయాలు మాట్లాడతా: పవన్‌ 
పవన్ కళ్యాణ్ : అందర్నీ కలిశాక అన్ని విషయాలు మాట్లాడతా: పవన్‌ 

దిల్లీ: జనసేన అధినేత పవన్‌కల్యాణ్‌ దిల్లీ పర్యటన కొనసాగుతోంది. సోమవారం హస్తినకు చేరుకున్న పవన్‌.. కేంద్రమంత్రులు గజేంద్రసింగ్‌ షెకావత్‌, మురళీధరన్‌తో సమావేశమైన విషయం తెలిసిందే..

భాజపా ఏపీ వ్యవహారాల ఇన్‌ఛార్జ్‌గానూ ఉన్న మురళీధరన్‌తో పవన్‌ మరోసారి భేటీ అయ్యారు. మంగళవారం మురళీధరన్‌ నివాసంలో ఈ సమావేశం జరిగింది.

రాష్ట్రంలో తాజా రాజకీయ పరిస్థితులు, ఇటీవల జరిగిన ఎమ్మెల్సీ ఎన్నికల ఫలితాలు, భవిష్యత్‌ కార్యాచరణపై పవన్‌ చర్చిస్తున్నట్లు సమాచారం. జనసేనానితో పాటు ఆ పార్టీ రాజకీయ వ్యవహారాల కమిటీ ఛైర్మన్‌ నాదెండ్ల మనోహర్‌ కూడా చర్చల్లో పాల్గొన్నారు. ఈ సందర్భంగా పలువురు మీడియా ప్రతినిధులు పవన్‌ను కలవగా భాజపా ముఖ్యనేతలందరినీ కలిసిన తర్వాత అన్ని విషయాలు మాట్లాడతానని ఆయన చెప్పారు. సాయంత్రం కేంద్రహోంమంత్రి అమిత్‌షా, భాజపా జాతీయ అధ్యక్షుడు జేపీ నడ్డాతో ఆయన భేటీ అయ్యే అవకాశముంది.

ఏపీ. కృష్ణాజిల్లా :కదిలే ట్రైన్ ఎక్కాలని ఇద్దరు మిత్రులు సరదాగా వేసుకున్న పందెం కారణంగా, ఇంటర్మీడియట్ విద్యార్థి కాలు పోగొట్టుకున్నాడు.
కదిలే ట్రైన్ ఎక్కాలని ఇద్దరు మిత్రులు సరదాగా వేసుకున్న పందెం కారణంగా, ఇంటర్మీడియట్ విద్యార్థి కాలు పోగొట్టుకున్నాడు.


కృష్ణాజిల్లా గుడివాడలో ఇంటర్మీడియట్ చదువుతున్న ఇద్దరు విద్యార్థులు, గుడివాడ రైల్వే స్టేషన్ సమీపంలో క్రికెట్ ఆడుకుంటున్నారు. ఆ సమయంలో స్టేషన్లోకి వస్తున్న గూడ్స్ రైలు ఎక్కాలని ఇద్దరు విద్యార్థులు సరదాగా పందెం కాసుకున్నారు. రైలు ఎక్కే క్రమంలో ప్రమాదవశాత్తు కింద పడడంతో ఇంటర్మీడియట్ విద్యార్థి కాలు పోగొట్టుకున్నాడు. తీవ్రంగా గాయపడిన యువకుడిని హుటాహుటిన హాస్పిటల్ కు తీసుకెళ్లి వైద్య చికిత్సలు అందిస్తున్నారు. ఆకతాయిగా వేసుకున్న పందెం కారణంగా, జీవితం నాశనం కావడంతో యువకుడి తల్లిదండ్రులు రోదిస్తున్నారు.

ఏపీ :2,156 SPO (స్పెషల్ పోలీస్ ఆఫీసర్) తొలగించిన  ఉద్యోగులను విధులలోకి తీసుకోవాలి: -ప్రగతిశీల ప్రజాస్వామ్య విద్యార్థి సంఘం (పిడిఎస్యు)
2,156 SPO (స్పెషల్ పోలీస్ ఆఫీసర్) తొలగించిన  ఉద్యోగులను విధులలోకి తీసుకోవాలి: -ప్రగతిశీల ప్రజాస్వామ్య విద్యార్థి సంఘం (పిడిఎస్యు)
.

ఈ రోజు అనంతపురం జిల్లా కలెక్టర్ కి _ ప్రగతిశీల ప్రజాస్వామ్య విద్యార్థి సంఘం ఆధ్వర్యంలో వినతి పత్రం ఇవ్వడం జరిగింది ఈ కార్యక్రమంలో పిడిఎస్యు రాయదుర్గం డివిజన్ కార్యదర్శి : మల్లెల ప్రసాద్, ఆధ్వర్యంలో జిల్లా ప్రధాన కార్యదర్శి : వీరేందర్ జిల్లా కోశాధికారి బండారు శంకర్ మాట్లాడుతూ*
కరోనా సమయంలో రాష్ట్రవ్యాప్తంగా   629  చెక్ పోస్ట్ లలో  స్పెషల్ పోలీస్ ఆఫీసర్లుగా 2,156  మందిని ప్రభుత్వం విధులలోకి తీసుకోవడం జరిగింది.  వారికి ఎటువంటి నోటీసులు జారీ చేయకుండా ప్రభుత్వం విధుల నుంచి తొలగించడం జరిగింది . ఎస్పీవోలుగా కరోనా సమయంలో రాత్రనకా పగలనకా కుటుంబాల్ని వదిలి మరి  విధులను నిర్వహించిన  ఫలితం లేకుండా పోయింది   దీనిపై ప్రభుత్వ  సలహాదారు సజ్జల రామకృష్ణ గారిని కలవడం కూడా జరిగింది. ఇంతవరకు ప్రభుత్వం  ఆ దిశగా నిర్ణయం తీసుకోలేదు.  రాష్ట్రవ్యాప్తంగా చెక్ పోస్ట్ లలో  ఎస్పీఓ  లను తొలగించడం వల్ల   ఇతర రాష్ట్రాల నుంచి  మత్తు పదార్థాలు అనేక రూపాలలో  రాష్ట్రం లోకి రావడం రాష్ట్ర యువకులు  దానికి బానిసలు కావడం జరుగుతున్నది కాబట్టి ప్రగతిశీల ప్రజాస్వామ్య విద్యార్థి సంఘంగా  ఒకటే డిమాండ్ చేస్తున్నాం తొలగించినటువంటి ఎస్పీఓ లను వెంటనే   విధులలోకి తీసుకోవాలి చెక్ పోస్ట్ లలో ఖాళీగా ఉన్నటువంటి ఉద్యోగాలను వెంటనే భర్తీ చేయాలని లేకపోతే రాబోయే రోజుల్లో రాష్ట్రవ్యాప్తంగా పెద్ద ఎత్తున ధర్నాలకు శ్రీకారం  చుడతామని తెలియజేస్తున్నా కార్యక్రమంలో  పిడిఎస్యు జిల్లా కమిటీ సభ్యులు మహేంద్ర, ఆనంద్, తిప్పే స్వామి, ఇక్బాల్ ,శ్రీనివాసులు పాల్గొని విజయవంతం చేయడం జరిగింది.

ఏపీ :నిజాయితీ మహిళ
నిజాయితీ మహిళ.
.

 నేల మీద రూపాయి కనిపిస్తే అటు ఇటు చూసి జేబులో వేసుకునే ఈ రోజుల్లో లక్షలు విలువ చేసే బంగారు ఆభరణాలు దొరికినా నిజాయితీతో స్థానిక పోలీస్ స్టేషన్లో అప్పగించిన సంఘటన అంబేద్కర్ కోనసీమ జిల్లా ఆలమూరులో జరిగింది. దీనికి సంబంధించి ఆలమూరు ఎస్సై శివప్రసాద్ తెలిపిన వివరాలు ప్రకారం కోనసీమ జిల్లా అయినవిల్లి గ్రామానికి చెందిన యడ్ల సత్యవేణి తన కుటుంబ సభ్యులతో కలిసి ఉమ్మడి ఉభయ గోదావరి జిల్లాల ఆరాధ్య దైవమైన చింతలూరు శ్రీ నూకాంబిక అమ్మవారి దర్శనానికి ఆదివారం వచ్చారని, సుమారు లక్షా 30వేలు విలువ చేసే మూడు కాసుల బంగారపు పుస్తెలతాడు పాడేసుకున్నారని, అదే రోజున ఆలమూరు ఆడపడుచు అయిన తూర్పుగోదావరి జిల్లా నిడదవోలు మండలం తాళ్లపాలెంనకు చెందిన సింగులూరి మల్లేశ్వరి అమ్మవారి దర్శనానికి వచ్చారని, ఆ బంగారపు ఆభరణం ఆమెకు దొరకడంతో ఆలయం వద్ద బందోబస్తులో ఉన్న ఎస్సై శివప్రసాద్ కు అందజేయగా ఆలయం వద్ద ఏర్పాటు చేసిన మైకుల ద్వారా ప్రసారం చేసిన ఎవరు రాకపోవడంతో స్థానిక పోలీస్ స్టేషన్ వద్ద వస్తువులను భద్రపరిచారు. కాగా సోమవారం ఆ బంగారపు పుస్తెలతాడు మాదేనంటూ యడ్ల సత్యవేణి ఆధారాలను పోలీసులకు చూపడంతో వస్తువులను ఆమెకు అప్పగించారు. దొరికిన బంగారపు ఆభరణాలను ఎంతో నిజాయితీతో  స్థానిక ఎస్సైకి అప్పగించి, పలువురికి ఆదర్శంగా నిలిచిన మల్లేశ్వరుని స్థానిక పోలీస్ స్టేషన్లో ఘనంగా సత్కరించారు.

22 మంది గంజాయి స్మగ్లర్ల అరెస్ట్ చేసి మీడియా ముందు ప్రవేశపెట్టిన కృష్ణాజిల్లా పోలీసులు.
కరుడుగట్టిన గంజాయి స్మగ్లర్లను అరెస్ట్ చేసిన కృష్ణా జిల్లా పోలీసులు.


22 మంది గంజాయి స్మగ్లర్ల అరెస్ట్ చేసి మీడియా ముందు ప్రవేశపెట్టిన కృష్ణాజిల్లా పోలీసులు.

గంజాయి స్మగ్లర్ల పై ఉక్కు పాదం మోపే ప్రత్యేక కార్యచరణ రూపొందించి ఫలితాలు రాబట్టిన కృష్ణా జిల్లా పోలీసులు.

జిల్లా వ్యాప్తంగా ఉన్న 5 పోలీస్ స్టేషన్లో,22 మంది ముద్దాయిల అరెస్ట్,40 కిలోల గంజాయి,3 గ్రాములు MDMA, ఆటో, బైక్,16 సెల్ఫోన్ స్వాధీనం.

గంజాయి, మాదక ద్రవ్యాలు, మత్తు పదార్థాల వినియోగం, విక్రయాలు, రవాణాకు పాల్పడితే చట్ట ప్రకారం కఠిన చర్యలు తప్పవు జిల్లా ఎస్పీ.

గంజాయి కేసులో చిక్కుకున్న ప్రతి ఒక్కరి వయసు 30 ఏళ్లలోపే. క్షణికానందం కోసం గంజాయి, మాదకద్రవ్యాలకు అలవాటు పడి ఉన్నత అభివృద్ధిని సాధించాల్సిన వయసులో కేసులపాలై జీవితాలను ఆగాధం చేసుకుంటున్నారు. అలా NDPS act కు సంబంధించి జిల్లా ఎస్పీ శ్రీ జాషువా ఐపీఎస్ గారి ఆదేశాల మేరకు జిల్లా వ్యాప్తంగా జల్లెడ పట్టి మాదిక విభయాలు గంజాయి వంటి వాటిని వినియోగం విక్రయాలు నిర్వహిస్తూ వున్న వారందరినీ అదుపులోనికి తీసుకొని ఇకపై వారు గంజాయి విక్రయాలకు, రవాణాకు మరలకుండా కౌన్సిలింగ్ నిర్వహించడం జరుగుతుంది అందులో భాగంగా ఈరోజు జిల్లా వ్యాప్తంగా 5 పోలీస్ స్టేషన్లో మొత్తం 22 మంది ముద్దాయిలను అదుపులోనికి తీసుకొని వారి వద్ద నుండి 40 కిలోల గంజాయిని సీజ్ చేశారు. జిల్లా పోలీస్ కార్యాలయావరణంలో విలేకరుల సమావేశం నిర్వహించి వారి యొక్క కేసు పూర్వాపరాలను జిల్లా ఎస్పీ గారు వివరించారు.

జిల్లా వ్యాప్తంగా గంజాయి, ఇతర మత్తుపదార్ధాలు, మాదక ద్రవ్యాల వినియోగం, విక్రయాలు, రవాణాకు పాల్పడుతున్న 22 మందిని అదుపులోనికి తీసుకోవడం జరిగింది. వారి యొక్క వివరాలు.

రాబర్సన్ పేట పోలీస్ స్టేషన్
1. దారపురెడ్డి సాయి కుమార్ తండ్రి పేరు మురళీకృష్ణ 25 సంవత్సరాలు.

2. తుంగల చందు తండ్రి పేరు నరసింహారావు 21 సంవత్సరాలు మచిలీపట్నం

3. దాసరి ప్రజ్వల్ కుమార్ తండ్రి పేరు సురేష్ 21 సంవత్సరాలు పోతేపల్లి

4. కొండరపు లోవరాజు తండ్రి పేరు నూకరాజు 25 సంవత్సరాలు విశాఖపట్నం.ఇతను గంజాయి సరఫరాలో ప్రధాన నిందితుడు. ఇతను జిల్లా వ్యాప్తంగా పోలీస్ స్టేషన్లో 6 కేసులు కలవు.

5. డొక్కు కాటంరాజు శ్రీనివాసరావు 21 సంవత్సరాలు యాదవ మచిలీపట్నం

6. పాలిశెట్టి పవన్ కుమార్ తండ్రి పేరు పాండురంగారావు 20 సంవత్సరాలు మచిలీపట్నం.

7. నూలు సాయి తండ్రి బ్రహ్మం 22 సంవత్సరాలు మచిలీపట్నం.

వీరందరిపై 02.04.2023 తేదీన అరెస్ట్ చేసి కేసు ఫైల్ చేసి రిమాండ్ కు తరలించడం జరిగింది వీరంతా ఆర్థికపరంగా వెనుకబడిన కుటుంబాలైనప్పటికీ చిన్న చిన్నలకు వ్యసనాలకు బానిసలై, క్షణికానందాన్ని ఇచ్చే గంజాయి మాదక ద్రవ్యాల వినియోగం, విక్రయాలకు పాల్పడుతూ, వీరే కాక మరి కొంతమందిని యువతను పక్కదోవ పట్టిస్తూ, నేర ప్రవృత్తి కలిగి ఉన్నారు అంతేకాక వేరే ప్రాంతాలకు కూడా గంజాయిని ఎగుమతి చేస్తూ విక్రయిస్తున్నట్లుగా విచారణలో వెళ్లడయింది. వీరి వద్దనుండి 13 కేజీ ల గంజాయి స్వాధీనం చేసుకొని ఆటో, బైక్ను సీజ్ చేయడం జరిగింది.

గూడూరు పోలీస్ స్టేషన్

1.బలుపూరి కిషోర్ తండ్రి పేరు శ్రీను 19 సంవత్సరాలు మలవోలు

2. పితా రవితేజ తండ్రి పేరు శ్రీనివాసరావు 20 సంవత్సరాలు రేపల్లె.

3. అమృతలూరి దయాకర్ తండ్రి పేరు భాస్కరరావు 17 సంవత్సరాలు బేతపూడి.

పై ముగ్గురు నేరస్తులు IT చదువును పూర్తి చేసుకొని ఒకవైపు ప్రవేటు ఉద్యోగాలు చేస్తూనే సులభ సంపాదన కోసం గంజాయి అమ్మకాలు జరుపుతూ సొమ్ము చేసుకుంటున్నారు. వారి వద్ద నుండి 3 కిలోల గంజాయిని స్వాధీనం చేసుకొని వారిపై కేసు నమోదు చేయడం జరిగింది. గతంలో ఇదివరకే వీరిపై రెండు కంటే ఎక్కువ సంఖ్యలో కేసులు నమోదు అవ్వడమే కాక వీరంతా కూడా 30 ఏళ్లలోపు వారే అవ్వటం బాధాకరం.

గుడ్లవల్లేరు పోలీస్ స్టేషన్

1.బండి తంబి తండ్రి పేరు కోటేశ్వరరావు 25 సంవత్సరాలు అంగులూరు

2. కొండ రాకేష్ తండ్రి పేరు జోసెఫ్ 23 సంవత్సరాలు గుడ్లవల్లేరు

3. కాటూరి సుబ్రహ్మణ్యం తండ్రి తండ్రి పేరు కృష్ణ 28 సంవత్సరాలు ఉయ్యూరు.

4. మహమ్మద్ అక్బర్ బాషా తండ్రి నాగూర్ భాష 22 సంవత్సరాలు గుడ్లవల్లేరు.

5. పెనుమూడి చందు తండ్రి పేరు నాగపూత రాజు 23 సంవత్సరాలు ముదినేపల్లి

6. మర్రి మెక్ మిలన్ తండ్రి పేరు 25 సంవత్సరాలు మండవల్లి

పై ముద్దాయి లందరూ గంజాయిని విక్రయాలకు పాల్పడుతూ విద్యాలయాలలో గ్రామ మారుమూల శివారు ప్రాంతాలలో అమ్మకాలు జరుపుతూ సులభ మార్గంలో డబ్బు సంపాదించడమే కాక మత్తుకు బానిసలై అనేక అల్లరి కార్యక్రమాలకు కూడా తెగబడుతూ ప్రజలను భయభ్రాంతులకు గురిచేస్తున్నారు. వీరిపై ప్రత్యేక నిఘా ఉంచి వీరిని అదుపులోనికి తీసుకొని వీరి వద్దనుండి 7 కిలోల గంజాయిని స్వాధీనం చేసుకోవడం జరిగింది.

ఆత్కూరు పోలీస్ స్టేషన్

1. నాగిరెడ్డి తరుణ్ తండ్రి పేరు మహేశ్వరరావు 22 సంవత్సరాలు విజయవాడ

2. రేసభు చంద్రశేఖర్ రెడ్డి పేరు చలపతి రెడ్డి 27 సంవత్సరాలు గాజువాక

3. లండ ప్రేమ్ కిరణ్ తండ్రి సత్యనారాయణ 24 సంవత్సరాలు విజయవాడ.

4. ఏపూరి బాబురావు తండ్రి వెంకటేశ్వరరావు 20 సంవత్సరాలు విజయవాడ

ఇతను బీటెక్ విద్యను అభ్యసిస్తున్న సమయంలో చెడు వ్యసనాలకు బానిసై అదే సమయంలో మాదక ద్రవ్యాల వినియోగాన్ని ప్రవృత్తిగా మార్చుకున్నాడు అంతేకాక తన తోటి సహచర విద్యార్థులకు కూడా గంజాయిని విక్రయిస్తూ చెడు నడత కలిగి ఉన్నాడు.

పై రెండు పోలీస్ స్టేషన్లో నమోదైన కేసులలో ఇద్దరు ముద్దాయిలని అదుపులోనికి తీసుకొని వారి వద్ద నుండి 3 కేజీల గంజాయిని మరియు 3 గ్రాముల HD డ్రగ్, 3 సెల్ ఫోన్లను సీజ్ చేయడం జరిగింది.

పెనమలూరు పోలీస్ స్టేషన్

1. ఘట్టమనేని సాయి ప్రసాద్ తండ్రి పేరు లక్ష్మీ ప్రసన్న 19 సంవత్సరాలు గంగూరు

2. గోరంట్ల కిరణ్ తండ్రి పేరు శ్రీను 22 సంవత్సరాలు గోసాల

విరి వద్ద నుండి 4 కేజీల గంజాయిని సీజ్ చేయడం జరిగింది.

ఈ సందర్భంగా ఎస్పీ గారు మాట్లాడుతూ నేటి యువతపై తల్లిదండ్రుల పర్యవేక్షణ ప్రత్యక్షంగా లేకపోవడం, వారు ఎవరి స్నేహంలో ఉన్నారో గమనించుకోకపోవడం, చెడు స్నేహాల బారిన పడి బంగారు భవిష్యత్తును యువత కాలరాసుకుంటున్నారు. ఇందులో ఆరుగురు బీటెక్, ఉన్నత విద్య అభ్యసించిన వారు, నలుగురు ఐటిఐ , ఇద్దరు డిగ్రీ పూర్తి చేసిన వారు ఉండడం చాలా బాధాకరమైన విషయం. వీరంతా వీరి ఫోన్లో ఉన్న ఆండ్రాయిడ్ యాప్స్ ద్వారా సామాజిక మాధ్యమాల వేదికగా ఒకరితో ఒకరు పరిచయాలు ఏర్పాటు చేసుకుని అక్రమ రవాణా వినియోగం వికారాలు నిర్వహిస్తున్నారు. బీర్లు రాష్ట్రవ్యాప్తంగా గంజాయి సరఫరా చేస్తున్న లోవరాజును ఆంధ్ర ఒరిస్సా సరిహద్దు ప్రాంతంలో చాకచక్యంగా పట్టుకున్నారు. అంతేకాక ఎప్పటికప్పుడు తల్లిదండ్రులు వాళ్ళ పిల్లల యొక్క ప్రవర్తనపై గమనించుకుంటూ ఉంటూ, వారి స్నేహాల పైన పూర్తి పర్యవేక్షణ ఉండాలి. ఎవరైనా మాదక ద్రవ్యాల వినియోగం విక్రయాలు రవాణా వంటి వాటికి పాల్పడితే వారిపై నార్కోటిక్ డ్రగ్స్ అండ్ సైక్యోటోపిక్ సబ్ స్టెన్స్ ఆక్ట్-1985 (NDPS act) ప్రకారం కేసు నమోదు చేయడం జరుగుతుందని, నిషేధించబడిన మత్తు పదార్థాలను ఎవరైనా కలిగి ఉన్న వారికి 10 సంవత్సరాలు నుండి 20 సంవత్సరాల వరకు కఠిన జైలు శిక్ష మరియు లక్ష రూపాయల వరకు జరిమానా విధించవచ్చు జరిమానా మొత్తం ఇంకా అధికంగానే ఉండవచ్చు.

 గంజాయి మొక్కల సంబంధించిన నిబంధనలు ఉల్లంగిస్తే వారిపై 10 సంవత్సరాల జైలు శిక్ష మరియు లక్ష రూపాయలు జరిమానా విధించడం జరుగుతుంది.

ఇలా చిన్నచిన్న క్షణికానందాలకు పోయి కేసుల పాలు కావద్దని, ఎన్నిసార్లు కేసులు నమోదైనప్పటికీ వారి ప్రవర్తనలో మార్పు రాకుంటే, వారిపై PD act ను అమలుపరిచేలా కఠిన చర్యలకు ఉపక్రమించాల్సి వస్తుందని కనుక సన్మార్గంలో నడవవలసిన యువత పెడత్రోవ పడితే పరిణామాలు చాలా తీవ్రతరంగా ఉంటాయని ఎస్పీ గారు హెచ్చరించారు. అంతేకాక ఈ కేసులో ఉన్న వారందరిని విచారణ జరిపి దీని మూలాలు ఎక్కడ వున్న వాటిని తేల్చితం గంజాయి కి సంబంధించిన ఏ చిన్న సమాచారం ఉన్న నేరుగా తెలియజేయవచ్చు తెలిపిన వారి యొక్క వివరాలు గోపియంగా ఉంచబడతాయి అలాగే వీరందర్ని అదుపులోనికి తీసుకోవడానికి ప్రత్యేకంగా కృషిచేసిన ప్రతి ఒక్క పోలీస్ అధికారికి సిబ్బందికి ప్రత్యేక అభినందనలు.

నల్గొండ జిల్లా :నకిరేకల్.మండల సర్వసభ్య సమావేశంలో పాల్గొన్న. నకిరేకల్ ఎంపీపీ బచ్చుపల్లి శ్రీదేవిగంగాధర్ రావు.
మండల సర్వసభ్య సమావేశంలో పాల్గొన్న నకిరేకల్ ఎంపీపీ బచ్చుపల్లి శ్రీదేవిగంగాధర్ రావు.
.
Streetbuzz news. నల్గొండ జిల్లా :


నకిరేకల్ మండలపరిషత్ కార్యాలయంలో మండల సర్వసభ్య సమావేశంలో పలు అంశాలపై అధికారులతో చర్చి. అనంతరం ఎంపీపీ శ్రీదేవి మాట్లాడుతూ..ధాన్యం కొనుగోలు: ఐకేపి అధికారులు మరియు సిబ్బంది రైతులు ధాన్యం పోయడాకి త్వరితగతిన స్థాలాలు ఏర్పాటు చేయాలని, ఐకేపి సెంటర్ల నిర్వహనపై తన రోజువారి పర్యవేక్షణ వుంటుందని,ధాన్యం కొనుగోలు విషయంలో ఏఒక్క అధికారి నిర్లక్ష్యం వహించిన సహించేది లేదని సంబందిత అధికారులకు ఏంపీపి సూచించారు.

త్రాగునీరు:
వేసవి కాలం కనుక గ్రామాల్లో నీటి ఎద్దడితలెత్తకుండా గ్రామ పంచాయతీ సిబ్బంది అలర్టుగా వుండాలి, నీటిసమస్య తలెత్తితే వెంటనే తన దృష్టికి తీసుకురావలని సంబందిత అధికారులను అదేషించిన ఏంపీపి శ్రీదేవిగంగాధర్ రావు.
(ఈకార్యక్రమంలో)
ఏండివో అండాలు, జడ్పి కోఆప్షన్ సబ్యుడు జాన్ శాస్తి, మండలంలోని అన్నిశాఖల అధికారులు, మండలంలోని గ్రామాల ఎంపిటిసిలు, సర్పంచ్ లు, మండలపరిషత్ అధికారులు&సిబ్బంది, తదితరులు పాల్గొన్నారు.