వైజాగ్ : విశాఖ రామజోగిపేటలో కూలిన మూడంతస్తుల భవనం.. ముగ్గురు మృతి
వైజాగ్ : విశాఖ రామజోగిపేటలో కూలిన మూడంతస్తుల భవనం.. ముగ్గురు మృతి
జగదాంబ కూడలి(విశాఖ) విశాఖ నగరం కలెక్టరేట్‌ సమీపంలోని రామజోగిపేటలో బుధవారం అర్ధరాత్రి మూడంతస్తుల భవనం ఒక్కసారిగా కుప్పకూలింది..

ఈ ఘటనలో బాలిక సాకేటి అంజలి(14), దుర్గాప్రసాద్‌(17)తో పాటు మరొకరు మృతి చెందగా, ఐదుగురికి తీవ్ర గాయాలు అయ్యాయి. గాయపడిన వారిలో కొమ్మిశెట్టి శివశంకర, సాకేటి రామారావు, సాకేటి కల్యాణి, సున్నపు కృష్ణ, సాతిక రోజారాణి ఉన్నారు. సమాచారం అందుకున్న పోలీసు, అగ్నిమాపక, ఎన్డీఆర్‌ఎఫ్‌, రెవెన్యూ బృందాలు ఘటనాస్థలికి చేరుకొని సహాయ చర్యలు చేపట్టాయి. ఈ ఘటనతో పరిసర ప్రజలు భయాందోళనలో ఉన్నారు..

ప్రమాద సమయంలో భవనంలో మొత్తం 8 మంది ఉన్నారు. మరోక వ్యక్తి చోటు ఆచూకీ కోసం శిథిలాల కింద గాలింపు చేపట్టారు. గాయపడిన ఐదుగురిని కేజీహెచ్‌ ఆసుపత్రికి తరలించారు. సంఘటన స్థలాన్ని డీసీపీ సుమిత్‌ గరుడ పరిశీలించారు..

ప్రజల్లో విశ్వాసం కోల్పోతున్న మీడియా.కందుకూరి యాదగిరి సీనియర్ పాత్రికేయులు
ప్రజల్లో విశ్వాసం కోల్పోతున్న మీడియా.కందుకూరి యాదగిరి సీనియర్ పాత్రికేయులు
Streetbuzz news నల్గొండ జిల్లా :

సమాజంలో జరుగుతున్న అన్యాయాలను అక్రమాలను అవినీతిని ఎండగట్టి ప్రజల పక్షాన ఫోర్త్ ఎస్టేట్ గా నిలబడవలసిన మీడియా గాడి తప్పిందా? ప్రజల్లో విశ్వాసం కోల్పోతుందా?సన్నగిల్ల చేసుకుంటుందా?ఈ ప్రశ్నలకు 90 శాతం ప్రజలు నిజంగానే మీడియా ఎప్పుడో గాడి తప్పిందని ఒకప్పుడు ఉన్న విశ్వాసం ప్రస్తుతం లేదని సమాధానం చెప్పే పరిస్థితి కనిపిస్తున్నది.ఒకప్పుడు ఎక్కడైనా ఎవరికైనా అన్యాయం జరిగిందంటే న్యాయం చేసేందుకు సింహం జూలు విదిల్చుకొని లేచి గాండ్రించి పంజా విసిరిన చందంగా పెద్దన్న పాత్ర పోషించిన మీడియా.. ప్రస్తుతం ఇలాంటి సంఘటనలు సమాజంలో ఎన్నో జరుగుతున్నప్పటికీ చూసి చూడనట్లు,రాసి రాయనట్లు,చెప్పి చెప్పినట్లు గా వ్యవహరించటం వెనక ఆంతర్యం ఏమిటని సభ్య సమాజం సందేహంలో పడింది. ప్రస్తుతం మీడియా అంతా మనీ మైండ్ తో కొనసాగుతోందని జనం మాట్లాడుకుంటున్నారు.ఇంకొక అడుగు ముందుకేసి మీడియా పైన విశ్వాసం లేనట్లుగా ప్రజలు వ్యవహరించడానికి కారణాలు ప్రత్యేకంగా చెప్పాల్సిన పనిలేదు. రాష్ట్రాలను దేశాలను పరిపాలిస్తున్న ప్రతినిధుల వ్యవహార శైలి ఒంటెద్దు పోకడలో ఉన్నప్పుడు జీర్ణించుకోలేని ప్రజలు ఆశ్రయించేది ప్రచారమాధ్యమాలను.ఆ ప్రచార మాధ్యమాలు ప్రజల ఆవేదన లో భాగస్వాములు కాకుండా స్వలాభం కోసం కొన్ని మీడియా సంస్థలు ఎక్కడో ఒకచోట ప్రజా సమస్యలకు చోటు ఇచ్చి మిగులు భాగం అంతా ప్రకటనలకు పరిమితమైనట్లు బహిర్గతంగానే తెలుస్తోంది. ఎప్పుడైతే మీడియా ధనాపేక్షకు ప్రధాన విలువలిస్తుందో దాని ప్రారంభ సంకల్ప ఔన్నత్యాన్ని కోల్పోతుందని ప్రత్యేకంగా చెప్పాల్సిన పనిలేదు.ప్రతికూల అనుకూల పరిస్థితులు ఏమైనా కానీ తన నిజస్వరూపాన్ని మార్చుకోకుండా ఉన్నప్పుడే మీడియాపై ప్రజలకు విశ్వాసం ఉంటుంది.ప్రచురిస్తున్న కథనాల తీరుతెన్నులను సమాజం గమనిస్తుందన్న సంగతులు మర్చిపోయిన వారు లేదా ఎవరేమనుకుంటే తమకేం అనుకునేవారు గాడి తప్పిపోతున్నారని ప్రత్యేకంగా చూపించాల్సిన పనిలేదు. అరకదున్నుతున్న రైతు చేతిలో ముళ్ళు కర్ర ఎంత ముఖ్యమో ప్రజాస్వామ్యంలో ప్రజలు తప్పు చేసిన ప్రభుత్వాలు చట్టవిరోధంగా పని చేస్తున్న గాడి తప్పే అరకలాంటి ప్రజాస్వామ్యాన్ని, వ్యవస్థను,ప్రభుత్వాలను చక్కపెట్టే పనిలో ఉండాల్సిన మీడియా ఎప్పుడు ప్రజాస్వామ్యం ప్రభుత్వాలు తప్పు చేస్తాయా తిలా పాపం తల పిడికెడు అందామా అని ఎదురుచూస్తున్నట్లు ఉంది మీడియా పోకడ.సమాజంలో జరుగుతున్న సంఘటనలను సమాచారాలను ప్రజలకు చేరవేయడంలో ప్రస్తుతం మీడియా ఎంతవరకు సామాజిక బాధ్యత వహిస్తున్నది? అన్న ప్రశ్నకు ఏ మీడియా వద్ద సరైన సమాధానం లేదనేది ఒప్పుకోవాల్సిన సత్యం. పెరిగిన ఆధునిక టెక్నాలజీ కి తగినంతగా సమాచార సేకరణలో న్యాయం వైపు ఉండి కలం గలాలతో దిశా నిర్దేశం చేయాల్సిన ఫోర్త్ ఎస్టేట్ అందుకు తగినట్లుగా ఎందుకు వ్యవహరించట్లేదు!? 20 ఏళ్ల క్రితం ఉన్న సమాజానికి ప్రస్తుత సమాజానికి చాలా తేడా కనిపిస్తున్నది.ఎక్కడ ఎన్ని మార్పులు వచ్చినా మీడియాలో మార్పులు రాకూడదు అనేది ప్రజల యొక్క బలమైన కోరిక. పనికిమాలిన మీడియా, సొమ్ములకు అమ్ముడు పోయే మీడియా,అక్రమాలకు కొమ్ముకాస్తున్న మీడియా,స్వలాభం చూసుకుంటున్న మీడియా,స్వార్థ బుద్ధితో కొనసాగుతున్న మీడియా సామాజిక స్పృహ లేని మీడియా, సమాచార వ్యవస్థ మీద సమాజానికి ఇలాంటి ఆలోచన రాకముందే ప్రజలకు యావగింపు రాకముందే మీడియా పైననే ఆధారపడే 80 శాతం ప్రజల ఆత్మఘోషను వినిపించేందుకు చూపించేందుకు వెనువెంటనే తేరుకోవాలని సభ్య సమాజం ఎదురుచూస్తున్నది
కందుకూరి యాదగిరి
సీనియర్ పాత్రికేయులు

కేసీఆర్, కేటీఆర్ దిష్టిబొమ్మల దహనం.బీఆర్ఎస్ ప్రభుత్వాన్ని భర్తరఫ్ చేయాలని డిమాండ్* 
కేసీఆర్, కేటీఆర్ దిష్టిబొమ్మల దహనం.బీఆర్ఎస్ ప్రభుత్వాన్ని భర్తరఫ్ చేయాలని డిమాండ్ 
streetbuzz news. నల్గొండ జిల్లా
                            
 తెలంగాణ రాష్ట్రంలో జరుగుతున్న స్కాంలు, టీఎస్ పీఎస్సీలో పేపర్ లీకేజీ ఘటనలకు నిరసనగా టీపీసీసీ కమిటీ ఆదేశాలమేరకు, టీపీసీసీ ప్రధాన కార్యదర్శి, నకిరేకల్ నియోజకవర్గ ఇన్ చార్జి కొండేటి మల్లయ్య ఆధ్వర్యంలో కట్టంగూరు మండల కేంద్రంలో ఆదివారం స్థానిక కాంగ్రెస్ నేతలు సీఎం కేసీఆర్, మంత్రి కేటీఆర్ దిష్టిబొమ్మలను దహనం చేశారు. వచ్చే కాంగ్రెస్ ప్రభుత్వమేనని, బీఆర్ఎస్ స్కాంల ప్రభుత్వాన్ని వెంటనే భర్తరఫ్ చేయాలని డిమాండ్ చేశారు.జిల్లా యువజన కాంగ్రెస్ నాయకులు ముక్కామల శేఖర్,మండల సీనియర్ నాయకులు మాజీ పీఎసీఎస్ చైర్మన్ చెవుగొని సాయిలు,మాజీ సర్పంచ్ గౌర నర్సింహ,మార్కెట్ కమిటీ మాజీ డైరెక్టర్ మల్లెబోయిన యాదగిరి,మాజీ ఎంపీటీసీ గట్టిగొర్ల సత్తయ్య,ఓబీసీ సెల్ మండల ప్రెసిడెంట్ బొడ్డుపల్లి సైదులు,వార్డు మెంబరు ఏనుగు సైదులుమానస, యూత్ కాంగ్రెస్ మండల ప్రెసిడెంట్ కక్కిరేణి సైదులు గౌడ్,తాటిపాముల పాపయ్య, అనంతలు సురేష్,బొజ్జ శ్రీను, జిల్లా నాయకులు చెరుకు యాదగిరి,చింత గిరి,పులకరం శ్రీనివాస్,మేడి విజయ్ కుమార్,గుండు నవీన్ కుమార్, ఎర్రమాద లచ్చిరెడ్డి,చిలుముల సైదులు,తేలు నాగరాజు,దుప్పలపల్లి గణేష్, నర్సింగు సంతోష్,వెంకట్ రెడ్డి, కారంపూడి సైదులు,ఎరుకల సత్తయ్య,తదితరులు పాల్గొన్నారు.

జిల్లాలోనే ప్రఖ్యాత క్షేత్రంగా  సాయి మణికంఠ ఆలయం.నూతన కమిటీ ప్రమాణ స్వీకారోత్సవంలో ఎంపీపీ ముత్తిలింగయ్య*
జిల్లాలోనే ప్రఖ్యాత క్షేత్రంగా సాయి మణికంఠ ఆలయం.నూతన కమిటీ ప్రమాణ స్వీకారోత్సవంలో ఎంపీపీ ముత్తిలింగయ్య
Streetbuzz news. నల్గొండ జిల్లా 

ప్రఖ్యాత పుణ్యస్థలాలు,ఆలయాలకు నెలవుకు పేరొంది నల్లగొండ జిల్లాలో కట్టంగూర్ మండల కేంద్రంలో గల సాయి మణికంఠ స్వామి ఆలయం ప్రఖ్యాత పుణ్యక్షేత్రంగా బాసిల్లుతుందని కట్టంగూర్ ఎంపీపీ,సాయి మణికంఠ దేవాలయ చైర్మన్ జెల్లా ముత్తిలింగయ్య అన్నారు. ఆదివారం మండల కేంద్రంలోని శ్రీ సాయి మణికంఠ దేవాలయంలో నూతన కార్యవర్గ ప్రమాణ స్వీకారోత్సవ కార్యక్రమాన్ని నిర్వహించారు. నూతన పాలకవర్గ సభ్యులతో ఆలయ ప్రతిష్టాపనకర్త, ప్రఖ్యాత అయ్యప్ప గురు స్వామి శ్రీ వెంకటేశ్ శర్మ వర్చువల్ పద్ధతిలో ప్రమాణ స్వీకారం చేయించారు. ఈ కార్యక్రమానికి ముఖ్య అతిథిగా హాజరై. ఈసందర్బంగా.ఎంపీపీ మాట్లాడుతూ ఆలయాల ద్వారా ఆధ్యాత్మికత  పెంపొందుతుందని తద్వారా మానసిక ప్రశాంతత చేకూరడంతో పాటు భక్తి భావం వల్ల ప్రతి ఒక్కరిలో సత్ప్రవర్తన అలవడుతుందన్నారు. అందువల్ల సమాజం సుఖశాంతులతో పఢరవిల్లుతుందన్నారు. కట్టంగూర్ మండల కేంద్రంలో పుష్కరకాలం క్రితమే సాయి మణికంఠ ఆలయ నిర్మాణం జరిగిందన్నారు. ఏటేటా ఈ ఆలయం ప్రఖ్యాత దేవాలయంగా ప్రాచుర్యం పొంది కోరిన కోరికలు తీర్చే దేవాలయంగా ప్రసిద్ధి చెందిందన్నారు. ఆలయ అభివృద్ధి కోసం భక్తులు సహకరించాలని కోరారు. ఆలయంలో కమ్యూనిటీ హాల్ నిర్మాణానికి దాతలు ముందుకు వచ్చి సహకరించాలని కోరారు. నూతన కార్యవర్గం ఆలయ అభివృద్ధికి భక్తిశ్రద్ధలతో కృషి చేయాలని అన్నారు.ఈ కార్యక్రమంలో ఆలయ గురు స్వాములు పూల గురుస్వామి, గాదగోని వెంకన్న,ఆలయ పూజారి కొటారు సత్యనారాయణ శర్మ, కోశాధికారి గుడిపాటి శివప్రసాద్, కడవేరు మల్లికార్జున్,రాపోలు వెంకటేశ్వర్లు,జెల్లా అంజమ్మ, గద్దపాటి దానయ్య,మంగ దుడ్ల శ్రీనివాస్ లు పాల్గొనగా నూతన అధ్యక్షునిగా పోగుల నరసింహ,ప్రధాన కార్యదర్శిగా పోట్టబత్తుల కృష్ణమూర్తి,గౌరవ సలహాదారులుగా రిటైర్డ్ తహసీల్దార్ కొండూరు ఆంజనేయులు,రిటైర్డ్ టీచర్ ఎరుకలి సత్తయ్య,గాదగోని వెంకన్న,పోట్ట బత్తుల సత్యనారాయణ,ఇల్లందుల గోపీనాథ్,ఉపాధ్యక్షులుగా కొల్లు వీరేశం,ఎరుకల శీను కుమార్,మండల వెంకన్న, సహాయ కార్యదర్శిగా మన్నెం ఆంజనేయులు,కార్యవర్గ సభ్యులుగా ఆకుల సోమేశ్వర్, బొడ్డుపల్లి రమేష్,గుజ్జేటి రాజశేఖర్,గండమల్ల ఆంతయ్య,మాతంగి రవి, ఊట్కూరి రాజశేఖర్, బొడ్డుపల్లి సైదులు,పోలిశెట్టి సత్యనారాయణ,కొంపెల్లి నరసింహ,మేడి విజయ్, అలుగుబెల్లి వంశీ రెడ్డి,రెడ్డిపల్లి వెంకటమ్మ,మద్దెల పద్మ, శ్రీరామ సంధ్య,పొడిచేటి నాగేశ్వరి,తదితరులు ప్రమాణ స్వీకారం చేశారు. అనంతరం ఎంపీపీ నూతన కార్యవర్గ సభ్యులను ఘనంగా సత్కరించారు.

వివాహ శుభాకార్యనికి హాజరై వధూవరులను ఆశీర్వదించిన. జెడ్పిటిసి  బలరాం
వివాహ శుభాకార్యనికి హాజరై వధూవరులను ఆశీర్వదించిన. జెడ్పిటిసి బలరాం
కట్టంగూర్ మండల కేంద్రానికి చెందిన 8వార్డు మెంబర్ చెరుకు జ్యోతిరామన్న కూతురు సిందు అనిల్ కుమార్, వివాహాశుబాకార్యనికి హాజరై వధూవరులను ఆశీర్వదించిన.కట్టంగూర్ జెడ్పిటిసి  తరాల బలరామ్, ఈకార్యక్రమంలో. నకిరేకల్ వ్యవసాయ మార్కెట్ కమిటీ వైస్ చైర్మన్ పోగుల నరసింహ,పి ఏ సి ఎస్ చైర్మన్ నూక సైదులు, కురుమర్తి ఎంపిటిసి బిరెళ్ళి రాజ్యలక్ష్మీ ప్రసాద్, వార్డు మెంబర్ రెడ్డి పల్లి మనోహర్,తదితరులు పాల్గొన్నారు..

మన హక్కులే మనకు భరోసా. వస్తువులు కొనుగోలు చేసి మోసపోతున్నారా.  ది.జాతీయ వినియోగదారుల హక్కుల కమీషన్ తెలంగాణ రాష్ట్ర వైస్ చైర్మన్ యంగలి గోపి గౌడ్
 మన హక్కులే మనకు భరోసా.
వస్తువులు కొనుగోలు చేసి మోసపోతున్నారా.
ది.జాతీయ వినియోగదారుల హక్కుల కమీషన్
తెలంగాణ రాష్ట్ర వైస్ చైర్మన్ యంగలి గోపి గౌడ్
వస్తువులు కొన్నప్పుడు, సేవలని ఉపయోగించుకునే సందర్భాల్లో మోసపోయి చాలా మంది వినియోగదారులు మోసపోతున్నారు. ఇలాంటి సందర్భాల్లో న్యాయాన్ని అందించేందుకు వినియోగదారుల ఫోరాలు ఉంటాయని వినియోగదారులు గుర్తించాలి. గుండు సూది నుంచి విమాన ప్రయాణం వరకు,  దీనిని కొనుగోలు చేసిన ఎంత ఖర్చు చేసినా వాళ్లు వినియోగదారులే (కన్స్యూమర్ ).
కొనుగోలు చేసిన ప్రతీ వస్తువు నాణ్యత లేకపోయినా, నాణ్యత ప్రమాణాలకు తగ్గట్లుగా లేకపోయినా నష్టాల బారిన పడేది ఆ వినియోగదారుడే. 
ఉదా : ఒక వ్యక్తి గడువు తీరిన వస్తువులను కొనుగోలు చేసినచో మోసపోయానని బాధపడాల్సిక అవసరం లేదు. ప్రస్తుతం తినే ఆహారం నుంచి వేసుకునే దుస్తులు, తొడుక్కునే చెప్పులు అన్నీ కల్తీ, తాగే నీళ్ళు, నకిలీలతో వినియోగదారుడు మోసపోతూన్నారు..
జరిగిన నష్టాన్ని చూస్తూ ఉండకుండా మన హక్కులను మనం కాపాడుకోకావల్సిన బాధ్యత మన అందరిపై ఉంది.
వినియోగ‌దారుల రక్షణ కోసం ప్రత్యేకంగా వినియోగ‌దారుల చ‌ట్టం (థ కన్స్యూమర్ ప్రొటెక్షన్ యాక్ట్ ) ఉంది.  వస్తువులు, సేవల నాణ్యత, సామర్థ్యం, స్వచ్ఛత, ధర, ప్రమాణం, సంబంధించి సమాచారం ఇందులో ఉంటుంది. అంతేకాదు న‌ష్టప‌రిహారం పొందే హ‌క్కునూ ఈ చ‌ట్టమే క‌ల్పిస్తోంది. ప్రభుత్వ లేదా ప్రైవేట్ సంస్థల నుంచి పొందే సేవ‌ల‌న్నీ  వినియోగదారుల చట్టం పరిధిలోకి వ‌స్తాయి.
ఒప్పందం ప్రకారం సేవ చేయకపోయినా, వస్తువు నాణ్యతలో లోపం ఉన్నా, చట్ట ప్రకారం విధులు నిర్వర్తించ‌క‌పోయినా వినియోగదారుడు ఈ చ‌ట్టం ప్రకారం కోర్టులను (ఫోరం) ఆశ్రయించవచ్చు. ఉచితంగా పొందే సర్వీసులు ఈ చట్టం పరిధిలోకి రావు.  వినియోగదారుడికి రక్షణగా వినియోగ‌దారుల సంఘాలు, తూనికల కొలతల శాఖ, ఆహార కలుషిత నియంత్రణ తదితర విభాగాలు ఏర్పాటయ్యాయి. 



వినియోగదారుల హక్కులు: 
► వస్తువులను లేదా సేవలను వినియోగదారులు తమకు అందుబాటు ధరలో ఉండి., నచ్చితేనే ఎంచుకునే హక్కు ఉంటుంది. బలవంతంగా వినియోగదారుడికి అంటగట్టే ప్రయత్నం నేరమే అవుతుంది. 
► భద్రత హక్కు: ఈ హక్కు ప్రకారం సంస్థలు నాణ్యమైన వస్తువులు, సేవలను వినియోగదారుడికి అందించాలి. వినియోగదారుడు కొనే వస్తువులు, పొందే సేవలు దీర్ఘకాలం మన్నికలా ఉండాలి. అవి వినియోగదారులు ఆస్తులకు నష్టం కలిగించకూడదు. అయితే నాణ్యతను గుర్తించి వస్తువులను, సేవలను కొనుక్కోవాల్సిన బాధ్యత మాత్రం వినియోగదారుడి పైనే ఉంటుంది
► సమాచారం పొందే హక్కు : కొనే వస్తువు, పొందే సేవల నాణ్యతా ప్రమాణాలు, ధరల గురించి పూర్తి సమాచారం తెలుసుకునే హక్కు వినియోగదారుడికి ఉంది. ఈ విషయంలో ఎలాంటి పరిమితులు విధించడానికి వీల్లేదు. 
► అభిప్రాయం వినిపించొచ్చు: వినియోగదారుల వేదికలపై వినియోగదారుడు అభిప్రాయాలు చెప్పేందుకు హక్కు ఉంది. అంతేకాదు ప్రత్యేకంగా వినియోగదారుల సంఘాలను ఏర్పరుచుకునేందుకు కూడా హక్కు ఉంది. అయితే ఆ సంఘాలకు రాజకీయాలు, వ్యాపారాలతో ఎలాంటి సంబంధం ఉండకూడదు
► న్యాయపోరాటం: వినియోగదారుడు మోసపోయినా లేదా నష్టపోయినా న్యాయస్థానాలను ఆశ్రయించే హక్కు ఉంటుంది. ఇది అన్నింటికన్నా అతిముఖ్యమైన హక్కు.  

 బిల్లు ఉంటే ఫోరం సంప్రదిద్దాం సరైన న్యాయం పొందుతాం

ఏదైనా ఒక వస్తువు కొన్నప్పుడు బిల్లు తప్పనిసరిగా తీసుకోవాలని యాడ్‌లలో తరచూ చూస్తుంటాం. కొన్ని వస్తువుల విషయంలో గ్యారెంటీ, వారెంటీ కార్డులను షాపు యజమాని సంతకం, ముద్రతో సహా తీసుకోవాలి. చిన్న చిన్న వస్తువులను మినహాయిస్తే సాధ్యమైనంత వరకు బిల్లులను అడిగి తీసుకోవడం మంచిది. సమస్య తలెత్తినప్పుడు వినియోగదారుల ఫోరంలో సమర్పించడానికి ఇవి ఉపయోగపడతాయి, వినియోగ‌దారుల చ‌ట్టం కింద నష్టపోయిన వ్యక్తికి న్యాయం చేసేందుకు మూడంచెల వ్యవస్థలో ఫోరాలు ఏర్పాటయ్యాయి. జిల్లా, రాష్ట్ర, జాతీయ స్థాయిలో వినియోగదారుల ఫోరాలు ఉన్నాయి.
 - యంగలి గోపి గౌడ్
ది.జాతీయ వినియోగదారుల హక్కుల కమీషన్
తెలంగాణ రాష్ట్ర వైస్ చైర్మన్

బహుజన బాంధవుడు కాన్షీరామ్‌.కాన్షీరామ్ ఆశయాలు సాధి ద్దాం.బిఎస్పి నియోజకవర్గ ఇంచార్జి ప్రియదర్శిని మేడి
బహుజన బాంధవుడు కాన్షీరామ్‌

కాన్షీరామ్ ఆశయాలు సాధి ద్దాం
బిఎస్పి నియోజకవర్గ ఇంచార్జి ప్రియదర్శిని మేడి*
బీఎస్పీ వ్యవస్థాపకుడు కాన్షీరాం గారి జయంతి వేడుకలు నకిరేకల్ పట్టణంలో బుధవారం ఘనంగా నిర్వహించారు. బీఎస్పీ నియోజకవర్గ పార్టీ ఆధ్వర్యంలో నిర్వహించిన కార్యక్రమంలో బీఎస్పీ, నియోజకవర్గ నాయకులు పెద్ద సంఖ్యలో పాల్గొని బైక్ ర్యాలీ నిర్వహించి, కాన్షీరాం చిత్రపటానికి పూలమాలలు వేసికేక్ కట్ చేసి, నివాళులర్పించారు.అనంతరం నియోజకవర్గ ఇంచార్జి ప్రియదర్శిని మేడి మాట్లాడుతూ రాజకీయాల్లో చరిత్ర మార్చి బహుజన రాజ్యాధికారాన్ని ఉత్తరప్రదేశ్‌ రాష్ట్రంలో నిలబెట్టిన ఘనుడు మాన్యవీర్‌ కాన్షిరాం అని అన్నారు. అంబేడ్కర్‌ రాసిన ‘కుల నిర్మూలన’ పుస్తకం స్ఫూర్తితో పీడిత వర్గాల జీవితాల్ని రాజ్యాధికారం దిశగా తన నాయకత్వంలో ముందుకు నడిపారు. గౌతమ బుద్ధుడు, మహాత్మా జ్యోతిరావు ఫూలే, ఛత్రపతి సాహూ మహారాజ్, డాక్టర్‌ బీఆర్‌ అంబేడ్కర్, నారాయణ గురు, పెరియార్‌ లాంటి వారిని గురువులుగా భావించారు. వారి ప్రభావంతోనే 1971లో ఎస్సీ, ఎస్టీ, ఓబీసీ, మైనారిటీ, సంక్షేమ సంఘం ఏర్పాటు చేశారు. తదనంతరం 1978లో బ్యాక్‌వార్డ్‌ అండ్‌ మైనారిటీ కమ్యూనిటీ ఎంప్లాయీస్‌ ఫెడరేషన్‌ (బామ్‌ సెఫ్‌)ను స్థాపించి అణగారిన వర్గాలలో ఎదిగినవారు తమ వర్గాల అభ్యున్నతికి తోడ్పడే విధంగా కృషి చేశారన్నారు.'రాజ్యాధికారమే మాస్టర్‌ కీ’ అన్న అంబేడ్కర్‌ మాటలను ఆదర్శంగా తీసుకొని 1984లో బహుజన్‌ సమాజ్‌ పార్టీ స్థాపించారు. బహుజన సమాజాన్ని రాజ్యాధికారం వైపు నడిపించడానికి అంబేడ్కర్‌ చెప్పిన విధంగా ‘బోధించు, సమీకరించు, పోరాడు’ సిద్ధాంతానికి అనుగుణంగా 1983 మార్చి 15న ఢిల్లీ నుండి బయలుదేరి ఏడు రాష్ట్రాల మీదుగా 100 సైకిళ్ళతో 40 రోజులలో 4,200 కిలోమీటర్లు ప్రయాణించి ప్రజలను బహుజన ఉద్యమం వైపు మరల్చిన గొప్ప వ్యక్తి కాన్షీరాం. ఆయన అలుపెరగని పోరాటంతో ఉత్తరప్రదేశ్‌లో బహుజనులు కొన్ని సార్లు అధికారాన్ని హస్తగతం చేసుకోవడమే కాక... దేశంలోని మిగతా ప్రాంతాల్లోనూ గణనీయమైన రాజకీయ శక్తిగా ఎదిగారన్నారు. 85శాతం ఉన్న ఎస్సీ, ఎస్టీ, బీసీ, మైనార్టీలు ప్రలోభాలకు లోనవకుండా వారి ఓటు వారే వేసుకుని సరైన నాయకుడ్ని ఎన్నుకోవాలన్నారు. ఈ కార్యక్రమంలో జిల్లా కోశాధికారి కొవ్వూరి రంజిత్, నియోజకవర్గ అధ్యక్షులు గద్దపాటి రమేష్, నియోజకవర్గ మహిళా కన్వీనర్ మర్రి శోభ, నియోజకవర్గ కోశాధికారి దేశాపాక రాజ్ కుమార్, చిట్యాల మండల అధ్యక్షురాలు చుక్క పూజిత, కట్టంగూర్ మండల అధ్యక్షులు మేడి శ్రీనివాస్, కేతాపల్లి మండల అధ్యక్షులు విజయ్, మహిళా కన్వీనర్ చందుపట్ల శృతి, వివిధ మండల బి ఎస్ పి నాయకులు కార్యకర్తలు తదితరులు పాల్గొన్నారు.

యోగాతో మానసిక ప్రశాంతత. నకిరేకల్ ఎమ్మెల్యే చిరుమర్తి లింగయ్య
యోగాతో మానసిక ప్రశాంతత. నకిరేకల్ ఎమ్మెల్యే చిరుమర్తి లింగయ్య                           
Streetbuzz news. నల్గొండ జిల్లా :
 ప్రతి ఒక్కరూ యోగా ఆచరించడం ద్వారా మానసిక ప్రశాంతత లభిస్తుందని నకిరేకల్ ఎమ్మెల్యే చిరుమర్తి లింగయ్య వెల్లడించారు.బుదవారం నాడు   నకిరేకల్ మినీ స్టేడియంలో కందాల పాపి రెడ్డి విద్యసంస్థల చైర్మన్& యోగ మాస్టర్ ఆధ్వర్యంలో. ఏ వి యమ్ ఈ - టెక్నో స్కూల్ విద్యార్థులచే (సహస్ర రిథమిక్ యోగ) యోగ మహోత్సవం కార్యక్రమానికి ముఖ్య అతిధిగా నకిరేకల్ ఎమ్మెల్యే చిరుమర్తి లింగయ్య హాజరై యోగ ఆసనాలు వేశారు. అనంతరం ఎమ్మెల్యే చిరుమర్తి మాట్లాడుతూ.నిత్యం యోగా చేయడం వల్ల యవ్వనంగా ఉంటారని అనేక శారీరక రుగ్మతల బారిన పడకుండా ఆరోగ్యంగా ఉంటామని తెలిపారు. 
ప్రస్తుత సమాజంలో 30ఏండ్ల వయస్సు నుంచే ఎంతో మంది ఆరోగ్య సమస్యలతో ప్రజలు సతమతమవుతున్నారని యోగా వల్ల మానసిక, దీర్ఘకాలిక వ్యాధులు సైతం దూరమవుతాయన్నారు. ప్రతి ఒక్కరూ యోగాను అలవాటు చేసుకోవాలని కోరారు. యోగా వల్ల శారీరక ఆరోగ్యంతో పాటు మానసిక ఆనందం కలుగుతుందన్నారు.
యోగాతో మానవ శరీరానికి ఎంతో మేలు జరుగుతుందని, ఆరోగ్యంగా ఉంటామని ఎమ్మెల్యే అన్నారు. ప్రజలంతా ప్రతి రోజూ యోగా చేయడం అలవాటు చేసుకోవాలని, పిల్లలకు కూడా యోగాను నేర్పించాలని సూచించారు. యోగ ద్వారా విద్యార్థులు చురుకుగా ఉంటారని చదువులో కూడా రాణించే అవకాశాలు ఉన్నాయన్నారు.
చిన్నపెద్ద తేడా లేకుండా ప్రతి ఒక్కరు రోజూ ఒక గంట లేదా అరగంట వ్యాయామం తో పాటు యోగా చేస్తే శరీరానికి చాలా మంచిదని, చిన్న చిన్న జబ్బులు కూడా యోగాతో ఇట్టే తగ్గిపోతాయన్నారు. మనిషి శరీరం సహాకరిస్తే మనం ఎన్నోరకాల కార్యక్రమాలు చేయగలమని అందుకు యోగా సాధనంగా తప్పకుండా ఆచరించాలని కోరారు.
భావితరాలకు స్వచ్ఛమైన వాతావరణంతో పాటు మంచి ఆరోగ్యాన్ని అందించాలనే గొప్ప సంకల్పంతో సీఎం కేసిఆర్ నేతృత్వంలో రాష్ట్ర ప్రభుత్వం అన్ని గ్రామాలు, పట్టణాలలో పల్లె, పట్టణ ప్రకృతి వనాలతో పాటు క్రీడా ప్రాంగణాల ఏర్పాటుకు శ్రీకారం చుట్టిందని నకిరేకల్ ఎమ్మెల్యే చిరుమర్తి లింగయ్య చెప్పారు.ఈ కార్యక్రమంలో. మున్సిపల్ చైర్మన్ రాచకొండనకిరేకల్ శ్రీనివాస్ గౌడ్, కౌన్సిలర్లు, తదితరులు పాల్గొన్నారు.

ఎల్ ఓ సి అందజేసిన నకిరేకల్ ఎమ్మెల్యే చిరుమర్తి 
నకిరేకల్ ఎమ్మెల్యే చిరుమర్తి లింగయ్య చేతుల మీదుగా ఎల్ ఓ సి అందజేత  
 
 
నకిరేకల్ నియోజకవర్గ పరిధిలోని నార్కట్ పల్లి మండలం మాధవ ఎడవెల్లి గ్రామానికి అలుగుబెల్లి రాధిక ఆనారోగ్యం కారణంగా అత్యవసర చికిత్స నిమిత్తం సీఎం సహాయ నిధి పథకం కింద ఎల్ ఓ సి ద్వారా మంజూరైన 1,25,000/- రూపాయల ఎల్ ఓ సి పత్రాన్ని వారి కుటుంబ సభ్యులకు నార్కట్ పల్లి క్యాంపు కార్యాలయంలో.  నకిరేకల్ ఎమ్మెల్యే చిరుమర్తి లింగయ్య అందజేసారు.

బిఎస్పి పార్టీ ఆధ్వర్యంలో ఘనంగా మహిళా దినోత్సవ వేడుకలు.
బిఎస్పి పార్టీ ఆధ్వర్యంలో ఘనంగా మహిళా దినోత్సవ వేడుకలు
Streetbuzz news. నల్గొండ జిల్లా :

అంతర్జాతీయ మహిళా దినోత్సవం పురస్కరించుకొని బిఎస్పి నకిరేకల్ నియోజకవర్గ కమిటీ ఆధ్వర్యంలో నకిరేకల్ పట్టణ కేంద్రంలో పద్మశాలి భవనంలో కేక్ కట్ చేసి, ఆశ వర్కర్లకి, అంగన్వాడీ టీచర్లకి, మునిసిపల్ కార్మికులకి శాల్వాతో సన్మానించారు. ఈ కార్యక్రమానికి ముఖ్య అతిధిదులుగా నియోజకవర్గ ఇంచార్జి ప్రియదర్శిని మేడి,డాక్టర్ స్నేహలత విచ్చేసి అనంతరం వారు  మాట్లాడుతూ ఆశ వర్కర్లకి, అంగన్వాడీ టీచర్లకి, మునిసిపల్ కార్మికులకి కనీస వేతనం ఇవ్వాలన్నారు.పురుషులతో పాటు మహిళలకు సమాన హక్కులు కల్పించాలని, ప్రస్తుత సమాజంలో మహిళలపై జరుగుతున్న హింసను ప్రతి ఒక్కరు ఖండించాలని అన్నారు. మహిళా దినోత్సవం రోజున మాత్రమే మహిళలను గౌరవించడం కాకుండా ప్రతి రోజు మహిళల పట్ల విధేయత చూపాలని కోరారు.ఒక్కరోజు మాత్రమే మహిళా దినోత్సవం కాదని ప్రతిరోజు కూడా మహిళా దినోత్సవమేనని పేర్కొన్నారు. మహిళలు అన్ని రంగాల్లో రాణిస్తున్నారని, ప్రస్తుత కాలంలో ప్రతీ రంగంలోకి మహిళలు అడుగిడుతురన్నారు. ప్రతీ ఒక్కరూ అన్నిరంగాల్లో రాణించాలన్నారు.ఒకరిపై ఆధారపడకుండా మహిళలు తమ సమస్యలు తామే పరిష్కరించేందుకు కృషి చేయాలన్నారు.తమ కూతుళ్ళకు కొడుకులతో సమానంగా ఉన్నత విద్యను అందిస్తే పురుషులతో సమానంగా ఎదగగలరని చెప్పారు. మహిళలు అన్నిరంగాల్లో సాధికారత సాధించినప్పుడే అటు గ్రామ ప్రగతితో పాటు దేశ ప్రగతి సాధ్యమన్నారు.మహిళా దినోత్సవం ప్రాముఖ్యతను, ప్రపంచంలో మహిళలు సాధించిన విజయాలను వివరించారు. మహిళలు సమాజంలో సగ భాగమని, ప్రభుత్వం కూడా అన్ని రంగాలలో ముఖ్యంగా రాజకీయాల్లోనూ 50 శాతం రిజర్వేషన్లు ఇచ్చి ప్రోత్సహిస్తోందని అన్నారు.ఈ కార్యక్రమంలో జిల్లా కోశాధికారి కొవ్వూరి రంజిత్, నియోజకవర్గ ఇంచార్జి గద్దపాటి రమేష్, నియోజకవర్గ మహిళా కన్వీనర్ మర్రి శోభ, కేతాపల్లి మహిళా కన్వీనర్ చందుపట్ల శృతి,ఆశ వర్కర్ల జిల్లా అధ్యక్షురాలు సింగం రేణుకు, ఆశ వర్కర్ల మండల అధ్యక్షురాలు ఎస్కే సుల్తాన్, నకిరేకల్ మండల అధ్యక్షులు చెట్టిపల్లి శంకర్, కేతాపల్లి మండల అధ్యక్షులు ఎడ్ల విజయ్,ఆశ వర్కర్లు,తదితరులు పాల్గొన్నారు.