బైండోవర్ నిబంధనలు ఉల్లంఘిస్తే చట్ట ప్రకారం చర్యలు తప్పవు 




బైండోవర్ నిబంధనలు ఉల్లంఘించిన వ్యక్తికి 50 వేల రూపాయల జరిమానా

Street Buzz news సిద్దిపేట జిల్లా:
(తొగుట):- బైండోవర్ నిబంధనలు ఉల్లంఘిస్తే చట్ట ప్రకారం చర్యలు తీసుకుంటామని గజ్వేల్ ఏసీపీ తెలిపారు.ఈ సందర్భంగా గజ్వెల్ ఏసీపీ M. రమేష్ మాట్లాడుతూ తొగుట పోలీస్ స్టేషన్ పరిధి లోఉన్న సిద్దిపేట జిల్లా తొగుట మండలం ఎల్లారెడ్డి పేట గ్రామానికి చెందిన రౌడీషీటర్ మన్నె బాగయ్య(49) తండ్రి రామయ్య అతని సత్ప్రవర్తన గురించి, SI తోగుట తేదీ: 17-06-2022 నాడు స్థానిక తహసీల్దారు వద్ద బైండోవర్ చేయడం జరిగిందని బైండ్ ఓవర్ నిబంధనలు ఉల్లంఘించి నేరం చేసినందున అతని పై తొగుట పోలీస్ స్టేషన్లో కేసు నమోదు చేయడం జరిగిందని నేరం చేసినాడని స్థానిక తహసీల్దారుకు సమాచారం అందించగా తహసీల్దార్ విచారణ జరిపి నిబంధనలు ఉల్లంఘించిన పై రౌడీ షీటర్ కు 50 వేల రూపాయల జరిమానా విధించడం జరిగిందని గజ్వేల్ ఏసీపీ ఒక ప్రకటనలో తెలిపారు. గజ్వెల్ డివిజన్ పరిధిలో ఉన్న రౌడీలు, కేడీలు, డిసీలు, సస్పెక్ట్ మంచి ప్రవర్తనతో మెలగాలని వారితో పాటు వివిధ కేసులలో బైండ్ ఓవర్ చేయబడిన వారు ఎవరైనా బైండోవర్ నిబంధనలు ఉల్లంఘిస్తే చట్ట ప్రకారం చర్యలు తీసుకుంటామని హెచ్చరించిన గజ్వేల్ ఏసీపీ M.రమేష్.

యువత అన్ని రంగాల్లో నైపుణ్యాలతో ముందుకు వెళ్ళాలి 



కబడ్డీ పోటీలను ప్రారంభించిన మండల జడ్పిటిసి నాయకుడు అనిల్ జాదవ్
Street Buzz news:

(బోథ్ నియోజకవర్గం):- నేరడిగొండ మండలం రాజుర గ్రామంలో మంగళవారం కబడ్డీ పోటీల ప్రారంభోత్సవానికి విచ్చేసిన పెద్దలు బోథ్ ముద్దుబిడ్డ మండల జడ్పిటిసి నాయకుడు అనిల్ జాదవ్ చేతుల మీదుగా కబడ్డీ పోటీలను ప్రారంభించారు. ఈ పోటీలలో క్రీడాకారులను ఉత్తేజ పరుస్తూ క్రీడా అనేది మానవ శరీరానికి ముఖ్య పాత్ర పోషిస్తుందని అలాగే ప్రతి యువత అన్ని రంగాల్లో నైపుణ్యాలతో ముందుకు ముందుకు వెళ్లాలని. యువత ఎటువంటి చెడు అలవాటులకు పాల్పడద్దని మంచి మార్గంలో యువత నడవాలని. యువతను ఉద్దేశించి అనిల్ జాదవ్ కోరారు.ఈ కార్యక్రమంలో బోథ్ ఎంపీపీ తుల శ్రీనివాస్, మాజీ పిఎసిఎస్ చైర్మేన్ నానక్ సింగ్, గులాబ్, సర్పంచ్ రమేష్, సర్పంచ్ స్థానిక సర్పంచ్ వసంతరావు, గ్రామ నాయక్ అంబారావు, కార్ భారీ నారాయణ ,గణేష్, ఎక్స్ ఎంపీపీ రామ్ చందర్, పిఎసిఎస్ డైరెక్టర్ గంగా సింగ్, ఉప సర్పంచ్ దేవేందర్ రెడ్డి,చింటూ రెడ్డి, ఉత్తం, మేఘరాజ్, సవాయ్ రామ్, కాశీరాం ,సో రాజి ,మరియు గ్రామ యూత్ సభ్యులు పాల్గొన్నారు.

ఘనంగా మాతృభాష దినోత్సవం 




Street Buzz news:
హుజురాబాద్ పట్టణంలోని శ్రీ వాగ్దేవి డిగ్రీ కళాశాలలో అంతర్జాతీయ భాషా దినోత్సవం సందర్భంగా మంగళవారం ఎన్ఎస్ఎస్ ప్రోగ్రాం ఆఫీసర్ మరియు తెలుగు అధ్యాపకులు మేకల నవీన్ కుమార్ గారి ఆధ్వర్యంలో మాతృభాష దినోత్సవాన్ని ఘనంగా నిర్వహించారు ఈ కార్యక్రమాన్ని కళాశాల ప్రాంగణం నుండి అంబేద్కర్ కూడలి వరకు ర్యాలీగా నినాదాలతో వెళ్లి భారత రాజ్యాంగ నిర్మాత డాక్టర్ బి.ఆర్ అంబేద్కర్ గారికి పూలమాలను అలంకరించి తిరిగి కళాశాల ప్రాంగణంలో సభా కార్యక్రమం ప్రారంభించారు.ఈ కార్యక్రమానికి తెలుగు అధ్యాపకులు మేకల నవీన్ కుమార్ గారి గురువర్యులు శ్రీ రామకృష్ణ సార్ మరియు ముఖ్య అతిథి హుజరాబాద్ చైర్మన్ రాధిక శ్రీనివాస్ గార్లు హాజరయ్యారు.శ్రీ గందె రాధిక శ్రీనివాస్ మాట్లాడుతూ మాతృభాష గొప్పతనాన్ని వివరిస్తూ పరభాషల కంటే మన భాష గొప్పదని తెలుగు గౌరవిస్తే అమ్మను గౌరవించినట్లే అని ప్రతి విద్యార్థి శ్రద్ధతో చదివి మంచి మార్పు రావాలని ఆశీస్సులు తెలియజేసింది రామకృష్ణ సార్ మాట్లాడుతూ తెలుగు భాష ప్రాముఖ్యతను వివరించారు కళాశాల కరస్పాండెంట్ శ్రీ ఏనుగు మైపాల్ రెడ్డి మాట్లాడుతూ అన్ని సబ్జెక్టులతో పాటు మా కళాశాలలో తెలుగు ఒక ప్రత్యేకమైన భాషగా తెలుగు భాషను గౌరవిస్తూ తెలుగు అధ్యాపకులకు అన్ని విధాల సహకారాలు అందిస్తూ తెలుగు భాషను ముందుకు తీసుకెళుతున్నానని తెలుగు భాషను మా కళాశాలలో ఒక అమ్మలా మేము ఆరాధిస్తామని ప్రతి విద్యార్థి తప్పక తెలుగు భాషను గౌరవించాలన్నారు.ఈ కార్యక్రమంలో ముఖ్య అతిథులు శ్రీ గందె రాధిక శ్రీనివాస్, శ్రీ రామకృష్ణ సార్, కరస్పాండెంట్ మైపాల్ రెడ్డి, ప్రవీణ్ రెడ్డి, శ్రీనివాస్ రెడ్డి, తిరుపతి,వివిధ అధ్యాపకులు, విద్యార్థిని విద్యార్థులు అధిక సంఖ్యలో పాల్గొన్నారు.

ఆ నేత జన ఉద్దరణకే అంకితం 



 పదవి లేకున్నా గ్రామాల అభివృద్ధి  

నేడు వైస్ ఎంపీపీ
Street Buzz news:
1968వ ఏటా ఆర్ఎస్ఎస్ లో చేరి..ప్రజా సేవకు పూనుకున్న ఆ నాయకుడు విద్యార్థి దశ నుంచే గ్రామాల అభివృద్ధి పట్ల అంకితమై..అభివృద్ధికి బాటలు వేశాడు. జయశంకర్ భూపాలపల్లి జిల్లా మొగుళ్లపల్లి మండలంలోని రంగాపురం గ్రామానికి చెందిన పోల్నేని రాజేశ్వర్ రావు మొట్ట మొదటిసారిగా 1999లో రంగాపురం గ్రామ వార్డు సభ్యునిగా ఎన్నికై ఉపసర్పంచ్ పదవిలో కొనసాగారు. అనంతరం ఉప సర్పంచ్ పదవిలో కొనసాగుతూనే కాంగ్రెస్ పార్టీ బలపరిచిన బిజెపి అభ్యర్థిగా రంగాపురం ఎంపీటీసీగా గెలుపొందారు. బిజెపిలో క్రియాశీలకంగా పార్టీ ప్రతిష్టకు పాల్పడ్డారు. అనూహ్యంగా 2005వ సంవత్సరంలో కాంగ్రెస్ పార్టీ సంక్షేమ పథకాలకు ఆకర్షితుడైన ఆయన నాటి కాంగ్రెస్ పార్టీ జిల్లా అధ్యక్షుడిగా కొనసాగుతున్న గండ్ర వెంకటరమణారెడ్డి నేతృత్వంలో కాంగ్రెస్ పార్టీ తీర్థం పుచ్చుకున్నారు. అప్పటి నుంచి కాంగ్రెస్ పార్టీలో క్రియాశీలకంగా వ్యవహరిస్తూ.. మండలంలో రమణారెడ్డికి ముఖ్య అనుచరునిగా ఎదిగారు. నియోజకవర్గాల పునర్విభజన జరుగగా.. భూపాలపల్లి నియోజకవర్గంగా అవతరించింది. ఆ సమయంలో రమణారెడ్డి విజయానికి ఆయన విశేష కృషి చేశారు. అనంతరం 2016లో కాంగ్రెస్ పార్టీ మండల అధ్యక్ష పదవిని అలంకరించారు. తెలంగాణ సెంటిమెంట్ విపరీతంగా ఉన్నప్పటికీ 2018లో జరిగిన ఎన్నికల్లో కాంగ్రెస్ పార్టీ అభ్యర్థి గండ్ర వెంకటరమణారెడ్డి  విజయానికి మండలంలో కీలకపాత్ర పోషించారు. 2019 ఫిబ్రవరిలో జరిగిన ఎన్నికల్లో రంగాపురం ఎంపీటీసీగా గెలుపొందిన రాజేశ్వర్ రావు ప్రస్తుతం మొగుళ్ళపల్లి వైస్ ఎంపీపీగా పదవిలో కొనసాగుతున్నారు. బంగారు తెలంగాణే లక్ష్యంగా సీఎం కేసీఆర్ చేపట్టిన నినాదంతో గండ్ర వెంకటరమణారెడ్డి వెంట నేను సైతం అంటూ..తన అనుచర వర్గంతో టిఆర్ఎస్ లో చేరారు. మండలంలోని అంకుషాపురం, మొగుళ్లపల్లి, మేదరమెట్ల, రంగాపురం గ్రామాలలో పలు అభివృద్ధి పనులు చేయడం రాజేశ్వర్ రావు ఘనతగా ప్రజలు కీర్తిస్తున్నారు. అంకుశాపురం నుంచి మొగుళ్ళపల్లి వరకు రూ. ఐదు లక్షల వ్యయంతో రోడ్డు నిర్మాణం పనులు చేపట్టి పూర్తిచేసిన అనంతరం ఐదు సంవత్సరాల వరకు బిల్లులు రాకపోవడంతో నష్టం వాటిల్లిన రాజేశ్వర్ రావు తన స్వంత భూమి 5 ఎకరాల 30 గుంటల భూమిని అమ్ముకున్నారు. అదేవిధంగా మెదరమెట్ల గ్రామంలో నల్లాల బావి త్రవ్వించి..గ్రామంలోని ప్రతి వార్డుకు పైప్ లైన్ నిర్మించి మంచినీటి వసతిని కల్పించారు. పేద విద్యార్థుల విద్యాభివృద్ధి కోసం భూమిని కొనుగోలు చేసి రెండు స్కూల్ బిల్డింగ్స్ కట్టించారు. అలాగే రంగాపురం గ్రామంలో నల్లాల బావి తవ్వించి.. గ్రామంలోని ప్రతి వార్డుకు పైప్ లైన్ వేయించి తాగునీటి వసతిని కల్పించారు. రెండు అంగన్వాడి భవన నిర్మాణాలకు భూమి సరిపోకపోతే భూమిని కొనుగోలు చేసి రెండు అంగన్వాడీ భవనాలను, రెండు పాఠశాలల భవనాలను నిర్మించి వసతులను కల్పించారు. స్పీకర్ మధుసూదనాచారి భూపాలపల్లి ఎమ్మెల్యేగా పదవిలో ఉన్న కాలంలో గండ్ర వెంకటరమణారెడ్డి రైతు సమస్యలపై పాదయాత్ర నిర్వహించగా ఆయనతో పాటు 27 రోజులు నిమ్మరసం తాగుతూ పాదయాత్రలో పాల్గొనడం గమనార్హం.

కన్న తండ్రి కలను సాకారం చేసిన తనయ - వైద్య వృత్తిలో రాణింపు 



 వైద్య వృత్తిలో రాణింపు

Street Buzz news:
 నిరుపేద వ్యవసాయ కుటుంబంలో జన్మించిన ఆ తనయ కన్న తండ్రి కలను సహకారం చేసింది. పట్టుదలే ధ్యేయంగా వైద్య వృత్తిని సాధించింది. పరకాల పట్టణానికి చెందిన ఫోరండ్ల  నాగరాణి తన తండ్రి ఆశయాన్ని సాధించింది. పరకాల పట్టణంలోనే ప్రాథమిక విద్యనభ్యసించింది. తల్లిదండ్రుల ధ్యేయానికి అనుగుణంగా నాగరాణిని  10వ తరగతి, ఇంటర్ హనుమకొండలోని ఎస్ ఆర్ జూనియర్ కాలేజీలో చేర్పించి వైద్య వృత్తి పట్ల ఆసక్తిని కలిగించిన ఆ తల్లిదండ్రులు వెంకటేశ్వర్లు వసంత ఆమెకు వెన్నుదన్నుగా నిలిచారు. 2011లో కాకతీయ మెడికల్ కాలేజీలో ఎంబిబిఎస్ పూర్తి చేసింది. రాష్ట్రస్థాయిలో 859 ర్యాంకు సాధించగా..జిల్లాలో మూడవ ర్యాంకుగా 972 మార్కులు సాధించి, 2016లో  ఎంబిబిఎస్ పూర్తి చేసింది.  వైద్య వృత్తిని పూర్తిగా స్వీకరించి 2017లో ఎంజీఎంలో ఇంటెన్షిప్ పూర్తి చేసింది. 2018 ఏప్రిల్ 30న మొగుళ్ళపల్లి ప్రాథమిక వైద్యురాలిగా కాంట్రాక్ట్ బేసిక్ కింద వృత్తిలో చేరారు. 2019 మే నెలలో ఒడితల ప్రాథమిక హెల్త్ సెంటర్ లో డాక్టర్ గా జాయిన్ అయిన నాగరాణి కాంట్రాక్ట్ బేసిక్ లో పనిచేశారు. తదనంతరం 2023 జనవరి 1న పూర్తిస్థాయి వైద్యురాలిగా జయశంకర్ భూపాలపల్లి జిల్లా మొగుళ్లపల్లి ప్రాథమిక హెల్త్ సెంటర్ లో విధుల్లో చేరారు. ఆమెకు భర్త ఎల్ది భాస్కర్, పిల్లలు వశిష్ట, అగష్టా ఉన్నారు. గ్రామీణ ప్రాంత వ్యాధిగ్రస్తులకు ఉత్తమ సేవలు అందిస్తూ..తన వృత్తిని సార్ధకత చేసుకుంటున్నారు డాక్టర్ నాగరాణి..ఆమె అందించే వైద్య సేవల పట్ల గ్రామీణ ప్రాంత నిరుపేద ప్రజలు డాక్టర్ నాగరాణిని అభినందిస్తున్నారు.

మాజీ బీసీ. ప్రజా ప్రతినిధులను అవమానిస్తున్న కాంగ్రెస్ శ్రేణులు 



గౌరవమివ్వని నాయకత్వం

ఫ్లెక్సీల ఏర్పాటులో అవమానం
 మండల నేత వైఫల్యమే కారణమా..?

Street Buzz news జయశంకర్ భూపాలపల్లి జిల్లా:
(మొగుళ్ళపల్లి):- కాంగ్రెస్ పార్టీలో సీనియర్ నాయకులు మాజీ బీసీ వర్గానికి చెందిన ప్రజా ప్రతినిధులు ఫిబ్రవరి 22న రేవంత్ చేపట్టిన హాత్ సే హాత్ జోడో పాదయాత్ర సాయంత్రం ఐదు గంటలకు మొగుళ్లపల్లికి చేరుకుంటున్న సందర్భంలో ఏర్పాటు చేసిన కార్నర్ మీటింగ్ లో రేవంత్ రెడ్డి పాల్గొనున్నందున ఏర్పాటు చేసిన ఫ్లెక్సీలల్లో వారికి అవమానం ఎదురయింది. వారిని ఏమాత్రం గౌరవించకుండా ఏర్పాటు చేసిన ఫ్లెక్సీలల్లో వారిని అవమానించినట్లు మండలంలో చర్చించుకుంటున్నారు. మండల నేత వైపల్యం వల్లనే కాంగ్రెస్ పార్టీ గ్రూపులుగా విడిపోయి ఎవరికి వారే యమునా తీరే అన్న చందంగా వ్యవహరిస్తున్నారు. కాంగ్రెస్ పార్టీ సీనియర్ నేతలకు.. ఇప్పటి నాయకులు గౌరవమివ్వని పరిస్థితి నెలకొంది. మండల నేత వైఫల్యం వల్లనే కొందరు నేతలు సీనియర్ నాయకులను తక్కువ స్థాయిలో అంచనా వేస్తూ చులకన చేస్తున్నారని కాంగ్రెస్ వర్గీయులు ఆందోళన వ్యక్తం చేస్తున్నారు. ఈనెల 23న పిసిసి అధ్యక్షుడు రేవంత్ రెడ్డి మొగుళ్ళపల్లి మండలానికి కేంద్రానికి వస్తున్న క్రమంలో వెలసిన ఫ్లెక్సీలో అక్కసు వ్యక్తమవుతుంది.

ఉనికిని కోల్పోతున్న అధికారం - భూపాలపల్లి లో జగడం 
Street Buzz news జయశంకర్ భూపాలపల్లి జిల్లా:
ఆ ఇద్దరు నేతల మధ్య నెలకొన్న విభేదాలు అధికార ఉనికిని కోల్పోయే పరిస్థితులు తెస్తున్నాయి. రాబోయే ఎన్నికలను దృష్టిలో పెట్టుకుని ఓటర్లు తమకు దూరం అవుతున్నారనే విచక్షణ జ్ఞానాన్ని సైతం విడిచిపెట్టి బాహాటంగానే విమర్శించుకోవడం ఇక్కడ చర్చనీయాంశంగా మారింది. ఒకప్పుడు కాంగ్రెస్ పార్టీకి కంచుకోటగా ఉన్న భూపాలపల్లిలో గత ఎన్నికల్లో కాంగ్రెస్ పార్టీ నుంచి విజయం సాధించిన గండ్ర వెంకటరమణారెడ్డి టిఆర్ఎస్ లో చేరగా..ఒక ఓరలో రెండు కత్తులు అన్న చందంగా భూపాలపల్లి నియోజకవర్గంలో సిరికొండ, గండ్ర వర్గీయుల మధ్య విభేదాలు బాహాటంగానే  బహిర్గతమవుతున్నాయి. ఒకవైపు సర్వేలు.. క్లిష్టత సృష్టిస్తున్నప్పటికీ అధికారంలో ఉన్నామనే ధీమాతో ఆ పార్టీ నాయకులు బజారున పడుతున్నారని రాజకీయ విశ్లేషకులు విమర్శిస్తున్నారు. ఆలు లేదు చూలు లేదు కొడుకు పేరు సోమలింగం అన్న చందంగా పార్టీ వర్గీయుల మధ్య విభేదాలు నెలకొనడం పట్ల ఆ పార్టీ వర్గీయులే చర్చించుకుంటున్నారు. ఒక రొట్టె..రెండు పిల్లులు..ఒక కోతి అనే సామెతల భూపాలపల్లి నియోజకవర్గాన్ని కోతి లాంటి మూడవ వ్యక్తికి అధికారం అప్పగించే చర్యలకు దిగజారిందని నియోజకవర్గ ప్రజలు అభివర్ణిస్తున్నారు.

తమ సమస్యల్ని, డిమాండ్లను పరిష్కరించాలని కోరుతూ గ్రామపంచాయతీ సిబ్బంది పాదయాత్ర 

                   



•కొండపాక మండలంలో పాదయాత్ర చేస్తున్న గ్రామపంచాయతీ సిబ్బంది• 




Street Buzz news సిద్దిపేట జిల్లా:
(కొండపాక):- తమ సమస్యల్ని, డిమాండ్లను పరిష్కరించాలని కోరుతూ పాదయాత్ర చేస్తున్న గ్రామపంచాయతీ సిబ్బందికి  రాష్ట్ర నాయకులు చేస్తున్న పాదయాత్రకు సంఘీభావంగా మంగళవారం రోజున కొండపాక మండలంలోని వెలికట్ట చౌరస్తా నుండి దుద్దెడ అంబేద్కర్ సర్కిల్ వరకు పాదయాత్ర నిర్వహించారు.ఈ సందర్భంగా వారు మాట్లాడుతూ జిల్లాలో సుమారు 2500మంది గ్రామ పంచాయితీ కార్మికులు పారిశుద్ధ్యం, వీధి దీపాల నిర్వహణ, వాటర్‌ సప్లై, కారోబార్‌, బిల్‌ కలెక్టర్లు, ఆఫీస్‌ నిర్వహణ తదితర పనులు నిర్వహిస్తున్నారు. గ్రామపంచాయతీ కార్మికుల సమస్యలు పరిష్కరించాలని కోరుతూ ఈ సందర్భంగా సిఐటియు జిల్లా సహాయ కార్యదర్శి చొప్పరి రవికుమార్, సిఐటి జిల్లా కమిటీ సభ్యులు అమ్ముల బాల్ నరసయ్య పాల్గొని మాట్లాడుతూ వీరిలో అత్యధికులు దళితులు, గిరిజనులు,బలహీనవర్గాలకు చెందిన పేదలే. రాష్ట్రంలోనూ మరియు తెలంగాణ వచ్చిన తర్వాత కూడా వీరు నిరాదరణకు గురవుతున్నారన్నారు. సమస్యల పరిష్కారం కోసం సుదీర్ఘకాలంగా పోరాడుతున్నారన్నారు.తెలంగాణ రాష్ట్ర ముఖ్యమంత్రిగా మీరు అయిన తర్వాత వీరి వేతనాలను రూ.8500లకు పెంచినా, ఆ పెంపు శాస్త్రీయ పద్ధతిలో లేదని 2023లోని జనాభా, పంచాయితీ విస్తరణకనుగుణంగా వీరు సేవలందిస్తున్నారని అన్నారు. కానీ 2011 జనాభాను మాత్రమే లెక్కలోకి తీసుకొని 500 జనాభాకు ఒక కార్మికుడిగా పరిగణించారని క్షేత్రస్థాయిలో గ్రామ అవసరాల ప్రాతిపదికన మీద పంచాయితీ పాలకవర్గం మరికొంత కార్మికులను నియమించుకుందన్నారు. ప్రస్తుతం పనిచేస్తున్న వారందరికీ పెంచిన వేతనాలు ఇవ్వకపోవడంతో కొందరికి మాత్రమే వస్తున్న వేతనాలను అందరూ పంచుకుంటున్నారని ఆవేదన వ్యక్తం చేశారు. దీంతో అత్యధిక మంది కార్మికులకు రూ.3500ల నుండి రూ.4500ల వరకు మాత్రమే వస్తున్నాయని గుర్తు చేశారు. వేతనాలు పెంచామనే సాకుతో వివిధ కేటగిరీలను రద్దు చేసి మల్టీపర్పస్‌ వర్కర్‌ విధానం తీసుకొస్తూ ప్రభుత్వం 51 జీవోను తెచ్చిందన్నారు. దీంతో కార్మికులకు పని భారం పెరిగిందని కారోబార్‌తో పారిశుద్ధ్యం, వీధి దీపాల నిర్వహణ, ట్రాక్టర్స్‌ డ్రైవర్‌, చివరికి ప్రజా ప్రతినిధుల ఇండ్లలో వ్యక్తిగత పనులను కూడా చేయించుకుంటున్నారని ఆందోళన వ్యక్తం చేశారు. వేతనాలు కూడా 4నుండి 7 నెలల వరకు బకాయిలుగా ఉన్నాయని గుర్తు చేశారు. దీంతో కార్మికులు అప్పులపాలై ఇబ్బందులు పడుతున్నారన్నారు.గ్రామ పంచాయితీ ఉద్యోగ, కార్మికుల సమస్యలను పరిష్కరించాలని డిమాండ్‌ చేస్తూ తెలంగాణ గ్రామ పంచాయితీ ఎంప్లాయీస్‌ & వర్కర్స్‌ యూనియన్‌ (సిఐటియు) ఆధ్వర్యంలో 2023 ఫిబ్రవరి 12 నుండి పాదయాత్ర జరుగుతుందన్నారు. జీఓ నెం.60 గ్రామపంచాయితీ కార్మికులకు కూడా వర్తింపజేస్తూ, పారిశుద్ధ్య కార్మికులకు రూ.15600లు, కారోబార్‌, బిల్‌కలెక్టర్లు, ట్రాక్టర్‌ డ్రైవర్లు, వీధి దీపాల నిర్వహణ, వాటర్‌ సప్లై కార్మికులకు రూ.19500లు, కంప్యూటర్‌ ఆపరేటర్లు, టెక్నికల్‌ విభాగంలో పనిచేసే సిబ్బందికి రూ.22750ల వేతనం చెల్లించాలని, యాక్ట్‌ 2/94ను రద్దు చేసి పంచాయితీ సిబ్బందినందరినీ పర్మినెంట్‌ చేయాలని, కారోబార్‌, బిల్‌ కలెక్టర్లకు స్పెషల్‌ స్టేటస్‌ కల్పించి వారిని అసిస్టెంట్‌ పంచాయితీ కార్యదర్శులుగా నియమించాలని, జీఓ నంబర్‌ 51ని సవరించాలని, మల్టీపర్పస్‌ వర్కర్‌ విధానాన్ని రద్దు చేయాలని, పంచాయితీ సిబ్బందికి ఉద్యోగ భద్రత కల్పించాలని, పిఎఫ్‌, ఈఎస్‌ఐ, ప్రమాద బీమా సౌకర్యం అమలు చేయాలని, పంచాయితీ కార్మికులకు డబుల్‌ బెడ్‌రూమ్‌ ఇళ్ళు మరియు ఇంటి స్థలం ఉన్న వారికి ఇంటి నిర్మాణానికి రూ.5,50,000లు ఆర్ధిక సహాయం చేయాలని, ఇప్పటికే మల్టీపర్పస్‌ వర్కర్‌ విధి నిర్వహణలో ప్రమాదానికి గురై డ్యూటీ చేయలేని స్థితిలో ఉన్న వారి మరియు మరణించిన వారి కుటుంబ సభ్యులకు పంచాయితీల్లో ఉద్యోగ అవకాశం కల్పించాలని, దళితబంధును ప్రాధాన్యతా క్రమంలో అమలు చేయాలని పాదయాత్ర బృందం కోరుతున్నదని తెలిపారు.ఇవి గొంతెమ్మ కోర్కెలు కావని కావున వీరి న్యాయమైన సమస్యలపై సానుకూలంగా స్పందించి పరిష్కరించాలని ప్రభుత్వాన్ని డిమాండ్ చేశారు . మరియు ఈ నెల 28న జరిగే పాదయాత్ర బహిరంగ సభలో కార్మికులందరూ పాల్గొని జయప్రదం చేయాలని కోరారు. ఈ సంఘీభావ పాదయాత్ర కార్యక్రమంలో సంఘం జిల్లా అధ్యక్షులు బర్మ కొమురయ్య,మండల కార్యదర్శి జాలిగామ ప్రభాకర్,కార్మికులు పల్లె శ్రీనివాస్, ఎల్లయ్య,దబ్బెట సుధాకర్,గొడుగు నారాయణ,నీరటి కలవ్వ, లచ్చవ్వ,మల్లవ్వ,వెంకటవ్వ, మల్లేశం, రాజు,తలారి ఐలయ్య,నాగవ్వ, మండలంలోని కార్మికులందరూ పాల్గొన్నారు.

అక్కన్నపేట తాపీ కార్మిక సంఘం అధ్యక్షుడిగా తలపాక కొమురయ్య నియామకం 





Street Buzz news సిద్దిపేట జిల్లా:  
అక్కన్నపేట మండలం భవన నిర్మాణ కార్మిక సంక్షేమ సంఘం నూతన కమిటీని సిద్దిపేట జిల్లా కార్యదర్శి భక్తుల దిలీప్ కుమార్ ఆధ్వర్యంలో ఎన్నుకున్నారు.మండల    అధ్యక్షులుగా తలపాక కొమురయ్య, ఉపాధ్యక్షులుగా పైసలు రాజయ్య, ప్రధాన కార్యదర్శిగా లింగాల నరసింహులు,అకోజు శ్రీనివాస ,భక్తుల శ్రీనివాస్, కోశాధికారిగా రాయికుంట కుమారస్వామి, వరుస వీరయ్య సహయ కార్యదర్శి గా ఎన్నుకున్నారు. ఈ సందర్భంగా నూతన అధ్యక్షులు తెలపక కొమురయ్య మాట్లాడుతూ తన ఎన్నికకు సహకరించిన రాష్ట్ర అధ్యక్షులు చంద్రం, జిల్లా అధ్యక్షులు శ్రీశైలం, వివిధ గ్రామాల అధ్యక్షులకు కార్యదర్శులకు కార్మికులకు కృతజ్ఞతలు తెలియపరచారు. కార్మికుల సమస్యలు ప్రభుత్వం దృష్టికి తీసుకువెళ్లి పరిష్కరించేందుకు తనవంతు కృషి చేస్తానని కొమురయ్య తెలిపారు.

యువజన కాంగ్రెస్ నాయకుల పై దాడులు చేస్తే ప్రతిదాడులు తప్పవు 
కాంగ్రెస్ రాష్ట్ర ప్రధాన కార్యదర్శి మాజీద్ ఖాన్


Street Buzz news వరంగల్ జిల్లా:
(వరంగల్):- యువజన కాంగ్రెస్ నాయకుల పై దాడులు చేస్తే ప్రతిదాడులు తప్పవని యువజన కాంగ్రెస్ రాష్ట్ర ప్రధాన కార్యదర్శి మాజిద్ ఖాన్ మీడియాతో మాట్లాడుతూ సోమవారం నాడు వరంగల్ లో జరిగిన హాథ్ సే హాథ్ జోడోలో భాగంగా టీపీసీసీ అధ్యక్షులు శ్రీ.రేవంత్ రెడ్డి గారి పాదయాత్రలో స్థానిక ఎమ్మెల్యే వినయ్ భాస్కర్ తన నియోజకవర్గంలో చేస్తున్నటువంటి భూకబ్జాలు అక్రమాలపై ఛార్జ్ షీట్ ను తన ప్లెక్సీలో ప్రదర్శిస్తే ఓర్వలేక బీఆర్ఎస్ పార్టీ గుండాలు కర్రలతో, రాడ్లతో మానవత్వం మరిచి విచక్షణ రహితంగా గాయపరిచారని ఇలా భౌతిక దాడులకు పాల్పడడం ఎంతవరకు సమంజసం అని ప్రశ్నిస్తూ 
రాజకీయాల్లో ప్రశ్నించడం సహజం అని కానీ ఓర్వలేక ఇలాంటి భౌతిక దాడులకు దిగితే ప్రతి దాడులు కూడా ఉంటాయని తెలుసుకోవాలని యువజన కాంగ్రెస్ రాష్ట్ర ప్రధాన కార్యదర్శి మాజీద్ ఖాన్ స్పష్టం చేశారు.ఈ సందర్భంగా ఆయన మాట్లాడుతూ తోట పవన్ పై దాడులు చేసిన బీఆర్ఎస్ గుండాలపై చేయించిన ఎమ్మెల్యే వినయ్ భాస్కర్ పై అటెంప్ట్ మర్డర్ కేసులు నమోదు చేయాలని అలా చేయని పక్షంలో రాష్ట్ర వ్యాప్తంగా రాష్ట్ర యువజన కాంగ్రెస్ కమిటీ ఆధ్వర్యంలో భారీ ఎత్తున ఆందోళనలు చేస్తామని యువజన కాంగ్రెస్ రాష్ట్ర ప్రధాన కార్యదర్శి మాజీద్ ఖాన్ హెచ్చరించారు.