ఏ సింహాసనం వారసత్వం లేకుండా స్వశక్తితో ఒక రాజ్యాన్ని స్థాపించిన గొప్ప వీరుడు ఛత్రపతి శివాజీ 
ఛత్రపతి శివాజి1630 ఫిబ్రవరి 19న మహారాష్ట్రలోని కున్భీ (బీసీ ) పుట్టిన శివాజీ ఏ సింహాసన వారసత్వం లేకుండా స్వశక్తితో ఒక రాజ్యాన్ని స్థాపించిన గొప్ప వీరుడు జయంతి సందర్భంగా ఘనంగా నివాళి

రిపబ్లికన్ పార్టీ ఆఫ్ ఇండియా తెలంగాణ రాష్ట్ర ప్రచార కార్యదర్శి వాగ్మారే అభిషేక్
Street Buzz news కొమురం భీం ఆసిఫాబాద్ జిల్లా:
(లింగాపూర్ ):- లింగాపూర్ లో చత్రపతి శివాజీ మహారాజ్ జయంతి సందర్భంగా రిపబ్లికన్ పార్టీ ఆఫ్ ఇండియా తెలంగాణ రాష్ట్ర ప్రచార కార్యదర్శి వాగ్మారే అభిషేక్ మాట్లాడుతూ:లౌకికవాది శివాజీఛత్రపతి శివాజీ మత సమరస్యం పాటించిహిందూ ముస్లిం భాయ్ భాయ్ అని పాఠాలు నేర్పిన మహోన్నత వ్యక్తి?ఇంత గొప్ప శివాజీకి మహారాజ పట్టాభిషేఖం జరుగకుండా ,సూద్రజాతి  అన్న నేపంతో కిరీటం పెట్టకుండా ఆపివేసింది మాత్రం ఒక మనువాద భావజాలం, అదే ఇప్పుడు మళ్ళీ సమాజం లో విస్తరణ జరుగుతుంది?మహా సామ్రాజ్యాన్ని నిర్మించిన శివాజీకి పట్టాభిషేకం చెయ్యడానికి ఏ బ్రాహ్మణుడు ముందుకు రాలేదు, కారణం శివాజీ శూద్రుడు కాబట్టి?హిందు ధర్మశాస్త్రాల ప్రకారం బ్రాహ్మణులకి, క్షత్రియులకి మాత్రమే రాజయ్యే హక్కు ఉంది. దాంతో శివాజీ పట్టాభిషేక కార్యక్రమానికి కాశీ నుండి అప్పుడు గగాభట్ అనే బ్రహ్మాణున్ని అతని బరువుకు సరితూగే బంగారం ఇస్తానని ఒప్పించి రాజ్యాభిషెకం చెయ్యడానికి పిలిపిస్తే కాలిబ్రొటన వేలుతో గగాభటుడు శివాజీ నుదిటకి తిలకం దిద్ది రాజ్యాభిషేకం చేస్తాడు?వ్యక్తిగతంగా శివాజీకి బ్రాహ్మణులు అందరు వ్యతిరేకం కాకపోవచ్చు. కానీ బ్రాహ్మణ ధర్మం కులం పేరిట ఒక మహా చక్రవర్తిని అవమానించింది. శూద్రులు రాజు కాకూడదని ధర్మం విధించింది?ముసల్మాన్ రాజు కావచ్చు కానీ ఈ దేశ శూద్రుడు రాజు కాకూడదు, మహా చక్రవర్తి ఐన శివాజీని జీవితాంతం వెంటాడిన మనువాదం ఆ తర్వాత తన పబ్బం గడుపుకొనుటకు శివాజీని ముస్లిం వ్యతిరేకిగా కరుడుగట్టిన హిందూ మతాభిమానిగా చిత్రించి చరిత్రని వక్రీకరించింది?భవానీ మాత ఖడ్గం ప్రసాదించినట్లు మూఢవిశ్వాసాన్ని ప్రచారం చేసారు. నిజానికి అది అప్పుడు పోర్చుగల్ లో తయారు చేయించిన కత్తి.శివాజీ వాడిన ఆ ఖడ్గం ప్రస్తుతం సతారా మ్యూజియంలో ఉంది. దానిపై పోర్చుగీస్ లిపి ఉంది?ఛత్రపతి బ్రాహ్మణ మతానికి లోబడి పని చేసిండు. అవలంభిoచిండు. కానీ మత దురాభిమాని కాదు?అప్పటి మొఘల్ చక్రవర్తికి వ్యతిరేకంగా స్వరాజ్య స్థాపన కోసం పని చేసిండే తప్ప ముస్లిములకు వ్యతిరేకంగా కాదు. శివాజీని ముస్లిం మత వ్యతిరేకిగా ప్రచారం చేసి తప్పుడు జాతీయ వాదానికి ప్రతీకగా నిలబెట్టారు?శివాజీ ముస్లీం వ్యతిరేకి ఐతే తన సైన్యంలో మూడవ వంతు ముస్లీములెలా ఉంటారు?శివాజి ముస్లిం వ్యతిరేకి అయితే శివాజీ సాయుధ దళాలలో ముఖ్యమైన ఆయధాగార అధిపతిగా ఒక ముస్లింని నమ్మి ఇబ్రహీం ఖాన్ ను ఎలా నియమించుకుంటాడు?శివాజీ నౌకాదళాధిపతి దౌలత్ ఖాన్ ఒక ముస్లిం.శివాజీ అంగరక్షకుడు మదాని మెహతర్ ఒక ముస్లిం.ఈ మదాని మెహతర్ శివాజీని ఔరంగజేబ్ ఆగ్రాలో బంధించినపుడు మారు వేషంలో వెల్లి తనప్రాణాలొడ్డిశివాజీతప్పించుకొనుటకు సాయం చేసాడు?శివాజీకి సన్నిహితుడు, విదేశి వ్వవహరాల మంత్రి ముల్లా హైదర్ ఒక ముస్లిం.సలేది యుద్దం తర్వాత ఔరంగజేబు సైన్యాధికార్లతో సత్సంబంధాల కోసం శివాజీ తన తరపున దూతగా కాజీ హైదర్ అనే ముస్లీముని పంపిస్తాడు?శివాజీ తన రాజభవనం ముందర ప్రార్థన కొరకు దర్గాని కట్టించాడు,అంత గొప్ప ఈ దేశ బహుజన మూలవాసి చక్రవర్తి శివాజీని ఈ రోజు బ్రహ్మానీకరణం చేసీ మనల్ని మోసం చేస్తుంటే దాన్ని తెల్సుకోకుండా మతం/మనువాద మత్తులో ఆధిపత్య మాయాజాలంలో నిండా మునిగి తెలలేక పావులా బీసీలు మారడం విచారకరం?ఛత్రపతి శివాజీ ఒక శూద్రుడు ( బీసీ /ఓబిసి) కావున బ్రాహ్మణిజం అవమానపర్చి చివరికి హత్య చేస్తే ఈ రోజు అదే బీసీ సామాజిక వర్గంచేత తప్పుడు వాదం తమ భుజస్కందాలపై మొయిస్తున్నారు?ఛత్రపతి శివాజీ చరిత్ర మహాత్మా జోతిరావు ఫూలే ద్వారా సమాజానికి తెలియబడింది.. కానీ దురదృష్టం నిజమైన చరిత్ర వేరు ప్రచారం లో ఉన్న చరిత్ర వేరు కావున నిజమైన చరిత్ర తెలుసు కోవాలి? బీసీలు ఈ కుట్రల్ని గ్రహించి తిప్పికొట్టాలి.జనాభా దామాషా ప్రకారం విద్య, ఉద్యోగ, ఆర్థిక, పారిశ్రామిక, వ్యాపార, రాజకీయ రంగాలలో అవకాశాలు కల్పిస్తున్నారా లేదా తెలుసుకోవాలి?ఈ దేశంలో తొలిసారిగా 50%. రిజర్వేషన్స్ కల్పించిన శివాజీ మనుమడైన ఛత్రపతి సాహుమహరాజ్ ఇచ్చిన "ఎవరి జనాభా ఎంతో, వారి వాటా అంత"అనే నినాధం స్పూర్తిగా, బుద్దుడు చెప్పిన బహుజనుల హితం కోరే బహుజనుల సుఖం కోరే బహుజన రాజ్య నిర్మాణం దిశగా ఫూలే అంబేడ్కర్ బాటలో అడుగు వేయడంలో భాగంగా ఛత్రపతి శివాజీ జయంతి వేడుకలని ఘనంగా నిర్వహిద్ధాం.

రిపబ్లికన్ పార్టీ ఆఫ్ ఇండియా తెలంగాణ రాష్ట్ర ప్రచార కార్యదర్శి వాగ్మారే అభిషేక్

తారకరత్న మృతి పట్ల గోదావరి ఖని లో సంతాపం 



•యువరత్న పబ్లిక్ వెల్ఫేర్ సొసైటీ అధ్యక్షుడు జనగామ తిరుపతి•
Street Buzz news పెద్దపల్లి జిల్లా:
(గోదావరిఖని ఫిబ్రవరి 19 )-
నందమూరి తారకరత్న మృతిపట్ల నేడు ఆదివారం ఎన్ టి పి సి లో యువరత్న పబ్లిక్ వెల్ఫేర్ సొసైటీ అధ్యక్షుడు జనగామ తిరుపతి సంతాపం వ్యక్తం చేశారు. గత 23 రోజులు బెంగళూరు ఆస్పత్రిలో చికిత్స పొందుతు ఆయన శని వారం తుదిశ్వాస విడవడాన్ని నమ్మశక్యంగా లేదు అని అన్నారు జనవరి 27న లోకేష్ పాదయాత్ర ప్రారంభోత్సవంలో పాల్గొన్న ఆయన మొదటి రోజు గుండెపోటుతో కుప్పకూలి అనంతరం బెంగళూరులోని నారాయణ హృదయాలయ హాస్పిటల్ లో వెంటిలేటర్ పై మృత్యువు తో పోరాడి విదిరాత ముందు వొడి పోయారు అని ఆవేదన వ్యక్తంచేశారు. ఆయన కోలుకొని తిరిగి రావాలని తెలుగు రాష్ట్రాలలో ఆయన అభిమానులు, కార్యకర్తలు పెద్ద ఎత్తున పూజలు నిర్వహించారు అని ఆయన బాబాయ్ నందమూరి బాలకృష్ణ దగ్గర ఉండి ఆయన ఆరోగ్య పరిస్థితిని చక్కదిద్దేందుకు అహర్నిశలు శ్రమించారు అని అన్నారు. 
తారకరత్న ఫిబ్రవరి 22, 1983లో నందమూరి మోహనకృష్ణ, శాంతి దంపతులకు జన్మించారు అని  సీనియర్ ఎన్టీఆర్ మనవడిగా తారకరత్న సినీ రంగ ప్రవేశం చేశాడు అని నందమూరి మోహన కృష్ణ తనయుడు గా ఒకటో నెంబర్ కుర్రాడు సినిమాతో సినీ ఇండస్ట్రీకి వచ్చి ఒకే రోజు 9 సినిమాలకు పూజ చేసి సంచలన వరల్డ్ రికార్డ్ సృష్టించారు అని అన్నారు. 2012 ఆగష్టు 2న సంఘీ టెంపుల్లో కొద్దిమంది బంధుమిత్రుల సమక్షంలో అలేఖ్యరెడ్డిని తారకరత్న ప్రేమ వివాహం చేసుకున్నారు అని తెలిపారు. దాదాపు 23 చిత్రాల్లో హీరో, ప్రతినాయకుడు, క్యారెక్టర్ రోల్స్ పోషించి మెప్పించారు అని అన్నారు. కొంతకాలంగా సినిమాలకు దూరంగా ఉంటున్న తారకరత్న రాజకీయాల్లోకి రావాలని డిసైడ్ అయ్యాడు అని ఎమ్మెల్యేగా పోటీ చేద్దామనుకొని రాజకీయాల్లోకి వచ్చే క్రమం లో ఇలా జరగడం దురదృష్టకరం అని అన్నారు. తారకరత్న మృతి పట్ల యువరత్న పబ్లిక్ వెల్ఫేర్ సొసైటీ అధ్యక్షుడు జనగామ తిరుపతి తీవ్ర దిగ్బ్రాంతి వ్యక్తం చేశారు. ఆయన పవిత్ర ఆత్మకు శాంతి చేకూరాలని ప్రార్థించారు ఈ కార్యక్రమం లో అభిమానులు భరద్వాజ్, సిద్దార్థ, జయేంద్ర, హోత్రి తదితరులు ఉన్నారు.

ఛత్రపతి శివాజీ జయంతి వేడుకల్లో పాల్గొన్న జాతీయ బీసీ సంక్షేమ సంఘం రాష్ట్ర ప్రధాన కార్యదర్శి 
చత్రపతి శివాజీ 393వ జయంతి వేడుకల్లో పాల్గొన్న జాతీయ బీసీ సంక్షేమ సంఘం రాష్ట్ర ప్రధాన కార్యదర్శి న్యాయవాది కోవూరి సత్యనారాయణ గౌడ్. 
Street Buzz news సంగారెడ్డి జిల్లా:
(సంగారెడ్డి జిల్లా):-  సదాశివపేట పట్టణంలో ఆదివారం   భారత్ వెల్ఫేర్ అసోసియేషన్ ఆధ్వర్యంలో చత్రపతి శివాజీ 393 వ జయంతి వేడుకలను ఘనంగా నిర్వహించారు. ఈ యొక్క కార్యక్రమానికి ముఖ్య అతిథులుగా హాజరైన జాతీయ బీసీ సంక్షేమ సంఘం రాష్ట్ర ప్రధాన కార్యదర్శి న్యాయవాది కోవూరి సత్యనారాయణ గౌడ్ మాట్లాడుతూ చత్రపతి శివాజీ లాంటి వీరులు మనదేశంలో జన్మించడం గర్వించదగ్గ విషయమని అలాంటి మహనీయులను ఆదర్శంగా తీసుకొని దేశభక్తి భావంతో నేటి యువతరం మంచి నడవడికతో మంచి అలవాట్లతో యుద్ధ రణరంగంలో పోరాడే వీరుల అవినీతిని అంతంచేయడానికిఅవినీతికిపాల్పడుతున్నటువంటి దేశద్రోహులను వెంటాడి వెంబడించి వారు చేసిన తప్పులను ఎత్తిచూపుతూ తరిమికొడుతూ చత్రపతి శివాజీ లా ముందుకు సాగాలని తెలియజేశారు. అదేవిధంగా మనం బాగుంటే మన ఆలోచన విధానం బాగుంటే మన ప్రజలు బాగుంటారని, మన ప్రాంతాలు బాగుంటాయని, మన రాష్ట్రాలు బాగుంటాయని మరియు మన దేశం బాగుంటుందని తెలియజేశారు. ఈ యొక్క కార్యక్రమంలో భారత్ వెల్ఫేర్ అసోసియేషన్ అధ్యక్షులు భగలేకర్ భగవాన్ , ప్రధాన కార్యదర్శి శివకుమార్, సభ్యులు రాములు, బగలేకర్ విశాల్ కుమార్ , వై భగవంతరావు మరియు పట్టణ ప్రముఖులు విశ్రాంత ప్రధానోపాధ్యాయులు నిమ్మాయల మల్లేశం గారు , పట్టణ ప్రజలు, బాల, బాలికలు , మహిళలు అధిక సంఖ్యలో పాల్గొన్నారు.

నిరంకుశ దొర పాలనపై దండయాత్ర - నీల రాజు కురుమ


తెలంగాణ రాష్ట్రంలో నిరంకుశ దొరల పాలన కొనసాగుతుందని, ఆ దొరల గడీల పాలన పై ప్రజలు, మేధావులు, నిరుద్యోగ యువత ఏకమవ్వాలని యూత్ కాంగ్రెస్ జయశంకర్ భూపాలపల్లి జిల్లా మొగుళ్లపల్లి మండల అధ్యక్షుడు నీల రాజు కురుమ పిలుపునిచ్చారు. శనివారం మొగుళ్లపల్లి మండల కేంద్రంలోని పార్టీ కార్యాలయంలో ఏర్పాటు చేసిన విలేకరుల సమావేశంలో నీల రాజు కురుమ మాట్లాడుతూ టీపీసీసీ అధ్యక్షులు రేవంత్ రెడ్డి చేపట్టిన హాత్ సే హాత్ జూడో పాదయాత్ర మొగుళ్ళపల్లి మండల కేంద్రానికి చేరుకుంటుందని, మండల కేంద్రంలో ఏర్పాటు చేసిన బహిరంగ సభలో రేవంత్ రెడ్డి రాష్ట్ర ప్రభుత్వ వైఫల్యాలను ఎండగడుతూ బీఆర్ఎస్ పాలనలో ప్రజలు ఎదుర్కొంటున్న సమస్యలపై గళమెత్తుతూ, భూపాలపల్లిలో కాంగ్రెస్ జెండాను ఎగురవేయడం లక్ష్యంగా హాత్ సే హాత్ జోడ యాత్ర కొనసాగుతుందని, అనంతరం మండలంలోని ఇసిపేట రంగపురం గ్రామాల మీదుగా పరకాల నియోజకవర్గానికి చేరుకుంటుందని తెలిపారు. ఈ జూడో యాత్రను విజయవంతం చేయడానికి కాంగ్రెస్ శ్రేణులు, అభిమానులు, ప్రజలు, కార్యకర్తలు, యువత అధిక సంఖ్యలో పాల్గొని విజయవంతం చేయాలని నీల రాజు కురుమ విజ్ఞప్తి చేశారు.

పరమశివుని ఆశీస్సులు ప్రతి ఒక్కరిపై ఉండాలి





బీసీ సంక్షేమ సంఘం జిల్లా అధ్యక్షుడు వేముల మహేందర్ గౌడ్, ఆర్ బి న్యూస్ మండల్ రిపోర్టర్ ఉప్పుల రవి కిరణ్ 
 సాంబమూర్తి దేవాలయంలో మహా శివరాత్రి సంద్భంగా ప్రత్యేక పూజలు చేసిన మహేందర్ గౌడ్, ఉప్పుల రవి కిరణ్

పరమశివుని ఆశీస్సులు ప్రతి ఒక్కరిపై ఉండాలని బీసీ సంక్షేమ సంఘం జయశంకర్ భూపాలపల్లి జిల్లా అధ్యక్షుడు, తెలంగాణ కేసరి జిల్లా స్టాఫ్ రిపోర్టర్ వేముల మహేందర్ గౌడ్ అన్నారు. శనివారం మహాశివరాత్రి పర్వదినాన్ని పురస్కరించుకుని జయశంకర్ భూపాలపల్లి జిల్లా మొగుళ్లపల్లి మండల కేంద్రంలోని సాంబమూర్తి దేవాలయంలో మహేందర్ గౌడ్, ఆర్ బి న్యూస్ మొగుళ్ళపల్లి మండల రిపోర్టర్ ఉప్పుల రవి కిరణ్ లు శనివారం ప్రత్యేక పూజలు నిర్వహించారు. ఈ సందర్భంగా వేముల మహేందర్ గౌడ్, ఉప్పుల రవి కిరణ్ లు మాట్లాడుతూ.. మహామహాశివరాత్రి పర్వదినాన ప్రతి ఒక్కరూ భక్తి, శ్రద్ధలతో ఉపవాసం నిర్వహించి, ప్రత్యేక పూజలు చేస్తారని అన్నారు. ఆ పరమ శివుని కటాక్షాలు ప్రతి ఒక్కరిపై వుండాలని, ప్రజలందరూ సుఖ, సంతోషాలతో జీవించాలని కోరారు. ఆ ఆది దేవుని తత్వం నేటికీ ఓ జీవన మార్గమని, నీవే దిక్కు అంటే చాలు..కరిగే అల్ప సంతోషి శివుడు అని, పార్వతికి తన అర్ధ భాగాన్నిచ్చి అర్ధనారీశ్వరుడిగా ప్రఖ్యాతి గాంచారని, రాక్షసులకు సైతం వరాలు ఇచ్చే భోళాతనం శివుని సొంతమని, శ్రీవాదాన్ని చాటిన ఆదిదేవుడు శివుడని, ఆ శివపార్వతులు జగతికి తల్లిదండ్రులని..వారి ఆశీస్సులతో ప్రజలందరూ సుఖశాంతులతో, ఆరోగ్యవంతమైన జీవితంలో గడపాలని ఆకాంక్షించారు.

బీజేపీ హాయంలో ప్రభుత్వ రంగ సంస్థలు నిర్వీర్యం - ఆదానీకి అండగా మోడీ
సీపీఐ జిల్లా కార్యదర్శి మర్రి వెంకటస్వామి ప్రెస్ మీట్ పాయింట్స్

బీజేపీ హయాంలో ప్రభుత్వ రంగ సంస్థలు నిర్వీర్యం
ఆదానీకి అండగా మోడీ

కరీంనగర్ పార్లమెంట్ నియోజకవర్గంలో బండి సంజయ్ ఏం అభివృద్ధి చేసాడు 

డబుల్ బెడ్ రూం లు పంపిణీ చేయకపోతే పేదలచే ఆక్రమిస్తాం

సీపీఐ కరీంనగర్ జిల్లా కార్యదర్శి మర్రి వెంకటస్వామి


 Street Buzz news కరీంనగర్ జిల్లా:
(కరీంనగర్ ):- కేంద్రంలో అధికారంలో ఉన్న బీజేపీ ప్రభుత్వం ప్రజాస్వామ్యాన్ని అపహాస్యం చేస్తూ, ప్రభుత్వ రంగ సంస్థలను నిర్వీర్యం చేయడం తో పాటు ఒక్కొక్కటిగా ప్రైవేట్ పరం చేస్తూ, కార్పొరేట్ శక్తులకు అప్పనంగా అప్పగిస్తున్నదని, ఆదానీకి అండగా మోడీ ఉన్నారని,లక్షల కోట్ల సంపదను ధారాదత్తం చేయడమే కాకుండా దేశవ్యాప్తంగా అనేక బ్యాంకుల్లో తీసుకున్న రుణాలను మాఫి చేస్తూ ప్రజల సొమ్మును దుర్వినియోగం చేస్తున్నారని,పేదలు,రైతులు బ్యాంకుల్లో తీసుకున్న లోన్లు చెల్లించకపోతే మాత్రం వారి వద్ద వసూలు చేస్తారని రానున్న రోజుల్లో మోడీ కి తగిన గుణపాఠం చెప్పాలని,ఆదానీ స్టాక్స్ వ్యవహారం పై జాయింట్ పార్లమెంటరీ కమిటీ వేయాలని వెంకటస్వామి డిమాండ్ చేశారు. గురువారం కరీంనగర్ లోని సీపీఐ జిల్లా కార్యాలయం బద్దం ఎల్లారెడ్డి భవన్ లో జరిగిన విలేకరుల సమావేశంలో సీపీఐ జిల్లా కార్యదర్శి మర్రి వెంకటస్వామి మాట్లాడుతూ ఇంటర్నేషనల్ మీడియా సంస్థ అయిన బి.బి.సి కార్యాలయం పై ఐటీ దాడులు చేయడం వెనుక మోడీ ప్రభుత్వ హస్తం ఉందని,ప్రజల సమస్యలను,ప్రభుత్వ అవినీతిని బయటకు తెస్తున్న పత్రికలపై, మీడియా పై పాలక ప్రభుత్వాలు కష్ట సాధింపు చర్యలకు పాల్పడుతున్నదని, ప్రజాస్వామ్య వ్యవస్థలో పత్రికల స్వేచ్ఛను హరిస్తున్న పాలకులపై ప్రజలు తిరగబడి పోరాడాలని అన్నారు. కరీంనగర్ పార్లమెంట్ సభ్యుడు బండి సంజయ్ కరీంనగర్ పార్లమెంటు నియోజకవర్గానికి ఎన్ని నిధులు తెచ్చాడో చెప్పాలని తను ఎన్నికై నాలుగు సంవత్సరాలు గడుస్తున్నా నియోజక వర్గానికి కేంద్రం నుండి ఎన్ని నిధులు తెచ్చి ఏమి అభివృద్ధి సాధించారో ప్రజలకు వివరించాలని, నిత్యం రాష్ట్ర ప్రభుత్వ విధానాలపై విమర్శించడమే పనిగట్టుకొని రెచ్చగొట్టే ఉపన్యాసాలు చేస్తూ జైశ్రీరామ్,భారత్ మాతాకీ జై అంటూ యువతరాన్ని రెచ్చగొడుతూ పబ్బం గడుపుకుంటున్నాడు తప్ప ప్రజలకు ఒరగబెట్టిందేమీ లేదని వెంకటస్వామి ఆరోపించారు.రాష్ట్ర ముఖ్యమంత్రి కల్వకుంట్ల చంద్రశేఖర్ రావు ఎన్నికలకు ముందు ప్రజలకు ఇచ్చిన హామీలను అమలు పరచకుండా తన మాటల గారడీతో కాలయాపన చేస్తున్నాడని,రైతులకు లక్ష రూపాయల రుణమాఫీని చేయకపోవడం బాధాకరమని పోడు భూములపై సీపీఐ గత అనేక సంవత్సరాలుగా పోరాడుతుందని, భూములు సాగు చేసుకుంటున్న గిరిజనులకు,పేదవారికి పట్టాలు ఇవ్వాలని డిమాండ్ చేస్తూ అనేక పోరాటాలు నిర్వహించిందని ముఖ్యమంత్రి మాత్రం పోడు భూముల సాగుదారులపై ఆంక్షలు విధిస్తూ పోరాటాల నిర్వహించిన వారిని చులకన చేసి మాట్లాడడం సరైనది కాదని, దేవాలయాలకు వందల కోట్ల రూపాయలు ప్రకటించడం మాకేం అభ్యంతరం కాదు కానీ కనీసం ఉండడానికి ఇల్లు లేని,ఇంటి స్థలం లేని నిరుపేదలు అనేకమంది ఉన్నారని వారికి నీడ కల్పించాలనే ధ్యాస లేకపోవడం బాధాకరమని, డబుల్ బెడ్ రూమ్ ఇండ్లు నిర్మించి యేండ్లు గడుస్తున్నా వాటిని పంపిణీ చేయడానికి ప్రభుత్వం ఎందుకు ముందుకు రావడం లేదో అర్థం కావడం లేదని శివరాత్రి తర్వాత డబుల్ బెడ్ రూమ్ ఇండ్లు అర్హులైన పేదలకు కేటాయించకపోతే నిరుపేదలందరినీ ఏకం చేసి సీపీఐ ఆధ్వర్యంలో డబుల్ బెడ్ రూమ్ ఇండ్లను పేదలచే ఆక్రమిస్తామని రాష్ట్ర ప్రభుత్వానికి వెంకటస్వామి హెచ్చరించారు. ఈ సమావేశంలో సీపీఐ రాష్ట్ర కౌన్సిల్ సభ్యులు పోనగంటి కేదారి,జిల్లా కార్యవర్గ సభ్యులు బోయిని అశోక్ కసిరెడ్డి సురేందర్ రెడ్డి, జిల్లా కౌన్సిల్ సభ్యులు కటికరెడ్డి బుచ్చన్న యాదవ్,పైడిపెల్లి రాజు,కిన్నెర మల్లవ్వ, బ్రామండ్ల పెల్లి యుగేందర్, బోనగిరి మహేందర్ పాల్గొన్నారు.

అవినీతి అక్రమాలకు పాల్పడుతున్న ఏటిడిఓ ఇంచార్జీ డిటిడిఓ ను ఉద్యోగం నుంచి తొలగించాలి
 అవినీతి అక్రమాలకు పాల్పడుతున్న నిర్మల్ ఏటిడిఓ ఇంచార్జి డిటిడిఓ శ్రీనివాస్ రెడ్డిని ఉద్యోగం నుండి తొలగించాలి 

 పెరుగుతున్న ధరలకనుగుణంగా మెస్ చార్జీలు కాస్మోటిక్ చార్జీలు పెంచాలి 

గత జూన్ నుండి హాస్టల్ లో పెట్టుబడి పెట్టిన హాస్టల్ వార్డెన్ లకు హెడ్ మాస్టర్ లకు బడ్జెట్ కేటాయించి బిల్లులు చెల్లీంచాలి 

 టెండర్ లు వేసి హాస్టల్ కు సామాగ్రి సప్లైయి చేయాలి 

 లేని ఏడల ఆందోళన చేస్తామని గవ్వల శ్రీకాంత్ డిమాండ్ 


Street Buzz news నిర్మల్ జిల్లా:
(దస్తురాబాద్):- తెలంగాణ ఎస్ సి, ఎస్ టి, బిసి మైనారిటి విద్యార్థి యువజన సంఘం రాష్ట్ర ఆధ్యక్షులు వంచిత్ బహుజన్ ఆఘాడి విబిఏ పార్టీ రాష్ట్ర నాయకులు జిల్లా ఆధ్యక్షులు గవ్వల శ్రీకాంత్ గిరిజన ఆశ్రమ హాస్టల్ విద్యార్థుల సమస్యలు తెలుసుకోవడానికి ఆకస్మాత్తుగా నిర్మల్ జిల్లా దస్తురాబాద్ మండల్ మల్లపూర్ లో గల బాలుర హాస్టల్ కు వెళ్లి వారితో మాట్లాడారు. మరియు హెచ్ ఎం కమ్ వార్డెన్ గారితో వారి వారి సమస్యలు తెలుసుకున్నారు. భోజనం సమయం కావడం వలన విద్యార్థులకు పెట్టే భోజనం విద్యార్థులతో కలిసి మాట్లాడుతూ భోజనం చేశారు. విద్యార్థులకు పెట్టె భోజనం రోజు వారి మెను ప్రకారం పెట్టడం జరిగింది. విద్యార్థులు కూడ ఎప్పుడు ఇదే విదంగా వంట చేస్తారని వారితో చెప్పారు. మెను ప్రకారం భోజనం పెట్టడం వలన విద్యార్థులు సంతృప్తిగా ఉన్నారు. ఇప్పుడు ఉన్న రేట్ల ప్రకారం మెస్, కాస్మోటిక్ చార్జీలు పెంచి ఇవ్వాలని ప్రభుత్వాన్ని గవ్వల శ్రీకాంత్ డిమాండ్ చేశారు. మరియు టెండర్ వేయకుండా విద్యార్థులకు మెను ప్రకారం భోజనం పెట్టకుంటే పెద్ద ఎత్తున ఆందోళన చేస్తామని గవ్వల శ్రీకాంత్ హెచ్చరించారు. మరియు నిర్మల్ ఎటిడీఓ ఇంచార్జి డిటిడీఓ శ్రీనివాస్ రెడ్డి హాస్టల్లలో పరివేక్షణ చేయకుండా ప్రతి రోజు రాత్రి పగలు తేడా లేకుండ తప్ప తాగి డ్యూటీ చేస్తూ ఆఫీస్ కు వస్తూ కింది అధికారులను నోటికి వచ్చినట్లు బూతులు తిడుతు ప్రతి నెల ఒక విద్యార్థికి కమిషన్ లాగా పది శాతం లంచం ఇవ్వాలని మరియు కనీసం నెలకు ఒక హాస్టల్ నుండి పది వేలు తగ్గకుండ ఇవ్వాలని డిటిడీఓ శ్రీనివాస్ రెడ్డి వార్డెన్ లను హెచ్ ఎం లను వేధింపులకు గురిచేస్తే డిటిడీఓ శ్రీనివాస్ రెడ్డి వలన మానసిక ఒత్తిడి తట్టుకోలేక పెట్టిన పెట్టుబడి బిల్లులు రాక ఇద్దరు అధికారులు అనగా పీజి హెచ్ ఎం సుభాష్ హాస్టల్ వార్డెన్ పి నారాయణ ఇద్దరు మృతి చెందినారని కావున ఈ అధికారి పై ఉన్నత అధికారులతో విచారణ జరిపించి అవసరమైతే శ్రీనివాస్ రెడ్డి పై హత్యనేరం కేసు పెట్టాలని ఉద్యోగం నుండి తొలగించాలని గవ్వల శ్రీకాంత్ డిమాండ్ చేశారు.అదేవిదంగా కొంత మంది వార్డెన్ లు హెచ్ ఎం లు కూడ వర్కర్లను విద్యార్థులను వేధింపులకు గురిచేస్తున్నట్లు తమ దృష్టికి వచ్చినట్లు గవ్వల శ్రీకాంత్ తెలిపారు. వార్డెన్ లు హెచ్ ఎం లు వారి పద్ధతులు మార్చుకోవాలని కోరారు. డిటిడీఓ శ్రీనివాస్ రెడ్డి పై ట్రైబల్ వేల్పర్ కమిషనర్ గారికి ప్రిన్సిపాల్ సెక్రెటరీ గారికి సెక్రెటరీ గారికి జిల్లా కలెక్టర్ గారికి పిఓ గారికి గిరిజన శాఖ మంత్రి గారికి కేటీఆర్ గారికి హరీష్ రావు గారికి సీ ఎం గారికి వినతి పత్రాలు ప్రస్తుతం సోషల్ మీడియా ద్వారా పంపి త్వరలో కలిసి వినతి పత్రాలు ఇస్తున్నట్లు గవ్వల శ్రీకాంత్ తెలిపారు.

మాముళ్ళ మత్తు వదలని అధికారులు - యధేచ్చగా అక్రమ ఇసుక రవాణా



 పేదోడి ఇంటికి ఇసుక కరువు..కమర్షియల్ భవనానికి అక్రమంగా ఇసుక తరలింపు  
 నిమ్మకు నీరెత్తినట్లుగా వ్యవహరిస్తున్న అధికారులు

 ట్రాస్క్ ఫోర్స్ అధికారులు చర్యలు తీసుకోవాలంటూ రైతుల వేడుకోలు

Street Buzz news జయశంకర్ భూపాలపల్లి జిల్లా: మొగుళ్ళపల్లి):- మండలంలోని ఒక గ్రామానికి చెందిన ప్రజా ప్రతినిధి తన గ్రామ సరిహద్దుల్లో ఉన్న కమర్షియల్ భవన నిర్మాణానికి అన్ని తానై వ్యవహరిస్తూ గత కొన్ని రోజుల నుండి మండలంలోని సమీప గ్రామాలకు చెందిన వాగుల నుండి ఎలాంటి అనుమతి పత్రాలు లేకుండా యథేచ్చగా అక్రమంగా ఇసుక రవాణా చేస్తున్నాడు. గత పది రోజుల నుండి గ్రామానికి చెందిన రైతులు, ప్రజలు సంబంధిత అధికారులకు మొరపెట్టుకున్నా, పలు పత్రికలలో వార్తలు ప్రచురితమైన కూడా అధికారులు నిమ్మకు నీరెత్తినట్లుగా వ్యవహరిస్తున్నారు. ఇదే క్రమంలో అధికారుల అండదండలు నాకు ఉన్నాయంటూ గురువారం కూడా సమీప గ్రామాల నుండి కమర్షియల్ భవనానికి అక్రమ ఇసుక రవాణా చేస్తున్నాడు. ఇప్పటికైనా టాస్క్ ఫోర్స్ బృందాలతో విచారణ చేపట్టి.. కమర్షియల్ భవన నిర్మాణం వద్ద ఉన్న ఇసుక డంప్ లను సీజ్ చేసి, ఆ ప్రజాప్రతినిధిపై చట్టరీత్యా చర్యలు తీసుకోని, అక్రమ ఇసుక రవాణాను ఆపాలని రైతులు, ప్రజలు డిమాండ్ చేస్తున్నారు.

ఎమ్మెల్యే సతీష్ కుమార్ నిర్లక్ష్యం

●RSP సిద్దిపేట జిల్లా నాయకులు గడిపే సుజిత్ ●


Street Buzz news సిద్దిపేట జిల్లా:: హుస్నాబాద్ ):- హుస్నాబాద్ ఎమ్మెల్యే  వొడితల సతీష్ కుమార్ నిర్లక్ష్యం వల్ల పేదలకు చెందవలసిన డబుల్ బెడ్ రూమ్ ఇండ్లు ఈరోజు డబ్బులకు ఇచ్చిన వారికి చెందుతున్నాయని RSP పార్టీ కార్యాలయంలో ఏర్పాటు చేసిన సమావేశంలో రివలేషనరీ సోషలిస్ట్ పార్టీ నాయకుడు గడిపే సుజిత్ కుమార్ మండిపడ్డారు.ఈ సందర్భంగా వారు మాట్లాడుతూ డబుల్ బెడ్ రూమ్ ఇండ్లను వార్డ్ బిఆర్ఎస్ నాయకులు డబ్బులు ఇస్తేనే డబుల్ బెడ్ రూమ్ ఇస్తామని అని చెప్పడం సిగ్గుచేటని మండి పడ్డారు. వెంటనే పేదలకు కట్టిన డబుల్ బెడ్ రూమ్ లను అన్నింటిని అర్హులైన పేదలకు ఇవ్వాలని అన్నారు. లేనిపక్షంలో తమ పార్టీ ఆధ్వర్యంలో పెద్ద ఎత్తున ఆందోళన చేపడుతామని హెచ్చరించారు.ఈ సమావేశంలో మండల నాయకులు మధురవేణి అజయ్ ,సాయి నరేష్, దుర్ముట్ల శివ,చందు,గద్ద శ్రావణ్ కుమార్ తదితరులు పాల్గొన్నారు.

విమాన రాకపోకల సమయాలు ఇవే
Street Buzz news కడప:  
కడప విమాన సర్వీసులు,కడప వయా హైదరాబాద్‌ నుంచి గోవా, తిరువనంతపురం, మధురై, భువనేశ్వర్‌, రాజమండ్రి, రాయపూర్‌, ఇండోర్‌, జబల్‌పూర్‌, ముంబై, చండీగర్‌, వారణాసి, జైపూర్‌, సూరత్‌, రాంచీ, ఢిల్లీ
కడప వయా చెన్నై నుంచి వడోదర, కోయంబత్తూరు, మధురై, కోల్‌కతా, అహ్మదాబాద్‌, మైసూరు
కడప వయా బెంగళూరు నుంచి తిరుచిరాపల్లి, ఉదయ్‌పూర్‌, హుబ్లీ, లక్నోలకు
విమానం వచ్చి.. వెళ్లే సమయం

చెన్నై-కడప : 08.05 - 09.20

కడప-చెన్నై : 14.00 - 15.20

కడప-విజయవాడ : 09.45 - 11.00

విజయవాడ-కడప : 11.45 - 13.20

బెంగళూరు-కడప : 09.25 - 10.30

కడప-బెంగళూరు : 15.10 - 16.15

కడప-విశాఖపట్నం : 10.50 - 12.40

విశాఖపట్నం-కడప : 13.00 - 14.50

హైదరాబాద్‌-కడప : 09.45 - 11.05

కడప-హైదరాబాద్‌ : 11.35 - 13.05

విమానాల రాకపోకలు ఇవే...

కడప-హైదరాబాద్‌ : ప్రతిరోజు విమాన సర్వీసులు అందుబాటులో ఉంటాయి.
కడప-విజయవాడ-కడప : సోమ, బుధ, శుక్ర, ఆదివారం

చెన్నై-కడప-చె న్నై : సోమ, బుధ, శుక్ర, ఆదివారం

బెంగళూరు-కడప-బెంగళూరు: మంగళ, గురు, శనివారం

కడప-విశాఖపట్నం-కడప : మంగళ, గురు, శనివారం

సర్వీసులను ఉపయోగించుకోండి

- శివప్రసాద్‌, ఎయిర్‌పోర్ట్‌ డైరెక్టర్
 -- ఆకాశయానం ✈️✈️✈️