గొప్ప నటునికి తెలుగులో సంతాపం తెలిపిన ప్రధాని...
సీనియర్ నటుడు చంద్రమోహన్ మృతి పట్ల ప్రధాన మంత్రి నరేంద్ర మోదీ సంతాపం వ్యక్తం చేశారు. చంద్రమోహన్ నిష్క్రమణ సృజనాత్మక ప్రపంచంలో పూరించలేని శూన్యతను కలిగించిందంటూ ప్రధాని ట్వీట్ చేశారు. ‘‘ప్రముఖ తెలుగు నటుడు శ్రీ చంద్ర మోహన్ గారు మృతి చెందడం అత్యంత బాధాకరం. సినీ ప్రపంచంలో ఆయన ఓ వెలుగు వెలిగారు. వారి ఉత్తమమైన నటన మరియు ప్రత్యేకమైన తేజస్సు తరతరాలుగా ప్రేక్షకులను మంత్రముగ్ధులను చేశాయి. వారి నిష్క్రమణ సృజనాత్మక ప్రపంచంలో పూరించలేన ఒక శూన్యతను కలిగించింది. నా ఆలోచనలు వారి కుటుంబం మరియు అసంఖ్యాక అభిమానులతో ఉన్నాయి. ఓం శాంతి’’ అంటూ ప్రధాని తెలుగులో ట్వీట్ చేశారు. చంద్రమోహన్ మృతి పట్ల ప్రధాని ఇంగ్లిష్‌లోనూ ట్వీట్ చేశారు.

  


ఏపీ సీఎం వైఎస్ జగన్, తెలంగాణ ముఖ్యమంత్రి కేసీఆర్ తదితరులు చంద్రమోహన్ మృతి పట్ల సంతాపం వ్యక్తం చేశారు. చిరంజీవి, మోహన్ బాబు, పవన్ కళ్యాణ్, వెంకటేశ్, మహేశ్ బాబు తదితర సినీ ప్రముఖులు చంద్రమోహన్ మృతి పట్ల సంతాపం వ్యక్తం చేశారు. విభిన్న పాత్రలతో ఆకట్టుకున్న చంద్రమోహన్ మరణం తెలుగు సినీ పరిశ్రమకు తీరని లోటని ప్రముఖులు అభిప్రాయపడ్డారు.

సీఎం కుర్చీపై సీనియర్ నేతల ఆశలు.. అన్ని పార్టీల్లోనూ అదే తంతూ.. తేడా కొడితే..?
Telangana Election: సీఎం కుర్చీపై సీనియర్ నేతల ఆశలు.. అన్ని పార్టీల్లోనూ అదే తంతూ.. తేడా కొడితే..?
తెలుగు రాష్ట్రాల్లో ప్రస్తుతం ఎన్నికల మూడ్ కనిపిస్తోంది. మా పార్టీ అధికారంలోకి వస్తే నేనే సీఎం. ఇలా చెబితేనే నియోజకవర్గ ఓటర్లు ప్రభావితం అవుతారని అనుకుంటున్నారా? లేక నిజంగానే ఆయనకు అంత సీనుందా? తెలంగాణలో ఓటర్లు ఇప్పుడు వింత పరిస్థితి ఎదురవుతోంది. అటు ముఖ్యమంత్రి కేసీఆర్‌.. ఇటు ఎవరు అని బీఆర్‌ఎస్‌ చేసే టీజింగ్‌ని భరించలేక.. నేనే సీఎం అంటూ బయల్దేరారు జాతీయ పార్టీల సీనియర్‌ నేతలు.



  



తెలుగు రాష్ట్రాల్లో ప్రస్తుతం ఎన్నికల మూడ్ కనిపిస్తోంది. మా పార్టీ అధికారంలోకి వస్తే నేనే సీఎం. ఇలా చెబితేనే నియోజకవర్గ ఓటర్లు ప్రభావితం అవుతారని అనుకుంటున్నారా? లేక నిజంగానే ఆయనకు అంత సీనుందా? తెలంగాణలో ఓటర్లు ఇప్పుడు వింత పరిస్థితి ఎదురవుతోంది. అటు ముఖ్యమంత్రి కేసీఆర్‌.. ఇటు ఎవరు అని బీఆర్‌ఎస్‌ చేసే టీజింగ్‌ని భరించలేక.. నేనే సీఎం అంటూ బయల్దేరారు జాతీయ పార్టీల సీనియర్‌ నేతలు.

సీఎం.. సీఎం.. సీఎం.. మేమంటే మేమే సీఎం.. ఇక అధికారం తథ్యమే.. సీఎం కుర్చీపై కూర్చోడమే తరువాయి అన్న రేంజ్‌లో అన్ని పార్టీల ప్రచారం సాగుతోంది. ఇన్నాళ్లు కాంగ్రెస్‌కే పరిమితం అయిన సీఎం కుర్చీ రేసు.. ఇప్పుడు భారతీయ జనతా పార్టీకీ పాకింది. ఇది చూసి బీఆర్‌ఎస్‌ నేతలు సెటైర్లు వేస్తున్నారు. మా ముఖ్యమంత్రి అభ్యర్థి సీఎం కేసీఆర్‌.. మరి మీ పార్టీలో సీఎం ఎవరైతారు అని మొఖం పట్టుకుని అడిగినంత పని అవుతోంది.
బీసీ సీఎం నినాదంతో తెలంగాణలో ఎన్నికలకు వెళ్తోంది కమలం పార్టీ. ప్రస్తుతం అసెంబ్లీ ఎన్నికలు జరిగే రాష్ట్రాల్లో ఎక్కడా సీఎం అభ్యర్థులను ప్రకటించని బీజేపీ.. తెలంగాణ విషయంలో మాత్రం కొత్త వ్యూహాన్ని అమలు చేస్తోంది. తాము అధికారంలోకి వస్తే బీసీ నేతను ముఖ్యమంత్రిగా నియమిస్తామని బీజేపీ ప్రకటించింది. దీంతో తెలంగాణలోని బీసీలు తమవైపే ఉంటారన్న ధీమాలో ఉంది కమలం పార్టీ.

ఉమ్మడి ఆంధ్రప్రదేశ్ నుంచి ఇప్పటి దాకా తెలంగాణలో బీసీ ముఖ్యమంత్రి లేరు. ఈసారి పార్టీ అధికారంలోకి వస్తే ఓబీసీకి అవకాశం ఇస్తామని.. 30 – 35 మంది ఉన్న సమావేశంలో తనవైపు చూస్తూ ప్రధాని నరేంద్ర మోదీ ప్రకటించారని అంటున్నారు ఈటల రాజేందర్. అటు కార్యకర్తలకూ ఇదే చెబుతూ వారిని ఉత్సాహపరుస్తున్నారు ఈటల రాజేందర్‌. ఈటల ఇలా మాట్లాడిన 24 గంటల్లోనే బీజేపీ జాతీయ ప్రధాన కార్యదర్శి బండి సంజయ్ కుమార్ రియాక్టయ్యారు. సీఎం అవుతానని తానైతే చెప్పననీ.. ఎమ్మెల్యేల అభిప్రాయాల మేరకు పార్టీ అధిష్టానమే ముఖ్యమంత్రి అభ్యర్ధిని ప్రకటిస్తుందంటున్నారు బండి సంజయ్.
మొన్నటికి మొన్న ఖానాపూర్‌ నియోజకవర్గంలోని జన్నారం సభలోనూ సంచలన వ్యాఖ్యలు చేశారు ఎంపీ బండి సంజయ్‌. ఆయన ప్రసంగం సందర్భంగా సీఎం.. సీఎం.. అంటూ కార్యకర్తలు నినాదాలు చేశారు. ఈ నినాదాలే తన కొంపముంచాయని, ఉన్న పదవి పోయిందన్నారు బండి సంజయ్‌. తెలంగాణాలో బీజేపీ గెలిస్తే బీసీనే సీఎం అవుతారని, ఈ విషయాన్ని ప్రధాని మోదీ స్వయంగా ప్రకటించారని అన్నారు.
ఇదంతా బీజేపీ సంగతి.. ఇప్పుడు కాంగ్రెస్‌ విషయానికి వస్తే.. స్వేచ్ఛ, అంతర్గత స్వాతంత్ర్యం ఉన్న పార్టీ. ఈ నేపథ్యంలోనే ఎవరికి వారే సీఎం నేనంటే నేనని ప్రకటనలు చేసేస్తున్నారు. దసరా రోజు తాజా మాజీ ఎమ్మెల్యే జగ్గారెడ్డి మనసులో మాట బయట పెట్టేశారు. తాజా మాజీ సీఎల్పీ నేత భట్టి విక్రమార్క్ టీవీ9 వేదికగా సీఎం సీటుపై ఆశని చాటుకున్నారు. భువనగిరి ఎంపీ కోమటిరెడ్డి వెంకటరెడ్డి కూడా ఇలాంటి కామెంట్స్‌ చాలా చేశారు. పీసీసీ చీఫ్ రేవంత్‌ రెడ్డి అయితే.. సీఎంగా తన తొలి సంతకం గురించి మాట్లాడడం అంతా చూస్తున్నాం. వీరందరికీ గట్టి కౌంటరే ఇచ్చారు ఆ పార్టీ సీనియర్‌ నేత వి. హన్మంత రావు. ముందు గెలిచిరండి.. సీఎం గురించి అధిస్టానం చూసుకుంటుందని హితవు పలికారు. మరో కాంగ్రెస్ సీనియర్ నేత జానారెడ్డి కూడా ఇలాంటి వ్యాఖ్యలనే చేశారు. మాకు సీఎం అభ్యర్థి కేసీఆర్‌.. మీకు ఎవరు అంటూ టీఆర్‌ఎస్‌ చేస్తున్న టీజింగ్‌ను తప్పుబట్టారు. తమది జాతీయ పార్టీ, అదంతా అధిస్టానం చూసుకుంటుందన్నారు.
బీజేపీలో లక్ష్మణ్‌, కిషన్‌రెడ్డి వంటి నేతలు కూడా సీఎం సీటుకు అర్హులే. కాంగ్రెస్‌లో నల్గొండ జిల్లా సీనియర్లంతా పోటీలోనే ఉంటారు. ఇలా ఎవరికి వారు సీఎం పదవిపై ఆశలు పెట్టుకుని, ఇటు పార్టీ విజయం కోసం కృషి చేయడంలో తేడా కొడితే, ఉన్నది పోతుంది..! అన్నీ పోతాయంటున్నారు రాజకీయ విశ్లేషకులు..!!

అన్ని రకాల రాజకీయ ప్రకటనలను నిలిపివేస్తూ సీఈఓ ఆదేశాలు!
BREAKING

  


అన్ని రకాల రాజకీయ ప్రకటనలను నిలిపివేస్తూ సీఈఓ ఆదేశాలు!

అన్ని చానళ్లు, సోషల్ మీడియా ఛానళ్లకు లేఖలు రాసిన తెలంగాణా చీఫ్ ఎలెక్టోరల్ ఆఫీసర్.

అసెంబ్లీ సాధారణ ఎన్నికల కోసం స్టేట్ లెవెల్ సర్టిఫికేషన్ కమిటీ ఆమోదించిన రాజకీయ ప్రకటనలు దుర్వినియోగం అవుతున్నాయని పేర్కొన్న సీఈఓ.

ఇష్టానుసారంగా మార్చి ప్రసారం చేస్తూ మోడల్ కోడ్ ఆఫ్ కండక్ట్ ను ఉల్లంఘిస్తున్న కారణంగా ఆ ప్రకటనలను రద్దు చేస్తున్నట్లు లేఖలో పేర్కొన్న రాష్ట్ర ఎన్నికల ప్రధానాధికారి కార్యాలయం.

ఆ మేరకు మీడియా సంస్థలకు లేఖ రాసిన రాష్ట్ర ప్రధాన ఎన్నికల అధికారి కార్యాలయం.

ఆ ప్రకటనల ప్రసారాలను వెంటనే నిలిపివేయాలని ఛానళ్లకు సూచన.

సదరు ప్రకటనలకు సంబంధించిన కొన్ని వీడియోలు, క్లిప్ లను కూడా జతపరచిన సీఈఓ కార్యాలయం.

పదవులే ముఖ్యం తప్ప ప్రజలు ముఖ్యం కాదు: జగదీశ్వర్ రెడ్డి
కోమటిరెడ్డి బ్రదర్స్ ఓటమి ఖాయం

  


వారు పోటీ చేస్తున్న నియోజకవర్గాల ప్రజలు చేస్తున్న శపదాలే దీనికి నిదర్శనం

కాంగ్రెస్ నేతలకు నేను శత్రువైతే, వారు మాత్రం ప్రజల శత్రువులు

ఒక పార్టీలో ఉండి మరో పార్టీకి ఓటు వేయమని చెప్పిన దొంగలు కోమటిరెడ్డి బ్రదర్స్

పదవులే ముఖ్యం తప్ప ప్రజలు ముఖ్యం కాదు

కాంగ్రెస్ కు ఓటేస్తే ప్రజాధనం ఆ నేతల జేబుల్లోకి వెళితే... బీఆర్ఎస్ కు ఓటు వేస్తే ప్రజలకు వెళుతుంది 

కాంగ్రెస్ పార్టీని మరోసారి క్రిష్ణ లో కలపడం ఖాయం

 సూర్యాపేట 

ఒక పార్టీలో ఉండి మరో పార్టీకి ఓటు వేయమని చెప్పిన దొంగలు కోమటిరెడ్డి బ్రదర్స్ అని రాష్ట్ర విద్యుత్ శాఖ మంత్రి గుంటకండ్ల జగదీష్ రెడ్డి తీవ్ర స్థాయి లో మండిపడ్డారు. తుంగతుర్తి నియోజకవర్గం లోని శాలగౌరారం లో మీడియా తో మాట్లాడిన మంత్రి,కాంగ్రెస్ పార్టీని మరోసారి ప్రజలు క్రిష్ణ లో కలపడం ఖాయం అన్నారు.కోమటిరెడ్డి బ్రదర్స్ ఓటమి ఖాయం అన్నారు.వారు పోటీ చేస్తున్న నియోజకవర్గాల ప్రజలు చేస్తున్న శపదాలే దీనికి నిదర్శనం అన్నారు.
కాంగ్రెస్ నేతలకు నేను శత్రువైతే, వారు మాత్రం ప్రజల కు శత్రువులు అని పేర్కొన్నారు. వారికి పదవులే ముఖ్యం తప్ప ప్రజలు ముఖ్యం కాదన్నారు.
కాంగ్రెస్ కు ఓటేస్తే ప్రజాధనం ఆ నేతల జేబుల్లోకి వెళితే... బీఆర్ఎస్ కు ఓటు వేస్తే ఆ డబ్బులు ప్రజల జేబులో కి వెళతాయి అని అన్నారు.

ఇంటి దగ్గర నుండి ఓటేసే అవకాశం ఉన్న... స్పందన కరువు..
ఎన్నికల్లో వృద్ధులకు దివ్యాంగులకు లైన్‌లో ఉండి ఓటు నమోదు చేసుకోవాలంటే ఇబ్బందులను దృష్టిలో పెట్టుకుని ఈ ఎన్నికల కమిషన్‌ ఇంటి వద్ద నుంచే ఓటు నమోదు చేసుకునే విధంగా సువర్ణ అవకాశాన్ని కల్పించింది. మంచాన పడ్డ వారు, కదులలేని, బయటకు రాలేని పరిస్ధితులున్నా... అలాంటి వారితోనూ ఓటు వేయించడం ద్వారా ఓటింగ్‌ శాతం పెంచే సరికొత్త ఆధికారులు ఈసారి రూపొందించారు. సంబంధిత వ్యక్తుల నుంచి అంతగా స్పందన లేకపోవడం గమనార్హం. అధిక శాతం పోలింగ్‌ కేంద్రాలకు వచ్చి ఓటు వేయడానికి ఇష్టపడుతుండగా, సుముఖంగా ఉన్న కొద్దిమంది నుంచి అవసరమైన ధృవీకరణ పత్రాలు వస్తున్నాయి. చాలా మంది వృద్ధులు, దివ్యాంగులు సైతం పోలింగ్‌ కేంద్రాల వద్దకే వచ్చేందుకు ఇష్టపడుతున్నట్లు తెలస్తుంది.
13 వేల పైచిలుకు గుర్తింపు...
80 ఏళ్లు నిండిన వృద్ధులు, నడువలేని దివ్యాంగులకు ఇంటి నుంచే ఓటు వేసే వెసులుబాటును ఎన్నికల కమిషన్‌ ఇచ్చింది. మల్కాజిగిరి నియోజకవర్గంలో ఈలాంటి వారు మొత్తం 13,076 మందిని అధికారులు గుర్తించారు. వారిలో 80 ఏళ్లు నిండిన వృద్ధులు 10031 మంది, దివ్యాంగులు 3045 మంది ఉన్నారు. వారికి 12-డీ ఫామ్‌లను ఇప్పటికే పంపిణీ చేసి వారి అభిప్రాయాలను సేకరించారు. దీన్ని ఆర్‌వో ఎన్‌.రవికిరణ్‌, నోడల్‌ అధికారి సుధ లింగాలలు పర్యవేక్షిస్తున్నారు. మొత్తం 13,076 లో కొంత మంది మరణంచగా, వీరిలో వృద్ధులు 103 మంది, దివ్యాంగులలో 15 మంది మాత్రమే సుముఖతను వ్యక్తం చేస్తూ లేటర్‌లను ఇచ్చారు.
ఓటు హక్కు వినియోగించుకునేలా ఏర్పాట్లు
బ్యాలెట్‌ పత్రాలు ముద్రించాక కలెక్టర్‌ ఆదేశాల ప్రకారం. పోలింగ్‌కు ముందే దీని కోసం ప్రత్యేకంగా నియమించే పోస్టల్‌ బ్యాలెట్‌ బృందం బ్యాలెట్‌ బాక్స్‌తో పోలీసులు, అన్ని రాజకీయ పార్టీల ఏజెంట్లతో సహా ఆయా ఇళ్లకు వెళ్లి వృద్దులు, దివ్యాంగులు ఓటు హక్కు వినియోగించుకునేలా ఏర్పాట్లు చేస్తారు. ఈ ప్రక్రియనంతా వారి ఇంటి వద్దకు అధికారులు వెళ్లినప్పటినుంచి రహస్యంగా సదరు వ్యక్తులు ఓటు హక్కు వినియోగించుకునే వరకు వీడియో రికార్డ్‌ చేస్తారు.

ఎటువంటి ఆర్భాటాలు లేకుండా నిరాడంబరంగా నామినేషన్ పత్రం దాఖలు చేసిన నల్గొండ అభ్యర్థి కంచర్ల భూపాల్ రెడ్డి
నేడు..నల్లగొండ నియోజకవర్గం బిఆర్ఎస్ పార్టీ శాసనసభ అభ్యర్థిగా.. కంచర్ల భూపాల్ రెడ్డి గారు.. నామినేషన్ దాఖలు...

  


 ఎటువంటి ఆర్భాటాలు లేకుండా నిరాడంబరంగా నామినేషన్ పత్రం దాఖలు...

 రెండు సెట్ల నామినేషన్ పత్రాలు దాఖలు చేసిన కంచర్ల....

 ఉదయం తమ స్వగ్రామం ఉరుమడ్ల గ్రామంలో రామలింగేశ్వర స్వామి దేవాలయంలో పూజలు...

 సరిగ్గా ఉదయం 9.20 గంటలకు...
కుటుంబ సభ్యులు, సోదరీమణులు... మంగళ హారతులు పట్టి విజయ తిలకం దిద్దగా.. మాతృమూర్తి కౌసల్య, సోదరులు కంచర్ల కృష్ణారెడ్డి గారి ఆశీర్వాదాలు తీసుకున్న... భూపాల్ రెడ్డి గారు... ముఖ్య నాయకులు.. వివిధ హోదాల్లో ఉన్న ప్రజా ప్రతినిధులు పార్టీ ప్రతినిధులు వెంటరాగా...తాను నివాసముంటున్న... బీటీ కాలనీలోని వెంకటేశ్వర స్వామి దేవాలయంలో... ప్రత్యేక పూజలు నిర్వహించారు... అనంతరం తన ఇష్ట దైవం... రామలింగేశ్వరుడికి  ఛాయా సోమేశ్వరాలయంలో... అభిషేకం నిర్వహించి పూజలు చేశారు...
 ముఖ్య నాయకులు కార్యకర్తలతో కలిసి ఆర్డివో కార్యాలయం చేరుకొని
నిబంధనల మేరకు ఐదుగురు.. నాయకులు వెంట రాగా.. నల్లగొండ నియోజకవర్గ ఆర్ వో గారికి.. రుసుము చెల్లించి.. నామినేషన్ పత్రం అందచేశారు...

అనంతరం వెలుపల మీడియా తో మాట్లాడుతూ..
# నల్లగొండ పునర్నిర్మాణం కోసం ఆలోచనతో ఓటు వేయండి..
#అభివృద్ధిని కొనసాగించేందుకు మరోసారి అవకాశం ఇవ్వండి.
# కడుపు నింపే కేసీఆర్ కావాలా కడుపు కొట్టి కాంగ్రెస్ కావాలో నిర్ణయించుకోండి.
# కోమటిరెడ్డిని తరిమేస్తేనే నల్లగొండలో ఖాళీ జాగాలు మిగులుతాయి.
# ఐదేళ్లు కనపడని కోమటిరెడ్డి ఇప్పుడు డబ్బు సంచులతో వచ్చి నాయకులను కొనుగోలు చేస్తుండు.
.... కంచర్ల.
 గత 20 ఏళ్లుగా గోస తీసి.. అభివృద్ధి కి నోచుకోక... ఇప్పుడిప్పుడే నల్లగొండ నిర్మాణం చెందుతూ అభివృద్ధి దిశ వైపు పరుగులు తీస్తుంటే... గత ఐదు సంవత్సరాలుగా కనపడని.. నల్లగొండ ప్రజల సమస్యలు పట్టని పట్టించుకోని.. కోమటిరెడ్డి మళ్లీ డబ్బు సంచులతో వచ్చి.. నాయకులను కొనుగోలు చేసి...
 హైప్ క్రియేట్ చేసి... ప్రజలను మభ్యపెట్ట చూస్తున్నాడ ని.. గతంలోల ఆయన మాటలు ఇప్పుడు సాగవని.. ఆయన మాయ మాటలకు మోసపోవద్దని ప్రజలకు విజ్ఞప్తి చేశారు... కెసిఆర్ నాయకత్వంలోని తెలంగాణ రాష్ట్ర ప్రభుత్వం... ఎన్నో అభివృద్ధి సంక్షేమ ఫలాలను ప్రజలకు అందించిందని.. వాటిని మరింత పెంచుతూ మేనిఫెస్టోలో తెలిపిందని
 ఆసరా పెన్షన్లు 3016 నుంచి 5016 కు దివ్యాంగుల పెన్షన్ 6016 రైతుబంధు 12 వేల నుండి 16 వేలకు.. 3016 రూపాయల సౌభాగ్య లక్ష్మి... 400 రూపాయలకే సిలిండర్.. తదితర ప్రజలకు ఉపయోగపడే లాభపడే.. పథకాలు ప్రవేశపెట్టనిందని... ప్రత్యేక తెలంగాణ రాష్ట్ర కోసం పోరాడి తెచ్చిన కేసీఆర్ ద్వారానే ఈ పనులన్నీ... నెరవేరుతాయని...
ప్రజలకు తెలియజేశారు.
 కంచర్ల నామినేషన్ కార్యక్రమంలో..
 మున్సిపల్ చైర్మన్ మందడి సైదిరెడ్డి, ఎంపీపీ కరీం పాషా జెడ్పిటిసి చిట్ల వెంకటేశం, రాష్ట్ర పార్టీ కార్యదర్శులు చాడ కిషన్ రెడ్డి, నిరంజన్ వలి ,మార్కెట్ కమిటీ చైర్మన్ చీర పంకజ్ యాదవ్, ఎంజి యూనివర్సిటీ సినీనటి సభ్యులు బోయపల్లి కృష్ణారెడ్డి, చిట్యాల సింగిల్ విండో చైర్మన్ సుంకరి మల్లేష్ గౌడ్ రాష్ట్ర కార్పొరేషన్ మాజీ చైర్మన్ కటకం సత్తయ్య గౌడ్ , మాజీ మార్కెట్ కమిటీ చైర్మన్ బొర్ర సుధాకర్, రెడ్ క్రాస్ సొసైటీ అధ్యక్షులు గోలిమా అమరేందర్ రెడ్డి జేఏసీ అధ్యక్షులు జే వెంకటేశ్వర్లు సీనియర్ నాయకులు నేతి రఘుపతి, తిప్పర్తి మాజీ జెడ్పిటిసి తండు సైదులు గౌడ్ మున్సిపల్ ఫ్లోర్ లీడర్ అభిమన్యు శ్రీనివాస్ జెడ్పి కోఆప్షన్ సభ్యులు.. తీగల జాన్ శాస్త్రి, మున్సిపల్ కోఆప్షన్ సభ్యులు కొండూరు సత్యనారాయణ,జమాల్ ఖాద్రి రంజిత్ ఉద్యమ నాయకులు బక్క పిచ్చయ్య మాలే శరణ్య రెడ్డి సింగం రామ్మోహన్, లక్ష్మి, ఫరీద్ దొద్దిన్ మైనం శ్రీనివాస్,
పెఱిక ఉమామహేశ్వర్, సింగిల్ విండో చైర్మన్ లు వంగాల సహదేవరెడ్డి ఆలకుంట నాగరత్నం రాజు, దోటి శ్రీనివాస్ ,పట్టణ పార్టీ అధ్యక్షులు భువనగిరి దేవేందర్,తిప్పర్తి కనగల్ నల్గొండ మండల పార్టీ అధ్యక్షులు పల్ రెడ్డి రవీందర్రెడ్డి దేప వెంకట్ రెడ్డి, అయితగోని యాదయ్య..
 తిప్పర్తి కనగల్ మాడులపల్లి నల్లగొండ వైస్ ఎంపీపీలు.. ఏనుగు వెంకట్ రెడ్డి రామగిరి శ్రీధర్ రావు, రామగిరి శ్రీధర్ రావు, జిల్లా పరమేష్... సింగిల్ విండో వైస్ చైర్మన్ లు, కందుల రేణుక లక్ష్మయ్య, తవిటి కృష్ణ...
 పట్టణ మండలం పార్టీ.కార్యదర్శులు సందినేని జనార్ధన్ కాసం శేఖర్,జాఫర్,వనపర్తి నాగేశ్వరరావు కందిమల్ల నరేందర్ రెడ్డి, ఇరుగంటిపల్లి శేఖర్ రెడ్డి,బడుపుల శంకర్, పలువురు కౌన్సిలర్లు కో ఆప్షన్ సభ్యులు ఎంపీటీసీలు సర్పంచులు ముఖ్య నాయకులు కార్యకర్తలు భారీ సంఖ్యలో పాల్గొన్నారు.

భారత విప్లవ ప్రతిఘటనోద్యమ నిర్మాత చండ్ర పుల్లారెడ్డి స్పూర్తితో పోరాడుదాం:సీపీఐ(ఎం-ఎల్)న్యూడెమోక్రసీ
భారత విప్లవ ప్రతిఘటనోద్యమ నిర్మాత చండ్ర పుల్లారెడ్డి స్పూర్తితో పోరాడుదాం
             సీపీఐ(ఎం-ఎల్)న్యూడెమోక్రసీ

  




భారత విప్లవోద్యమ వేగుచుక్క, ప్రతిఘటన పోరాట అగ్రగణ్యులు చండ్ర పుల్లారెడ్డి 39 వ వర్ధంతి సందర్భంగా సీపీఐ(ఎం-ఎల్)న్యూడెమోక్రసీ ఆధ్వర్యంలో బొమ్మిడి నగేష్ అధ్యక్షతన సంస్మరణ సభ నిర్వహించి చిత్రపటానికి పూలమాలలు వేసి ఘనంగా నివాళులు అర్పించారు.

   ఈ సందర్భంగా సీపీఐ(ఎం-ఎల్) న్యూడెమోక్రసీ జిల్లా నాయకులు ఇందూరు సాగర్, మాట్లాడుతూ భూమికోసం, భుక్తి కోసం, ఈదేశ విముక్తి కోసం ప్రతిఘటన పోరాటమే మార్గంగా తుదివరకు పోరాడి , ఈ దేశ విప్లవోద్యమానికి వేగుచుక్కగా నిలిచిన అగ్రనాయకుడు కామ్రేడ్ చండ్రపుల్లారెడ్డి అని, పేద ప్రజల బ్రతుకులు మారాలని తన జీవితాన్ని ప్రజలకు అంకితం చేసి అడవిబాట పట్టిన వాడని అన్నారు.ఈ దేశంలో జరుగుతున్న ప్రజా,విప్లవోద్యమంలో అనేకమంది విప్లవకారులు తమ అమూల్యమైన ప్రాణాలను అర్పించారని, బూటకపు ఎన్కౌంటర్లలో, ప్రభుత్వాలు పాలకులు ప్రయోగించిన రాజ్య హింసలో, దోపిడీ ముఠాల గుండాల చేతులలో హత్య గావించబడిన అనేకమంది విప్లవకారులు ఈ దేశానికి ఆదర్శంగా నిలిచారన్నారు. ఈదేశంలో నూతన ప్రజాస్వామ్యక విప్లవాన్ని నిర్మించాలని నక్సల్బరీ, శ్రీకాకుళం, గోదావరి లోయ ప్రతిఘటన ఉద్యమంలో అనేకమంది విప్లవ వీరులు వర్గ సమాజ నిర్మూలన కోసం పోరాడారన్నారు. ప్రస్తుతం దేశంలో హిందూ మతోన్మాద బిజెపి పాసిస్టు పాలను కొనసాగిస్తుందన్నారు. రాష్ట్రంలో ప్రజా వ్యతిరేకమైన దొరపాలన కొనసాగుతుందన్నారు. 10ఏళ్ల పాలనలో అమలు చేయని హామీలు ఎన్నికలు వచ్చాయని మళ్ళీ అబద్ధాల హామీలతో ఓట్లు అడగడానికి వస్తున్నారని అన్నారు కామ్రేడ్ చండ్ర పుల్లారెడ్డి రూపొందించిన ప్రతిఘటన పోరాట, బూర్జువా,భూస్వామ్య, పెట్టుబడిదారులకు వ్యతిరేకంగా తిరుగుబాటులకు సిద్ధం కావాలని పిలుపునిచ్చారు.

  ఈ కార్యక్రమంలో సీపీఐ (ఎం-ఎల్) న్యూడెమోక్రసీ నాయకులు బొంగరాల నర్సింహా, బి.వి చారి,పోలె పవన్,జానపాటి శంకర్, అయోధ్య,ప్రవీణ్, వీరేశ్ తదితరులు పాల్గొన్నారు.

కలలో దేవుడు కనిపించి పొలంలో గొయ్యి తవ్వమన్నాడు.. తీరా తవ్వి చూడగా..!
కర్ణాటక: కలలో దేవుడు కనిపించి పొలంలో గొయ్యి తవ్వమన్నాడు.. తీరా తవ్వి చూడగా..!

బెంగళూరుకు చెందిన లక్ష్మణ్ అనే వ్యక్తి టెక్కారిలో కొంత భూమిని కొనుగోలు చేశాడు. అయితే అతనికి కలలో అతను కొన్న భూమి పక్కనే ముస్లిం వ్యక్తి హమద్ బావాకు చెందిన వ్యవసాయ భూమిలో దేవాలయం ఉన్నట్లు కల వసీచింది. ఈ విషయాన్ని లక్ష్మణ్ గ్రామ ప్రజలకు తెలియజేశాడు. అనంతరం గ్రామస్థులు అందరూ కలిసి జ్యోతిష్కులను సంప్రదించారు. అప్పుడు కూడా అతనికి భూగర్భంలో దేవుడి ఉనికి గురించి సూచన వచ్చింది.

ఇందుగలడు అందులేడని సందేహం వలదు.. ఎందెందు వెదికినా దేవుడు కనిపిస్తాడని హిందువుల నమ్మకం. అందుకు మరోసారి నిదర్శనంగా నిలిచింది దక్షిణ కన్నడ జిల్లాలో జరిగిన ఓ ఘటన. బెల్తంగడి తాలూకా తెక్కరు గ్రామంలోని బత్రాబైల్‌లోని ఓ ముస్లిం వ్యక్తికి చెందిన వ్యవసాయ భూమిలో దేవాలయం ఉన్నట్లు మరొక వ్యక్తికి కల వచ్చింది. దీంతో ఆ ముస్లిం వ్యక్తి అనుమతితో జేసీబీతో భూమిని తవ్వగా వందేళ్ల క్రితం నాటి గోపాలకృష్ణుడి విగ్రహం లభ్యమైంది. దీంతో ఆ ముస్లిం వ్యక్తి తన ఆధీనంలో ఉన్న భూమిని ఆలయానికి ఇచ్చేశాడు.

బెంగళూరుకు చెందిన లక్ష్మణ్ అనే వ్యక్తి టెక్కారిలో కొంత భూమిని కొనుగోలు చేశాడు. అయితే అతనికి కలలో అతను కొన్న భూమి పక్కనే ముస్లిం వ్యక్తి హమద్ బావాకు చెందిన వ్యవసాయ భూమిలో దేవాలయం ఉన్నట్లు కల వసీచింది. ఈ విషయాన్ని లక్ష్మణ్ గ్రామ ప్రజలకు తెలియజేశాడు. అనంతరం గ్రామస్థులు అందరూ కలిసి జ్యోతిష్కులను సంప్రదించారు. అప్పుడు కూడా అతనికి భూగర్భంలో దేవుడి ఉనికి గురించి సూచన వచ్చింది. దీంతో జేసీబీతో భూమిని తవ్వారు. పదుల అడుగుల తవ్విన తర్వాత విరిగిన గోపాలకృష్ణుడి విగ్రహం కనిపించింది.
దీని ప్రకారం విగ్రహం దొరికిన స్థలంలో ఆలయాన్ని నిర్మించాలని గ్రామస్తులు నిర్ణయించగా.. హమద్ ఆలయ నిర్మాణానికి స్థలాన్ని విడిచిపెట్టారు. హమద్ తన పూర్వీకుల నుండి వ్యవసాయ భూమిని వారసత్వంగా పొందాడు. సర్వే చేయగా ప్రభుత్వ భూమి ఆక్రమణకు గురైనట్లు తేలింది.
వందల సంవత్సరాల క్రితం.. గోపాలకృష్ణ దేవాలయంపై టిప్పు సుల్తాన్ దాడి చేసినట్లు చెబుతారు. గ్రామంలో పదేళ్ల క్రితం ఓ దేవాలయం ఉందనే విషయం వెల్లడైంది. అంతేకాదు ఓ ముస్లిం వ్యక్తి స్థలంలో గుడి ఉందన్న సమాచారం అందుకున్న కొంతమంది పెద్దలు కలిసి గోపాలకృష్ణ ఆలయ ట్రస్టు ఏర్పాటు చేశారు. గుడి గురించి అన్వేషణ ప్రారంభించారు. అయితే ఎక్కడనే విషయంపై సరైన సమాచారం లేకపోవడంతో గ్రామస్థులు మౌనంగా ఉండిపోయారు.
అయితే 10 ఏళ్ల క్రితం బెంగుళూరుకు చెందిన లక్ష్మణ అనే వ్యక్తి టెక్కరు సమీపంలోని కొంత భూమిని కొనుగోలు చేశాడు. ఇప్పుడు భూమి విషయం ఆలోచిస్తుండగా లక్ష్మణ్ సమీప స్థలంలో ఒక ఆలయం ఉందని కల వచ్చినట్లు పేర్కొన్నాడు. అయితే లక్ష్మణుడి స్థలానికి సమీపంలో హమద్ స్థలం ఉంది.
దీని ప్రకారం భూమికి సంబంధించిన రికార్డును పరిశీలించగా అది ప్రభుత్వ భూమి అని తేలింది. ఆ విధంగా బెల్తంగడి ఎమ్మెల్యే హరీష్ పూంజా సహకారంతో ముస్లిం వ్యక్తి స్థలంపై సర్వే చేయించారు. సర్వేలో 25 సెంట్ల భూమి ప్రభుత్వానికి చెందినదని తేలడంతో హమద్ కొబ్బరి తోటను ప్రభుత్వం స్వాధీనం చేసుకుంది.
అనంతరం ఆలయ నిర్మాణానికి స్థలం ఇవ్వాలని గోపాలకృష్ణ ఆలయ ట్రస్టు డీసీని కోరారు. దీని ప్రకారం, జిల్లా కలెక్టర్ ఆలయాన్ని నిర్మించడానికి హిందూ మతపరమైన దేవాదాయ శాఖకు భూమిని రిజర్వు చేశారు. తాజాగా జేసీబీతో తవ్వకాలు జరుపుతుండగా కలలో వచ్చినట్లుగా పది అడుగుల లోతున్న బావిలో గోపాల కృష్ణుడు విగ్రహం కనిపించింది. ప్రస్తుతం హమద్ తన 75 సెంట్ల భూమిని ఆలయ ట్రస్టుకు విక్రయించాడు.

బ్రేకింగ్ న్యూస్*  నల్గొండ లో కాంగ్రెస్ కు భారీ షాక్ 
బ్రేకింగ్ న్యూస్
నల్గొండ లో కాంగ్రెస్ కు భారీ షాక్ 
#మూకుమ్మడిగా రాజీనామాలు చేసిన నాయకులు
#సీనియర్ కాంగ్రెస్ నేత తండు సైదులు గౌడ్ బి ఆర్ యస్ లో చేరిక
#అదే బాటలో మాజీ జడ్ పి టి సి తుమ్మల లింగస్వామి యాదవ్, నల్లగొండ యం పి పి వైస్ ప్రెసిడెంట్ జిల్లా పరమేష్ తదితరులు.
నల్లగొండ నియోజకవర్గం లో కాంగ్రెస్ పార్టీకీ భారీ షాక్ తగిలింది.నల్లగొండ, తిప్పర్తి, కనగల్ మండలాలకు చెందిన నాయకులు కార్యకర్తలు మూకుమ్మడిగా కాంగ్రెస్ పార్టీకీ రాజీనామాలు చేసి గులాబీ గూటికి చేరారు.పార్టీలో చేరిన వారిలో ఆ పార్టీ సీనియర్ నేత తిప్పర్తి మాజీ జడ్ పి టి సి తండు సైదులు గౌడ్,నల్లగొండ మండల వైస్ యం పి పి పరమేష్ మాజీ యం పి టి సి నాగులంచ లక్ష్మణ్ రావు తదితరులు గులాబీ గూటికి చేరారు.హైదరాబాద్ లో బి ఆర్ యస్ వర్కింగ్ కమిటీ అధ్యక్షుడు, రాష్ట్ర పురపాలక మరియు ఐటీ మంత్రి కలువకుంట్ల తారకరామారావు, రాష్ట్ర విద్యుత్ శాఖామంత్రి గుంటకండ్ల జగదీష్ రెడ్డి నల్లగొండ శాసన సభ్యులు కంచర్ల భూపాల్ రెడ్డి,జడ్ పి చైర్మన్ బండా నరేందర్ రెడ్డి తదితరుల సమక్షంలో బి ఆర్ యస్ లో చేరుతున్నట్లు ప్రకటించారు. పార్టీలో చేరిన నేతలకు మంత్రి కేటీఆర్ గులాబీ కండువాలు కప్పి పార్టీలోకి అహ్హనించారు.పార్టీలో చేరిన తండు సైదులు గౌడ్ తిప్పర్తి సర్పంచ్ గా జడ్ పి టి సి గా విధులు నిర్వహించారు.అదే గ్రామానికి చెందిన కాంగ్రెస్ జిల్లా నాయకులు తండు నరసింహా గౌడ్ సర్వారం మాజీ యం పి టి సి నాగులంచ లక్ష్మణ్ రావు,పైడిమర్రి మాజీ యం పి టి సి వెంకట్ రెడ్డి,దర్వేశ్ పురం మాజీ చైర్మన్ పాలకూరి గణేష్,తిప్పర్తి మండల కాంగ్రెస్ పార్టీ యస్ సి సెల్ అధ్యక్షుడు పాల్వాయి సాగర్, జిల్లా కాంగ్రెస్ పార్టీ ఉపాధ్యక్షుడు దేవరం చల్లా రెడ్డి,తిప్పర్తి గ్రామ కాంగ్రెస్ అద్యక్షుడు నకరబోయిన శ్రీను,బుద్దారం కాంగ్రెస్ పార్టీ అధ్యక్షుడు
ముప్ప మురళీధర్ రెడ్డి,కాంగ్రెస్ పార్టీకి చెందిన నెల్లికంటి గంగయ్య,యాపల గూడెం ఉప సర్పంచ్ నక్కా సైదులు,దున్న లతీఫ్,ఎమ్ ఆర్ పి యస్ తిప్పర్తి అధ్యక్షుడు బొజ్జ ఎల్లయ్య,కారింగుల నరేష్ గౌడ్,పల్లె శేఖర్ ,బొంత యాదయ్య, బొంత అంజయ్య, తుమ్మల సైదులు ,దేవురపల్లి మహేష్ రెడ్డి,చింతకుంట్ల చంద్రం,గుర్రం శ్రీనివాస్ రెడ్డి,జక్కలి మల్లేష్ యాదవ్,కొండేటి అంజి,పాలడుగు లింగస్వామి,మందడి మధుసూదన్ రెడ్డి,ఇళ్లేందుల శివ శంకర్, చెదురుపల్లి ప్రకాష్,అలకుంట్ల రమేష్ తదితరులు ఈ రోజు బి ఆర్ యస్ లో చేరిన వారిలో ఉన్నారు.

అభివృద్ధి కొనసాగాలంటే నల్లగొండలో మళ్లీ బిఆర్ఎస్ రావాలి
 బిఆర్ఎస్ పార్టీ నల్లగొండ శాసనసభ అభ్యర్థి కంచర్ల భూపాల్ రెడ్డి గారి సతీమణి కంచర్ల రమాదేవి నేడు నల్గొండ పట్టణంలోని.. మన ప్రాంతాల్లో పర్యటించి ఎన్నికల ప్రచారం నిర్వహించారు.. నలగొండ పట్టణంలో 1350 కోట్ల రూపాయలతో జరుగుతున్న అభివృద్ధిని చూసి.. ఈ అభివృద్ధి ఇలాగే కొనసాలన్నా ప్రారంభించిన పనులు పూర్తి కావాలన్నా మళ్ళీ కంచర్ల భూపాల్ రెడ్డి గెలవాలని.. అందుకే కారు గుర్తుపై ఓటు వేసి నిత్యం ప్రజలకు అందుబాటులో ఉండే కంచర్ల భూపాల్ రెడ్డి గారిని పెద్ద మెజార్టీతో గెలిపించాల్సిందిగా ఇంటింటి చేశారు... ఎన్నికల ప్రచారంలో పాల్గొన్న సమయంలో ప్రజలు ఎదురేగి నుదుట కుంకుమతో ఇంట్లోకి ఆహ్వానించి ఘన స్వాగతం పలికారు.. మాజీ ఆర్ వో మాలే శరణ్య రెడ్డి మందడి లిఖిత సైదిరెడ్డి, , మాజీ కౌన్సిలర్ రావుల రేణుక శ్రీనివాస్ రెడ్డి,కత్తుల సంధ్య, గాలి రాధిక,కంచర్ల విజయ రెడ్డి, కౌన్సిలర్ ఊటుకూరు వెంకటరెడ్డి దోనాల నాగార్జున్ రెడ్డి తదితరులు వెంట ఉన్నారు.