రచ్చకెక్కిన అద్దంకి సీఐ రాసలీలలు
బాపట్ల జిల్లా:జూన్ 22
అద్దంకి సీఐ రోశయ్య గత కొద్దిరోజులుగా వార్తల్లో నిలుస్తున్నారు. ఎందుకంటే ఆయనకు సంబంధించిన రాసలీల ఆడియోలు కొన్ని సోషల్ మీడియాలో వైరల్‌గా మారాయి. గతంలో చీరాల సీఐగా పనిచేసిన కాలంలో పెద్ద ఎత్తున అవినీతికి పాల్పడ్డారని, సీఐ ప్రవర్తనతో ఓ వ్యక్తి ఉరివేసుకుని చనిపోతున్నట్లు సెల్ఫీ వీడియో తీసి ఆత్మహత్య చేసుకున్నాడని మొదలు పెట్టి వివిధ కారణాలతో పోలీస్‌ స్టేషన్‌కు వచ్చే మహిళల్ని లోబర్చుకుని వేధింపులకు గురి చేస్తున్నారంటూ సిఐపై ఆరోపణలు చేస్తూ కొంతమంది సోషల్ మీడియాలో పెట్టిన ఆడియో క్లిప్‌లు పోలీసుశాఖలో హాట్ టాపిక్ గా మారాయి.

తనతో మాట్లాడకుండా ఫోన్‌ను బ్లాక్ చేస్తే మామూలుగా ఉండదంటూ ఓమహిళను బెదిరిస్తున్న ఆడియో కూడా ఒకటి లీక్ అయి కలకలం రేపింది. ఇక అదే సమయంలో తన ఆడియోలపై వస్తున్న వార్తలపై కానిస్టేబుల్‌తో సెటెరికల్‌గా స్పందించిన సీఐ ఆడియో కూడా మరోకటి బయటకు వచ్చి మరింత రచ్చకు దారి తీసింది.
వాళ్ళ దగ్గర ఆడియో లేకపోతే చెప్పు నేను ఆ పనిలో ఉన్నప్పుడు చెబుతా వచ్చి వీడియోలు తీసుకోమను, అవి ఎక్కడ పెట్టుకుంటారో పెట్టుకోండి, నేను మగాణ్ణి అంటూ కానిస్టేబుల్‌తో మాట్లాడినట్టు ఆడియోలో ఉంది.

ఈ ఆడియోల కలకలంతో అద్దంకి సీఐ రోశయ్యను వీఆర్ కు పంపారు పోలీస్ అధికారులు. అద్దంకి సీఐ రోశయ్య వ్యవహారాలపై ఒక మహిళా పోలీస్ ఫిర్యాదు కూడా చేసినట్లు తెలుస్తోంది. తనను ఉద్యోగం నుండి సస్పెండ్ చేయిస్తానని బెదిరించి రాజశేఖర్ అనే కానిస్టేబుల్ పై ఫిర్యాదు చేయించారని మహిళా కానిస్టేబుల్ ఆరోపిస్తోంది.

నిజానికి ముందు మహిళా కానిస్టేబుల్ ఫిర్యాదు మేరకు రాజశేఖర్ ను సస్పెండ్ చేశారు పోలీసు అధికారులు. సస్పెండ్ అయిన కానిస్టేబుల్ రాజశేఖర్ ని మెడికల్ టెస్టుల కోసం అద్దంకి ప్రభుత్వాసుపత్రికి తరలించగా తనపై కక్షతోనే సీఐ రోశయ్య ఇదంతా చేశారంటున్న కానిస్టేబుల్ రాజశేఖర్, కోర్టుకు వెళ్లే లోపు తాను ఆత్మహత్య చేసుకుంటానని చెప్పడం కలకలం రేపుతోంది. ఈ వ్యవహారం ఎన్ని మలుపులు తిరుగుతుందో వేచి చూడాలి మరి...

రేపు పాట్నాలో విపక్షాల భారీ ర్యాలీ
 •నితీష్ మమతను ఒప్పించగలరా, కాంగ్రెస్ ఆకాంక్షలను ఎలా ఎదుర్కొంటారు?
జూన్ 23 శుక్రవారం దేశ రాజకీయాలకు ప్రత్యేక రోజు కానుంది. 2024లో బీజేపీని అధికారం నుంచి గద్దె దించే ‘శక్తి’ ప్రతిపక్షాలకు ఉందో లేదో ఈ రోజున తేల్చనున్నారు. దేశ పగ్గాలు చేపట్టేందుకు విపక్షాలు ఎంత బలపడతాయో రానున్న రోజుల్లో ఈ సమావేశంలో తేల్చనున్నారు. సరే రేపు ఉదయం మీటింగ్. కానీ చాలా మంది పెద్ద నాయకులు నేడు చేరుకుంటున్నారు. విపక్షాల సమావేశానికి జమ్ముకశ్మీర్ మాజీ ముఖ్యమంత్రి మెహబూబా ముఫ్తీ పాట్నా చేరుకున్నారు.బెంగాల్ ముఖ్యమంత్రి మమతా బెనర్జీ కూడా ఈరోజే పాట్నా చేరుకుంటున్నారు.ఢిల్లీ సీఎం అరవింద్ కేజ్రీవాల్ కూడా సాయంత్రానికి పాట్నా చేరుకోనున్నారు.

మమతను ఎవరు ఒప్పిస్తారు?
విపక్షాల సంఘీభావ సమావేశానికి హాజరయ్యేందుకు పాట్నా చేరుకున్న తొలి నాయకుల్లో మమతా బెనర్జీ కూడా ఉన్నారు. పశ్చిమ బెంగాల్ ముఖ్యమంత్రి మమతా బెనర్జీ జూన్ 22 సాయంత్రం పాట్నా చేరుకుని విపక్షాల సమావేశానికి ముందు ఆర్జేడీ అధినేత లాలూ ప్రసాద్‌తో భేటీ కానున్నారు.పాట్నా వచ్చిన తర్వాత ముఖ్యమంత్రి మమతా బెనర్జీ నేరుగా రబ్రీ నివాసానికి వెళ్లనున్నట్లు సమాచారం.లాలూ ప్రసాద్‌తో భేటీ యాదవ్ ఇక్కడ అది చేస్తానని, ఆపై సీఎం నితీష్ కుమార్‌ను కూడా కలుస్తారని.. రేపటి సమావేశానికి ముందు మమతను కలవాలని లాలూ భావిస్తున్నట్లు వర్గాల నుంచి సమాచారం అందింది. నితీష్ కుమార్ అభ్యర్థన మేరకు మమతా బెనర్జీ రేపటికి బదులు ఈరోజే చేరుకుంటున్నారు.మమతను కలిసిన తర్వాత లాలూ ఆమెను కాంగ్రెస్‌లో మెత్తగా మార్చే ప్రయత్నం చేస్తారని అర్థమవుతోంది.

కాంగ్రెస్ నుంచి మమత 36 మంది
వాస్తవానికి, కాంగ్రెస్ విషయంలో మమత వైఖరి దానికి వ్యతిరేకంగా ఉంది. కాంగ్రె్‌సకు మద్దతు కావాలంటే వామపక్షాల నుంచి వైదొలగాల్సి వస్తుందని ఇటీవల ఆయన ప్రకటన చేశారు. బెంగాల్‌లో వామపక్షాలు, కాంగ్రెస్‌ల మధ్య పొత్తు ఉంది. అంతకుముందు జరిగిన సాగర్‌దిగి ఉప ఎన్నికల్లో కాంగ్రెస్‌ విజయం సాధించింది. దీని తర్వాత, మమతా బెనర్జీ కాంగ్రెస్‌కు చెందిన ఏకైక ఎమ్మెల్యేను టిఎంసిలో చేర్చుకున్నారు. అప్పటి నుంచి కాంగ్రెస్, మమత మధ్య సంబంధాలు మరింత దిగజారాయి. ప్రాంతీయ పార్టీలు బలంగా ఉన్న రాష్ట్రాల్లో కాంగ్రెస్ నాయకత్వాన్ని అంగీకరించాలని మమత కోరుతున్నారు.

కాంగ్రెస్ తన ఆశయాలను ఎలా నిలబెట్టుకుంటుంది?
ఇక్క డ క ర్ణాట క విజ యం త ర్వాత కాంగ్రెస్ నైతిక స్థైర్యం పెరిగింది. పశ్చిమ బెంగాల్, బీహార్, యూపీలో ప్రాంతీయ పార్టీలు తమ గుండెలు బాదుకోవాలని కాంగ్రెస్ పార్టీ కోరుతోంది. ఇలాంటి ప‌రిస్థితుల‌లో కాంగ్రెస్ త‌న ఎన్నో అంచ‌నాల‌ను ఎలా డీల్ చేస్తుంద‌నేది ఆస‌క్తిక‌ర‌మే.

తెలంగాణ జిల్లాల్లో మెడికల్ కాలేజీ లపై ఈడి కొరడా?
రాష్ట్ర వ్యాప్తంగా 20 ప్రాంతాల్లో గురువారం ఈడీ సోదాలు  కొనసాగుతున్నాయి. మెడికల్ కళాశాలలపై ఈడీ సోదాలు ఇంకా జరుగుతున్నాయి. పీజీ మెడికల్ సీట్లు అక్రమంగా బ్లాక్ చేశారన్న అభియోగంపై ఈడీ సోదాలు నిర్వహిస్తోంది. 

కాళోజీ యూనివర్సిటీ ఫిర్యాదు మేరకు గతేడాది ఏప్రిల్‌లో వరంగల్‌లో కేసు నమోదు అయ్యింది. వరంగల్ పోలీసుల కేసు ఆధారంగా ఈడీ మనీలాండరింగ్ దర్యాప్తు చేస్తోంది. రాష్ట్రంలో పది ప్రైవేట్ మెడికల్ కాలేజీలు 45 సీట్లు బ్లాక్ చేసి తర్వాత అమ్ముకున్నారని అభియోగాలు నమోదు అయ్యాయి. 

ఈ క్రమంలో రాష్ట్రంలోని తొమ్మిది ప్రైవేట్ మెడికల్ కాలేజీలు, కార్యాలయాల్లో ఈడీ సోదాలు కొనసాగుతున్నాయి. 20 ప్రత్యేక బృందాలతో సోదాలు నిర్వహిస్తున్నారు. మేడ్చల్, మహబూబ్ నగర్, కరీంనగర్, నల్గొండ, హైదరాబాద్, రంగారెడ్డిలలో ఈడీ సోదాలు చేపట్టింది. 

ఓవైసీ హాస్పటల్‌లో సోదాలు జరుగుతున్నాయి. అలాగే పలు మెడికల్ కాలేజీలలో సోదాలు ముగియగా.. మరికొన్ని చోట్ల రెండవ రోజు ఈడీ దాడులు కొనసాగుతున్నాయి. ఈరోజు సాయంత్రం వరకు ఈడీ సోదాలు జరగనున్నాయి...

నేడు దశాబ్ది ఉత్సవాల ముగింపు సభ
•నేడు బిజీ బిజీగా సిఎం కెసిఆర్ షెడ్యూల్
దశాబ్ది ఉత్సవాల చివరి రోజు గురువారం  ముఖ్యమంత్రి కె.చంద్రశేఖరరావు షెడ్యూల్ బిజీ బిజీగా ఉంది. ఉదయం మొదలుకోని రాత్రి వరకు వివిధ కార్యక్రమాల్లో పాల్గొననున్నారు.సంగారెడ్డి జిల్లా కొల్లూరులో ఆసియాలో అతిపెద్దదైన డబుల్ బెడ్‌రూం’ గృహ సముదాయాన్ని ప్రారంభించనున్నారు. అలాగే దశాబ్దాల కల ప్రత్యేక తెలంగాణ సాకారమైన వేళ ఉద్యమ నేపథ్యంలో ప్రాణత్యాగం చేసిన వారిని నిత్యం స్మరించుకునేలా హుస్సేన్‌సాగర్ తీరాన నిర్మించిన తెలంగాణ అమర వీరుల అఖండ జ్యోతిని సిఎం కెసిఆర్ అలాగే రంగారెడ్డి జిల్లా కొండకల్‌లో మేధా సర్వోగ్రూప్ నిర్మించిన రైల్వే కోచ్ ఫ్యాక్టరీని ప్రారంభించనున్నారు.

 సంగారెడ్డి జిల్లా పటాన్‌చెరులో 200 పడకల ప్రభుత్వాసుపత్రి నిర్మాణానికి శంకుస్థాపన చేయనున్నారు. సాయంత్రం సచివాలయ ప్రాంగణంలో తెలంగాణ ఆవిర్భావ దినోత్సవం సందర్భంగా నిర్వహించిన దశాబ్ది ఉత్సవాల ముగింపు సభలో సిఎం పాల్గొననున్నారు. ముఖ్యమంత్రి కెసిఆర్ పలు రకాల ప్రోగ్రామ్స్‌తో బిజీ బిజీగా ఉండనున్నారు.

సాయంత్రం అమరజ్యోతిని ప్రారంభించనున్న సిఎం కెసిఆర్
హైదరాబాద్‌లోని డాక్టర్ బీఆర్ అంబేద్కర్ సెక్రటేరియెట్ సమీపంలో అద్భుతంగా నిర్మించిన అమర వీరుల అఖండ జ్యోతిని  గురువారం  ముఖ్యమంత్రి కెసిఆర్ ప్రారంభించనున్నారు. దీన్ని రూ.177.50 కోట్లు వెచ్చించి నిర్మించారు. ఓ వైపు హుస్సేన్ సాగర్, మరో వైపు డాక్టర్ బీఆర్ అంబేద్కర్ సెక్రటేరియట్ మధ్య దీన్ని నిర్మించారు. కాగా, ప్రపంచంలోనే అతి పెద్దదైన అతుకులు లేని స్టెయిన్‌లెస్ స్టీల్‌తో తయారు చేయడం దీని ప్రత్యేకత. గురువారం సాయంత్రం 5 గంటలకు అంబేద్కర్ విగ్రహం నుంచి స్మారక చిహ్నం వరకు ఆరు వేల మంది కళాకారులు ప్రదర్శన చేయనున్నారు. సాయంత్రం 6.30 గంటలకు సిఎం కెసిఆర్ ఈ ప్రాంగణానికి చేరుకుంటారు. 12 తుపాకులతో అమరవీరులకు నివాళులర్పించే కార్యక్రమంలో సిఎం పాల్గొననున్నారు.

తెలంగాణ తల్లి విగ్రహాన్ని ఆవిష్కరించిన తరువాత అమరజ్యోతిని సిఎం కెసిఆర్ ప్రారంభిస్తారు. ఆ తర్వాత శిఖరాగ్రానికి చేరుకుంటారు. అమరవీరులకు నివాళులర్పిస్తూ ప్రముఖ కవి,ఎంఎల్‌సి దేశపతి శ్రీనివాస్ పాట పాడనున్నట్టు తెలుస్తోంది. తరువాత కొవ్వొత్తులు ప్రదర్శించి పది వేల మంది అమరవీరులకు నివాళులర్పిస్తారు.ఆ తరువాత సిఎం కెసిఆర్ ప్రసంగిస్తారు. 800 డ్రోన్లతో ప్రదర్శనతో పాటు అమరవీరుల కోసం జోహార్ అనే అక్షరాలతో స్మారక చిహ్నంపై లేజర్ షో ఉంటుంది. అమర వీరుల అఖండ జ్యోతికి ఎన్నో ప్రత్యేకతలున్నాయి. మొదటి అంతస్తులో మ్యూజియం, ఫొటో గ్యాలరీ ఉంది. రెండో అంతస్తులో 500 మంది కెపాసిటీ ఉన్న కన్వెన్షన్ హాల్, లాబీ ఏరియా ఉన్నాయి. మూడో అంతస్తు, టెర్రర్ అంతస్తులో రెస్టారెంట్, ఓపెన్ టెర్రస్ సిట్టింగ్ ఏరియాలున్నాయి.

ఉ.11 గంటలకు డిగ్నిటీ హౌసింగ్ టౌన్‌షిప్ ప్రారంభం
సంగారెడ్డి జిల్లా పటాన్‌చెరు నియోజకవర్గంలోని ఆర్సీపురం మండలం కొల్లూరులో రెండో దశలో భాగంగా నిర్మించిన ‘డబుల్ బెడ్‌రూం’ పథకం ఇళ్లను ముఖ్యమంత్రి కెసిఆర్ లబ్ధిదారులకు పంపిణీ చేయనున్నారు.డిగ్నిటీ- హౌసింగ్ టౌన్‌షిప్‌లో బాగంగా 15,660 ఫ్లాట్స్‌ను నిర్మించారు. గురువారం ఉదయం 11 గంటలకు ప్రారంభించనున్నారు. దేశంలో ఎక్కడ లేని విధంగా ప్రభుత్వం లబ్ధిదారులకు ఒక్క రూపాయి కూడా ఖర్చు లేకుండా ఉచితంగా అందిస్తున్న అతిపెద్ద హౌసింగ్ ప్రాజెక్ట్ ఇదే కావడం విశేషం....

గ్రూప్‌-1 పరీక్షను మళ్ళీ రద్దు చేయండి!!
తెలంగాణ రాష్ట్ర పబ్లిక్‌ సర్వీస్‌ కమిషన్‌ టీఎస్ పీఎస్సీ గ్రూప్‌-1 ప్రిలిమ్స్‌ పరీక్ష నిర్వహణలో భారీగా తప్పిదాలకు పాల్పడిందంటూ హైకోర్టులో తాజాగా పిటిషన్‌ దాఖలైంది. 

ఈనెల 11న నిర్వహించిన గ్రూప్‌-1 ప్రాథమిక పరీక్షను రద్దు చేయాలని ఆదిలాబాద్‌ జిల్లా నేరెడిగొండకు చెందిన బి.ప్రశాంత్‌, పలువురు అభ్యర్థులు హైకోర్టును ఆశ్రయించారు. అధికారులు.. అభ్యర్థుల బయోమెట్రిక్‌ తీసుకోకుండా పరీక్ష నిర్వహించారని తమ పిటిషన్‌లో పేర్కొన్నారు.

 ఓఎంఆర్‌ షీట్‌పై అభ్యర్థుల హాల్‌టికెట్‌ నంబర్‌, ఫొటో లేదని తెలిపారు. ఈ పరీక్షను రద్దు చేయాలని ఈనెల 13న తాము టీఎస్ పీఎస్సీకి విజ్ఞప్తి చేసినా స్పందన లేకపోవడంతో కోర్టుకు వచ్చినట్లు తెలిపారు.

 జూన్‌ 11న నిర్వహించిన గ్రూప్‌-1 పరీక్షను రద్దు చేసి.. నిబంధనల మేరకు మళ్లీ నిర్వహించేలా ఆదేశాలు జారీచేయాలని కోరారు. పిటిషన్‌ గురువారం విచారణకు వచ్చే అవకాశం ఉంది.....

ఎన్నికల వేళ కేసీఆర్ మాస్టర్ ప్లాన్..❓️
సచివాలయం ఎదురుగా ఉన్న అమరవీరుల స్మారక చిహ్నం ప్రారంభోత్సవం సందర్భంగా ముఖ్యమంత్రి కేసీఆర్ గురువారం సాయంత్రం తన ప్రసంగంలో అమరవీరుల కుటుంబాలకు ఎలాంటి వరాలు కురిపిస్తారన్నది హాట్ టాపిక్‌గా మారింది. త్వరలో అసెంబ్లీ ఎన్నికలు జరగనున్నందున మొత్తం అమరవీరుల కుటుంబాలను ఆకట్టుకునే విధంగా పలు హామీలు ఇస్తారన్న టాక్ గులాబీ నేతల నుంచి వినిపిస్తున్నది. ఇప్పటికే సుమారు 585 కుటుంబాలకు తలా రూ. 10 లక్షల చొప్పున ఆర్థిక సాయం, ప్రభుత్వ ఉద్యోగం, కొద్దిమందికి డబుల్ బెడ్‌రూమ్ ఇండ్లను ఇచ్చినందున మిగిలిన కుటుంబాలను ఎలాంటి హామీలతో సంతృప్తిపరుస్తారన్నది ఆసక్తికరంగా మారింది.

ఈ కుటుంబాలను స్వాతంత్ర్య సమరయోధులుగా గుర్తించడం, ప్రతి నెలా ఆ కుటుంబాలకు పింఛన్‌ను అందజేయడం, సొంతిల్లు లేని కుటుంబాలకు గృహవసతి కల్పించడం లాంటి హామీలు ఉండొచ్చని సమాచారం. అమరవీరుల కుటుంబాలను పూర్తిస్థాయిలో గుర్తించడంలో ప్రభుత్వం నిర్లక్ష్యంగా వ్యవహరించిందని, ఉద్యమకారులకు తగిన ప్రాధాన్యత ఇవ్వలేదని కేసీఆర్‌పై ఉన్న అసంతృప్తిని, వ్యతిరేకతను, మచ్చను తొలగించుకోడానికి కొన్ని నిర్దిష్టమైన హామీలను ఇచ్చే అవకాశమున్నట్లు తెలిసింది. అమరవీరుల కుటుంబాల్లో ఇప్పటికే వివిధ రూపాల్లో సాయం అందినందున మిగిలిన ఫ్యామిలీస్‌ను గుర్తించి ఇలాంటివి అందించడంపై స్పష్టత ఇస్తారన్న అంచనాలు ఉన్నాయి.

రాజకీయ ప్రయోజనాలతో ముడిపడి ఉన్న అంశం కావడంతో ఈ దిశగా కేసీఆర్ ఆలోచిస్తున్నట్లు సమాచారం. ఇప్పటికే కాంగ్రెస్ పార్టీ ప్రకటించిన యూత్ డిక్లరేషన్‌లో అమరవీరుల కుటుంబాలపై స్పష్టత ఇచ్చింది. ప్రియాంకాగాంధీ సమక్షంలో రేవంత్‌రెడ్డి ఈ డిక్లరేషన్‌లోని అంశాలను వివరించారు. అమరవీరుల కుటుంబాలన్నింటినీ గుర్తించి అధికారంలోకి వచ్చిన తర్వాత ప్రభుత్వపరంగా సాయం చేస్తామని, ఆ కుటుంబాల్లో ప్రతీ ఒక్కరికీ ఉద్యోగం ఇస్తామని, ప్రతి నెలా రూ. 25 వేల చొప్పున పెన్షన్ ఇస్తామని, చనిపోయినవారిని స్వాతంత్ర్య సమరయోధులుగా గుర్తిస్తామని, వారిపైన నమోదైన అన్ని కేసులను ఎత్తివేస్తామని హామీ ఇచ్చారు.

రాష్ట్రంలోని ప్రస్తుత పరిస్థితుల్లో కాంగ్రెస్ ప్రధాన రాజకీయ ప్రత్యర్థిగా భావిస్తున్నందున ఆ డిక్లరేషన్‌కు దీటుగా సీఎం కేసీఆర్ స్పష్టమైన హామీలతో ప్రకటన చేసే అవకాశంపై ఊహాగానాలు వినిపిస్తున్నాయి. తొమ్మిదేళ్ళుగా వస్తున్న విమర్శలకు తనదైన శైలిలో హామీల ద్వారా రియాక్ట్ అయ్యే అవకాశం ఉన్నట్లు తెలుస్తున్నది. తెలంగాణ మరి దశ ఉద్యమంలో తొలి అమరుడు శ్రీకాంతాచారి తల్లి శంకరమ్మను అమరవీరుల స్మారకచిహ్నం ప్రారంభోత్సవానికి ఆహ్వానించడం మాత్రమే కాకుండా ప్రభుత్వమే ఒక కారును, వ్యక్తిగత సహాయకుడిని, గన్‌మెన్‌ను ఏర్పాటు చేసి తీసుకొచ్చేలా ఏర్పాట్లు చేసింది. ఆమెను గవర్నర్ కోటాలో నామినేటెడ్ ఎమ్మెల్సీగా ప్రకటించే అవకాశమూ ఉన్నది...

హైదరాబాద్ లో ఎం జరుగుతుంది ❓️
శాంతిభద్రతల్లో దేశంలో అంత్యంత సేఫ్‌ అండ్ సెక్యూర్ సిటీగా హైదరాబాద్ పేరు తెచ్చుకుంది.. కానీ ఇప్పుడు ఆ పేరుకే ప్రశ్న తగిలేలా పరిస్థితి ఏర్పడింది.. జంట నగరాల్లో 15 గంటల్లోనే ఐదు ప్రాంతాల్లో హత్యలు జరిగాయి. గంటల వ్యవధిలో జరిగిన హత్యలు భాగ్యనగరవాసులను భయాందోళనకు గురిచేస్తున్నాయి..ఇంతకీ ఈ హత్యలకు కారణం ఎంటి ?? లక్షలాది సీసీ కెమెరాలు ఉన్నాయన్న భయం ఏ మాత్రం నిందితులకు పట్టనట్టు ఉంది..

హైదరాబాద్‌లో అసలేం జరుగుతోంది.. ఒక వైపు శాంతి భద్రతల పరిరక్షణ లో దేశంలోనే నెంబర్ 1 గా. తెలంగాణ పోలీస్..కానీ ఇలా గంటల వ్యవధిలోనే ఇన్ని దారుణ హత్యలు ఆందోళనకరంగా మారాయి.అర్ధరాత్రి టప్పాఛబుత్రలో ఇద్దరు ట్రాన్స్జెండర్ల హత్యను గుర్తుతెలియని వ్యక్తులు దారణంగా హత్య చేశారు. మైలార్దేవ్పల్లి పీఎస్ లిమిట్స్లో రెండు హత్యలు జరిగాయి.

 ఫుట్పాత్పై నిద్రిస్తున్న ఇద్దరిని బండరాళ్లతో కొట్టి దుండగులు చంపారు. చాదర్‌ఘాట్‌ పీఎస్‌ లిమిట్స్ పరిధిలో మరొకరిని హత్య చేశారు. అజంపురాలో గుర్తుతెలియని వ్యక్తిని హతమార్చారు దుండగులు. రాత్రే కాదు పట్టపగలు సైతం హత్యలు చేస్తున్నారు. వరుస హత్యలు పోలీసులకు సవాల్గా మారుతున్నాయి. కేసు దర్యాప్తు కోసం ప్రత్యేక బృందాలను ఏర్పాటు చేశారు.

ఇక మరో వైపు నార్సింగిలో తనను ప్రేమించలేదని యువతిపై ఓ ఉన్మాది కత్తితో దాడి చేశాడు. బాధితురాలు ప్రస్తుతం ఆస్పత్రిలో ప్రాణాలతో పోరాడుతోంది. బాధితురాలు సాఫ్ట్‌వేర్ ఇంజినీర్‌గా పనిచేస్తుండగా.. నిందితుడు డెలివరీ బాయ్‌గా పనిచేస్తున్నాడు. ఇద్దరూ గుంటూరు జిల్లాలో ఒకే ప్రాంతానికి చెందినవారని తెలుస్తోంది. ఇక చాదర్ ఘాట్‌లో ఓ యువకుడిని నడిరోడ్డుపై దారుణంగా హత్య చేయడం కలకలం సృష్టించింది. ఈ ఘటనకు సంబంధించిన సీసీటీవీ ఫుటేజీ వెలుగులోకి వచ్చింది. యువకుడిని వెంబడించిన ఓ వ్యక్తి.. అతడిని కత్తితో వెనుక నుంచి పొడిచి పారిపోయాడు. బాధితుడు అక్కడికక్కడే కుప్పకూలి మృతి చెందాడు. చాదర్ ఘాట్ పోలీస్ స్టేషన్ పరిధిలోని అజంపురాలో ఈ ఘటన చోటు చేసుకుంది. యువకుడి బైక్‌పై తన భార్యను చూసి కోపోద్రిక్తుడైన నిందితుడు ఈ దారుణానికి ఒడిగట్టినట్లు తెలుస్తోంది,......

శంకరమ్మకు గన్ మెన్లను కేటాయించిన తెలంగాణ సర్కార్..!
తెలంగాణ మలిదశ పోరాట తొలి అమరుడు ఉమ్మడి నల్గొండ జిల్లా మోత్కూరు మండలం పొడిచేడు గ్రామవాసి శ్రీకాంతాచారి తల్లి కాసోజు శంకరమ్మకు సీఎం కేసీఆర్ ఎమ్మెల్సీ పదవి కేటాయించడం ఖాయమని తెలుస్తోంది. 

అమరవీరుల స్మృతి వనం ఆవిష్కరణలో పాల్గొనాలని ప్రభుత్వం నుంచి పిలుపు రావడంతో.. అందులో భాగంగానే బుధవారం నాడు పార్టీ అధినేతను ఆమె కలిసినట్లు విశ్వసనీయ సమాచారం. ఆమెకు ఎమ్మెల్సీ పదవి ఇవ్వాలని గులాబీ బాస్ నిర్ణయం తీసుకున్నట్లు అధికార పార్టీలో జోరుగా చర్చ సాగుతుంది. గవర్నర్ కోటాలో రెండు ఎమ్మెల్సీ స్థానాలు ఖాళీగా ఉన్నాయి.

దీంతో అభ్యర్థుల ఎంపికపై గత కొద్ది రోజులుగా కేసీఆర్ కసరత్తు చేస్తున్న విషయం అందరికి తెలిసిందే. ఈ తరుణంలోనే అమరవీరుల కుటుంబాలకు న్యాయం జరగలేదని నిరసన వ్యక్తం అవుతుండటం.. రానున్న ఎన్నికల్లో ఈ ప్రభావం పెద్ద ఎత్తున పడుతుందని భావించిన కేసీఆర్ శంకరమ్మకు శాసనమండలి సభ్యురాలిగా ఎంపిక చేసేందుకు సిద్ధమైనట్టు తెలిసింది. 

ఇందులో భాగంగా శంకరమ్మకు ఓ పీఏ, గన్ మెన్‌గా ఓ కానిస్టేబుల్‌తో పాటు ఆమెకు ప్రభుత్వ వెహికల్ కేటాయించినట్లు సమాచారం. గురువారం నుండి పూర్తిగా అందుబాటులో ఉండాలని ఆమెకు అధికారులు సూచించినట్లు తెలుస్తోంది.....

హ్యాట్రిక్ కొట్టడానికి వ్యూహాత్మకంగా కేసీఆర్ సీక్రెట్ సర్వే?
అవును.. తెలంగాణ అసెంబ్లీ ఎన్నికలకు కౌంట్‌డౌన్ మొదలైపోయింది.. హ్యాట్రిక్ కొట్టాలని గులాబీ బాస్ కేసీఆర్  ఎట్టిపరిస్థితుల్లో బీఆర్ఎస్‌ను మూడోసారి అధికారంలోకి రానివ్వకూడదని కాంగ్రెస్  బీజేపీ  వ్యూహాలు రచిస్తున్నాయి. ఈ క్రమంలో రాజకీయ చాణక్యుడిగా పేరుగాంచిన కేసీఆర్ ప్రతిపక్షాల ఊహకందని రీతిలో వ్యూహాత్మకంగా పావులు కదుపుతున్నారు. ఇప్పటికే నియోజకవర్గాల వారీగా రహస్య సర్వేలు నిర్వహించిన బాస్.. అన్నిపార్టీల కంటే ముందుగానే అభ్యర్థులను ప్రకటించడానికి సర్వం సిద్ధం చేసుకున్నారు. ఇంతకీ ఈ ప్రకటన ఎప్పుడు ఉండొచ్చు..? ఎన్ని విడతలుగా అభ్యర్థుల జాబితా ప్రకటించబోతున్నారు..? బీఆర్ఎస్ శ్రేణులు ఏమంటున్నాయి..? సీక్రెట్ సర్వేలు ఎలా చేశారు..? 

తెలంగాణలో మొత్తం 119 అసెంబ్లీ స్థానాలు  ఉన్నాయి. ఈసారి ఎలాగైనా సరే 100 స్థానాల్లో గెలిచి.. ముచ్చటగా మూడోసారి అధికారంలోకి రావలన్నది కేసీఆర్ ఆలోచన. ఇందుకు ఎన్నికలకు ఏడాది ముందు నుంచే అన్నీ వ్యూహాత్మకంగా చేసుకుంటూ వస్తున్నారట. మొదట అన్ని అసెంబ్లీ స్థానాల్లో మూడో కంటికి తెలియకుండా రహస్య సర్వేలు చేయించారట. ఇందులోని డేటా ఆధారంగా కేటాయించాలనుకున్న వారికి కేసీఆర్ పాస్‌మార్క్ స్కేలు పెట్టుకున్నారట. అసెంబ్లీ టికెట్ రావాలంటే 35 శాతంతో పాసైతే సరిపోదు.. కచ్చితంగా 40 నుంచి 45 శాతం వరకు పాజిటివ్ రేటింగ్ ఉంటేనే ఈసారి బీఫారం ఇవ్వాలని గులాబీ బాస్ నిర్ణయించినట్లు తెలుస్తోంది. 

ఇలా ఎవరికైతే పాస్ పర్సెంటేజ్ ఉంటుందో వారందరి పేర్లతో తొలి జాబితాను రిలీజ్ చేయడానికి సీఎం సన్నాహాలు చేస్తున్నట్లు విశ్వసనీయ వర్గాల సమాచారం. ఒకవేళ 35 శాతం కూడా లేకపోతే మాత్రం ఎట్టి పరిస్థితుల్లో టికెట్ ఇవ్వకూడదని సార్ ఫిక్సయ్యారట. ఎందుకంటే ఈ ఎన్నికలను చాలా ప్రతిష్టాత్మకంగా బాస్ భావిస్తున్నారు.. ఏ ఒక్క స్థానాన్ని చేజేతులారా పోగొట్టుకోకూడదన్నదే టార్గెట్!. ఎలాంటి పైరవీలకు చోటు లేకుండా బంధుత్వం, సన్నిహిత సంబంధాలు ఇలాంటివి అస్సలే చూడకుండా కేసీఆర్ సీక్రెట్ సర్వేలు చేయించారని జాతీయ మీడియాలో కథనాలు వస్తున్నాయి.

అన్నీ అనుకున్నట్లు జరిగితే జులై 15  తర్వాత ఏ క్షణంలో అయినా బీఆర్ఎస్ అభ్యర్థుల తొలి జాబితాను స్వయంగా కేసీఆర్ ప్రకటించే అవకాశాలు మెండుగా ఉన్నాయి. తొలిజాబితాలో మొత్తం 80 మంది అభ్యర్థులను  ప్రకటించబోతున్నారని తెలుస్తోంది. తొలి జాబితాలో ఉండే ఆ 80 మంది ఎవరన్న దానిపై ఇప్పుడు బీఆర్ఎస్‌ వర్గాల్లో, ఆశావహుల్లో పెద్ద ఎత్తున చర్చ జరుగుతోంది. ఈసారి అయినా కేసీఆర్ కరుణించి ఎమ్మెల్యే టికెట్ ఇస్తారనుకున్న వారికి సీక్రెట్ సర్వేతో టెన్షన్ మొదలైందట. అయితే.. సరిగ్గా జులై రెండోవారంపైనే ఎందుకు ప్రకటన అంటే దీనికి పెద్ద ప్లానే ఉందట. ముందుగా ప్రకటన చేస్తే ఎక్కడైతే నెగిటివ్ ఉందో దాన్ని సరిచేసుకునేందుకు ఎమ్మెల్యేలకు ఛాన్స్ ఇచ్చినట్లు అని బీఆర్ఎస్ వర్గాలు భావిస్తున్నాయి. ఇప్పట్నుంచి మరింత గ్రాఫ్ పెంచుకుని ఎక్కడ తేడాలున్నాయనేది నెగిటివ్‌ను పాజిటివ్ చేసుకునేందుకు ఈ వ్యవధిని బాస్ ఇస్తున్నారట. అంతేకాదు.. ప్రకటన తర్వాత ఇక ఎమ్మెల్యేలంతా నియోజకవర్గాలకే పూర్తిగా పరిమితం కావాలని కీలక ఆదేశాలు కేసీఆర్ ఇవ్వబోతున్నారట. అంటే మొదటి జాబితాలో పేర్లు వచ్చిన వారికి కనీసం నాలుగు నెలలు సమయం దొరుకుతుందన్న మాట. దీంతో గ్రాఫ్ పెంచుకోవచ్చు.. అదే విధంగా కొద్దో గొప్పో ఉన్న వ్యతిరేకతను ప్రజల్లోకి వెళ్లి తగ్గించుకొని ఎన్నికల నాటికి నియోజకవర్గంపై పూర్తిస్థాయిలో పట్టు సాధించుకోవచ్చన్నది కేసీఆర్ ప్లానట.

తిరుమలలో నేడు భక్తుల రద్దీ
తిరుమల :జూన్ 22
తిరుపతి లొ నేడు గురువారం భక్తుల రద్దీ సాధారణంగా ఉంది. టోకెన్ రహిత సర్వదర్శనం కోసం భక్తులు 21 కంపార్టుమెంట్లలో వేచి ఉన్నారు.

 శ్రీవారి సర్వదర్శనానికి 14 గంటల సమయం పడుతోంది. బుధవారం తిరుమల శ్రీవారిని 77,120 మంది భక్తులు దర్శించుకుని మొక్కులు చెల్లించుకున్నారు. 

నిన్న శ్రీవారి హుండీ ఆదాయం 3.39 కోట్ల రూపాయలు వచ్చినట్టు తిరుమల తిరుపతి దేవస్థానం వెల్లడించింది. స్వామివారికి 34,463 మంది భక్తులు తలనీలాలు సమర్పించారు....

SB NEWS