శ్రీ మత్స్యగిరి లక్ష్మీనరసింహస్వామి దేవస్థానం వెంకటాపురం వారి సీల్డ్ టెండర్ల ప్రకటన



యాదాద్రి భువనగిరి జిల్లా వలిగొండ మండల పరిధిలోని వెంకటాపురం గ్రామంలో వెలసిన శ్రీ మత్స్యగిరి లక్ష్మీ నరసింహ స్వామి దేవస్థానం లో తేదీ 28. 2. 00024 నుండి 01.03. 2024 శుక్రవారం మధ్యాహ్నం 11.50 నిమిషంలోపు ఈ టెండర్లు వేయాలి. ఇట్టి టెండర్ల బాక్స్ మధ్యాహ్నం 12 గంటలకు సీల్ చేయబడుతుంది. తదుపరి మధ్యాహ్నం ఒకటి 01.30 నిమిషాలకు దేవస్థానం ఈవో గ్రామ పెద్దల సమక్షంలో ఈ టెండర్ ప్రక్రియ ప్రారంభమవుతున్నది. కావున భక్తులు టెండర్దారులు దేవస్థానం వారికి కావాల్సిన సామాగ్రి కొరకు షీల్డ్ టెండర్లు వేయగలరని కోరడం జరిగినది.

ఈ షీల్డ్ టెండర్లను శ్రీయుత కమిషనర్ దేవాదాయ ధర్మాదాయ శాఖ పేరుమీద చెల్లుబాటు ఉండేలా ఈ షీల్డ్ టెండర్ లో పాల్గొనే టెండర్దారులు 10000/- లో రూపాయలు ధరావత్తుతో డిడి రూపంలో గానీ నగదు రూపంలో గానీ చెల్లుబాటు అయ్యేవిధంగా షీల్డ్ టెండర్లులో పాల్గొనాలని టెండర్ షెడ్యూల్ ధర 2000/- రూపాయలుగా ఉంటుందని శ్రీ మత్స్యగిరి లక్ష్మీనరసింహస్వామి దేవస్థానం ఇవో మోహన్ బాబు కోరారు. ఈ టెండర్ల కాలపరిమితి ఒక సంవత్సరం ఉంటుందని తేది.01.04. 2024 నుండి తేది.31.03 2025 వరకు ఈ టెండర్ల కాల పరిమితి ఉంటుందని ఆయన అన్నారు. టెండర్ల లో కావలసిన సామాగ్రి వివరములు 1. పులిహోర కవర్స్ లడ్డు కవర్స్ కోసం టెండర్ 2. కరెంటు సామాగ్రి సరఫరా 3. బ్లీచింగ్ పౌడర్ ఫినాయిల్ సున్నం యాసిడ్ కొబ్బరి పొరకలు తదితర సామాను 4. పండుగలకు బ్రహ్మోత్సవాలకు పూలు పూలదండలు పండ్లు బ్రహ్మోత్సవ సమయంలో ఆలయ అలంకరణ కోసం పూలు వేయటం కొరకు. ఈ టెండర్ వేయడానికి ధరావత్ రూపాయలు 10000/- డిడి రూపంలో నగదు రూపంలో గానీ యూనియన్ బ్యాంక్ వేముల కొండ మరియు కెనరా బ్యాంక్ అరుర్ లలో దేవాదాయ కమిషన్ పేరు మీద చెల్లుబాటు అయ్యే విధంగా డీడీలు తీసి టెండర్లో పాల్గొనాలని దేవస్థానం‌ ఇవో సెల్వాద్రి మోహన్ బాబు కోరారు. ఈ కార్యక్రమంలో దేవాలయం సిబ్బంది దేవాలయ సిబ్బంది గ్రామ ప్రజలు తదితరులు పాల్గొన్నారు.

అరూరు గ్రామంలో  కిడ్నాప్  మరియు పోస్కో కేసు నమోదు ..వలిగొండ ఎస్సై మహేందర్ లాల్

యాదాద్రి భువనగి జిల్లా  వలిగొండ మండల పరిధిలోని  ఆరూరు గ్రామంలో కిడ్నాప్ మరియు పోస్కో కేసు నమోదు చేసినట్లు శుక్రవారం  వలిగొండ ఎస్సై డి మహేందర్ లాల్ తెలిపారు. పోలీసులు తెలిపిన వివరాల ప్రకారం బండారి రాజు తండ్రి యాదగిరి వయసు 33 సంవత్సరాలు , అరూరు గ్రామంలో కూలి పని చేస్తూ జీవిస్తున్నాడు. ఇతడు ఎర్ర గొల్లపాడు గ్రామం జనగాం మండల్ మరియు జనగాం జిల్లాకు చెందిన వ్యక్తిగా పోలీసులు తెలిపారు . ఇతన్ని అరెస్టు చేసి క జ్యూడిషల్ రిమాండ్ కొరకు కోర్టు ముందు  హాజరు పరిచినట్లు వలిగొండ ఎస్సై మహేందర్ లాల్ తెలిపారు.

తెలంగాణ అసెంబ్లీలో ప్రభుత్వ విప్ ఆలేరు ఎమ్మెల్యే బీర్ల ఐలయ్య చాంబర్ కార్యాలయం ప్రారంభం





తెలంగాణ అసెంబ్లీలో ప్రభుత్వ విప్ ఆలేరు ఎమ్మెల్యే శ్రీ బీర్ల ఐలయ్య గారి ఛాంబర్,కార్యాలయాన్ని ప్రారంభించారు.ఈ కార్యక్రమంలో ముఖ్యఅతిథిగా, స్పీకర్ గడ్డం ప్రసాద్ గారు,మాజీ మంత్రి మోత్కుపల్లి నర్సింహులు గారు హాజరయ్యారు.

ఈ సందర్భంగా ఛాంబర్ లో ప్రత్యేక పూజలు నిర్వహించిన అనంతరం యాదాద్రి ఆలయ అర్చకులు ఆశీర్వచనం అందజేసి లడ్డు ప్రసాదం ఇచ్చారు.అనంతరం స్పీకర్ గడ్డం ప్రసాద్ గారు బీర్ల ఐలయ్య గారికి పుష్పగుచ్ఛం అందజేసి శుభాకాంక్షలు తెలిపారు.

యాదాద్రి ఆలయ అర్చకులు ప్రత్యేక పూజలు నిర్వహించి, ఛాంబర్ లోకి ప్రవేశించారు అనంతరం అర్చకులు ప్రభుత్వం విప్ అలేరు ఎమ్మెల్యే శ్రీ బీర్ల ఐలయ్య గారికి వేద ఆశీర్వచనం అందజేశారు.


ఈ ఛాంబర్ ప్రారంభోత్సవానికి ఆలేరు నియోజకవర్గం నుండి జిల్లా మండల గ్రామస్థాయి నాయకులు కార్యకర్తలు ప్రజాప్రతినిధులు తదితరులు పాల్గొన్నారు.

తెలంగాణ ప్రజలు మార్పు కోరుకున్నారు.ప్రజాపాలనను తెలంగాణ ప్రజలు దివించారు.ఆలేరు ప్రజలకు రుణపడి ఉంటానన్నారు.తెలంగాణ ముఖ్యమంత్రి రేవంత్ రెడ్డి గారికి,డిప్యూటీ సీఎం బట్టి విక్రమార్క గారికి,ఆర్ అండ్ బీ మంత్రి కోమటిరెడ్డి వెంకట్ రెడ్డి గారికి,స్పీకర్ గడ్డం ప్రసాద్ గారికి తనను గుర్తించి ప్రభుత్వ విప్ గా నియమించినందుకు ప్రత్యేక కృతజ్ఞతలు తెలిపారు.అలాగే ఈ ఛాంబర్ ఇచ్చినందుకు ప్రత్యేక ధన్యవాదాలు తెలిపారు.ఈ ఛాంబర్ ద్వారా ఆలేరు నియోజకవర్గ ప్రజలకు అందుబాటులో ఉండి ఆలేరు నియోజకవర్గ అభివృద్ధికి కృషిచేసి ప్రభుత్వం అందజేస్తున్న ఫలాలను ప్రతి లబ్ధిదారునికి అందించేందుకు కృషి చేస్తానని బీర్ల ఐలయ్య గారు తెలిపారు.

విద్యార్థులకు హాల్ టికెట్లు ఇవ్వకుండా వేధిస్తున్న కళాశాలపై చర్యలు తీసుకోవాలని డిఐఈఓ కి వినతి పత్రం అందజేసిన పల్లగొర్ల మోదీ రాందేవ్ యాదవ్





 భువనగిరి : విద్యార్థులను పరీక్షల టైంలో ఫీజుల పేరుతో హాల్ టికెట్లు ఇవ్వకుండా విద్యార్థులను వేధిస్తున్న కళాశాలలపై చర్యలు తీసుకోవాలని జిల్లా ఇంటర్మీడియట్ ఆఫీసర్ DIEO రమణి మేడం గారికి వినతిపత్రం ఇచ్చారు బీసీ విద్యార్థి సంఘం రాష్ట్ర ఉపాధ్యక్షులు పల్లగొర్ల మోదీరాందేవ్ యాదవ్ వారు మాట్లాడుతూ విద్యార్థులను పరీక్షల టైంలో చదువుకోనివ్వకుండా ఫీజుల పేరుతో విద్యార్థుల రక్తం తాగుతున్నారు ప్రైవేట్ కాలేజీల యజమాన్యం అలాంటి కాలేజీలను గుర్తించి చర్యలు తీసుకోవాలని కోరడం జరిగింది,,మేడం మాట్లాడుతూ విద్యార్థులను వేధిస్తున్న కాలేజీలపై చర్యలు తీసుకుంటాం హాల్ టికెట్ ఇవ్వకుంటే మా ఆఫీసులో వాళ్ళ ఇంటి పేరు చెప్తే మేమే విద్యార్థులకు హాల్ టికెట్లు డౌన్లోడ్ చేసి ఇస్తాం టోల్ ఫ్రీ నెంబర్ గిట్ల ఏర్పాటు చేస్తామని చెప్పడం జరుగుతుంది సమావేశంలో శ్రీకాంత్ రెడ్డి, వెంకటేష్, నవీన్ చేనేత, తదితరులు పాల్గొన్నారు

భువనగిరిలో ప్రభుత్వ డిగ్రీ మరియు పీజీ కళాశాల ఏర్పాటు చేయాలని ఎమ్మెల్యే అనిల్ కుమార్ రెడ్డికి వినతిపత్రం అందజేసిన ఏఐఎస్ఎఫ్ నాయకులు



భువనగిరి పట్టణంలో ప్రభుత్వ డిగ్రీ మరియు పీజీ కళాశాల ఏర్పాటు చేయాలి ఏఐఎస్ఎఫ్
ఈరోజు యాదాద్రి భువనగిరి జిల్లా కేంద్రంలోని ఎమ్మెల్యే క్యాంప్ ఆఫీసులో భువనగిరి పట్టణంలో ప్రభుత్వ డిగ్రీ మరియు పీజీ కళాశాల ఏర్పాటు చేయాలని కోరుతూ ఏఐఎస్ఎఫ్ జిల్లా కౌన్సిల్ ఆధ్వర్యంలో ఎమ్మెల్యే కుంభం అనిల్ కుమార్ రెడ్డి గారికి వినతి పత్రం అందజేయడం జరిగింది 

ఈ సందర్భంగా ఏఐఎస్ఎఫ్ జిల్లా ప్రధాన కార్యదర్శి ఉప్పుల శాంతి కుమార్ మాట్లాడుతూ యాదాద్రి భువనగిరి జిల్లా ఏర్పాటు జరిగి దాదాపు 9 సంవత్సరాలు గడుస్తున్న గత ప్రభుత్వాలు జిల్లా కేంద్రంలో డిగ్రీ మరియు పీజీ కాలేజ్ ఏర్పాటు చేయలేకపోయారని అన్నారు 
 జిల్లాలో ప్రభుత్వ డిగ్రీ మరియు పీజీ కళాశాల లేకపోవడంతో జిల్లాలోని నిరుపేద ,మధ్య తరగతి విద్యార్థులు సుదూర ప్రాంతాలైన నల్గొండ, హైదరాబాద్ ప్రాంతాలకు వెళ్లి ఇబ్బందులకు గురి అవుతున్నారు అని ఎమ్మెల్యే గారి దృష్టికి తీసుకువచ్చారు
ఈ విషయంపై స్పందించిన ఎమ్మెల్యే గారు సానుకూలంగా మాట్లాడుతూ రాష్ట్ర ప్రభుత్వంతో మాట్లాడి భువనగిరి పట్టణంలో ప్రభుత్వ డిగ్రీ మరియు పీజీ కళాశాల ఏర్పాటుకు కృషి చేస్తానని అన్నారు 
ఈ కార్యక్రమంలో ఏఐఎస్ఎఫ్ జిల్లా ఉపాధ్యక్షులు సూరారం జానీ జిల్లా నాయకులు రేఖల శ్రీకాంత్ తదితరులు పాల్గొన్నారు

దుప్పల్లి గ్రామానికి చెందిన వల్లపు రామలింగయ్య మిస్సింగ్... దర్యాప్తు చేపట్టిన పోలీసులు




యాదాద్రి భువనగిరి జిల్లా వలిగొండ మండల పరిధిలోని దుప్పల్లి గ్రామానికి చెందిన వల్లపు రామలింగయ్య భార్యతో గొడవపడి ఇంటి నుంచి వెళ్లిపోయాడు. తేదీ 19 ఫిబ్రవరి 2024 సోమవారం ఉదయం తొమ్మిది గంటలకి రామలింగయ్య భార్య లింగమ్మ మేకలను మేపడానికి వెళ్లి తిరిగి రాత్రి 7:00 ఇంటికి వచ్చేసరికి తన భర్త రామలింగయ్య కనిపించకపోవడంతో చుట్టుపక్కల వెతికారు. బంధువులను అడిగి తెలుసుకున్నారు. ఆచూకీ లభించకపోవడంతో గురువారం మధ్యాహ్నం 12 గంటలకి స్థానిక వలిగొండ పోలీస్ స్టేషన్ లో ఫిర్యాదు చేశారు. భార్య లింగమ్మ ఇచ్చిన ఫిర్యాదుతో కేసు నమోదు చేసుకుని దర్యాప్తు చేస్తున్నామని వలిగొండ ఎస్సై డి మహేందర్ లాల్ తెలిపారు.

గోకారం గ్రామంలో ఓ ఇంట్లో దొంగతనం... దర్యాప్తు చేపట్టిన పోలీసులు

యాదాద్రి భువనగిరి జిల్లా వలిగొండ మండలం పరిధిలోని గోకారం గ్రామంలో ఓ ఇంట్లో దొంగతనం చోటుచేసుకుంది. పోలీసులు తెలిపిన వివరాల ప్రకారం గోకారం గ్రామానికి చెందిన ఏరువా రామచంద్రయ్య తండ్రి స్వామి తన భార్య సుశీలతో తేదీ 17-02- 2024 రోజున మేడారం జాతరకు వెళ్లారు. తిరిగి తేదీ 21-02- 224 సాయంత్రం నాలుగు గంటలకి ఇంటికి చేరుకొని చూడగా ఇంటి తలుపులు తెరుచుకొని గుర్తుతెలియనీ వ్యక్తులు ఇంట్లో ప్రవేశించి బెడ్ రూమ్, బీరువా తెరిచి , బీరువాలో ఉన్న బంగారు ఆభరణాలు తీసుకెళ్లారు. మొత్తం నాలుగు తులాల బంగారం మరియు వెండి పట్టగొలుసులు దొంగలు ఎత్తుకెళ్లారని స్థానిక వలిగొండ పోలీస్ స్టేషన్లో ఫిర్యాదు చేశారు. దొంగతనం జరిగిన ప్రదేశాన్ని పోలీసులు క్లూస్ టీమ్స్ మరియు డాగ్ స్క్వాడ్ తో పరిశీలించారు. బాధితుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని వలిగొండ ఎస్సై డి మహేందర్ లాల్ తెలిపారు.

వలిగొండలో దాసిరెడ్డిగూడెం క్రాస్ రోడ్ వద్ద ఆకస్మికంగా వాహనాల తనిఖీ నిర్వహించిన పోలీసులు

యాదాద్రి భువనగిరి జిల్లా వలిగొండ మండల కేంద్రంలోని దాసిరెడ్డిగూడెం క్రాస్ రోడ్ లో వలిగొండ ఎస్సై డి మహేందర్ లాల్ ఆధ్వర్యంలో పోలీసులు ఆకస్మికంగా వాహనాల తనిఖీలు నిర్వహించారు. వాహనాలకు నెంబర్ ప్లేటు సరిగా లేని వాహనాలను గుర్తించి చలానా విధించారు. అలాగే మైనర్ డ్రైవింగ్ లను, హెల్మెట్ లేకుండా వాహనాలు నడుపుతున్న వాహనదారులను తనిఖీ నిర్వహించారు. ఈ సందర్భంగా ఎస్ఐ మహేందర్ లాల్ మాట్లాడుతూ ..వాహనదారులు రోడ్డు భద్రతా నియమాలను పాటించాలని అన్నారు. వాహనాలకు సంబంధించిన సరైన ధ్రువపత్రాల తో ప్రయాణించాలని అన్నారు ,లేనిచో కఠిన చర్యలు తీసుకుంటామని అన్నారు

కళ్యాణ లక్ష్మి పథకం పేదింటి ఆడపడుచులకు వరం: ఎమ్మెల్యే అనిల్ కుమార్ రెడ్డి



యాదాద్రి భువనగిరి జిల్లా వలిగొండ మండల కేంద్రంలో బుధవారం రోజున రైతు వేదిక భవనంలో భువనగిరి ఎమ్మెల్యే కుంభం అనిల్ కుమార్ రెడ్డి చేసిన మీదుగా కళ్యాణ లక్ష్మి షాదీ ముబారక్ చెక్కుల పంపిణీ కార్యక్రమం నిర్వహించారు. అనంతరం ఆయన మాట్లాడుతూ ....కళ్యాణలక్ష్మి పథకం పేదింటి ఆడపడుచులకు ఒక వరం లాంటిదని ఆయన అన్నారు. మండల వ్యాప్తంగా మంజూరైన 46 కళ్యాణ లక్ద్మీ,శాదిముభారక్ చెక్కులను లబ్దిదారులకు పంపిణీ చేశారు.ఈ కార్యక్రమంలో ఎంపిపి నూతి రమేష్ రాజ్,జెడ్పిటిసి వాకిటి పద్మా ఆనంతరెడ్డి,వైస్ ఎంపిపి బాతరాజు ఉమా బాలనర్సింహ,ఎంపిటిసిలు కుందారపు యశోద కొమురయ్య,పల్లెర్ల భాగ్యమ్మ రాజు,మండల కో ఆప్షన్ సభ్యులు షేక్ రసూల్ నాయకులు తుమ్మల యుగేందర్ రెడ్డి,కంకల కిష్టయ్య,బత్తిని సహదేవ,బద్దం సంజీవరెడ్డి,కొమ్మారెడ్డి నరేష్ రెడ్డి, ఈతాప రాములు వెలిమినేటి సత్యనారాయణ,పులిపలుపుల రాములు,ఏర్పుల వెంకటేశం,కొండూరు సాయి, మైసొల్ల ప్రవీణ్ ఎంపిడిఓ జితేందర్ రెడ్డి,తహశీల్దార్ శ్రీనివాస్ రెడ్డి, డిప్యూటీతాసిల్దార్, ఆర్ ఐ మనోహర్ వివిధ గ్రామాల ఎంపిటిసిలు,లబ్ధిదారులు తదితరులు పాల్గొన్నారు.

కళాశాల భవన నిర్మాణానికి తీన్మార్ మల్లన్న విరాళం



 భువనగిరి జిల్లా కేంద్రంలోని శ్రీ లక్ష్మి నరసింహ స్వామీ డిగ్రీ అండ్ పీజీ కళాశాలలో అదనపు భవన నిర్మాణానికి కళాశాల పూర్వ విద్యార్థి, సీనియర్ జర్నలిస్టు తీన్మార్ మల్లన్న (చింతపండు నవీన్ కుమార్) తనవంతు భాద్యతగా రెండు లక్షల పదహారు వేల రూపాయల(రూ 2,16,000) విరాళం చెక్ రూపంలో అందించారు. బుధవారం శ్రీ లక్ష్మి నరసింహ స్వామీ డిగ్రీ అండ్ పీజీ కళాశాల స్వర్ణోత్సవాల సందర్భంగా తీన్మార్ మల్లన్న తన భార్య మమత తో పాటు కళాశాలను సందర్శించి, కళాశాల పూర్వ విద్యార్ధుల విరాళాలతో నూతనంగా నిర్మాణం చేస్తున్న పీజీ బ్లాక్ భవనానికి విరాళం అందజేశారు. ఈ సందర్భంగా శ్రీ లక్ష్మీ నరసింహ స్వామి డిగ్రీ అండ్ పీజీ కళాశాల ప్రిన్సిపాల్ అండ్ అధ్యాపకులు తీన్మార్ మల్లన్న ను అభినందించారు. 




ఈ కార్యక్రమంలో కళాశాల ప్రిన్సిపాల్ డాక్టర్ ఎన్. శ్రీనివాస్, మాజీ ప్రిన్సిపాల్ డాక్టర్ చాగంటి బుచ్చయ్య , వైస్ ప్రిన్సిపాల్ గాజుల రమేష్, కళాశాల పూర్వ విద్యార్ధులు కడారు నర్సిరెడ్డి, కొడిమాల కృష్ణ, అయిలయ్య ,బాల్ రెడ్డి, పాండురంగం తదితరులు పాల్గొన్నారు.