StreetBuzz మైనార్టీ రెసిడెన్షియల్ బాలికల స్కూల్ తరలించడం విరమించుకోవాలి:ప్రియదర్శిని మేడి Miryala Kiran Kumar

Feb 09 2023, 20:42

మైనార్టీ రెసిడెన్షియల్ బాలికల స్కూల్ తరలించడం విరమించుకోవాలి:ప్రియదర్శిని మేడి

మైనార్టీ రెసిడెన్షియల్ బాలికల స్కూల్ తరలించడం విరమించుకోవాలి

- ప్రియదర్శిని మేడి

నకిరేకల్ పట్టణ కేంద్రంలో విద్యార్థులకు, తల్లిదండ్రులకు అనుకూలంగా అందుబాటులో ఉన్న తెలంగాణ మైనార్టీ రెసిడెన్షియల్ బాలికల స్కూల్ ను తరలించడం ప్రభుత్వ అసమర్థ చర్య అని బిఎస్పి నకిరేకల్ నియోజకవర్గ ఇంచార్జి ప్రియదర్శిని మేడి అన్నారు. అనంతరం వారు మాట్లాడుతూ పాఠశాల ప్రిన్సిపల్ మరియు పాఠశాలలోని ఉపాధ్యాయులు వారి స్వలాభం కోసం స్కూలు తరలించే ప్రయత్నం చేస్తున్నారని అన్నారు. జిల్లా స్థాయి అధికారులకు చెప్పకుండా సొంత నిర్ణయాలు తీసుకొని పాఠశాలను తరలించే ప్రయత్నం చేస్తున్నారని అన్నారు. ప్రియదర్శిని మేడి జిల్లా స్థాయి అధికారులను ఫోన్ ద్వారా సంప్రదించగా హాస్టల్ ని ఎక్కడికి మార్చడం లేదని చెప్పడం గమనార్హం. పార్టీ మారానని చెప్పుకునే ఎమ్మెల్యే సిసి రోడ్లు, డ్రైనేజీలు శంకుస్థాపనలకు, దళిత బంధు ఆశ చూపే పనికి మాత్రమే పరిమితమయ్యారన్నారు. నియోజకవర్గ హెడ్ క్వార్టర్ లో ఉన్న ప్రభుత్వ హాస్టల్ ను ఇతర ప్రాంతాలకు తరలించడం పట్ల ఎమ్మెల్యే స్పందించకపోవడం ఆయనకు పేద విద్యార్థుల పట్ల ఉన్న నిర్లక్ష్య వైఖరికి నిదర్శనమన్నారు. ప్రభుత్వ హాస్టళ్లకు ప్రత్యేక నిధులు కేటాయించి సొంత భవనాలు నిర్మించలేని అసమర్థ ప్రభుత్వాన్ని గద్దె దించాలన్నారు. ఈ కార్యక్రమంలో బిఎస్పి సీనియర్ నాయకుడు గద్దపాటి రమేష్, చిట్యాల మండల అధ్యక్షురాలు చుక్క పూజిత,నార్కట్ పల్లి మండల అధ్యక్షులు చెరుకుపల్లి శాంతి కుమార్,విద్యార్థి సంఘం నాయకులు అంజన్ కుమార్ యాదవ్,జిల్లా సంపత్ తదితరులు పాల్గొన్నారు.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 09 2023, 19:20

ఈనెల 13న హైదరాబాద్-విజయవాడ జాతీయ రహదారి దిగ్బంధాన్ని విజయవంతం చేయండి.

-బకరం శ్రీనివాస్ మాదిగ.

కేంద్ర ప్రభుత్వం అధికారంలోకి వచ్చిన వెంటనే ఎస్సీ వర్గీకరణ చేస్తామని ప్రధాన మంత్రి మోదీ హామీ ఇచ్చి తొమ్మిది సంవత్సరాలు గడుస్తున్నా ఇప్పటి వరకు వర్గీకరణ జరగలేదు. ప్రధాని ఈనెల 13న హైదరాబాద్కు వస్తున్న సందర్భంగా.. వర్గీకరణ బిల్లును వచ్చే పార్లమెంట్ బడ్జెట్ సమావేశాలలో ప్రవేశపెట్టాలని ఎంఎస్పి నల్లగొండ నియోజకవర్గ ఇన్చార్జి బకరం శ్రీనివాస్ మాదిగ, ఎంఎస్పి నకిరేకల్ నియోజకవర్గ ఇన్చార్జ్ మేడి శంకర్ మాదిగ డిమాండ్ చేశారు.

ఎస్సీ వర్గీకరణపై కేంద్ర ప్రభుత్వం చేస్తున్న నిర్లక్ష్య వైఖరికి నిరసనగా....

ఫిబ్రవరి 13న హైదరాబాద్-విజయవాడ రహదారిని దిగ్బంధం చేస్తున్నామని వారు గురువారం చిట్యాల మండల కేంద్రంలోని చౌరస్తాలో వాల్ పోస్టర్ ఆవిష్కరణలో పాల్గొని మాట్లాడారు.

వర్గీకరణ చేయకపోవడంతో ఎస్సీలు విద్యా, ఉద్యోగ అవకాశాలు కోల్పోతున్నారన్నారు.

బీజేపీ మాదిగలకు ప్రత్యక్ష పోరాటం తప్పదన్నారు. వర్గీకరణ అంశం తేల్చకుండా బీజేపీ నేతలు ఎవరు వచ్చినా ఎమ్మార్పీఎస్ శ్రేణులు అడ్డుకోవాలని పిలుపునిచ్చారు. హైదరాబాద్ కు ఈనెల 13న రానున్న ప్రధాన మంత్రి మోడీకి మాదిగల నిరసన సెగలు తగలాలన్నారు. అనంతరం. హైదరాబాద్- విజయవాడ రహదారి దిగ్భంధానికి సంబంధించి వాల్పోస్టర్ను ఆవిష్కరించారు.

--------------------------------------------------

ఈ సమావేశంలో ఏరసాని గోపాల్, నోముల పురుషోత్తం, బొజ్జ చిన్న ముదిగొండ వెంకటేశ్వర్లు, ఎరసాని సోమయ్య, పెరిక లింగస్వామి, పోకల అశోక్, పోకల యేసు తదితరులు పాల్గొన్నారు.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 09 2023, 15:46

మానవత్వం చాటుకున్న నల్లగొండ మున్సిపల్ చైర్మన్ మందడి సైదిరెడ్డి

మానవత్వం చాటుకున్న మున్సిపల్ చైర్మన్:

నల్గొండ పట్టణంలో విహహ శుభకార్యాలకు హాజరతూ అటుగా వెళ్తున్న నల్గొండ మున్సిపల్ చైర్మన్ మందడి సైది రెడ్డి గారు జిల్లా కలెక్టర్ కార్యాలయం దగ్గర ద్విచక్ర వాహనంపై వెళ్తున్న వ్యక్తి ఆకస్మాత్తుగా కింద పడటం చూసి హుటా హుటిన దగ్గరికి వెళ్లి గాయపడ్డ వ్యక్తికి తీవ్రమైన రక్త స్రావం జరుగుతుండడంతో 108 అంబులెన్స్ కి కాల్ చేసి జిల్లా ఆసుపత్రి వైద్యులకు ఫోన్ చేసి మాట్లాడి అత్యవసర చికిత్స అందించాలని సూచించారు. అంబులెన్స్ రావటానికి ముందే వెంటనే అటుగా వెళ్తున్న ఆటో లో గాయపడిన వ్యక్తిని తరలించడం జరిగింది..

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 09 2023, 15:40

అసెంబ్లీ మీడియా పాయింట్ వద్ద ఎమ్మెల్యే బానోత్ శంకర్ నాయక్: రేవంత్ రెడ్డి వాక్యాలు బాధాకరం

అసెంబ్లీ మీడియా పాయింట్ వద్ద ఎమ్మెల్యే బానోత్ శంకర్ నాయక్...

సంస్కరం లేని వ్యక్తి రేవంత్ రెడ్డి సీఎం కేసీఆర్ పై ఇష్టం వచ్చినట్టు మాట్లాడుతుండు...

ఈ ప్రభుత్వం తండాలను గ్రామ పంచాయతీ లు చేసింది గతంలో మమ్మల్ని ఎవరు పట్టించుకోలేదు...

పరిపాలన బాగుండాలని ఇంటిగ్రేటెడ్ కలెక్టరేట్, సచివాలయం, ఎన్నో నూతన భవనాలు నిర్మిస్తున్నారు...

పాదయాత్ర చేసేటప్పుడు సీఎం కేసిఆర్ చేసిన అభివృద్ధి కనిపించలేదా?

మున్సిపాలిటీలు, మండలాలు, గ్రామాలను సుస్థిర అభివృద్ధి చేసిన దృశ్యాలు రేవంత్ కు కనిపించలేదా? లేక అభివృద్ధిపై మాట్లాడే ధైర్యం రేవంత్ కు లేనట్లుంది.

సోయి తో మాట్లాడు నిన్ను చూసి కాంగ్రెస్ పార్టీ ఖాళీ అవుతుంది...

ఇలానే ఇస్టమచ్చినట్టు మాట్లాడితే మానుకోట పవర్ చూపిస్తాం...

నీ..తాటాకు చప్పులకు భయపడే వాన్ని కాదు, కేసీఆర్ నాటిన మొక్క ఈ శంకర్ నాయక్..✊

నువ్వు పార్టీ అధ్యక్షుడిగా ఎన్నికైన రోజు నుండి మీ పార్టీ పెద్దలను సమన్వయం చేసుకోలేని అసమర్థుడివి నువ్వా మా గురించి మాట్లాడేది..

*రేవంత్ రెడ్డి గుర్తుపెట్టుకో.. 2023 లో మానుకోటలో కాంగ్రెస్ పార్టీకి డిపాజిట్ కూడా రాదు..

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 08 2023, 16:25

హాత్ సే హాత్ జోడోయాత్ర లో పాల్గొన్న డాక్టర్ చెరుకు సుధాకర్

నకిరేకల్ నియోజకవర్గం

హాత్ సే హాత్ జోడోయాత్ర పాదయాత్రను 2 వ రోజు నకిరేకల్ పట్టణ కేంద్రంలో నిర్వహించి స్థానిక సమస్యలు ప్రజలను అడిగి తెలుసుకుంటు కేంద్ర రాష్ట్ర ప్రభుత్వాల ప్రజా వ్యతిరేక విధానాలను ప్రజలకు చేస్తున్న మోసాన్ని ప్రజలకు వివరిస్తూ ఇంటింటి ప్రచారంలో పాల్గొన్న

TPCC ప్రధాన కార్యదర్శి నకిరేకల్ నియోజకవర్గ చార్జ్ కొండేటి మల్లయ్య గారు

మరియు

వైస్ ప్రెసిడెంట్ చెరుకు సుధాకర్ గారు

ఈ కార్యక్రమంలో

టీపీసీసీ డెలికే సుంకరబోయిన నరసింహ యాదవ్ మాజీ ఎంపీపీ లింగాల మల్లేశ్వరి ఎంకన్న మాజి మండల పార్టీ అధ్యక్షులు రాచకొండ లింగయ్య గౌడ్ డిసిసి కార్యదర్శి యాస కరుణాకర్ రెడ్డి బొప్పని యాదగిరి నకిరేకంటే శ్రీను

వంటేపాక వెంకన్న స్వప్న వెంకటమ్మ సుంకర సైదులు మేడి నాగరాజు కొండ నారాయణ సిహెచ్ శ్రీరంగం కొండల్ గౌడ్ వనం స్వామి పున్న శ్రీను కోమటి యాదగిరి వనం వెంకట సత్తి చిట్టిపోలు కుమారస్వామి కొంగరి అంజయ్య మునుగోడు చంద్రయ్య సుంకరి సైదులు ఏర్పుల రవి మహిళా కాంగ్రెస్ నాయకురాలు కొండ అంజమ్మ సురుగు జ్యోతి కాంగ్రెస్ పార్టీ నాయకులు కార్యకర్తలు పాల్గొన్నారు.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 08 2023, 16:16

నల్లగొండ ప్రభుత్వ ఆసుపత్రిలో బెంచీల పంపిణీ కార్యక్రమంలో ముఖ్యఅతిథిగా హాజరైన నల్గొండ మున్సిపల్ చైర్మన్ మందడి సైదిరెడ్డి

నల్లగొండ: ప్రభుత్వ ఆసుపత్రిలో సిమెంట్ బెంచిల పంపిణీ

నల్లగొండ ప్రభుత్వ ఆసుపత్రిలోని సదరం క్యాంప్ కార్యాలయంలో ప్రభుత్వ రిటైర్డ్ ఉద్యోగుల సంఘం ఆధ్వర్యంలో సిమెంట్ బెంచిలను అందజేశారు. ఈ కార్యక్రమానికి నల్లగొండ మున్సిపల్ చైర్మన్ మందడి సైదిరెడ్డి ముఖ్య అతిథిగా హాజరై, బెంచిలను ప్రారంభించారు. వారి వెంట కౌన్సిలర్లు పబ్బు సాయిశ్రీ సందీప్, గొగుల శ్రీనివాస్, వట్టిపల్లి శ్రీనివాస్ రిటైర్డ్ ఉద్యోగుల సంఘం నాయకులు తదితరులు పాల్గొన్నారు.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 08 2023, 07:35

బడ్జెట్‌పై ఉభయ సభల్లో ఇవాళ సాధారణ చర్చ

బడ్జెట్‌పై ఉభయ సభల్లో ఇవాళ సాధారణ చర్చ జరగనుంది.2023 - 24 ఆర్థిక సంవత్సరానికి రాష్ట్ర వార్షిక ప్రణాళికను సోమవారం రాష్ట్ర ప్రభుత్వం ప్రవేశపెట్టింది. ఆ బడ్జెట్‌పై నేడు శాసనసభ, శాసనమండలిలో చర్చ జరగనుంది. అనంతరం రెండు సభల్లో జరిగిన చర్చకు ఆర్థిక శాఖ మంత్రి హరీశ్రావు సమాధానం ఇస్తారు. అసెంబ్లీలో ప్రశ్నోత్తరాలు రద్దుచేసి నేరుగా బడ్జెట్ పై చర్చ చేపడతారు.

ఇటీవల మరణించిన మాజీ శాసనసభ్యులు వెలిచాల జగపతిరావు, మందాడి సత్యనారాయణ రెడ్డి, గడ్డం రుద్రమదేవికి శాసనసభ సంతాపం ప్రకటించనుంది. కౌన్సిల్‌లో ప్రశ్నోత్తరాల అనంతరం బడ్జెట్‌పై చర్చ చేపడతారు. మన ఊరు - మన బడి, జంటనగరాల్లో సీసీటీవీ కెమేరాలు, ధాన్యం సేకరణ కేంద్రాలు, ట్రాఫిక్ నిర్వహణ, ఆసరా ఫించన్లు, నకిలీ విత్తనాలు - ఎరువులు తదితర అంశాలు ప్రశ్నోత్తరాల్లో ప్రస్తావనకు రానున్నాయి. దివంగత మాజీ ఎమ్మెల్సీలు వెలిచాల జగపతిరావు, జస్టిస్ ఎ. సీతారామ రెడ్డికి కౌన్సిల్ సంతాపం తెలపనుంది. తెలంగాణ శాసనసభ సమావేశాలు ఈ నెల 12 వరకు జరగనున్నాయి. ఈ మేరకు శాసనసభ కార్యకలాపాల సలహా మండలి నిర్ణయాలు తీసుకుందని ముఖ్యమంత్రి కేసీఆర్‌ శాసనసభలోనే తెలిపారు. ఈ నెల 6న ఉదయం 10.30 గంటలకు రాష్ట్ర శాసనసభలో హరీశ్‌రావు, మండలిలో ప్రశాంత్‌రెడ్డిలు బడ్జెట్‌ను ప్రవేశపెట్టిన సంగతి తెలిసిందే. ఈ నెల 7న శాసనసభకు సెలవు. తిరిగి ఇవాళ సభలో బడ్జెట్‌పై సాధారణ చర్చ జరగనుంది. దానికి రాష్ట్ర ఆర్థికమంత్రి సమాధానం చెబుతారు. 9, 10, 11 తేదీల్లో పద్దులపై చర్చ ఉంటుంది. ఈ మూడు రోజుల పాటు ప్రశ్నోత్తరాలను సైతం నిర్వహిస్తారు. 12న ఆదివారం ప్రభుత్వం ద్రవ్య వినిమయ బిల్లును సభలో ప్రవేశపెడుతుంది. దానికి సభ ఆమోదం తెలపనుంది. అంతటితో సమావేశాలు ముగుస్తాయి.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 07 2023, 21:42

చేనేత పవర్లూమ్ కార్మికులకు నిరాశ మిగిల్చిన రాష్ట్ర బడ్జెట్:తెలంగాణ చేనేత కార్మిక సంఘం రాష్ట్ర అధ్యక్షులు గంజి మురళీధర్

చేనేత పవర్లూమ్ కార్మికులకు నిరాశ మిగిల్చిన రాష్ట్ర బడ్జెట్

రాష్ట్ర ప్రభుత్వం ఆర్భాటంగా ప్రకటించిన రాష్ట్ర బడ్జెట్లో నామమాత్రంగా 50 కోట్లు మాత్రమే కేటాయించి చేనేత, పవర్ లూమ్ కార్మికులను నిరాశకు గురిచేశారని తెలంగాణ చేనేత కార్మిక సంఘం రాష్ట్ర అధ్యక్షులు గంజి మురళీధర్, తెలంగాణ పవర్ లూమ్ వర్కర్స్ యూనియన్ రాష్ట్ర కోశాధికారి దండెంపల్లి సత్తయ్య ఆవేదన వ్యక్తం చేశారు.

రాష్ట్ర బడ్జెట్ పై మంగళవారం దొడ్డి కొమురయ్య భవన్లో జరిగిన విలేకరుల సమావేశంలో వారు మాట్లాడుతూ రాష్ట్ర బడ్జెట్లో చేనేత బీమా కు మినహా ఇతర ఎలాంటి సంక్షేమ పథకాలు చేనేత సహకార సంఘాల అభివృద్ధి కోసం కార్మికులకు రంగు రసాయనాలు యారో సబ్సిడీ ల కోసం ఎలాంటి నిధులు కేటాయించలేదని అన్నారు. మునుగోడు ఉపఎన్నికల సందర్భంగా చేనేత పవర్ లూమ్ కార్మికులకు అనేక హామీలు ఇచ్చి బడ్జెట్లో మొండి చేయి చూపడం విచారకరమని అన్నారు. చేనేత, పవర్ లూమ్ కార్పొరేషన్ లను ఏర్పాటుచేసి చైర్మన్ లను నియమించి ఉత్సవ విగ్రహాలుగా ఉంచారే తప్ప వాటి ద్వారా చేనేత, పవర్లూమ్ కార్మికులకు ఉపయోగపడే విధంగా నిధులు లేకపోవడం విచారకరమని అన్నారు. వెంటనే రాష్ట్ర బడ్జెట్ ను సవరించి చేనేత, పవర్ లూమ్ కార్పొరేషన్లకు 1200 కోట్లు చొప్పున రెండు కార్పొరేషన్లకు 2400 కోట్లు నిధులు కేటాయించి కార్మికుల సంక్షేమానికి ఖర్చు చేయాలని డిమాండ్ చేశారు.

ఈ విలేకరుల సమావేశంలో చేనేత పవర్లు కార్మిక సంఘాల నాయకులు పెండేం రాములు, గంజి నాగరాజు, కర్నాటి శ్రీరంగం, రాపోలు వెంకన్న మధు తదితరులు పాల్గొన్నారు.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 07 2023, 21:31

ఈనెల 13న హైదరాబాద్ టు విజయవాడ జాతీయ రహదారి దిగ్బంధాన్ని విజయవంతం చేయండి

ఈనెల 13న హైదరాబాద్ టు విజయవాడ జాతీయ రహదారి దిగ్బంధాన్ని విజయవంతం చేయండి.

ఎస్సీల రిజర్వేషన్ల వర్గీకరణ చెయ్యకుండా మాదిగలను మోసం చేస్తున్న బీజేపీ ప్రభుత్వ మొండి వైఖరికి నిరసనగా....

మహాజన నేత మాన్యశ్రీ మందకృష్ణ మాదిగ గారి ఆదేశాల మేరకు ఈనెల 13న జరుగు హైదరాబాద్ విజయవాడ జాతీయ రహదారి దిగ్బంధాన్ని విజయవంతం చెయ్యడం కోసం చిట్యాల మండలం నేరడ గ్రామంలోని ఎస్సీ కాలనీలో వడ్డేపల్లి రాజ పెంటయ్య, శంకర్ అధ్యక్షతన గ్రామ ప్రజలతో సమావేశం ఏర్పాటు చేయడం జరిగింది. సమావేశానికి ముఖ్య అతిధిలుగా: MSP చిట్యాల మండల ఇన్చార్జులు మేడి శంకర్ మాదిగ, బకరం శ్రీనివాస్ మాదిగ, బొజ్జ చిన్న మాదిగ, బొజ్జ దేవయ్య మాదిగ హాజరై మాట్లాడుతూ.. ఎస్సీల వర్గీకరణ చెయ్యకుండా మోసం చేస్తున్న బీజేపీ పార్టీతో తాడో పేడో తెల్చుకోవడానికి సిద్ధం కావాలని, ఈనెల 13న రహదారి దిగ్బంధం చేసి మాదిగల సత్తా చూపించాలని పిలుపునివ్వడం జరిగింది.

ఈ కార్యక్రమంలో

వడ్డేపల్లి రాంబాబు, వడ్డేపల్లి రమేష్, వడ్డేపల్లి శంకర్, పెంటయ్య, బక్కమ్మ, లింగమ్మ, వడ్డేపల్లి ఎల్లయ్య, లక్ష్మమ్మ, మరియు నేరడ గ్రామ ప్రజలు తదితరులు పాల్గొన్నారు.

:

* The author of this news article is not vetted by StreetBuzz. This is author's personal opinion.

నిజందాగదుక్షణంఆగదు

Feb 07 2023, 21:26

హైదరాబాద్, ఖమ్మం మాదిరిగా రాష్ట్రవ్యాప్తంగా వర్కింగ్ జర్నలిస్టులందరికీ ఇంటి స్థలాలు ఇవ్వాలి:TSJA రాష్ట్ర అధ్యక్షుడు కందుకూరి యాదగిరి

హైదరాబాద్, ఖమ్మం మాదిరిగా రాష్ట్రవ్యాప్తంగా వర్కింగ్ జర్నలిస్టులందరికీ ఇంటి స్థలాలు ఇవ్వాలి

రాష్ట్ర అధ్యక్షుడు కందుకూరి యాదగిరి

తెలంగాణ రాష్ట్ర ప్రభుత్వం హైదరాబాదులో జర్నలిస్టులకు హౌసింగ్ సొసైటీ ద్వారా ఇవ్వనున్న ఇంటి స్థలాల మాదిరిగానే అదేవిధంగా ఖమ్మంలో త్వరలో ఇవ్వబోతున్న విధంగానే రాష్ట్రంలో ప్రింట్ ఎలక్ట్రానిక్ మీడియా లో కొనసాగుతున్న వర్కింగ్ జర్నలిస్టులు అందరికీ ఇంటి స్థలాలు ఇచ్చేందుకు ప్రభుత్వం కృషి చేయాలని తెలంగాణ స్టేట్ జర్నలిస్టు అసోసియేషన్ రాష్ట్ర అధ్యక్షుడు కందుకూరి యాదగిరి ప్రభుత్వాన్ని కోరారు.మంగళవారం సూర్యాపేట జిల్లా కేంద్రంలో అసోసియేషన్ కార్యాలయంలో ఏర్పాటు చేసిన సమావేశంలో ఆయన మాట్లాడారు.జర్నలిస్టుల ఇంటి స్థలాల విషయంలో వీలైనంత తొందరగా స్పందించాలని కోరారు. అదేవిధంగా ప్రస్తుతం ప్రభుత్వం ఇవ్వనున్న ఇంటి స్థలాల విషయంలో అర్హత లేని వారికి ఏనాడు వార్తలు రాయకుండా అక్రిడేషన్లు పొందుకున్న వారికి జర్నలిస్టులుగా గుర్తించి ఇంటి స్థలాలు ఇస్తే అలాంటి వారి లిస్ట్ బయటపెట్టి ప్రత్యేక ఉద్యమం చేపడుతామని తెలిపారు. అక్రిడేషన్ లతో సంబంధం లేకుండా వర్కింగ్ లో ఉండి ఇంటి స్థలాలు రాకుండా అణిచివేతకు గురైన ప్రతి ఒక్కరికి టీఎస్ జేఏ అండగా ఉంటుందని తెలిపారు.ఖమ్మం జిల్లాలో హైదరాబాదులో స్పందించిన విధంగా రాష్ట్రవ్యాప్తంగా జర్నలిస్టులకు ఇంటి స్థలాలు ఇచ్చేందుకు ప్రభుత్వం వెనువెంటనే చర్యలు చేపట్టాలని డిమాండ్ చేశారు.ఈ సమావేశంలో రాష్ట్ర వర్కింగ్ ప్రెసిడెంట్ ధూపాటి శ్యాంబాబు, సూర్యాపేట జిల్లా అధ్యక్షుడు ఎల్ నాగబాబు,సూర్యాపేట పట్టణ ఉపాధ్యక్షుడు రవిచంద్ర నాయక్, పట్టణ ప్రధాన కార్యదర్శి యాతాకుల మధుసూదన్ తదితరులు పాల్గొన్నారు

:

* The author of this news article is not vetted by StreetBuzz. This is author's personal opinion.