లెంకలపల్లిలో ఘనంగా అన్నప్రసాద వితరణ

 
 
  మర్రిగూడ మండలం లెంకలపల్లి గ్రామంలో, ఎస్సీ కాలనీ ఒకటో వార్డులో ఏర్పాటు చేసిన వినాయక మండపం వద్ద గురువారం గణనాధునికి పూజలు ఘనంగా నిర్వహించారు. ఇవాళ నిమజ్జనం సందర్భంగా, ఈసారపు వీరయ్య కుటుంబ సభ్యులు 'అన్న ప్రసాద వితరణ' కార్యక్రమాన్ని ఏర్పాటు చేశారు. ఈ మేరకు వీరయ్య కుమారుడు డిఆర్డిఎల్ సైంటిస్ట్  ఈసారపు తిరుమల్ దంపతులు 'అన్న ప్రసాద వితరణ' కార్యక్రమాన్ని ప్రారంభించారు. ఈ కార్యక్రమంలో వారి కుటుంబ సభ్యులు, గ్రామ ప్రజలు అధిక సంఖ్యలో పాల్గొని కార్యక్రమాన్ని విజయవంతం చేసి ఆ వినాయకుని ఆశీస్సులు పొందారు.
 

లెంకలపల్లి లో ఘనంగా అన్నప్రసాద వితరణ

 
 
  నల్లగొండ జిల్లా:
  
మర్రిగూడ మండలం లెంకలపల్లి గ్రామంలో, ఎస్సీ కాలనీ ఒకటో వార్డులో ఏర్పాటు చేసిన వినాయక మండపం వద్ద గురువారం గణనాధునికి పూజలు ఘనంగా నిర్వహించారు. ఇవాళ నిమజ్జనం సందర్భంగా, ఈసారపు వీరయ్య కుటుంబ సభ్యులు 'అన్న ప్రసాద వితరణ' కార్యక్రమాన్ని ఏర్పాటు చేశారు. ఈ మేరకు వీరయ్య కుమారుడు డిఆర్డిఎల్ సైంటిస్ట్  ఈసారపు తిరుమల్ దంపతులు 'అన్న ప్రసాద వితరణ' కార్యక్రమాన్ని ప్రారంభించారు. 
  ఈ కార్యక్రమంలో వారి కుటుంబ సభ్యులు, గ్రామ ప్రజలు అధిక సంఖ్యలో పాల్గొని కార్యక్రమాన్ని విజయవంతం చేసి ఆ వినాయకుని ఆశీస్సులు పొందారు.
 

వేలంపాటలో వినాయకుడు లడ్డూను కైవసం చేసుకున్న పులిమామిడి నరసింహారెడ్డి..

 
 
  నల్లగొండ జిల్లా మర్రిగూడెం మండలం యరగండ్లపల్లి గ్రామంలో, యువ చైతన్య యూత్ అసోసియేషన్ సభ్యుల ఆధ్వర్యంలో, వినాయక చవితి ఉత్సవాల్లో భాగంగా నిర్వహించిన వినాయకుడి లడ్డూ వేలంపాట ఘనంగా జరిగింది.
  

  
ఈ వేలంపాటలో యరగండ్లపల్లి కాంటెస్టెడ్ సర్పంచ్ అభ్యర్థి పులిమామిడి నరసింహారెడ్డి రూ.2,20,000 లకు వినాయకుడి లడ్డూను కైవసం చేసుకున్నారు. అనంతరం యువ చైతన్య యూత్ అసోసియేషన్ సభ్యులు
  
పులిమామిడి నరసింహారెడ్డిని ఘనంగా సన్మానించారు. 
  ఈ సందర్భంగా వినాయకుడి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని వారు ఆకాంక్షించారు. గణపతి బప్పా మోరియా అంటూ భక్తితో గణేశుడికి జేజేలు కొట్టారు. కార్యక్రమంలో గ్రామ ప్రజలు, తదితరులు పాల్గొన్నారు.
 

తెలంగాణ పంచాయతీ రాజ్ ఛాంబర్ ఆధ్వర్యంలో సర్పంచుల సంఘం నల్లగొండ జిల్లా అధ్యక్షుడిగా బెజ్జం సాయి నియామకం

 
 
  
  
నల్లగొండ జిల్లా, దామరచర్ల మండలం దిలావర్‌పూర్ గ్రామ సర్పంచ్ బెజ్జం సాయి ని.. తెలంగాణ పంచాయతీ రాజ్ ఛాంబర్ ఆధ్వర్యంలో, నల్లగొండ జిల్లా సర్పంచుల సంఘం అధ్యక్షుడిగా నియమించారు. హైదరాబాద్ లకిడికపూల్‌లోని తెలంగాణ పంచాయతీ రాజ్ ఛాంబర్ ప్రధాన కార్యాలయంలో మంగళవారం జరిగిన కార్యక్రమంలో, తెలంగాణ పంచాయతీ రాజ్ ఛాంబర్ అధ్యక్షుడు చింపుల సత్యనారాయణ రెడ్డి ఈ మేరకు బెజ్జం సాయికి నియామక పత్రాన్ని అందజేశారు. అలాగే జిల్లా వర్కింగ్ ప్రెసిడెంట్‌గా చింతలపూడి భాస్కర్ రెడ్డి, జిల్లా ప్రధాన కార్యదర్శిగా చాట్ల చిరంజీవిలను నియమిస్తూ నియామక పత్రాలను అందజేశారు.
  

  
ఈ సందర్భంగా చింపుల సత్యనారాయణ రెడ్డి మాట్లాడుతూ.. జిల్లాలోని సర్పంచుల సమస్యల పరిష్కారానికి నూతన కార్యవర్గం కృషి చేయాలని, సర్పంచులకు ఎల్లప్పుడూ అందుబాటులో ఉంటూ, సంబంధిత అధికారులతో సమన్వయం చేసుకుంటూ సమస్యలను పరిష్కరించే దిశగా పనిచేయాలని సూచించారు.
  

  
నూతనంగా నియమితులైన నాయకులు మాట్లాడుతూ.. నల్లగొండ జిల్లాలోని సర్పంచుల సంక్షేమం, గ్రామాల అభివృద్ధి కోసం సంఘం తరఫున సమన్వయంతో పనిచేస్తామని తెలిపారు. సర్పంచులు ఎదుర్కొంటున్న సమస్యలను సంబంధిత అధికారుల దృష్టికి తీసుకెళ్లి వాటి పరిష్కారానికి నిరంతరం కృషి చేస్తామని పేర్కొన్నారు. 
  నల్లగొండ జిల్లా సర్పంచుల సంఘం అధ్యక్షుడిగా తనను నియమించిన తెలంగాణ పంచాయతీ రాజ్ ఛాంబర్ అధ్యక్షుడు చింపుల సత్యనారాయణ రెడ్డికి, అలాగే తనపై విశ్వాసం ఉంచి మద్దతు తెలిపిన నల్లగొండ జిల్లా సర్పంచులందరికీ బెజ్జం సాయి హృదయపూర్వక కృతజ్ఞతలు తెలిపారు. సర్పంచుల హక్కులు, సంక్షేమం మరియు గ్రామాల అభివృద్ధి కోసం తన వంతు బాధ్యతను సమర్థవంతంగా నిర్వహిస్తానని బెజ్జం సాయి తెలిపారు.
 

ఉపాధ్యాయుల సేవలకు అవార్డులు అభినందనీయం:  పిఆర్టియు తెలంగాణ నల్గొండ జిల్లా శాఖ ప్రధాన కార్యదర్శి

 
 
  నల్లగొండ: విద్యార్థుల భవిష్యత్తును తీర్చిదిద్దడంలో విశేష సేవలందిస్తున్న ఉపాధ్యాయులను గుర్తించి గౌరవించడం సమాజానికి స్ఫూర్తిదాయకమని, పి ఆర్ టి యు తెలంగాణ నల్గొండ జిల్లా ప్రధాన కార్యదర్శి బొమ్మపాల గిరిబాబు అన్నారు. 2026 ఉపాధ్యాయ దినోత్సవాన్ని పురస్కరించుకొని నల్గొండ జిల్లా విద్యాశాఖ ఆధ్వర్యంలో నిర్వహించిన ఉపాధ్యాయ దినోత్సవ అవార్డుల ప్రదాన కార్యక్రమంలో ఆయన పాల్గొన్నారు. మంగళవారం జిల్లాలో ఉత్తమ సేవలు అందించిన ఉపాధ్యాయులు, మంత్రి కోమటిరెడ్డి వెంకటరెడ్డి జిల్లా కలెక్టర్ చంద్రశేఖర్ చేతుల మీదుగా అవార్డులు పొందిన సందర్భంగా, అవార్డు గ్రహీతలను పి ఆర్ టి యు తెలంగాణ నల్గొండ జిల్లా శాఖ తరఫున, రాష్ట్ర శాఖ అసోసియేటెడ్ అధ్యక్షులు కోడదల శంకర్ తో కలిసి శాలువాలతో ఘనంగా సన్మానించి అభినందనలు తెలిపారు.
  

  
ఈ సందర్భంగా బొమ్మపాల గిరిబాబు మాట్లాడుతూ.. ఉపాధ్యాయ వృత్తి కేవలం బోధనకే పరిమితం కాదని, విద్యార్థుల వ్యక్తిత్వ వికాసం, క్రమశిక్షణ, విలువలు, సామాజిక బాధ్యతలను పెంపొందించడంలో ఉపాధ్యాయులు కీలక పాత్ర పోషిస్తున్నారని అన్నారు.
  
ప్రతి ఉపాధ్యాయుడి సేవలను గుర్తించి ప్రోత్సహించడం ద్వారా విద్యారంగంలో మరింత స్ఫూర్తి, ఉత్సాహం పెరుగుతుందని పేర్కొన్నారు. ఈ సందర్భంగా అవార్డులు అందుకున్న ఉపాధ్యాయులు తమ సేవా స్ఫూర్తిని మరింత విస్తరించి విద్యార్థుల ఉజ్వల భవిష్యత్తు కోసం కృషి చేయాలని ఆకాంక్షించారు. 
  ఎంఈఓ తరి రాము ను బొమ్మపాల గిరిబాబు ప్రత్యేకంగా అభినందించారు.
  

 

రాజ్ గోపాల్ రెడ్డి నివాసంలో ఘనంగా రాఖీ పౌర్ణమి వేడుకలు


 
 
  అన్నా చెల్లెళ్లు, అక్కా తమ్ముళ్ల మధ్య అనుబంధం, ప్రేమ, ఆప్యాయత, పరస్పర విశ్వాసానికి ప్రతీక అయిన రాఖీ పండుగను, శుక్రవారం మునుగోడు ఎమ్మెల్యే  కోమటిరెడ్డి రాజ్ గోపాల్ రెడ్డి హైదరాబాద్ నివాసంలో  ఘనంగా జరుపుకున్నారు. తన నలుగురు సోదరీమణులు రాజ్ గోపాల్ రెడ్డికి రాఖీలు కట్టి ఆశీర్వదించారు. తన అక్కల కుటుంభ సభ్యులతో సంప్రదాయబద్దంగా జరుపుకున్న రాఖి పండుగలో తన మనుమరాలు ' వాన్య ' తో పాటు కలిసి రాఖీ కట్టించుకున్నారు. అనంతరం మునుగోడు నియోజకవర్గం తో పాటు వివిధ నియోజకవర్గాల నుండి వచ్చిన సోదరీమణులు రాజ్ గోపాల్ రెడ్డికి రాఖీ కట్టి ఆశీర్వదించారు.
  ఈ సందర్భంగా ఎమ్మెల్యే మాట్లాడుతూ..
  
కుటుంబ వ్యవస్థకు, భారతీయ సంస్కృతి సంప్రదాయాలకు రాఖీ పౌర్ణమి ఎంతో ప్రాధాన్యత కలిగిన పండుగని, సోదరులు తమ సోదరీమణుల రక్షణ, గౌరవం, భద్రతకు ఎల్లప్పుడూ అండగా నిలవాలని, సోదరీమణులు తమ కుటుంబాల్లో ప్రేమానురాగాలను మరింత పెంపొందించాలని ఆకాంక్షించారు.
  

  
ఈ రాఖీ పౌర్ణమి ప్రతి కుటుంబంలో సంతోషం, శాంతి, సౌభ్రాతృత్వం, ఐక్యత నింపాలని, ప్రజలందరూ ఆయురారోగ్యాలతో, సుఖసంతోషాలతో జీవించాలని కోమటిరెడ్డి రాజ్ గోపాల్ రెడ్డి ఆకాంక్షిస్తూ.. మునుగోడు నియోజకవర్గం తో పాటు తెలంగాణ రాష్ట్ర ఆడపడుచులకు రాఖీ పౌర్ణమి శుభాకాంక్షలు తెలిపారు.
 

జాతీయస్థాయి ఫుట్బాల్ క్రీడాకారిణులు మద్ది కీర్తన, కురుమిళ్ళ అరుణజ్యోతి ఆధ్వర్యంలో ఫుట్‌బాల్ ఆట నైపుణ్యాలపై అవగాహన 

 
 
  నల్గొండలోని కోమటిరెడ్డి ప్రతీక్ ప్రభుత్వ పాఠశాలలో, నేడు ప్రత్యేక ఫుట్‌బాల్ అవగాహన కార్యక్రమాన్ని నిర్వహించామని పాఠశాల హెచ్ఎం సురేష్ కుమార్ తెలిపారు.
  
జాతీయస్థాయి ఫుట్బాల్ క్రీడాకారీణులు మద్ది కీర్తన, కురుమిళ్ళ అరుణజ్యోతి ఆధ్వర్యంలో ఫుట్బాల్ ఆటలోని ప్రాథమిక నైపుణ్యాలను ప్రత్యక్షంగా చూపించామని ఫిజికల్ డైరెక్టర్ బొమ్మ పాల గిరిబాబు తెలిపారు.
  
ఈ కార్యక్రమంలో విద్యార్థులకు ఫుట్‌బాల్ ఆటలోని ప్రాథమిక నైపుణ్యాలను బంతిని నియంత్రించడం, పాసింగ్, డ్రిబ్లింగ్, షూటింగ్ వంటి అంశాలు ప్రత్యక్షంగా చూపిస్తూ విద్యార్థులకు అవగాహన కల్పించారు. విద్యార్థులు ఎంతో ఉత్సాహంగా పాల్గొని క్రీడాకారిణుల నుంచి విలువైన సూచనలు, సలహాలు పొందారు. ఈ సందర్భంగా పాఠశాల ప్రధానోపాధ్యాయులు మాట్లాడుతూ, విద్యార్థుల్లో క్రీడాస్ఫూర్తిని పెంపొందించేందుకు ఇటువంటి కార్యక్రమాలు ఎంతో ఉపయోగపడతాయన్నారు.
 

ఫుట్బాల్.. జ్వాల.. ప్రపంచాన్ని వెలిగిస్తుంది: బొమ్మపాల గిరిబాబు

 
 
  ప్రపంచ దేశాలను ఒకే వేదికపై నిలబెట్టే గొప్ప క్రీడా మహోత్సవం ఫిఫా వరల్డ్ కప్ స్ఫూర్తితో నల్గొండ జిల్లాలో ఫుట్బాల్ క్రీడాభివృద్ధి జరుగుతుందని, ఫుట్బాల్ జ్వాల ప్రపంచాన్ని వెలిగిస్తుందని ఉమ్మడి నల్గొండ జిల్లా ఫుట్బాల్ అసోసియేషన్ ప్రధాన కార్యదర్శి బొమ్మపాల గిరిబాబు తెలిపారు. 
  
ఫుట్బాల్ కేవలం ఒక ఆట మాత్రమే కాదని అది అంకితభావాన్ని, క్రమశిక్షణను, ఐక్యతను, నాయకత్వ లక్షణాలను, దేశభక్తిని పెంపొందిస్తుందని బొమ్మపాల గిరిబాబు తెలిపారు.
  
48 దేశాలు పాల్గొంటున్న ఫిఫా 2026 వరల్డ్ కప్ పోటీలు ప్రస్తుతం సెమీఫైనల్స్ నిర్వహించుకుంటూ జూలై 19 జరిగే ఫైనల్ మ్యాచ్ కు ఎదురుచూస్తుందని తెలిపారు.
  
ఈ మెగా టోర్నమెంట్ స్ఫూర్తితో,  తెలంగాణ ఫుట్బాల్ అసోసియేషన్ అందిస్తున్న సంపూర్ణ సహకారంతో,  ఉమ్మడి నల్గొండ జిల్లాలో ప్రతి గ్రామాన, ప్రతి పాఠశాలలో ఫుట్బాల్ క్రీడాభివృద్ధి కి అసోసియేషన్ పక్షాన బృహతమైన ప్రణాళికతో ముందుకు వెళ్తున్నామని తెలియజేస్తూ, క్షేత్రస్థాయిలో వ్యాయామ ఉపాధ్యాయులు, సీనియర్ ఫుట్బాల్ క్రీడాకారులు, కోచ్ ల సహకారంతో ఈ ఆశయం విజయవంతం కావడానికి ప్రతి ఒక్కరూ సహకరించాలని తెలిపారు.
 

ఆర్టిఐ చింతపల్లి మండల సంయుక్త కార్యదర్శిగా శివకుమార్

 
 
  నల్లగొండ జిల్లా, చింతపల్లి మండల కేంద్రంలో, గురువారం సాయంత్రం సమాచార హక్కు చట్టం ప్రచార సమితి ఆధ్వర్యంలో, ఆ సంఘం చింతపల్లి మండల సంయుక్త కార్యదర్శిగా సీత శివకుమార్ ను నియమిస్తూ.. జిల్లా వైస్ ప్రెసిడెంట్ ఏనుగుల వెంకటేష్, చింతపల్లి మండల అధ్యక్షులు చెట్టిమల్ల సురేష్ చేతుల మీదుగా నియామక పత్రం అందజేశారు. ఈ మేరకు ఆర్టిఐ బలోపేతానికి కృషి చేస్తామని వారు తెలిపారు. ఈ కార్యక్రమంలో ఆర్టిఐ ప్రధాన కార్యదర్శి కడారి వెంకటేష్, చింతపల్లి మండల సెక్రెటరీ చెట్టి మల్ల నాగార్జున పాల్గొన్నారు.
 

తెలంగాణ ఒలంపిక్ భవన్ ప్రారంభోత్సవ కార్యక్రమం

 
 
  హైదరాబాద్ ఎల్బీ స్టేడియంలో తెలంగాణ ఒలంపిక్ అసోసియేషన్ నూతన భవనం ప్రారంభ కార్యక్రమంలో ముఖ్యఅతిథిగా భారత ఒలంపిక్ సంఘం అధ్యక్షురాలు, రాజ్యసభ సభ్యురాలు, మాజీ ఇంటర్నేషనల్ అథ్లెట్ పి.టి.ఉష పాల్గొన్నారు. 
  
ఈ సందర్భంగా ఉమ్మడి నల్గొండ జిల్లా ఒలంపిక్ అసోసియేషన్ ప్రధాన కార్యదర్శి గొట్టిపాటి కర్తయ్య ఆధ్వర్యంలో ఒలంపిక్ అసోసియేషన్ జిల్లా ప్రతినిధులు ఇమామ్ కరీం, శ్రీనివాస్, బొమ్మపాల గిరిబాబు పాల్గొని పి.టి.ఉష ను ప్రత్యేకంగా కలిసి శుభాకాంక్షలు తెలిపారు. నల్లగొండ జిల్లాలో అన్ని క్రీడల అభివృద్ధికి ఒలంపిక్ అసోసియేషన్ పక్షాన ప్రత్యేక కార్యాచరణను ఏర్పాటు చేశామని తెలిపారు.