సిఎంగా ఫడ్నవీస్ ఏక్‌నాథ్‌ షిండే డిప్యూటీ సీఎం
మహారాష్ట్ర సిఎంగా దేవేంద్ర ఫడ్నవీస్, డిప్యూటీ సిఎంగా ఏక్‌నాథ్‌ షిండే  మరో డిప్యూటీ సిఎంగా అజిత్ పవార్ బాధ్యతలు చేపట్టబోతున్నట్లు సంబంధిత వర్గాలు తాజాగా వెల్లడించాయి. వీరి ప్రమాణ స్వకారం డిసెంబర్ 5వ తేదీన ఉంటుందని సదరు వర్గాలు స్పష్టం చేశాయి. అయితే కేబినెట్ మంత్రలకు సంబంధించి ఇంకా ఫైనల్ కాలేదని దీంతో.. సిఎం, ఇద్దరు డిప్యూటీ సిఎంలే ఆరోజు ప్రమాణ స్వకారం చేసే అవకాశం ఉందని జాతీయ మీడియా పేర్కొంటుంది.

కాగా ఇటీవల జరిగిన మహారాష్ట్ర అసెంబ్లీ ఎన్నికల్లో మహాయతి కూటమి ఘన విజయం సాధించింది. ఈ కూటమిలో ప్రధాన పార్టీ అయిన బిజెపి ఈ ఎన్నికల్లో 132 సీట్లను గెలుచుకుంది. 

ఇక శివసేన షిండే పార్టీ 57  ఎన్ సిపి అజిత్ పవార్ పార్టీ 41 సీట్లు దక్కాయి. అయితే భారీ విజయం సాధించినా.. ఎన్నికల అనంతరం సిఎం పదవిపై బిజెపి అధిష్టానంతో ఢిల్లీలో ఉత్కంఠభరితంగా చర్చలు సాగాయి.

ములుగు ఎన్‌కౌంటర్‌ కేసు హైకోర్టు ఏం చెప్పిందంటే
ములుగు ఎన్‌కౌంటర్‌పై హైకోర్టులో విచారణ కొనసాగింది. పిటిషనర్ తరపున, అలాగే ప్రభుత్వం తరపున వాదనలు వినిపించారు. అయితే మృతదేహాలపైన అనేక గాయాలు ఉన్నాయని, ఇదొక బూటకపు ఎన్‌కౌంటర్ అంటూ పిటిషనర్ తరపున న్యాయవాది వాదనలు వినిపించారు. భద్రపరిచిన మృతదేహాలకు రీ పోస్టుమార్టం నిర్వహించాలని పదే పదే కోరారు.

ములుగు ఎన్‌కౌంటర్‌పై తెలంగాణ హైకోర్టులో (Telangana Highcourt) విచారణ జరిగింది. ములుగు ఎన్‌కౌంటర్ తదుపరి చర్యలు, పోస్టుమార్టం రిపోర్టును అందించాలని తెలంగాణ ప్రభుత్వాన్ని హైకోర్టు ఆదేశించింది. ఎన్‌కౌంటర్‌పై ఈరోజు (మంగళవారం) విచారణ జరిపిన న్యాయస్థానం మల్లయ్య మృతేదహాన్ని గురువారం వరకు భద్రపరచాలని ఆదేశించింది. మిగిలిన మృతదేహాలను కుటుంబసభ్యులకు అందించాలని చెప్పింది. తదుపరి విచారణను గురువారం (డిసెంబర్ 5)కు వాయిదా వేసింది.

నిన్నటి విచారణలో ఈరోజు వరకు మృతదేహాలను భద్రపరచాలని హైకోర్టు ఆదేశాలిచ్చిన విషయం తెలిసిందే. నేడు మరోసారి పిటిషనర్ తరపున, అలాగే ప్రభుత్వం తరపున వాదనలు కొనసాగాయి. అయితే మృతదేహాలపైన అనేక గాయాలు ఉన్నాయని, ఇదొక బూటకపు ఎన్‌కౌంటర్ అంటూ పిటిషనర్ తరపున న్యాయవాది వాదనలు వినిపించారు. భద్రపరిచిన మృతదేహాలకు రీ పోస్టుమార్టం నిర్వహించాలని పదే పదే కోరారు. మరోవైపు నిన్న హైకోర్టు ఆదేశాలు ఇచ్చిన సమయంలో పోస్టుమార్టం అంతా కూడా చీకటిలో నిర్వహించారని, పంచనామా ప్రక్రియ సరిగ్గా నిర్వహించలేదు కాబట్టి రీపోస్టుమార్టం చేసేలా ఆదేశాలు ఇవ్వాలని పిటిషనర్ తరపున న్యాయవాది వాదనలు వినిపించారు.

అలాగే ప్రభుత్వం తరపున న్యాయవాది కూడా తన వాదనలు వినిపిస్తూ.. ఎన్‌హెచ్‌ఆర్సీ గైడ్‌లెన్స్‌ ప్రకారం, అలాగే హైకోర్టు ఆదేశాల మేరకే శవ పరీక్షలు పూర్తి చేశామని స్పష్టం చేశారు. కేవలం ఎదురుకాల్పుల్లో మాత్రమే మావోలు మృతిచెందారని ప్రభుత్వ తరపు న్యాయవాది తన వాదనలు వినిపించారు. ఎక్కడా కూడా ఇది బూటకపు ఎన్‌కౌంటర్ కాదని, ఆహారంలో ఎలాంటి విషం ఇవ్వలేదని న్యాయవాది స్పష్టం చేశారు. ఎనిమిది మంది వైద్య నిపుణులతో పోస్టుమార్టం పూర్తి చేశామని వాటికి సంబంధించి ఫోటోగ్రఫీ కూడా కోర్టుకు అందజేస్తున్నామని ప్రభుత్వం తరుపున న్యాయవాది న్యాయస్థానానికి తెలిపారు. మృతదేహాలను భద్రపరిచనట్లైతే శాంతిభద్రతలకు విఘాతం కలిగే అవకాశం ఉందని.. అందుకే మృతదేహాలను వారి కుటుంబసభ్యులకు అప్పగించేందుకు ఆదేశాలు ఇవ్వాలని ప్రభుత్వం తరపు న్యాయవాది కోరారు.

అయితే మావోలకు భోజనంలో విషం కలిపారని, ఆపై కస్టడీలోకి తీసుకుని కాల్చిచంపారన్న అంశాన్ని పిటిషనర్ కోర్టు దృష్టికి తీసుకెళ్లగా.. పీఎంఈ రిపోర్టు వచ్చిన తర్వాత పూర్తిస్థాయిలో వాదనలు వినిపించాలని హైకోర్టు చెప్పింది. తదుపరి విచారణను గురువారానికి వాయిదా వేసింది. కేవలం మల్లయ్య మృతదేహం తప్ప మిగిలిన మృతదేహాలను కుటుంబసభ్యులకు అప్పగించాలని హైకోర్టు ఆదేశాలు జారీ చేసింది. పీఎంఈ రిపోర్టుతో పాటు ఎన్‌కౌంటర్ జరిగిన పరిణామాలకు సంబంధించిన రిపోర్టు, ఎన్‌కౌంటర్ తదుపరి చర్యలను న్యాయస్థానానికి అందజేయాలని హైకోర్టు ఆదేశించింది. గురువారం రోజు రాష్ట్ర ప్రభుత్వం ఆ నివేదికను ఇచ్చిన తరువాత తదుపరి చర్యలకు హైకోర్టు ఆదేశించే అవకాశం ఉంది. కేవలం పిటిషనర్‌గా మల్లయ్య భార్య ఉన్నందున.. ఆయన మృతదేహాన్ని తప్ప మిగిలిన మృతదేహాలను వారి కుటుంబసభ్యులకు అప్పగించాలని హైకోర్టు ఆదేశాలు జారీ చేసింది.

కేరళలో బస్సును కారు ఢీకొని ఐదుగురు వైద్య విద్యార్థులు మృతి 
కేరళలో ఘోర రోడ్డు ప్రమాదం జరిగింది.అలప్పుజా జిల్లా లో కారు,బస్సు ఢీకొన్నాయి.
ఈ ప్రమాదంలో ఐదుగురు వైద్య విద్యార్థులు మృతి చెందగా,మరో ఇద్దరు తీవ్రంగా గాయపడ్డారు.
స్థానికుల సమాచారం ప్రకారం,బస్సు అతివేగంగా రావడంతో కారు తో ఢీకొన్నట్లు తెలుస్తోంది.

బాధితులుగా వందనం మెడికల్ కాలేజీలో ఎంబీబీఎస్ మొదటి సంవత్సరం చదువుతున్న ముహ్సిన్మ హమ్మద్, ఇబ్రహీం దేవన్‌లుగా గుర్తించారు.
ఈ ప్రమాదంలో కారు పూర్తిగా ధ్వంసమైంది.తీవ్రంగా గాయపడ్డ ఇద్దరు విద్యార్థులను వందనం మెడికల్ కాలేజీ ఆస్పత్రికి తరలించారు.

ప్రాథమిక సమాచారం ప్రకారం,మృతులెవరు కోజికోడ్,కన్నూర్,చేర్యాల,లక్షద్వీప్ ప్రాంతాలకు చెందినవారు.
ఈ ప్రమాదంలో కేరళ రాష్ట్ర రోడ్డు రవాణా కార్పొరేషన్(KSRTC)బస్సులో ప్రయాణిస్తున్న నలుగురు ప్రయాణికులు స్వల్ప గాయాలతో ఆస్పత్రిలో చికిత్స పొందుతున్నారు.

పోలీసులు ఈప్రమాదానికి సంబంధించిన వివిధ కోణాలపై దర్యాప్తు చేస్తున్నారు.

హరీష్ రావుకు బిగ్ షాక్
తెలంగాణలో ప్రస్తుతం రాజకీయాలు చలికాలంలో హీట్ ను పుట్టిస్తున్నాయని చెప్పుకొవచ్చు. ఒక వైపు బీఆర్ఎస్ చేసిన తప్పిదాల వల్లే.. తెలంగాణ వెనక్కు పోయిందని కాంగ్రెస్ ఆరోపణలు చేస్తుంది. మరొవైపు బీఆర్ఎస్ మాత్రం.. 420 హమీలు ఇచ్చి కాంగ్రెస్ అధికారంలోకి వచ్చిందని కూడా కౌంటర్ ఇస్తుంది. ఇచ్చిన హమీలు కాంగ్రెస్ మెడలు వంచి మరీ అమలు చేసేలా చేస్తామని కూడా బీఆర్ఎస్ గట్టిగానే ఏకీపారేస్తుంది.

ఇదిలా ఉండగా.. ప్రస్తుతం ఇటీవల బీఆర్ఎస్ నేతలను సీఎం రేవంత్ రెడ్డి తన విమర్శలతో చుక్కలు చూపిస్తున్నారు. అదే విధంగా కేటీఆర్, హరీష్ రావు సైతం.. తాము కూడా తగ్గేదేలా అన్నట్లు కాంగ్రెస్ కు కౌంటర్ ఇస్తున్నారు. 

దీంతో తెలంగాణ రాజకీయం మాత్రం రసవత్తరంగా మారిందని చెప్పుకొవచ్చు. ఈ క్రమంలో ప్రస్తుతం..బీఆర్ఎస్ మాజీ మంత్రి హరీష్ రావుపైన పంజాగుట్ట పీఎస్ లో కేసు నమోదు అయినట్లు తెలుస్తొంది.

సిద్దిపేటకు చెందిన చక్రధర్ అనే వ్యక్తి.. గతంలో బీఆర్ఎస్ అధికారంలో ఉండగా.. అప్పటి టాస్క్ ఫోర్స్ డీసీపీ రాధకిషన్ తో కలిసి తన ఫోన్ లు ట్యాపింగ్ లకు పాల్పడ్డారని, తనపై అక్రమ కేసులు బనాయించి, మానసికంగా వేధించారని కూడా సదరు బాధితుడు పోలీసులకు ఫిర్యాదు చేసినట్లు తెలుస్తొంది

దీంతో పంజాగుట్ట పోలీసులు. 120(బి), 386, 409, 506, రెడ్ విత్ 34 , ఐటీయాక్ట్ చట్టాల కింద కేసు నమోదు చేసినట్లు తెలుస్తొంది. దీంతో ప్రస్తుతం ఈ ఘటన తెలంగాణ రాజకీయాల్లో చర్చనీయాంశంగా మారిందని చెప్పుకొవచ్చు.

బంగ్లాదేశ్ బరితెగింపు
పొరుగు దేశం బంగ్లాదేశ్‌లో హిందువులు, ఇతర మైనారిటీలపై దాడులు గృహ దహనాలు, అఘాయిత్యాలు, ఆకృత్యాలకు అంతు లేకుండా పోతోంది. రోజుల తరబడి ఇవి కొనసాగుతోన్నాయి. భారత్ సహా ఇతర దేశాలు ఒత్తిళ్లు తీసుకొస్తోన్నప్పటికీ- దీనికి బ్రేకులు పడట్లేదు.

షేక్ హసీనా సారథ్యంలోని ప్రభుత్వం కుప్పకూలినప్పటి నుంచీ బంగ్లాదేశ్‌లో అమానుష ఘటనలు చోటు చేసుకుంటూ వస్తోన్న విషయం తెలిసిందే. ప్రత్యేకించి- హిందువులపై విపరీతంగా దాడులు సాగుతున్నాయి. దోపిడీలు, గృహ దహనాలు నిత్యకృత్యం అయ్యాయి. హిందువులతో పాటు ఇతర మైనారిటీలపై ఇస్లామిక్ మతఛాందసవాదులు విరుచుకుపడుతున్నారు.

మహ్మద్ యూసుస్ సారథ్యంలో మధ్యంతర ప్రభుత్వం అక్కడ ఏర్పడినప్పటికీ ఎలాంటి ఫలితమూ ఉండట్లేదు. ఇస్కాన్ ప్రతినిధి చిన్మయ్ కృష్ణ దాస్‌ను అరెస్ట్ చేయడం దీనికి పరాకాష్ఠగా భావిస్తోన్నారు. తమ దేశ జాతీయ పతాకాన్ని అవమానపరిచారనే కారణంతో ఆయనను అక్కడి పోలీసులు అరెస్ట్ చేశారు.

ఈ పరిణామాలన్నింటిపై ఇటీవలే ఆర్ఎస్ఎస్ ఘాటుగా స్పందించింది. తీవ్ర ఆందోళన వ్యక్తం చేసింది. హిందువులు, ఇతర మైనారిటీ వర్గాలపై జరుగుతున్న దాడులను వెంటనే ఆపివేయాలని, ఈ దిశగా తక్షణ చర్యలను తీసుకోవాలంటూ బంగ్లాదేశ్ ప్రభుత్వానికి అప్పీల్ చేసింది. సాధారణ పరిస్థితులు, శాంతియుత వాతావరణం నెలకొనేలా ఇస్లామిక్ గ్రూప్స్‌తో చర్చించాలని కోరింది.

అక్కడ జరుగుతోన్న పరిణామాలన్నింటినీ కూడా భారతీయ టెలివిజన్ ఛానళ్లు ఎప్పటికప్పుడు కళ్లకు కట్టినట్టు చూపిస్తోన్నాయి. రాజధాని ఢాకా సహా ఇతర నగరాల్లో హిందువులు, హైందవ ఆలయాలు, గుళ్లు- గోపురాలపై సాగుతున్న దాడులను ప్రపంచం ముందుకు తీసుకొస్తోన్నాయి. బంగ్లాదేశ్ అసలు స్వరూపాన్ని బట్టబయలు చేస్తోన్నాయి.

దీన్ని కొంతమంది బంగ్లాదేశ్ మత ఛాందసవాదులు ఎంతమాత్రం కూడా జీర్ణించుకోలేకపోతున్నారు. భారతీయ టీవీ ఛానళ్ల ప్రసారాలన్నింటిపైనా తక్షణమే నిషేధం విధించాలంటూ డిమాండ్ చేస్తోన్నారు. దీనిపై ఏకంగా న్యాయస్థానాన్ని ఆశ్రయించారు. అక్కడి హైకోర్టులో రిట్ పిటీషన్ దాఖలు చేశారు.

కేబుల్ టెలివిజన్ నెట్‌వర్క్ ఆపరేషన్ చట్టం 2006 కింద భారతీయ టీవీ ఛానళ్ల ప్రసారాలను నిలిపివేయాలంటూ అడ్వొకేట్ ఎక్లాస్ ఉద్దీన్ భుయాన్ ఈ పిటీషన్ వేశారు. దీన్ని జస్టిస్ ఫాతిమా నజీబ్ జస్టిస్ సిక్దర్ మహ్మదుర్ రజీతో కూడిన ఇద్దరు న్యాయమూర్తుల ధర్మాసనం విచారణకు స్వీకరించింది.

బంగ్లాదేశ్ సమాచార, హోం మంత్రిత్వ శాఖ కార్యదర్శులు, ఆ దేశ టెలికమ్యూనికేషన్ల రెగ్యులేటరీ కమిషన్ ఛైర్మన్‌ను ఇందులో ప్రతివాదులుగా చేర్చారు. స్టార్ జల్సా, స్టార్ ప్లస్ జీ బంగ్లా రిపబ్లిక్ బంగ్లా సహా భారతీయ టీవీ ఛానళ్ల ప్రసారాలపై నిషేధం విధించాలని అభ్యర్థించారు.

వాయుగుండంగా ఫెంగల్‌
నైరుతి బంగాళాఖాతంలో ఏర్పడిన ఫెంగల్‌ తుఫాన్‌ పుదుచ్చేరి వద్ద బలహీనపడి వాయుగుండంగా మారిందని వాతావరణశాఖ ప్రకటించింది.

నైరుతి బంగాళాఖాతంలో ఏర్పడిన ఫెంగల్‌ తుఫాన్‌ పుదుచ్చేరి వద్ద బలహీనపడి వాయుగుండంగా మారిందని వాతావరణశాఖ ప్రకటించింది. మంగళవారం అరేబియన్‌ సముద్రంలో ప్రవేశించే అవకాశం ఉన్నట్టు పేర్కొంది

దీని ప్రభావంతో ఈనెల 8వతేదీ వరకు తేలికపాటి నుం చి మోస్తరు వర్షాలు కురుస్తాయని అధికారులు తెలిపా రు. తుఫాను ప్రభావంతో రాష్ట్రంలో చలితీవ్రత తగ్గింది.

 రాత్రిపూట కనిష్ఠ ఉష్ణోగ్రతలు పెరిగిపోయాయి. ఉద యం వేళల్లో పొగమంచు కమ్ముకుంది.

హమాస్‎కు ట్రంప్ వార్నింగ్
అమెరికా అధ్యక్షుడిగా ఎన్నికైన డొనాల్డ్ ట్రంప్ ప్రమాణ స్వీకారానికి ముందు నుంచే తన వైఖరిని ప్రదర్శించడం మొదలుపెట్టారు. పాలస్తీనా గ్రూప్ హమాస్‌ను ట్రంప్ నేరుగా బెదిరించారు. 

తాను అమెరికా అధ్యక్ష పదవీ బాధ్యతలు చేపట్టే లేపు ఇజ్రాయెల్ బందీలను విడుదల చేయకపోతే, మధ్యప్రాచ్యంలో విధ్వంసం తెస్తానని వార్నింగ్ ఇచ్చారు. మధ్యప్రాచ్యంలో కొనసాగుతున్న వివాదంపై ట్రంప్ మాట్లాడుతూ.. జనవరి 20, 2025లోపు బందీలను విడుదల చేయకపోతే మధ్యప్రాచ్యం భారీ మూల్యం చెల్లించుకోవాల్సి వస్తుందని అన్నారు. కాగా 2025 జనవరి 20న ట్రంప్ అమెరికా అధ్యక్షుడిగా బాధ్యతలు స్వీకరించనున్నారు.

మానవత్వంపై అకృత్యాలకు పాల్పడిన వారు భారీ మూల్యం చెల్లించుకోవాల్సి వస్తుందని డొనాల్డ్ ట్రంప్ సోషల్ మీడియా వేదికగా ట్రూత్‌లో అన్నారు. ఇజ్రాయెల్ పౌరులను హమాస్ బందీలుగా పట్టుకోవడం హింసాత్మకం, అమానవీయమని ట్రంప్ అభివర్ణించారు. 

అత్యంత హింసాత్మకంగా, అమానవీయంగా, యావత్ ప్రపంచానికి వ్యతిరేకంగా ఉన్న బందీల గురించి అందరూ మాట్లాడుతున్నారని అన్నారు. ఈ విషయంపై గతంలో జరిగిన చర్చలను ట్రంప్ విమర్శించారు, బందీల గురించి చాలా చర్చలు జరిగినప్పటికీ ఎటువంటి చర్యలు తీసుకోలేదని పేర్కొన్నారు.

విదేశీ సంస్థలపై గతంలో అమెరికా తీసుకున్న చర్యల కంటే బందీలుగా ఉన్నవారికి బాధ్యులైన వారిపై పెద్ద ఎత్తున విచారణ జరిపిస్తామని ట్రంప్ చెప్పారు. 

బందీలను ఇప్పుడే విడుదల చేయండంటూ బెదిరించారు. లేదంటే హమాస్ ఊహించని రీతిలో దాడులు ఉంటాయని హెచ్చరించారు. అమెరికా సుదీర్ఘ చరిత్రలో ఎన్నడూ లేని విధంగా బాధ్యులపై దాడులు జరుగుతాయని ట్రంప్ అన్నారు. 

అక్టోబరు 7న ఇజ్రాయెల్‌పై హమాస్ పెద్ద దాడి చేసింది. 1,200 మందికి పైగా మరణించారు. 250 మందికి పైగా బందీలుగా ఉన్నారు. వీరిలో దాదాపు 100 మంది ఇప్పటికీ చెరలో ఉన్నారు. ఇజ్రాయెల్ గాజాలోని హమాస్ స్థానాలను లక్ష్యంగా చేసుకుని ఎదురుదాడిని ప్రారంభించింది. ఇజ్రాయెల్ దాడులు గాజాలో 45,000 మందికి పైగా పాలస్తీనియన్లను చంపాయి.

హైదరాబాద్‌లో ట్రాఫిక్ కష్టాలు తీర్చేందుకు సర్కార్ సరికొత్త యోచన
ఎలివేటర్ కారిడార్ నిర్మాణం కోసం తెలంగాణ ప్రభుత్వం కసరత్తు ముమ్మరం చేసింది. ఎలివేటెడ్ కారిడార్ కోసం తాజాగా భూ సేకరణ నోటిఫికేషన్‌ విడుదలైంది. పారడైజ్ జంక్షన్ నుంచి శామీర్‌పేట ఓఆర్ఆర్ వరకు ఎలివేటెడ్ కారిడార్ నిర్మాణానికి భూసేకరణ సర్కార్ నోటిఫికేషన్‌ను విడుదల చేసింది. 2013 భూ సేకరణ చట్టం సెక్షన్11(1) ప్రకారం మొత్తం 8 నోటిఫికేషన్‌లను ప్రభుత్వం విడుదల చేసింది.

నగరంలో ట్రాఫిక్ కష్టాలను తీర్చేందుకు ప్రభుత్వం (Telangana Govt) అనేక మార్గాలను అన్వేషిస్తోంది. ప్రజలు తమ గమ్యస్థానాలకు చేరే ప్రయాణాన్ని సులభతరం చేసేందుకు పలు చర్యలు తీసుకుంటోంది. అందులో భాగంగానే రద్దీగా ఉండే ప్రాంతాల్లో ఫ్లైఓవర్లు, అండర్ పాస్‌ల నిర్మాణానికి ఇప్పటికే శ్రీకారం చుట్టింది. అలాగే మరింత వేగంగా గమ్యాలను చేరుకునేందుకు ఎలివేటర్ కారిడార్ల నిర్మాణాన్ని తెరపైకి తీసుకువస్తోంది రేవంత్ సర్కార్. దీనికి సంబంధించి భూసేకరణ కోసం పలు నోటిఫికేషన్‌లు జారీ చేసింది. ఇంతకీ ప్రభుత్వం ఏఏ ప్రాంతాల్లో ఎలివేటర్ల నిర్మాణానికి నోటిఫికేషన్ జారీ చేసిందో ఇక్కడ చూద్దాం..

ఎలివేటర్ కారిడార్ నిర్మాణం కోసం తెలంగాణ ప్రభుత్వం కసరత్తు ముమ్మరం చేసింది. ఎలివేటెడ్ కారిడార్ కోసం తాజాగా భూ సేకరణ నోటిఫికేషన్‌ విడుదలైంది. పారడైజ్ జంక్షన్ నుంచి శామీర్‌పేట ఓఆర్ఆర్ వరకు ఎలివేటెడ్ కారిడార్ నిర్మాణానికి భూసేకరణ సర్కార్ నోటిఫికేషన్‌ను విడుదల చేసింది. 2013 భూ సేకరణ చట్టం సెక్షన్11(1) ప్రకారం మొత్తం 8 నోటిఫికేషన్‌లను ప్రభుత్వం విడుదల చేసింది. హైదరాబాద్ జిల్లా తిరుమలగిరి మండలం కాకాగూడ, తోకట్ట గ్రామాల్లో 40, 213.516 చదరపు గజాల భూ సేకరణకు నోటిఫికేషన్ జారీ అయ్యింది.

హైదరాబాద్ జిల్లా తిరుమలగిరి మండలం ఖాకాగూడ, తిరుమలగిరి గ్రామాల్లో ఒక చోట 17,607 చదరపు గజాలు, మరోచోట 20, 241.95 చదరపు గజాల భూ సేకరణకు ప్రిలిమినరీ నోటిఫికేషన్ జారీ అయ్యింది. అలాగే హైదరాబాద్ జిల్లా తిరుమలగిరి గ్రామంలో మూడు ప్రాంతాల్లో భూసేకరణ కోసం మూడు వేరు వేరు నోటిఫికేషన్‌లను అధికారులు రిలీజ్ చేశారు.

హైదరాబాద్ జిల్లా ఒకచోట13,510.10 చదరపు గజాలు, మరోచోట11, 973.40 చదరపు గజాలు, ఇంకో చోట 11,836. 67 చదరపు గజాల భూ సేకరణ కోసం మూడు వేరు వేరు నోటిఫికేషన్‌ను రెవెన్యూ శాఖ విడుదల చేసింది.

హైదరాబాద్ జిల్లా తిరుమలగిరి మండలం తోకట్ట గ్రామంలో 35, 360. 76 చదరపు గజాల భూసేకరణకు నోటిఫికేషన్ విడుదలైంది. హైదరాబాద్ జిల్లా తిరుమలగిరి, మచ్చ బొల్లారం గ్రామాలలో 12, 150.17 చదరపు గజాల భూ సేకరణకు మరో నోటిఫికేషన్ రిలీజ్ చేశారు. అలాగే పారడైజ్ జంక్షన్ నుంచి శామీర్‌పేట ఓఆర్ఆర్ వరకు మొత్తం162,893.61 చదరపు గజాల భూ సేకరణ కోసం ఎనిమిది నోటిఫికేషన్స్‌ను హైదరాబాద్ జిల్లా కలెక్టర్ విడుదల చేశారు. భూ సేకరణపై అభ్యంతరాలు ఉంటే 60 రోజుల వరకు జిల్లా కలెక్టర్ కార్యాలయంలో తెలియజేయవచ్చని నోటిఫికేషన్‌లో అధికారులు స్పష్టం చేశారు.

రామ్ గోపాల్ వర్మకు ఏపీ హైకోర్టులో స్వల్ప ఊరట
చంద్రబాబు, పవన్ కల్యాణ్, నారా లోకేశ్ ఫొటోలను మార్ఫింగ్ చేసిన కేసులకు సంబంధించి సినీ దర్శకుడు రామ్ గోపాల్ వర్మకు ఏపీ హైకోర్టులో స్వల్ప ఊరట లభించింది. 

తనపై నమోదైన కేసులను క్వాష్ చేయాలంటూ ఆయన పెట్టుకున్న పిటిషన్ ను ఈరోజు హైకోర్టు విచారించింది. 

కేసుకు సంబంధించిన పూర్తి వివరాలను అందించాలని పోలీసులను ఆదేశించింది. తదుపరి విచారణ వచ్చే సోమవారానికి (9వ తేదీ) వాయిదా వేసింది. 9వ తేదీ వరకు వర్మపై ఎలాంటి తొందరపాటు చర్యలు తీసుకోవద్దని పోలీసులను ఆదేశించింది. 

మరోవైపు విచారణకు హాజరు కావాలంటూ పోలీసులు ఇచ్చిన నోటీసులకు వర్మ స్పందించలేదు. పోలీసు విచారణకు ఆయన ఇప్పటి వరకు హాజరుకాలేదు.

 ఓవైపు ఆయన కోసం పోలీసులు గాలిస్తున్నారు. మరోవైపు ఆయన మాత్రం మీడియాకు ఇంటర్వ్యూలు ఇస్తూ పోలీసులకు షాకిస్తున్నారు.

రైతుల కళ్ల ముందే తూకంలో భారీ మోసం
అన్నం పెట్టే రైతులను వ్యాపారులు, దళారులు అన్ని విధాలుగా మోసం చేస్తూనే ఉన్నారు. ఇందుకు సంబంధించిన ఎన్నో ఘటనలు బయట పడుతూనే ఉన్నాయి. అయితే ఇన్నాళ్లూ చాటుమాటుగా రైతులను దోచుకున్న వారు, ఇప్పుడు నేరుగా కళ్ల ముందే మోసానికి తెగించారు. చూస్తుండగానే అందినంత లాగేస్తున్నారు. ఓ రైతుకు అనుమానం రావడంతో హనుమకొండ జిల్లాలో ఈ వ్యవహారం బయటపడింది.

రాష్ట్రంలోని చాలా ప్రాంతాల్లో పత్తి రైతులు పలు ఇబ్బందులు ఎదుర్కొంటున్నారు. పత్తి గింజలు నాటడం మొదలు, పత్తి తీత వరకు భారీగా ఖర్చు చేయాల్సి వస్తోంది. పై మందు, అడుగు మందు అంటూ ఎన్నో ఎరువులు, పురుగు మందులు పంటకు అందించాల్సి వస్తోంది. ఆ తర్వాత పంటను మార్కెట్కు తరలించడం మరో ఖర్చుగా మారింది. ఈ ఖర్చులు భరించలేక చాలా మంది పత్తిని దళారులకు గ్రామాల్లోనే విక్రయిస్తున్నారు.

క్వింటా పత్తికి మార్కెట్ ధర కంటే రూ.100 నుంచి రూ.200 ఎక్కువగానే చెల్లిస్తామని దళారులు చెబుతుండటం, చెల్లింపులు కూడా సరిగానే చేస్తుండటంతో రైతులు చాలా మంది వీరికే పంటను అమ్ముతున్నారు. అంతేకాదు పంటను తమ వద్దకు తీసుకురావాల్సిన అవసరం లేదని, తామే రైతుల పొలాలు, ఇళ్ల వద్దకు వచ్చి కొనుగోలు చేస్తామని చెబుతుండటంతో అన్నదాతలు మరింత ఉపశమనంగా భావిస్తున్నారు. కానీ ఇందులో మతలబు ఉందన్న విషయాన్ని మాత్రం చాలామంది గుర్తించలేకపోతున్నారు.

పత్తి బస్తాలను తూకం వేసేందుకు గతంలో కాటాను మాత్రమే వినియోగించే వారు. కానీ ఇప్పుడు చాలా చోట్ల డిజిటల్ యంత్రాలను వినియోగిస్తున్నారు. రైతుల పంట కొనుగోలు చేసేందుకు వస్తున్నప్పుడు దళారులు తమ వెంట ఈ యంత్రాలను తీసుకొస్తున్నారు. రైతుల కళ్ల ముందే పత్తి బస్తాలను యంత్రంపై ఉంచి, బరువు చూస్తున్నారు. బయటికి అంతా సవ్యంగానే సాగుతున్నట్టు అనిపించడంతో సహజంగానే సందేహం వచ్చే అవకాశం తక్కువ. అయితే హనుమకొండ జిల్లా కమలాపూర్ మండలం వంగపల్లి గ్రామానికి చెందిన రైతు కుమార స్వామికి ఎందుకో డౌట్ వచ్చింది.

చాలా కాలంగా పత్తి పండిస్తున్న రైతులకు, పత్తిని బస్తాల్లో నింపిన తర్వాత ఎంత బరువు ఉంటుందనే విషయంలో ఒక అవగాహన ఉంటుంది. వారి అంచనాకు మూడ్నాలుగు కిలోలు మాత్రమే అటూ ఇటుగా బస్తా బరువు తూగుతుంది. ఈ లెక్క ప్రకారం తన పత్తి బస్తాలు 40 నుంచి 45 కిలోల బరువు తూగుతాయని కుమార స్వామి అంచనా వేశాడు. కానీ కాంటాపై పెడితే బరువు 35 కిలోలే చూపించింది. పలు బస్తాల బరువు ఊహించిన దానికన్నా తక్కువ తూగడంతో ఆ రైతుకు అనుమానం వచ్చింది. దీంతో అదే యంత్రంపై ఒక మనిషిని నిలబెట్టాడు. ఆయన బరువు 90 కిలోలు. కానీ ఆ యంత్రం మాత్రం 68 కిలోలు మాత్రమే చూపింది. దీంతో వారి అనుమానం నిజమైంది.

మరి దీన్ని ఎలా నియంత్రిస్తున్నారని పరిశీలించగా, ఒక వ్యక్తి దూరంగా నిలబడి, తన జేబులో ఉన్న రిమోట్తో యంత్రాన్ని ఆపరేట్ చేస్తున్నాడని గుర్తించారు. బరువు తూచే యంత్రంలో ఒక చిప్ పెడుతున్నారు. ఈ చిప్ను 100 మీటర్ల దూరం నుంచి రిమోట్తో ఆపరేట్ చేయొచ్చు. ఆ రిమోట్లోని బటన్ ఒకసారి నొక్కితే 5 కేజీలు, రెండుసార్లు ప్రెస్ చేస్తే 10 కిలోలు తగ్గేలా సెట్ చేస్కున్నారట. మరికొందరు వ్యాపారులైతే ముందుగానే తమ యంత్రాల్లో 5 నుంచి 10 కేజీల బరువు తగ్గించి రైతుల వద్దకు తీసుకొస్తున్నట్టు సమాచారం. తాము పట్టుకున్న మోసగాళ్లను పోలీసులకు అప్పగించినట్టు రైతు కుమార స్వామి తెలిపారు. కాబట్టి రైతన్నలూ అలర్ట్గా ఉండండి. మీ కష్టాన్ని తన్నుకుపోయే గద్దలను ఓ కంట కనిపెట్టండి.