ఇంటింటి దేవతలు ఇంటికే పసుపు కుంకుమ ప్రసాదాలు - దాసరి ప్రవీణ్ కుమార్ నేత_డిసిసి అధికారప్రతినిధి కరీంనగర్ - హుస్నాబాద్ నియోజకవర్గం

 
 
  

  
  

  
సమ్మక్క- సారలమ్మ భక్తులకు మన కాంగ్రెస్ ప్రభుత్వం గొప్ప కానుక
  

  

  భక్తులు ఆన్‌లైన్‌లో బుక్ చేస్కుంటే మీ ఇంటికే ఆర్టీసి కార్గో ద్వార అమ్మవార్ల మేడారం ప్రసాదం
  

  

  
అమ్మవార్ల ప్రసాదంతో పాటు,పసుపు, కుంకుమలు పంపిణీ
  

  

  
దేవాదాయ శాఖతో ఆర్టీసీ బప్పందం
  

  

  21 నుండి 25 వరకు బుకింగ్  

  

  
ఆర్టీసీ కాల్ సెంటర్ నెంబర్లు:
  
040-69440069
  
040-69440000
  
040-23450033
  

  

  
[  Crime journalist ]
  

  
(తెలంగాణ రాష్ట్రం):- రాష్ట్ర రవాణా శాఖ మంత్రి పొన్నం ప్రభాకర్‌ సూచనల మేరకు మేడారం సమ్మక్క సారలమ్మ అమ్మవార్లను దర్శించుకోలేని భక్తులకు ప్రసాదం(బంగారం) అందజేయాలని టీఎస్‌ఆర్టీసీ యాజమాన్యం నిర్ణయించింది. ఈ బుకింగ్‌ సదుపాయం తెలంగాణలో మాత్రమే అందుబాటులో ఉంటుంది. బుక్‌ చేసుకున్న భక్తులకు మేడారం జాతర అనంతరం నేరుగా వారి ఇంటికే ప్రసాదాన్ని సంస్థ అందజేస్తుంది.తెలంగాణ ప్రజలు ఈ అవకాశాన్ని సద్వినియోగం చేసుకోండి.దాసరి ప్రవీణ్ కుమార్ నేత.డిసిసి అధికారప్రతినిధి కరీంనగర్ -హుస్నాబాద్ నియోజకవర్గం.
  

 
 

జాతర కమిటీలో అనర్హుల పేర్లతో లెటర్ ప్యాడ్ - ఆగ్రహం వ్యక్తం చేస్తున్న జాతర కమిటీ డైరెక్టర్లు

 
 
  
  

  
 •-అనర్హుల పేర్లను తొలగించాలంటూ పలువురి డిమాండ్•
  

  

  

  
•రెండుగా చీలిన రెండు గ్రామాల డైరెక్టర్లు •
  

  

  
 •వేర్వేరుగా వనదేవతల జాతర నిర్వహణకు ఏర్పాట్లు•
  

  

  
[  Crime journalist ]
  
జయశంకర్ భూపాలపల్లి జిల్లా మొగుళ్లపల్లి-ముల్కలపల్లి గ్రామాల మధ్యన నిర్వహించే శ్రీ సమ్మక్క-సారలమ్మ జాతర కమిటీలో అనర్హుల పేర్లతో లెటర్ ఫ్యాడ్ ముద్రించడంతో జాతర కమిటీ డైరెక్టర్లు ఆగ్రహం వ్యక్తం చేస్తున్నారు. 1977 సంవత్సరంలో ముల్కలపల్లి గ్రామానికి చెందిన వారు కొంతమంది..మొగుళ్లపల్లి గ్రామానికి చెందిన వారు కొంతమంది వనదేవతలైన శ్రీ సమ్మక్క-సారలమ్మ జాతర నిర్వహణ కోసం డైరెక్టర్లుగా మరియు సభ్యులుగా చేరి..కొంత రుసుంతో సభ్యత్వం పొంది..జాతర కమిటీని ఏర్పాటు చేసుకుని..జాతర ఉత్సవాలను ప్రశాంతమైన వాతావరణంలో నిర్వహించుకునేందుకు తీర్మానం చేసుకున్నామని, అప్పటి నుండి ఒక మారు జాతర కమిటీ చైర్మన్ పదవిని ముల్కలపల్లి గ్రామానికి కేటాయిస్తే..మరోమారు మొగుళ్ళపల్లికి కేటాయించేలా ఒప్పందం చేసుకున్నామని, డైరెక్టర్లు ఎన్నుకున్న వారితో వనదేవతల జాతరను అంగరంగ వైభవంగా నిర్వహించుకునేవారమని డైరెక్టర్లు తెలిపారు. కానీ ఈనెల 21 నుండి ప్రారంభమయ్య శ్రీ సమ్మక్క-సారలమ్మ జాతర కమిటీలో రాజకీయ నాయకులు జోక్యం చేసుకొని చిచ్చు రగల్చారు. అయిన మొగుళ్ళపల్లి-ముల్కలపల్లి గ్రామాల డైరెక్టర్లు జాతర కమిటీని ఏర్పాటు చేసుకున్నప్పటికీ, ఆ కమిటీని కాదని..అనర్హుల పేర్లతో, జాతర ఉత్సవాలకు సంబంధం లేని వారితో లెటర్ ప్యాడ్ ముద్రించడం ఏంటని డైరెక్టర్లు ప్రశ్నిస్తున్నారు. ఈ జాతర కమిటీలో రాజకీయ నాయకుల జోక్యం మరింత ఎక్కువవ్వడంతో జాతర ఉత్సవాలు సజావుగా జరిగేలా లేవని గ్రామాలలో చర్చించుకోవడం గమనార్హం. జాతర కమిటీలో అనరుల పేర్లను ఎలా చేర్చారని, లెటర్ ప్యాడ్ ఎవరు ముద్రించారని, దీనికి బాధ్యులు ఎవరని డైరెక్టర్లు ప్రశ్నిస్తున్నారు. కాగా రెండు గ్రామాల డైరెక్టర్లు ఎవరికి వారుగా చీలి వేర్వేరుగా వనదేవతల జాతర నిర్వహణ ఏర్పాట్లు చేసుకుంటున్నట్లు సమాచారం. రాజకీయ నాయకుల ప్రమేయం రెండు గ్రామాల మధ్య చిచ్చు పెట్టడం కొసమెరుపు. ఇప్పటికైనా రాజకీయం నాయకుల జోక్యం తగదని, రాజకీయ నాయకుల జోక్యంతో గిరిజన దేవతల జాతర సజావుగా జరగకుండా గొడవలు సృష్టించే విధంగా ఉన్నాయని మండల ప్రజలు గుసగుసలాడుకుంటున్నారు .
 

కారణజన్ముడు..తెలంగాణ జాతిపిత కల్వకుంట్ల చంద్రుడి జన్మదిన వేడుకలు

 
 
  

  

  
  
 మండల కేంద్రంలో కేక్ కట్ చేసి..స్వీట్లను పంపిణీ చేస్తున్న బీఆర్ఎస్  

  
జయశంకర్ భూపాలపల్లి జిల్లా:
  

  
[  Crime journalist. ]
  

  
(మొగుళ్ళపల్లి):- మండల కేంద్రంలో బీఆర్ఎస్ మండల అధ్యక్షుడు బల్గూరి తిరుపతిరావు నేతృత్వంలో బీఆర్ఎస్ నాయకులు పెద్ద సంఖ్యలో పాల్గొని కారణజన్ముడిగా..తెలంగాణ జాతిపితగా పేరొందిన మాజీ ముఖ్యమంత్రి కల్వకుంట్ల చంద్రశేఖర్ రావు 70వ జన్మదిన వేడుకలను ఘనంగా నిర్వహించారు. ఈ కార్యక్రమానికి చిట్యాల వ్యవసాయ మార్కెట్ కమిటీ మాజీ చైర్మన్ కొడారి రమేష్ యాదవ్, జడ్పిటిసి జోరుక సదయ్య, సర్పంచుల ఫోరం ప్రస్తుత మాజీ మండల అధ్యక్షుడు చదువు అన్నారెడ్డి, వైస్ ఎంపీపీ పోలినేని రాజేశ్వర్ రావులు ముఖ్య అతిథులుగా పాల్గొని కేక్ కట్ చేసి..స్వీట్లను పంపిణీ చేశారు. అనంతరం వారు మాట్లాడారు. ఆరు దశాబ్దాల తెలంగాణ ప్రజల ఆకాంక్షను నెరవేర్చి..తెలంగాణ రాష్ట్రాన్ని సాధించిన స్పాప్నికుడు..తెలంగాణ తొలి ముఖ్యమంత్రిగా బాధ్యతలను చేపట్టిన అపర భగీరథుడు..ప్రతి ఇంటికి సంక్షేమం అనే నినాదంతో బంగారు తెలంగాణ నిర్మాణమే లక్ష్యంగా పనిచేసిన కల్వకుంట్ల చంద్రుడు సంపూర్ణ ఆయురారోగ్యాలతో..నిండు నూరేళ్లు..సుఖ సంతోషాలతో ఉండాలని..ప్రజల దీవెనలతో మళ్లీ ప్రజాక్షేత్రంలో అడుగు పెట్టాలని ఆ దేవదేవున్ని వేడుకుంటున్నట్లు వారు తెలిపారు. ఈ కార్యక్రమంలో ఎంపీటీసీల ఫోరం మండల అధ్యక్షుడు మంద సుధాకర్, పిడిసిల్ల మాజీ సర్పంచ్ నైనకంటి ప్రభాకర్ రెడ్డి, బీఆర్ఎస్ మొగుళ్ళపల్లి గ్రామ శాఖ అధ్యక్షుడు ఏలేటి నరసింహ రెడ్డి, బీఆర్ఎస్ పార్టీ పెద్ద కొమటీపల్లి గ్రామ అధ్యక్షులు గడ్డం రాజు గౌడ్, బీఆర్ఎస్ నాయకులు కత్తి రాజు గౌడ్, చిట్యాలవ్యవసాయ మార్కెట్ కమిటీ మాజీ డైరెక్టర్ ముడుపు రవీందర్, నాయకులు చెక్క శ్రీధర్, పొతంగల్ జనార్ధన్, లడే శివాజీ, మంగలపల్లి శ్రీనివాస్, దేవునూరి కుమారస్వామి, బోల్లెపల్లి తిరుపతి గౌడ్ తదితరులు పాల్గొన్నారు.
 
 

మొగుళ్ళపల్లి ఎస్ఐ తీగల మాధవ్ గౌడ్ కు ఆత్మీయ సన్మానం

 
 
  
  
•శాలువాతో ఘనంగా సత్కరిస్తున్న కొడారి రమేష్ యాదవ్•
  

  
జయశంకర్ భూపాలపల్లి జిల్లా:
  

  
 [ Crime journalist. ] 
  

  

  
మొగుళ్ళపల్లి పోలీస్ స్టేషన్ ఎస్ హెచ్ ఓ గా ఇటీవలే బాధ్యతలను స్వీకరించిన ఎస్ ఐ తీగల మాధవ్ గౌడ్ ను బీఆర్ఎస్ జిల్లా నాయకులు కొడారి రమేష్ యాదవ్, పోలీస్ స్టేషన్ లోని తన చాంబర్ లో మర్యాదపూర్వకంగా కలిసి శాలువాతో ఘనంగా సత్కరించి శుభాకాంక్షలు తెలిపారు. అనంతరం ఆయన మాట్లాడారు. మండలంలో ఎలాంటి క్రైమ్ రేట్ పెరగకుండా ఉండేందుకు పోలీసులకు మా సహకారం ఎల్లవేళలా ఉంటుందన్నారు. ఈ కార్యక్రమంలో ఆయన వెంట బీ ఆర్ ఎస్ నాయకుడు ముడుపు రవీందర్ తదితరులున్నారు.
 

అయోధ్య రాముని పేరుతో బిజెపి రాజకీయం చేయడం హిందువుగా వ్యతిరేకిస్తున్న - మార్క అనిల్ గౌడ్

 
 
  

  

  దైవాన్ని స్వప్రయోజనాల కోసం వాడుకుంటే భవి‌ష్యత్తులో వినాశం తప్పదు - మార్క అనిల్ గౌడ్  

  

  
•అయోధ్య రాముని పేరుతో బిజెపి రాజకీయం చేయడం హిందువుగా వ్యతిరేకిస్తున్న - మార్క అనిల్ గౌడ్•
  

  
•అయోద్య రామ మందిర నిర్మాణంలో భాగస్వాములైన ప్రతి ఒక్కరికి రుణపడి ఉంటా హిందువుగా గర్విస్తున్నాను•
  

  

  

  

  
•నీతి,నిజాయితీ,ధర్మంతో ఉత్తమమైన పాలనతో జగత్తును పరిపాలించిన ఆ జగదాభిరాముడు అందరివాడు. అలాంటి రాముని పవిత్రమైన చరిత్రకు నేడు అపవిత్రమైన రాజకీయ భూతాన్ని ఆపాదించకండి•
  

  
•మతాన్ని, దైవాన్ని స్వార్థ ప్రయోజనాలకు వాడుకుంటే భవిష్యత్తులో వినాశనం తప్పదు•
  

  
Central NEWS:
  

  

  
[ Crime journalist. ]
  

  

  

  
బిజెపి మతంతో,దైవంతో రాజకీయం చేయకుండా గత పది సంవత్సరాల పాలనలో ప్రజాస్వామ్య పరిరక్షణకు, ప్రభుత్వ పాలనలో ప్రజా ఆమోదయోగ్యమైన సంక్షేమ కార్యక్రమాలు ఏం చేశారు ప్రజలకు వివరించండి. అంతేకానీ సర్వ మతాల నిలయమైన భారత దేశంలో మత రాజకీయాలు చేయకండి. హిందూ ధర్మాన్ని పాటిస్తూ, భగవంతుని స్మరణ చేస్తు అన్య మతస్తులను, వారి సంప్రదాయాలను గౌరవించే హిందువుల మనోభావాలను మతం పేరుతో దెబ్బతీయవద్దు.మార్క అనిల్ గౌడ్ .
  
 
 

సైబర్ నేరగాళ్లు -ఆశ, భయం అనే రెండు అంశాల మీద సైబర్ నేరస్తులు సైబర్ నేరాలు చేస్తున్నారు జాగ్రత్త - పోలీస్ కమిషనర్

 
 
  

  
  

  

  తెలంగాణ: 
  

  

  [ Crime journalist. ] 
  

  
(సిద్దిపేట జిల్లా):- 
  

  
*లోన్ యాప్,, లాటరి, పార్ట్ టైమ్ జాబ్, విదేశీ ప్రయాణం, తక్కువ పెట్టుబడి తో ఎక్కువ లాభం, పాన్ కార్డ్ అప్డేట్స్, ఆధార్ కార్డు లింక్, పేర్లతో సైబర్ మోసాలు, మెసేజ్ రాగానే ఆశపడి మోసపోకండి అప్రమత్తంగా ఉండండి.* *గూగుల్లో సెర్చ్ చేసి ఆన్లైన్ ట్రాన్జక్షన్ చేయకండి, ఆన్లైన్లో యాప్ ల గురించి వెతకకండి, డబ్బులు పంపించి మోసపోకండి* *టోల్ ఫ్రీ నెంబర్ 1930 కు తక్షణమే కాల్ చేయండి* *ఈ సంవత్సరం ఈ రోజు వరకు ₹ 19,40,750/- లక్షల రూపాయలు ఫ్రీజ్ చేయడం జరిగింది. త్వరలో విడతలవారీగా సంబంధిత బాధితుల అకౌంట్లో, బ్యాంకుల ద్వారా జమవుతాయి.* *పోలీస్ కమిషనర్ డాక్టర్ బి. అనురాధ, ఐపీఎస్., అధికారి* సైబర్ నేరగాళ్లు -ఆశ, భయం అనే రెండు అంశాల మీద సైబర్ నేరస్తులు సైబర్ నేరాలు •ఓటిపి మోసాలు• •ఈ మెయిల్స్ ద్వారా వచ్చే ఉద్యోగ ప్రకటన పట్ల జాగ్రత్తగా ఉండండి• •సంస్థల నకిలీ ఈమెయిల్ ఐడి లతో జాగ్రత్తగా ఉండండి• •ఆన్లైన్ షాపింగ్ మోసాలతో జాగ్రత్తగా ఉండండి• •రుణ మోసాల పట్ల జాగ్రత్తగా ఉండండి• •డెబిట్/ క్రెడిట్ కార్డ్ మోసాల పట్ల అప్రమత్తంగా ఉండండి• •లాటరీ మెయిల్స్/ మెసేజ్ ల పట్ల జాగ్రత్తగా ఉండాలి• •మొబైల్స్ ఫోన్ పట్ల అప్రమత్తంగా ఉండాలి• •మీతోనే తప్పు చేయిస్తారు, మీ అకౌంట్ లోని డబ్బులు దోచేస్తారు జాగ్రత్త• •రాజకీయ నేతల హీరోల ఫోటోలతో ఆన్లైన్ ఓటింగ్ పేరుతో మోసం• •పెట్టుబడులు పెడతామంటూ ఫేస్బుక్ ద్వారా ఆకర్షిస్తారు జాగ్రత్త• •ప్రేమ చిత్రాలను సోషల్ మీడియాలో పెడతామంటూ బ్లాక్మెయిల్• •అనధికార లింకులను నొక్కితే మీ ఫోన్ హ్యాకర్ కంట్రోకు వెళుతుంది జాగ్రత్త • •భీమా కంపెనీల పేరుట మోసాలు• •ఈ ఫైలింగ్ & ఇన్కమ్ టాక్స్ రిఫండ్ పేరిట మోసాలు• •విదేశాల నుంచి మాట్లాడుతున్నట్లు సృష్టించి వాట్సప్ వేదికగా సైబర్ మోసాలు• •లక్కీ డ్రాలో ఎంపికైనట్లు ఎర వేసి మోసాలు• •ఈ కామర్స్ ఫ్రాడ్• •ఇంపెర్సొననేషన్- చీటింగ్ ఫ్రాడ్• •ఫేక్ ఆర్డర్స్• •ట్రేడింగ్ ఫ్రాడ్• •సైబర్ స్టాకింగ్ (సెక్టోరేషన్) ఫ్రాడ్• •అడ్వటైజ్మెంట్ పోర్టల్ ఫ్రాడ్• •సెల్ టవర్ ఇన్స్టాలేషన్ ఫ్రాడ్• •చైల్డ్ ప్రోనోగ్రఫీ• •మాట్రిమోనిల్ ఫ్రాడ్• *పై సైబర్ నేరాల పట్ల ప్రజలు అప్రమత్తంగా ఉండాలి సైబర్ నేరం జరగగానే 1930 కాల్ చేసి ఫిర్యాదు నమోదు చేయాలి* *1. మర్కుక్ పోలీస్ స్టేషన్ పరిధిలోని ఒక బాధితుడు* గుర్తుతెలియని సైబర్ నేరగాడు ఫేస్బుక్లో ఫోర్ వీలర్ అమ్మకానికి ఉన్నదని కాంటాక్ట్ నెంబర్ పంపించగా అది నమ్మిన సదరు బాధితుడు వివరాలు అడగగా ఆర్మీ డ్రెస్ లో ఉన్న ఫోటో మరియు ఆర్ సి తదితర వాహనం యొక్క పేపర్లు పంపించగా అది నమ్మిన సదరు బాధితుడు ఫైబర్ నేరగాడు చెప్పిన విధంగా ట్రాన్స్పోర్ట్ చార్జి జీఎస్టీ తదితర ఖర్చులు ఉంటాయని డబ్బులు పంపిస్తే వాహనం డెలివరీ చేస్తానని చెప్పగానే సదరు బాధితుడు సైబర్ నేరగాడు పంపించిన ఫోన్ నెంబర్ కు గూగుల్ పే ఫోన్ పే ద్వారా 97,649/- రూపాయలు పంపించాడు. తదుపరి ఆ ఫోన్ నెంబర్ కు ఫోన్ చేయగా స్విచ్ ఆఫ్ వచ్చింది అనుమానం వచ్చిన సదరు బాధితుడు జాతీయ సైబర్ సెల్ నెంబర్ 1930 ఫోన్ చేసి వివరాలు తెలిపి ఫిర్యాదు చేయడం జరిగింది.
 
 

బదిలీ పై వచ్చిన తహసీల్దారు ను సన్మానించిన బీజేపీ నాయకులు 

 
 
  

  
  
[ Crime journalist ]
  నల్లగొండ జిల్లా: 
  

  

  
(నకిరేకల్ నియోజకవర్గం):- కట్టంగూరు మండల తహాసిల్దార్ గా బదిలీపై వచ్చిన శ్రీ గుగులోతు ప్రసాద్ ను మర్యాదపూర్వకంగా కలిసి శాలువాతో సత్కరించిన భారతీయ జనతా పార్టీ జిల్లా కార్యదర్శి మండల వెంకన్న, భారతీయ జనతా పార్టీ జిల్లా కార్యవర్గ సభ్యులు పసుల సైదులు, భారతీయ జనతా పార్టీ కిసాన్ మోర్చా జిల్లా ఉపాధ్యక్షులు పాదురి.వెంక రెడ్డి.
 

మొగుళ్లపల్లి ఎంపీడీవోకు ఆత్మీయ సన్మానం

 
 
  

  
  
 •-శాలువాతో ఘనంగా సత్కరిస్తున్న ప్రజా ప్రతినిధులు•
  

  

  

  [  Crime journalist ]
  

  

  
జయశంకర్ భూపాలపల్లి జిల్లా: 
  

  

  
(మొగుళ్ళపల్లో ) :- మండలానికి నూతనంగా విచ్చేసి గురువారం బాధ్యతలను స్వీకరించిన ఎంపీడీవో జయశ్రీని శుక్రవారం మండల పరిషత్ కార్యాలయంలో ఎంపీపీ యార సుజాత-సంజీవరెడ్డి, వైస్ ఎంపీపీ పోలినేని రాజేశ్వర్ రావు, ఎంపీటీసీల ఫోరం మండల అధ్యక్షుడు మంద సుధాకర్ లు మర్యాదపూర్వకంగా కలిసి..శాలువాతో ఘనంగా సత్కరించి..శుభాకాంక్షలు తెలిపారు. ఈ సందర్భంగా ఎంపీపీ యార సుజాత-సంజీవరెడ్డి మాట్లాడారు. మండల అభివృద్ధికి తమ వంతు సహకారం అందిస్తామన్నారు.
 

*మొగుళ్ళపల్లి-చిట్యాల ప్రధాన రహదారిలో వెదజల్లుతున్న దుర్గంధం - దుర్వాసనతో తల్లడిల్లుతున్న ప్రజలు*

 
 
  

  
-తట్టుకోలేని స్థితిలో అటువైపుగా వెళ్లే ప్రయాణికులు*
  

  

  

  
[ Crime journalist ]
  

  

  
జయశంకర్ భూపాలపల్లి జిల్లా:
  

  

  
(మొగుళ్ళపల్లి):- మండలంలోని మహాత్మా జ్యోతిరావు పూలే గురుకుల్ మరియు ఇంటర్మీడియట్ కళాశాలతో పాటు ములుగు జిల్లా వెంకటాపూర్ లో కొనసాగించాల్సిన మహాత్మా జ్యోతిరావు పూలే గురుకుల పాఠశాల మరియు ఇంటర్మీడియట్ కళాశాలకు నూతన భవనం నిర్మించకపోవడంతో రెండు పాఠశాలలు, కళాశాలలకు చెందిన సుమారు 1200 మంది విద్యార్థులు మల, మూత్ర విసర్జన చేయడంతో ఆ మహాత్మా జ్యోతిరావు పూలే పాఠశాల, కళాశాలలకు అతి సమీపంలో నివాసం ఉంటున్న ప్రజలకు మరియు మొగుళ్ళపల్లి-చిట్యాల ప్రధాన రహదారిపై ప్రయాణిస్తున్న ప్రయాణికులు, రైతులకు తీవ్రమైన దుర్వాసన వస్తుండడంతో తట్టుకోలేని స్థితిలో ప్రజలు ముక్కు, నోరు మూసుకొని కిలోమీటర్ మేర వెళ్లాల్సి వస్తుంది. ఇప్పటికైనా సంబంధిత అధికారులు స్పందించి దుర్గంధం వెదజల్లకుండా, దుర్వాసన రాకుండా తక్షణమే తగు చర్యలను చేపట్టాలని మండల ప్రజలు, రైతులు, ప్రయాణికులు డిమాండ్ చేస్తున్నారు.
  
  
 

*మొగుళ్ళపల్లి ఎంపీడీవోగా టి జయశ్రీ*

 
 
  
  

  
మర్యాదపూర్వకంగా కలిసిన మండల పరిషత్ కార్యాలయ సిబ్బంది
  

  

  

  
[ Crime journalist ]
  

  
జయశంకర్ భూపాలపల్లి జిల్లా:
  

  

  
(మొగుళ్ళపల్లి):-మొగుళ్ళపల్లి ఎంపీడీవోగా టి జయశ్రీ నూతనంగా బాధ్యతలను స్వీకరించారు. గతంలో ఇక్కడ పనిచేసిన కృష్ణవేణి వరంగల్ జిల్లా గీసుకొండకు బదిలీ కాగా కరీంనగర్ జిల్లా హుజురాబాద్ ఎంపీడీవోగా పనిచేసిన టి జయశ్రీ మొగుళ్ళపల్లికి ఎంపీడీవోగా బదిలీపై వచ్చి బాధ్యతలను స్వీకరించారు. ఈ సందర్భంగా మండల పరిషత్ కార్యాలయ సిబ్బంది ఆమెను మర్యాదపూర్వకంగా కలిసి పుష్పగుచ్చం అందించి శుభాకాంక్షలు తెలిపారు.