ఏపీ అసెంబ్లీలో రెండు కీలక తీర్మానాలు.. కేంద్రానికి పంపుతున్నట్లు ప్రకటించిన సీఎం జగన్‌
ఏపీ అసెంబ్లీలో రెండు కీలక తీర్మానాలు.. కేంద్రానికి పంపుతున్నట్లు ప్రకటించిన సీఎం జగన్‌
అమరావతి: ఆంధ్రప్రదేశ్‌ అసెంబ్లీ బడ్జెట్‌ సమావేశాల్లో భాగంగా.. ఇవాళ రెండు కీలక తీర్మానాలకు అసెంబ్లీ ఆమోదం తెలిపింది..

పాదయాత్రలో ఇచ్చిన హామీ మేరకు ఈ రెండు తీర్మానాలనూ కేంద్రానికి పంపుతున్నట్లు ప్రకటించారు ముఖ్యమంత్రి వైఎస్‌ జగన్‌మోహన్‌రెడ్డి. 

బోయ, వాల్మీకి కులాలను ఎస్టీల్లో చేర్చాలని ఒక తీర్మానం. అలాగే.. దళిత క్రిస్టియన్లను ఎస్సీల జాబితాలో చేర్చాలని మరో తీర్మానం చేసింది ఏపీ అసెంబ్లీ. ఏపీ అసెంబ్లీ ఆమోదించిన రెండు తీర్మానాలను కేంద్రానికి పంపుతున్నామని ప్రకటించారు సీఎం వైఎస్‌ జగన్‌. 



పాదయాత్రలో.. ఎస్టీల్లో చేర్చాలని బోయ, వాల్మీకి కులస్థులు కోరారు. ఎన్నికల్లో ఇచ్చిన హామీ మేరకు బోయ, వాల్మీకి కులస్థుల స్థితిగతుల కోసం ఏకసభ్య కమిషన్‌ ఏర్పాటు చేశాం. రాయలసీమ జిల్లాల్లో ఆ కులాల ఆర్థిక, సామాజిక స్థితిగతులను ఏకసభ్య కమిషన్‌ తెలుసుకుంది. ప్రభుత్వానికి నివేదిక అందించింది. కమిటీ ఇచ్చిన నివేదిక ఆధారంగా తీర్మానం చేశాం అని సీఎం జగన్‌ తెలిపారు. 

ఎస్టీలు నన్ను గుండెల్లో పెట్టుకున్నారు. వారిని నేను కూడా అలాగే గుండెల్లో పెట్టుకుంటా. ఏజెన్సీలో ఉన్న ఎస్టీ కులాలపై దీని ప్రభావం ఉండబోదని, గిట్టని వారే ఓట్ల కోసం దీనిపై దుష్ప్రచారం చేస్తున్నారని తెలిపారాయన. 

అలాగే.. దళిత క్రిస్టియన్లను ఎస్సీల జాబితాలో చేర్చాలని.. ఉమ్మడి ఏపీలో దివంగత మహానేత వైఎస్‌ఆర్‌ హయాంలో తీర్మానం జరిగింది. మళ్లీ ఇప్పుడు మన హయాంలో తీర్మానం చేస్తున్నాం. మతం మారినంత మాత్రాన వారి సామాజిక, ఆర్థిక స్థితిగతులు మారవు.

కుంకుమ పువ్వు కృత్రిమ సాగుకు ప్రోత్సాహం.
కుంకుమ పువ్వు కృత్రిమ సాగుకు ప్రోత్సాహం
రాజ్యసభలో శ్రీ విజయసాయి రెడ్డి ప్రశ్నకు మంత్రి జవాబు
న్యూఢిల్లీ, మార్చి 24: కృత్రిమ వాతావరణంలో కుంకుమ పువ్వు సాగును ప్రోత్సహించే దిశగా వ్యవసాయ మంత్రిత్వ శాఖ ఇప్పటికే చర్యలు తీసుకుందని ఆ శాఖ మంత్రి శ్రీ నరేంద్ర సింగ్‌ తోమర్‌ తెలిపారు. అన్నమయ్య జిల్లాలోని మదనపల్లెలో ఒక యువ వ్యవసాయ పట్టభద్రురాలు ప్రయోగాత్మకంగా కుంకుమ పువ్వును సాగు మొదలెట్టి తొలి ప్రయత్నంలోనే స్వచ్ఛమైన 200 గ్రాముల ఫస్ట్‌ గ్రేడ్‌ దిగుబడి సాధించిన విషయం మీ మంత్రిత్వ శాఖ దృష్టికి వచ్చిందా అని రాజ్యసభలో శుక్రవారం వైఎస్సార్సీపీ సభ్యులు శ్రీ వి.విజయసాయి రెడ్డి ప్రశ్నించారు. దీనికి మంత్రి జవాబిస్తూ రాష్ట్ర ప్రభుత్వం అందించిన సమాచారం ప్రకారం వ్యవసాయంలో పోస్టు గ్రాడ్యుయేషన్‌ చేసిన విద్యార్ధిని ఒకరు అన్నమయ్య జిల్లా మదనపల్లిలో తన ఇంట్లోనే హ్యుమిడిఫైర్స్‌ సాయంతో సెమి హైడ్రోపోనిక్స్‌ పరిస్థితులు సృష్టించి కుంకుమ పువ్వును సాగు చేస్తున్నట్లు తెలిసిందని చెప్పారు.
జమ్మూ, కాశ్మీర్‌లోని పంపోర్‌, పుల్వామా, బుడ్గాం, శ్రీనగర్‌ ప్రాంతాల్లో కుంకుమ పువ్వు సాగుకు అనువైన వాతావరణ పరిస్థితులు ఉన్నందున అక్కడ వాణిజ్య స్థాయిలో ఈ పంట సాగు చేస్తున్నట్లు మంత్రి చెప్పారు. సమశీతోష్ణ వాతావరణం, నీరు నిల్వని వదులైన భూమి కుంకుమ పువ్వు సాగుకు అనువైన పరిస్థితులు కల్పిస్తాయి. భూమిలో పీహెచ్‌ విలువ 6.3 నుంచి 8.3 వరకు ఉండాలి. వాతావరణం ఎండా కాలంలో 23 నుంచి 27 డిగ్రీల సెంటీగ్రేడ్‌ మధ్య శీతాకాలం అయింతే మైనస్‌ 15 డిగ్రీల నుంచి మైనస్‌ 20 డిగ్రీల సెంటీగ్రేడ్‌కు తగ్గకుండా ఉంటే మంచి నాణ్యమైన కుంకుమ పువ్వు దిగుబడి సాధించవచ్చని మంత్రి తెలిపారు. కృత్రిమ వాతావరణంలో నిరూపితమైన టెక్నాలజీని వినియోగించి కుంకుమ పువ్వుతో సహా ఎలాంటి పంటలు సాగు చేయడానికైనా ఉద్యానవన పంటల సమగ్ర అభివృద్ధి మిషన్‌ (ఎంఐడీహెచ్‌) ద్వారా వ్యవసాయ మంత్రిత్వ శాఖ మద్దతు ఇస్తుందని మంత్రి తెలిపారు. ఈ విధంగా చేపట్టే కృత్రిమ పంటల సాగుకు అవసరమయ్యే పాలిహౌస్‌, కృత్రిమ వాతావరణ కల్పన కోసం చేపట్టే నిర్మాణాల ఖర్చులో 50 శాతం వ్యవసాయ మంత్రిత్వ శాఖ భరిస్తుందని ఆయన తెలిపారు. ప్లాంటేషన్‌ కోసం మౌలిక వసతుల అభివృద్ధిలో భాగమైన ఫాన్‌, పాడ్‌ సిస్టమ్‌, సహజమైన వెంటిలేషన్‌ కోసం నిర్మించే ట్యూబ్యులర్‌ స్ట్రక్చర్‌, వుడెన్‌ స్ట్రక్చర్‌, బాంబూ స్ట్రక్చర్‌ వంటి వాటి నిర్మాణంలో 50 శాతం ఖర్చును ప్రభుత్వం భరిస్తుందని మంత్రి పేర్కొన్నారు.
ఆహార భద్రత మిషన్‌లో చిరుధాన్యాలకు ప్రోత్సాహం
న్యూఢిల్లీ, మార్చి 24: చిరుధాన్యాల ఉత్పత్తిని ప్రోత్సహించే లక్ష్యంగా చేసుకుని వాటిని ప్రజా పంపిణీ వ్యవస్థలో చేర్చేందుకు కేంద్ర ప్రభుత్వం జాతీయ ఆహార భద్రత మిషన్ కింద సబ్-మిషన్ ఏర్పాటు చేసిందని ఆహార, ప్రజాపంపిణీ శాఖ సహాయ మంత్రి సాధ్వి నిరంజన్ జ్యోతి వెల్లడించారు. రాజ్యసభలో గురువారం శ్రీ విజయసాయి రెడ్డి అడిగిన ప్రశ్నకు మంత్రి రాతపూర్వకంగా జవాబిస్తూ ఈ విషయం తెలిపారు. గడిచిన అయిదేళ్ళలో దేశంలో 814.17 లక్షల మెట్రిక్ టన్నుల చిరుధాన్యాలు ఉత్పత్తి జరిగినట్లు ఆమె తెలిపారు. 2017-18లో 164.36 లక్షల మెట్రిక్ టన్నులు, 2018-19లో 137.17 ఎల్ఎంటీ, 2019-20లో172.6, ఎల్.ఎం.టీ, 2020-21లో 180.2ఎల్ఎంటీ, 2021-22 లో 159.9 ఎల్ఎంటీ చిరుధాన్యాలు ఉత్పత్తి జరిగినట్లు తెలిపారు. వ్యవసాయ రైతు సంక్షేమ శాఖ ఆహార ధాన్యాల ఉత్పత్తి అంచనా ప్రకారం 2022-23లో దేశంలో 159.09 లక్షల మెట్రిక్ టన్నులు చిరుధాన్యాలతో సహా మొత్తం 3235.54 లక్షల మెట్రిక్ టన్నులు వివిధ రకాల ఆహార ధాన్యాలు ఉత్పత్తి జరగనున్నట్లు అంచనా వేశారు. అయితే 2022-23లో అంచనా వేసిన మొత్తం ఆహార ధాన్యాల ఉత్పత్తిలో చిరు ధాన్యాల ఉత్పత్తి కేవలం 4.92% మాత్రమే.  
టార్గెటెడ్ పబ్లిక్ డిస్ట్రిబ్యూషన్ సిస్టం, ఇంటిగ్రేటెడ్ చైల్డ్ డెవలప్మెంట్ సర్వీసెస్, ప్రధానమంత్రి పోషణ్‌ శక్తి నిర్మాణ్ (మిడ్ డే మీల్) తదితర పథకాల కింద లబ్ధిదారులకు పంపిణీ చేసేందుకు రాష్ట్ర ప్రభుత్వాలు 2021-22 ఖరీఫ్ మార్కెటింగ్ సీజన్లో 6.07లక్షల మెట్రిక్ టన్నులు చిరుధాన్యాలు కొనుగోలు చేసినట్లు తెలిపారు. జాతీయ ఆహార భద్రతా యాక్ట్-2013 ప్రకారం ధాన్యం, గోధుమలు, ముతక ధాన్యం, నాణ్యత కల్గిన ఇతర రకాలను కేంద్ర ప్రభుత్వం ఆహార ధాన్యాలుగా గుర్తిస్తోందని అన్నారు. చిరుధాన్యాలకు చట్టంలో ప్రత్యేక నియమం ఏదీ లేదని మంత్రి తెలిపారు. అయితే ఆహార భద్రత చట్టం కింద లబ్ధి పొందుతున్న వారిలో పోషక విలువలు మెరుగుపరిచేందుకు రాష్ట్ర ప్రభుత్వాలు, కేంద్రపాలిత ప్రాంతాలు ఆయా ప్రాంతాల్లో స్థానికంగా వినియోగిస్తున్న చిరుధాన్యాల ప్రాధాన్యతనుబట్టి చిరుధాన్యాలు కొనుగోలు చేయాలని కోరినట్లు తెలిపారు. ఇప్పటికే చిరుధాన్యాలు టార్గెటెడ్ ప్రజాపంపిణీ వ్యవస్థలో భాగమైనట్లు మంత్రి తెలిపారు. రాష్ట్ర ప్రభుత్వాలు, కేంద్రపాలిత ప్రాంతాలు డిసెంట్రలైజ్డ్ ప్రొక్యూర్మెంట్ పద్ధతిలో ముతక ధాన్యం కొనుగోలు, నిల్వ, పంపిణీ చేస్తున్నాయని మంత్రి తెలిపారు.

ఉద్యోగుల హెల్తు స్కీం, పీఆర్సీ అంశాలపై ఉద్యోగ సంఘాల ప్రతినిధులతో సిఎస్ అధ్యక్షతన సమావేశం.
ఉద్యోగుల హెల్తు స్కీం, పీఆర్సీ అంశాలపై ఉద్యోగ సంఘాల ప్రతినిధులతో సిఎస్ అధ్యక్షతన సమావేశం.

అమరావతి,24 మార్చి: రాష్ట్ర ప్రభుత్వ ఉద్యోగులకు సంబంధించి హెల్తు స్కీం, పీఆర్సీ అంశాలపై శుక్రవారం అమరావతి సచివాలయంలో ఉద్యోగ సంఘాల ప్రతి నిధులతో ప్రభుత్వ ప్రధాన కార్యదర్శి డా.కెఎస్.జవహర్ రెడ్డి అధ్యక్షతన సమావేశం.

 ఈసమావేశంలో ఉద్యోగులకు సంబంధించిన హెల్తు స్కీం, పీఆర్సీ అంశాలపై సమీక్షిస్తున్నారు.
ఈసమావేశంలో ప్రభుత్వ ప్రధాన కార్యదర్శి డా.కెఎస్. జవహర్ రెడ్డి,వైద్య ఆరోగ్యశాఖ ముఖ్య కార్యదర్శి యం.టి. కృష్ణబాబు,ఆర్థిక శాఖ ముఖ్య కార్యదర్శి(హెచ్ ఆర్) చిరంజీవి చౌదరి,ఆర్థిక శాఖ కార్యదర్శి కె.సత్యనారాయణ,సర్వీసెస్ శాఖ కార్యదర్శి పి.భాస్కర్, ఆరోగ్య శ్రీ సిఇఒ హరీంద్రనాధ్ తదితరులు పాల్గొన్నారు.
ఈసమావేశంలో ఉద్యోగ సంఘాల తరపున ఎపి ఎన్జీవో సంఘం అధ్యక్షులు బండి శ్రీనివాసరావు,ఎపి జెఎసి అమరావతి అధ్యక్షులు బొప్పరాజు వెంకటేశ్వర్లు,ఎపి సచివాలయ ఉద్యోగుల సంఘం అధ్యక్షులు కె.వెంకట్రామి రెడ్డి,ఎపి ప్రభుత్వ ఉద్యోగుల సంఘం అధ్యక్షులు కె.సూర్యనారాయణ,ఆయా సంఘాల జనరల్ సెక్రటరీలు తదితరులు పాల్గొన్నారు.
(కమీషనర్ సమాచార పౌర సంబంధాల శాఖ ఆంధ్రప్రదేశ్ రాష్ట్ర సచివాలయం వారిచే జారీ చేయడమైనది)

మహిళలను ఆదుకునేందుకు ప్రభుత్వం కృషి.పేదింటి ఆడబిడ్డలకు కొండంత భరోసా.
మహిళలను ఆదుకునేందుకు ప్రభుత్వం కృషి

పేదింటి ఆడబిడ్డలకు కొండంత భరోసా 

 కల్యాణ లక్ష్మీ, షాదీ ముబారక్ పథకాలు పేద ప్రజలకు ఆసరా.నకిరేకల్ ఎమ్మెల్యే చిరుమర్తి లింగయ్య.
Streetbuzz news. నల్గొండ జిల్లా :

మహిళలను ఆదుకునేందుకు ప్రభుత్వం కృషి చేస్తుంది అని నకిరేకల్ శాసనసభ్యులు చిరుమర్తి లింగయ్య. అన్నారు.శుక్రవారం రామన్న పేట ఎంపీడీఓ కార్యాలయంలో రామన్న పేట మండలానికి చెందిన 45 మందికి రూ.45 లక్షల కళ్యాణ లక్ష్మీ చెక్కులను,ఎమ్మెల్యే చిరుమర్తి లింగయ్య లబ్ధిదారులకు పంపిణీ చేశారు.ఈ సందర్భంగా ఎమ్మెల్యే మాట్లాడుతూ...కళ్యాణ లక్ష్మీ సద్వినియోగం చేసుకోవాలని ఆయన కోరారు.కళ్యాణ లక్ష్మీ పేదలకు వరం అని ఆయన అన్నారు.రాష్ట్ర ముఖ్యమంత్రి కె. చంద్రశేఖర్ రావు సంక్షేమ పథకాల పితామహుడని ఆయన కొనియాడారు.ప్రభుత్వం ప్రతిష్టాత్మకంగా ప్రవేశపెట్టిన కల్యాణ లక్ష్మీ, షాదీ ముబారక్ పథకాలు పేదింటి ఆడబిడ్డలకు కొండంత భరోసా ఇస్తున్నాయని అన్నారు. రాష్ట్రాన్ని అన్ని రంగాల్లో అభివృద్ధి చేయడమే సీఎం కేసీఆర్ ముఖ్య లక్ష్యమని అన్నారు. .పేదల సంక్షేమం కోసం తెలంగాణ రాష్ట్ర ప్రభుత్వం అనేక ప్రజా సంక్షేమ కార్యక్రమాలను అమలు చేస్తున్నదని...దీనిలో భాగంగా ప్రతిష్టాత్మకంగా అమలు చేస్తున్న కల్యాణ లక్ష్మీ, షాదీ ముబారక్ పథకాలు పేద ప్రజలకు ఎంతో ఆసరాగా నిలుస్తున్నాయని తెలిపారు. అనంతరం.సీఎం సహాయ నిధి చెక్కుల పంపిణి*
రామన్న పేట మండలంలోని వివిధ గ్రామాలకు చెందిన 25 మంది లబ్ధిదారులకు రూ. 12 లక్షల విలువ గల సీఎం సహాయ నిధి చెక్కులను ఎమ్మెల్యే చిరుమర్తి లింగయ్య లబ్ధిదారులకు అందజేశారు.

గ్రామాల అభివృద్ధిలో సర్పంచులే కీలకం.నకిరేకల్ ఎమ్మెల్యే చిరుమర్తి లింగయ్య
గ్రామాల అభివృద్ధిలో సర్పంచులే కీలకం.నకిరేకల్ ఎమ్మెల్యే చిరుమర్తి లింగయ్య   


Streetbuz news.నల్గొండ జిల్లా :

గ్రామాల సర్వతోముకాభివృద్దికి సర్పంచుల పాత్ర కీలకమని నకిరేకల్ ఎమ్మెల్యే చిరుమర్తి లింగయ్య అన్నారు.కట్టంగూర్ ఎంపీడీఓ కార్యాలయంలో శుక్రవారం నిర్వహించిన సమావేశంలో కట్టంగూర్ మండల స్థాయిలో వివిధ కేటగిరీల కింద ఎంపికైనా గ్రామా పంచాయతీల సర్పంచులకు జాతీయ పంచాయతీ అవార్డులు ప్రధానం చేసి ఘనంగా సన్మానించి.అనంతరం సీఎం సహాయ నిధి చెక్కుల పంపిణి
కట్టంగూర్ మండలంలోని వివిధ గ్రామాలకు చెందిన 12 మంది లబ్ధిదారులకు రూ. 5 లక్షల విలువ గల సీఎం సహాయ నిధి చెక్కులను ఎమ్మెల్యే చిరుమర్తి లింగయ్య లబ్ధిదారులకు అందజేశారు.ఈ కార్యక్రమంలో. కట్టంగూర్ జడ్పీటీసీ తరాల బలరాం, నకిరేకల్ వ్యవసాయ మార్కెట్ కమిటీ చైర్మన్ ప్రవీణ్ రెడ్డి,నకిరేకల్ వ్యవసాయ మార్కెట్ కమిటీ వైస్ చైర్మన్ పోగుల నరసింహ గౌడ్,మండల పార్టీ అధ్యక్షులు ఊట్కూరి ఏడుకొండలు, ఎంపీటీసీలు,వివిధ గ్రామాల సర్పంచులు,వార్డ్ నెంబర్లు,ఎంపీడీఓ సునీత,తదితరులు పాల్గొన్నారు.

15 రోజులు బ్యాంకులు బంద్.
15 రోజులు బ్యాంకులు బంద్ 
మార్చి 31వ తేదీతో ఈ ఆర్థిక సంవత్సరం ముగియనుంది. ఏప్రిల్ 1 కొత్త ఆర్థిక సంవత్సరంలో అనేక మార్పులు జరగనున్నాయి, ఈసారి ఏప్రిల్ నెల మొత్తం 15 రోజులపాటు బ్యాంకు సేవలు నిలిచిపోనున్నాయి, ఏప్రిల్ 1,2,4,5,7,8,9,14,15,16,18,21,22,23,30, తేదీలలో బ్యాంకు సెలవులు ఉండ ఉన్నాయి, బ్యాంకు కస్టమర్లు. మీకు బ్యాంకు పనులు ఉంటే సెలవులకు తగ్గట్టుగా ముందే ప్లాన్ చేసుకోండి..

తిరుపతి : నేడు శ్రీవారి అంగప్రదక్షణ టోకెన్ల విడుదల
తిరుపతి : నేడు శ్రీవారి అంగప్రదక్షణ టోకెన్ల విడుదల
తిరుపతి : నేటి ఉదయం 10 గంటలకు శ్రీవారి అంగప్రదక్షిణ టోకెన్లను తిరుమల తిరుపతి దేవస్థానం విడుదల చేయనుంది. దివ్యాంగులు, వృద్ధులకు ఉచిత ప్రత్యేక దర్శన టోకెన్లు విడుదల కానున్నాయి..

మధ్యాహ్నం 3 గంటలకు ఆన్‌లైన్‌లో టీటీడీ టోకెన్లను విడుదల చేయనుంది. గురువారం స్వామివారిని 58,965 మంది భక్తులు దర్శించుకుని మొక్కులు చెల్లించుకున్నారు. శ్రీవారి హుండీ ఆదాయం రూ.2.5 కోట్లు వచ్చినట్టు తిరుమల తిరుపతి దేవస్థానం వెల్లడించింది. నిన్న స్వామివారికి 25,113 మంది తలనీలాలు సమర్పించారు..

ఏపీ :వైసీపీకి దిమ్మతిరిగే షాక్.టీడీపీ 23 ఓట్లతో పంచుమర్తి అనురాధ గెలుపు*     *కొనసాగుతున్న ఎమ్మెల్యే కోటా ఎమ్మెల్సీ ఎన్నికల కౌంటింగ్* 
ఏపీ :వైసీపీకి దిమ్మతిరిగే షాక్.టీడీపీ 23 ఓట్లతో పంచుమర్తి అనురాధ గెలుపు

 కొనసాగుతున్న ఎమ్మెల్యే కోటా ఎమ్మెల్సీ ఎన్నికల కౌంటింగ్ 

 175కు 175 ఓట్లు చెల్లినట్లుగా రిటర్నింగ్ అధికారి ప్రకటన 

 ప్రారంభమైన కౌంటింగ్.. వైసీపీలో మొదలైన టెన్షన్..* 

ఏపీ ఎమ్మెల్యే కోటా ఎమ్మెల్సీ ఎన్నికల కౌంటింగ్ ప్రారంభమైంది. గంటలోపే ఫలితాలను వెల్లడిస్తారు. ఎన్నికల్లో వందశాతం ఓటింగ్ నమోదయింది. ఒక్కో అభ్యర్థి విజయానికి 22 ఓట్లు కావాలి. మొదటి ప్రాధాన్యత ఓట్లు ముందుగా లెక్కిస్తున్నారు. అవసరమైతే రెండో ప్రాధాన్యత ఓట్లను లెక్కిస్తారు. అయితే వైసీపీకి క్రాస్ ఓటింగ్ టెన్షన్ మొదలైంది. ఏడు స్థానాల్లోనూ గెలుస్తామని వైసీపీ నేతలు ధీమాగా ఉన్నారు. మరోవైపు తిరుగుబాటు అభ్యర్థుల ఓట్లు కీలకం కానున్నాయి. అభ్యర్థి గెలవాలంటే 22 మంది ఎమ్మెల్యేలు ఓటేయాలి. వైసీపీ సొంత బలం 151 మాత్రమే. టీడీపీ నుంచి గెలిచిన నలుగురు ఎమ్మెల్యేలు వైసీపీకి మద్దతిస్తుండడంతో దాని బలం 155కు చేరింది. అయితే వైసీపీకి చెందిన నెల్లూరు రూరల్‌ ఎమ్మెల్యే కోటంరెడ్డి శ్రీధర్‌రెడ్డి, వెంకటగిరి ఎమ్మెల్యే ఆనం రామనారాయణరెడ్డి అధిష్టానంపై తీవ్ర అసంతృప్తితో ఉన్నారు. వారిని వైసీపీ ఇప్పటికే నియోజకవర్గ ఇన్‌చార్జులుగా తొలగించి వేరేవారిని నియమించింది. ముఖ్యంగా కోటంరెడ్డిని కొద్దిరోజుల కింద నిండు సభలో మంత్రులు, వైసీపీ ఎమ్మెల్యేలు నానా బూతులు తిట్టారు. సమావేశాలు ముగిసేవరకు సస్పెన్షన్‌ వేటు కూడా వేశారు. వీరిద్దరూ అంతరాత్మ ప్రబోధానుసారం ఎమ్మెల్సీ ఎన్నికల్లో ఓటేస్తామని ఇప్పటికే ప్రకటించారు. అదే జరిగితే వైసీపీ బలం 153కి పడిపోతుంది. టీడీపీ అభ్యర్థికి అధికారికంగా 19 ఓట్లు ఉన్నాయి. ఆనం, కోటంరెడ్డి ఓటేస్తే టీడీపీ బలం 21కి పెరుగుతుంది. అప్పుడు వైసీపీ, టీడీపీ అభ్యర్థులకు సమాన ఓట్లు లభిస్తాయి. అప్పుడు రెండో ప్రాధాన్య ఓట్లను లెక్కించాల్సి ఉంటుంది. వైసీపీకే ఎక్కువ ప్రాధాన్య ఓట్లు ఉంటాయి కాబట్టి ఆ పార్టీ అభ్యర్థి గెలవడం తేలికే. కానీ గెలుపు చావుతప్పి కన్ను లొట్టపోయినట్లుగా దక్కుతుంది.. కేపి

మోదీపాలన కూట్రపూరితం  కక్ష సాధింపుల ప్రభుత్వాలకు స్వస్తి పలుకుదాం.రాహుల్ గాంధీపై అక్రమంగా కేసులు పెడితే ఊరుకోబోం.కొండేటి 
మోదీపాలన కూట్రపూరితం  కక్ష సాధింపుల ప్రభుత్వాలకు స్వస్తి పలుకుదాం.రాహుల్ గాంధీపై అక్రమంగా కేసులు పెడితే ఊరుకోబోం.టీపీసీసీ ప్రధాన కార్యదర్శి కొండేటి మల్లయ్య ఫైర్.
Streerbuzz news :నల్గొండ జిల్లా :

నకిరేకల్: కేంద్ర రాష్ట్రాల్లో కక్ష సాధింపుల పాలన కొనసాగుతోందని, ప్రశ్నించే వారిపై కేసులు పెడుతూ ప్రజాస్వామ్యాన్ని అపహాస్యం చేస్తున్నారని టీపీసీసీ ప్రధాన కార్యదర్శి, నకిరేకల్ అసెంబ్లీ నియోజకవర్గ ఇన్చార్జి కొండేటి మల్లయ్య ఫైర్ అయ్యారు. సూరత్ కోర్టు రాహుల్ గాంధీపై ఇచ్చిన తీర్పుపై హైదరాబాద్ లోని గాంధీ భవన్ లో గురువారం నిరసన వ్యక్తం చేశారు. దేశానికి కాబోయే ప్రధానమంత్రి రాహుల్ గాంధీపై కావాలనే బీజేపీ ప్రభుత్వం తీర్పులు ఇప్పిస్తోందని, తమకు న్యాయవ్యవస్థపై నమ్మకముందని అన్నారు. మోదీ పాలనలో ప్రజాస్వామ్యం కూనీ చేయబడుతోందని, అరాచకపాలన సాగుతోందని దుయ్యబట్టారు. కేంద్ర, రాష్ట్ర ప్రభుత్వాలు అనుసరిస్తున్న తీరుకు త్వరలోనే చెక్ పెట్టే రోజు వస్తుందని అన్నారు. రాహుల్ గాంధీకి దేశమంతా అండగా ఉంటుందని, ఇప్పటికే ప్రజల్లో బీజేపీ, బీఆర్ఎస్ ప్రభుత్వాలు ప్రజల్లో అపహాస్యం అవుతుననాయని వ్యాఖ్యానించారు. వచ్చే ఎన్నికల్లో ప్రస్తుతం కేంద్ర, రాష్ట్రాల్లో అధికారంలో ఉన్న ప్రతి నేతపై ప్రజలు కోపంతో ఉన్నారని, వారిమ కుట్రపూరితమైన పాలనకు స్వస్తి పలికే రోజు త్వరలోనే ఉందని అన్నారు. వచ్చే ఎన్నికల్లో రాహుల్ గాంధీ ప్రధానమంత్రి, రాష్ట్రంలో రేవంత్ రెడ్డి సీఎంలు కావడం ఖాయమని ఆశాభావం వ్యక్తం చేశారు. ఇకనైనా మోదీ పాలనలో బంధీ అయిన ప్రజాస్వామ్యాన్ని కాపడటానికి ప్రతి ఒక్కరూ కృషి చేయాలని కొండేటి మల్లయ్య పిలుపునిచ్చారు.

హైదరాబాద్‌: తెలంగాణ(తెలంగాణ ) లో రానున్న ఐదు రోజులపాటు వర్షాలు కురిసే అవకాశముందని హైదరాబాద్‌ వాతావరణ కేంద్రం (Meteorological Centre) వెల్లడించిం
తెలంగాణలో ఐదు రోజుల పాటు వర్షాలు..
హైదరాబాద్‌: తెలంగాణ(తెలంగాణ ) లో రానున్న ఐదు రోజులపాటు వర్షాలు కురిసే అవకాశముందని హైదరాబాద్‌ వాతావరణ కేంద్రం (Meteorological Centre) వెల్లడించింది..

ఉత్తర-దక్షిణ ద్రోణి ప్రభావంతో ఇవాళ, రేపు ఉరుములతో కూడిన తేలికపాటి నుంచి మోస్తరు వర్షాలు, 25, 26, 27 తేదీల్లో ఉరుములు, మెరుపులతో కూడిన వడగండ్ల వర్షం కురిసే అవకాశం ఉన్నట్లు తెలిపింది. ఉత్తర, ఈశాన్య తెలంగాణ జిల్లాల్లో ఎక్కువగా వర్షం కురిసే అవకాశమున్నట్లు పేర్కొంది. గంటకు 30 నుంచి 40 కిలోమీటర్ల వేగంతో గాలులు వీచే అవకాశం ఉంది. మరోవైపు పగటిపూట అధిక ఉష్ణోగ్రతలు నమోదై.. సాయంత్రం సమయంలో వర్షాలు కురిసే అవకాశమున్నట్లు వాతావరణ కేంద్రం అధికారులు తెలిపారు. ప్రస్తుతం సాధారణం కంటే 1 డిగ్రీ మేర ఎక్కువ ఉష్ణోగ్రతలు నమోదవుతున్నట్లు వెల్లడించారు..