‘‘మేడమ్ క్యూట్‌గా ఉన్నావ్’’.. మహిళా పోలీస్‌ని వేధించిన ఆకతాయి
పోలీసులతో పెట్టుకుంటే.. పరిణామాలు ఎంత తీవ్రంగా ఉంటాయో ప్రత్యేకంగా చెప్పుకోవాల్సిన అవసరం లేదు. వారి పట్ల సఖ్యతగా ఉంటే పర్లేదు కానీ, కొంచెం తేడాగా ప్రవర్తిస్తే మాత్రం.. ఇక దబిడిదిబిడే! ఈ భయంతోనే.. ఎవ్వరూ వారి జోలికి వెళ్లరు. కానీ.. ఓ ఆకతాయి మాత్రం అందుకు భిన్నంగా ఓ మహిళా పోలీస్‌ని వేధించాడు. ‘‘మేడమ్.. నువ్వు చాలా క్యూట్‌గా ఉన్నావ్’’ అంటూ టీజ్ చేశాడు. అంతటితో ఆగకుండా నోటికొచ్చినట్టు వాగాడు. అయితే.. అతడు నేరుగా వేధించలేదు. ఒక ట్రెయిన్‌లో ప్రయాణిస్తూ.. రైల్వే ప్లాట్‌ఫామ్‌పై ఉన్న ఓ మమిళా పోలీస్ వీడియో తీస్తూ, ఇలా వేధింపులకు పాల్పడ్డాడు.
 ఈ వ్యవహారం వివాదాస్పదం అవ్వడంతో.. ఆ ఆకతాయిపై చర్యలు తీసుకునేందుకు అధికారులు రంగంలోకి దిగారు. ముంబైలో చోటు చేసుకున్న ఈ ఘటన వివరాల్లోకి వెళ్తే..

  


ఆ ఆకతాయి ముంబై లోకల్ ట్రైన్‌లో, ఫుట్‌బోర్డు వద్ద నిల్చొని ప్రయాణిస్తున్నాడు. ఆ ట్రైన్ సరిగ్గా బాంద్రా స్టేషన్‌కి చేరుకున్నప్పుడు.. అతగాడు తన మొబైల్ ఫోన్ బయటకు తీసి, ప్లాట్‌ఫామ్‌లో నిల్చున్న ఇద్దరు మహిళా పోలీసుల వీడియో తీశాడు. ఆ వీడియో రికార్డ్ చేస్తూ.. ‘మేడమ్, నువ్వు చాలా క్యూట్‌గా ఉన్నావ్’ అంటూ చెప్పాడు. ఆమెతో కంపెనీ మస్తుగా ఉంటుందంటూ.. అసభ్యకరమైన వ్యాఖ్యలు చేస్తూ వాగాడు. ఈ వీడియో అతడు సోషల్ మీడియాలో పోస్ట్ చేయగా, అది వెంటనే వైరల్ అయ్యింది. అందులో మహిళా పోలీస్‌ని టీజ్ చేయడంతో, ఈ వ్యవహారం సంచలనంగా మారింది. దీంతో.. ఈ వీడియోపై ముంబైకి చెందిన ఎన్‌జీఓ జీవధార సంఘ్ సీరియస్ అయింది. ఈ వీడియోని ట్విటర్‌లో షేర్ చేసి.. మహారాష్ట్ర సీఎం కార్యాలయం, ముంబై పోలీసులను ట్యాగ్ చేసింది.
‘‘ముంబై పోలీసులు 365 రోజుల పాటు 24 గంటలూ ప్రజలకు సేవ అందిస్తుంటారు. అలాంటి మహిళా పోలీసుల పట్ల ఓ వ్యక్తి ‘మస్తాన్ కంపెనీ’ పేరుతో వీడియో పోస్ట్ చేసి, వారిని అవమానిస్తున్నారు. ఇలాంటి వారిని ఊరికే వదిలిపెట్టకూడదు. వీరికి తగిన బుద్ధి చెప్పాలి’’ అంటూ ట్వీట్ చేసింది. దీంతో.. ఆ ఆకతాయిపై చర్యలు తీసుకునేందుకు అధికారులు రంగంలోకి దిగారు. అనుచిత వ్యాఖ్యలు చేసిన ఆ ఆకతాయి.. మద్యం మత్తులో ఉన్నట్టు తెలుస్తోంది. ప్రస్తుతం తాము ఆ వీడియో కంటెంట్‌ని తనిఖీ చేస్తున్నామని, అనుమానుతుడ్ని ట్రాక్ చేస్తున్నామని అని బాంద్రా GRP అధికారి తెలిపారు.

मुंबई पुलिस हमारी सेवा में साल के 365 दिन 24 घंटे रहती है ऐसे में महिला पुलिस के साथ मस्तान कंपनी नाम से सोशल मीडिया पर वीडियो डालकर कुछ लोग बदतिमीजी कर रहे है महिला का अपमान करने वाले और छेड़छाड़ करने वालो को सबक सिखाना चाहिए। pic.twitter.com/YsxRrOVKDw

  

— जीवनधारा संघ ( NGO ) March 13, 2023

సోషల్ మీడియాలో కంటెంట్ కోసం పిచ్చి పనులు...  కరెన్సీ నోట్లు విసురుతూ అండ్డంగా బుక్కయ్యారు...
జనాల మీద ఓటీటీలు, వాటిల్లో వచ్చే వెబ్ సిరీస్‌ల ప్రభావం ఏ రేంజ్‌లో ఉందో ఈ వీడియో చూస్తే తెలుస్తుంది. సోషల్ మీడియాలో కంటెంట్ కోసం పిచ్చి పనులు చేస్తూ అడ్డంగా దొరికిపోతున్నారు. తాజాగా హర్యానాలోని గురుగ్రామ్‌లో ఓ వ్యక్తి నడుస్తున్న కారులోంచి కరెన్సీ నోట్లను విసిరాడు. 
ఇటీవల విడుదలైన ఫర్జీ వెబ్ సిరీస్‌లోని ఓ సన్నివేశాన్ని సేమ్ టు సేమ్ రిపీట్ చేయడానికి ప్రయత్నించాడు కానీ అడ్డంగా దొరికిపోయాడు. వివరాల్లోకి వెళితే.. యూట్యూబర్ జోరావర్ సింగ్, అతని ఫ్రెండ్ గురుప్రీత్ సింగ్‌లు.. ఫేక్ కరెన్సీని రోడ్లపై చల్లారు. ఇదంతా కేవలం యూట్యూబ్ వీడియో కోసం మాత్రమే. కానీ వారిని పోలీసులు అరెస్ట్ చేసి విచారణ జరుపుతున్నారు.  
గురుగ్రామ్‌లోని గోల్ఫ్ కోర్స్ రోడ్‌లో ఈ సన్నివేశాన్ని చిత్రీకరించారు కానీ.. అడ్డంగా బుక్కైపోయారు. ఈ ఘటనతో…ఆ ప్రాంతంలో భారీగా ట్రాఫిక్ జామ్ అయి జనాలు ఇబ్బంది పడ్డారు.

  


#WATCH | Haryana: A video went viral where a man was throwing currency notes from his running car in Gurugram. Police file a case in the matter.

(Police have verified the viral video) pic.twitter.com/AXgg2Gf0uy

  

— ANI March 14, 2023

రణరంగంగా పాకిస్తాన్.. ఇమ్రాన్‌ను అరెస్ట్ చేసేందుకు పోలీసులు, ఆర్మీ విఫలయత్నం..
పాకిస్తాన్ రణరంగంగా మారుతోంది. సివిల్ వార్ దిశగా పాకిస్తాన్ వెళ్తున్న పరిస్థితులు కనిపిస్తున్నాయి. అక్కడి ఆర్మీ, పోలీసులను ఇమ్రాన్ మద్దతుదారులు సవాల్ చేస్తున్నారు.

  


 ప్రభుత్వానికి వ్యతిరేకంగా తిరుగుబాటు చేసేందుకు సిద్ధం అవుతున్నారు. పాకిస్తాన్ మాజీ ప్రధాని, పాకిస్తాన్ తెహ్రీక్ ఇ ఇన్సాఫ్(పీటీఐ) అధినేత ఇమ్రాన్ ఖాన్ ను అరెస్ట్ చేసేందుకు అక్కడి ప్రభుత్వం శతవిధాల ప్రయత్నిస్తోంది. తోషాఖానా కేసులో ఇమ్రాన్ ఖాన్ ను అరెస్ట్ చేసేందుకు లాహోర్ లోని జమాన్ పార్క్ వద్ద ఉన్న ఆయన నివాసానికి పంజాబ్ పోలీసులు చేరుకున్నారు.
 అయితే పీటీఐ, ఇమ్రాన్ ఖాన్ మద్దతుదారులు పెద్ద ఎత్తున అక్కడికి చేరుకుని అరెస్ట్ చేయకుండా పోలీసులకు అడ్డుగా నిలుస్తున్నారు.

తాజాగా బుధవారం ఇమ్రాన్ ఖాన్ ను అదుపులోకి తీసుకోవడానికి పోలీసులు ప్రయత్నించారు. మంగళవారం నుంచి 24 గంటలుగా ఇమ్రాన్ ఖాన్ ను అరెస్ట్ చేసేందుకు పోలీసులు ప్రయత్నిస్తున్నారు. 
అయితే ఇమ్రాన్ మద్దతుదారుల నుంచి పోలీసులకు తీవ్ర ప్రతిఘటన ఎదురవుతోంది. ఈ నేపథ్యంలో పీటీఐ మద్దతుదారులను చెదరగొట్టేందుకు పోలీసులు వాటర్ క్యాన్లు, టియర్ గ్యాస్ ఉపయోగిస్తున్నారు. అక్కడే గుమిగూడిన ప్రజలపై లాఠీఛార్జ్ చేస్తున్నారు. ఈ ఘర్షణలకు సంబంధించిన వీడియోలు, ఫోటోలు పాకిస్తాన్ వ్యాప్తంగా వైరల్ అవుతున్నాయి. 

  

ఈ మొత్తం ఘర్షణల్లో ఇస్లామాబాద్ డీఐజీ ఆపరేషన్స్ షాజామ్ నదీమ్ బుఖారీతో పాటు 54 మంది పోలీసులు గాయపడ్డారు.

మరోవైపు పాక్ పోలీసులతో పాటు ఇమ్రాన్ ఖాన్ ను అరెస్ట్ చేసేందుకు పాక్ ఆర్మీ కూడా రంగంలో దిగినట్లు తెలుస్తోంది. అయితే జమాన్ పార్క్ వద్ద తీవ్ర ఉద్రిక్తత నెలకొనడంతో లాహోర్ హైకోర్టు రేపు ఉదయం 10 గంటల వరకు ఆ ప్రాంతంలో పోలీస్ చర్యలు నిలిపివేయాలని ఆదేశించింది. అయితే మంగళవారం పాక్ ప్రజలు, పీటీఐ కార్యకర్తలను ఉద్దేశించి మాట్లాడిన ఇమ్రాన్ ఖాన్.. తనను అరెస్ట్ చేసి చంపాలని చూస్తున్నారని ఆరోపించారు. దేవుడు నాకు అన్నీ ఇచ్చాడని, నేను పాక్ ప్రజల కోసం పోరాడుతున్నా అని అన్నారు. నేను చనిపోయినా, అరెస్ట్ అయినా ఉద్యమాన్ని ఆపొద్దని సూచించాడు.

చైనాకు, భారత్ కు సరిహద్దు వివాదం...  అరుణాచల్ ప్రదేశ్ లోని  మెక్‌మోహ‌న్ లైన్‌ను అంతర్జాతీయ సరిహద్దుగా గుర్తిస్తున్న‌ట్లు అమెరికా వెల్లడి...
అరుణాచల్ ప్రదేశ్ సరిహద్దు ప్రాంతంలో చైనాకు, భారత్ కు ఉన్న వివాదం ఇంకా చల్లారలేదు. ఎప్పుడెప్పుడు భారత్ భూబాగాన్ని ఆక్రమించుకుందామా అని డ్రాగన్ ఎల్లప్పడు కుట్రలు పన్నుతూ ఉంటుంది. 
అయితే తాజాగా అమెరికా ఈ విషయంలో భారత్ కు అనుకూలంగా ఓ ప్రకటన విడుదల చేసింది. చైనా, ఇండియా మ‌ధ్య ఉన్న మెక్‌మోహ‌న్ లైన్‌ను అంతర్జాతీయ సరిహద్దుగా గుర్తిస్తున్న‌ట్లు అమెరికా తెలిపింది. అరుణాచల్ ప్రదేశ్ ఇండియన్ భూబాగంలోనే ఉన్నట్లు పేర్కొంది. ఈ అంశంపై ఇద్దరు సేనేట‌ర్లు తీర్మానం ప్ర‌వేశ‌పెట్టారు. 
ప్రస్తుతం ఇండో ప‌సిఫిక్ ప్రాంతంలో అత్యంత క్లిష్ట‌మైన ప‌రిస్థితులు ఉన్నాయ‌ని, ఇలాంటి సమయంలో మిత్ర దేశంతో ఇండియాకు తోడుగా ఉండాల‌ని తాము భావిస్తున్న‌ట్లు అమెరికా సేనేట‌ర్ బిల్ హ‌గేర్టి తెలిపారు. అలగే సేనేట‌ర్ జెఫ్ మెర్క్లే కూడా తీర్మానం పాస్ చేసిన‌వారిలో ఉన్నారు.

  


లైన్ ఆఫ్ యాక్చువ‌ల్ కంట్రోల్ వ‌ద్ద చైనా సైన్యం చేస్తున్న దుశ్చ‌ర్య‌ల‌ను ఖండిస్తున్నామ‌ని బిల్ హగేర్టీ తెలిపారు. ఇటీవల రెండు దేశా సరిహద్దుల మధ్య ఉద్రిక్త వాతావరణం నెలకొన్న నేపథ్యంలో మెక్‌మోహ‌న్ లైన్‌ను అంత‌ర్జాతీయ స‌రిహ‌ద్దుగా గుర్తిస్తున్న‌ట్లు స్పష్టం చేశారు. మరోవైపు పీఆర్‌సీ భూభాగంలో అరుణాచ‌ల్ ప్ర‌దేశ్ ఉన్న‌ట్లు చైనా చేస్తున్న వాద‌ల‌ను కూడా అమెరికా సేనేట్ తీర్మానం ఖండించింది. పీపుల్స్ రిప‌బ్లిక్ చైనా చాలా దూకుడుగా వ్యవహరిస్తోందని నిలదీసింది. తమ దేశ భూభాగాన్ని పెంచుకునే ఆలోచనలతో ముందుకు వెళ్తోందని విమర్శించింది.

లాలూకు లడ్డూలు పంచిన ఆర్జేడీ ఎమ్మెల్యేలు
బీహార్ అసెంబ్లీలో హైడ్రామా జరిగింది. అసెంబ్లీ ఆవరణలో ఆర్జేడీ, బీజేపీ శ్రేణుల మధ్య వాగ్వాదం చోటుచేసుకుంది.

  


 జాబ్స్ ఫర్ ల్యాండ్ స్కామ్ కేసులో లాలూ యాదవ్, రబ్రీ దేవి, మిసా భారతిలకు బెయిల్ వచ్చిన నేపథ్యంలో బీజేపీ ఎమ్మెల్యేలకు ఆర్జేడీ ఎమ్మెల్యేలు మిఠాయిలు పంచారు.
 దీంతో రాష్ట్రీయ జనతాదళ్, భారతీయ జనతా పార్టీ ఎమ్మెల్యేలు ఆర్జేడీ ఎమ్మెల్యేలతో గొడవకు దిగారు. ఆర్జేడీ ఎమ్మెల్యేలు స్వీట్లను ఇచ్చే నెపంతో బీజేపీ ఎమ్మెల్యేల వైపు విసిరికొట్టారు. ఈ ఘటనతో ఆగ్రహించిన బీజేపీ ఎమ్మెల్యేలు ప్రభుత్వానికి వ్యతిరేకంగా నినాదాలు చేస్తూ నిరసనలు తెలియజేశారు. 
‘ఆర్జేడీ ఎమ్మెల్యేలకు అసెంబ్లోలో మర్యద ఇచ్చాం. వాళ్లు మాట్లాడుతుంటే ఊరుకున్నాం. కానీ, బయటికి వచ్చి మాపై గూండాగిరి చూపిస్తున్నారు. విషయంపై గవర్నర్ కు కంప్లెయింట్ చేస్తాం’అని విజయ్ కుమార్ సిన్హా అన్నారు.

రైల్వే స్టేషన్‌లో మహిళల మృతదేహాల కలకలం.. 4 నెలల్లో మూడు హత్యలు..
బెంగళూరులోని రైల్వే స్టేషన్‌ గేటు వద్ద డ్రమ్ములో ఓ గుర్తు తెలియని మహిళ మృతదేహం లభ్యమైంది. పోలీసులు తెలిపిన వివరాల ప్రకారం.. బెంగళూరులోని సర్ ఎం విశ్వేశ్వరయ్య టెర్మినల్ (SMVT) రైల్వే స్టేషన్ ప్రధాన గేటు వద్ద పడి ఉన్న డ్రమ్ములో మహిళ మృత దేహాన్ని పోలీసులు కనుగొన్నారు. మృతురాలి వయసు 32 నుంచి 35 ఏళ్ల మధ్య ఉంటుందని సూపరింటెండెంట్ ఆఫ్ పోలీస్ (రైల్వేస్) ఎస్కే సౌమ్యలత తెలిపారు. ఐతే మృతురాలి వివరాలు ఇంకా తెలియరాలేదు. దీనిపై పోలీసులు కేసు నమోదు చేసుకుని దర్యాప్తు ప్రారంభించారు. కాగా గత ఏడాది చివరి నుంచి బెంగళూరులో ఇదే విధమైన హత్యోదంతాలు ఇప్పటికే రెండు నమోదయ్యాయి.
గత ఏడాది డిసెంబర్ నెల రెండో వారంలో ఎస్‌ఎమ్‌వీటీ రైల్వే స్టేషన్‌లోని ఓ ప్యాసింజర్ రైలు కోచ్‌లో ఉన్న సామాను సంచుల్లో నుంచి దుర్వాసన రావడంతో ఓ ప్రయాణికుడు రైల్వే పోలీసులకు ఫిర్యాదు చేశాడు. దీంతో పోలీసులు తనిఖీ చేయగా వాటిల్లో పసుపు గోనె సంచెలో కుళ్లిన స్థితిలో ఉన్న గుర్తు తెలియని మహిళ మృతదేహం లభ్యమైంది. 
అదేవిధంగా ఈ ఏడాది ప్రారంభంలో జనవరి 4న యశ్వంత్‌పూర్ రైల్వే స్టేషన్‌లోని ఒకటో నెంబర్‌ ప్లాట్‌ఫారమ్‌పై నీలిరంగు ప్లాస్టిక్ డ్రమ్‌లో కుళ్ళిపోయిన యువతి మృతదేహాన్ని రైల్వే పోలీసులు గుర్తించారు. మృతదేహాన్ని ఆంధ్రప్రదేశ్‌ రాష్ట్రంలోని మచిలీపట్నం నుంచి తీసుకొచ్చి రైల్వే స్టేషన్‌లో పడేసినట్లు పోలీసుల దర్యాప్తులో బయటపడింది. ఐతే ఈ మూడు సంఘటనలకు ఏదైనా సంబంధం ఉందా..? మృత దేహాలన్నీ మహిళలవే కావడం, కుళ్లిపోయని స్థితిలో లభ్యంకావడం వెనుక సీరియల్ కిల్లర్ ఉన్నాడా.. అనే కోణంలో కూడా పోలీసులు విచారిస్తున్నారు.

అమెరికా నిఘా డ్రోన్ విమానాన్ని ఢీకొట్టిన రష్యా
రష్యా – —ఉక్రెయిన్ యుద్ధం జరుగుతున్న సమయంలోనే.. నల్ల సముద్రంలో తిరుగుతున్న అమెరికా నిఘా డ్రోన్ ను కూల్చేసింది రష్యా. 
నల్ల సముద్రంలోని అంతర్జాతీయ జలాల్లో నిఘా కోసం అమెరికా ఈ డ్రోన్ విమానాన్ని ప్రయోగించింది. దీన్ని గుర్తించిన రష్యా యుద్ధ విమానాలు.. దాన్ని వెంబడించాయి. రష్యా సుఖోయ్ యుద్ధ విమానాల నుంచి రసాయనాలు చల్లాయి. అప్పటికీ అమెరికా డ్రోన్ విమానం జలాల నుంచి వెనక్కి వెళ్లలేదు. ఈ క్రమంలోనే రష్యా యుద్ధ విమానం.. అమెరికా నిఘా డ్రోన్ విమానాన్ని ఢీకొట్టింది. దీంతో ముందు భాగం దెబ్బతిన్నది.
ఈ డ్రోన్ విమానాన్ని పూర్తిగా పేల్చివేయాలని భావించింది రష్యా.. అందుకు తగ్గట్టుగానే రాకెట్ల ద్వారా పేల్చివేయాలని నిర్ణయించాయి. దీన్ని పసిగట్టిన అమెరికా మిలటరీ.. డ్రోన్ విమానాన్ని నల్ల సముద్రంలోని జలాల్లో పడిపోయే విధంగా కూల్చేయాల్సి వచ్చిందని ప్రకటించింది అమెరికా. దీన్ని రష్యా ఖండించింది. మా సుఖోయ్ యుద్ధ విమానాలు అమెరికా నిఘా డ్రోన్ విమానాన్ని పేల్చిసినట్లు చెబుతున్నాయి. ఏ దేశానికి ఆ దేశం విరుద్ధంగా ప్రకటనలు చేస్తుంది. 

  


ఇప్పటికే ఉక్రెయిన్ యుద్ధం క్రమంలో.. అమెరికా .. రష్యా మధ్య పరోక్ష వార్ నడుస్తుంది. ఇప్పుడు ఏకంగా నల్ల సముద్రంలోని అంతర్జాతీయ జలాల్లో అమెరికా డ్రోన్ విమానాన్ని కూల్చేయటంతో.. రష్యాపై ఆ దేశం ఎలా రియాక్ట్ అవుతుందో చూడాలి.

జియో నుండి సరికొత్త ఫ్యామిలీ పోస్ట్‌పెయిడ్‌ ప్లాన్‌...
ప్రముఖ టెలికాం కంపెనీ రిలయన్స్‌ జియో దూసుకుపోతోంది. కస్టమర్లను ఆకర్షించేందుకు సరికొత్త రిఛార్జ్‌ ప్లాన్స్‌ను అందుబాటులోకి తీసుకువస్తోంది. అయితే జియో ప్లిస్‌ స్కీమ్‌ కింద కొత్త పోస్ట్‌ పెయిడ్‌ ప్లాన్స్‌ను తీసుకువస్తోంది. ఇక రెండు ఫ్యామిలీ ప్లాన్స్‌ను విడుదల చేసింది. ఈ ప్లాన్స్‌లో అపరిమిత కాల్స్‌, ఎస్‌ఎంఎస్‌లు, నెల ఫ్రీ ట్రెయిల్‌ లభిస్తుంది. ఈ ప్లాన్‌ మార్చి 22వ తేదీ నుంచి అందుబాటులోకి రానున్నట్లు జియో తెలిపింది.
ఫ్యామిలీ ప్లాన్స్‌ వివరాలు ఏమిటి..?
రూ.3999 జియో పోస్ట్‌ పెయిడ్‌ ప్లాన్‌లో అపరిమిత కాల్స్‌తో పాటు 75GB డేటా లభిస్తుంది. ముగ్గురు ఫ్యామిలీ మెంబర్లను ఇందులో యాడ్‌ చేసుకోవచ్చు. ఈ ప్లాన్‌ కోసం రూ.500 సెక్యూరిటీ డిపాజిట్‌ చెల్లించాల్సి ఉంటుంది. జియో అందుబాటులోకి తీసుకువచ్చిన మరో ప్లాన్‌ రూ.699. ఈ ప్లాన్‌ ద్వారా యూజర్లు అపరిమిత కాల్స్‌, 100GB డేటా, ఎస్‌ఎంఎస్‌లు లభిస్తాయి. ఇందులో కూడా ముగ్గురు ఫ్యామిలీ మెంబర్లను యాడ్‌ చేసుకోవచ్చు. ఈ ప్లాన్‌లో అదనంగా నెట్‌ఫ్లిక్స్‌, అమెజాన్‌ ప్రైమ్‌ మెంబర్‌షిప్‌ ఓటీటీ వంటి సర్వీసులు ఉచితంగా పొందే అవకాశం ఉంటుంది. అయితే ఈ ప్యాక్‌కు రూ.875 సెక్యూరిటీ డిపాజిట్‌ చేయాల్సి ఉంటుంది. ఈ ప్లాన్‌ కింద తీసుకొనే ఒక్కో నంబర్‌పై అదనంగా రూ.99లు చెల్లించాల్సి ఉంటుంది. అంటే రూ.399ప్లాన్‌ తీసుకునే వ్యక్తితో పాటు మరో ఇద్దరు రూ.99 చొప్పున చెల్లించాల్సి ఉంటుంది. దీంతో మొత్తంగా ఈ ప్లాన్‌ తీసుకునేందుకు రూ.399తో పాటు అదనంగా రూ.198 చెల్లించాల్సి ఉంటుంది.
ఇక జియో వ్యక్తిగతంగా చూస్తే పోస్ట్‌ పెయిడ్‌ ప్లాన్‌లు రూ.299 నుంచి ప్రారంభం అవుతాయి. ఈ ప్లాన్‌లో 30జీబీ డేటా లభిస్తుంది. అందులో అపరిమిత కాల్స్‌, ఎస్‌ఎంఎస్‌లు ఉంటాయి. ఈ ప్లాన్‌ కింద రూ.375 డిపాజిట్‌ చేయాల్సి ఉంటుంది. ఇందులో ఫ్రీ ట్రైయిల్‌ సదుపాయం ఉండదు. ఇక మరో ప్లాన్‌ ఏంటంటే రూ.599. దీని కింద అపరిమిత కాల్స్‌, ఆన్‌లిమిటెడ్‌ డేటా, ఆన్‌లిమిటెడ్‌ ఎస్‌ఎంఎస్‌లు ఉంటాయి. ఈ ప్లాన్‌ కోసం రూ.750 సెక్యూరిటీ డిపాజిట్‌ చేయాల్సి ఉంటుంది.

*ఈ రోజు కర్ణాటకలో మూడు ముఖ్యమైన ప్రాజెక్టులు ప్రారంభించునున్న  ప్రధాని మోడీ*  



  


1. నేషనల్ హైవేపై అథారిటీ చే నిర్మించబడ్డ
118 కి.మీ పది-లేన్ యాక్సెస్-నియంత్రిత బెంగళూరు-మైసూరు ఎక్స్‌ప్రెస్‌వే. ఇది కర్ణాటక రాజధాని బెంగళూరు మరియు రాష్ట్ర సాంస్కృతిక రాజధాని మైసూరు మధ్య ప్రయాణ సమయాన్ని ప్రస్తుతం ఉన్న మూడు గంటల నుండి 75-90 నిమిషాలకు తగ్గిస్తుంది. 8,480 కోట్ల రూపాయల వ్యయంతో ఈ రహదారిని నిర్మించిన ఈ ప్రాజెక్ట్ యొక్క పునాది రాయిని మార్చి 2018లో వేశారు. ఇది అక్టోబర్ 2022 నాటికి పూర్తి కావాల్సి ఉంది. అయితే, కోవిడ్-19 ఇతర కారణాల వల్ల కాస్త ఆలస్యం అయింది
ఈ ఎక్స్‌ప్రెస్‌వే వల్ల బెంగళూరు వాసులు ఊటీ, వాయనాడ్, కోజికోడ్, కూర్గ్ మరియు కన్నూర్ వంటి ప్రాంతాలకు వారాంతపు సెలవుల కోసం వెళ్లే వారి ప్రయాణ సమయాన్ని తగ్గిస్తుంది. ఈ ఎక్స్‌ప్రెస్‌వే కేవలం కర్నాటకలోనే కాకుండా తమిళనాడు మరియు కేరళలో కూడా పర్యాటకాన్ని పెంచుతుంది.

2. కర్నాటక ధార్వాడ్ లో ఐఐటీ కట్టాలి అని 1996-98మధ్య యునైటెడ్ ఫ్రంట్ ప్రభుత్వం ఉన్నప్పుడు అనుకున్నారు. చివరకు మోడీ ప్రభుత్వం వచ్చాక 2016లో తాత్కాలిక భవనాల్లో ఐఐటీ ప్రారంభించారు.
ఈ రోజు మోడీ ₹852 కోట్ల ఖర్చుతో నిర్మించిన నూతన శాశ్వత భవన సముదాయాన్ని ప్రారంభిస్తున్నారు. ఈ భవనం దేశంలోనే మొట్టమొదటి స్మార్ట్ మరియు పర్యావరణ సముదాయంగా తీర్చిదిద్దబడింది.ఇప్పటికే ఈ ఐఐటీ నుండి రెండు బాచ్ ల విద్యార్థులు బయటకు వెళ్లారు. ప్రస్తుతం 700 మంది విద్యార్థులు చదువుతున్నారు 
3. కర్ణాటకలో బాగా బిజీగా ఉండే హోస్పెట రైల్వే స్టేషన్ ని కర్ణాటక సాంస్కృతిక వైభవం ఉట్టిపడేలా ₹22కోట్ల ఖర్చుతో అభివృద్ధి చేశారు.
కొత్తగా రిటైరింగ్ రూమ్స్, ఫుడ్ ప్లాజాలు ప్రయాణీకులకు మరెన్నో ఆధునిక సదుపాయాలు ఏర్పాటు చేశారు.. దీనిని ఈ రోజు మోడీ ప్రారంభిస్తారు.

ఇటలీలోని ట్రెంట్ పట్టణం వింత ఆచారం...
ఇటలీలోని ట్రెంట్ పట్టణంలో ఎన్నుకున్న నేతలు బాధ్యతరాహిత్యంగా ప్రవర్తిస్తే హామీలు అమలు చేయకుంటే చెక్కుబోనులో బంధించి నీటిలో ముంచుతారు. ఇది అనాదిగా వస్తున్న ఆనవాయితీగా స్థానికులు చెప్తున్నారు. 
ఈ విధంగా చేస్తే వారికి బుద్ది వస్తుందని అక్కడి ప్రజలు నమ్ముతారు. దీనిని కోర్టు ఆఫ్ పెనింటెన్స్ గా కూడా పిలుస్తారు.