NLG: చత్రపతి శివాజీ స్పోర్ట్స్ క్లబ్ సేవలు అభినందనీయం: కుంభం నర్సిరెడ్డి
త్వరలో వేసవికాలం సాయంత్రం పూట ఫ్లడ్ లైట్స్ వెలుగుల్లో సీనియర్ సిటిజన్ ఫుట్బాల్ లీగ్ పోటీలు నిర్వహణ-బొమ్మపాల గిరిబాబు
నల్లగొండ: ప్రతి ఆదివారం పట్టణంలోని మేకల అభినవ్ అవుట్డోర్ స్టేడియంలో ఉదయం 6 గంటల నుండి 9 గంటల వరకు చత్రపతి శివాజీ ఫుట్బాల్ క్లబ్ ఆధ్వర్యంలో CSL ఫుట్బాల్ లీగ్ నిర్వహిస్తున్నారు. ఈ రోజు CSL ఫుట్బాల్ లీగ్ కార్యక్రమానికి ముఖ్యఅతిథిగా నల్గొండ జిల్లా యోగ అసోసియేషన్, మరియు స్కూల్ గేమ్స్ ఫెడరేషన్ నల్గొండ జిల్లా మాజీ అధ్యక్షులైన కుంభం నర్సిరెడ్డి పాల్గొన్నారు.
ఈ సందర్భంగా కుంభం నర్సిరెడ్డి మాట్లాడుతూ.. గత 11 సంవత్సరాలుగా నల్గొండ జిల్లాలో చత్రపతి శివాజీ స్పోర్ట్స్ క్లబ్ పక్షాన ఎంతోమంది జాతీయస్థాయి కబడ్డీ, మరియు ఫుట్బాల్ క్రీడాకారులు తయారవుతున్నారని తెలియజేస్తూ, స్పోర్ట్స్ క్లబ్ సేవలు చిరస్మరణీయమని తెలియజేశారు. అనంతరం క్రీడాకారులకు అరటి పండ్లను పంపిణీ చేశారు.
చత్రపతి శివాజీ స్పోర్ట్స్ క్లబ్ వ్యవస్థాపక ప్రధాన కార్యదర్శి బొమ్మపాల గిరిబాబు మాట్లాడుతూ.. ఉమ్మడి నల్గొండ జిల్లా నుండి CSL లీగ్ పోటీల్లో పాల్గొనడానికి 50 మంది క్రీడాకారులు రిజిస్ట్రేషన్ చేసుకున్నారని, ఈ రిజిస్ట్రేషన్ ప్రక్రియ నిరంతరం సాగుతుందని తెలియజేశారు. 
రాబోయే వేసవికాలంలో సీనియర్ సిటిజన్స్ కు మరియు ఉద్యోగస్తులకు కూడా సాయంత్రం పూట ఫ్లడ్ లైట్స్ వెలుగుల్లో సీనియర్ సిటిజన్స్ ఫుట్బాల్ లీగ్ పోటీలు నిర్వహించడానికి ప్రణాళికలు ఏర్పాటు చేస్తున్నామని గిరిబాబు తెలిపారు.
మాడుగుల శ్రావణ్ మాట్లాడుతూ.. క్రీడాకారులకు సేవ చేసే అవకాశం రావడం నాకు చాలా సంతృప్తినిచ్చిందని, భవిష్యత్తులో కూడా క్రీడాకారులకు సహాయ సహకారాలు అందించడానికి ముందుంటానని తెలిపారు. ఈ కార్యక్రమంలో ఫుట్బాల్ కోచ్ మద్ది కరుణాకర్, మాడుగుల శ్రావణ్ ,రాచూరి గణేష్, యువ నగేష్, వెంకట సాయి, యశ్వంత్, తదితరులు పాల్గొన్నారు.
Ads

NLG: ముకుందాపురం గ్రామంలో పల్స్ పోలియో కార్యక్రమం
నల్లగొండ జిల్లా: నిడుమనూరు మండలం, ముకుందాపురం గ్రామంలో, ఈరోజు పల్స్ పోలియో కార్యక్రమాన్ని  నిర్వహిస్తున్నారు. ఈ కార్యక్రమంలో గ్రామ స్పెషల్ ఆఫీసర్ విజయ్ కుమార్, ఏఎన్ఎం సుచిత్ర పాల్గొని మాట్లాడుతూ.. 0 - 5 పిల్లలకు పోలియో చుక్కలు ఇప్పించాలని తల్లిదండ్రులను కోరారు. పలువురు ఐదు సంవత్సరాల లోపు పిల్లలకు పోలియో చుక్కలు వేశారు.
నేటి నుండి మరో రెండు రోజులు ఈ కార్యక్రమం ఉంటుందని తెలిపారు. ఆశాలు గోవిందమ్మ, సైదాబీ, అంగన్వాడీ టీచర్ మనెమ్మ, వాలంటీర్ స్వప్న, గ్రామస్తులు పాల్గొన్నారు.

NLG: CPI (ML) న్యూడెమోక్రసీ ఆధ్వర్యంలో కలెక్టర్ కు మెమోరాండం 
నల్గొండ: సిపిఐ (ఎంఎల్) న్యూడెమోక్రసీ ఆధ్వర్యంలో జిల్లా కలెక్టర్ కు వినతిపత్రం అందజేశారు. జిల్లా కేంద్రంలోని ప్రభుత్వ ఆసుపత్రిలో ముగ్గురు అవుట్ సోర్సింగ్ కార్మికులు.. ఏజెన్సీ కాంట్రాక్టర్ వేధింపుల మూలంగా నిన్న నిద్ర మాత్రలు మింగి ఆత్మహత్యాయత్నం చేశారని వినతి పత్రంలో పేర్కొన్నారు. 

  


ఘటనపై విచారణ జరిపి, సంబంధిత ఏజెన్సీ గుర్తింపు రద్దు చేయాలని కోరారు. ఇందూరు సాగర్, జ్వాల వెంకటేశ్వర్లు, బొమ్మిడి నగేష్, బివి.చారి, రావుల వీరేశ్, జానపాటి శంకర్ ఉన్నారు.

NLG: జాతీయ సేవా పథకం ఆధ్వర్యంలో ఎన్జీ కళాశాలలో క్యాంపస్ క్లీనింగ్
నల్లగొండ: ఈ రోజు స్థానిక నాగార్జున ప్రభుత్వ కళాశాల (స్వ)  నందు జాతీయ సేవా పథకం ( ఎన్. ఎస్. ఎస్) యూనిట్ - 1 ఆధ్వర్యంలో,  కళాశాల "క్యాంపస్ క్లీనింగ్" కార్యక్రమంలో భాగంగా,  ఎన్ఎస్ఎస్ వాలంటీర్లు కళాశాల పార్కింగ్ పరిసరాలలో మరియు గ్రంథాలయం వెనుక వైపు ఉన్న చెత్తను, కంప చెట్లను తొలగించి కళాశాల పరిసరాలను శుభ్రం చేశారు. 
కళాశాల వైస్ ప్రిన్సిపల్ డాక్టర్ సయ్యద్ మునీర్  పాల్గొని విద్యార్థులను అభినందించారు. ఈ కార్యక్రమంలో ఎన్ఎస్ఎస్ యూనిట్- 1 ప్రోగ్రాం ఆఫీసర్ ఈ.యాదగిరి రెడ్డి, ఫిజికల్ డైరెక్టర్ కడారి మల్లేష్, లైబ్రేరియన్ డా.దుర్గాప్రసాద్ మరియు ఎన్ఎస్ఎస్ వాలంటీర్లు పాల్గొన్నారు.

NLG: జిల్లా రెవెన్యూ అధికారిణి గా రాజ్యలక్ష్మి
నల్లగొండ: జిల్లా రెవెన్యూ అధికారిణిగా డి.రాజ్యలక్ష్మి, శనివారం బాధ్యతలు స్వీకరించారు.
డిఆర్ఓ గా పదవి భాద్యతలు చేపట్టిన రాజ్యలక్ష్మి కి కలెక్టర్ కార్యాలయంలో ఏఓ మోతిలాల్, సిబ్బంది ఘనంగా స్వాగతం పలికారు. అనంతరం నూతన డిఆర్ఓ రాజ్యలక్ష్మి జిల్లా కలెక్టర్ హరిచందన ను మర్యాదపూర్వకంగా కలిసి మొక్కను అందజేశారు.

NLG: ఒకేసారి రెండు ప్రభుత్వ ఉద్యోగాలు సాధించిన వడ్డేపల్లి గ్రామ వాసి బుషిపాక సునీత


  


నాంపల్లి మండలం వడ్డేపల్లి గ్రామానికి చెందిన బుషిపాక. సునీత ఇటీవల వెలువడిన గురుకుల పరీక్ష ఫలితాల్లో ఫిజిక్స్ సబ్జెక్ట్ లో డిగ్రీ లెక్చరర్, జూనియర్ లెక్చరర్ ఉద్యోగాలు సాధించింది. వ్యవసాయ నేపథ్య కుటుంబం నుండి వచ్చిన సునీత.. చిన్నప్పటి నుండి చదువుల్లో తనకు ఉన్న జిజ్ఞాసను గమనించిన ఆమె తల్లిదండ్రులు బుషిపాక సాలమ్మ- రాములు, పై చదువులు చదువుటకు ప్రోత్సాహించారు. 
ఆమె 9 నెలల గర్భవతిగా ఉన్న సమయంలో తన భర్త డాక్టర్ జి.వంశీధర్ సహకారంతో పరీక్షలకు సన్నద్దమై D.L, J.L ఉద్యోగాలు సాధించడంతో పలువురు అభినందించారు. తన విజయంలో కుటుంబం, స్నేహితులు, గ్రామస్థుల సహకారం ఉన్నదని సునీత తెలిపింది.

NLG: ఈ నెల 16 న 'జాతీయ లోక్ అదాలత్'
నల్లగొండ జిల్లా వ్యాప్తంగా ఉన్న అన్ని కోర్టులలో ఈనెల 16 న, జిల్లా న్యాయ సేవాధికార సంస్థ అధ్యక్షుడు, జిల్లా ప్రధాన న్యాయమూర్తి ఎం. నాగరాజు పర్యవేక్షణలో జాతీయ లోక్ అదాలత్ నిర్వహించనున్నట్లు సంస్థ సెక్రటరీ బి.దీప్తి ఒక ప్రకటనలో తెలిపారు. లోక్ అదాలత్ లో సివిల్, రాజీ పడదగిన క్రిమినల్ కేసులు, మోటార్ వాహనాల, ప్రమాద బీమా, బ్యాంకు రికవరీ, చెక్ బౌన్స్, భూ వివాదాల కేసులు పరిష్కరించుకోవచ్చని ఆమె పేర్కొన్నారు. కక్షిదారులు ఈ అవకాశాన్ని సద్వినియోగం చేసుకొని సత్వర న్యాయాన్ని పొందాలని వారు సూచించారు.

NLG: ఈ నెల 4న మున్సిపల్ కౌన్సిల్ సాధారణ సమావేశం
నల్లగొండ మున్సిపల్ కార్యాలయంలో కౌన్సిల్ సాధారణ సమావేశం, ఈనెల నాలుగో తేదీన నిర్వహించనున్నట్లు మున్సిపల్ కమిషనర్ సయ్యద్ ముసాబ్ అహ్మద్ ఒక ప్రకటనలో తెలిపారు. మున్సిపల్ చైర్మన్ బుర్రి శ్రీనివాస్ రెడ్డి అధ్యక్షతన జరిగే ఈ సమావేశానికి, పాలకవర్గ సభ్యులు సకాలంలో హాజరుకావాలని ఈ సందర్భంగా కోరారు.

NLG: బూర నర్సయ్య గౌడ్ ను కలిసిన మర్రిగూడ మండల బీజేపీ నాయకులు 


  


ఈ రోజు భువనగిరి మాజీ ఎంపి బూర నర్సయ్య గౌడ్ జన్మదినం సందర్భంగా, మర్రిగూడ మండల బీజేపీ నాయకులు హైదరాబాద్ లోని ఆయన నివాసం లో కలిసి, ఆయనకు పుష్పగుచ్చం అందజేసి శాలువాతో సత్కరించి జన్మదిన శుభాకాంక్షలు తెలిపారు. ఈ కార్యక్రమం లో పిట్టల శ్రీనివాస్, గ్యార గోపాల్, చాపల వెంకన్న, కుక్కల వెంకటేష్, బోయపల్లి రాజు గౌడ్, తదితరులు పాల్గొన్నారు.

NLG: "నిత్య జీవితంలో గణిత శాస్త్రం ప్రాధాన్యత" పై సెమినార్.. ప్రసంగించిన హెచ్ సి యూ ప్రొఫెసర్
నల్లగొండ: నాగార్జున ప్రభుత్వ కళాశాలలో గణిత శాస్త్ర విభాగం మరియు ఇండియన్ ఉమెన్ మ్యాథమెటిక్స్ అసోసియేషన్ ఆధ్వర్యంలో, శుక్రవారం "నిత్య జీవితంలో గణిత శాస్త్రం ప్రాధాన్యత" అనే అంశంపై సెమినార్ నిర్వహించారు. హైదరాబాద్ సెంట్రల్ యూనివర్సిటీ ప్రొఫెసర్ అర్చనా మోరే  ముఖ్య అతిథిగా విచ్చేసి ప్రసంగించారు. నిత్య జీవితంలో గణిత శాస్త్రం ప్రాధాన్యత, రేఖీయ బీజగణిత ప్రాధాన్యత, అదేవిధంగా గణిత శాస్త్రాన్ని అధ్యయనం చేయడం వల్ల కలిగే అవకాశాల గురించి క్షుణ్ణంగా వివరించారు. 
ఈ సందర్భంగా గణిత శాస్త్ర విభాగ అధిపతి నక్క నరసింహ మాట్లాడుతూ.. గ్రామీణ విద్యార్థులు కూడా గణితశాస్త్రంలో సులభంగా రాణించవచ్చు, అదేవిధంగా గణిత శాస్త్ర విద్యార్థులు కేంద్ర మరియు రాష్ట్రస్థాయి పోటీ పరీక్షల్లో విజయం సాధిస్తున్నారు అని అన్నారు. గణిత శాస్త్రం వల్ల ప్రైవేటు, ప్రభుత్వ రంగాలలో మంచి అవకాశాలు పొందుతున్నారు అన్నారు. ఈ కార్యక్రమంలో కళాశాల ప్రధానాచార్యులు డాక్టర్ సముద్రాల ఉపేందర్ మాట్లాడుతూ.. మ్యాథమెటికల్ టాలెంట్ ట్రైనింగ్ ప్రోగ్రామ్ గురించి వివరించారు.
ఈ కార్యక్రమంలో కళాశాల అధ్యాపకులు డి. మధుకర్, కనకయ్య, సీకే రజిని, కే.బాల, రాజశేఖర్, వెంకట్ విద్యార్థిని విద్యార్థులు పాల్గొన్నారు.