నల్లగొండ అబ్బాసియా కాలనీకి చెందిన యువకునికి రెండు లక్షల 50 వేల ఎల్ ఓ సి ని అందజేసిన ఎమ్మెల్యే కంచర్ల


  


నల్లగొండ అబ్బాసియా కాలనీకి చెందిన యువకునికి రెండు లక్షల 50 వేల ఎల్ ఓ సి ని అందజేసిన ఎమ్మెల్యే కంచర్ల

నేడు నల్గొండ శాసనసభ్యులు కంచర్ల భూపాల్ రెడ్డి గారు... తీవ్ర అనారోగ్యంతో హైదరాబాద్ నిమ్స్ ఆస్పత్రిలో చికిత్స పొందుతున్న...

 నల్లగొండ పట్టణం అబ్బాసియా కాలనీకి చెందిన మహమ్మద్ యూసుఫ్ అలీ కి ..
 2,50,000/- రూపాయల విలువ చేసే ముఖ్యమంత్రి సహాయనిది ఎల్ఓసిని అందజేశారు.. మున్సిపల్ చైర్మన్ మందడి సైదిరెడ్డి వారి వెంట ఉన్నారు.

SB News
స్ట్రీట్ బచ్ న్యూస్ ఆప్

అధికారంలో సగం కావాలన్న మహిళల కల సాకారం కాబోతున్నది: ఎమ్మెల్సీ కవిత


  


అధికారంలో సగం కావాలన్న మహిళల కల సాకారం కాబోతున్నది: ఎమ్మెల్సీ కవిత

ఆధికారంలో సగం కావాలన్న మహిళల కల సాకారం కాబోతున్నదని ఎమ్మెల్సీ కవిత అన్నారు. చట్టసభల్లో మహిళలకు 33 శాతం రిజర్వేషన్ల బిల్లును లోక్‌సభలో ప్రవేశపెట్టాలని కేంద్ర ప్రభుత్వం తీసుకున్న నిర్ణయం వెనుక బీఆర్‌ఎస్‌ కృషి ఉందన్నారు.

అధికారంలో సగం కావాలన్న మహిళల కల సాకారం కాబోతున్నదని ఎమ్మెల్సీ కవిత అన్నారు. చట్టసభల్లో మహిళలకు 33 శాతం రిజర్వేషన్ల బిల్లును లోక్‌సభలో ప్రవేశపెట్టాలని కేంద్ర ప్రభుత్వం తీసుకున్న నిర్ణయం వెనుక బీఆర్‌ఎస్‌ కృషి ఉందన్నారు. మహిళా బిల్లకు బీఆర్‌ఎస్‌ సంపూర్ణ మద్దతు ఇస్తుందని సామాజిక మాధ్యమం ఎక్స్‌ (ట్విట్టర్‌) వేదికగా వెల్లడించారు. మహిళా రిజర్వేషన్‌కు సంబంధించి కేంద్ర కేబినెట్‌ ఒక మంచి నిర్ణయం తీసుకుందన్నారు. కేంద్ర మంత్రివర్గం తీసుకున్న నిర్ణయాన్ని సాగతిస్తున్నామని చెప్పారు. అధికారంలో సగం కావాలన్న మహిళ కల సాకారం కాబోతున్నదని, ఇది దేశంలోని ప్రతిఒక్క మహిళ విజయమన్నారు. దేశ పౌరులందరికీ శుభాకాంక్షలు తెలిపారు.

2014లో బీఆర్‌ఎస్‌ అధికారంలోకి రాగానే అసెంబ్లీలో 33 శాతం మహిళా రిజర్వేషన్‌, ఓబీసీ రిజర్వేషన్లను ఆమోదించి కేంద్ర ప్రభుత్వానికి పంపిందన్నారు. తొమ్మిదేండ్ల జాప్యం తర్వాత మహిళా రిజర్వేషన్‌ బిల్లుపై కేంద్రం నిర్ణయం తీసుకుందని చెప్పారు. ముఖ్యమంత్రి కేసీఆర్‌ ఇప్పటికే ఓబీసీ, మహిళా రిజర్వేషన్లపై ప్రధాని మోదీకి లేఖలు రాశారని గుర్తుచేశారు. లోక్‌సభలో అధికార పార్టీకి పూర్తిస్థాయి మెజారీటీ ఉండటంతో ఎలాంటి అడ్డంకులు లేకుండా ఈ బిల్లును ఆమోదించేలా చూడాలని ఎమ్మెల్సీ కవిత అన్నారు.

ముస్లిం యువకుడు వినాయకుడి భక్తి   


  


 ముస్లిం యువకుడు వినాయకుడి భక్తి
 
అభివృద్ధిని కలియ గలుపుతూ వినాయక చవితి వృత కల్పం రూప కల్పన

అభిమాన నేత అభివృద్ధిని వ్రతకల్పంలో ఇంటింటికి చేర్చిన ముస్లిం యువకుడు
గంగా,జమునా, తాహజీబ్ కు నిలువెత్తు నిదర్శనం
#వినాయక చవితి రోజున ప్రత్యేక ఆకర్షణగా ముస్లిం యువకుడి వినాయక చవితి వ్రత కల్ప విధానం
పుస్తకాన్ని చూసి మంత్ర ముగ్దులైన మంత్రి జగదీష్ రెడ్డి దంపతులు

మట్టి విగ్రహంతో పాటు పట్టణ ప్రజలకు వ్రత కల్ప విధానం అందజేత
 
హిందువులు సంప్రదాయంగా జరుపుకునే వినాయక చవితి ప్రాశస్త్యం తెలుపుతూ వ్రత కల్ప విధానాన్ని పుస్తకం రూపంలో ఓ ముస్లిం యువకుడు అందించిన వైనం ఇప్పుడు సూర్యపేటలో హల్ చల్ సృష్టిస్తుంది.అసలే వినాయక చవితి ఆపై ముస్లిం కుటుంబానికి చెందిన యువకుడు వినాయక చవితి వ్రత కల్పవిధానం పేరుతో ప్రచురించిన పుస్తకాలు సూర్యపేటలో ఇంటింటికి చేరుతుండడంతో ప్రస్తుతం ఈ విషయం హాట్ టాపిక్ గా మారింది.నల్లగొండ జిల్లా తిప్పర్తి మండలం పజ్జురుకు చెందిన యస్ కే మాజిద్ 2001 లో టి ఆర్ యస్ ఆవిర్భావం నుండి మంత్రి జగదీష్ రెడ్డికి అనుంగు అనుచరుడిగా ఉన్నాడు. 

ఉద్యమ సమయంలో అధినేత జగదీష్ రెడ్డి చేపట్టిన ప్రతి కార్యక్రమంలో ముందుండడం ఆనవాయితీగా మారింది. ఆయానే కాదు వాళ్ళ కుటుంబం యావత్ గులాబీ బాటలో నడుస్తోంది. ఆయన సోదరుడు యస్ కె మోయిజ్ ఆ గ్రామానికి ప్రస్తుతం సర్పంచ్ గా ఉన్నారు.మిగితా ఇద్దరు సోదరులు ఎలిక్ట్రికల్ విభాగంలో కాంట్రాక్టర్ల గా స్థిర పడినారు.ఈ క్రమంలో అభిమాన నేత మంత్రి జగదీష్ రెడ్డి కొరకు వినూత్నమైన పద్ధతిలో తనకు చేతనైన తోడ్పాటు అందించాలనుకున్నారు.అందుకు అనుగుణంగా ముఖ్యమంత్రి కేసీఆర్ సహకారంతో జిల్లా కేంద్రంగా రూపాంతరం చెందిన సూర్యపేట పట్టణంలో జరిగిన అభివృద్ధిని ఇంటింటికి చేర్చాలని నిర్ణయించారు. అందుకు అనువైన మార్గం హిందువులు అత్యంత ప్రాధాన్యత ఇచ్చే వినాయక చవితి ని ఎంచుకున్నారు.శ్రీశ్రీశ్రీ వినాయక చవితి రోజున హిందువులందరికి చేరే విదంగా పట్టణాభివృద్ధి ప్రతిబింబింప చేయడంతో పాటు శ్రీశ్రీశ్రీ వినాయక చవితి వ్రత కల్ప విధానం పుస్తకాన్ని అందజేయాలని సంకల్పంతో నిర్ణయం తీసుకున్నారు .నిర్ణయానికి అనుగుణంగా క్యాలిటి,క్వానీటి లలో ఎక్కడా రాజీ లేకుండా కలకలానికి గుర్తుండి పోయేలా పుస్తకాన్ని రూపుదిద్దుకుంది .

ఈ పుస్తకం ఈ వినాయక చవితికి ప్రజల్లో ప్రత్యేక ఆకర్షణగా నిలిచింది. పుస్తకాన్ని చూసిన మంత్రి జగదీష్ రెడ్డి,సునీతా జగదీష్ రెడ్డి దంపతులు మంత్ర ముగ్దులు కావడమే కాకుండా పర్యావరణ పరిరక్షణకు గాను ప్రతి సంవత్సరం అందిస్తున్నట్లుగానే భక్తులకు మట్టి వినాయకుడి ప్రతిమలను అందించిన మంత్రి జగదీష్ రెడ్డి సతీమణి శ్రీమతి సునీతా జగదీష్ రెడ్డి ఈ సంవత్సరం ముస్లిం యువకుడు యస్ కే మాజిద్ రూపొందించిన శ్రీశ్రీశ్రీ వినాయక చవితి వ్రత కల్ప విధానం పుస్తకాన్ని అందించి ముఖ్యమంత్రి కేసీఆర్ నేతృత్వంలో రాష్ట్రం గంగా జమునా తాహజీబ్ కు తార్కాణమని నిరూపించారు.

సూర్యాపేట అసెంబ్లీ నియోజకవర్గం నుండి కాంగ్రెస్ పార్టీ అభ్యర్థిగా దరఖాస్తు చేసుకున్న రామ్ రెడ్డి దామోదర్ రెడ్డి


  


సూర్యాపేట అసెంబ్లీ నియోజకవర్గం నుండి కాంగ్రెస్ పార్టీ అభ్యర్థిగా దరఖాస్తు చేసుకున్న రామ్ రెడ్డి దామోదర్ రెడ్డి

సూర్యాపేట అసెంబ్లీ నియోజకవర్గం నుంచి కాంగ్రెస్ పార్టీ అభ్యర్థిగా అవకాశం కల్పించాలని మాజీమంత్రి వర్యులు,పిసిసి సీనియర్ ఉపాధ్యక్షుడు రాంరెడ్డి దామోదర్ రెడ్డి గారు దరఖాస్తు చేసుకున్నారు.

శుక్రవారం దామన్న తరుపున పిసిసి సభ్యులు కొప్పుల వేణా రెడ్డి గారు,సీనియర్ కాంగ్రెస్ నాయకులు రాంరెడ్డి క్రిష్ణా రెడ్డి గారితో కలిసి గాంధీ భవన్ లో దరఖాస్తును అందజేశారు.

ఈ కార్యక్రమంలో పిసిసి అధికార ప్రతినిధి బాల లక్ష్మీ, సీనియర్ కాంగ్రెస్ నాయకులు నాగిరెడ్డి రవీందర్ రెడ్డి (కబడ్డీ) తదితరులు పాల్గొన్నారు.

రష్యా ఇస్లామిక్ బ్యాంకింగ్‌ను అవలంబిస్తుంది..


  


రష్యా ఇస్లామిక్ బ్యాంకింగ్‌ను అవలంబిస్తుంది
సల్మాన్ హైదర్ 

రష్యా ప్రధానంగా నాలుగు ముస్లిం తూర్పు ప్రాంతాలలో -చెచ్న్యా, డాగేస్తాన్, బాష్కోర్టోస్తాన్ మరియు టాటర్స్తాన్ (Chechnya, Dagestan, Bashkortostan, and Tatarstan) లో ఇస్లామిక్ బ్యాంకింగ్ పద్ధతులను అమలు చేసే దిశగా అడుగులు వేస్తోంది.

రష్యన్ స్టేట్ డూమా(పార్లమెంట్) లో, రష్యాలో ఇస్లామిక్ ఫైనాన్స్‌ను ప్రోత్సహించడానికి ఉద్దేశించిన కొత్త బిల్లు ఇప్పటికే ఆమోదించబడింది. బిల్లు ప్రకారం భాగస్వామ్య ఫైనాన్సింగ్ సంస్థలు ముస్లిం తూర్పు ప్రాంతాలలో అభివృద్ధి చెందుతాయి. బ్యాంక్ ఆఫ్ రష్యా మార్కెట్‌ను నియంత్రిస్తుంది మరియు కంపెనీల రిజిస్ట్రీని నిర్వహిస్తుంది
ఖతారీ నాన్-ప్రాఫిట్ మీడియా అవుట్‌లెట్ మిడిల్ ఈస్ట్ మానిటర్ (MEMO), కథనం ప్రకారం రష్యా లో ఇస్లామిక్ బ్యాంకింగ్ అనేది ఉక్రెయిన్ విషయం లో రష్యా పట్ల విధింపబడిన పాశ్చాత్య ఆంక్షలకు ప్రతిస్పందన. ముస్లిం ప్రపంచంలో మరింత లాభదాయకమైన వాణిజ్యం కోసం, రష్యా మధ్యప్రాచ్యం మరియు ఆసియా వైపు చూస్తుంది. 

ప్రపంచవ్యాప్తంగా ఇస్లామిక్ బ్యాంకులు ఉన్నాయి. ది ఎకనామిస్ట్ యొక్క 2014 నివేదిక ప్రకారం, షరియా చట్టానికి కట్టుబడి ఉన్న ఆర్థిక సంస్థలు ప్రపంచ ఆస్తులలో 1% కలిగి ఉన్నాయి. ముస్లిం మరియు ముస్లిం మెజారిటీ దేశాలలో షరియా-అనుకూల బ్యాంకులు క్రమంగా విస్తరిస్తున్నాయి. 

2004లో, ముస్లిమేతర దేశంలో మొట్టమొదటి ఇస్లామిక్ బ్యాంక్ లండన్‌లో ప్రారంభించబడింది మరియు 2013లో, J.P మోర్గాన్ వినియోగదారులకు ఇస్లామిక్ బ్యాంకింగ్ ఎంపికలను అందించడం ప్రారంభించినది. ఇస్లామిక్ బ్యాంకింగ్ ఇప్పుడు ప్రతిచోటా ప్రజలకు ఒక ఎంపికలాగా మారింది.

రష్యన్ స్టేట్ డూమా ఆర్ధిక కమిటీ అధిపతి అనటోలీ అక్సాకోవ్‌ ప్రకారం "ఆసియా దేశాల నుండి- మలేషియా, ఇండోనేషియా మరియు అరబ్ దేశాల నుండి నిధులను ఆకర్షించే అంశం డూమా ఎజెండాలో ఉంది, ,."
ఇస్లామిక్ బ్యాంకింగ్ మరియు వాణిజ్య ఆచరణలో రష్యా యొక్క తాత్కాలిక ప్రవేశం పూర్తిగా ఊహించనిది కాదు. 2017 US స్టేట్ డిపార్ట్‌మెంట్ సర్వే ప్రకారం, రష్యా మొత్తం జనాభాలో ముస్లింలు దాదాపు 10% ఉన్నారు. వందల సంవత్సరాలుగా, రష్యా ఉత్తర కాకసస్‌లోని కొన్ని భాగాలను పాలించింది. చెచ్న్యా, డాగేస్తాన్, బాష్‌కోర్టోస్తాన్ మరియు టాటర్‌స్తాన్‌లలో గణనీయమైన ముస్లిం జనాభా ఉన్నందున, రష్యా ఇప్పుడు ఐరోపాలో అతిపెద్ద ముస్లిం జనాభాను కలిగి ఉంది.

అక్టోబర్ 3 నుంచి రాష్ట్రంలో కేంద్ర ఎన్నికల సంఘం పర్యటన


  


అక్టోబర్ 3 నుంచి రాష్ట్రంలో కేంద్ర ఎన్నికల సంఘం పర్యటన

కేంద్ర ఎన్నికల సంఘం అక్టోబర్ 3 నుంచి రాష్ట్రంలో పర్యటించనుంది. మూడు రోజుల పర్యటనలో భాగంగా అసెంబ్లీ ఎన్నికల ఏర్పాట్లను సమీక్షించనుందని రాష్ట్ర ఎన్నికల సంఘం అధికారి వికాస్ రాజ్‌

కేంద్ర ఎన్నికల సంఘం అక్టోబర్ 3 నుంచి రాష్ట్రంలో పర్యటించనుంది. మూడు రోజుల పర్యటనలో భాగంగా అసెంబ్లీ ఎన్నికల ఏర్పాట్లను సమీక్షించనుందని రాష్ట్ర ఎన్నికల సంఘం అధికారి వికాస్ రాజ్‌ తెలిపారు. మొదటి రోజు ఎక్సైజ్ ఆదాయపన్ను, రవాణా శాఖల అధికారులతో, బ్యాంకువాళ్లతో కేంద్ర ఎన్నికల సంఘం సభ్యులు సమావేశం కానున్నారు. ఎన్నికల్లో మద్యం, డబ్బు, ఇతర కానుకల పంపిణీకి అడ్డుకట్ట వేసేందుకు అవసరమైన చర్యలపై చర్చిస్తారు. జాతీయ, ప్రాంతీయ పార్టీలతో కూడా సీఈసీ బృందం భేటీ కానుంది.

రెండో రోజు పోలీస్ కమిషనర్లతో సమావేశమై జిల్లాల వారీగా ఎన్నికల నిర్వహణ ఏర్పాట్లపై సమీక్ష నిర్వహించనుంది. ఇక మూడో రోజు చీఫ్ సెక్రటరీ శాంతి కుమారి డీజీపీ అంజనీ కుమార్ ఇతర ఉన్నతాధికారులతో కేంద్ర ఎన్నికల సంఘం భేటీ కానుంది. అంతేకాదు స్వీప్ ఎగ్జిబిషన్ సందర్శన, వివిధ వర్గాల ఓటర్లతో కూడా ఓటింగ్ విషయమై చర్చించనుంది.

నల్గొండలో సత్యశోధక్ సమాజ్" 150 సంవత్సరాల సభకు సంబంధించిన కరపత్రాల ఆవిష్కరణలొ పాల్గొన్న ఎస్సీ ఎస్టీ విద్యార్థి సంఘం రాష్ట్ర అధ్యక్షులు కట్టెల శివ
  
 నేడు నల్గొండలోని గడియారం సెంటర్లో" మహాత్మ జ్యోతిబాపూలే" విగ్రహం వద్ద" సత్యశోధక్ సమాజ్" 150 సంవత్సరాల సభకు సంబంధించిన కరపత్రాలను ఆవిష్కరించడం జరిగింది .

  


 ఈనెల 24న హైదరాబాదులోని" సుందరయ్య విజ్ఞాన కేంద్రంలో" జరిగే ఈ సభను విజయవంతం చేయాలని, దాని కోసం జన సమీకరణతో పాటు వివిధ సన్నాహాలు చేయడం జరిగింది . 

ఈ కార్యక్రమంలో సత్యశోధకు సమాజ్ ఉమ్మడి నల్లగొండ జిల్లా కన్వీనర్ ,    డాక్టర్" గాదే లింగస్వామి, బామ్ సేఫ్ నాయకులు నజీర్- అడ్వకేట్, కెవిపిఎస్ జిల్లా అధ్యక్షులు పాలడుగు నాగార్జున, PDSU నాయకులు కిరణ్ ,ఎఫ్. సి .ఐ ఉద్యోగ సంఘ నాయకులు మాధగోని బిక్షమయ్య గౌడ్ గారు వివిధ రాజకీయ పార్టీల నాయకులు యాదయ్య, అభిలాష్ మరియు ప్రింట్ మీడియా ఎలక్ట్రానిక్ మీడియా మిత్రులు పాల్గొని ఈ కార్యక్రమాన్ని జయప్రదం చేశారు.. వారందరికీ పేరుపేరునా ధన్యవాదాలు తెలియజేసిన   కట్టెల శివకుమార్ అధ్యక్షులు, రాష్ట్ర ఎస్సీ, ఎస్టీ విద్యార్థి సంఘం.

ఒడిశా ని వనికిస్తూన్న స్క్రబ్‌ టైఫస్‌ 180 మందికి పాజిటీవ్


  


ఒడిశా ని వనికిస్తూన్న స్క్రబ్‌ టైఫస్‌ 180 మందికి పాజిటీవ్

శివ శంకర్. చలువాది



ఒడిశా రాష్ట్రంలో స్క్రబ్‌ టైఫస్‌ విజృంభిస్తోంది. 



బాధితుల సంఖ్య ఆదివారానికి 180కి చేరుకుంది. 



ఇప్పటివరకు సేకరించి పంపిన 59 శాంపిళ్లలో 11 స్క్రబ్‌ టైఫస్‌ పాజిటివ్‌గా వెల్లడైనట్లు ఆరోగ్య శాఖాధికారులు వెల్లడించారు. 





మొత్తం 180 మంది బాధితుల్లో ఇతర రాష్ట్రాల వారు 10 మంది ఉన్నారన్నారు. 





సుందర్‌గఢ్, బర్గఢ్‌ జిల్లాల్లో కేసులు ఎక్కువగా బయటపడుతున్నాయి. 



రాష్ట్రంలో ఇప్పటివరకు ఏడుగురు చనిపోయారు.

దివ్యాంగుల కోసం వినూత్న పథకాలు: మంత్రి కొప్పుల
దివ్యాంగుల కోసం వినూత్న పథకాలు: మంత్రి కొప్పుల

  


ఎన్నో ముఖ్యమైన కార్యక్రమాలకు హాజరైనా కలగని ఆత్మసంతృప్తి ఈ కార్యక్రమంలో కలుగుతున్నదని మంత్రి కొప్పుల 

జగిత్యాల జిల్లా//

ధర్మపురి SH గార్డెన్ లో ధర్మపురి నియోజకవర్గానికి సంబంధించిన141మంది దివ్యాంగులకు తెలంగాణ వికలాంగుల సహకార సంస్థ ఆధ్వర్యంలో సుమారు 70 లక్షల విలువ గల ఉచిత సహాయక ఉపకరణాలను 1 బ్యాటరీ ఆపరేటర్ వీల్‌చైర్, 110 ఆపరేటర్ బ్యాటరీ ట్రైసైకిల్లు, 30 స్కూటీలు మొదలగు పరికరాలు అర్హులైన దివ్యాంగువకు పంపిణీ చేసిన సంక్షేమ శాఖ మంత్రి కొప్పుల ఈశ్వర్ గారు

ఈ సందర్భంగా మంత్రి మాట్లాడుతూ

సమైక్య పాలనలో వికలాంగులను పట్టించుకోలేదు. వికలాంగుల శాఖ మొక్కుబడిగా ఉండేది, వారి అవసరాలను తీర్చేది కాదు, 
కాంగ్రెస్ పార్టీ పాలనలో ఈ దివ్యాంగులకు 200 ఇస్తుండే, వారిని ఈ దివ్యాంగులకు ఫించన్ పెంచాలని సోయి జ్ఞానం ఉందా అని మంత్రి ప్రశ్నించారు..

దివ్యాంగులను కన్నబిడ్డల్లా అక్కున చేర్చుకున్న ఘనత సిఎం కెసిఆర్ గారిది, తెలంగాణ ప్రభుత్వం దివ్యాంగుల సంక్షేమం కోసం అనేక కార్యక్రమాలు చేపడుతుంది.

గతం లో కాంగ్రెస్ పార్టీ పాలనలో దివ్యాంగులకు 50 శాతం సబ్సిడీ కింద ఈ ఉపకరణాలు అందించారు, కాని తెలంగాణ ప్రభుత్వం వచ్చిన తర్వాత దివ్యాంగులకు ఈ ఉపకరణాలను ఉచితంగా అందించడం జరుగుతోంది.. కెసిఆర్ గారు ఒక మానవీయ కోణంతో ఆలోచించి, వారికి ఉచితంగా అందిస్తున్నారు

దివ్యాంగుల సంక్షేమంలో దేశంలోనే తెలంగాణ అగ్రభాగంలో ఉన్నది. దివ్యాంగులకు బాసటగా నిలవడమే తెలంగాణ ప్రభుత్వ ఆశయం. సాటి మనిషి కష్టం, బాధ అర్థం చేసుకొని తీర్చగలిగినప్పుడే మానవ జన్మకు అర్థం, పరమార్థం ఉంటాయని సీఎం కేసీఆర్‌ ఎప్పుడూ చెప్తూ ఉంటారు. వారి ముఖాల్లో చిరునవ్వు ఉంటేనే ప్రభుత్వంగా మాకు ఆత్మ సంతృప్తి ఉంటుంది.
దివ్యాంగులకు వినూత్న సంక్షేమ పథకాలు అమలుచేస్తూ దేశంలోనే తెలంగాణ ప్రభుత్వం ముందున్నదని చెప్పారు.

దివ్యాంగుల్లో ఆత్మగౌరవాన్ని పెంచడంతోపాటు.. ఎవరి సాయం లేకున్నా బతకగలమనే ఆత్మైస్థెర్యాన్ని వారిలో నింపిందని పేర్కొన్నారు. 

వికలాంగులకు రూ.3016 పింఛన్ ను 4016 గా పెంచి ఇస్తున్న ఏకైక రాష్ట్రం తెలంగాణ అని చెప్పారు.
ఏటా దివ్యాంగులకు రూ.1,800 కోట్లు పింఛన్‌ ఇస్తున్నాయని మంత్రి తెలిపారు. అర్హులైనవారు ఎవరు దరఖాస్తు చేసుకున్నా పరికరాలు అందజేస్తామని చెప్పారు.

ఎన్నో ముఖ్యమైన కార్యక్రమాలకు హాజరైనా కలగని ఆత్మసంతృప్తి ఈ కార్యక్రమంలో కలుగుతున్నదని మంత్రి తెలిపారు 

అన్నివర్గాలు, అన్ని ప్రాంతాలను అభివృద్ధి చేయాలనే సంకల్పంతో సీఎం కేసీఆర్‌ ముందుకు వెళుతున్నారని మంత్రి తెలిపారు.

మానవత్వం చాటుకున్న నల్గొండ శాసన సభ్యులు కంచర్ల భూపాల్ రెడ్డి గారు.


  


మానవత్వం చాటుకున్న నల్గొండ శాసన సభ్యులు కంచర్ల భూపాల్ రెడ్డి గారు.

ఈనెల 03 వ తారీఖు నాడు నల్గొండ పట్టణం స్ధానిక 27 వ వార్డు నందు నివాసం ఉంటున్న సిగిలంభట్ల వెంకటేశ్వర్లు గారు అనారోగ్యంతో మరణించారని విషయం తెలుసుకున్న ఎమ్మేల్యే భూపాలన్న గారు ఆరోజు వార్డు నకు వెళ్లి కుటుంబ సభ్యులను పరామర్శించి వారు ఉండటానికి కూడా నివాసం లేదని స్ధానిక కౌన్సిలర్ వట్టిపల్లి శ్రీనివాస్ గారి ద్వారా విషయం తెలుసుకుని వారితో మాట్లాడి వీలైతే గృహలక్ష్మి పథకం కింద ఆర్థిక సహాయం అందిస్తానని ఖర్చులకు అవసరాలకు నిమిత్తం 20వెలు రూపాయలు ఆర్థిక సహాయం కింద ఇస్తానని హామీ ఇచ్చి... ఇచ్చిన మాట ప్రకారం నేడు వారి కుటుంబ సభ్యులను పిలిపించి 20వేల రూపాయలను అందియడం జరిగింది. 

ఈ కార్యక్రమంలో స్థానిక కౌన్సిలర్ వట్టిపల్లి శ్రీనివాస్ గారు, పట్టణ అధ్యక్షులు బోనగిరి దేవేందర్ గారూ, పట్టణ జాయింట్ సెక్రటరీ ఒప్పల. మారుతి ప్రకాష్ గారు తదితరులు ఉన్నారు.