NLG: జాతీయస్థాయి ఫుట్బాల్ క్రీడాకారుడిని అభినందించిన జిల్లా కలెక్టర్ త్రిపాఠి 

 
 
  
  
నల్గొండ: చత్రపతి శివాజీ ఫుట్బాల్ క్లబ్ క్రీడాకారుడు రాచూరి వెంకటసాయి, ఇటీవల జమ్మూ కాశ్మీర్ రాష్ట్రంలో జరిగిన 68వ జాతీయస్థాయి స్కూల్ గేమ్స్ ఫెడరేషన్, అండర్ 17 బాలుర ఫుట్బాల్ పోటీలలో తెలంగాణ రాష్ట్ర జట్టుకు ప్రాతినిధ్యం వహించి..తిరిగి నల్లగొండకు విచ్చేసిన సందర్భంగా, జిల్లా స్కూల్ గేమ్స్ ఫెడరేషన్ కార్యదర్శి దగ్గుపాటి విమల ఆధ్వర్యంలో, సోమవారం జిల్లా కలెక్టర్ ఇలా త్రిపాఠి ని మర్యాదపూర్వకంగా కలిసి పుష్పగుచ్చం అందజేశాడు.
  

  
ఈ సందర్భంగా జిల్లా కలెక్టర్ క్రీడాకారుడిని అభినందిస్తూ.. ఇంటర్నేషనల్ ఫుట్బాల్ క్రీడాకారులను ఆదర్శంగా తీసుకొని, క్రమశిక్షణతో నిరంతరం సాధన చేస్తూ, మన జిల్లా నుండి ఇంటర్నేషనల్ ఫుట్బాల్ క్రీడాకారుడిగా ఎదగాలని వెంకటసాయి కి సూచించారు.
  

  
ఈ కార్యక్రమంలో జాయింట్ కలెక్టర్ శ్రీనివాస్, గిరిజన సంక్షేమశాఖ డిప్యూటీ డైరెక్టర్ రాజ్ కుమార్, జిల్లా ఉన్నతాధికారులు మరియు ఉమ్మడి నల్గొండ జిల్లా ఫుట్బాల్ అసోసియేషన్ ప్రధాన కార్యదర్శి చత్రపతి శివాజీ స్పోర్ట్స్ ఫౌండేషన్ వ్యవస్థాపకులు బొమ్మపాల గిరిబాబు, రాచూరి గణేష్ తదితరులు పాల్గొన్నారు.
 

NLG: ఘనంగా ఏఐసీసీ అగ్రనేత సోనియా గాంధీ పుట్టినరోజు వేడుకలు

 
 
  నల్గొండ జిల్లా:
  
మర్రిగూడ: మండల కాంగ్రెస్ పార్టీ కార్యాలయంలో మండల కాంగ్రెస్ పార్టీ అధ్యక్షులు రామదాసు శ్రీనివాస్ ఆధ్వర్యంలో సోమవారం మర్రిగూడ మండల నాయకులు, గ్రామ శాఖ అధ్యక్షులు, మాజీ సర్పంచ్ లు, మాజీ ఎంపీటీసీ లు, నాయకులు, కాంగ్రెస్ పార్టీ గ్రామ శాఖ అధ్యక్షులు, కార్యకర్తలతో కలసి ఏఐసీసీ అగ్రనేత సోనియా గాంధీ పుట్టినరోజు వేడుకలను ఘనంగా నిర్వహించారు. 
  ఈ సందర్భంగా  కాంగ్రెస్ పార్టీ నాయకులు, కార్యకర్తలు అందరూ కలిసి కేక్ కట్ చేసి మిఠాయిలు పంచుకొని శుభాకాంక్షలు తెలిపారు.అనంతరం మర్రిగూడ కమ్యూనిటీ హెల్త్ సెంటర్లో, ప్రభుత్వ దవఖాన లో రోగులను  పరిశీలించి వారి యోగక్షేమాలను తెలుసుకొని, పండ్లు మరియు బ్రెడ్డు ప్యాకెట్లు అందజేశారు. 
  ఈ మేరకు మండల పార్టీ అధ్యక్షుడు రామదాస్ శ్రీనివాస్ మాట్లాడుతూ.. 60 ఏళ్ల తెలంగాణ ప్రజల ఆకాంక్షను సాకారం చేసి, తెలంగాణ రాష్ట్రమిచ్చిన తెలంగాణ తల్లి సోనియమ్మ పుట్టినరోజు వేడుకలను నిర్వహించుకోవడం ఆనందంగా ఉందని అన్నారు. ఆమె స్పూర్తితో ప్రజా ప్రభుత్వం పనిచేస్తుందని, పేర్కొన్నారు. ఈ కార్యక్రమం లో మర్రిగూడ మండల అధ్యక్షులు రామదాసు శ్రీనివాస్, నాంపల్లి బ్లాక్ కాంగ్రెస్ అధ్యక్షులు వెన్నమనేని రవీందర్ రావు, మాజీ జడ్పీటీసీ మేతరి యాదయ్య, మాజీ మార్కెట్ చైర్మన్ పాల్వాయి అనిల్ రెడ్డి, మార్కెట్ వైస్ చైర్మన్ నక్క శ్రీనివాస్, మార్కెట్ డైరెక్టర్ జమ్ముల వెంకటేష్, మాజీ ఎంపీపీ లు లపంగి వజ్రమ్మ, గంటికోట హరికృష్ణ, వెంకటేష్, శివన్నగూడెం రామలింగేశ్వర స్వామి గుడి చైర్మన్ రాపోలు గిరి, మాజీ సర్పంచ్ లు మాస శేఖర్, మాడెం వెంకటయ్య, వనపర్తి యాదయ్య, బీమనపల్లి కుంభం శ్రీనివాస్ రెడ్డి, గోపాల్ రెడ్డి,కళ్లెం జైపాల్ రెడ్డి, దండేటికార్ అంజయ్య, నున్సవత్, బిచ్య నాయక్, ఐతపాక జంగయ్య, మాజీ ఎంపీటీసీ వెంకటంపేట బాలయ్య, తుమ్మల వరప్రసాద్, ఎర్పుల శ్రీశైలం, పగడాల లింగయ్య, మైనారిటీ సెల్ నాయకులు. ఇబ్రహీం, ఎస్సీ సెల్ నాయకులు సిర్పంగి శ్రీనివాస్, యూత్ కాంగ్రెస్  అధ్యక్షులు కోడల అల్వల రెడ్డి, మాధగోని మహేష్, వడ్డే వెంకటేష్, గ్యార వెంకటేష్, ఉడుతల లవకుమార్, మండల నాయకులు కుమ్మరి మల్లయ్య, రావుల రాములు, ఎలిమినేటి సత్తి రెడ్డి, తదితర నాయకులు, కార్యకర్తలు పాల్గొన్నారు.
 

న్యాయమైన డిమాండ్ల పరిష్కారానికి కృషి చేస్తుంది: పిఆర్టియూటిఎస్


 
 
  నల్లగొండ: సర్వ శిక్ష అభియాన్ (ఎస్ఎస్ఏ) లో గత కొన్ని సం.లుగా పని చేస్తున్న ఎంఐఎస్, ఎండిఎం ఇతర ఉద్యోగులు, మండల కేంద్రంలో చేస్తున్న రిలే నిరాహార దీక్షను శనివారం పిఆర్టియూటిఎస్ సందర్శించి సంఘీభావం తెలిపింది. 
  ఈ మేరకు అర్బన్ శాఖ పక్షాన అధ్యక్షుడు తీగల శంకర్, మాజీ అద్యక్షులు గాదె వెంకటరెడ్డిలు మట్లాడుతూ.. జిల్లాశాఖ ద్వారా, రాష్ట్ర శాఖకు నివేదిక పంపించి వారి న్యాయమైన డిమాండ్ల పరిష్కారానికి కృషి చేస్తుందని చెప్పారు. 
 

NLG: జిల్లాలోని ప్రాజెక్టులు పూర్తి చేయడానికి ఎన్ని నిధులైనా మంజూరు చేయడానికి ప్రభుత్వం సిద్ధంగా ఉంది: సీఎం రేవంత్ రెడ్డి

 
 
  నల్లగొండ: మూసీ పునరుజ్జీవ ప్రాజెక్టును పూర్తి చేసి నల్గొండ జిల్లాను అభివృద్ధి పథాన నడిపిస్తామని సీఎం రేవంత్ రెడ్డి అన్నారు. ఎంత ఖర్చయినా కానివ్వండి.. ఎన్ని కష్టాలైనా రానివ్వండి.. కాలుష్యం లేని, కలుషితం లేని నీరు ఇవ్వడం కోసం మూసీ ప్రక్షాళన చేసి తీరుతాం. మూసీ పునరుజ్జీవం బాధ్యత నాది. కలుషితాల నుంచి నల్గొండ నుంచి విముక్తి చేసే బాధ్యత నాది. అడ్డం వచ్చేవారి సంగతి చూసే బాధ్యత మీది అని  సీఎం రేవంత్ రెడ్డి అన్నారు.
  శనివారం నల్లగొండ జిల్లా కేంద్రంలోని వైద్య కళాశాల వద్ద ఏర్పాటుచేసిన ప్రజా పాలన – ప్రజా విజయోత్సవాలు కార్యక్రమంలో పాల్గొని భారీ బహిరంగ సభలో మాట్లాడారు.
  సీఎం రేవంత్ మాట్లాడుతూ.. రైతుల సంక్షేమం, మూసీ పునరుజ్జీవం, నల్గొండ జిల్లా సమస్యలను ప్రధానంగా ప్రస్తావించారు. సంక్రాంతి పండుగ తర్వాత రైతుల ఖాతాల్లో రైతు భరోసా వేస్తామన్న విషయాన్ని పునరుద్ఘాటించారు.
  

  
మూసీ ప్రక్షాళన చేయకపోతే నల్గొండ ప్రజలు జీవించలేని పరిస్థితులు తలెత్తబోతున్నాయని ప్రపంచ ఆరోగ్య సంస్థ హెచ్చరించింది. ఫ్లోరైడ్ బారిన పడి నల్గొండ ప్రజలు అనేక విధాలుగా నష్టపోయారు. మూసీలో కొట్టుకొచ్చే శవాలు, కళేబరాల నుంచి విముక్తి కలిగించి ఈ జిల్లాలో వ్యవసాయానికి, తాగునీటికి ఉపయోగపడే విధంగా గోదావరి నుంచి నీటిని తరలించి కృష్ణా నదిలో కలిసే వరకు ప్రాజెక్టును పూర్తి చేస్తాం.
  

  
నల్గొండ జిల్లాలోని ప్రాజెక్టులు పూర్తి చేయడానికి ఎన్ని నిధులైనా మంజూరు చేయడానికి ప్రభుత్వం సిద్దంగా ఉంది. ఈ ప్రాంతానికి కృష్ణా నదీ జలాలను ప్రవహింపజేసి దేశానికే తలమానికంలా నిలబెట్టాలన్న ఆలోచన ప్రభుత్వం చేస్తోంది. 44 కిలోమీటర్ల ఎస్ఎల్ బీసీ టన్నెల్ ను పూర్తి చేసి 3.5 లక్షల ఎకరాలకు సాగునీరు, 500 గ్రామాలకు తాగునీటిని ఇవ్వాలని ప్రణాళికలు సిద్దం చేశామని, బ్రహ్మణవెల్లంల ఎత్తిపోతల ప్రాజెక్టు పూర్తి చేసి లక్ష ఎకరాలకు నీరివ్వాలని సంకల్పించామన్నారు.
  

  
ప్రజా ప్రభుత్వం ఏర్పడి నేటికి సరిగ్గా ఏడాది పూర్తి చేసుకున్న సందర్బంగా పోరాటాల గడ్డ నల్గొండ జిల్లాలో ఉత్సవాలు చేసుకోవడం సంతోషకరం.
  
21 వేల కోట్ల రూపాయలతో 25 లక్షల మంది రైతులకు 2 లక్షల మేరకు రుణమాఫీ చేశాం. ఒక్క నల్గొండ జిల్లాలోనే 2400 కోట్ల రూపాయల మేరకు రుణమాఫీ జరిగిందని చెప్పారు. 66 లక్షల ఎకరాల్లో 1.53 కోట్ల మెట్రిక్ టన్నుల వరి ధాన్యం పండించి దేశంలోనే మొదటి స్థానంలో నిలిచింది. ఇచ్చిన మాట ప్రకారం సన్నాలకు రూ. 500 బోనస్ ఇచ్చాం. అధికారంలోకి వచ్చిన మొదటి ఏడాదిలోనే ప్రభుత్వ పరంగా 55,143 ఉద్యోగాలు ఇచ్చిన చరిత్ర దేశంలోనే ఏ రాష్ట్రానికి లేదని అన్నారు.
  

  
నల్గొండ రింగ్ రోడ్డు ను పూర్తి చేస్తాం. రీజినల్ రింగ్ రోడ్డు తో పాటు 50 వేల ఎకరాల్లో ఫోర్త్ సిటీని కట్టే బాధ్యత ప్రభుత్వం తీసుకుంటుందని అన్నారు. ఈ కార్యక్రమంలో ఉప ముఖ్యమంత్రి బట్టి విక్రమార్క, శాసనమండలి చైర్మన్ గుత్తా సుఖేందర్ రెడ్డి, మంత్రులు కోమటిరెడ్డి వెంకటరెడ్డి, ఉత్తమ్ కుమార్ రెడ్డి, దామోదర రాజనర్సింహ, పొంగులేటి, తుమ్మల, ఎంపీ లు చామాల కిరణ్ కుమార్ రెడ్డి, కుందూరు రఘువీర్, ఎమ్మెల్యేలు, ఇతర ప్రజా ప్రతినిధులు, అధికారులు, ప్రజలు, పాల్గొన్నారు.
 

నల్లగొండ జిల్లాకు ప్రజా ప్రభుత్వం పూర్తి  సహాయ సహకారాలు అందిస్తుంది: మంత్రి కోమటిరెడ్డి వెంకట్ రెడ్డి

 
 
  నల్లగొండ: నాడు వైఎస్ఆర్ ముఖ్యమంత్రి గా ఉన్నపుడు ఎస్ఎల్బీసీ ప్రాజెక్ట్ ను 65 శాతం, బ్రాహ్మణ వెల్లంల ను 75 శాతం పూర్తి చేసుకున్నాం అని మంత్రి కోమటిరెడ్డి వెంకటరెడ్డి అన్నారు.
  

  
తెలంగాణ రాష్ట్రం ఏర్పడిన తర్వాత గత పదేళ్లుగా నల్లగొండ జిల్లాపై కక్ష్య కట్టి, ఫ్లోరైడ్ జిల్లాగా ఉన్న కూడా పట్టించుకోకుండా, కాలుష్యం కోరల్లో ఉన్న మూసి నది ప్రక్షాళన ను పట్టించుకోకుండా మన జీవితాలతో చెలగాటం ఆడారని  గత ప్రభుత్వాన్ని విమర్శించారు.
  

  
ప్రజా ప్రభుత్వం ఏర్పడిన మరుసటి రోజు సరిగ్గా ఏడాది క్రితం ఇదే రోజు ముఖ్యమంత్రి రేవంత్ రెడ్డి.. నల్లగొండ జిల్లాలో ఉన్న  ప్రాజెక్ట్ లను యుద్ధ ప్రాతిపదికన పూర్తి చేయాలని పూర్తిగా సహాయ సహకారం అందిస్తున్నారని తెలిపారు.
 

NLG: వైద్య కళాశాలను ప్రారంభించిన ముఖ్యమంత్రి రేవంత్ రెడ్డి

 
 
  నల్లగొండ: తెలంగాణ సీఎం రేవంత్ రెడ్డి శనివారం పట్టణంలోని ప్రభుత్వ వైద్య కళాశాలను ప్రారంభించారు.
  
రాష్ట్ర ప్రభుత్వం జిల్లా కేంద్రమైన నల్గొండలో ప్రభుత్వ వైద్య కళాశాలను అధికారికంగా ప్రారంభించింది. సుమారు రూ. 275 కోట్లతో నిర్మించిన వైద్య కళాశాలను ముఖ్యమంత్రి ఎనుముల రేవంత్ రెడ్డి, రాష్ట్ర మంత్రులతో కలిసి ప్రారంభించారు.
  కార్యక్రమంలో ఉప ముఖ్యమంత్రి బట్టి విక్రమార్క, మంత్రులు దామోదర రాజనర్సింహ, కోమటిరెడ్డి వెంకటరెడ్డి పొంగులేటి, తుమ్మల నాగేశ్వరరావు, ఉత్తమ్, మండలి చైర్మన్ గుత్తా సుఖేందర్ రెడ్డి, ఎంపీ లు, ఉమ్మడి జిల్లా ఎమ్మెల్యేలు, ప్రజా ప్రతినిధులు, జిల్లా కలెక్టర్ త్రిపాఠి, ఉన్నతాధికారులు, ఇతర అధికారులు, ప్రజలు పాల్గొన్నారు.
 

NLG: యాదాద్రి థర్మల్ విద్యుత్ కేంద్రాన్ని ప్రజలకు అంకితం చేసిన సీఎం రేవంత్ రెడ్డి

 
 
  
  
నల్గొండ జిల్లా, దామరచర్ల లోని యాదాద్రి థర్మల్ విద్యుత్ కేంద్రాన్ని  ముఖ్యమంత్రి రేవంత్ రెడ్డి జాతికి అంకితం చేశారు. 4వేల మెగావాట్ల స్థాపిత ఉత్పత్తి సామర్థ్యంతో చేపట్టిన ఈ ప్రాజెక్టులో, 800 మెగావాట్ల యూనిట్-2 నుంచి వాణిజ్య ప్రాతిపదికన ఉత్పత్తి, గ్రిడ్‌ కు అనుసంధానించే కార్యక్రమాన్ని శనివారం ముఖ్యమంత్రి ప్రారంభించారు.
  అంతకుముందు థర్మల్ స్టేషన్‌లో ఏర్పాటు చేసిన పైలాన్‌ ను ఉప ముఖ్యమంత్రి మల్లు భట్టి విక్రమార్క తో కలిసి సీఎం ఆవిష్కరించారు. ఈ థర్మల్ స్టేషన్‌లోని 800 మెగావాట్ల యూనిట్-2 వద్ద పూజలు నిర్వహించారు. అక్కడ ఏర్పాటు చేసిన ఫోటో ప్రదర్శనను వారు తిలకించారు.
  

  
కార్యక్రమంలో రాష్ట్ర శాసనమండలి చైర్మన్ గుత్తా సుఖేందర్ రెడ్డి, మంత్రులు కోమటిరెడ్డి వెంకటరెడ్డి, ఉత్తమ్ కుమార్ రెడ్డి, దామోదర రాజనర్సింహ, తుమ్మల నాగేశ్వరరావు,, ఎంపీలు రఘువీర్ రెడ్డి , చామల కిరణ్ కుమార్ రెడ్డి లతో పాటు జిల్లాకు చెందిన ప్రజా ప్రతినిధులు, విద్యుత్ శాఖ ఉన్నతాధికారులు పాల్గొన్నారు. 
 

సీఎం రేవంత్ రెడ్డికి స్వాగతం పలికిన కోమటి రెడ్డి రాజ్ గోపాల్ రెడ్డి

 
 
  నల్లగొండ జిల్లా: నేడు బ్రాహ్మణ వెల్లంల ప్రాజెక్టు ప్రారంభోత్సవానికి వచ్చిన  ముఖ్యమంత్రి ఎనుముల రేవంత్ రెడ్డి కి  మునుగోడు శాసనసభ్యులు కోమటిరెడ్డి రాజ్ గోపాల్ రెడ్డి,  మంత్రులతో కలిసి ఘన స్వాగతం పలికారు. 
  ముఖ్యమంత్రితో కలిసి ప్రాజెక్టు ప్రారంభోత్సవ కార్యక్రమంలో పాల్గొని గంగమ్మ తల్లికి పూలు సమర్పించారు.
  
 

NLG: సీఎం రేవంత్ రెడ్డి సభకు భారీ సంఖ్యలో తరలి వచ్చిన జనం

 
 
  నల్లగొండ: సీఎం రేవంత్ రెడ్డి ఇవాళ ప్రజాపాలన ప్రజా విజయోత్సవాల సభ సందర్భంగా, నల్లగొండకు వచ్చిన నేపథ్యంలో.. సాయంత్రం ఎస్ ఎల్ బి సి మెడికల్ కాలేజీ వద్ద నిర్వహించిన భారీ బహిరంగ సభకు, వివిధ గ్రామాల నుండి మండలాల నుండి ఉమ్మడి జిల్లా వ్యాప్తంగా బస్సులలో, ఇతర ప్రైవేటు వాహనాల్లో జనం భారీ సంఖ్యలో తరలివచ్చారు. 
  

  
ట్రాఫిక్ కు ఎటువంటి అంతరాయం కలగకుండా అధికారులు ఏర్పాటు చేశారు.
 

NLG: జాతీయస్థాయి కబడ్డీ పోటీలకు ఎంపికైన చింతల హనుమాన్

 
 
  నల్లగొండ:
  
డిసెంబర్ 7 -13 వ తేదీ వరకు హర్యానాలో జరగబోయే 68 వ స్కూల్ గేమ్స్ ఫెడరేషన్ అండర్ -19  జాతీయస్థాయి కబడ్డీ పోటీలకు నల్గొండ జిల్లా చత్రపతి శివాజీ కబడ్డీ క్లబ్ కు చెందిన చింతల హనుమాన్ సెలెక్ట్ కావడం జరిగిందని క్లబ్ వ్యవస్థాపకులు, ఉమ్మడి నల్గొండ జిల్లా ఒలంపిక్ అసోసియేషన్ కోశాధికారి బొమ్మపాల గిరిబాబు తెలిపారు.
  

  
నవంబర్ నెలలో ఉమ్మడి మహబూబ్నగర్ జిల్లాలోని రాచమల్ల పట్టణంలో జరిగిన రాష్ట్రస్థాయి కబడ్డీ క్రీడల్లో అత్యుత్తమ ప్రతిభను కనబరచడం ద్వారా జాతీయ స్థాయి పోటీలకు ఎంపిక అయ్యాడని తెలిపారు.
  

  
చింతల హనుమాన్ 2023 సంవత్సరంలో సబ్ జూనియర్ జాతీయ స్థాయి కబడ్డీ పోటీలలో కూడా పాల్గొన్నాడని, ప్రస్తుతం హాలియా పట్టణంలోని ప్రభుత్వ జూనియర్ కళాశాలలో CEC 2వ సంవత్సరం చదువుతున్నాడు.
  

  
సీనియర్ కబడ్డీ క్రీడాకారుడు పల్లెబోయిన సత్యనారాయణ సహకారంతో 2019 సంవత్సరంలో  చత్రపతి శివాజీ ఫుట్బాల్ క్లబ్ లో  చేరి కబడ్డీ క్రీడలో నిరంతరం తర్ఫీదు పొంది పలు జిల్లాల్లో, రాష్ట్రాల్లో నిర్వహించిన వివిధ పోటీల్లో పాల్గొని ప్రతిభ కలిగిన క్రీడాకారుడిగా గుర్తింపు సాధించాడని తెలియజేశారు. ఈ సందర్భంగా  స్పోర్ట్స్ ఫౌండేషన్ పక్షాన తెలంగాణ స్కూల్ గేమ్స్ ఫెడరేషన్ కార్యదర్శి కుంభం రామ్ రెడ్డి కి ప్రత్యేకమైన కృతజ్ఞతలు తెలిపారు.