తీన్మార్ మల్లన్న సస్పెన్షన్ను ఖండించిన బీసీ యువజన సంఘం.
బడుగు బలహీన వర్గాలకు జరుగుతున్న అన్యాయాలపై ముందుకొచ్చి తన గళమెత్తి పోరాడుతున్న కారణంగా బడుగు బలహీన వర్గాల ముద్దుబిడ్డ కాంగ్రెస్ పార్టీ ఎమ్మెల్సీ తీన్మార్ మల్లన్నను కాంగ్రెస్ పార్టీ నుండి బహిష్కరించడాన్ని బీసీ యువజన సంఘం రాష్ట్ర ప్రధాన కార్యదర్శి కట్టెకోలు దీపెందర్ తీవ్రంగా ఖండించారు. 

 ఈ సందర్భంగా కట్టెకోలు దీపేందర్ మాట్లాడుతూ తీన్మార్ మల్లన్నను పార్టీ నుండి బహిష్కరించడమంటే అంటే యావత్ బీసీలను పార్టీ నుండి బహిష్కరించడమేనన్నారు. కాంగ్రెస్ పార్టీలో అగ్రకులాలకో న్యాయం బీసీ ఎస్సీ ఎస్టీలకో న్యాయమా అని ప్రశ్నించారు. 

మొదటినుండి పార్టీ కోసం అహర్నిశలు తన మాన ప్రాణాలను పణంగా పెట్టి ఎన్నో కేసులను సైతం లెక్కచేయకుండా ఆనాటి ప్రభుత్వానికి ఎదురోడ్డి పోరాడి నాటి ప్రభుత్వాన్ని గద్దె దించి కాంగ్రెస్ ప్రభుత్వాన్ని అధికారంలోకి తీసుకురావడానికి నిరంతరం అహర్నిశలు శ్రమించిన వ్యక్తి మల్లన్న ఆని తెలిపారు. 

అలాంటి వ్యక్తి బడుగు బలహీన వర్గాల హక్కుల కోసం పోరాడుతుంటే సహించలేని అగ్రకుల పార్టీ పెద్దలు ఈరోజు పార్టీ నుండి గెంటేయడం దుర్మార్గమైన చర్యన్నారు.  కాంగ్రెస్ పార్టీలో ఉంటూ మొన్నటి వరకు పార్టీని ప్రభుత్వాన్ని విమర్శించిన అగ్రకుల నాయకులపై ఎలాంటి చర్యలు తీసుకోకుండా కేవలం మల్లన్న పై చర్యలు తీసుకోవడం అంటే బీసీలపై కాంగ్రెస్ పెద్దలకు ఉన్న సవతి తల్లి ప్రేమ ఏందో తేటతెల్లమైందన్నారు. రానున్న రోజుల్లో యావత్ బీసీ ప్రజానీకం కాంగ్రెస్ పార్టీకి సరైన బుద్ధి చెప్పడానికి సిద్ధంగా ఉన్నారని హెచ్చరించారు.

ఈ కార్యక్రమంలో బీసీ యువజన సంఘం జిల్లా వర్కింగ్ ప్రెసిడెంట్ ఎలిజాల వెంకటేశ్వర్లు, నియోజకవర్గ అధ్యక్షుడు బోళ్ల నాగరాజు, ఉపాధ్యక్షుడు వనం వెంకటేశ్వర్లు తదితరులు పాల్గొన్నారు.

ప్రమాదవశాత్తు కరెంట్ షాక్ తగిలి చికిత్స పొందుతున్న బాలుని కుటుంబ సభ్యులకు అమ్మ స్వచ్ఛంద సేవా సంస్థ వారి ఆర్థిక సహాయం
నల్లగొండ పట్టణంలో 18 వ వార్డులో శ్రీరామ్ నగర్ కాలనీలో నివాసం ఉంటున్న కందగట్ల  కృష్ణ - గీతా దంపతుల కుమారుడు 11 సంవత్సరాల నవదీప్ జనవరి 17 శుక్రవారం రోజున బిల్డింగ్ పై పతంగి ఎగరవేస్తున్న సమయంలో వారి ఇంటి పక్కన ఉన్న కరెంటు తీగలకు పతంగి చిక్కడంతో పతంగిని తీసుకునే ప్రయత్నంలో ప్రమాదవశాత్తు కరెంటు షాక్ తగిలి 60% అబ్బాయి కాలిపోవడం జరిగింది. వెంటనే నల్లగొండ ప్రభుత్వ ఆసుపత్రికి తీసుకెళ్లగా అబ్బాయికి సీరియస్ గా ఉందని హైదరాబాదులోని గాంధీ హాస్పిటల్ కి పంపించారు. బాబు తల్లిదండ్రులు గాంధీ హాస్పిటల్ నుండి మెరుగైన వైద్యం కోసం కె.పి.హెచ్.బి. గౌతమ్ న్యూరో కేర్ హాస్పిటల్ కి తీసుకెళ్లి అక్కడ చికిత్స చేయిస్తున్నారు.
 బాబును ఆ పరిస్థితుల్లో చూసి తల్లిదండ్రులు కన్నీరు మున్నీరై బాధపడుతున్నారని తెలుసుకున్న అమ్మా స్వచ్ఛంద సేవా సంస్థ సభ్యులు నల్లగొండ నుండి కె.పి.హెచ్.బి. గౌతమ్ న్యూరో కేర్ హాస్పిటల్ కి చేరుకొని శోకసంద్రంలో ఉన్న నవదీప్ తల్లిదండ్రులను కలిసి బాబు పరిస్థితి గురించి తెలుసుకొని ధైర్యాన్నిచ్చి వారికి కొంత ఆర్థిక సహాయం చేశారు. 
నవదీప్ తల్లిదండ్రులు అమ్మ స్వచ్ఛంద సేవా సంస్థ సభ్యులకు ప్రత్యేక ధన్యవాదాలు తెలియజేశారు. అమ్మా స్వచ్ఛంద సేవా సంస్థ సభ్యులు మాట్లాడుతూ బాబు త్వరగా కోలుకొని  ఇంటికి క్షేమంగా తిరిగి రావాలని మనస్ఫూర్తిగా కోరుకున్నారు. అలాగే బాబు కుటుంబ సభ్యులు చాలా బీదరికంలో ఉన్నారని ఇంకా ఎవరైనా దాతలు పెద్ద మనసు చేసుకొని ఎంతో కొంత ఆర్థిక సహాయం చేసి కుటుంబ సభ్యులకు అందజేస్తారని మనస్ఫూర్తిగా ప్రార్థించారు.
ఈ కార్యక్రమంలో అమ్మ స్వచ్ఛంద సేవా సంస్థ సభ్యులు సురకారపు యాదగిరి గౌడ్, కంచర్ల రఘురామ్ రెడ్డి, పాలకూరి నర్సింహ గౌడ్, దోనాల లింగారెడ్డి, కట్టెబోయిన సంజీవ యాదవ్, అయితరాజు ప్రసాద్ తదితరులు పాల్గొన్నారు.

ఘనంగా ఎమ్మెల్సీ తీన్మార్ మల్లన్న జన్మదిన వేడుకలు
బీసీ యువజన సంఘం ఆధ్వర్యంలో కేక్ కట్ చేసి శుభాకాంక్షలు తెలియజేసిన రాష్ట్ర ప్రధాన కార్యదర్శి కట్టెకోలు దీపెందర్.

ప్రభుత్వ ఆసుపత్రిలో రోగులకు పండ్లు పంపిణీ.

తెలంగాణ రాష్ట్ర ఎమ్మెల్సీ తీన్మార్ మల్లన్న గారి జన్మదినాన్ని పురస్కరించుకొని బీసీ యువజన సంఘం ఆధ్వర్యంలో శుక్రవారం నల్గొండ జిల్లా కేంద్ర ప్రభుత్వ ఆసుపత్రిలో రోగులకు పండ్లు పంపిణీ చేశారు. అనంతరం కేక్ కట్ చేయడం జరిగింది.

 ఈ సందర్భంగా బీసీ యువజన సంఘం రాష్ట్ర ప్రధాన కార్యదర్శి కట్టెకోలు దీపెందర్ మాట్లాడుతూ బడుగు బలహీన వర్గాల రాజ్యాధికారం,  అభ్యున్నతికి అభివృద్ధి కోసం నిరంతరం కృషి చేస్తున్న అభినవ ఫూలే తీన్మార్ మల్లన్న అని కొనియాడారు. తన దాతృత్వంతో రాష్ట్ర వ్యాప్తంగా ఎంతో మంది పేద విద్యార్థుల విద్య కోసం, పేదల వైద్యం కోసం, ఇతరత్రా కార్యక్రమాలకు అన్నా అంటే నేనున్నానంటూ స్పందించి ఆర్ధిక సహాయం అందించి ఎంతో మందిని దయార్ద్ర హృదయంతో ఆదుకున్న గొప్ప మహానుభావుడన్నారు. భవిష్యత్తులో రాజకీయంగా ఆర్థికంగా మరింత ఉన్నత పదవులు పొందాలని కోరుకుంటున్నానన్నారు. మల్లన్నకు భగవంతుడు నిండు నూరేళ్లు ఆయురారోగ్యాలు ప్రసాదించాలని ప్రార్ధిస్తున్నానన్నారు.

ఈ కార్యక్రమంలో జిల్లా వర్కింగ్ ప్రెసిడెంట్ యలిజాల వెంకటేశ్వర్లు, జిల్లా కార్యదర్శి గండిచెర్వు చంద్రశేఖర్, నియోజకవర్గ అధ్యక్షుడు బోళ్ల నాగరాజు, పట్టణ కార్యదర్శి యలిజాల రమేష్, శ్రీరంగం, గడగొజు విజయ్ చారి, నేదునూరి సాయి, అఖిల్ తదితరులు పాల్గొన్నారు.

Rtv Folk Songs యూట్యూబ్ ఛానల్ రవికి అమ్మ స్వచ్ఛంద సేవా సంస్థ వారి ఆర్థిక సహాయం
Rtv folk Songs యూట్యూబ్ ఛానల్ రవి తీవ్ర అనారోగ్యంతో గత రెండు నెలలుగా అపెండిక్స్ కడుపునొప్పితో బాధపడుతూ ఆపరేషన్ చేయించుకున్న ఐదు రోజుల్లో తండ్రి అకాల మరణం, దానికి తోడు కడుపులో ఇన్ఫెక్షన్ తో నల్లగొండ పట్టణంలోని సంకల్ప ఆసుపత్రిలో చికిత్స పొందుతున్నారని తెలుసుకున్న అమ్మ స్వచ్ఛంద సేవా సంస్థ వారు అక్కడికి చేరుకొని పండ్లు, నగదు ఆర్థిక సహాయం అందజేశారు.

రవి కుటుంబ సభ్యులు అమ్మ స్వచ్ఛంద సేవా సంస్థ వారికి ప్రత్యేక ధన్యవాదాలు తెలియజేశారు. అమ్మ స్వచ్ఛంద సేవా సంస్థ సభ్యులు మాట్లాడుతూ రవి ఆరోగ్యంగా ఉన్న సమయంలో ఇలాంటి ఎన్నో స్వచ్ఛంద కార్యక్రమాల్లో పాల్గొని, స్వచ్ఛంద కార్యక్రమాలను తన వీడియో ద్వారా కవరేజ్ చేశారన్నారు. అలాగే తన యూట్యూబ్ ఛానల్ ద్వారా ఎంతోమందికి తను నటించిన ఫోక్ సాంగ్స్ ని అందించారని గుర్తు చేశారు. 
 
రవితో పాటు పనిచేసిన ఎంతోమంది కళాకారులు, మీడియా మిత్రులు ఎంతో కొంత ఆర్థిక సహాయం చేసి హాస్పిటల్ బిల్లులకు సహకరించగలరని అమ్మ స్వచ్చంద సేవా సంస్థ వారు కోరుకున్నారు. అలాగే ఈ కార్యక్రమానికి సహకరించిన ప్రతి మిత్రునికి ప్రత్యేక ధన్యవాదాలు తెలియజేశారు. అలాగే రవికి ఇంకా ఆరోగ్యం మెరుగుపడనందు వల్ల ఆస్పత్రిలోనే చికిత్స పొందాలి కాబట్టి ఎవరైనా ఆర్థిక సహాయం చేయాలనుకున్న వారు 8340988212 నెంబర్ కి ఫోన్ పే, గూగుల్ పే చేయగలరని కోరుకున్నారు.

ఈ కార్యక్రమంలో అమ్మ స్వచ్ఛంద సేవా సంస్థ సభ్యులు సురకారపు యాదగిరి గౌడ్, కంచర్ల రఘురాం రెడ్డి, పాలకూరి నర్సింహా గౌడ్, దోనాల లింగారెడ్డి, కట్టెబోయిన సంజీవ యాదవ్, అయితరాజు ప్రసాద్, తుపాకుల ప్రవీణ్, తుమ్మలపల్లి మహేష్ మరియు చాకలి ఐలమ్మ సంఘం రాష్ట్ర కోఆర్డినేటర్ ఐతరాజు లక్ష్మణ్, రజక సంఘం నాయకులు యలిజాల శంకర్, నడిగోటి నాగరాజు తదితరులు పాల్గొన్నారు.

తాటి చెట్టు పై నుండి పడి గాయపడిన గీతా కార్మికుడున్ని పరామర్శించిన తెలంగాణ గౌడ సంఘాల JAC...
వరంగల్ జిల్లా పర్వతగిరి మండలం సోమారం గ్రామానికి చెందిన గడ్డం వెంకటనారాయణ గౌడ్ గారు వృత్తి ధర్మంలో తాటి చెట్టు పై నుండి పడి తీవ్ర గాయాలు అయినాయని తెలిసి హాస్పిటల్లో పరామర్శించిన 



తెలంగాణ గౌడ యువజన సంఘం రాష్ట్ర అధ్యక్షులు గట్టు నరేష్ గౌడ్ మరియు గౌడ సంఘం రాష్ట్ర అధ్యక్షులు బొనగాని యాదగిరి గౌడ్ గారు ఈ సందర్భంగా గట్టు నరేష్ గౌడ్ మాట్లాడుతూ రాష్ట్రంలో ప్రతిరోజు పదుల సంఖ్యలో గీతా వృత్తి ప్రమాదాలు జరుగుతున్న ప్రభుత్వం పట్టించుకున్న పాపానికి పోలేదని ప్రభుత్వంపై గట్టు నరేష్ గౌడ్ ధ్వజమెత్తారు.

 అంతేకాకుండా గత ప్రభుత్వంలో వృత్తి ప్రమాదాలు జరిగి గాయపడిన మరణించిన తక్షణ సహాయ నిధి కింద గీత కార్పొరేషన్ ద్వారా 15000 రూపాయలు 25వేల రూపాయలు బాధిత కుటుంబ సభ్యులకు అందించేవారు అని నూతన కాంగ్రెస్ ప్రభుత్వం ఏర్పాటు సంవత్సరం గడిచిన నేటికి బాధితులకు ఎలాంటి తక్షణం సహాయం గాని మరణించిన వారికి ఎక్స్గ్రేషియా గాని అందించడం లేదని మండిపడ్డారు ఇకనైనా గీతా కార్పొరేషన్ ఏర్పాటు చేసి గీతా వృత్తి ప్రమాదాలు జరగకుండా ప్రభుత్వం బాధ్యత వహించాలని ప్రభుత్వాన్ని డిమాండ్ చేశారు..

 గీత కార్మికులు ప్రమాదానికి గురి అయితే ప్రభుత్వాసుపత్రులకు వెళ్లాలంటే భయపడి ప్రైవేటు హాస్పిటల్ లను వెతుక్కునే పరిస్థితి వచ్చిందని ఆ ప్రైవేట్ ఆస్పత్రిలో బిల్లులు కట్టుకోలేక బాధితులు ఆస్తులు అమ్ముకునే పరిస్థితి తీసుకొచ్చిన ప్రభుత్వం వారికి అయినా వైద్య ఖర్చులు ప్రభుత్వమే భరించాలని లేదా ప్రభుత్వ ఆసుపత్రిలో వైద్య సేవలు మెరుగుపరిచి సేవలందించాలని సూచించారు.

ఈ కార్యక్రమంలో గౌడ సంఘం రాష్ట్ర నాయకులు నాగపురి వెంకటేష్ గౌడ్ గారు నందు గౌడ్ గారు. మధుసూదన్ రాజుగారు దొడ్డుపల్లి రఘుపతి నందగోపాల్ ఉదయ్ కుమార్ సతీష్ తదితర గౌడ నాయకులు పాల్గొని బాధితుడిని పరామర్శించారు.

తిరుమలలో తెలంగాణ ప్రజా ప్రతినిధుల సిఫారసు లేఖలపై వివక్షను మానుకోవాలి : తెలంగాణ గౌడ సంఘాల JAC హెచ్చరిక
తెలంగాణ గౌడ సంఘాల ఆధ్వర్యంలో హనుమకొండలో ఏర్పాటు చేసిన విలేకరుల సమావేశంలో తెలంగాణ గౌడ యువజన సంఘం రాష్ట్ర అధ్యక్షుడు గట్టు నరేష్ గౌడ్ మరియు తెలంగాణ గౌడ సంఘం రాష్ట్ర అధ్యక్షులు బొనగాని యాదగిరి గౌడ్ గారు మాట్లాడుతూ గడిచిన 7నెలలుగా ఆంధ్రప్రదేశ్ రాష్ట్ర ప్రభుత్వం మరియు తిరుమల తిరుపతి దేవస్థానం తెలంగాణ ప్రజా ప్రతినిధుల సిఫారసు లేఖలపై అవలంబిస్తున్న ద్వంద్వ వైఖరిని తక్షణమే విరమింపు చేసుకోవాలి అని తెలంగాణ గౌడ సంఘాలు డిమాండ్ చేశాయి.

 అంతేకాకుండా గత నాలుగు రోజుల క్రితం తెలంగాణ మాజీ మంత్రివర్యులు బహుజన నాయకులు డాక్టర్ వి శ్రీనివాస్ గౌడ్ గారిపై TTD చైర్మన్ &TV5 చైర్మన్ బొల్లినేని రాజగోపాల్ నాయుడు గారు మాజీ మంత్రి శ్రీనివాస్ గౌడ్ పై చర్యలు తీసుకుంటామని ప్రకటించడం వారి చేతగానితనమని అంతేకాకుండా వారి పొరపాటులను తెలియజేస్తే చర్యలు తీసుకుంటారా అని తెలంగాణ గౌడ సంఘాలు ధ్వజమెత్తాయి.

 తక్షణమే వారు చేసిన వ్యాఖ్యలు విరమింప చేసుకొని తిరుమలకు వచ్చే తెలంగాణ భక్తులను అనేక విధాలుగా ఇబ్బందులకు గురి చేస్తూ శునకానందం పొందుతున్న తిరుమల తిరుపతి దేవస్థానం పాలకమండలి ఇకనైనా తక్షణమే తెలంగాణ ప్రజలపై ద్వంద వైఖరిని మానుకొని అన్ని రాష్ట్రాల ప్రజాప్రతినిధులకు సిఫారసు లేఖలకు ఎలాంటి గుర్తింపు గౌరవం ఇస్తున్నారో తెలంగాణ ప్రజాప్రతినిధుల సిఫారసు లేఖలకు కూడా అలాంటి గుర్తింపే ఇవ్వాలని తెలంగాణ గౌడ సంఘాలు డిమాండ్ చేస్తున్నాయి.

 లేనియెడల మరో 48 గంటలలో తెలంగాణ రాష్ట్ర వ్యాప్తంగా టీటీడీ చైర్మన్ దిష్టిబొమ్మలు తగలబెట్టి తన TV5 ఆఫీసులను అష్టదిగ్బంధం చేసి గౌడ సంఘాల మోకు దెబ్బ రుచి చూపిస్తామని యువజన సంఘాల JAC చైర్మన్ గట్టు నరేష్ గౌడ్ మరియు తెలంగాణ గౌడ సంఘాలు హెచ్చరిస్తున్నాయి ఈ కార్యక్రమంలో పాపన్న గౌడ్ సంక్షేమ సంఘం రాష్ట్ర అధ్యక్షులు జనగాం శ్రీనివాస్ గౌడ్ గారు రాజు గౌడ్ గారు శ్రీనివాస్ గౌడ్ గారు సదానందం గౌడ్ గారు తదితర వరంగల్ జిల్లా గౌడ సంఘం నాయకులు పెద్ద ఎత్తున పాల్గొన్నారు.

TTD దేవస్థాన చైర్మన్ B R నాయుడు తెలంగాణ మాజీ మంత్రివర్యులు డాక్టర్ వి శ్రీనివాస్ గౌడ్ గారి పై చర్యలు తీసుకుంటామని ప్రకటించడం 
తీవ్రంగా ఖండిస్తున్నామని ప్రకటించిన తెలంగాణ గౌడ యువజన సంఘం రాష్ట్ర అధ్యక్షులు గట్టు నరేష్ గౌడ్


 తిరుమలలో అనుచిత వ్యాఖ్యలు చేసిన కాంగ్రెస్ నాయకుల పై చర్యలు తీసుకోకుండా.. మాజీ మంత్రి శ్రీనివాస్ గౌడ్ మీద చర్యలకు ఆదేశించిన టీటీడీ

తిరుమలలో తెలంగాణ వారిపై వివక్ష
తిరుమలలో టీటీడీ అవలంభిస్తున్న వైఖరిని తప్పుబట్టిన శ్రీనివాస్ గౌడ్
తిరుమలలో దర్శనాలు, గదుల కేటాయింపులో తెలంగాణ భక్తులను నిర్లక్ష్యం చేస్తున్నారు

గడచిన పదేళ్ల కాలంలో ఎప్పుడూ ఇలా జరగలేదు.. ఇప్పుడు ఇరురాష్ట్రాల ప్రజలను టీటీడీ సమానంగా చూడడం లేదని మాజీ మంత్రి శ్రీనివాస్ గౌడ్ ఆరోపించారు

కొద్దిరోజుల క్రితం కాంగ్రెస్ నాయకులు జడ్చర్ల ఎమ్మెల్యే అనిరుధ్ రెడ్డి, ఎమ్మెల్సీ బల్మురి వెంకట్ కూడా ఇదే తరహాలో టీటీడీ పై కామెంట్స్ చేశారు

తిరుమల గుడికి తెలంగాణ నుండి లెటర్స్ వస్తే ఈవో ఆక్సెప్ట్ చేయడం లేదు. ఇదే ఆంధ్ర ఎమ్మెల్యేలు, ఎమ్మెల్సీలు తెలంగాణలోని యాదగిరి గుట్ట, భద్రాచలం ఈవోలకు కాల్ చేస్తే స్పెషల్ దర్శనాలు అవుతున్నాయి. 

చంద్రబాబు నాయుడు గారు మీరు కేవలం వ్యాపారం కోసమే తెలంగాణకు రాకండి.. మేము చెప్తే తిరుమల దర్శనం జరిగేటట్లు ఈవోకు ఆదేశాలు ఇవ్వండి.

లేదంటే మేము కూడా కలిసి నిర్ణయం తీసుకొని మిమ్మల్ని బాయ్‌కాట్ చేసి భద్రాచలం, యాదగిరి గుట్టలో లెటర్స్‌పై దర్శనం జరగకుండా చేస్తాం - జడ్చర్ల కాంగ్రెస్ ఎమ్మెల్యే అనిరుధ్ రెడ్డి

తిరుమల దేవస్థానంలో తెలంగాణ సిఫారసు లేఖలు రద్దు చేయడం కరెక్ట్ కాదు. ఏపీ, తెలంగాణ నాకు రెండు కళ్ళు అన్న చంద్రబాబు మర్చిపోయారా - ఎమ్మెల్సీ బల్మూరి వెంకట్

తిరుమల కొండపై శ్రీనివాస్ గౌడ్ చేసిన వ్యాఖ్యలను తితిదే ఛైర్మన్ బీఆర్ నాయుడు ఖండిస్తూ.. శ్రీనివాస్ గౌడ్ మీద చర్యలకు ఆదేశిస్తున్నట్లు చెప్పారు. 

అయితే కాంగ్రెస్ నాయకులు చేసిన వ్యాఖ్యలపై స్పందించకుండా కేవలం శ్రీనివాస్ గౌడ్ మీదే చర్యలు తీసుకోవాలని ఆదేశించిన టీటీడీ చైర్మన్ ఆంధ్రప్రదేశ్ రాష్ట్ర ప్రభుత్వం ఆంధ్రాలో సర్దార్ గౌతు లచ్చన్న గౌడ్ విగ్రహావిష్కరణలో గౌడులను అవమానించింది తెలంగాణ బహుజన కీలక నేతైన మాజీ మంత్రివర్యులు డాక్టర్ వి శ్రీనివాస్ గౌడ్ గారిని అవమానించే విధంగా చర్యలు తీసుకుంటామని ఎల్లో మీడియా చైర్మన్ &టీటీడీ చైర్మన్ బొల్లినేని రాజగోపాల్ నాయుడు ప్రకటించడం ఆశ్చర్యంగా ఉంది ఇకనైనా మీ వైఖరి మార్చుకోవాలని తెలంగాణ గౌడ యువజన సంఘం హెచ్చరిస్తుంది.
 

గాయపడిన గీత కార్మికుడిని పరామర్శించిన తెలంగాణ గౌడ యువజన సంఘం రాష్ట్ర అధ్యక్షుడు గట్టు నరేష్ గౌడ్ మరియు నాగపురి వెంకటేష్ గౌడ్


వరంగల్ జిల్లా వర్ధన్నపేట మండలం నల్లబెల్లి గ్రామానికి చెందిన కల్లుగీత వృత్తిదారుడు ముత్యం ఏకాంబ్రం గౌడ్ గారు బుధవారం సాయంత్రం తాటిచెట్టు ఎక్కే క్రమంలో ప్రమాదవశాత్తు చెట్టు పై నుండి కిందపడినాడు ఈ ప్రమాదంలో తన రెండు చేతులు పూర్తిగా విరిగి తీవ్ర గాయాలు అయినాయని తెలంగాణ గౌడ యువజన సంఘం రాష్ట్ర అధ్యక్షుడు గట్టు నరేష్ గౌడ్ ఒక ప్రకటనలు తెలిపాడు.
 దీనికి పూర్తి బాధ్యత రాష్ట్ర ప్రభుత్వమే వహించాలి అని బాధితుడికి భార్య మరియు చదువుకునే ఇద్దరు పిల్లలు ఉన్నారని వారికి ప్రభుత్వమే అండగా ఉండాలని కోరాడు.

 అంతేకాకుండా తన వైద్య ఖర్చులు ప్రభుత్వం భరించాలని ఇది ప్రభుత్వ వైఫల్యమని దుయ్యబట్టాడు కాంగ్రెస్ పార్టీ డిక్లరేషన్ లో ప్రభుత్వం ఏర్పాటు కాగానే గీత కార్మికులకు కాటమయ్య రక్షణ కవచాలు అందిస్తామని చెప్పి అధికారం వచ్చి సంవత్సరం గడిచిన ఇచ్చిన హామీలు ఒక శాతం కూడా అమలు చేయలేదు అని ధ్వజమెత్తారు ఎక్సైజ్ శాఖ మంత్రి జూపల్లి కృష్ణారావు గారు 

గీత కార్మికుల పైన దాడులు మానుకొని గీత కార్మికుల రక్షణకై నడుంబించాలని కలుగీత కార్పోరేషన్ తక్షణమే ఏర్పాటు చేయాలని బాధితుడికి రెండు చేతులు విరిగి నరాలు తెగినందున ఆరోగ్యశ్రీ వర్తించడం లేదు అని కావున తన వైద్య ఖర్చులు ప్రభుత్వమే భరించి 10 లక్షల రూపాయల నష్టపరిహారాన్ని చెల్లించాలని ఇప్పటికైనా గీత కార్మికుల రక్షణ కవచాలు పూర్తిస్థాయిలో అందించాలని లేనియెడల తెలంగాణ గౌడ యువజన సంఘం ఆధ్వర్యంలో రాష్ట్రవ్యాప్తంగా ఎక్సైజ్ ఆఫీసులో ముంగట ఆందోళనలు చేపడుతామని ప్రభుత్వాన్ని హెచ్చరించారు..

 గతంలో ఎక్సైజ్ మంత్రి శ్రీనివాస్ గౌడ్ గారు మరియు కల్లుగీత ఫైనాన్స్ కార్పొరేషన్ చైర్మన్ పల్లె రవికుమార్ గౌడ్ గారు రాష్ట్రంలో ఏ గీత కార్మికుడు అయిన ప్రమాదవశాత్తు చెట్టు పై నుండి పడితే 24 గంటల్లో తక్షణ సహాయం 25వేల రూపాయలు అందించడమే కాకుండా వారికి ప్రభుత్వం రావలసిన నష్టపరిహారాన్ని కూడా రెండు నెలలలో అందించేవారు అని గుర్తు చేశారు.

 కాంగ్రెస్ ప్రభుత్వం ఏర్పాటు అయిన దగ్గర నుండి ప్రమాదవశాత్తు గాయపడిన & మరణించిన గీత కార్మికులకు అందవలసిన తక్షణ నష్టపరిహారం ఇవ్వడం లేదని తెలిపారు రాష్ట్రంలో రోజుకు పదుల సంఖ్యలో గీతా కార్మికులు ప్రమాదానికి గురి అవుతుంటే రాష్ట్ర ప్రభుత్వం మరియు రాష్ట్ర ఎక్సైజ్ శాఖ నిమ్మకు నీరెత్తినట్టు వ్యవహరిస్తున్నారని ధ్వజమెత్తారు.

 తక్షణమే ఎక్సైజ్ శాఖను ప్రక్షాళన చేసి గీత కార్పొరేషన్ ను ఏర్పాటు చేయకుంటే రాబోయే స్థానిక ఎన్నికలలో గౌడ జాతి మోకు దెబ్బ రుచి చూపిస్తామని హెచ్చరించారు గీత కార్మికుని పరామర్శించిన వారిలో గౌడ సంఘం నాయకులు చెంగల ఏకాంబరం గౌడ్ సాగర్ గౌడ్ మరియు జిల్లా గౌడ సంఘం నాయకులు పరామర్శించారు.

ఆత్మగౌరవంతో బతకాలనేది పేదల కల: సీఎం రేవంత్‌రెడ్డి
హైదరాబాద్‌: ఆత్మగౌరవంతో బతకాలనేది పేదల కల అని సీఎం రేవంత్‌రెడ్డి అన్నారు. ఇందిరమ్మ ఇళ్ల పథకం యాప్‌ను సీఎం ఆవిష్కరించారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడారు..

''రోటీ, కపడా, ఔర్‌ మకాన్‌ అనేది ఇందిరమ్మ నినాదం. ఇల్లు, వ్యవసాయ భూమిని ప్రజలు ఆత్మగౌరవంగా భావిస్తారు. అందుకే ఇందిరాగాంధీ దశాబ్దాల క్రితమే ఇళ్లు, భూపంపిణీ పథకాలను ప్రారంభించారు. దేశంలో గుడి లేని ఊరు ఉండొచ్చు కానీ.. ఇందిరమ్మ కాలనీ లేని ఊరు లేదు. రూ.10 వేలతో ప్రారంభమైన ఇందిరమ్మ ఇళ్ల పథకం నేడు రూ.5 లక్షలకు చేరుకుంది. ఇంటి నిర్మాణానికి ప్రతి పేదవాడికి రూ.5 లక్షల ఆర్థిక సాయం చేస్తున్నాం. అర్హులైన వారికే ప్రభుత్వ ఇల్లు చెందాలనేది మా లక్ష్యం. తొలి దశలో 4.50 లక్షల ఇళ్ల నిర్మాణానికి పరిపాలన అనుమతులు ఇచ్చాం'' అని రేవంత్‌రెడ్డి తెలిపారు.

ఇందిరమ్మ ఇళ్ల పథకం మొబైల్‌ యాప్‌ ద్వారా శుక్రవారం నుంచి లబ్ధిదారుల నమోదు చేయనున్నారు. ప్రతి మండల కేంద్రంలో మోడల్‌ హౌస్‌ ఏర్పాటు చేయనున్నారు. మొదటి విడతలో నియోజకవర్గానికి 3,500 ఇళ్లు మంజూరు చేయనున్నారు. నాలుగున్నర లక్షల ఇళ్ల నిర్మాణానికి రాష్ట్ర ప్రభుత్వం నిర్ణయించింది. దివ్యాంగులు, ఒంటరి మహిళలు, ట్రాన్స్‌జెండర్లకు తొలి ప్రాధాన్యం ఇవ్వనున్నారు. గ్రామసభల్లో ఇందిరమ్మ కమిటీల ద్వారా అర్హుల ఎంపిక చేయనున్నారు..

కేసీఆర్‌ ఇప్పటికైనా అసెంబ్లీకి రావాలి-సీఎం రేవంత్‌..


మీ సలహాలు, సూచనలతో సభను నడపండి..

ప్రతిపక్ష నేత స్థానం ఖాళీగా ఉండటం బాగోలేదు..

పాలక పక్షానికి సూచనలు చేయాలి ప్రశ్నించాలి..

కేసీఆర్‌ కంటే మేం జూనియర్‌ శాసనసభ్యులమే-రేవంత్‌..

కేసీఆర్‌ ఎందుకు పెద్దరికం నిలబెట్టుకోవడం లేదు..

మీ పిల్లలు తప్పుచేస్తుంటే ఎందుకు ఆపడం లేదు-రేవంత్‌..

రాక్షసులను తయారుచేసి ఉసిగొల్పడం మంచిదా-రేవంత్‌..

ఈ నెల 9న కేసీఆర్‌ అసెంబ్లీకి హాజరుకావాలి..

పొన్నం వచ్చి మిమ్మల్ని ఆహ్వానిస్తారు-రేవంత్..