NLG: త్యాగాలతో సీపీఐ నిర్మితమైనది: నెల్లికంటి సత్యం
నల్లగొండ జిల్లా: 
పీడిత ప్రజల పక్షంగా రైతు,కార్మిక పక్షపాతిగా నిలబడి అసమాన త్యాగాలతో సీపీఐ నిర్మితమైనదని, సీపీఐ జిల్లా కార్యదర్శి నెల్లికంటి సత్యం అన్నారు. 

గురువారం సీపీఐ 100 సంవత్సరాల ఆవిర్భావ దినోత్సవ సందర్భంగా పార్టీ జెండాను ఎగురవేశారు. 

ఈ మేరకు ఆయన మాట్లాడుతూ.. సామ్రాజ్యవాద, భూస్వామ్య, పెట్టుబడిదారి విధానాలకు వ్యతిరేకంగా అలుపెరుగని పోరాటాలు నిర్వహించిన చరిత్ర కమ్యూనిస్టులకే దక్కుతుందని అన్నారు. కార్యక్రమంలో పలువురు సిపిఐ నాయకులు పాల్గొన్నారు. 

నిజాయితీని చాటుకున్న యాదగిరిగుట్ట డిపో కండక్టర్

 
 
  యాదాద్రి జిల్లా:
  
యాదగిరిగుట్ట డిపోకు చెందిన TGR-3 సర్వీస్ బస్సులో మహబూబాబాద్ జిల్లా, కే సముద్రం కు చెందిన ఎన్. ఉపేంద్ర మహిళా ప్రయాణికురాలు ఇవాళ ఘటకేసర్ నుండి జూబ్లీ బస్సు స్టేషన్ కు వెళ్ళే బస్సు లో  తన బ్యాగ్ ను మర్చిపోయి దిగి వెళ్లి పోయినది.
  

  
బ్యాగ్ ను గమనించిన యాదగిరిగుట్ట డిపో కండక్టర్ సి హెచ్.రమేష్, అట్టి బ్యాగ్ ను భద్రపరిచి డిపోలో అందజేశారు. ఆ బ్యాగ్ లో రూ.1,50,000/- నగదు, 2 జతల వెండి పట్టా గొలుసులు మరియు ఆధార్ కార్డ్, పాన్ కార్డు, రేషన్ కార్డ్  లు కలవు.ఆ బ్యాగ్ ను సంబంధిత  డిపో మేనేజర్, అసిస్టెంట్ మేనేజర్ మరియు డిపో భద్రతా సిబ్బంది సమక్షంలో బ్యాగ్ పోగొట్టుకున్న సంబంధిత మహిళలకు అందజేశారు.
  

  
బస్సులో తను మరిచిపోయిన బ్యాగ్ ను మరియు లక్ష యాభై వేల రూపాయల నగదు ఇతర విలువైన పత్రాలను భద్రంగా తనకు అందజేసినందుకు, ఆ మహిళా ప్రయాణికురాలు డిపో ఉద్యోగులకు ధన్యవాదాలు తెలిపారు.
 

NLG: నేర్మట నుండి శేరిగూడెం లింకు రోడ్డు ను బాగు చేయాలి: సిపిఎం చండూరు మండల కార్యదర్శి

 
 
  నల్లగొండ జిల్లా, చండూరు మండలం:
  
గ్రామీణ ప్రాంతాల్లో లింకు రోడ్లకు నిధులు మంజూరు చేయాలని, నేర్మట నుండి శేరిగూడెం రోడ్డు బాగు చేయాలని, తక్షణమే ఈ రోడ్డుకు నిధులు మంజూరు చేయాలని సిపిఎం చండూరు మండల కార్యదర్శి జెర్రిపోతుల ధనంజయ రాష్ట్ర ప్రభుత్వాన్ని కోరారు. గురువారం సిపిఎం నాయకులు, గ్రామస్తులతో కలిసి ఈ రోడ్డుని పరిశీలించారు. ఈ సందర్భంగా ఆయన మాట్లాడుతూ.. నేర్మట నుండి శేరిగూడెం రోడ్డు బాగు చేయకపోవడంతో ప్రజలు తీవ్ర ఇబ్బందులు పడుతున్నారని అన్నారు.
  

  
ఈ రోడ్డు వెంట 200 కుటుంబాల రైతులకు ఈ రోడ్డు అవసరమని,ఈ రోడ్డు అద్వానంగా తయారు కావడంతో ఈ దారి వెంట నడవాలంటే బిక్కుబిక్కుమంటూ భయపడుతున్నారని ఆయన ఆవేదన వ్యక్తం చేశారు. ఈ గ్రామానికి చుట్టుపక్కల ప్రాంతాలైన పుల్లెంల, లెంకలపల్లి, శేరిగూడెం, గొల్లగూడెం  గ్రామాలకు లింకు రోడ్లు లేకపోవడంతో ప్రజలు, రైతులు తీవ్ర ఇబ్బందులకు గురవుతున్నారని ఆయన అన్నారు.
  

  
అదేవిధంగా వేరే ప్రాంతాల నుండి వచ్చిన పాదాచారులకు కూడా ఈ లింకు రోడ్లు బాగు చేయకపోవడంతో ఈ దారి వెంట నడవాలంటే తీవ్ర భయాందోళనకు గురవుతున్నారని ఆయన అన్నారు. తక్షణమే రాష్ట్ర రోడ్ల మరమ్మతులకు నిధులు మంజూరు చేసి, ఈ రోడ్లను బాగు చేయాలని ఆయన ప్రభుత్వానికి కోరారు. లేనియెడల  గ్రామ ప్రజలందరినీ ఏకం చేసి ఈ రోడ్డు బాగు చేసేవరకు పోరాటం కొనసాగిస్తామని ఆయన అన్నారు.
  

  
ఈ కార్యక్రమంలో సిపిఎం నాయకులు ఈరటి వెంకటయ్య, బల్లెం స్వామి, బొమ్మరగోని యాదయ్య, గ్రామ ప్రజలు ఈరటి శ్రీశైలం, రాములు, లక్ష్మయ్య, ఈరటి యాదయ్య, సైదులు, వెంకటయ్య, తదితరులు పాల్గొన్నారు.
 

TG: మెదక్ చర్చి క్రిస్మస్ వేడుకల్లో పాల్గొన్న సీఎం రేవంత్ రెడ్డి
మెదక్ జిల్లా: 
క్రిస్మస్ పండుగ సందర్భంగా  సీఎం రేవంత్ రెడ్డి, ఇవాళ ప్రఖ్యాత మెదక్ కేథడ్రల్ చర్చిలో జరిగిన క్రిస్మస్ వేడుకలకు హాజరై ప్రత్యేక ప్రార్ధనలో పాల్గొన్నారు. ఈ సందర్భంగా 29 కోట్ల రూపాయల వ్యయంతో చర్చి వద్ద చేపట్టనున్న పలు అభివృద్ధి పనులకు సీఎం శంకుస్థాపన చేశారు. మెదక్ చర్చి శతాబ్ది ఉత్సవాలు నిర్వహిస్తున్న నేపథ్యంలో హాజరైన ముఖ్యమంత్రి క్రిస్మస్ మరియు నూతన సంవత్సర శుభాకాంక్షలు తెలిపారు. వందేళ్లు పూర్తి చేసుకున్న ఈ చర్చి ఒక గొప్ప చర్చ్ గా గుర్తింపు పొందిందని అన్నారు. 

వందేళ్ల కిందట కరవు కాటకాలను నిర్మూలించడానికి ప్రజలు ఆకలితో అలమటిస్తున్నప్పుడు పనికి ఆహారం పథకం కింద భోజనం పెట్టి, చర్చి నిర్మాణం చేపట్టడం ఒక గొప్ప ఆలోచనగా ముఖ్యమంత్రి పేర్కొన్నారు. నేటి ఉపాధి హామీ పథకానికి అదే స్ఫూర్తి ఉందని అన్నారు. చర్చి తో ఉన్న అనుబంధాన్ని గుర్తుచేసుకుంటూ, మెదక్ జిల్లా అభివృద్ధి విషయంలో ప్రభుత్వం చిత్తశుద్ధితో ముందుకు వెళుతుందని అన్నారు. విద్య, వైద్యం విషయంలో క్రిస్టియన్ మిషనరీలు ఎనలేని సేవలు అందించాయని సిఎం కొనియాడారు. 

ఈ కార్యక్రమంలో ముఖ్యమంత్రి వెంట టిపిసిసి అధ్యక్షుడు ఎమ్మెల్సీ బొమ్మ మహేష్ కుమార్ గౌడ్, మంత్రులు దామోదర రాజనర్సింహ, కొండా సురేఖ, పొంగులేటి శ్రీనివాస్ రెడ్డి, ఎంపీ సురేష్ కుమార్ షెట్కర్,ఎమ్మెల్యే మైనంపల్లి రోహిత్, స్థానిక ప్రజా ప్రతినిధులు, తదితరులు ఉన్నారు.

NLG: ఆత్మహత్య ప్రయత్నం చేసిన వ్యక్తి.. ఆసుపత్రికి తరలించిన పోలీసులు

 
 
  
  
నల్లగొండ: పట్టణంలోని క్లాక్ టవర్ సెంటర్లో బుధవారం, హోసింగ్ బోర్డు కాలనీ కి చెందిన సయ్యద్ నదిమ్ అనే వ్యక్తి తన గొంతు కోసుకుని రోడ్డుపై తీవ్ర రక్త స్రావం తో ఉండటం గమనించిన స్థానిక యువకులు పోలీసులకు, అంబులెన్స్ కు సమాచారం ఇచ్చారు.
  

  
వెంటనే స్పందించిన 2 టౌన్ ఏస్ఐ రావుల నాగరాజు హుటాహుటిన ఘటనా స్థలానికి చేరుకొని, సయ్యద్ నదిమ్ కు రక్తం కారకుండా తన చేతి రుమాలుని కట్టి తన వాహనంలో ఎక్కించుకుని చికిత్స నిమిత్తం స్థానిక ప్రభుత్వ ఆసుపత్రి కి తరలించారు.మరింత సమాచారం తెలియాల్సి ఉంది.
 

NLG: క్రిస్మస్ వేడుకల్లో పాల్గొన్న ఎస్సీ ఎస్టీ విద్యార్థి సంఘం నాయకులు

 
 
  నల్గొండ: పట్టణంలోని గాంధీనగర్  ప్రైస్ ఇవాంజెలికల్ చర్చ్ నందు క్రిస్మస్ వేడుకలను ఘనంగా నిర్వహించారు.  ఈ మేరకు చర్చి సిస్టర్ గుండ్లపల్లి విజయ కుమారి, బంగారయ్య లు కేక్ కట్ చేసి క్రిస్మస్ శుభాకాంక్షలు తెలిపారు. అనంతరం ప్రార్థనలు చేశారు.
  

  
ఈ కార్యక్రమానికి అతిథులుగా ఎస్సీ ఎస్టీ విద్యార్థి సంఘం, తెలంగాణ రాష్ట్ర అధ్యక్షులు కట్టెల శివకుమార్,  రాష్ట్ర కార్యదర్శి కామల్ల నరేష్ కుమార్, జిల్లా కన్వీనర్ అల్లంపల్లి కొండన్న, సెంట్రల్ కమిటీ మెంబర్ కొండేటి నరేష్ కుమార్, జిల్లా ఉపాధ్యక్షులు కాసర్ల లింగస్వామి, వర్కింగ్ ప్రెసిడెంట్ వంగూరు సునీల్, జిల్లా కార్యవర్గ సభ్యులు గంట సుమంత్, కోఆర్డినేటర్ చింతపల్లి నవీన్, కట్టెల మహేష్ కుమార్, వినోద్, ప్రవీణ్, సురేందర్, బీజేవైఎం నాయకులు శాంతి స్వరూప్, తదితరులు పాల్గొన్నారు
 

NLG: ఏఐఎస్ఎస్డి ఆధ్వర్యంలో మనుస్మృతి పత్రాలు దహనం
నల్లగొండ జిల్లా: 
కొండ మల్లేపల్లి: ఆల్ ఇండియా సమత సైనిక్ దళ్ డివిజన్ ప్రధాన కార్యదర్శి ఉరే సురేష్ ఆధ్వర్యంలో, మండల కేంద్రంలోని రాజ్యాంగ నిర్మాత డా.బిఆర్ అంబేద్కర్ విగ్రహానికి పూలమాల వేసి, మనుస్మృతి పత్రాలు దహనం నిర్వహించారు. 

ఈ కార్యక్రమంలో ముఖ్యఅతిథిగా రాష్ట్ర సంయుక్త కార్యదర్శి దళిత రత్న డా. బుర్రి వెంకన్న పాల్గొన్నారు. వారు మాట్లాడుతూ.. మనిషిని మనిషిగా చూడలేని మనుస్మృతి ని అంబేద్కర్ 1927లో ఇదే రోజు దహనం చేసి, దేశ చరిత్రలో అస్పృశ్య కులాలకు మానవ హక్కులను గుర్తించబడిన రోజు అని అన్నారు. 

ఈ కార్యక్రమంలో నియోజకవర్గ కార్యదర్శి కండెల వెంకన్న కొండమల్లేపల్లి కన్వీనర్ ప్రసాద్ సంజీవ,చంటి తదితర సభ్యులు పాల్గొన్నారు.

NLG: ఘనంగా వాజపేయి 100 వ జయంతి

 
 
  నల్లగొండ జిల్లా:
  
మునుగోడు: భారత మాజీ ప్రధానమంత్రి అటల్ బిహారి వాజపేయి 100 వ జయంతి సందర్భంగా మండల కేంద్రంలో, బిజెపి నాయకులు ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా  భారతదేశానికి వాజపేయి చేసిన సేవలను కొనియాడారు.
  

  
కార్యక్రమంలో బిజెపి జిల్లా కార్యదర్శి బొడిగె అశోక్ గౌడ్, బిజెపి జిల్లా అధికార ప్రతినిధి మాధగోని నరేందర్ గౌడ్, మండల పార్టీ ప్రధాన కార్యదర్శి అక్కెనపల్లి సతీష్, మాజీ మైనార్టీ మోర్చా జిల్లా అధ్యక్షులు ఎం.డి మాజీద్, మండల పార్టీ ఉపాధ్యక్షుడు కొత్త శంకర్, దళిత మోర్చా మండల అధ్యక్షులు పందుల యాదయ్య, దళిత మోర్చా మండల ఉపాధ్యక్షుడు పెనుమండ్ల రాము, దళిత మోర్చా మండల ప్రధాన కార్యదర్శి పందుల నరేష్, రాములు, తదితరులు పాల్గొన్నారు.
 

NLG: గట్టుప్పల్ లో ఘనంగా వాజపేయి శత జయంతి

 
 
  నల్గొండ జిల్లా:
  
భారత మాజీ ప్రధాని భారతరత్న అటల్ బిహారీ వాజపేయి శతజయంతి సందర్భంగా, ఇవాళ గట్టుప్పల్ మండల కేంద్రంలో బిజెపి మండల అధ్యక్షుడు రావుల ఎల్లప్ప ఆధ్వర్యంలో వాజపేయి చిత్రపటానికి పూలమాలలు వేసి  నివాళులర్పించారు.
  

  
ముఖ్య అతిథిలుగా జిల్లా కార్యదర్శి చిలువేరు దుర్గయ్య, ఓబీసీ మోర్చ జిల్లా ఉపాధ్యక్షుడు కంపే దుర్గయ్య పాల్గొన్నారు. వారు మాట్లాడుతూ.. వాజపేయి రాజకీయ చతురతలో దేశ అభివృద్ధి కి అవసరమైన అనేక సంస్కరణలను తీసుకురావడం జరిగిందన్నారు. నాయకులు, కార్యకర్తలు ఆయన అడుగుజాడల్లో నడుస్తూ పార్టీ అభివృధికి కృషి చేయాలన్నారు.
  

  
ఈ కార్యక్రమం లో మండల ప్రధాన కార్యదర్శి కొంగరి నరహరి, ఉపాధ్యక్షులు జంపాల సుధాకర్, కార్యవర్గ సభ్యులు నీల ఆంజనేయులు, జిల్లా చేనేత సేల్ కో కన్వీనర్ కొంగరి పాండు,మోర్చ మండల అధ్యక్షుడు మోద్దు రామేశ్, కిసాన్ మోర్చ మండల అధ్యక్షుడు వీరమల్ల రాజు, ప్రధాన కార్యదర్శి కుండే శ్రీశైలం,తెరటుపల్లి శక్తి కేంద్ర ఇన్చార్జి కంటాల బ్రహ్మయ్య, శక్తి కేంద్ర సహా ఇంచార్జి గంజి సురేష్, బూత్ అద్యక్షులు పగీళ్ళ శంకర్, కౌడగొని శేఖర్, తిరందాసు ఆంజనేయులు, తదితరులు పాల్గొన్నారు.
 

TG: గెజిటెడ్ అధికారుల కేంద్ర సంఘం మహిళా విభాగం ఉపాధ్యక్షురాలు గా దీపారెడ్డి
HYD: తెలంగాణ గెజిటెడ్ అధికారుల కేంద్ర సంఘం మహిళా విభాగం ఉపాధ్యక్షురాలు గా గాయం దీపారెడ్డి నియమితులయ్యారు. ఈమేరకు కేంద్ర సంఘం అధ్యక్షుడు ఏలూరి శ్రీనివాస్ రావు ఉత్తర్వులు వెలువరించారు. 

ఈ సందర్భంగా దీపా రెడ్డి మాట్లాడుతూ.. ప్రభుత్వంలోని అన్ని శాఖల్లో నెలకొన్న మహిళల సమస్యల పరిష్కార దిశగా తన వంతు బాధ్యతను నిర్వహిస్తానని అన్నారు. ఈ పదవి బాధ్యతలు కట్టబెట్టిన కేంద్ర సంఘానికి ఆమె ధన్యవాదాలు తెలిపారు. ఉమ్మడి నల్లగొండ జిల్లాకు చెందిన దీపారెడ్డి రాష్ట్ర భూగర్భజల శాఖ అసిస్టెంట్ డైరెక్టర్ గా విధులు నిర్వహిస్తున్నారు.