NLG: గట్టుప్పల్ లో ఘనంగా వాజపేయి శత జయంతి

 
 
  నల్గొండ జిల్లా:
  
భారత మాజీ ప్రధాని భారతరత్న అటల్ బిహారీ వాజపేయి శతజయంతి సందర్భంగా, ఇవాళ గట్టుప్పల్ మండల కేంద్రంలో బిజెపి మండల అధ్యక్షుడు రావుల ఎల్లప్ప ఆధ్వర్యంలో వాజపేయి చిత్రపటానికి పూలమాలలు వేసి  నివాళులర్పించారు.
  

  
ముఖ్య అతిథిలుగా జిల్లా కార్యదర్శి చిలువేరు దుర్గయ్య, ఓబీసీ మోర్చ జిల్లా ఉపాధ్యక్షుడు కంపే దుర్గయ్య పాల్గొన్నారు. వారు మాట్లాడుతూ.. వాజపేయి రాజకీయ చతురతలో దేశ అభివృద్ధి కి అవసరమైన అనేక సంస్కరణలను తీసుకురావడం జరిగిందన్నారు. నాయకులు, కార్యకర్తలు ఆయన అడుగుజాడల్లో నడుస్తూ పార్టీ అభివృధికి కృషి చేయాలన్నారు.
  

  
ఈ కార్యక్రమం లో మండల ప్రధాన కార్యదర్శి కొంగరి నరహరి, ఉపాధ్యక్షులు జంపాల సుధాకర్, కార్యవర్గ సభ్యులు నీల ఆంజనేయులు, జిల్లా చేనేత సేల్ కో కన్వీనర్ కొంగరి పాండు,మోర్చ మండల అధ్యక్షుడు మోద్దు రామేశ్, కిసాన్ మోర్చ మండల అధ్యక్షుడు వీరమల్ల రాజు, ప్రధాన కార్యదర్శి కుండే శ్రీశైలం,తెరటుపల్లి శక్తి కేంద్ర ఇన్చార్జి కంటాల బ్రహ్మయ్య, శక్తి కేంద్ర సహా ఇంచార్జి గంజి సురేష్, బూత్ అద్యక్షులు పగీళ్ళ శంకర్, కౌడగొని శేఖర్, తిరందాసు ఆంజనేయులు, తదితరులు పాల్గొన్నారు.
 

TG: గెజిటెడ్ అధికారుల కేంద్ర సంఘం మహిళా విభాగం ఉపాధ్యక్షురాలు గా దీపారెడ్డి
HYD: తెలంగాణ గెజిటెడ్ అధికారుల కేంద్ర సంఘం మహిళా విభాగం ఉపాధ్యక్షురాలు గా గాయం దీపారెడ్డి నియమితులయ్యారు. ఈమేరకు కేంద్ర సంఘం అధ్యక్షుడు ఏలూరి శ్రీనివాస్ రావు ఉత్తర్వులు వెలువరించారు. 

ఈ సందర్భంగా దీపా రెడ్డి మాట్లాడుతూ.. ప్రభుత్వంలోని అన్ని శాఖల్లో నెలకొన్న మహిళల సమస్యల పరిష్కార దిశగా తన వంతు బాధ్యతను నిర్వహిస్తానని అన్నారు. ఈ పదవి బాధ్యతలు కట్టబెట్టిన కేంద్ర సంఘానికి ఆమె ధన్యవాదాలు తెలిపారు. ఉమ్మడి నల్లగొండ జిల్లాకు చెందిన దీపారెడ్డి రాష్ట్ర భూగర్భజల శాఖ అసిస్టెంట్ డైరెక్టర్ గా విధులు నిర్వహిస్తున్నారు.

NLG: 'డయల్ యువర్ డిఎం కార్యక్రమానికి విశేష స్పందన'

 
 
  నల్లగొండ జిల్లా: 
  
దేవరకొండ: టీ జి ఎస్ ఆర్ టి సి, దేవరకొండ డిపో లో మంగళవారం ఏర్పాటు చేసిన డయల్ యువర్ డిఎం కార్యక్రమానికి విశేష స్పందన లభించింది అని డిపో మేనేజర్ తెలిపారు.
  

  
ఈ సందర్భంగా డిపో మేనేజర్ రమేష్ బాబు మాట్లాడుతూ.. పలువురు ఆర్టీసీ బస్సు ప్రయాణికులు ఫోన్లో తమ యొక్క సూచనలు సలహాలు, సమస్యలపై మాట్లాడారని, అమూల్యమైన వారి సూచనలు, సలహాలను స్వీకరించామని తెలిపారు.
  

  
కొన్ని రిక్వెస్ట్ స్టాప్ ల పేర్లు తెలుపుతూ బస్సులను ఆపాలని ప్రయాణికులు కోరినట్లు చెప్పారు. ప్రయాణికుల కోరిక మేరకు సంబంధిత బస్సు కండక్టర్లకు తెలుపుతామని వివరించారు. అదేవిధంగా మరికొన్ని సూచనలు చేశారని ప్రతి సూచనను పరిగణలోకి తీసుకుంటున్నామని తెలిపారు.
 

TG: మహిళ కమిషన్ ఛైర్మెన్ శారద తో మలేషియా ప్రతినిధుల బృందం భేటీ

 
 
  HYD: తెలంగాణలో మహిళా కమిషన్ తీరుతెన్నులు గురించి మలేషియా పారిశ్రామిక వేత్తల బృందం మహిళా కమిషన్ ఛైర్మెన్ నేరెళ్ల శారద తో  భేటీ అయ్యింది. మంగళవారం బుద్ధ భవన్లో కమిషన్ కార్యాలయంలో జరిగిన ఈ సమావేశానికి టిపిసిసి అధ్యక్షుడు ఎమ్మెల్సీ మహేష్ కుమార్ గౌడ్, మాజీ ఎమ్మెల్సీ సంతోష్, ఎంబిసి కార్పొరేషన్ చైర్మన్ విజయ్ హాజరయ్యారు. 
  ఈ మేరకు రాష్ట్రంలో మహిళ కమిషన్ ఏర్పాటు, పనితీరు గురించి మలేషియా ప్రతినిధుల అడిగి తెలుసుకున్నారు. మహిళల హక్కులను పరిరక్షించడం కోసం  కమిషన్ ఏర్పాటు చేయడం  జరిగిందని ఛైర్మెన్ శారద వారికి వివరించారు. సమాజంలో మహిళల పట్ల వివక్షతను తొలగించి, జెండర్ సెన్సిటైజేషన్ వంటి కార్యక్రమాలు ద్వారా మహిళా సాధికారత కోసం కృషి చేయడం జరుగుతుందని ఛైర్మెన్ శారద వారికి తెలిపారు.
 

RR: అమిత్ షా ను మంత్రి పదవి నుండి బర్తరఫ్ చేయాలని అంబేద్కర్ విగ్రహానికి వినతి పత్రం

 
 
  రంగారెడ్డి జిల్లా: ఏఐసీసీ ఇచ్చిన పిలుపు మేరకు, టిపిసిసి అధ్యక్షులు మహేష్ కుమార్ గౌడ్ ఆదేశాల మేరకు, జిల్లా కాంగ్రేస్ పార్టీ అధ్యక్షులు చల్లా నరసింహారెడ్డి ఆధ్వర్యంలో, భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ గారి పై.. కేంద్ర హోమ్ శాఖ మంత్రి అమిత్ షా ఇటీవల అనుచిత వ్యాఖ్యలు చేయడాన్ని నిరసిస్తూ, అమిత్ షా ను తక్షణమే మంత్రి పదవి నుండి బర్తరఫ్ చేయాలని కోరుతూ, మంగళవారం ఉదయం కొంగరకలాన్ డా.బి.అంబేద్కర్ విగ్రహానికి వినతిపత్రం సమర్పించారు. 
  అనంతరం రంగారెడ్డి జిల్లా కలెక్టర్ సి.నారాయణ రెడ్డికి వినతి పత్రం అందజేశారు.
  ఈ కార్యక్రమంలో జిల్లా ఎమ్మెల్యేలు కసిరెడ్డి నారాయణ రెడ్డి, వీర్లపల్లి శంకర్, రాష్ట్ర రోడ్డు డవలప్ మెంట్ కార్పొరేషన్ చైర్మన్ మల్ రెడ్డి రాం రెడ్డి, మార్కెట్ కమిటీ చైర్మన్లు చిలుక మధుసూదన్ రెడ్డి, కె. గురునాధ్ రెడ్డి, యువ నాయకుడు మల్ రెడ్డి అభిషేక్ రెడ్డి, మునిసిపల్ చైర్మన్లు, బ్లాక్, మండల, మున్సిపల్ కాంగ్రెస్ పార్టీ అధ్యక్షులు, కౌన్సిలర్లు, మాజీ జడ్పీ చైర్మన్, మాజీ జడ్పీటీసీ లు, ఎంపీటీసీలు, మాజీ సర్పంచులు, కాంగ్రెస్ పార్టీ నాయకులు, తదితరులు పాల్గొన్నారు.
 

TG: రాష్ట్ర ప్రజలకు క్రిస్మస్ పండుగ శుభాకాంక్షలు తెలిపిన శాసన మండలి ఛైర్మన్ గుత్తా సుఖేందర్ రెడ్డి

 
 
  తెలంగాణ రాష్ట్ర  ప్రజలకు రాష్ట్ర శాసన మండలి ఛైర్మన్ గుత్తా సుఖేందర్ రెడ్డి  క్రిస్మస్ పండుగ శుభాకాంక్షలు తెలిపారు.
  

  
ఈ మేరకు వారు మాట్లాడుతూ.. ఏసుక్రీస్తు జన్మ దినాన్ని పురస్కరించుకుని, జరుపుకొనే క్రిస్మస్ పండుగ క్రైస్తవులకు పరమ పవిత్రమైనదని ఆయన అన్నారు. క్రీస్తు బోధనలు ప్రతి ఒక్కరికీ  ఆదర్శప్రాయమని తెలిపారు. ప్రేమను పంచడం, మంచి మనసుతో సేవ చేయడం ఎలాగో క్రీస్తు బోధనలు తెలిపాయని పేర్కొన్నారు.
  

  
రాష్ట్ర ప్రజలు క్రిస్మస్ పండుగను ఘనంగా జరుపుకోవాలని ప్రజలందరూ సుఖశాంతులతో, ఆయురారోగ్యాలతో ఆనందంగా జీవించాలని, ప్రజలకు  ఏసుక్రీస్తు చల్లని దీవెనలు ఎల్లప్పుడూ  మెండుగా ఉండాలని సుఖేందర్ రెడ్డి  ఆకాంక్షించారు.
 

HYD: మైనర్లు బైక్ లు, కార్లు నడపడం ఆపండి: ఎంపీ అసదుద్దీన్ ఒవైసీ

 
 
  హైదరాబాద్: మైనర్లు బైక్ లు, కార్లు నడపడం తగదని ఎంపీ అసదుద్దీన్ ఒవైసీ అన్నారు. మంగళవారం ఒవైసీ తన డ్రైవింగ్ లైసెన్స్ రెన్యువల్ చేసుకునేందుకు బండ్లగూడ సౌత్ జోన్ ఆర్టీఏ కార్యాలయానికి వచ్చారు.
  

  
ఈ మేరకు తన  డ్రైవింగ్ లైసెన్స్ రెన్యువల్ కు సంబంధించిన ప్రక్రియను పూర్తి చేసిన అనంతరం ఒవైసీ మీడియాతో మాట్లాడారు. ప్రమాదాలు నివారించడానికి మైనర్లు.. బైకులు,కార్లు వంటి వాహనాలు నడపడం ఆపాలని సూచించారు. ప్రతి వాహనదారుడు డ్రైవింగ్ లైసెన్సు కలిగి ఉండాల్సిన అవసరం ఉందన్నారు.
 

CMRF చెక్కు లను పంపిణీ చేసిన శాసన మండలి ఛైర్మన్ గుత్తా సుఖేందర్ రెడ్డి

 
 
  నల్గొండ: వివిధ అనారోగ్య సమస్య లతో పలు ప్రైవేట్ హాస్పిటల్స్ లో చికిత్స పొందిన 39 మంది నిరుపేద ప్రజలకు, ముఖ్యమంత్రి సహాయ నిధి పథకం ద్వారా మంజూరు అయిన రూ.13,96,000 విలువ గల చెక్ లను, మంగళవారం పట్టణంలోని క్యాంపు కార్యాలయంలో లబ్ధిదారులకు రాష్ట్ర శాసన మండలి ఛైర్మన్ గుత్తా సుఖేందర్ రెడ్డి అందజేశారు.
  

  
ఈ మేరకు శాసనమండలి చైర్మన్ మాట్లాడుతూ.. ఈ పథకం ద్వారా లక్షలాది మంది పేదలకు సహాయం అందుతుందన్నారు. నిరుపేద ప్రజలకు సహాయాన్ని అందించడం సంతోషంగా ఉందని అన్నారు.
 

NLG: నేడు డయల్ యువర్ డిఎం

 
 
  నల్లగొండ: ఈ రోజు మధ్యాహ్నం.. 'డయల్ యువర్ డిపో మేనేజర్' కార్యక్రమం నిర్వహిస్తున్నట్లు నల్గొండ డిపో మేనేజర్ శ్రీనాథ్ తెలిపారు. మధ్యాహ్నం 3 గంటల నుండి 4 గంటల వరకు 'డయల్ యువర్ డీఎం' కార్యక్రమం ఉంటుందన్నారు. 
  

  
నల్గొండ డిపో పరిధిలో, ఆర్టీసీ బస్సులకు సంబంధించిన ఏమయినా సూచనలు, సలహాలు లేదా ఏవైనా సమస్యలను తెలపటానికి మధ్యాహ్నం 3 నుండి 4 గంటల వరకు 99592 26305 నంబర్ కు ఫోన్ చేయవలసిందిగా కోరారు.
 

NLG: రైతులతో ముఖాముఖి కార్యక్రమంలో పాల్గొన్న ఎమ్మెల్యే బాలు నాయక్, 'భూ భారతి చట్టం 2024' రూపకర్త సునీల్ కుమార్

 
 
  నల్లగొండ జిల్లా:
  
రైతు దినోత్సవానికి పురస్కరించుకొని సోమవారం చందంపేట మండలం, కంబాలపల్లి గ్రామంలో రైతు వేదిక వద్ద నిర్వహించిన భూ సమస్యలపై 'భూ భారతి చట్టం 2024' రూపకర్త సునీల్ కుమార్ మరియు లచ్చిరెడ్డి లతో కలిసి రైతులతో దేవరకొండ ఎమ్మెల్యే నేనావత్ బాలు నాయక్ ముఖాముఖి కార్యక్రమంలో పాల్గొన్నారు.
  

  
ఈ మేరకు ఎమ్మెల్యే మాట్లాడుతూ.. దేవరకొండ నియోజక వర్గంలో ఉన్న రైతుల భూమి సమస్యల గురించి రెవెన్యూ అధికారులతో సర్వే చేయించి, బి బ్లాక్ లో ఉన్న భూములను పట్టాలు చేయిస్తానని అన్నారు.
  

  
తెలంగాణ భూభారతి – (భూమిపై హక్కుల రికార్డు) చట్టం -2024 చేయడానికి తలెత్తిన పరిస్థితులను వివరించారు. భూ భారతి కొత్త చట్టం ప్రవేశపెట్టడం ద్వారా రాష్ట్రంలో యాజమాన్య హక్కులున్న 1 కోటి 52 లక్షల ఎకరాల భూములకు సంబంధించిన వివరాలను భద్రపరచడమే కాకుండా అర్హులైన ప్రతి భూ యజమాని హక్కులను కాపాడటానికి చట్టాన్ని సమర్థవంతంగా పూర్తి స్థాయిలో ఉపయోగపడే విధంగా ఉంటుందని అన్నారు.
  

  
కొంచెం ఆలస్యమైనా.. ధరణి చట్టంతో ఇబ్బంది పడిన బాధల నుంచి విముక్తి కోసం, ప్రజలు హర్షించే విధంగా రాష్ట్ర ప్రభుత్వం భూ భారతి చట్టం -2024 తెచ్చిందని తెలిపారు.
  

  
ఈ కార్యక్రమంలో RSF ఛైర్మెన్ సునీల్ కుమార్, అధ్యక్షులు లచ్చి రెడ్డి, ఆర్డీఓ రమణా రెడ్డి, తహశీల్దార్ శ్రీనివాస్, దేవరకొండ మార్కెట్ కమిటీ చైర్మన్ నాయిని జమున మాధవ రెడ్డి, నల్గొండ పార్లమెంట్ కో ఆర్డినేటర్ సిరాజ్ ఖాన్, సీపీఐ రాష్ట్ర నాయకులు పల్లా నర్సింహా రెడ్డి, మాజి మార్కెట్ కమిటీ చైర్మన్ ముక్కామల వెంకటయ్య గౌడ్, మాజీ జడ్పీటిసి బుజ్జి లచ్చిరాం నాయక్, మాజీ ఎంపీపీ సర్వయ్య, తదితరులు పాల్గొన్నారు.