రేపు నవంబర్ 18న బ్యాంకులు విద్యాసంస్థలకు సెలవు
రిజర్వ్ బ్యాంక్ ఆఫ్ ఇండియా ఎప్పటికప్పుడు ప్రతి నెలా బ్యాంకు సెలవుల జాబితా విడుదల చేస్తుంటుంది. ఈ నవంబర్‌లో పెద్దగా సెలవులు లేకపోయినా ప్రాంతీయ సెలవులున్నాయి. దేశమంతా కాకపోయినా కొన్ని రాష్ట్రాల్లో కొన్ని తేదీల్లో బ్యాంకులు పనిచేయవు. అదే విధంగా రేపు అంటే నవంబర్ 18వ తేదీన ఈ రాష్ట్రంలో బ్యాంకులకు సెలవుందని గమనించగలరు.

  


బ్యాంకులకు ప్రతి నెలా సెలవులుంటాయి. ఆర్బీఐ ఎప్పటికప్పుడు జారీ చేస్తుంటుంది. ప్రతి నెలా రెండు, నాలుగు శనివారాలు, నాలుగు ఆదివారాలు కలిపి 6 సెలవులు కచ్చితంగా ఉంటాయి. ఇవి కాకుండా జాతీయ, ప్రాంతీయ సెలవులుంటాయి. ప్రాంతీయ సెలవులు రాష్ట్రాన్ని బట్టి మారుతుంటాయి. అదే విధంగా రేపు నవంబర్ 18న కర్ణాటకలో అన్ని బ్యాంకులు మూతపడనున్నాయి.

కనకదాస్ జయంతి పురస్కరించుకుని కర్ణాటకలో రేపు ప్రభుత్వ , ప్రైవేట్ బ్యాంకులకు సెలవు ఉంది. అందుకే రేపు ఒకవేళ బ్యాంకు పనుంటే వాయిదా వేసుకోగలరు. లేకపోతే ఇబ్బంది ఎదురుకావచ్చు. 

  

కనకదాస్ జయంతి సందర్భంగా రేపు నవంబర్ 18న కర్ణాటకలో బ్యాంకులే కాకుండా స్కూల్స్, కళాశాలలు, ప్రభుత్వ కార్యాలయాలకు సెలవుంది. కనకదాస్ జయంత్రి రాష్ట్రంలో అతిపెద్ద పండుగ.

మహా కవి, సాధువైన కనకదాస్ జయంతిని అత్యంత ఘనంగా జరుపుకుంటారు. కర్ణాటకలో ఈరోజు పబ్లిక్ హాలిడేగా ప్రకటిస్తుంటారు. అందుకే విద్యాసంస్థలు, ప్రభుత్వ కార్యాలయాలు పనిచేయవు. 

నవంబర్ నెలలో ఇవాళ అంటే నవంబర్ 17 ఆదివారం సెలవు కాగా నవంబర్ 18 కనకదాస్ జయంతి సెలవుంది. ఇక నవంబర్ 23 నాలుగో శనివారం, నవంబర్ 24 ఆదివారం దేశవ్యాప్తంగా బ్యాంకులకు సెలవుంది.

దొరికిపోయిన రైల్వే ఉన్నతాధికారి
లంచం తీసుకుంటూ దొరికిపోయిన రైల్వే ఉన్నతాధికారి

  


లంచం తీసుకుంటూ దొరికిపోయిన రైల్వే ఉన్నతాధికారి
కాంట్రాక్టర్ నుంచి రూ.25 లక్షలు లంచం తీసుకుంటూ సీబీఐకి రెడ్ హ్యాండెడ్‌గా దొరికిపోయిన వాల్తేర్ డివిజన్ డీఆర్ఎం సౌరభ్ ప్రసాద్
ముంబైలోని తన నివాసంలో కాంట్రాక్టర్ నుంచి లంచం తీసుకున్న డీఆర్ఎం
విశాఖ డీఆర్ఎం బంగ్లాలో సోదాలు జరిపిన సీబీఐ అధికారులు
విశాఖ జిల్లా వాల్తేర్ రైల్వే డివిజన్ డీఆర్ఎంగా పనిచేస్తున్న సౌరబ్ ప్రసాద్ ఓ కాంట్రాక్టర్ నుంచి లంచం తీసుకుంటూ సీబీఐ అధికారులకు చిక్కాడు. ప్రస్తుతం సెలవులో ఉన్న సౌరభ్ ప్రసాద్ లంచం డబ్బును ముంబైలో తన ఇంటికి వచ్చి ఇవ్వాలని సూచించాడు. దాంతో కాంట్రాక్టర్ ముంబై వెళ్లి రూ.25 లక్షలు లంచం ఇస్తుండగా, సీబీఐ అధికారులు రెడ్ హ్యాండెడ్‌గా పట్టుకున్నారు. 

ఇదే క్రమంలో ఇటు విశాఖలోని డీఆర్ఎం బంగ్లాలో సీబీఐ శనివారం మధ్యాహ్నం నుంచి రాత్రి వరకూ సీబీఐ సోదాలు జరిపింది. ఢిల్లీ, విశాఖకు చెందిన రెండు బృందాలు ఈ సోదాలు నిర్వహించినట్లు సమాచారం. ఈ సోదాల్లో పలు కీలక డాక్యుమెంట్లు స్వాధీనం చేసుకున్నట్లు తెలుస్తోంది. లంచం తీసుకుంటూ దొరికిపోయిన డీఆర్ఎం సౌరభ్ ప్రసాద్ ను సీబీఐ అధికారులు అదుపులోకి తీసుకుని విచారిస్తున్నారు.

ఇజ్రాయెల్ ప్రధాని నెతన్యాహు ఇంటిపై బాంబుల దాడి
ఇజ్రాయెల్‌ ప్రధాని బెంజమిన్ నెతన్యాహు ఇంటిపై శనివారం బాంబుల దాడి జరిగింది. సిజేరియా పట్టణంలోని నెతన్యాహు ఇంటి ఆవరణలోని గార్డెన్‌లో రెండు బాంబులు పడినట్లు గుర్తించారు. 

  


దాడి సమయంలో నెతన్యాహు గానీ ఆయన కుటుంబ సభ్యులు గానీ ఇంట్లో లేరని తెలుస్తోంది. నెతన్యాహుకు ప్రమాదం తప్పినట్లు సమాచారం. ఈ ఘటనపై మరిన్ని వివరాలు తెలియాల్సి ఉంది.

వాతావరణశాఖ కీలక అప్డేట్
తెలంగాణలో వర్షాలపై హైదరాబాద్ వాతావరణ కేంద్రం అధికారులు కీలక అప్డేట్ ఇచ్చారు. ఇవాళ రాష్ట్రంలో వర్షాలకు ఛాన్స్ లేదన్నారు. పొడి వాతావరణం ఉంటుందని.. అదే సమయంలో చలి తీవ్రత పెరుగుతుందని చెప్పారు. పిల్లలు, వృద్ధులు, ఉదయం వేళల్లో వాహనాలు నడిపేవారు జాగ్రత్తగా ఉండాలని సూచిస్తున్నారు.

  


తెలంగాణలో ఈ ఏడాది సమృద్ధిగానే వర్షాలు కురిశాయి. ఒక్క ఆగస్టు నెల మినహాయిస్తే.. మిగిలిన మాసాల్లో జోరుగా వర్షాలు పడ్డాయి. ఆశించిన దానికంటే ఎక్కువగా వర్షాలు కురవటంతో అధిక వర్షపాతం నమోదైనట్లు హైదరాబాద్ వాతావరణ కేంద్రం అధికారులు తెలిపారు. ఇక బంగాళాతంలో వరుసగా అల్పపీడనాలు ఏర్పడుతుండటంతో శీతాకాలం ప్రారంభమైన వర్షాలు కురుస్తూనే ఉన్నాయి. ఈ నేపథ్యంలో తెలంగాణలో నేడు వర్షాలు, వాతావరణపై హైదరాబాద్ వాతావరణ కేంద్రం అధికారులు కీలక అప్డేట్ ఇచ్చారు.

నైరుతి బంగాళాఖాతంలో ప్రస్తుతం ఉపరితల ద్రోణి కొనసాగుతోందని భారత వాతావరణ శాఖ అధికారులు వెల్లడించారు. దీని ప్రభావంతో ఏపీలో వర్షాలు కురుస్తాయని చెప్పారు. తెలంగాణలో మాత్రం నేడు పొడి వాతావరణమే ఉంటుందని చెప్పారు. పలు ప్రాంతాల్లో చిరు జలల్లు తప్ప పెద్దగా.. ఎటువంటి వర్ష సూచన లేదని వాతావరణశాఖ అధికారులు వెల్లడించారు. నవంబర్ 22వ వరకు ఇటువంటి పొడి వాతావరణమే రాష్ట్రంలో ఉంటుందన్నారు. ప్రస్తుతానికి ఎటువంటి వర్షం హెచ్చరికలు లేవని స్పష్టం చేశారు.

  

అయితే ఇదే సమయంలో రాష్ట్రంలో ఉష్ణోగ్రతలు రోజు రోజుకూ పడిపోతున్నాయి. కొన్ని జిల్లాల్లో అయితే 15 డిగ్రీల సెల్సియస్ కంటే తక్కువగా ఉష్ణోగ్రతలు నమోదవుతున్నాయి. హైదరాబాద్ శివారు ప్రాంతంలో 18 డిగ్రీలకు దిగువన ఉష్ణోగ్రతలు నమోదవుతున్నట్లు హైదరాబాద్ వాతావరణ కేంద్రం అధికారులు వెల్లడించారు. ఉదయం సమయంలో పొగ మంచు ఎక్కువగా ఉంటుందని చెబుతున్నారు. దీంతో వాహనదారులు తీవ్ర ఇబ్బందులు ఎదుర్కొంటున్నారు. చలి తీవ్రత పెరుగుతుండటంతో వృద్ధులు, చిన్న పిల్లలు జాగ్రత్తగా ఉండాలని నిపుణలు సూచిస్తున్నారు. వాహనదారులు సైతం ఉదయం వేళల్లో ప్రయాణాలు పెట్టుకోకపోవటమే ఉత్తమమని అంటున్నారు.

ఇక ద్రోణి ప్రభావంతో ఏపీలోని కోస్తా, రాయలసీమ జిల్లాల్లో తేలికపాటి నుంచి ఓ మోస్తారు వర్షాలు కురిసే అవకాశం ఉందని అమరావతి వాతావరణ కేంద్రం అధికారులు తెలిపారు. రేపు కూడా వర్షాలకు అవకాశం ఉందన్నారు.

 నేడు వైఎస్ఆర్, అన్నమయ్య, చిత్తూరు, తిరుపతి, ప్రకాశం, నెల్లూరు, నంద్యాల జిల్లాల్లో తేలికపాటి నుంచి ఓ మోస్తరు వర్షాలకు ఛాన్స్ ఉందన్నారు.

మాజీమంత్రి కొడాలినానిపై ఫిర్యాదు
విశాఖ నగరానికి చెందిన లా విద్యార్ధిని సత్యాల అంజన ప్రియ వైఎస్సార్‌సీపీ నేత, మాజీ మంత్రి కొడాలినానిపై ఫిర్యాదు చేశారు. దీంతో విశాఖ పోలీసులు కేసు నమోదు చేశారు. శనివారం రాత్రి 11 గంటలకు విశాఖపట్నం 3వ పట్టణ పోలీసు స్టేషన్‌లో ఆమె ఫిర్యాదు చేయడంతో పోలీసులు ఈ మేరకు కేసు నమోదు చేశారు.

  


విశాఖ నగరానికి చెందిన లా విద్యార్ధిని (Law Student) సత్యాల అంజన ప్రియ (Anjana Priya) వైఎస్సార్‌సీపీ నేత (YSRCP Leader), మాజీ మంత్రి కొడాలినాని (Ex Minister Kodali Nani)పై ఫిర్యాదు చేశారు. దీంతో విశాఖ పోలీసులు (Visakha Police) కేసు నమోదు (Case Registered) చేశారు. శనివారం రాత్రి 11 గంటలకు విశాఖపట్నం 3వ పట్టణ పోలీసు స్టేషన్‌లో ఆమె ఫిర్యాదు చేయడంతో పోలీసులు ఈ మేరకు కేసు నమోదు చేశారు. వైఎస్సార్‌సీపీ హయాంలో ఐదేళ్లుగా కొడాలి నాని పత్రికా ప్రకటనలలో, అసెంబ్లీ సమావేశాలలో వాడిన భాషపై అంజన ప్రియ ఫిర్యాదు చేశారు. అధికారిక కార్యక్రమాలలో తెలుగు దేశం పార్టీ జాతీయ అధ్యక్షుడు, ప్రస్తుత ముఖ్యమంత్రి నారా చంద్రబాబు నాయుడు, టీడీపీ జాతీయ ప్రధాన కార్యదర్శి నారా లోకేష్‌‌పై అవమానకరమైన రీతిలో అసభ్య పదజాలం ఉపయోగించారని, దుర్భాషలాడుతూ, వ్యక్తిగత దూషణలకు పాల్పడ్డారంటూ ఆమె పిర్యాదు కాపీలో వెల్లడించారు. కొడాలి నాని వ్యాఖ్యలు వారి పరువు నష్టం కలిగించడమే కాకుండా, సామాజిక మాద్యమాల ద్వారా వారి వ్యక్తిగత గౌరవాన్ని, కుటుంబ ప్రతిష్ఠను దెబ్బతీశాయని ఫిర్యాదులో పేర్కొన్నారు.

కొడాలి నాని వ్యాఖ్యలు ఒక బాధ్యతాయుతమైన మహిళగా తనను తీవ్ర ఆవేదన కలిగించాయని అంజన ప్రియ అన్నారు. ఆయన తరచుగా ప్రసంగాల్లో, మీడియా వేదికలపై సాక్షి న్యూస్ ఛానెల్ సహా ఇతర మీడియాలో దుర్భాషలు ఆడారు అని వెల్లడించారు. బాడీ షేమింగ్ చేయడం, నిరాధారమైన ఆరోపణలు చేయడం వంటి చర్యల ద్వారా నారా చంద్రబాబు నాయుడు, వారి కుటుంబంపై తీవ్ర అవమానకర వ్యాఖ్యలు చేశారన్నారు. ఒక మహిళగా, లా విద్యార్థిగా, ఇటువంటి అసభ్య పదజాలం వినడం, చూడడం నాకు చాలా బాధ కలిగించిందన్నారు. ఇది సమాజంలో యువతపై ప్రతికూల ప్రభావం చూపించడమే కాకుండా, ప్రజాస్వామ్య విలువలకు హానికరంగా ఉంటుందన్నారు. ఇలాంటి వ్యాఖ్యలు ప్రజా ప్రవర్తనను ప్రతికూలంగా ప్రభావితం చేయగల సామర్థ్యాన్ని కలిగి ఉంటుందన్నారు.

  

ముఖ్యంగా యువతలో ఇది విషపూరితమైన ఆన్‌లైన్ సంస్కృతిని సృష్టించడాన్ని ప్రోత్సహిస్తుందని, ఇటువంటివి ఉపేక్షిస్తే యువత వీటినే ఆదర్శంగా తీసుకునే ప్రమాదం ఉందని అంజన ప్రియ అన్నారు. ఇదే జరిగితే దారి తప్పిన యువత, ముఖ్యంగా మహిళలపై అభ్యంతరకరమైన భాషతో సామాజిక మాద్యమాల్లో దుర్భాషలకు దిగితే ఆత్మహత్యలు చేసుకొనే పరిస్థితి ఏర్పడుతుందని అభిప్రాయపడ్డారు. ఈ విషయంలో కఠిన చర్యలు తీసుకోవడం వల్ల అపఖ్యాతి పాలైన వ్యక్తుల గౌరవాన్ని నిలబెట్టినట్లు ఉంటుందని, బహిరంగ వేదికలపై దూషించే పదజాలం, అవమానకరమైన వ్యాఖ్యలను మరెవ్వరూ ఉపయోగించకుండా బలమైన సందేశాన్ని పోలీసులు పంపాలన్నారు. విశాఖ పోలీస్ కమిషనర్ ఈ అంశంపై అత్యవసర చర్యలు తీసుకోవాలని, అనుచిత వ్యాఖ్యలు చేసిన కొడాలి నానిపై చట్టపరమైన చర్యలు తీసుకోవాలని కోరుతున్ననన్నారు. కాగా కొడాలి నానిపై తాను చేసిన ఫిర్యాదుపై పోలీసులు ఎఫ్ఐఆర్ నమోదు చేసినందుకు ఆమె ధన్యవాదాలు తెలిపారు.

చెన్నైలో తెలుగు భవనం
చెన్నైలో ‘తెలుగు భవనం’ నిర్మాణం చేపట్టాలని ఆంధ్రప్రదేశ్‌ ఉపముఖ్యమంత్రి పవన్‌ కల్యాణ్‌(Andhra Pradesh Deputy Chief Minister Pawan Kalyan)కు తమిళనాడు తెలుగు పీపుల్‌ ఫౌండేషన్‌ విజ్ఞప్తి చేసింది. మంగళగిరిలో పవన్‌ కల్యాణ్‌తో భేటీ అయిన ఫౌండేషన్‌ వ్యవస్థాపకులు దేవరకొండ రాజు నేతృత్వంలోని ప్రతినిధుల బృందం.. తమిళనాడులోని తెలుగువారి స్థితిగతులను వివరించింది.

  


చెన్నైలో ‘తెలుగు భవనం’ నిర్మాణం చేపట్టాలని ఆంధ్రప్రదేశ్‌ ఉపముఖ్యమంత్రి పవన్‌ కల్యాణ్‌(Andhra Pradesh Deputy Chief Minister Pawan Kalyan)కు తమిళనాడు తెలుగు పీపుల్‌ ఫౌండేషన్‌ విజ్ఞప్తి చేసింది. మంగళగిరిలో పవన్‌ కల్యాణ్‌తో భేటీ అయిన ఫౌండేషన్‌ వ్యవస్థాపకులు దేవరకొండ రాజు నేతృత్వంలోని ప్రతినిధుల బృందం.. తమిళనాడులోని తెలుగువారి స్థితిగతులను వివరించింది. చెన్నై, కోయంబత్తూరు, కాంచీపురం, మదురై, చెంగల్పట్టు, తిరువళ్లూరు, తిరుత్తణి, కృష్ణగిరి(Chengalpattu, Tiruvallur, Tiruttani, Krishnagiri) ప్రాంతాల్లో తెలుగువారు అధికంగా వున్నారని, వివిధ రంగాల్లో వారు స్థిరపడ్డారని వివరించింది.

జయలలిత ముఖ్యమంత్రిగా వున్న సమయంలో చెన్నైలో తెలుగు భవనం నిర్మాణానికి అంగీకరించారని, అయితే కాలక్రమంలో ఆ ప్రాజెక్టు ముందుకు కదల్లేదని వారు వెల్లడించారు. ఇప్పుడైనా ఆంధప్రదేశ్‌ ప్రభుత్వం చెన్నైలో తెలుగు భవన నిర్మాణంపై చర్యలు తీసుకోవాలని విజ్ఞప్తి చేసింది.

  

ఫౌండేషన్‌ తరఫున చేస్తున్న సామాజిక సేవలను, తెలుగు భాష, సంస్కృతుల కోసం చేస్తున్న కృషిని ప్రతినిధుల బృందం వివరించగా, ఉపముఖ్యమంత్రి అభినందించారు. ఈ భేటీలో దేవరకొండ రాజుతో పాటు ప్రొఫెసర్‌ కె.శ్రీనివాసరావు, ఏఎం.మనోజ్‌, ప్రియా శ్రీధర్‌, బి.రఘునాథ్‌ తదితరులున్నారు.

సీఎం చంద్రబాబు సోదరుడు కన్నుమూత
ఏపీ సీఎం చంద్రబాబు సోదరుడు, మాజీ ఎమ్మెల్యే నారా రామ్మూర్తి కన్నుమూశారు.

  


 కొంతకాలంగా అనారోగ్య కారణాలతో చికిత్స తీసుకుంటున్న ఆయన హైదరాబాద్లోని AIG హాస్పిటల్తో మరణించారు.

 1994-99 మధ్య చంద్రగిరి నియోజకవర్గ ఎమ్మెల్యేగా పనిచేశారు. 

  

రామ్మూర్తి కుమారుడే టాలీవుడ్ నటుడు నారా రోహిత్.

రెస్టారెంట్ గా మారనున్న రైలు
ముంబై- వల్సాద్ ల మధ్య ఆ రైలు దాదాపు యాభై ఏళ్ల పాటు ప్రయాణికులకు సేవలందించింది. ఎంతోమందిని గమ్యస్థానాలకు చేర్చిన ఈ చారిత్రక రైలుకు వచ్చే నెల నుంచి విశ్రాంతి ఇవ్వాలని అధికారులు నిర్ణయించారు.

  


పట్టాలపై పరుగులకు బ్రేక్ వేసి ఈ రైలు కోచ్ లలో ఒకదానిని హోటల్ గా మార్చాలని భావిస్తున్నారు. లోయర్ పారెల్ స్టేషన్ ఆవరణలో డబుల్ డెక్కర్ కోచ్ ల ను హోటల్ గా మార్చేందుకు ఏర్పాట్లు చేస్తున్నట్లు వివరించారు.

ముంబై, సూరత్ వల్సాద్ రైల్వే రూట్ ప్రారంభమైన కొత్తలో.. 1975-76 ప్రాంతంలో ట్రైన్ నెంబర్ 09023/24 ప్యాసింజర్ రైలు ముంబై, వల్సాద్ ల మధ్య పరుగులు పెట్టేది. ఇప్పటికీ ఈ ప్యాసింజర్ రైలు తిరుగుతోంది.

  

దాదాపు 50 ఏళ్ల పాటు ప్రయాణికులకు సేవలందించిన ఈ రైలు వచ్చే నెల నుంచి విశ్రాంతి తీసుకోనుంది. ఈ రైలులోని నాన్ ఏసీ డబుల్ డెక్కర్ కోచ్ లను రెస్టారెంట్ గా మార్చాలని అధికారులు నిర్ణయించారని హిందుస్థాన్ టైమ్స్ ఓ కథనం ప్రచురించింది.

ప్రసిద్ధ క్షేత్రంగా భెల్‌ అయ్యప్ప ఆలయం
హిందువులంతా పవిత్రమైన మాసంగా భావించే కార్తీకమాసంలో దేశవ్యాప్తంగా భక్తి శ్రద్ధలతో జరుపుకునే ఉత్సవం అయ్యప్పస్వామి మాలధారణ. కార్తీకమాసంలో అయ్యప్ప స్వామి(Ayyappa Swami) భక్తులు మాలలు ధరించి అయ్యప్పస్వామి దేవాలయాన్ని, మకర జ్యోతిని దర్శించుకోవడం పూర్వజన్మ సుకృతంగా భావిస్తారు.

  


హిందువులంతా పవిత్రమైన మాసంగా భావించే కార్తీకమాసంలో దేశవ్యాప్తంగా భక్తి శ్రద్ధలతో జరుపుకునే ఉత్సవం అయ్యప్పస్వామి మాలధారణ. కార్తీకమాసంలో అయ్యప్ప స్వామి(Ayyappa Swami) భక్తులు మాలలు ధరించి అయ్యప్పస్వామి దేవాలయాన్ని, మకర జ్యోతిని దర్శించుకోవడం పూర్వజన్మ సుకృతంగా భావిస్తారు. బ్రహ్మచర్యాన్ని పాటిస్తూ, 41 రోజుల పాటు అత్యంత భక్తి శ్రద్ధలతో అయ్యప్పస్వామికి పూజలు చేసి స్వామి దీక్షలో ఉండి శబరిమళ యాత్రచేసి, జ్యోతిసర్వరూపుడైన అయ్యప్పను దర్శించు కోవడంతో దీక్షలు పూర్తవుతాయి.

అయ్యప్పస్వామి భక్తులు, మాలధారణ చేసే స్వాములకు ఆధ్యాత్మిక క్షేత్రంగా, శబరిమల తరహాలో పూజా కార్యక్రమాలకు వేదికగా మారింది భెల్‌ టౌన్‌షి్‌పలోని శ్రీ అయ్యప్పస్వామి దేవాలయం. కేవలం కార్తీక మాసంలో అయ్యప్పస్వామికి నిర్వహించే ప్రత్యేక మాలధారణలు, మండల పూజలు సమయంలోనే కాకుండా నిత్యం అయ్య ప్ప భక్తులకు దర్శనభాగ్యం కల్పిస్తూ నేడు జిల్లాలోనే ప్రసిద్ధ పుణ్య క్షేతంగా మారింది.

  

వివిధ భాషాలకు, విభిన్న ప్రాంతాలవారి కలయికలతో మమేకమైన బీహెచ్‌ఈఎల్‌ పరిశ్రమలో పనిచేస్తున్న కొందరు కేరళకు చెందిన కార్మికులు, భక్తులు మండల పూజల రోజుల్లో అయ్యప్పస్వామి మాలలు వేసుకుని శ్రీ వేంకటేశ్వర స్వామి దేవాలయంలోని స్వామివారి పాత కల్యాణ మండపంలో అయ్యప్ప మండపాన్ని ఏర్పాటు చేసి పూజలు చేసేవారు. 55 ఏళ్లుగా ఇదే విధంగా పూజలు నిర్వహించడంతో అనవాయితీగా వచ్చింది. ప్రతీ ఏటా అయ్యప్పస్వామి భక్తుల సంఖ్య పెరగడం, వేలాది మంది మాలధారణలు ధరించడం, పూజలు నిర్వహిస్తుండడంతో అయ్యప్పకు ప్రత్యేక దేవాలయాన్ని నిర్మించాలనే సంకల్పం కలిగింది.

అయ్యప్పకు ప్రత్యేక దేవాలయాన్ని నిర్మించాలని భక్తులు, కాలనీవాసులు, కార్మికులు నిర్ణయించి స్థలాన్ని కేటాయించాలని భెల్‌ యాజమాన్యాన్ని కోరారు. వారి కోరికను గౌరవిస్తూ భెల్‌ యాజమాన్యం నాలుగు ఎకరాల స్థలం కేయించింది. దేవాలయ నిర్మాణానికి యాజమాన్యం పరోక్షంగా సహకరించగా భక్తులు, కార్మికులు విరాళాలు అందచేయడంతో దేవాలయ నిర్మాణానికి పునాది పడింది.

దీంతో చిన్నపాటి నిర్మాణంతో ప్రారంభమైన అయ్యప్ప దేవాలయాన్ని దినదినాభివృద్ధి చేస్తూ దాదాపు కోటి రూపాయల వ్యయంతో పూర్తి స్థాయిలో ఆధునీకరించి జిల్లాలోనే అతిపెద్ద దేవాలయంగా మారింది. పంచలోహాలతో అయ్యప్ప స్వామి మూల విగ్రహాన్ని తయారుచేయించి, కేరళ సంప్రదా యం ప్రకారం ప్రతిష్ఠించారు. అయ్యప్ప స్వామి దేవాలయం ప్రాంగణంలో గణపతి, సుబ్రహ్మణ్యేశ్వర స్వామి, భగవతి అమ్మవారు, నాగదేవతల ఆలయాలను సైతం నిర్మించారు.

ప్రతీ ఏటా నవంబరు నెలలో ప్రారంభమైయ్యే మండల పూజల సమయంలో వేసుకునే అయ్యప్ప మాలలు ఇప్పటికే ప్రారంభమవగా మండల పూజలకు దేవాల యం సర్వాంగ సుందరంగా ముస్తాబయింది. డిసెంబరు 26 వరకూ జరిగే మండల పూజలు, అయ్యప్ప ఊరేగింపు తో ముగుస్తాయి. ఇప్పటికే దాదాపు 3 వేల మంది యువకులు, వృద్ధులు, పిల్లలు అయ్యప్ప దీక్షను తీసుకున్నారు.

స్వామియే శరణమయ్యప్ప అంటూ అయ్యప్ప భక్తుల శరణుఘోషలు, శభరిగిరీశుని నామస్మరణలతో భెల్‌ టౌన్‌షి్‌పలోని అయ్యప్పస్వామి ఆలయంలో శుక్రవారం మండల పూజలు వైభవంగా ప్రారంభమైయ్యాయి. కేరళ సంప్రదాయ బద్దంగా, ఆలయ తంత్రీల ఆధ్వర్యంలో విశేష పూజల నడుమ మండల పూజలను అత్యంత వైభవోపేతంగా నిర్వహించారు. ఉదయం నాలుగు గంటలకు మహాగణపతి హోమం, అయ్యప్పస్వామికి ప్రీతిప్రదమైన నెయ్యి అభిషేకం, మూల విగ్రహానికి పంచామృతాభిషేకం తదితర విశేషపూజ కార్యక్రమాలు జరిగాయి. అనంతరం దేవాలయ ప్రధాన గురుస్వామి ఆధ్వర్యంలో వందలాది మంది భక్తులు మాలలు ధరించి దీక్షలకు శ్రీకారం చుట్టారు. కేరళ నుంచి వచ్చిన కళాకారులు రెండు గంటల పాటు పంచవాద్యాన్ని నిర్వహించారు. ఆలయంలో ప్రతీరోజు ఉదయం 4.30 నుంచి 8.30 వరకు సాయంత్రం 5.30 నుంచి రాత్రి 8.30 గంటల వరకు భజనలు, ప్రత్యేక పూజలు జరుతాయని నిర్వాహకులు తెలిపారు.

అయ్యప్ప దీక్షలను చేపట్టిన స్వాములు 41 రోజుల పాటు భక్తి శద్ధ్రలతో అయ్యప్పస్వామికి పూజలు నిర్వహిస్తుండడంతో వారి సౌకర్యార్థం దేవాలయ ప్రాంగణంలో అన్నపూర్ణదేవి కల్యాణ మండపంలో నిత్యాన్నదాన సత్రాన్ని ఏర్పాటు చేశారు. శుక్రవారం నుంచి డిసెంబరు 26 వరకు మండల పూజలు జరిగే ప్రతీరోజు ఉదయం, సాయంత్రం స్వాములకు భిక్షను ఏర్పాటు చేశారు.

మూసీ ప్రక్షాళనకు కాదు రియల్‌ వ్యాపారాలకే వ్యతిరేకం
సీఎం రేవంత్‌రెడ్డి ప్రభుత్వం చేపట్టే మూసీ ప్రక్షాళనకు బీజేపీ వ్యతిరేకం కాదని మూసీ అభివృద్ధి పేరుతో పేదల ఇళ్లు కూల్చి రియల్‌ ఎస్టేట్‌ వ్యాపారం చేయాలన్న ఆలోచనకే వ్యతిరేకమని ఆపార్టీ రంగారెడ్డి అర్బన్‌ జిల్లా అధ్యక్షుడు సామ రంగారెడ్డి అన్నారు.

  


సీఎం రేవంత్‌రెడ్డి ప్రభుత్వం చేపట్టే మూసీ ప్రక్షాళనకు బీజేపీ వ్యతిరేకం కాదని మూసీ అభివృద్ధి పేరుతో పేదల ఇళ్లు కూల్చి రియల్‌ ఎస్టేట్‌ వ్యాపారం చేయాలన్న ఆలోచనకే వ్యతిరేకమని ఆపార్టీ రంగారెడ్డి అర్బన్‌ జిల్లా అధ్యక్షుడు సామ రంగారెడ్డి అన్నారు. శుక్రవారం ఎల్బీనగర్‌లోని బీజేపీ కార్యాలయంలో ఏర్పాటు చేసిన సమావేశంలో సామ రంగారెడ్డి మాట్లాడారు.

మూసీ పరీవాహక ప్రాంతాల్లో నివసించే ప్రజలు తాము ఇబ్బందులకు గురవుతున్నామని ఎప్పుడైనా దరఖాస్తు చేసుకున్నారా? అని ప్రశ్నించగా.. సీఎం రేవంత్‌రెడ్డి(CM Revanth Reddy) ఎంపీ ఈటల రాజేందర్‌ను మూసీ పరీవాహక ప్రాంతాల్లో బసచేయాలని విసిరిన సవాలును పార్టీ స్వీకరిస్తుందన్నారు. అందులో భాగంగా శనివారం సాయంత్రం మూసీ పరీవాహక ప్రాం తాల్లో 27చోట్ల బీజేపీ నాయకులు, కేంద్ర మంత్రులు, రాష్ట్ర నాయకులు, ఎమ్మెల్యేలు బస చేయనున్నారని ఆయన తెలిపారు.

  

సీఎం రేవంత్‌రెడ్డివి ఊకదంపుడు ఉపన్యాసాలని విమర్శించారు. పేదల ఇళ్లు కూలగొట్టి పెద్ద షాపింగ్‌లు కట్టడమే రేవంత్‌రెడ్డి మూసీ ప్రక్షాళన అన్నారు. గతం లో మోదీ సబర్మతి నది ప్రక్షాళన కోసం దాదాపు 25వందల కిలోమీటర్లు 12నెలల్లో పూర్తి చేశారని గుర్తుచేశారు. 55 కిలోమీటర్ల మూసీకి ఇంతవరకు డీపీఆర్‌ ఖరారు చేయకుండానే ముందుగానే లక్షా యాభైవేల కోట్ల తో పునరుద్ధరిస్తామనడం అవివేకానికి నిదర్శనం అన్నారు.

ఎంపీ ఈటల శనివారం సాయంత్రం 4గంటల నుంచి ఆదివారం ఉదయం వరకు ఫణిగిరి కాలనీలోని మూసీ పరీవాహక ప్రాంతాల కాలనీవాసులతో బస చేస్తారని ఆయన పేర్కొన్నారు. కార్యక్రమంలో బీజేపీ నాయకులు కొత్త రవీందర్‌గౌడ్‌, సునీతారెడ్డి, ఆలే పురంధర్‌ పాల్గొన్నారు.