జిల్లా ఇన్చార్జి మినిస్టర్ పెద్దిరెడ్డి రామచంద్రారెడ్డికి స్వాగతం పలికిన శింగనమల వైఎస్ఆర్సీపీ నియోజకవర్గ సమన్వయకర్త ఎం వీరాంజనేయులు
ఈనెల 18న రాప్తాడులో జగనన్న సిద్ధం సభ జరుగుతున్న నేపథ్యంలో, ఏర్పాట్లు ను పరిశీలించడానికి వచ్చిన జిల్లా ఇన్చార్జి మినిస్టర్ పెద్దిరెడ్డి రామచంద్రారెడ్డికి స్వాగతం పలికిన శింగనమల వైఎస్ఆర్సీపీ నియోజకవర్గ సమన్వయకర్త ఎం వీరాంజనేయులు.
అనంతరం సభా స్థలాన్ని పరిశీలించారు.

బొలెరో వాహనం, సిమెంటు లారీని ఢీకొని ముగ్గురు అక్కడికక్కడే మృతి...

 
 
  అర్ధరాత్రి సోమవారం ఒంటిగంటలో ఇరిగేపల్లి హైవే దగ్గర బొలెరో వాహనం, సిమెంటు లారీని ఢీకొని ముగ్గురు అక్కడికక్కడే మృతి చెందినట్లు సమాచారం. బొలెరో వాహనంలో రొల్ల మండలం దాసప్పన పాల్యం గ్రామానికి చెందిన 3 గ్రామస్తులు సిరాలో జరుగు పెండ్లికి పోవుచుండగా ఈ సంఘటన జరిగినట్లు సమాచారం.
 

తిరుమలలోని పార్వేట మండపం వద్ద ఏనుగుల గుంపు హల్ చల్..

 
 
  తిరుమల : తిరుమలలోని పార్వేట మండపం వద్ద ఏనుగుల గుంపు హల్ చల్.. తిరుమలలోని పార్వేటి మండపం వద్ద ఏనుగుల గుంపు హాల్ చల్ చేసాయి. పాపనాశం వెళ్లే మార్గంలోని పార్వేటి మండపానికి సమీపంలో ఏనుగుల గుంపు స్వైర విహారం చేశాయి. శేషాచలం అటవీ ప్రాంతంలో టీటీడీ ఏర్పాటు చేసిన శ్రీ గంధం వనం వద్ద ఏనుగుల గుంపు వచ్చాయి. శ్రీ గంధం వనం వద్ద ఏర్పాటు చేసిన భారీ కంచెలను ధ్వంసం చేశాయి. ఉదయం 5 గంటల ప్రాంతంలో ఏనుగుల గుంపు వచ్చిందన్న సమాచారంతో టిటిడి అటవీ శాఖా అధికారులు ఘటనా స్థలంకు చేరుకున్నారు. ఏనుగుల గుంపుని అటవీ ప్రాంతంలోకి తరిమేందుకు ప్రయత్నించారు. అటవీ శాఖ అధికారుల ప్రయత్నాలు ఫలించి ఏనుగుల గుంపును అటవీ ప్రాంతంలోకి వెళ్లగొట్టారు. వేసవి ప్రారంభం కాకముందే నీటి కోసం వెతుకుతూ ఏనుగుల గుంపు శేషాచలం అటవీ ప్రాంతంను వదిలి బయటకు వచ్చినట్లు టిటిడి అటవీ శాఖ అధికారులు భావిస్తున్నారు.
 

ఉల్లి రోషన్న మృతదేహానికి నివాళులర్పించిన తెలుగు యువత రాష్ట్ర అధికార ప్రతినిధి దండు శ్రీనివాసులు..

 
 
  ఉల్లి రోషన్న మృతదేహానికి నివాళులర్పించిన తెలుగు యువత రాష్ట్ర అధికార ప్రతినిధి దండు శ్రీనివాసులు.. శింగనమల : మండల కేంద్రంలో తెలుగుదేశంపార్టీ కార్యకర్తలు ఉల్లి నారాయణస్వామి యాదవ్,ఉల్లి శివయాదవ్,గార్ల *తండ్రి ఉల్లి రోషన్న అనారోగ్యంతో ఈరోజు ఉదయం మృతి చెందడం జరిగింది.* ఈ విషయం తెలుసుకున్న *తెలుగు యువతరాష్ట్ర అధికార ప్రతినిధి దండు శ్రీనివాసులు సింగనమల మండల కేంద్రంలోని ఆయన స్వగృహంలో పార్థివ దేహానికి పూలమాల వేసిన వారి కుటుంబ సభ్యులకు 10 వేల రూపాయల ఆర్థిక సహాయం అందజేసి ఆ కుటుంబానికి అండగా తెలుగుదేశం పార్టీ ఉంటుందని అధైర్యపడవద్దని ధైర్యంగా ఉండాలని ఏ కష్టం వచ్చినా నేను ఉంటానని భరోసా కల్పించారు* ఈ కార్యక్రమంలో *దాసరి గంగాధర్, మాజీ ఎంపీటీసీ కుళ్ళాయప్ప బిసి సెల్ రాష్ట్ర కార్యదర్శి ఆదినారాయణ టియన్ యస్ యఫ్ రాష్ట్ర కార్యనిర్వహకార్యదర్శి బండి పరుశురాం శింగనమలనియోజకవర్గ బిసి సెల్ అధ్యక్షులు బెస్త‌‌‌ నారాయణస్వామి తెలుగు యువత మండల అధ్యక్షులు కాయల సురేష్ యాదవ్, మల్లికార్జున, ప్రసాద్ నాయక్,కాయల నారాయణస్వామి, శివశంకర్,కాయలసురి,* తదితరులు పాల్గొన్నారు
 

గృహ ప్రవేశానికి హాజరైన ఎమ్మెల్యే జొన్నలగడ్డ పద్మావతి..

 
 
  గృహ ప్రవేశానికి హాజరైన ఎమ్మెల్యే జొన్నలగడ్డ పద్మావతి..
   బుక్కరాయసముద్రం మండలం బోయకొట్టాల గ్రామంలోని వైస్సార్సీపీ మండల కన్వీనర్ అంకె నరేష్ నూతన గృహ ప్రవేశ మహోత్సవానికి ముఖ్య అతిథిలుగా ఎమ్మెల్యే జొన్నలగడ్డ పద్మావతి హాజరైయ్యారు. నూతన గృహంలో ఏర్పాటు చేసిన పూజ కార్యక్రమంలో పాల్గొన్నారు. ఈ సందర్భంగా మాజీ మార్కెట్ యాడ్ చైర్మన్ అంకె చిన్న ముసలన్న, నరేష్ కు శుభాకాంక్షలు తెలియజేశారు. ఈ కార్యక్రమంలో కుటుంబ సభ్యులు, వైస్సార్సీపీ నాయకులు, తదితరులు పాల్గొన్నారు.
 

నన్ను ఆశీర్వదించండి: నియోజకవర్గ వైస్సార్సీపీ సమన్వయకర్త ఎం.వీరాంజనేయులు.. 

 
 
  నన్ను ఆశీర్వదించండి: నియోజకవర్గ వైస్సార్సీపీ సమన్వయకర్త ఎం.వీరాంజనేయులు* నిరుపేద కుటుంబం వచ్చిన సామాన్య కార్యకర్తను గుర్తించి ముఖ్యమంత్రి వైస్ జగనన్న నియోజకవర్గ సమన్వయకర్తగా నియమించారని, మీ అందరీ దీవెనలతో గెలిపించాలని నియోజకవర్గ వైస్సార్సీపీ సమన్వయకర్త ఎం. వీరాంజనేయులు కోరారు. బుక్కరాయసముద్రం మండలంలోని చెన్నంపల్లి, రేకులకుంట, కొర్రపాడు, పసులూరు, ఏడావులపర్తి, దండువారిపల్లి, అమ్మవారిపేట, రోటరీపురం, రెడ్డిపల్లి, గ్రామాల్లోని ఎస్సీ కాలనీలలో పర్యటించారు. గ్రామాల్లోని నాయకుల ఇళ్లకు వెళ్లి పలకరిస్తూ, మీ అందరికీ అందుబాటులో ఉంటానని, మీ అందరి దీవెనలు కావాలని మంచి మెజారిటీతో గెలిపించాలని వారిని విన్నవించుకున్నారు. కుల, మత పార్టీలకతీతంగా అర్హులైన ప్రతి ఒక్కరికి సంక్షేమ పథకాలు ముఖ్యమంత్రి వైఎస్ జగనన్న అందిస్తున్నారన్నారు. ఎస్సీ, ఎస్టీ, బీసీ, మైనార్టీలకు ముఖ్యమంత్రి వైయస్ జగనన్న ఎంతో మేలు చేశారన్నారు. గత ప్రభుత్వ పాలన కంటే వైస్సార్సీపీ ప్రభుత్వంలో ప్రజలకు సంక్షేమ పథకాలు అందించారన్నారు. బడుగుబాలహీన వర్గాలకు రాజకీయంగా,సంక్షేమ పరంగా ఎన్నో అవకాశాలు కల్పిస్తున్నారన్నారు. ఈ కార్యక్రమంలో జడ్పీటీసీ, వైస్సార్సీపీ ఎస్సీ, ఎస్టీ సెల్ నాయకులు, తదితరులు పాల్గొన్నారు.
 

కళ్యాణదుర్గంలో యువకుడి కంట్లో కారం కొట్టి నగదుతో హుడాయించిన దుండగులు..

 
 
  కళ్యాణదుర్గంలో యువకుడి కంట్లో కారం కొట్టి నగదుతో హుడాయించిన దుండగులు. కళ్యాణదుర్గం పోలీసులకు సవాలు విసురుతున్న దొంగలు. అనంతపురం జిల్లా కళ్యాణదుర్గం పట్టణంలో కుందుర్పి రోడ్డు వద్ద ముస్తఫా వ్యాపార నిమిత్తం నగదుతో కళ్యాణదుర్గంకు వస్తుండగా కంట్లో కారం కొట్టి 21,400 రూపాయలు నగదుతో హుడాయించిన దుండగులు. స్థానికుల సహాయంతో పట్టణ పోలీస్ స్టేషన్లో ఫిర్యాదు చేసిన బాధితుడు. కళ్యాణదుర్గం పట్టణం ఇందిరమ్మ కాలనీకి చెందిన ముస్తఫా, వ్యాపార నిమిత్తం పొరుగురికి వెళ్లి కళ్యాణదుర్గంకు వస్తున్న క్రమంలో, పట్టణ శివారులో మాటు వేసిన దుండగులు, ముస్తఫా కంట్లో కారం కొట్టి అతని వద్దనుండి 21,400 రూపాయల నగదుతో ఉడాయించారని, స్థానికుల సహాయంతో పట్టణ పోలీస్ స్టేషన్లో ఫిర్యాదు చేసినట్టు బాధితుడు తెలిపాడు. కళ్యాణదుర్గం పట్టణంలో రోజురోజుకీ దొంగతనాలు , దోపిడీలు ఎక్కువవుతున్న దొంగలను కట్టడి చేయడంలో పోలీసు యంత్రాంగం విఫలమవుతోందని స్థానికులు ఆవేదన వ్యక్తం చేస్తున్నారు.
 

అనంతలో అర్ధరాత్రి అరాచకం. పశువుల షెడ్డు కు నిప్పు.. మంటల్లో ఒక ఎద్దు సజీవ దహనం..

 
 
  అనంతలో అర్ధరాత్రి అరాచకం. పశువుల షెడ్డు కు నిప్పు.. మంటల్లో ఒక ఎద్దు సజీవ దహనం. 
  

  
అనంతపురం జిల్లా కంబదూరు మండల కేంద్రంలోని గుండ్లపల్లి కాలనీలో అర్ధరాత్రి అరాచకం చోటుచేసుకుంది. జయచంద్ర అనే రైతు పశువుల పాకకు అర్ధ రాత్రి దుండగులు నిప్పు పెట్టడంతో మంటల్లో ఒక ఎద్దు సజీవ దహనం కాగా మంటల్లో నుంచి మరో ఎద్దు తప్పించుకుంది. 10 ట్రాక్టర్ల పశుగ్రాసంతో పాటు, కోళ్ల షెడ్డు పూర్తిగా కాలిపోయిన‌ వైనం దాదాపుగా మంటల్లో రూ.10 లక్షలు ఆస్థి నష్టం వాళ్లిందని రైతు ఆవేదన వ్యక్తం చేశారు. అగ్నిమాపక సిబ్బంది మంటలను అదుపు చేశారు.పోలీసులు దర్యాప్తు చేస్తున్నారు. వాయిస్ ఓవర్ : రైతు జయచంద్ర వ్యవసాయమే జీవనాదారం పశువులను మేపుకుంటు, కోళ్లను పెంచుకుంటున్నారు అర్ధరాత్రి గుర్తుతెలియని దుండగులు పశువుల పాకకు నిప్పు పెట్టారు. రైతు మంటలను అదుపు చేసేందుకు విశ్వ ప్రయత్నాలు చేసిన మంటల్లో ఒక ఎద్దు మృత్యువాత పడింది.మరో ఎద్దు మంటల నుండి తప్పించుకుంది.జయచంద్ర కుమారుడు ప్రవీణ్ వాటి పోషణ చూసుకుంటూ వ్యవసాయం చేసుకుంటు జీవనాధారం పొందుతున్నారు. ప్రవీణ్ కు ముగ్గురు కూతుళ్లు,ఒక కుమారుడు లను వ్యవసాయం లో వచ్చే డబ్బు తో కుటుంబ పోషణ ,పిల్లల చదువులు చెప్పిస్తూ ఉన్నాడు. అగ్నిప్రమాదంలో ఎద్దు,షెడ్లు,పశుగ్రాసం మొత్తం మంటల్లో అగ్నికి ఆహుతయ్యని ఆవేదన చెందుతున్నారు. రైతు జయచంద్ర, ప్రవీణ్ లు ప్రభుత్వం ఆదుకోవాలని కోరారు.
 

జాతీయ నులిపురుగుల దినోత్సవం సందర్భంగా పిల్లలందరికీ ఆల్బెండజోల్ టాబ్లెట్..

 
 
  అనంతపురం జిల్లా 
  బుక్కరాయసముద్రం మండల పరిధిలో ఉన్న అన్ని ప్రభుత్వ పాఠశాలలో ప్రైవేట్ పాఠశాలలు, రెసిడెన్షియల్ పాఠశాలలు, జూనియర్ కాలేజీలలో, అలాగే పాలిటెక్నిక్ కాలేజ్, నర్సింగ్ కాలేజ్ అంగన్వాడి సెంటర్స్ నందు జాతీయ నులిపురుగుల దినోత్సవం సందర్భంగా పిల్లలందరికీ ఆల్బెండజోల్ టాబ్లెట్ వేయడం జరిగింది. ఈ కార్యక్రమానికి ముఖ్య అతిథులుగా ఎంపీడీవో ఆఫీస్ దగ్గర ఉన్న అంగన్వాడి సెంటర్ నందు గౌరవ ఎంపీపీ దాసరి సునీత గారు, ఎంపీడీవో శోభారాణి గారు, డాక్టర్ స్వాతి లక్ష్మి ఎంఈఓ లింగా నాయక్, సిహెచ్ మోహన్ రావు, మలేరియా సబ్ యూనిట్ ఆఫీసర్ మద్దయ్య సూపర్వైజర్ నూర్ భాషా, పీహెచ్ఎం చేన్నమ్మ, ఈవో ఆర్ డి దామోదరమ్మ, హై స్కూల్ ఇన్చార్జి ప్రధానోపాధ్యాయులు నాగరాజ్ గౌడ్, ఎస్సీ కాలనీ ప్రధానోపాధ్యాయులు కొండమ్మ గారు, ఐసిడిఎస్ సూపర్వైజర్ పిల్లలకు ఆల్బెండజోల్ వేసే కార్యక్రమాన్ని ప్రారంభించడం జరిగింది, అలాగే ఎస్సీ కాలనీ నందు ఉన్న అంగన్వాడి సెంటర్ నందు మరియు ఎంపీపీ స్కూల్ నందు గౌరవ సర్పంచ్ కుమారి పార్వతి గారు ఆల్బెండజోల్ కార్యక్రమాన్ని ప్రారంభించడం జరిగింది. మండల వైద్యాధికారి మాట్లాడుతూ ప్రతి ఆరు నెలలకు ఒకసారి జాతీయ నులి పురుగుల దినోత్సవం జరుపుకోవడం జరుగుతుందని తెలియజేశారు. ఈరోజు జరుగుతున్న 15వ జాతీయ నులి పురుగుల దినోత్సవం కార్యక్రమాన్ని ఈరోజు నిర్వహించి, ఈరోజు ఆబ్సెంట్ అయిన పిల్లలకు 16వ తేదీ మాపప్ కార్యక్రమం ద్వారా పిల్లలకు టాబ్లెట్లు అందించడం జరుగుతుందని తెలియజేశారు, అలాగే 12 వారాలు దాటిన గర్భవతులు తప్పనిసరిగా ఈ టాబ్లెట్ వేసుకోవాలని తెలియజేశారు మన ఆరోగ్య కేంద్ర పరిధిలో 184 మంది గర్భవతులు ఈ టాబ్లెట్లు ఈరోజు తీసుకుంటారని తెలియజేశారు. 1.నులిపురుగులు వ్యాపించు విధానం మలిన పడిన చేతి వేళ్ళు కలుషిత ఆహారము, నీరు ద్వారా, అంటూ పడిన వ్యక్తి నుంచి మరొక వ్యక్తికి ఈ వ్యాధి సంక్రమిస్తుంది. అలాగే గోళ్ళల్లో చేరిన మట్టి ద్వారా చేతులను శుభ్రపరుచుకోకుండా ఆహారం తినటం వల్ల ఈగల ద్వారా ఆహార పదార్థాలు కలుషితం కావడం వల్ల. 2.ఈ వ్యాధి లక్షణాలు మలద్వారం చుట్టూ దురద రాత్రిపూట ఎక్కువగా మూత్రవిసర్జన కలుగుతుంది. కడుపులో అజీర్తి కడుపునొప్పి నీరసం పోషకాహార లోపం, రక్తహీనత శారీరక పెరుగుదలలో లోపం కాళ్లు వాపులు ముఖం ఉబ్బటం నులిపురుగుల గురికాకుండా ఉండాలంటే ఈ కింది చర్యలను పాటించాలని వారు తెలియజేశారు గోర్లను వారానికి ఒకసారి చిన్నవిగా కత్తిరించుకోవడం పరిశుభ్రమైన నీటిని తాగటం ఆహార పదార్థాల పైన ఈగలువాలకుండా ఎల్లప్పుడూ మూతలు ఉంచుకోవాలి. ఇంటి చుట్టూ పరిసరాల పరిశుభ్రంగా ఉంచుకోవాలి మట్టిలో నడుచునప్పుడు మూత్ర విసర్జనకు వెళ్ళినప్పుడు చెప్పులు వేసుకోవాలి. ఆరుబయట మలవిసర్జన చేయరాదు ఎల్లప్పుడు మరుగుదొడ్డిని వాడాలి భోజనానికి ముందు మల విసర్జన తర్వాత ఆహారము వన్డే ముందు చేతులను రెండు నిమిషాలు సబ్బుతో కడుక్కోవాలి. అలాగే చేతులను కడుక్కునే విధానాన్ని కూడా తెలియజేయడం జరిగింది చేతులు కడుక్కొని విధానాలు ఆరు భాగాలుగా ఉంటాయని వారు తెలియజేశారు. 1 అరచేతులను మరియు చేతివేళ్ల సందులో బాగా రుద్దుకోవాలి 2. రెండు చేతుల వెనుక వైపు నుండి వేళ్ళ సందులో బాగా రుద్దుకోవాలి 3. చేతి వేళ్ళు కిళ్ళు బాగా రుద్దాలి 4. రెండు చేతుల బొటనవేళ్లు బాగా రుద్దుకోవాలి 5. రెండు చేతుల మునివేలు బాగా రుద్దుకోవాలి 6. రెండు చేతుల మణికట్లు బాగా రుద్దుకొని సుబ్రమైన నీటితో కడుక్కోవాలి అలాగే ప్రతి రోజు స్నానం చేసి ఉతికిన బట్టలు ధరించాలి ఆకుకూరలు కూరగాయలు బాగా కడిగి కూరగాయల తొక్కను తీసి బాగా ఉడకబెట్టుకొని తినాలి అని వారు తెలియజేశారు ఈరోజు ఆరోగ్య కేంద్ర పరిధిలో మొత్తం 10253 మంది మాత్రలు మాత్రలు అందజేయడం జరిగింది అలాగే 12 వారాలు దాటిన గర్భవతులకు 178 మందికి ఆల్బెండజోల్ టాబ్లెట్ అందజేయడం జరిగింది అని వారు తెలియజేశారు ఈ కార్యక్రమంలో ఈ కార్యక్రమంలో మండల వ్యాప్తంగా ఉన్న అన్ని స్కూళ్ల ప్రధానోపాధ్యాయులు, మరియు ఉపాధ్యాయుని, ఉపాధ్యాయులు, సూపర్వైజర్ జానీ రాజ్, అంగన్వాడీ టీచర్లు, మిడ్ లెవెల్ హెల్త్ ప్రొవైడర్స్ సచివాలయం మహిళ ఆరోగ్య కార్యకర్తలు ,హెల్త్ అసిస్టెంట్లు. ఆశా కార్యకర్తలు పాల్గొన్నారు ఈ కార్యక్రమానికి సహకరించిన ప్రతి ఒక్కరికి వైద్య ఆరోగ్యశాఖ తరఫున వైద్యాధికారిని ప్రత్యేక ధన్యవాదాలు తెలియజేశారు
 

మత సామరస్యానికి ప్రతీక మసూద్ గాజి దర్గా దర్శించుకున్న.. ఎమ్మెల్యే జొన్నలగడ్డ పద్మావతి దంపతులు..

 
 
  మత సామరస్యానికి ప్రతీక మసూద్ గాజి దర్గా ఎమ్మెల్యే జొన్నలగడ్డ పద్మావతి దంపతులు
    పాల్గొన్న నియోజకవర్గ సమన్వయకర్త ఎం. వీరాంజనేయులు శింగనమల మండల కేంద్రంలో వెలసిన హజరత్ సయ్యద్ సాలార్ మసూద్ గాజి దర్గా మత సామరస్యానికి ప్రతీకగా నిలుస్తుందని ఎమ్మెల్యే జొన్నలగడ్డ పద్మావతి అన్నారు. మండల కేంద్రంలో హజరత్ మసూద్ గాజి ఉరుసు ఘనంగా నిర్వహించారు. పద్మావతి, ఆలూరు సాంబశివారెడ్డి దంపతులు దర్గా చేరుకుని గాజి సమాధిని దర్శించుకుని ప్రత్యేక ప్రార్థన నిర్వహించారు. జిల్లా వక్ఫ్ బోర్డు కార్యదర్శి నూర్ మహమ్మద్ ఇంటి దగ్గర నుంచి చక్కెర, పూలతో ఊరేగింపుగా వెళ్లారు. దర్గాలో చదివింపులు చేయించారు. ఈ సందర్భంగా ఎమ్మెల్యే మాట్లాడుతూ.. హిందూ ముస్లింలు కలిసి పెద్ద పండుగలా జరుపుకోవడం సంతోషంగా ఉందన్నారు. ఈ కార్యక్రమంలో ప్రజా ప్రతినిధులు, నాయకులు, కార్యకర్తలు తదితరులు పాల్గొన్నారు