Breaking.. సత్యసాయి జిల్లాలో తొలి కొవిడ్ మరణం..
సత్యసాయి జిల్లాలో తొలి కొవిడ్ మరణం 

బాబా సమాధి దర్శనానికి వచ్చి కొవిడ్ తో మృతి చెందిన యూకే దేశస్తుడు 

పుట్టపర్తి సూపర్ స్పెషాలిటీ ఆసుపత్రిలో యూకే పౌరసత్వం కలిగిన భాస్కర్ జోషి (79) కోవిడ్ తో మృతి. 

తీవ్ర అనారోగ్యంతో వారం క్రితం ఆసుపత్రిలో చేరిన భాస్కర్ జోషి కొవిడ్ పాజిటివ్ తో చికిత్స పొందుతూ మృతి.. 

బాబా మహా సమాధిని దర్శించుకునేందుకు వారం రోజుల క్రితం ప్రశాంతి నిలయం వచ్చిన భాస్కర్ జోషి... 

జగన్‌ ఇక జన్మలో ముఖ్యమంత్రి కాలేరు: మేకపాటి చంద్రశేఖర్‌రెడ్డి


కడప: జగన్‌ను గెలిపించి మనం తప్పు చేశామని నెల్లూరు జిల్లా ఉదయగిరి ఎమ్మెల్యే మేకపాటి చంద్రశేఖర్‌రెడ్డి (Mekapati Chandra Sekhar Reddy) అన్నారు..

కడపలో నిర్వహించిన మాజీ మంత్రి వీరారెడ్డి వర్ధంతి కార్యక్రమంలో ఆయన పాల్గొని మాట్లాడారు. ''నేను నాలుగు సార్లు ఎమ్మెల్యేగా గెలిచా. అయినా నా గ్రాఫ్‌ బాగా లేదంటూ సీఎం జగన్‌ నన్ను కించపరిచారు. పార్టీ బలోపేతం కోసం ఎంతో శ్రమించా..

లేనిపోని అనుమనాలతో నా టికెట్‌నే అమ్మకానికి పెట్టారు. అనాలోచిత నిర్ణయాలతో రాష్ట్రాన్ని జగన్‌ సర్వనాశనం చేశారు. జగన్‌ ఇక జన్మలో ముఖ్యమంత్రి కాలేరు. జగన్‌ లాంటి వారు రాష్ట్రాన్ని పాలిస్తే ప్రజలు బాగుపడరు. రుషికొండలో భవనాలను సరదాగా కట్టుకున్నట్లు ఉంది. సీఎం పదవి భగవంతుడు ఇచ్చిన వరమని జగన్‌ గ్రహించాలి'' అని హితవు పలికారు..

వైకాపా నుంచి పోటీ చేసి గెలవకపోవడమే మంచిదైంది: దగ్గుబాటి వెంకటేశ్వరరావు..
బాపట్ల: పర్చూరులో వైకాపా (YSRCP) నుంచి తాను పోటీ చేసి గెలవకపోవడమే మంచిదైందని దగ్గుబాటి వెంకటేశ్వరరావు (Daggubati Venkateswara Rao) వ్యాఖ్యానించారు..

గెలిచి ఉంటే.. రోడ్లు వేయలేదని ప్రజలు తనని నిలదీసేవారన్నారు. కారంచేడులో స్థానికులతో ఆయన మాటామంతీ నిర్వహించారు. 

వైకాపా పాలనలో కారంచేడులో ఒక్క రోడ్డు మరమ్మతు కూడా చేయలేదు. ఎమ్మెల్యేగా గెలిచి ఉంటే ఈ రోడ్లపై ఇంత స్వేచ్ఛగా తిరిగే వాడిని కాదు. దేవుడి దయ వల్ల పర్చూరులో నేను ఓడిపోవడం మంచిదైంది. నా కుమారుడిని ఎమ్మెల్సీ చేసి మంత్రి పదవి ఇస్తామన్నారు. జగన్‌ పెట్టిన నిబంధనలకు తలొగ్గలేక సున్నితంగా తిరస్కరించాం. ఇవాళ రాజకీయాలంటే పరస్పర విమర్శలు. నేతలు తిట్టుకోవడమే తప్ప ప్రజలకు ఒరిగిందేమీ లేదు..

తన పూర్వ మిత్రుడు శ్రీరాములు కూతురు లావణ్య S.I.గా ఎంపిక..
పూర్వ మిత్రుడు శ్రీరాములు కూతురు లావణ్య ఎస్సైగా ఎంపిక ఘనంగా సన్మానించిన హాస్టల్ పూర్వ విద్యార్థులు 

అనంతపురం జిల్లా సింగనమల నియోజకవర్గం నార్పల మండలం నాయన పల్లి గ్రామానికి చెందిన శ్రీరాములు కూతురు ఎస్సైగా ఉద్యోగం సాధించడంతో 

పూర్వ విద్యాభ్యాసం హాస్టల్ విద్యార్థులు కలిసి శ్రీరాములు కూతురు లావణ్య నీ పుష్పగుచ్చలు అందజేసి ఘనంగా సన్మానించడం జరిగింది. 

తన మిత్రుడు శ్రీరాములు కూతురు ఎస్సైగా ఎంపిక కావడం తమకు ఎంతో సంతోషాన్ని ఇచ్చిందని వారు అభిప్రాయపడ్డారు. ఇంకా మంచి ఉన్నత స్థాయికి చేరాలని ఆకాంక్షించారు. 

ఈ కార్యక్రమంలో పూర్వ విద్యార్థులు వెంకటేష్,వన్నూరప్ప,బాబు,ప్రసాద్ నారాయణస్వామి,శివయ్య,చిన్న వెంకటప్ప,పెద్దన్న,సూరి,సంజప్ప, లక్ష్మయ్య,నాగన్న,అంజి,నాగభూషణం తదితరులు పాల్గొన్నారు..

అనంతపురం జిల్లా తెలుగుదేశం పార్టీ కార్యాలయంలో క్రిస్మస్ వేడుకలు..
క్రిస్మస్ వేడుకల్లో పాల్గొన్న తెలుగుదేశం పార్టీ నాయకులు.. అనంతపురం జిల్లా తెలుగుదేశం పార్టీ కార్యాలయం లో ఫాస్టర్లు కేక్ కట్ చేసి క్రిస్టియన్ సోదరులకు క్రిస్మస్ శుభాకాంక్షలు తెలిపిన *మాజీ ఏమ్మెల్యే ప్రభాకర్ చౌదరి గారు, రాష్ట్ర కార్యదర్శి, ద్విసభ్య కమిటి సభ్యులు ఆలం నరసానాయుడు గారు, జిల్లా ప్రధాన కార్యదర్శి శ్రీధర్ చౌదరి గారు, రాష్ట్ర క్రిస్టియన్ సెల్ అధ్యక్షులు స్వామి దాస్ గారు, TNTUC జిల్లా అధ్యక్షులు పోతుల నరసింహులు గారు* ఈ సందర్బంగా ఫాస్టర్లు ప్రార్థన చేస్తూ ఈ రోజు పవిత్రమైన సమస్త మానవాళి రక్షణ కోసం దేవుడు ఏసు మానవ రూపంలో వచ్చారు అంటూ ఈ లోకంని సర్వజనులు సుఖ సంతోషాలతో ఉండాలని తెలియజేసారు. ఈ కార్యక్రమం లో స్థానిక నాయకులు,ఫాస్టర్లు పాల్గొన్నారు

ఆంజనేయస్వామి జయంతి ఉత్సవాల్లో భాగంగా రాష్ట్ర ప్రభుత్వ విద్యా సలహాదారు ఆలూరు సాంబ శివారెడ్డి..
వైభవంగా హనుమాన్ జయంతి వేడుకలు.. 
యల్లనూరు మండలం చిలుమకూరు గ్రామంలో వెలసిన ఆంజనేయస్వామి జయంతి ఉత్సవాల్లో భాగంగా రాష్ట్ర ప్రభుత్వ విద్యా సలహాదారు ఆలూరు సాంబ శివారెడ్డి శ్రీ ఆంజనేయస్వామిని, అమ్మవారిని దర్శించుకున్నారు. 

 అర్చకులు ప్రత్యేక పూజలు నిర్వహించి ప్రసాదాలు అందజేశారు. అనంతరం సాంబశివారెడ్డి గారు రాతి దూలం లాగుడు పోటీలను ప్రారంభించారు. 

ఉదయం నుంచి స్వామివారికి అర్చనలు హోమాలు అభిషేకాలను ప్రధాన అర్చకుడు బాలాజీ స్వామీతో పాటు వేద పండితుల మంత్రోచ్ఛారణ నడుమ పూజలు కార్యక్రమాలను అంగరంగ వైభవంగా జరుపుకున్నారు. 

హాజరైన భక్తులకు అన్నదానం చేశారు. ప్రతిభ చూపిన వృషభలకు బహుమతులు ప్రధానం చేశారు. 

ఈ కార్యక్రమంలో వైఎస్సార్సీపీ జిల్లా అధ్యక్షులు పైలా నరసింహయ్య, జిల్లా ప్రచార కమిటీ అధ్యక్షులు ఈశ్వర్ రెడ్డి, వైఎస్సార్సీపీ గ్రామ నాయకులు, గ్రామ పెద్దలు, ప్రజలు తదితరులు పాల్గొన్నారు.

బ్రేకింగ్ న్యూస్.. చంద్రబాబు ఇంటికి ప్రశాంత్ కిషోర్..
బ్రేకింగ్ న్యూస్.. చంద్రబాబు ఇంటికి ప్రశాంత్ కిషోర్.. ఆంధ్రప్రదేశ్ రాజకీయాల్లో కీలక పరిణామం చోటు చేసుకుంది. ఎన్నికల వ్యూహకర్త ప్రశాంత్ కిషోర్ టిడిపి అధినేత చంద్రబాబు నాయుడు ఇంటికి వెళ్లారు. గన్నవరం విమానాశ్రయం నుంచి లోకేష్ మరియు ప్రశాంత్ కిషోర్ ఒకే వాహనంలో కలిసి వెళ్లారు.* *వచ్చే ఎన్నికల్లో టిడిపి యువకర్తగా పీకే వ్యవహరించే అవకాశం ఉన్నట్లు తెలుస్తోంది. కాగా, గత ఎన్నికల్లో పీకే వైసీపీ వ్యూహకర్తగా పనిచేశారు. 

Big Breaking.. అనంతపురం జిల్లా గార్లదిన్నె మండలం సమీపంలో వోల్వా బస్సు ట్రాక్టర్ యాక్సిడెంట్ నలుగురు మృతి..
గార్లదిన్నె మండలం వోల్వా బస్సు ట్రాక్టర్ యాక్సిడెంట్ నలుగురు మృతి.. 

గుత్తి మండలం మావుడూరు గ్రామానికి చెందిన 1. చిన్న తిప్పయ్య తండ్రి ఓబన్న 2.శ్రీరాములు తండ్రి పక్కిరప్ప 3.నాగార్జున తండ్రి ఆదినారాయణ 4..శ్రీనివాసులు తండ్రి పెద్దరాజు వీరందరూ అందరూ ట్రాక్టర్లో వడ్లు వేసుకొని కల్లూరు గ్రామమునకు పోయి 

రైస్ మిల్లులో ఒడ్లు ఆడించుకొని తిరిగి వారి గ్రామానికి పోతూ ఉండగా కల్లూరు సమీపంలో NH44 హైవే రోడ్డు నందు బెంగళూరు నుండి హైదరాబాద్ కు పోతున్న BusNO.NL02B3041 అను ప్రైవేటు బస్సు 

ముందరపోతున్న ట్రాక్టర్కు గుద్దగా ట్రాక్టర్ లో ఉన్న పైన తెలిపిన నలుగురు అక్కడ అక్కడే చనిపోయినారు 

ఒకరికి దెబ్బలు తగిలినవి *దెబ్బలు తగిన వారు* హరి తండ్రి పెద్ద తిప్పయ్య మాముడూరు గ్రామం గుత్తి మండలం

వికసిత్ భారత్ సంకల్ప యాత్ర కొసం.. జనవరి 6వ తేదీన బుక్కరాయసముద్రంలో రాష్ట్ర గవర్నర్ ఎస్.అబ్దుల్ నజీర్ పర్యటన..
జనవరి 6వ తేదీన బుక్కరాయసముద్రంలో రాష్ట్ర గవర్నర్ ఎస్.అబ్దుల్ నజీర్ పర్యటన వికసిత్ భారత్ సంకల్ప యాత్ర కార్యక్రమంలో పాల్గొననున్న రాష్ట్ర గవర్నర్ అన్ని ఏర్పాట్లు సకాలంలో చేపట్టాలి. జాయింట్ కలెక్టర్ కేతన్ గార్గ్..

 అనంతపురం, డిసెంబర్ 22 రాష్ట్ర గవర్నర్ ఎస్.అబ్దుల్ నజీర్ జిల్లాలోని బుక్కరాయసముద్రం మండల కేంద్రానికి జనవరి 6వ తేదీన రానున్నారని, గవర్నర్ పర్యటన నేపథ్యంలో అన్ని రకాల ఏర్పాట్లు చేపట్టాలని జాయింట్ కలెక్టర్ కేతన్ గార్గ్ సంబంధిత శాఖల అధికారులను ఆదేశించారు. 

శుక్రవారం బుక్కరాయసముద్రం మండల కేంద్రంలోని జిల్లా పరిషత్ ఉన్నత పాఠశాలలో రాష్ట్ర గవర్నర్ ఎస్.అబ్దుల్ నజీర్ పర్యటన నేపథ్యంలో స్థల పరిశీలన చేశారు.* *ఈ సందర్భంగా జాయింట్ కలెక్టర్ మాట్లాడుతూ వచ్చే నెల 6వ తేదీన మండల కేంద్రమైన బుక్కరాయసముద్రం గ్రామపంచాయతీలో నిర్వహించే వికసిత్ భారత్ సంకల్ప యాత్ర కార్యక్రమంలో రాష్ట్ర గవర్నర్ పాల్గొననున్నారని తెలిపారు. బికేఎస్ లోని జిల్లా పరిషత్ ఉన్నత పాఠశాల గ్రౌండ్ లో నిర్వహించే వికసిత్ భారత్ సంకల్ప యాత్ర కార్యక్రమం కోసం ముందుగానే అన్ని ఏర్పాట్లు పూర్తి చేయాలన్నారు. 

వికసిత్ భారత్ సంకల్ప యాత్రపై ప్రజలకు అవగాహన కల్పించాలన్నారు. రాష్ట్ర గవర్నర్ పర్యటనను విజయవంతం చేసేందుకు ఏర్పాట్లను సకాలంలో చేపట్టేలా చర్యలు తీసుకోవాలని జాయింట్ కలెక్టర్ అధికారులను ఆదేశించారు. 

ఈ కార్యక్రమంలో డిపిఓ ప్రభాకర్ రావు, తహసిల్దార్ హరికుమార్, ఎంపీడీవో తేజోష్ణ, తదితరులు పాల్గొన్నారు.

ప్రజ్వల్ నేషనల్ లెవెల్ అండర్14 నేషనల్ లెవెల్ ఆర్చారీ గేమ్ లో గోల్డ్ మెడల్ రెండు సిల్వర్ మెడల్ -ఒకటి గెలిచిన ఆనంద్ కొడుకు ఘన సన్మానించిన DIG, IPS
జంతలూరు ఆంధ్రప్రదేశ్ స్పెషల్ పోలీస్ 14వ బెటాలియన్ నందు పని చేస్తున్న హెడ్ కానిస్టేబుల్ ఆర్మర్ ఆనంద్ కొడుకు ప్రజ్వల్ నేషనల్ లెవెల్ అండర్ -14 నేషనల్ లెవెల్ ఆర్చారీ గేమ్ లో గోల్డ్ మెడల్ - రెండు , సిల్వర్ మెడల్ -ఒకటి గెలిచిన సందర్భంగా kurnool range APSP DIG -III సి.యచ్ వెంకటేశ్వర్లు, మరియు కమాండెంట్ ఆర్ గంగాధర్ రావు IPS, ఇద్దరు కలిసి సన్మానం చేసి ఇంకా ముందుకు వెళ్ళాలి అని ప్రోత్సహించడం జరిగింది. ప్రజ్వల్ ఫ్యామిలీని అభినందించడం మరియు ఇలాగే ముందుకెళ్లాలి మా ప్రోత్సాహం ,మహా సహాయం ఉంటుందని తెలియజేయడం జరిగింది ఈ కార్యక్రమంలో అడిషనల్ కమాండెంట్ నాగేశ్వరప్ప, డియస్పి లు రమణమూర్తి , దామోదర్ , అసోసియేషన్ అధ్యక్షుడు పెద్దయ్య పాల్గొనటం జరిగింది