కుత్బుల్లాపూర్ ఎమ్మెల్యేను మర్యాదపూర్వకంగా కలిసిన తెలంగాణ గౌడ సంక్షేమ సంఘం నాయకులు

 
 
  హైదరాబాద్, కుత్బుల్లాపూర్: సమాజంలోని అన్ని వర్గాల ప్రజలను కలుపుకుని పోతూ సమగ్ర సమాజాభివృద్ధికి ప్రతి ఒక్కరూ కృషి చేయాలని కుత్బుల్లాపూర్ ఎమ్మెల్యే కేపీ వివేకానంద్‌ గౌడ్‌ పిలుపునిచ్చారు. తెలంగాణ గౌడ సంక్షేమ సంఘం నాయకులు గట్టు రామచంద్ర, రాష్ట్ర అధ్యక్షులు ముండాల మల్లేష్‌ గౌడ్‌ మార్గదర్శకత్వంలో.. తెలంగాణ గౌడ సంక్షేమ సంఘం గ్రేటర్ హైదరాబాద్‌ అధ్యక్షులు సురేష్‌ గౌడ్‌, మేడ్చల్‌ మల్కాజిగిరి జిల్లా మహిళా అధ్యక్షురాలు బెల్లంకొండ జ్యోతి గౌడ్‌ ఆధ్వర్యంలో పలువురు నాయకులు ఎమ్మెల్యే వివేకానంద్‌ గౌడ్‌ను మర్యాదపూర్వకంగా కలిశారు.
  ఈ మర్యాదపూర్వక భేటీలో ఎమ్మెల్యే వివేకానంద్‌ గౌడ్ నాయకులకు పలు కీలక సూచనలు చేశారు. నాయకులుగా ఎదిగే క్రమంలో కేవలం తమ సామాజిక వర్గానికే పరిమితం కాకుండా, అందరినీ కలుపుకుని ముందుకు వెళ్లాలని హితవు పలికారు. అన్ని వర్గాల ప్రజల సంక్షేమం గురించి ఆలోచించినప్పుడే నిజమైన అభివృద్ధి సాధ్యమవుతుందని ఆయన స్పష్టం చేశారు. కార్యక్రమంలో ముఖ్య నాయకులు తెలంగాణ గౌడ సంక్షేమ సంఘం హైదరాబాద్‌ అధ్యక్షులు పరుచూరి సురేష్‌ గౌడ్‌,  మేడ్చల్‌ మల్కాజిగిరి జిల్లా మహిళా అధ్యక్షురాలు బెల్లంకొండ జ్యోతి గౌడ్‌, చెలిమిన స్వప్న గౌడ్ (బహదూర్ పల్లి డివిజన్ జనరల్ సెక్రటరీ), ఉప్పాల సాయికుమార్ గౌడ్ (నిజాంపేట్ అధ్యక్షుడు), వీరితో పాటు ఈ భేటీలో బెల్లంకొండ యాకయ్య గౌడ్, నరసింహ గౌడ్, మహేష్ గౌడ్, మాధవి గౌడ్, నేరెళ్ల కుమార్, ఇరువురి రాఘవేంద్ర గౌడ్ తదితరులు పాల్గొన్నారు.
 

మర్రిగూడ: ' సైదులు–దీపిక దంపతుల చిన్నారుల పట్టు వస్త్రాలంకరణ మహోత్సవం పాల్గొన్న ఎమ్మెల్యే కోమటిరెడ్డి రాజగోపాల్ రెడ్డి'

 
 
  మునుగోడు ఎమ్మెల్యే కోమటిరెడ్డి రాజగోపాల్ రెడ్డి సోమవారం నియోజకవర్గంలోని పలు మండలాలలో పర్యటించి వివిధ కార్యక్రమాలలో పాల్గొన్నారు. కార్యక్రమాలలో భాగంగా మర్రిగూడ మండలం లోని శ్రీ విజయ గార్డెన్స్ లో, ఎమ్మెల్యే రాజగోపాల్ రెడ్డి వ్యక్తిగత సహాయకుడు మాధగోని మధు.. సోదరుడు మాధగోని సైదులు–దీపిక దంపతుల చిన్నారుల పట్టు వస్త్రాలంకరణ మహోత్సవ కార్యక్రమంలో పాల్గొన్నారు. ఈ సందర్భంగా చిన్నారులను ఆయన ఆశీర్వదించి శుభాకాంక్షలు తెలిపారు. 
  
ఈ కార్యక్రమంలో మర్రిగూడ మండల కాంగ్రెస్ పార్టీ అధ్యక్షులు రామదాసు శ్రీనివాస్, మాజీ జెడ్పీటీసీ మేతరి యాదయ్య, బ్లాక్ కాంగ్రెస్ అధ్యక్షులు రవీందర్ రావు, రాంరెడ్డిపల్లి సర్పంచ్ లపంగి నర్సింహ, మాజీ ఎంపీటీసీ వెంకటంపేట బాలయ్య, కాంగ్రెస్ పార్టీ జనరల్ సెక్రటరీ రావుల రాములు గౌడ్, మాల్ మార్కెట్ కమిటీ డైరెక్టర్ జమ్ముల వెంకటేష్ గౌడ్, కాంగ్రెస్ పార్టీ నాయకులు మాధగోని కృష్ణయ్య, బినమోని యాదయ్య, కారింగు నరసింహ, మాతంగి నవీన్, మాధగోని మహేష్ గౌడ్, సెలివేరు యాదయ్య మల్లోజి ,సిరిపంగి శ్రీనివాస్, వల్లముల మణి, తదితరులు పాల్గొన్నారు. చిన్నారులకు ఆయురారోగ్యాలు, అష్టైశ్వర్యాలు కలగాలని ఆకాంక్షిస్తూ ఆశీర్వదించారు.
 

' చిన్నారులను ఆశీర్వదించిన ఎమ్మెల్యే కోమటిరెడ్డి రాజగోపాల్ రెడ్డి '

 
 
  NLG: మునుగోడు ఎమ్మెల్యే కోమటిరెడ్డి రాజగోపాల్ రెడ్డి సోమవారం మునుగోడు నియోజకవర్గంలోని పలు మండలాలలో పర్యటించి వివిధ కార్యక్రమాలలో పాల్గొన్నారు. కార్యక్రమాలలో భాగంగా
  
మర్రిగూడ మండల కేంద్రంలోని శ్రీ విజయ గార్డెన్స్ లో, ఎమ్మెల్యే రాజగోపాల్ రెడ్డి వ్యక్తిగత సహాయకుడు మాధగోని మధు.. సోదరుడు మాధగోని సైదులు–దీపిక దంపతుల చిన్నారుల పట్టు వస్త్రాలంకరణ మహోత్సవ కార్యక్రమంలో పాల్గొన్నారు. 
  
ఈ సందర్భంగా చిన్నారులను ఎమ్మెల్యే రాజ్ గోపాల్ రెడ్డి ఆశీర్వదించి శుభాకాంక్షలు తెలిపారు.
  
ఈ కార్యక్రమంలో మర్రిగూడ మండల కాంగ్రెస్ పార్టీ అధ్యక్షులు రామదాసు శ్రీనివాస్, మాజీ జెడ్పీటీసీ మేతరి యాదయ్య, బ్లాక్ కాంగ్రెస్ అధ్యక్షులు రవీందర్ రావు, రాంరెడ్డిపల్లి సర్పంచ్ లపంగి నర్సింహ, మాజీ ఎంపీటీసీ వెంకటంపేట బాలయ్య, కాంగ్రెస్ పార్టీ జనరల్ సెక్రటరీ రావుల రాములు గౌడ్,
  
మాల్ మార్కెట్ కమిటీ డైరెక్టర్ జమ్ముల వెంకటేష్ గౌడ్, కాంగ్రెస్ పార్టీ నాయకులు మాధగోని కృష్ణయ్య, బినమోని యాదయ్య, కారింగు నరసింహ, మాతంగి నవీన్, మాధగోని మహేష్ గౌడ్, సెలివేరు యాదయ్య మల్లోజి ,సిరిపంగి శ్రీనివాస్, వల్లముల మణి, తదితరులు పాల్గొన్నారు. చిన్నారులకు ఆయురారోగ్యాలు, అష్టైశ్వర్యాలు కలగాలని ఆకాంక్షిస్తూ ఆశీర్వదించారు.
  
 

తెలంగాణ సాధన కోసం పదవులను సైతం త్యాగం చేసిన మహనీయుడు కొండా లక్ష్మణ్ బాపూజీ: శాసన మండలి చైర్మన్ గుత్తా సుఖేందర్ రెడ్డి

 
 
  
  
హైదరాబాద్ : స్వాతంత్ర్య సమరయోధుడు, తెలంగాణ ఉద్యమ నేత, బడుగు బలహీన వర్గాల అభ్యున్నతికి జీవితాంతం కృషి చేసిన కొండా లక్ష్మణ్ బాపూజీ జయంతి సందర్భంగా, ఆదివారం రాష్ట్ర శాసన సభ సెంట్రల్ హాల్‌లో ఆయన జయంతి కార్యక్రమం నిర్వహించారు. శాసనమండలి చైర్మన్ గుత్తా సుఖేందర్  రెడ్డి ఈ సందర్భంగా కొండా లక్ష్మణ్ బాపూజీ చిత్రపటానికి పూలమాలలు వేసి నివాళులర్పించారు.  తెలంగాణ ఉద్యమ నేతగా, సామాజిక న్యాయం కోసం పోరాడిన నాయకుడిగా ఆయన చేసిన సేవలు చిరస్మరణీయమన్నారు. 
  
తెలంగాణ ప్రజల ఆకాంక్షల కోసం తన పదవులను సైతం త్యాగం చేసిన గొప్ప నాయకుడు లక్ష్మణ్ బాపూజీ అని అన్నారు.
  
తెలంగాణకు జరుగుతున్న అన్యాయాలపై ఆనాడే గళమెత్తి, ప్రత్యేక తెలంగాణ రాష్ట్ర ఆకాంక్షను బలంగా వినిపించిన నాయకుల్లో కొండా లక్ష్మణ్ బాపూజీ అగ్రగణ్యులని పేర్కొన్నారు. ప్రజల ప్రయోజనాల విషయంలో రాజీపడకుండా, తాను నమ్మిన సిద్ధాంతాలకు జీవితాంతం కట్టుబడి పనిచేశారని కొనియాడారు.
  
“పదవుల కంటే ప్రజల ఆకాంక్షలే ముఖ్యమని తన ఆచరణ ద్వారా నిరూపించిన మహనీయుడు లక్ష్మణ్ బాపూజీ. తెలంగాణ రాష్ట్ర సాధన కోసం ఆయన చేసిన త్యాగాలు, పోరాటాలు తెలంగాణ చరిత్రలో చిరస్థాయిగా నిలిచిపోతాయి” అని గుత్తా సుఖేందర్ రెడ్డి అన్నారు.
  
బడుగు, బలహీన వర్గాలు, చేనేత కార్మికుల సంక్షేమం కోసం బాపూజీ నిరంతరం కృషి చేశారని, సమాజంలో అన్ని వర్గాలకు సమాన అవకాశాలు లభించాలన్నది ఆయన ఆకాంక్ష అని తెలిపారు.
  
“కొండా లక్ష్మణ్ బాపూజీ ఆశయాలను భావితరాలకు తెలియజేయాల్సిన బాధ్యత మనందరిపై ఉంది. ఆయన చూపిన ప్రజాసేవ, త్యాగం, సామాజిక న్యాయం మార్గాన్ని స్ఫూర్తిగా తీసుకొని తెలంగాణను మరింత అభివృద్ధి పథంలో ముందుకు తీసుకెళ్లాలి” అని పిలుపునిచ్చారు. ఈ కార్యక్రమంలో శాసన సభ స్పీకర్ గడ్డం ప్రసాద్ కుమార్, శాసన మండలి డిప్యూటీ చైర్మన్ బండ ప్రకాష్, విప్ అద్దంకి దయాకర్, శాసన సభ సెక్రెటరీ ఆర్. తిరుపతి తదితరులు పాల్గొన్నారు.
  

  

 

ఓపెన్ ఇంటర్ అడ్మీషన్స్.. చివరి తేదీ సెప్టెంబర్ 30

 
 
  HYD: కుత్బుల్లాపూర్ లోని ప్రభుత్వ జూనియర్ కళాశాలలో తెలంగాణ ఓపెన్ స్కూల్ సొసైటీ(టాస్) ఆధ్వర్యంలో ఓపెన్ ఇంటర్ లో అడ్మీషన్స్ అన్నీ కోర్సుల్లో జరుగుతున్నాయి. చివరి తేదీ ఈనెల 30వ తేదీ అని కళాశాల అసిస్టెంట్ ఇన్స్ట్రక్టర్ (AI ) కోఆర్డినేటర్ డా.మబ్బు పరశురామ్ ఒక ప్రకటనలో తెలిపారు. ఆసక్తి గల విద్యార్థులు నేరుగా కళాశాలలో లేదా 9703648173 కు ఫోన్ ద్వారా సంప్రదించవచ్చు అని తెలిపారు.
 

లెంకలపల్లిలో ఘనంగా అన్నప్రసాద వితరణ

 
 
  మర్రిగూడ మండలం లెంకలపల్లి గ్రామంలో, ఎస్సీ కాలనీ ఒకటో వార్డులో ఏర్పాటు చేసిన వినాయక మండపం వద్ద గురువారం గణనాధునికి పూజలు ఘనంగా నిర్వహించారు. ఇవాళ నిమజ్జనం సందర్భంగా, ఈసారపు వీరయ్య కుటుంబ సభ్యులు 'అన్న ప్రసాద వితరణ' కార్యక్రమాన్ని ఏర్పాటు చేశారు. ఈ మేరకు వీరయ్య కుమారుడు డిఆర్డిఎల్ సైంటిస్ట్  ఈసారపు తిరుమల్ దంపతులు 'అన్న ప్రసాద వితరణ' కార్యక్రమాన్ని ప్రారంభించారు. ఈ కార్యక్రమంలో వారి కుటుంబ సభ్యులు, గ్రామ ప్రజలు అధిక సంఖ్యలో పాల్గొని కార్యక్రమాన్ని విజయవంతం చేసి ఆ వినాయకుని ఆశీస్సులు పొందారు.
 

లెంకలపల్లి లో ఘనంగా అన్నప్రసాద వితరణ

 
 
  నల్లగొండ జిల్లా:
  
మర్రిగూడ మండలం లెంకలపల్లి గ్రామంలో, ఎస్సీ కాలనీ ఒకటో వార్డులో ఏర్పాటు చేసిన వినాయక మండపం వద్ద గురువారం గణనాధునికి పూజలు ఘనంగా నిర్వహించారు. ఇవాళ నిమజ్జనం సందర్భంగా, ఈసారపు వీరయ్య కుటుంబ సభ్యులు 'అన్న ప్రసాద వితరణ' కార్యక్రమాన్ని ఏర్పాటు చేశారు. ఈ మేరకు వీరయ్య కుమారుడు డిఆర్డిఎల్ సైంటిస్ట్  ఈసారపు తిరుమల్ దంపతులు 'అన్న ప్రసాద వితరణ' కార్యక్రమాన్ని ప్రారంభించారు. 
  ఈ కార్యక్రమంలో వారి కుటుంబ సభ్యులు, గ్రామ ప్రజలు అధిక సంఖ్యలో పాల్గొని కార్యక్రమాన్ని విజయవంతం చేసి ఆ వినాయకుని ఆశీస్సులు పొందారు.
 

వేలంపాటలో వినాయకుడు లడ్డూను కైవసం చేసుకున్న పులిమామిడి నరసింహారెడ్డి..

 
 
  నల్లగొండ జిల్లా మర్రిగూడెం మండలం యరగండ్లపల్లి గ్రామంలో, యువ చైతన్య యూత్ అసోసియేషన్ సభ్యుల ఆధ్వర్యంలో, వినాయక చవితి ఉత్సవాల్లో భాగంగా నిర్వహించిన వినాయకుడి లడ్డూ వేలంపాట ఘనంగా జరిగింది.
  

  
ఈ వేలంపాటలో యరగండ్లపల్లి కాంటెస్టెడ్ సర్పంచ్ అభ్యర్థి పులిమామిడి నరసింహారెడ్డి రూ.2,20,000 లకు వినాయకుడి లడ్డూను కైవసం చేసుకున్నారు. అనంతరం యువ చైతన్య యూత్ అసోసియేషన్ సభ్యులు
  
పులిమామిడి నరసింహారెడ్డిని ఘనంగా సన్మానించారు. 
  ఈ సందర్భంగా వినాయకుడి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని వారు ఆకాంక్షించారు. గణపతి బప్పా మోరియా అంటూ భక్తితో గణేశుడికి జేజేలు కొట్టారు. కార్యక్రమంలో గ్రామ ప్రజలు, తదితరులు పాల్గొన్నారు.
 

తెలంగాణ పంచాయతీ రాజ్ ఛాంబర్ ఆధ్వర్యంలో సర్పంచుల సంఘం నల్లగొండ జిల్లా అధ్యక్షుడిగా బెజ్జం సాయి నియామకం

 
 
  
  
నల్లగొండ జిల్లా, దామరచర్ల మండలం దిలావర్‌పూర్ గ్రామ సర్పంచ్ బెజ్జం సాయి ని.. తెలంగాణ పంచాయతీ రాజ్ ఛాంబర్ ఆధ్వర్యంలో, నల్లగొండ జిల్లా సర్పంచుల సంఘం అధ్యక్షుడిగా నియమించారు. హైదరాబాద్ లకిడికపూల్‌లోని తెలంగాణ పంచాయతీ రాజ్ ఛాంబర్ ప్రధాన కార్యాలయంలో మంగళవారం జరిగిన కార్యక్రమంలో, తెలంగాణ పంచాయతీ రాజ్ ఛాంబర్ అధ్యక్షుడు చింపుల సత్యనారాయణ రెడ్డి ఈ మేరకు బెజ్జం సాయికి నియామక పత్రాన్ని అందజేశారు. అలాగే జిల్లా వర్కింగ్ ప్రెసిడెంట్‌గా చింతలపూడి భాస్కర్ రెడ్డి, జిల్లా ప్రధాన కార్యదర్శిగా చాట్ల చిరంజీవిలను నియమిస్తూ నియామక పత్రాలను అందజేశారు.
  

  
ఈ సందర్భంగా చింపుల సత్యనారాయణ రెడ్డి మాట్లాడుతూ.. జిల్లాలోని సర్పంచుల సమస్యల పరిష్కారానికి నూతన కార్యవర్గం కృషి చేయాలని, సర్పంచులకు ఎల్లప్పుడూ అందుబాటులో ఉంటూ, సంబంధిత అధికారులతో సమన్వయం చేసుకుంటూ సమస్యలను పరిష్కరించే దిశగా పనిచేయాలని సూచించారు.
  

  
నూతనంగా నియమితులైన నాయకులు మాట్లాడుతూ.. నల్లగొండ జిల్లాలోని సర్పంచుల సంక్షేమం, గ్రామాల అభివృద్ధి కోసం సంఘం తరఫున సమన్వయంతో పనిచేస్తామని తెలిపారు. సర్పంచులు ఎదుర్కొంటున్న సమస్యలను సంబంధిత అధికారుల దృష్టికి తీసుకెళ్లి వాటి పరిష్కారానికి నిరంతరం కృషి చేస్తామని పేర్కొన్నారు. 
  నల్లగొండ జిల్లా సర్పంచుల సంఘం అధ్యక్షుడిగా తనను నియమించిన తెలంగాణ పంచాయతీ రాజ్ ఛాంబర్ అధ్యక్షుడు చింపుల సత్యనారాయణ రెడ్డికి, అలాగే తనపై విశ్వాసం ఉంచి మద్దతు తెలిపిన నల్లగొండ జిల్లా సర్పంచులందరికీ బెజ్జం సాయి హృదయపూర్వక కృతజ్ఞతలు తెలిపారు. సర్పంచుల హక్కులు, సంక్షేమం మరియు గ్రామాల అభివృద్ధి కోసం తన వంతు బాధ్యతను సమర్థవంతంగా నిర్వహిస్తానని బెజ్జం సాయి తెలిపారు.
 

ఉపాధ్యాయుల సేవలకు అవార్డులు అభినందనీయం:  పిఆర్టియు తెలంగాణ నల్గొండ జిల్లా శాఖ ప్రధాన కార్యదర్శి

 
 
  నల్లగొండ: విద్యార్థుల భవిష్యత్తును తీర్చిదిద్దడంలో విశేష సేవలందిస్తున్న ఉపాధ్యాయులను గుర్తించి గౌరవించడం సమాజానికి స్ఫూర్తిదాయకమని, పి ఆర్ టి యు తెలంగాణ నల్గొండ జిల్లా ప్రధాన కార్యదర్శి బొమ్మపాల గిరిబాబు అన్నారు. 2026 ఉపాధ్యాయ దినోత్సవాన్ని పురస్కరించుకొని నల్గొండ జిల్లా విద్యాశాఖ ఆధ్వర్యంలో నిర్వహించిన ఉపాధ్యాయ దినోత్సవ అవార్డుల ప్రదాన కార్యక్రమంలో ఆయన పాల్గొన్నారు. మంగళవారం జిల్లాలో ఉత్తమ సేవలు అందించిన ఉపాధ్యాయులు, మంత్రి కోమటిరెడ్డి వెంకటరెడ్డి జిల్లా కలెక్టర్ చంద్రశేఖర్ చేతుల మీదుగా అవార్డులు పొందిన సందర్భంగా, అవార్డు గ్రహీతలను పి ఆర్ టి యు తెలంగాణ నల్గొండ జిల్లా శాఖ తరఫున, రాష్ట్ర శాఖ అసోసియేటెడ్ అధ్యక్షులు కోడదల శంకర్ తో కలిసి శాలువాలతో ఘనంగా సన్మానించి అభినందనలు తెలిపారు.
  

  
ఈ సందర్భంగా బొమ్మపాల గిరిబాబు మాట్లాడుతూ.. ఉపాధ్యాయ వృత్తి కేవలం బోధనకే పరిమితం కాదని, విద్యార్థుల వ్యక్తిత్వ వికాసం, క్రమశిక్షణ, విలువలు, సామాజిక బాధ్యతలను పెంపొందించడంలో ఉపాధ్యాయులు కీలక పాత్ర పోషిస్తున్నారని అన్నారు.
  
ప్రతి ఉపాధ్యాయుడి సేవలను గుర్తించి ప్రోత్సహించడం ద్వారా విద్యారంగంలో మరింత స్ఫూర్తి, ఉత్సాహం పెరుగుతుందని పేర్కొన్నారు. ఈ సందర్భంగా అవార్డులు అందుకున్న ఉపాధ్యాయులు తమ సేవా స్ఫూర్తిని మరింత విస్తరించి విద్యార్థుల ఉజ్వల భవిష్యత్తు కోసం కృషి చేయాలని ఆకాంక్షించారు. 
  ఎంఈఓ తరి రాము ను బొమ్మపాల గిరిబాబు ప్రత్యేకంగా అభినందించారు.