ప్రభుత్వం కీలక నిర్ణయం
ప్రాణాలు హరించివేస్తున్న మయోనైజ్‏పై నిషేధం విధిస్తూ రాష్ట్ర ప్రభుత్వం నిర్ణయం తీసుకుంది. ఈ మేరకు వైద్య ఆరోగ్య శాఖ మంత్రి దామోదర రాజనరసింహ బుధవారం ఆదేశాలు జారీ చేశారు.

ప్రాణాలు హరించివేస్తున్న మయోనైజ్‏పై నిషేధం విధిస్తూ రాష్ట్ర ప్రభుత్వం నిర్ణయం తీసుకుంది. ఈ మేరకు వైద్య ఆరోగ్య శాఖ మంత్రి దామోదర రాజనరసింహ బుధవారం ఆదేశాలు జారీ చేశారు. డా.బీఆర్ అంబేడ్కర్ సెక్రటేరియెట్ లో ఫుడ్ సేఫ్టీ అధికారులతో దామోదర రాజ నర్సింహా బుధవారం సమీక్ష నిర్వహించారు. ఈ సమావేశంలో హోటళ్లలో తనిఖీలు, కల్తీ ఆహార పదార్థాల వినియోగాన్ని అరికట్టడానికి నియమించిన టాస్క్‌ఫోర్స్‌‌ కమిటీల పనితీరుపై మంత్రి ఆరా తీశారు. వివిధ రకాల ఆహార పదార్థాలతో మయోనైజ్‌ను తయారు చేస్తున్నారని అధికారులు మంత్రి దామోదరకు చెప్పారు.

అందులో కల్తీ, ఉడకబెట్టని గుడ్లను ఉపయోగిస్తున్నారని.. దీని వల్ల ప్రజల ఆరోగ్యంపై తీవ్రంగా ప్రభావం పడుతోందని మంత్రికి వివరించారు. ఈ సందర్భంగా కేరళ ప్రభుత్వం మయోనైజ్ పై బ్యాన్ విధించిన విషయాన్ని మంత్రి దృష్టికి తీసుకువచ్చారు. ప్రజల ఆరోగ్యాన్ని దృష్టిలో ఉంచుకుని తెలంగాణలోనూ మయోనైజ్ ను నిషేధం విధించాలని అధికారులు సూచించారు. సుదీర్ఘ చర్చల అనంతరం మయోనైజ్‌పై బ్యాన్ విధించాలని మంత్రి నిర్ణయించారు. ఈ మేరకు రాష్ట్ర ప్రభుత్వం ఉత్తర్వులు విడుదల చేసింది.

ఫ్రాన్స్‌(France)లో పుట్టిన బర్గర్లు నుంచి శాండ్‌విచ్‌లు.. డిప్స్‌ నుంచి సలాడ్స్‌ వరకూ అన్నింట్లోనూ విరివిగా వాడేస్తోన్న ప్రధానమైన కాండిమెంట్స్‌లో ఒకటిగా నిలిచింది మయోనైజ్‌. మండీకి వెళ్లి బిర్యానీ తిన్నా, బార్బిక్యులో రోస్టెడ్‌ చికెన్‌ రుచి చూసినా, షవార్మ సెంటర్‌లో షవార్మ రోల్‌ తిన్నా, స్టార్‌ హోటల్స్‌లో కాక్‌టైల్‌ పార్టీలో స్నాక్స్‌తో పాటు మయోనైజ్‌ కామన్‌గా ఉంటుంది. అతి చిక్కగా ఉండే ఈ క్రీమీ సాస్‌ను పిల్లలు, పెద్దలూ ఇష్టంగానే తింటుంటారు. వెగన్‌ మయోనైజ్‌తో ఇబ్బందులు లేవుకానీ, ఎగ్‌ మయోనైజ్‌లో ప్రధానంగా వాడే గుడ్డు సొనలో ఉండే సాల్మొనెల్లా వల్ల ఆరోగ్య సమస్యలు వచ్చే అవకాశాలున్నాయని న్యూట్రిషియనిస్ట్‏లు అంటున్నారు. హోటల్‌లో దీనిని తీసుకునే ముందు ఒకటికి పదిసార్లు ఆలోచించాలంటున్నారు. 

ఇంట్లో తయారుచేసుకున్న మయోనైజ్‌ను త్వరగా వినియోగించాలనీ, ముఖ్యంగా కార్డియో, ఇతర ఆరోగ్య సమస్యలున్న వారు వాటి జోలికి వెళ్లకపోవడం మంచిదంటున్నారు. హోటళ్లలో అందుబాటులో ఉంచిన మయోనైజ్‌ వల్ల ప్రజలు అనారోగ్యం బారిన పడుతున్నారని, దాన్ని నిషేధించాలని జీహెచ్‌ఎంసీ ప్రభుత్వానికి నివేదికలు పంపుతుండడంతో అందరి దృష్టి మయోనైజ్‌పై పడింది. కేరళలో ఎగ్‌ మయోనైజ్‌పై ఇప్పటికే నిషేధం విధించారు.

హరీష్ రావు హాట్ కామెంట్స్
ముఖ్యమంత్రి రేవంత్ రెడ్డిపై బీఆర్ఎస్ ఎమ్మెల్యే హరీష్ రావు హాట్ కామెంట్స్ చేశారు. హరీష్ రావును ఎలా డీల్ చేయాలో తమకు తెలుసునంటూ సీఎం చేసిన కామెంట్స్‌కు హరీష్ రావు స్ట్రాంగ్ కౌంటర్ ఇచ్చారు.

ముఖ్యమంత్రి రేవంత్ రెడ్డిపై బీఆర్ఎస్ ఎమ్మెల్యే హరీష్ రావు హాట్ కామెంట్స్ చేశారు. హరీష్ రావును ఎలా డీల్ చేయాలో తమకు తెలుసునంటూ సీఎం చేసిన కామెంట్స్‌కు హరీష్ రావు స్ట్రాంగ్ కౌంటర్ ఇచ్చారు. బుధవారం నాడు మీడియాతో చిట్‌చాట్‌లో పాల్గొన్న హరీష్ రావు.. రేవంత్‌ను ఎలా డీల్ చేయాలో రాసి పెట్టుకుంటున్నామన్నారు. తనను డీల్ చేయడానికంటే ముందు తన ముఖ్యమంత్రి పదవి చేజారకుండా కాపాడుకోవాలని రేవంత్ రెడ్డికి హితవు చెప్పారు.

బాపూఘాట్‌లో భారీ గాంధీ విగ్రహం ఏర్పాటు చేస్తే స్వాగతిస్తామని హరీష్ రావు ప్రకటించారు. కేసీఆర్ పెట్టిన అంబేద్కర్ విగ్రహానికి దండం పెట్టరని సీఎం రేవంత్ రెడ్డి తీరుపై విమర్శలు గుప్పించారు. అదీకాక.. ప్రజలు సందర్శించే అవకాశం కూడా ఇవ్వడం లేదని ఆరోపించారు. ఎగవేతల రేవంత్ రెడ్డి అన్నందుకు బేగంబజార్‌ పోలీస్ స్టేషన్‌లో తనపై కేసు పెట్టారని హరీష్ రావు ఆరోపించారు. అడ్డుకోబోము అంటూనే సోషల్ మీడియాలో పోస్టులు పెట్టే వారిపై కేసులు పెడుతున్నారని ఫైర్ అయ్యారు. 

సీఎం రేవంత్ రెడ్డి తప్పిదాల వల్ల హైదరాబాద్‌లో రియల్ ఎస్టేట్ దారుణ స్థితికి పడిపోయిందన్నారు. తాను ఫుట్ బాల్ ఆడనని.. క్రికెట్ ఆడుతానని చెప్పిన్న హరీష్ రావు.. వచ్చే ఎన్నికల్లో వికెట్ తీసేది తామేనని అన్నారు. రేవంత్ రెడ్డి సెల్ఫ్ గోల్ వేసుకుంటున్నారని ఎద్దేవా చేశారు.

ఇదే సమయంలో మూసీ నుంచి వాడపల్లి వరకు పాదయాత్ర చేద్దామంటూ సీఎం రేవంత్ రెడ్డి విసిరిన సవాల్‌కు హరీష్ రావు ప్రతిసవాల్ విసిరారు. ముఖ్యమంత్రి రేవంత్‌తో పాదయాత్రకు తాము రెడీ అని ప్రకటించారు. రేపా? ఎల్లుండా? టైమ్ చెప్తే కేటీఆర్, తాను.. ఇద్దరం వస్తామని హరీష్ రావు స్పష్టం చేశారు. గన్‌మెన్‌లు లేకుండా రేవంత్ రెడ్డి మూసీపై పాదయాత్రకు రావాలని మాజీ మంత్రి ప్రతి సవాల్ విసిరారు. ఇటీవల మూసీ ఒడ్డున మూడు నెలలు నివాసం ఉండాలని కూడా సీఎం సవాల్ విసిరారని.. దానికి సైతం తాము సిద్ధమని హరీష్ రావు మరోసారి స్పష్టం చేశారు.

పాడి కౌశిక్ రెడ్డి సంచలనం
సీఎం రేవంత్ రెడ్డి తన పార్టీ ఎంపీలు, ఎమ్మెల్యేలు, ఎమ్మెల్సీలతో డ్రగ్స్ పరీక్షకు సిద్ధం కావాలని బీఆర్ఎస్ ఎమ్మెల్యే పాడి కౌశిక్ రెడ్డి సవాలు విసిరారు.

సీఎం రేవంత్ రెడ్డి తన పార్టీ ఎంపీలు, ఎమ్మెల్యేలు, ఎమ్మెల్సీలతో డ్రగ్స్ పరీక్షకు సిద్ధం కావాలని బీఆర్ఎస్ ఎమ్మెల్యే పాడి కౌశిక్ రెడ్డి సవాలు విసిరారు. హైదరాబాద్ లోని తెలంగాణ భవన్ లో బుధవారం ఆయన మాట్లాడుతూ.. తన పంచాయితీ అనిల్‌ కుమార్‌తో కాదని, సీఎం రేవంత్‌ రెడ్డితోనే కౌశిక్ తెలిపారు. ‘‘కాంగ్రెస్‌ ఎంపీలు, ఎమ్మెల్యేలు, ఎమ్మెల్సీలు డ్రగ్స్ పరీక్షకు రావాలని నేను సవాల్‌ చేశాను. 

కాంగ్రెస్‌ నేతలు మాకు చెప్పకుండా ఆసుపత్రికి వెళ్లి.. మమ్మల్ని రమ్మంటే ఎలా? డ్రగ్స్‌ కేసులో నన్ను ఇరికించాలని రేవంత్‌రెడ్డి ప్రయత్నించారు. బీఆర్ఎస్ వర్కింగ్ ప్రెసిడెంట్ కేటీఆర్‌పై కూడా ఇలాగే ప్రయత్నించి ఫెయిల్ అయ్యారు. కాంగ్రెస్ ప్రజాప్రతినిధులంతా డ్రగ్స్‌ టెస్టుకు రావాలి. వీరి పాలనలో రాష్ట్రంలోని ఏ ఒక్క వర్గం కూడా సంతోషంగా లేదు’’ అని కౌశిక్‌ రెడ్డి విమర్శించారు.

బీఆర్ఎస్ వర్కింగ్ ప్రెసిడెంట్ కేటీఆర్ బావమరిది రాజ్ పాకాల ఫామ్ హౌస్‌ కేసు ఇప్పుడు తెలంగాణలో చర్చనీయాంశంగా మారింది. ఈ కేసుకు సంబంధించి అధికార కాంగ్రెస్, ప్రధాన ప్రతిపక్షం బీఆర్ఎస్ మధ్య మాటల మంటలు చెలరేగుతున్నాయి. ఇరు పార్టీల మధ్య పరస్పర ఆరోపణలు, ప్రత్యారోపణలు జరుగుతున్నాయి. 

బీఆర్ఎస్ నేతల సవాల్ ను కాంగ్రెస్‌ నేతలు స్వీకరించారు. ఇవాళ ఉదయం హైదర్‌గూడలోని అపోలో ఆస్పత్రికి ఆ పార్టీ ఎంపీ అనిల్‌ యాదవ్‌, ఎమ్మెల్సీ బల్మూరి వెంకట్‌తో పాటు పలువురు కాంగ్రెస్ పార్టీ నేతలు వెళ్లారు. అక్కడ రక్తనమూనాలు ఇచ్చారు. సవాల్‌ చేసిన బీఆర్ఎస్ నేతలు కూడా వచ్చి రక్త నమూనాలను ఇవ్వాలని డిమాండ్‌ చేశారు.

మంత్రివర్గ విస్తరణపై రేవంత్ ప్రకటన
ముఖ్యమంత్రి రేవంత్ కీలక ప్రకటన చేసారు. కొంత కాలంగా తెలంగాణలో మంత్రివర్గ విస్తరణ పైన చర్చ జరుగుతోంది. రేవంత్ ఢిల్లీ వెళ్లిన ప్రతీ సమయంలోనూ ఈ చర్చ తెర మీదకు వచ్చింది. విస్తరణలో ఎవరికి ఛాన్స్ దక్కుతుందనేది పార్టీలో ఆసక్తి కరంగా మారింది. ఇప్పుడు ముఖ్యమంత్రి స్వయంగా మంత్రివర్గ విస్తరణ ఎప్పుడు ఉంటుందో వెల్లడించారు. అదే విధంగా పార్టీ నాయకత్వం ఆలోచనలను రేవంత్ స్పష్టం చేసారు.

ముఖ్యమంత్రిగా రేవంత్ తన మంత్రివర్గ విస్తరణ పైన స్పష్టత ఇచ్చారు. రేవంత్ మంత్రివర్గం లో మరో ఆరుగురికి అవకాశం ఉంది. ప్రస్తుతం ఉన్న మంత్రివర్గంలో ఒకరికి ఉద్వాసన తప్పదనే చర్చ సాగుతోంది. అదే విధంగా కొత్తగా అయిదుగురికి అవకాశం ఇస్తారని చెబుతున్నారు. రేవంత్ ఢిల్లీ వెళ్లిన ప్రతీ సందర్భంలోనూ ఈ చర్చ తెర మీదకు వస్తోంది. అయితే, ఇప్పుడు స్వయంగా రవంత్ తన మంత్రివర్గ విస్తరణ ఎప్పుడు జరిగేదీ తేల్చి చెప్పారు. ప్రస్తుతం మహారాష్ట్ర, జార్ఖండ్ ఎన్నికల్లో పార్టీ అధినాయకత్వం బిజీగా ఉంది. ఈ రెండు రాష్ట్రాల ఎన్నికలు పూర్తయిన తరువాత రాష్ట్రంలో మంత్రివర్గ విస్తరణ ఉంటుందని వెల్లడించారు.

డిసెంబర్ 7వ తేదీకి రేవంత్ ప్రభుత్వం ఏర్పడి సంవత్సరం పూర్తవుతుంది. ఆ సమయం లోగానే తన మంత్రివర్గం ప్రక్షాళన పూర్తి చేయాలని రేవంత్ భావిస్తున్నారు. రెండు రాష్ట్రాల ఎన్నికలు పూర్తయిన తరువాత రేవంత్ పార్టీ నాయకత్వంతో సమావేశం కానున్నారు. అదే సమయంలో మంత్రివర్గ విస్తరణతో పాటుగా నామినేటెడ్ పదవుల పైన నిర్ణయం తీసుకోనున్నట్లు తెలుస్తోంది. వచ్చే నెల 6న రాహుల్ గాంధీ తెలంగాణకు రానున్నారు. అదే విధంగా పార్టీ నేత కేసీ వేణుగోపాల్ రేపు (గురువారం) హైదరాబాద్ వస్తున్నారు. రాహుల్ పర్యటనతో పాటుగా రాష్ట్రంలో పార్టీ బలోపేతం కోసం.. ప్రస్తుత రాజకీయ పరిస్థితుల పైన చర్చించనున్నారు.

కొత్తగా మంత్రివర్గంలోకి సామాజిక సమీకరణాలను పరిగణలోకి తీసుకొని అయిదుగురు ఎంపిక పైన తుది నిర్ణయం జరగనుంది. ఉమ్మడి ఆదిలాబాద్‌ జిల్లా నుంచి సీనియర్ నాయకుడు ప్రేమ్‌ సాగర్ రావుతో పాటు, వివేక్‌, వినోద్‌ సోదరులు రేసులో ఉన్నారు. వీరిలో వివేక్ కు మంత్రి పదవి ఖాయమని చెబుతున్నారు.

 బోధన్ ఎమ్మెల్యే సుదర్శన్ రెడ్డి, మునుగోడు ఎమ్మెల్యే కోమటిరెడ్డి రాజగోపాల్ రెడ్డి సైతం తాజాగా మంత్రి పదవి రేసులో ముందుకు వచ్చారు. ఆయన సోదరుడు మంత్రిగా ఉండటంతో..రాజగోపాల్ కు ఇప్పడే ఛాన్స్ ఇస్తారా లేదా అనేది చూడాలి. రంగారెడ్డి నుంచి మల్ రెడ్డి రంగారెడ్డి, రామ్మోహన్ రెడ్డిలో ఒకరికి మంత్రి పదవి ఖాయమని చెబుతున్నారు. ముదిరాజ్ వర్గానికి మంత్రివర్గంలో అవకాశం ఇస్తే మహబూబ్ నగర్ కు చెందిన శ్రీహరి పేరు రేసులో ఉంది.

మాజీసీఎంకు షాకిచ్చిన హైకోర్టు.
మాజీ ముఖ్యమంత్రి ఒ.పన్నీర్‌సెల్వం(Former Chief Minister O. Panneerselvam)పై నమోదైన అక్రమాస్తుల కేసు మళ్లీ విచారించాలని మద్రాసు హైకోర్టు ఉత్తర్వులు జారీచేసింది. 2001 నుంచి 2006 వవరకు అన్నాడీఎంకే(AIADMK) ప్రభుత్వంలో మంత్రిగా వ్యవహరించిన పన్నీర్‌సెల్వం, ఆదాయానికి మించి రూ.1.77 కోట్ల ఆస్తులు కూడబెట్టారంటూ డీఎంకే ప్రభుత్వంలో కేసు నమోదైంది.

మాజీ ముఖ్యమంత్రి ఒ.పన్నీర్‌సెల్వం(Former Chief Minister O. Panneerselvam)పై నమోదైన అక్రమాస్తుల కేసు మళ్లీ విచారించాలని మద్రాసు హైకోర్టు ఉత్తర్వులు జారీచేసింది. 2001 నుంచి 2006 వవరకు అన్నాడీఎంకే(AIADMK) ప్రభుత్వంలో మంత్రిగా వ్యవహరించిన పన్నీర్‌సెల్వం, ఆదాయానికి మించి రూ.1.77 కోట్ల ఆస్తులు కూడబెట్టారంటూ డీఎంకే ప్రభుత్వంలో కేసు నమోదైంది. హైకోర్టు మదురై డివిజన్‌ బెంచ్‌ ఉత్తర్వులతో ఈ కేసు విచారణ మదురై జిల్లా కోర్టు నుంచి శివగంగ జిల్లా కోర్టుకు బదిలీ చేశారు.

అనంతరం అధికారం బదిలీ జరిగి అన్నాడీఎంకే నేతృత్వంలో ప్రభుత్వం ఏర్పడడంతో, పన్నీర్‌సెల్వం, ఆయన కుటుంబ సభ్యులను ఈ కేసు నుంచి విడుదల చేస్తూ 2012లో శివగంగ జిల్లా కోర్టు ఉత్తర్వులు జారీచేసింది. ఈ కేసును మళ్లీ విచారించేలా మద్రాసు హైకోర్టు న్యాయమూర్తి ఆనంద్‌ వెంకటేశన్‌ సుమోటాగా స్వీకరించి విచారించారు. ఈ కేసు విచారణకు స్టే విధించాలని కోరుతూ పన్నీర్‌సెల్వం సుప్రీంకోర్టులో వేసిన పిటిషన్‌ తోసివేతకు గురైంది. ఈ నేపథ్యంలో, ఒ.పన్నీర్‌సెల్వంపై ఉన్న కేసును మళ్లీ విచారించాలంటూ మద్రాసు హైకోర్టు ఉత్తర్వులు జారీచేసింది.

ఈ ఉత్తర్వుల్లో... కేసును నీరుగార్చే ప్రయత్నాలు చేస్తే జామీనును మదురై ప్రత్యేక కోర్టు రద్దు చేయవచ్చని, కేసుకు సంబంధించిన దస్తావేజులు మదురై ఎంపీ, ఎమ్మెల్యేల ప్రత్యేక కోర్టుకు నవంబరు 27వ తేదిలోపు బదిలీ చేయాలని, రోజు వారీ విచారణ చేపట్టి 2025 జూలై నెలలోపు మదురై ప్రత్యేక కోర్టు ముగించాలని పేర్కొన్నారు. ఈ కేసులో నేరారోపణలు ఎదుర్కొంటున్న పన్నీర్‌సెల్వం సతీమణి సహా ఇద్దరు మృతిచెందడంతో వారిపై ఉన్న కేసులు ఉపసంహరించుకున్నట్లు న్యాయమూర్తి ఉత్తర్వుల్లో పేర్కొన్నారు.

గోదావరి పుష్కరాల ముహూర్తం ఖరారు - ఈ సారి ప్రత్యేకత
కోట్లాది మంది పవిత్రంగా భావించే గోదావరి పుష్కరాలకు ముహూర్తం ఖరారైంది. దేశ విదేశాల నుంచి గోదావరి పుష్కరాలకు తరలి రానున్నారు. దీంతో, ప్రభుత్వం..స్థానిక నేతలు - యంత్రాంగం అప్రమత్తం అయ్యారు. ముందస్తు కార్యాచరణ సిద్దం చేస్తున్నారు. చేపట్టాల్సిన పనుల పైన నిర్ణయానికి వచ్చారు. ఈ సారి గోదావరి పుష్కరాల నిర్వహణ లో ఎన్నో ప్రత్యేకతలు ఉన్నాయి. తాజాగా పుష్కరాల నిర్వహణ కోసం పలు నిర్ణయాలు తీసుకున్నారు.

2027 జూలై 23 నుంచి ఆగస్టు 3 వరకు గోదావరి పుష్కరాల నిర్వహణకు నిర్ణయించారు. ప్రతీ 12 ఏళ్లకు ఒకసారి జరిగే పుష్కరాల కోసం ప్రభుత్వం ఏర్పాట్లు మొదలు పెట్టింది. 2015 లో ఇదే గోదావరి పుష్కరాల ప్రారంభం వేళ చోటు చేసుకున్న ఘటనలు విషాదం మిగుల్చాయి. ఈ సారి పుష్కరాల కోసం 8 కోట్ల మంది భక్తులు వస్తారని అంచనా వేస్తున్నారు. దీంతో గోదావరి జిల్లాల్లో పుష్కర ఘాట్ల అభివృద్ధికి రూ.904 కోట్లతో ప్రతిపాదలు అధికార యంత్రాంగం సిద్దం చేసింది. సుమారు రెండున్నరేళ్ల కంటే ఎక్కువ సమయం ఉన్నప్పటికీ ప్రజాప్రతినిధులు, అధికారులు ఇప్పటి నుంచే రంగంలోకి దిగారు. పుష్కర ఏర్పాట్ల పైన కీలక కసరత్తు చేసారు.

అఖండ గోదావరి పుష్కరాలు-2027 ముసాయిదా యాక్షన్‌ ప్లాన్‌ కూడా సిద్ధమైంది. అందరూ ఒకే ఘాట్‌లో స్నానాలు చేసే అవసరం లేకుండా గోదావరి నదిలో ఎక్కడైనా స్నానాలు చేయొచ్చని ప్రచారం చేయనున్నారు. ప్రస్తుతం ఉన్న 17 ఘాట్లకు రోజుకు 75,11,616 మంది వస్తారని అంచనా వేశారు. మరో నాలుగు కొత్త ఘాట్లు అవసరమని భావిస్తున్నారు. యాత్రికుల బస ఏర్పాట్లపై చర్చించారు. రాజమహేంద్రవరం పరిధిలో గోదావరి ఘాట్ల అభివృద్ధికి రూ.904 కోట్లతో బడ్జెట్‌ ప్రతిపాదించారు. కార్పొరేషన్‌ రోడ్ల అభివృద్ధికి రూ.456.5 కోట్లు, ఆర్‌అండ్‌బీ రోడ్లు, బ్రిడ్జిల అభివృద్ధికి రూ.678.76 కోట్లతో ప్రతిపాదనలు చేశారు. సిటీ బ్యూటిషికేషన్‌, ఐకానిక్‌ టూరిజం సైట్‌ ప్రాజెక్టు కోసం రూ.75 కోట్లతో ప్రతిపాదించారు.

ఈసారి గోదావరి పుష్కరాలకు జిల్లాను యూనిట్‌గా తీసుకుని శాశ్వత ప్రాతిపదికన పనులు చేపట్టాలని నిర్ణయించారు. పుష్కరాలకు వచ్చే భక్తులకు ఎటువంటి ఇబ్బందులు కలగకుండా ఇప్పటి నుంచే రద్దీ, ట్రాఫిక్ నియంత్రణ, తదితర అంశాలను దృష్టిలో పెట్టుకుని ఏర్పాట్లు చేస్తామని మంత్రులు చెబుతున్నారు. గోదావరి పుష్కరాలు 2047కు విజనరీతో ముందుకు వెళ్లనున్నారు. దీనికి సంబంధించిన నిధులను సమీకరించుకుని, సమగ్ర అభివృద్ధి యాక్షన్ ప్లాన్ రూపొందించనునున్నారు. త్వరలోనే ముఖ్యమంత్రి చంద్రబాబు సమక్షంలో గోదావరి పుష్కరాల పైన ఉన్నత స్థాయి సమీక్ష జరగనుంది.

త్వరలో సిటీ వ్యాప్తంగా ఎలక్ట్రిక్ బస్సులు
హైదరాబాద్ నగరం వేగంగా అభివృద్ధి చెందుతోంది. సిటీలో అదే జనాలు పెరుగుతోన్నారు. అదే స్థాయిలో వాహనాలు పెరుగుతోన్నాయి. ఇందులో 90 శాతానికి పైగా పెట్రోల్, డీజిల్ వాహనాలు ఉన్నాయి. దీంతో భాగ్యనగరంలో కాలుష్యం పెరుగుతోంది. ఇప్పుడిప్పుడు కొంత మంది ఎలక్ట్రిక్ వాహనాలు కొనుగోలు చేస్తున్నారు. ఎలక్ట్రిక్ వాహనాల సంఖ్య చాలా తక్కువగా ఉంది. భవిష్యత్ లో హైదరాబాద్ లో వాయు కాలుష్యం భారీగా పెరిగే అవకాశం ఉంది. ఇదే జరిగితే నగరవాసులు తీవ్ర ఇబ్బందుల పడనున్నారు.

ఇప్పటికే దేశ రాజధాని ఢిల్లీలో వాయి కాలుష్యం భారీగా పెరిగింది. ఈ నేపథ్యంలోనే తెలంగాణ రోడ్ రవాణా సంస్థ కీలక నిర్ణయం తీసుకుంది. ప్రెసెంట్ నగరంలో తిరుగుతున్న పాత డీజిల్ బస్సులన్నింటినీ దశల వారీగా నిలివేయాలని భావిస్తోన్నట్లు తెలుస్తోంది. హైదరాబాద్ లో ఇప్పుడు 100 ఎలక్ట్రిక్బస్సులు తిప్పుతున్నారు. డిసెంబర్ నాటికి సిటీలో మరో 500 బస్సులు తిప్పాలని యోచిస్తున్నారు. సీఎం రేవంత్ రెడ్డి కొద్ది రోజుల క్రితం ఆర్టీసీ అధికారులతో సమీక్ష నిర్వహించారు.

గ్రేటర్పరిధిలో పూర్తిగా ఎలక్ట్రిక్ బస్సులు నడపాలని అధికారులను ఆదేశించారు. ముఖ్యమంత్రి ఆదేశాలతో అధికారులు చర్యలు తీసుకుంటున్నారు. మొదటగా సెంట్రల్ యూనివర్సిటీ డిపో పరిధిలో 69 ఎలక్ట్రిక్ బస్సులను తీసుకొచ్చారు. డిపోలన్నిటిలో కూడా ఎలక్ట్రిక్ బస్సులు తీసుకురానున్నారు. సిటీలో దశల వారీగా 2,500 ఎలక్ట్రిక్ బస్సులు తీసుకొచ్చే అవకాశం ఉంది. ప్రస్తుతం సికింద్రాబాద్- పటాన్చెరుమధ్య 19 ఎలక్ట్రిక్ బస్సులు, కొండాపూర్- సికింద్రాబాద్ రూట్ 10, లింగంపల్లి- కోఠి మధ్య లో 13 ఎలక్ట్రిక్ బస్సులు నడిపిస్తున్నారు.

లింగంపల్లి- మెహదీపట్నం మధ్య 10 బస్సులు నడుస్తున్నాయి. జేఎన్టీయూ - మెహిదీపట్నం మధ్యలో 5 ఎలక్ట్రిక్ బస్సులు సేవలు అందిస్తున్నాయి. సిటీలో ఆర్టీసీ పూర్తిగా ఎలక్ట్రిక్ బస్సులను నడిపిస్తే వాయు కాలుష్యం తగ్గుతుందని అంచనా వేస్తున్నారు. అలాగే హైదరాబాద్ పెట్టుబడులు పెట్టేందుకు కంపెనీలు ముందుకు వస్తాయి.

శ్రీవారి ఆలయంలో గురువారం దీపావళి ఆస్థానం
శ్రీవారి ఆలయంలో గురువారం ఉదయం 7 గంటల నుంచి 9 గంటల వరకు ఆస్థానం ఉంటుంది. సాయంత్రం శ్రీదేవి, భూదేవి సమేత శ్రీమలయప్ప స్వామి తిరుమాఢ వీధుల్లో విహరించి భక్తులకు దర్శనమివ్వనున్నారు. దీపావళి ఆస్థానం కారణంగా 31న తిరుప్పావడ, కల్యాణోత్సవం, ఊంజల్‌ సేవ, ఆర్జిత బ్రహ్మోత్సవం సేవలను టీటీడీ రద్దు చేసింది.

కలియుగ ప్రత్యక్ష దైవం వేంకటేశ్వర స్వామి వారి ఆలయంలో గురువారం దీపావళి (Deepavali) ఆస్థానం నిర్వహించనున్నారు. ఈ క్రమంలో ఆలయ అధికారులు వీఐపీ బ్రేక్ దర్శనాలు (VIP Break Dharshan) రద్దు చేశారు. ప్రొటోకాల్ ప్రముఖులకు మినహా వీఐపీ బ్రేక్ దర్శనాలు రద్దు చేస్తున్నట్లు ప్రకటించారు. దీనికి సంబంధించి బుధవారం తిరుమలలో సిఫార్సు లేఖలు స్వీకరించబడవు. ఈ విషయాన్ని దృష్టిలో ఉంచుకుని సహకరించాలని భక్తులకు టీటీడీ అధికారులు విజ్ఞప్తి చేశారు.

శ్రీవారి ఆలయంలో గురువారం ఉదయం 7 గంటల నుంచి 9 గంటల వరకు ఆస్థానం ఉంటుంది. సాయంత్రం శ్రీదేవి, భూదేవి సమేత శ్రీమలయప్ప స్వామి తిరుమాఢ వీధుల్లో విహరించి భక్తులకు దర్శనమిస్తారు. దీపావళి ఆస్థానం కారణంగా 31న తిరుప్పావడ, కల్యాణోత్సవం, ఊంజల్‌ సేవ, ఆర్జిత బ్రహ్మోత్సవం సేవలను టీటీడీ రద్దు చేసింది. తోమాల, అర్చన సేవలను ఏకాంతంగా నిర్వహిస్తారు.



తిరుమలలో దీపావ‌ళి ఆస్థానం కార‌ణంగా గురువారం తిరుప్పావ‌డ‌, క‌ల్యాణోత్సవం, ఊంజ‌ల్ సేవ‌, ఆర్జిత బ్రహ్మోత్సవం సేవ‌ల‌ను తిరుమల తిరుపతి దేవస్థానం ర‌ద్దు చేసినట్లు అధికారులు చెప్పారు. అలాగే తోమాల, అర్చన సేవలను ఏకాంతంగా నిర్వహిస్తారన్నారు. భక్తులు ఈ విషయాన్ని గమనించాలన్నారు. కాగా దీపావళి పండుగ రోజున తిరుమలలో ఆస్థాన కార్యక్రమం నిర్వహించడం ఆనవాయితిగా వస్తోంది. ఈ మేరకు శ్రీవారి ఆలయంలో దీపావళి ఆస్థానాన్ని నిర్వహించేందుకు టీటీడీ అధికారులు అన్ని ఏర్పాట్లు చేశారు. ఈ ఆస్థాన కార్యక్రమాన్ని శాస్త్రోక్తంగా నిర్వహిస్తారు.

కార్తీక మాసం ఆరంభంతో పాటుగా నవంబర్ నెలలో నిర్వహించే ప్రత్యేక కార్యక్రమాల వివరాలను టీటీడీ ప్రకటించింది. నవంబరు 1న కేదారగౌరీ వ్రతం, 3న భగినీహస్త భోజనం, శ్రీ తిరుమలనంబి శాత్తుమొర, 5న నాగుల చవితి, పెద్ద శేష వాహనం, 6న శ్రీ మనవాళ మహామునుల శాత్తుమొర, 8న వార్షిక పుష్పయాగానికి అంకురార్పణ, 9న శ్రీ వారి పుష్పయాగం, అత్రి మహర్షి వర్ష తిరునక్షత్రం, పిళ్లైలోకాచార్య వర్ష తిరు నక్షత్రం, పోయిగైయాళ్వార్ వర్ష తిరు నక్షత్రం నిర్వహించనున్నారు.10న పేయాళ్వార్ వర్ష తిరు నక్షత్రం, 11న శ్రీ యాజ్ఞవల్క్య జయంతి, 12న ప్రబోధన ఏకాదశి, 13న కైశిక ద్వాదశి ఆస్థానం, చాతుర్మాస్య వ్రత సమాప్తి, 15న కార్తీక పౌర్ణమి, 28న ధన్వంతరి జయంతి, 29న మాస శివరాత్రి పర్వదినాలు నిర్వహిస్తున్నట్లు టీటీడీ అధికారులు వెల్లడించారు.

లాంజ్ యాప్‏తో లూటీ.
సైబర్‌ నేరగాళ్లు(Cyber criminals) కొత్త ఎత్తుగడలతో మోసాలకు పాల్పడుతున్నారు. ఎయిర్‌పోర్టులో ప్రయాణికులను టార్గెట్‌ చేసి ‘లాంజ్‌ యాప్‌’ ద్వారా డబ్బు కాజేస్తున్న సంఘటనలు ఇటీవల వెలుగులోకి వచ్చాయి. ఎయిర్‌పోర్ట్‌(Airport)లో వినియోగించే లాంజ్‌ యాప్‌లో సైబర్‌ నేరగాళ్లు మాల్‌వేర్‌ను ప్రవేశపెట్టారు. తద్వారా సేకరించిన సమాచారంతో బ్యాంకు ఖాతాల నుంచి డబ్బును కాజేస్తున్నారు.

సైబర్‌ నేరగాళ్లు(Cyber criminals) కొత్త ఎత్తుగడలతో మోసాలకు పాల్పడుతున్నారు. ఎయిర్‌పోర్టులో ప్రయాణికులను టార్గెట్‌ చేసి ‘లాంజ్‌ యాప్‌’ ద్వారా డబ్బు కాజేస్తున్న సంఘటనలు ఇటీవల వెలుగులోకి వచ్చాయి. ఎయిర్‌పోర్ట్‌(Airport)లో వినియోగించే లాంజ్‌ యాప్‌లో సైబర్‌ నేరగాళ్లు మాల్‌వేర్‌ను ప్రవేశపెట్టారు. తద్వారా సేకరించిన సమాచారంతో బ్యాంకు ఖాతాల నుంచి డబ్బును కాజేస్తున్నారు. ఈ ఏడాది జూలై, ఆగస్టు నెలల్లో నకిలీ లాంజ్‌ యాప్‌ ద్వారా 450 మంది ప్రయాణికుల నుంచి సుమారు రూ. 9 లక్షలు కాజేసినట్లు థ్రెట్‌ రీసెర్చ్‌ టీమ్‌ నివేదికలో వెల్లడయింది.

ఈ యాప్‌ ప్రమాదకరమని సదరు సంస్థ హెచ్చరించింది. ఈ తరహా మోసంలో డబ్బు పోగొట్టుకున్న బాధితురాలు పోస్ట్‌ చేసిన వీడియో వైరల్‌ అయింది. బెంగళూరు విమానాశ్రయం(Bangalore Airport)లో ఓ ప్రయాణికురాలు విమానం బయలుదేరేందుకు సమయం ఉండటంతో లాంజ్‌కు వెళ్లింది. సిబ్బంది సూచన మేరకు క్యూఆర్‌ కోడ్‌ను స్కాన్‌ చేసింది. వచ్చిన లింక్‌ ద్వారా ‘లాంజ్‌ యా్‌ప’ను ఇన్‌స్టాల్‌ చేసుకుంది. యాప్‌ ఇన్‌స్టాల్‌ చేసే సమయంలో వ్యక్తిగత వివరాలతోపాటు సెక్యూరిటీ ఫీచర్ల పేరుతో ఫేస్‌ స్ర్కీనింగ్‌ కూడా చేసింది.



యాప్‌లో మొబైల్‌ స్ర్కీన్‌ షేరింగ్‌ చేస్తున్నట్లు గుర్తించినా, పని ఒత్తిడి, తొందరపాటులో ఈ విషయం గురించి పట్టించుకోలేదు. కొద్ది రోజుల తర్వాత ఆమెకు ఫోన్‌లు, మెసేజ్‌లు రాకపోవడంతో నెట్‌వర్క్‌ సమస్య అని భావించింది. ఆమెకు ఫోన్‌ చేసిన స్నేహితులు, వేరే వ్యక్తి ఫోన్‌ రిసీవ్‌ చేసుకుంటున్నాడని చెప్పినా పని వత్తిడి, కుటుంబ సభ్యుల అనారోగ్య కారణాల వల్ల ఈ విషయంపై దృష్టి సారించలేదు.

తన క్రెడిట్‌ కార్డు నుంచి రూ. 87,123 వేరే ఖాతాకు బదిలీ అయ్యాయని సందేశం రావడంతో అప్రమత్తమైంది. వెంటనే బ్యాంకు అధికారులను సంప్రదించి క్రెడిట్‌ కార్డును బ్లాక్‌ చేయించింది. ఈ మోసానికి ‘లాంజ్‌ యాప్‌’ కారణమని గుర్తించింది. యాప్‌ ద్వారా మొబైల్‌లో సెట్టింగ్స్‌ మార్చిన సైబర్‌ నేరగాళ్లు తనకు రావాల్సిన ఫోన్‌లు, మెసేజ్‌లు, ఓటీపీలు సేకరించి డబ్బు కాజేశారని పేర్కొంది. యాపిల్‌ ఫోన్‌ వినియోగిస్తున్నా రక్షణ లేకుండా పోయిందని బాధితురాలు వాపోయింది.



మోసాలు ఇలా..

విమానాశ్రయాల్లో ప్రయాణికులు సాధారణంగా లాంజ్‌లను ఆశ్రయిస్తారు. ఇదే అదునుగా భావించిన సైబర్‌ నేరగాళ్లు ‘లాంజ్‌ యా్‌ప’లో లాంగ్‌ ఈపా్‌సడాట్‌ ఇన్‌ వంటి అప్లికేషన్‌లను జొప్పించారు. ఈ యాప్‌ ఇన్‌స్టాల్‌ చేసుకున్న వారి మొబైల్‌లోని సమాచారాన్ని సైబర్‌ నేరగాళ్లకు చేరవేస్తుంది. మొబైల్‌లో ఉన్న బ్యాంకు ఖాతా వివరాలు సేకరించడమే కాకుండా మొబైల్‌కు వచ్చే సందేశాలు, ఓటీపీలను నియంత్రిస్తుంది. నేరగాళ్లు బ్యాంకులో నగదు బదిలీ సందర్భంగా వచ్చే ఓటీపీలు కూడా తమకే వచ్చేలా మొబైల్‌ సెట్టింగ్స్‌ మార్చుతున్నారు.

మొబైల్‌ను అధీనంలోకి తీసుకుని కాల్‌ ఫార్వార్డింగ్‌ ఆప్షన్‌లో తమ నంబర్‌లు పెట్టడం ద్వారా ఫోన్‌లు, సందేశాలు, ఓటీపీలు వారికే వెళ్లేలా చేసుకుంటున్నారు. బ్యాంకు ఖాతా, క్రెడిట్‌, డెబిట్‌ కార్డుల వివరాలు తెలుసుకొని, ఓటీపీల సాయంతో డబ్బులు కాజేస్తున్నారు. దీనిపై దృష్టి సారించిన సైబర్‌ నిపుణులు రివర్స్‌ ఇంజనీరింగ్‌ చేసి ఈ యాప్‌ ద్వారా సైబర్‌ నేరగాళ్లు ఎలా మోసం చేస్తున్నారో గ్రహించారు. లాంజ్‌ యాప్‌ మాత్రమే కాకుండా కొత్త అప్లికేషన్‌లను ఇన్‌స్టాల్‌ చేసుకోవద్దని హెచ్చరిస్తున్నారు. సైబర్‌ నేరగాళ్లు ఈ యాప్‌ల ద్వారా సేకరించిన సమాచారం దుర్వినియోగం అయ్యే అవకాశముందన్నారు.

భారీగా తగ్గిన గోల్డ్ రేట్
కేరళలోని కాసర్‌గోడ్‌ నుంచి విషాదకరమైన వార్త వెలుగులోకి వచ్చింది. కేరళ టెంపుల్ ఫెస్టివల్ సందర్భంగా ఇక్కడ బాణాసంచా నిల్వలో భారీ పేలుడు సంభవించింది. దీంతో అక్కడ భారీగా మంటలు చెలరేగాయి. ఈ ఘటనలో 150 మందికి పైగా గాయపడ్డారు. వీరిలో ఎనిమిది మంది పరిస్థితి విషమంగా ఉంది. నీలేశ్వరం సమీపంలోని ఓ ఆలయంలో సోమవారం అర్థరాత్రి ఈ ఘోర ప్రమాదం జరిగింది.

ప్రమాదం జరిగిన వెంటనే క్షతగాత్రులను కాసరగోడ్, కన్నూర్, మంగళూరులోని ఆసుపత్రులకు తరలించారు. ఆందోళనకర పరిస్థితిని దృష్టిలో ఉంచుకుని కలెక్టర్, జిల్లా పోలీసు ఉన్నతాధికారులు సహా జిల్లా అధికార యంత్రాంగం సంఘటనా స్థలానికి చేరుకున్నారు. బాధిత ప్రజలను ఆదుకునేందుకు తక్షణమే చర్యలు తీసుకోవాలని ఆయన ఆదేశించారు.

వీరకవు దేవాలయం సమీపంలోని ఓ దుకాణంలో బాణసంచా ఉంచినట్లు పోలీసులు అనుమానిస్తున్నారు. అందులో ఒక్కసారిగా మంటలు చెలరేగడంతో ఈ ప్రమాదం జరిగింది. సంఘటనా స్థలంలో కలెక్టర్‌, జిల్లా పోలీసు ఉన్నతాధికారులతో పాటు జిల్లా యంత్రాంగంలోని ఉన్నతాధికారులు ఉన్నారు. సహాయక చర్యలు కొనసాగుతున్నాయి.

అంజుతాంబలం వీరర్కవు ఆలయంలో వార్షిక కాళియాట్టం ఉత్సవం జరుపుకుంటున్నట్లు పోలీసులు తెలిపారు. కార్యక్రమానికి బాణాసంచా ఆర్డర్ చేశారు. దానిని స్టోరేజీలో భద్రంగా ఉంచారు. ఇంతలో రాత్రి 12.30 గంటల సమయంలో ఒక్కసారిగా స్టోరేజీలో పెద్ద పేలుడు సంభవించింది. అక్కడ పటాకులన్నీ ఒకదాని తర్వాత ఒకటి కాల్చడం ప్రారంభించాయి. ఏమైందంటే స్టోరేజీలో భారీగా మంటలు చెలరేగాయి. ఆ సమయంలో అక్కడ పెద్ద ఎత్తున జనం కూడా ఉన్నారు. గుంపులో ఉన్న వ్యక్తులు ఈ మంటలను వీడియోలు చేయడం ప్రారంభించారు. మంటలు విపరీతంగా ఉండడంతో ఒక్క క్షణంలో 150 మందికి పైగా మంటల్లో చిక్కుకున్నారు.

వెంటనే అందరినీ ఆసుపత్రిలో చేర్పించారు. 8 మంది పరిస్థితి విషమంగా ఉంది. వెంటనే అగ్నిమాపక వాహనాలను రప్పించారు. చాలా శ్రమ తర్వాత మంటలు అదుపులోకి వచ్చాయి. పలువురు ఉన్నతాధికారులు అక్కడికి చేరుకుని పరిస్థితిని సమీక్షించారు. క్షతగాత్రులకు అన్ని విధాలా ఆదుకుంటామని చెప్పారు.