NLG: SVEEP పై అవగాహన సదస్సు
నల్లగొండ: స్థానిక నాగార్జున ప్రభుత్వ కళాశాల నందు రాజనీతి శాస్త్రం మరియు జిల్లా ఎన్నికల విభాగాల సంయుక్త ఆధ్వర్యంలో SVEEP ఓటరు అవగాహన సదస్సు నిర్వహించారు. ముఖ్య అతిథిగా జిల్లా కలెక్టర్ హరి చందన దాసరి హాజరై విద్యార్థులను ఉద్దేశించి మాట్లాడుతూ.. ప్రతి 18 సంవత్సరాలు నిండిన విద్యార్థినీ విద్యార్థులు ఓటరుగా నమోదు చేసుకోవాలని, వివిధ స్థాయిలలో జరిగే ఎన్నికలలో నిష్పక్షపాతంగా, నిజాయితీగా, ఓటు హక్కును ఉపయోగించుకోవాలని, ఓటరు చైతన్యమే ప్రజాస్వామ్య వ్యవస్థను బలోపేతం చేస్తుందని సూచించారు. 
జిల్లా అడిషనల్ కలెక్టర్ శ్రీనివాస్ మాట్లాడుతూ.. ప్రజాస్వామ్యంలో ప్రతి ఒక్కరూ ఎన్నికల ప్రక్రియ పై అవగాహన పెంచుకోవాలని ఓటింగ్ శాతాన్ని పెంచేందుకు కృషి చేయాలని కోరారు. 
జిల్లా పరిషత్ సీఈవో మరియు SVEEP నోడల్ ఆఫీసర్ ప్రేమ్ కరణ్ రెడ్డి మాట్లాడుతూ.. విద్యార్థిని విద్యార్థులు ఎలాంటి ప్రలోభాలకు లోను కాకుండా ఓటు హక్కును ఉపయోగించుకోవాలని తెలుపుతూ విద్యార్థినీ విద్యార్థులు అందరి చేత "ఓటరు ప్రతిజ్ఞ" చేయించారు. 
ఈ కార్యక్రమానికి కళాశాల ప్రిన్సిపాల్ సముద్రాల ఉపేందర్ అధ్యక్షత వహించగా, వైస్ ప్రిన్సిపల్ సయ్యద్ మునీర్, రాజనీతి శాస్త్ర విభాగాధిపతి ఎస్.యాదగిరి, అధ్యాపకులు ఈ. యాదగిరి రెడ్డి, ఎన్. వేణు, ఏ మల్లేష్, లక్ష్మణ్ గౌడ్, నారాయణరావు, ప్రవీణ్ రెడ్డి, తిరుమలేష్, కళాశాల ఫిజికల్ డైరెక్టర్ కే. మల్లేష్, బాలరాజు, శ్రీనివాస్ రెడ్డి, డిఆర్డిఏ ఏపిఎం అరుణ్ కుమార్ మరియు ఇతర అధ్యాపకులు విద్యార్థినీ విద్యార్థులు పాల్గొన్నారు.

NLG: కార్మికులకు కనీస వేతనం 26,000 ఇవ్వాలి: పాలడుగు నాగార్జున
నల్లగొండ జిల్లా, మర్రిగూడ మండలం:
రైతు కార్మిక ప్రజావ్యతిరేక విధానాలను నిరసిస్తూ ఈరోజు కార్మిక సంఘాల సిఐటియు ఆధ్వర్యంలో.. మర్రిగూడ చౌరస్తా నుండి బస్టాండు కూడలి వరకు ప్రదర్శన ర్యాలీ నిర్వహించారు. ఈ సందర్భంగా కెవిపిఎస్ జిల్లా ప్రధాన కార్యదర్శి పాలడుగు నాగార్జున ముఖ్యఅతిథిగా హాజరై మాట్లాడుతూ.. కేంద్ర బిజెపి ప్రభుత్వం అధికారంలోకి వచ్చి 10 సం.లు అయినా, రైతాంగ కార్మిక వర్గ ప్రజల సమస్యలు పరిష్కరించడంలో విఫలమైందని ఆరోపించారు. 
కార్మికులకు కనీస వేతనం 26,000 ఇవ్వాలని ఉద్యోగ భద్రత కల్పించాలని, రైతుకు గిట్టుబాటు ధర చట్టం చేయాలని, ఉపాధి కూలీలకు రోజు కూలి 600 ఇవ్వాలని డిమాండ్ చేశారు.నేషనల్ మానిటైజేషన్ పైప్ లైన్ పాలసీ ద్వారా మౌలిక వసతులను లీజు పేరుతో ప్రవేటీకరం చేస్తుందని, అనేక త్యాగాలతో పోరాడి సాధించుకున్న కార్మిక చట్టాలను రద్దుచేసి వాటి స్థానంలో నాలుగు లేబర్ కోడ్ ల ను తెచ్చిందని అన్నారు. కనీస వేతనాలు నిర్ణయించే విధానానికి స్వస్తి పలికిందని, సమ్మె హక్కును కాలరాస్తుందని పీఎఫ్, ఈఎస్ఐ వెల్ఫేర్ బోర్డులను నిర్విరారం చేస్తుందని ఆరోపించారు. సుప్రీంకోర్టు సమాన పనికి సమాన వేతనం ఇవ్వాలని ఇచ్చిన సూచనలను పాటించే పరిస్థితుల్లో లేదని, నూతనంగా 12 గంటలు పని విధానం తీసుకురావడానికి కుట్ర చేస్తుందన్నారు. 
నాలుగు లేబర్ కూడా రద్దు చేయాలని కనీస వేతన చట్టాలను అమలు చేయాలని, వెంటనే ఆశ, అంగన్వాడి మధ్యాహ్న భోజనం ఐకెపి వివో గ్రామపంచాయతీ కార్మికుల సమస్యలు పరిష్కరించాలని, స్కీం వర్కర్ ను పర్మనెంట్ చేయాలని, అసంఘటిత రంగ కార్మికులకు సంక్షేమ బోర్డు ఏర్పాటు చేయాలని డిమాండ్ చేశారు. భవన నిర్మాణ కార్మికులకు పెండింగ్ లో ఉన్న క్లైమ్ లను పెండింగ్లో ఉన్న కార్డులను వెంటనే ఇవ్వాలని, ఆటో డ్రైవర్ల సమస్యలను పరిష్కరించాలని డిమాండ్ చేశారు.

ఈ కార్యక్రమంలో సిఐటియు మండల కన్వీనర్ ఏర్పుల యాదయ్య, సిపిఐ మండల నాయకులు బుర్ర శేఖర్, అబ్బనగోని కృష్ణయ్య, ఎరుకలి యాదయ్య అంగన్వాడీ యూనియన్ అధ్యక్ష కార్యదర్శులు శోభ, రజిత, జయశ్రీ, విజయలక్ష్మి ఆశా వర్కర్స్ యూనియన్ మండల కార్యదర్శి జంపాల వసంత, ఏర్పుల పద్మ, ధనమ్మ, అరుణ, పందుల పద్మ, దుర్గమ్మ, సైదాబీ, కంసల్య, బాలమణి, ఐకెపి వివోఏ ల యూనియన్ అధ్యక్ష కార్యదర్శులు రంగినేని చంద్రకళ, వంపు సుమలత, నక్క సిరియాల, పద్మ గ్రామపంచాయతీ వర్కర్స్ యూనియన్ మండల అధ్యక్ష కార్యదర్శులు ఒట్టిపల్లి హనుమంతు, ఊరుపక్క లింగయ్య మంజుల, బిల్డింగ్ వర్కర్స్ యూనియన్ నామ సైదులు, యాదయ్య, హమాలీ వర్కర్స్ యూనియన్ బి.యాదయ్య, నరసింహ తదితరులు పాల్గొన్నారు

NLG: మునుగోడులో ఏఐటీయూసీ, సిఐటియు ఆధ్వర్యంలో భారీ ర్యాలీ
ఈరోజు దేశవ్యాప్త సమ్మెలో భాగంగా మునుగోడులో ఏఐటీయూసీ, తెలంగాణ రైతు సంఘం మరియు సిఐటియు ఆధ్వర్యంలో ఈరోజు దేశవ్యాప్త సమ్మెలో భాగంగా భారీ ర్యాలీ నిర్వహించారు. ఈ సందర్భంగా రైతు సంఘం జిల్లా ప్రధాన కార్యదర్శి గురిజ రామచంద్రం, జిల్లా కార్యదర్శి బండ శ్రీశైలం మాట్లాడుతూ.. నరేంద్ర మోడీ అధికారంలోకి వచ్చిన 10 సంవత్సరాలలో రైతులకు ఇతర కార్మికులకు ఇబ్బంది పెట్టే కార్మిక చట్టం తీసుకొచ్చి ఇబ్బందులకు గురి చేస్తున్నారని అన్నారు. రైతు నల్ల చట్టాలను రద్దు చేయాలన్నారు. 
ఈ కార్యక్రమంలో ఏఐవైఎఫ్ జిల్లా కార్యదర్శి తీర్పార్ వెంకటేశ్వర్లు, సిపిఐ జిల్లా కమిటీ సభ్యులు సురికి చలపతి, సిపిఐ మండల కార్యదర్శి చాపల శ్రీను, రైతు సంఘం మండల అధ్యక్ష కార్యదర్శులు బండమీది యాదయ్య, మందుల పాండు, ఏఐటీయూసీ అధ్యక్ష కార్యదర్శులు దుబ్బ వెంకన్న, బెల్లం శివయ్య, భవనిర్మాణ కార్మిక సంఘం నాయకులు ఈద యాదయ్య, హమాలి కార్మిక సంఘం నాయకులు దామ ఖాసిం, చందపాక యాదయ్య ఆటో కార్మికులు భిక్షం మాధవన్, నరసింహ,చిరంజీవి, బండారు శంకర్, దశరథ, చాపల విప్లవ కుమార్, గ్రామపంచాయతీ సిబ్బంది, తదితరులు పాల్గొన్నారు.

నల్లగొండ మున్సిపల్ కమిషనర్ గా సయ్యద్ ముసాబ్ అహ్మద్
నల్గొండ: అసిస్టెంట్ మున్సిపల్ కమీషనర్‌ సయ్యద్ ముసాబ్ అహ్మద్ కు నల్గొండ మున్సిపల్ కమీషనర్‌ గా పదోన్నతి లభించింది. నల్లగొండ మున్సిపల్ కమిషనర్ కార్యాలయంలో ఈ రోజు ఉదయం మున్సిపల్ కమిషనర్ గా సయ్యద్ ముసాబ్ అహ్మద్ బాధ్యతలు స్వీకరించనున్నారు.

NLG: మేడిగడ్డ పై సమగ్ర విచారణ జరిపించి బాద్యులపై చర్యలు తీసుకోవాలి: జూలకంటి రంగారెడ్డి


నల్లగొండ: మేడిగడ్డ ప్రాజెక్టులో పిల్లర్లు కుంగడంపై రాష్ట్ర ప్రభుత్వం సమగ్రమైన దర్యాప్తు జరిపి కఠిన చర్యలు తీసుకోవాలని, రాష్ట్ర ప్రభుత్వం కేఆర్ఎంబి పై తక్షణమే అఖలపక్ష సమావేశం నిర్వహించాలని, నల్లగొండ జిల్లా పెండింగ్ ప్రాజెక్టులకు నిధులను కేటాయించాలని సిపిఐఎం రాష్ట్ర కార్యదర్శి వర్గ సభ్యులు జూలకంటి రంగారెడ్డి అన్నారు. గజిల్లా కేంద్రంలోని దొడ్డి కొమురయ్య భవనంలో ఏర్పాటుచేసిన విలేకరుల సమావేశంలో ఆయన మాట్లాడారు.
మేడిగడ్డ ప్రాజెక్టును బొందల గడ్డగా మార్చింది బిఆర్ఎస్ ప్రభుత్వమేనని సిపిఎం రాష్ట్ర కార్యదర్శి వర్గ సభ్యులు జూలకంటి రంగారెడ్డి కెసిఆర్ పై మండిపడ్డారు. గత ప్రభుత్వ హయంలో నల్లగొండ జిల్లాకు తీవ్ర అన్యాయం జరిగిందని పేర్కొన్నారు. ఈ ప్రాజెక్టులన్ని ఉమ్మడి రాష్ట్రంలో మంజూరు అయ్యాయని, గత ప్రభుత్వం పెండింగ్ ప్రాజెక్టులకు మాత్రమే శంకుస్థాపనలు చేశారని, ఏ ఒక్క కొత్త ప్రాజెక్టులు మంజూరు చేయలేదని విమర్శించారు. 
ఈ సమావేశంలో సీ పి ఎం జిల్లా కార్యదర్శి వర్గ సభ్యులు  మల్లేష్, తుమ్మల వీరారెడ్డి, నారి ఐలయ్య, పాలడుగు నాగార్జున, బండ శ్రీశైలం, పాలడుగు ప్రభావతి, కందాల ప్రమీల, చిన్నపాక లక్ష్మీనారాయణ. తదితరులు పాల్గొన్నారు.

NLG: నాంపల్లి సర్కిల్ ఇన్స్పెక్టర్ గా జలెంధర్ రెడ్డి 
నల్లగొండ జిల్లా: నాంపల్లి నూతన సర్కిల్ ఇన్స్పెక్టర్ గా జలెంధర్ రెడ్డి గురువారం బాధ్యతలు తీసుకున్నారు. ఉన్నత అధికారుల ఉత్తర్వుల మేరకు HYD వనస్థలిపురం పోలీస్ స్టేషన్ నుండి, బదిలీపై నాంపల్లి సర్కిల్ కి వచ్చారు. ఇక్కడ పని చేసిన సిఐ నవీన్ కుమార్ ను అధికారులు జిల్లా హెడ్ క్వార్టర్ కు అటాచ్ చేశారు. సీఐ నవీన్ కుమార్ కు హాలియా కు పోస్టింగ్ ఇవ్వవచ్చని సమాచారం.

NLG: ధర్మబిక్షం గౌడ్ విగ్రహాన్ని జిల్లా కేంద్రంలో ఏర్పాటు చేయాలి: జనార్దన్ గౌడ్
 
నల్లగొండ: మాజీ పార్లమెంటు సభ్యుడు, కామ్రేడ్ బొమ్మగాని ధర్మబిక్షం గౌడ్ విగ్రహాన్ని జిల్లా కేంద్రంలో ఏర్పాటు చేయాలని బిసి విద్యార్థి సంఘం జిల్లా అధ్యక్షుడు అయితగోని జనార్దన్ గౌడ్ అన్నారు. ఈ రోజు ధర్మ బిక్షం గౌడ్ 102 వ జయంతి సందర్భంగా క్లాక్ టవర్ సెంటర్లో ధర్మ భిక్షం చిత్రపటానికి ఘనంగా నివాళులర్పించారు. ఈ సందర్భంగా ఆయన మాట్లాడుతూ.. విజయవాడ హైవే కి బొమ్మగాని ధర్మబిక్షం గౌడ్ పేరును నామకరణం చేయాలని రాష్ట్ర ప్రభుత్వాన్ని కోరారు. 
బడుగు బలహీన వర్గాల కోసం పేదల కోసం గీత కార్మికుల కోసం అనేక విధాలుగా పోరాటం చేసి వారి యొక్క హక్కులను కాపాడినటువంటి గొప్ప నాయకుడు ధర్మబిక్షం గౌడ్ అన్నారు.

ఉమ్మడి జిల్లా ప్రజలు ధర్మబిక్షం గౌడ్ ఆశయ సాధన కోసం కృషి చేయాలని వారిని స్ఫూర్తిగా తీసుకొని పోరాట పటిమను కొనసాగించాలని కోరారు. ఈ కార్యక్రమంలో మాజీ గ్రంథాలయ చైర్మన్ కాంగ్రెస్ పార్టీ నాయకుడు రేఖల భద్రాద్రి, యువజన నాయకుడు చంద్రశేఖర్ గౌడ్, కారింగు నరేష్ గౌడ్ , చింతల యాదగిరి గౌడ్, కొంపెల్లి రామన్న గౌడ్, పుల్లెంల యాదగిరి గౌడ్, మాద శ్రీనివాస్ గౌడ్, గజ్జి నరేష్ యాదవ్, చింతల విజయ్ కుమార్ గౌడ్, కారింగ్ శంకర్ గౌడ్, జేరిపోతుల లింగయ్య గౌడ్ , తదితరులు పాల్గొన్నారు.

TS: మేక సంజీవరెడ్డి కి నివాళులర్పించిన నల్లగొండ కార్మిక సంఘం అధ్యక్షుడు నగేష్ నాయక్


తెలంగాణ రాష్ట్ర ధరణి కమిటీ సభ్యులు అడ్వకేట్ భూమి సునీల్ కుమార్ తండ్రిగారైన మేక సంజీవరెడ్డి ఈనెల 5వ తేదీన పరమపదించారు. ఆయన ఆత్మకు శాంతి చేకూరాలని వారి కుటుంబ సభ్యులు మహబూబాబాద్ జిల్లా, కురవి మండలం, అయ్యగారి పల్లి గ్రామంలో గురువారం నిర్వహించిన పెద్దకర్మ కార్యక్రమానికి.. ఆల్ ఇండియా బంజారా సేవా సంఘం నల్లగొండ కార్మిక సంఘం అధ్యక్షుడు కేలావత్ నగేష్ నాయక్ హాజరయ్యారు. ఈ సందర్భంగా మేక సంజీవరెడ్డి చిత్రపటానికి పూలమాలలు వేసి నివాళులర్పించారు. ఈ కార్యక్రమంలో అడ్వకేట్ భూమి సునీల్ కుమార్, అడ్వకేట్ సందీప్ తదితరులు పాల్గొన్నారు.

NLG: నూతన ఎంపికైన గ్రంథపాలకులకు అభినందనలు తెలిపిన తెలంగాణ గ్రంధాలయ సంఘం రాష్ట్ర ఎగ్జిక్యూటివ్ సభ్యులు 
నల్లగొండ: గురుకుల రెసిడెన్షియల్ ఎడ్యుకేషనల్  ఇన్స్టిట్యూషన్ రిక్రూట్మెంట్ బోర్డ్ ఆధ్వర్యంలో నిర్వహించిన లైబ్రేరియన్ పోస్టులపై, రాష్ట్ర ప్రభుత్వం రిక్రూట్మెంట్ ప్రక్రియ కంప్లీట్ చేసి అపాయింట్మెంట్ ఆర్డర్స్ ఈరోజు హైదరాబాదులో ఎల్బీ స్టేడియంలో సిఎం రేవంత్ రెడ్డి చేతుల మీదుగా అందజేయడం ఎంతో శుభసూచకమని గ్రందపాలకుడు  డాక్టర్ రాజారామ్ అన్నారు.
సాధించుకున్న తెలంగాణలో గ్రంథాలయాల సేవలు గ్రంథ పాలకుల ద్వారా సాధ్యమని, విద్యార్థుల డెవలప్మెంట్ గురించి పోటీ పరీక్షలపై అవగాహనను కల్పించడం కొరకు జ్ఞానాభివృద్ధి కోసం గ్రంథాలయాలు ఎంతగానో తోడ్పడుతాయని డాక్టర్ రాజారామ్ తెలిపారు. ఈరోజు నల్గొండలో తెలంగాణ గ్రంధాలయ సంఘం రాష్ట్ర ఎగ్జిక్యూటివ్ సభ్యులు డాక్టర్ రాజారామ్ (మహిళా కళాశాల గ్రంథ పాలకులు), డాక్టర్ దుర్గాప్రసాద్ (నాగార్జున ప్రభుత్వ కళాశాల గ్రంథపాలకులు)  నూతనంగా    ఎంపికైన గ్రంథపాలకులను అభినందించారు.

NLG: విద్యార్థులకు స్నాక్స్ అందజేసిన  లయన్స్ క్లబ్ ఆఫ్ నల్గొండ ఎస్ పి టి ప్లాటినం సభ్యులు
నల్గొండ పట్టణంలోని మాధవ నగర్ జేబీఎస్ ప్రభుత్వ పాఠశాలలోని  10వ తరగతి విద్యార్థులకు స్పెషల్ క్లాసులు నిర్వహించే క్రమంలో ఉదయం మరియు సాయంత్రం పూట విద్యార్థుల్లో శక్తిని పెంపొందించేందుకుగాను, ఈరోజు లయన్స్ క్లబ్ ఎస్పిటి ప్లాటినం నల్గొండ సభ్యులు మరియు జిల్లా పద్మశాలి సంఘం అధ్యక్షులు పొట్టబత్తుల సత్యనారాయణ - ఆండాలు  వివాహ వార్షికోత్సవం సందర్భంగా లయన్ జెల్లా దశరథ  ఆధ్వర్యంలో దాదాపు 10 వేల రూపాయల స్నాక్స్ అందజేశారు.
ఈ సందర్భంగా పాఠశాలలో ప్రధానోపాధ్యాయులు నిర్మల్ రెడ్డి అధ్యక్షతన నిర్వహించిన కార్యక్రమంలో పలువురు సభ్యులు మాట్లాడుతూ.. ప్రభుత్వ జేబీఎస్ పాఠశాలలోని విద్యార్థులకు గత 3 సంవత్సరముల నుండి లయన్స్ క్లబ్ ఆఫ్ ప్లాటినం ఎస్ పి టి నల్గొండ ఆధ్వర్యంలో ఈ యొక్క స్నాక్స్ అందజేస్తున్నామని, దాతలు అందించిన సహకారంతో విద్యార్థులు పట్టుదలతో కృషిచేసి 10వ తరగతిలో ఉన్నతమైన మార్కులు సంపాదించి ముందుకు వెళ్లాలని, తద్వారా మంచి భవిష్యత్తును పొందవచ్చునని తెలియజేశారు. 
ఈ కార్యక్రమంలో జెల్లా దశరథ, పుట్టా వెంకన్న, దాసోజు శ్రీనివాసచారి, మాధగోని స్వామి, మామిడి శ్రవణ్ కుమార్, జెల్లా లవన్ కుమార్,పాఠశాల ఉపాధ్యాయులు ఎస్ నాగిరెడ్డి ఆర్ నరసింహారెడ్డి కే సంపత్ కుమార్ బి.రూప, ఎన్. శ్రీనివాస్, బొమ్మపాల గిరిబాబు, కే.ప్రతిమ, జీ.రత్నమాల, పి. వెంకట్రావు, ఏవీఆర్ వినాయక్ తదితరులు పాల్గొన్నారు.