టీ ఎస్పీ ఎస్సీ లీకేజీ కేసులో మరో ఇద్దరు అరెస్టు


రాష్ట్ర వ్యాప్తంగా సంచలనం సృష్టించిన టీఎస్పీఎస్సీ  ప్రశ్నాపత్రాల లీకేజీ కేసులో సిట్ అధికారుల  దర్యాప్తు కొనసాగుతోంది. ఈ కేసులో తాజాగా మరో ఇద్దరు అరెస్ట్‌ అయ్యారు. పూల రమేష్‌కు హైటెక్ మాస్ కాపీయింగ్‌లో సహకరించేలా ఒప్పందం కుదుర్చుకున్న ఇద్దరిని సిట్ అధికారులు అదుపులోకి తీసుకున్నారు.

 కరీంనగర్‌లోని ఇంజనీరింగ్ కళాశాలలో అధ్యాపకుడిగా పనిచేస్తున్న విశ్వప్రసాద్, ఫిజికల్ డైరెక్టర్ వెంకటేశ్వర్లు అరెస్ట్ అయ్యారు. ఏఈఈ, డీఏఓ పరీక్షా కేంద్రాల్లో నుంచి ప్రశ్నాపత్రాలు లీక్ చేసే విధంగా పూల రమేష్‌తో విశ్వప్రసాద్, వెంకటేశ్వర్లు ఒప్పందం కుదుర్చుకున్నారు.

 ఈ మేరకు విశ్వప్రసాద్, వెంకటేశ్వర్లకు పూల రమేష్ అడ్వాన్స్‌గా ఐదు లక్షలు ఇచ్చాడు. హైటెక్ మాస్ కాపీయింగ్ దర్యాప్తులో భాగంగా ఈ విషయాలను గుర్తించిన సిట్ అధికారులు వారిద్దరిని అదుపులోకి తీసుకున్నారు. వీరిద్దరి అరెస్ట్‌తో లీకేజ్ కేసులో ఇప్పటి వరకు అరెస్ట్ అయిన వారి సంఖ్య 53కు చేరింది. మరో 50 మంది దాకా ప్రశ్నాపత్రాలు లీకేజీ, హైటెక్ మాస్ కాపీయింగ్‌లో నిందితులు ఉన్నట్లు సిట్ అధికారులు అనుమానిస్తున్నారు. ఈ మేరకు మరిన్ని అరెస్ట్‌లు జరిగే అవకాశాలు కనిపిస్తున్నాయి...

కేసీఆర్‌కు కేంద్రం ఆహ్వానం.. హాజరవుతారా? లేదా ❓️


ప్రధాని నరేంద్రమోదీ ఈ నెల 8న తెలంగాణలో పర్యటించనున్న విషయం తెలిసిందే. ఈ సందర్భంగా వరంగల్‌లో పలు అభివృద్ధి కార్యక్రమాలు ప్రారంభించనున్నారు. అనంతరం వరంగల్‌లో బీజేపీ నిర్వహించనున్న సభలో ప్రధాని మోదీ పాల్గొననున్నారు. ఇక వరంగల్‌లో నిర్వహించనున్న మోదీ సభకు తెలంగాణ సీఎం కేసీఆర్‌కు కేంద్రం ఆహ్వానం పంపింది. మరి ప్రధాని మోదీ అధికారిక కార్యక్రమాల్లో సీఎం కేసీఆర్ పాల్గొంటారా? లేదా అనే దానిపై తెలంగాణలో పెద్ద ఎత్తున ఆసక్తికర చర్చ నడుస్తోంది.

చాలా కాలంగా ప్రధాని మోదీ తెలంగాణ నిర్వహించే అభివృద్ధి కార్యక్రమాలకు సీఎం కేసీఆర్ దూరంగా ఉంటూ వస్తున్నారు. కనీసం ఎయిర్‌పోర్టుకు వెళ్లి స్వాగతం పలికిన దాఖలాలు కూడా లేవు. జాతీయ పార్టీ ప్రారంభానికి ముందు నుంచే కేసీఆర్ ప్రధాని కార్యక్రమాలకు దూరంగా ఉంటూ వస్తున్నారు. 

అయితే తాజాగా బీజేపీపై కేసీఆర్ తన వైఖరి మార్చుకున్నట్టు తెలుస్తోంది, రాజకీయాల్లో శాశ్వత మిత్రులు, శాశ్వత శత్రువులు ఉండరు అన్నట్టుగా ఇటీవలి కాలంలో తన ప్రధాన ప్రత్యర్థి స్థానం నుంచి బీజేపీని ఆయన తప్పించారో లేదంటే.. మోదీ విషయంలో తన వైఖరే మారిపోయిందో కానీ ఇటీవల అయితే బీజేపీ లేదంటే మోదీ విషయంలో పెద్దగా కేసీఆర్ బాణాలు ఎక్కుపెట్టడం లేదు. పరిస్థితులకు అనుకూలంగా ఆయన కూడా మారినట్టు తెలుస్తోంది. ఈ క్రమంలో సీఎం కేసీఆర్ హాజరవుతారా? లేదా? అనేది ఆసక్తికరంగా మారింది....

తెలంగాణ,కేరళ చీఫ్ జడ్జిల బదిలీలు


హైదరాబాద్ :జులై 06
ఇద్దరు హైకోర్టు ప్రధాన న్యాయమూర్తులు జస్టిస్ ఉజ్జల్ భుయాన్ జస్టిస్ ఎస్వీ భట్టిలను  సుప్రీంకోర్టు న్యాయమూర్తులుగా పదోన్నతి కల్పించాలని సుప్రీంకోర్టు కొలీజియం సిఫార్సు చేసింది.

కొలీజియం సిఫార్సుతో తెలంగాణ హైకోర్టు చీఫ్ జస్టిస్ ఉజ్జల్ భూయాన్ బదిలీ అయ్యారు. సుప్రీంకోర్టు జడ్జిగా జస్టిస్ ఉజ్జల్ భూయాన్‌ను నియమించారు. 2022 జూన్ 28 నుంచి తెలంగాణ హైకోర్టు చీఫ్ జస్టిస్‌గా ఉజ్జల్ భూయాన్ పని చేశారు. కొలీజియం సిఫార్సుతో తెలంగాణ హై కోర్టు చీఫ్ జస్టిస్ సుప్రీం కోర్టుకు బదిలీ అయ్యారు. మరో చీఫ్ జస్టిస్ కూడా బదిలీ అయ్యారు. కేరళ హైకోర్టు నుంచి జస్టిస్ ఎస్వీ భట్‌ను సుప్రీం కోర్టు జడ్జిగా నియమించారు.

ప్రస్తుతం జస్టిస్ భూయాన్ తెలంగాణ హైకోర్టు ప్రధాన న్యాయమూర్తిగా పనిచేస్తుండగా, జస్టిస్ భట్టి కేరళ హైకోర్టు ప్రధాన న్యాయమూర్తిగా ఉన్నారు......

సిద్ధిలో జరిగిన మూత్ర విసర్జన ఘటనపై శివరాజ్ ప్రభుత్వం ఫైర్ ,,బాధితుడికి శివరాజ్ క్షమాపణలు చెప్పడమే కాకుండా కాళ్లు కడిగి సంతాపం


మధ్యప్రదేశ్‌లోని సిద్ధిలో జరిగిన మూత్ర విసర్జన ఘటనపై శివరాజ్ ప్రభుత్వం ఫైర్ అయింది. బీజేపీ నేత ప్రవేశ్ శుక్లా చర్య కారణంగా మధ్యప్రదేశ్ రాజకీయాలు వేడెక్కాయి. ఆ తర్వాత శివరాజ్ ప్రభుత్వం డ్యామేజ్ కంట్రోల్‌లో నిమగ్నమై ఉంది. బుధవారం నిందితుడి ఇంటి వద్ద బుల్‌డోజర్‌తో చర్యలు తీసుకున్నారు. మరోవైపు మూత్ర విసర్జన ఘటనలో బాధితురాలిని ముఖ్యమంత్రి శివరాజ్‌సింగ్ చౌహాన్ గురువారం ఉదయం పరామర్శించారు.బాధితుడికి శివరాజ్ క్షమాపణలు చెప్పడమే కాకుండా కాళ్లు కడిగి సంతాపం తెలిపారు.

కాళ్లు కడిగి, క్షమాపణలు చెప్పారు
యూరిన్ కుంభకోణం తెరపైకి వచ్చిన తర్వాత శివరాజ్ ప్రభుత్వం దుమ్మెత్తిపోస్తోంది. సీఎం శివరాజ్ సింగ్ చౌహాన్ స్వయంగా ప్యాచ్ అప్ బాధ్యతలు చేపట్టారు. ప్రవేశ్ శుక్లాపై కఠిన చర్యలు తీసుకున్న సీఎం బాధితుడు దశమత్ రావత్‌ను భోపాల్‌కు పిలిపించారు. బాధితుడు దశమత్ రావత్ భోపాల్‌లోని సీఎం శివరాజ్ సింగ్ చౌహాన్ ఇంటికి చేరుకున్నారు. అనంతరం సీఎం శివరాజ్‌సింగ్ చౌహాన్ స్వయంగా ఆయన్ను సన్మానించారు. దశమత్ రావత్ పాదాలను కడిగిన సీఎం.. కాళ్లు కడిగిన అనంతరం దశమత్ రావత్ కు సీఎం శివరాజ్ సింగ్ చౌహాన్ తిలకం వేశారు. తిలకం పూసిన తర్వాత ఆయనకు పూలమాల వేశారు. దీంతో పాటు బాధితుడు దశమత్ రావత్‌ను సీఎం శివరాజ్ సింగ్ చౌహాన్ శాలువాతో సత్కరించారు. సీఎం సభలో దశమత్ రావత్ కుర్చీలో కూర్చున్నారు. ఆయనకు శాలువా కప్పి సత్కరించిన అనంతరం గణేశుడి విగ్రహాన్ని సీఎం బహూకరించారు. దీంతో పాటు బట్టలు, కొబ్బరికాయ కూడా ఇచ్చారు. మీకు న్యాయం చేస్తామని శివరాజ్ సింగ్ చౌహాన్ హామీ ఇచ్చారు.

మిత్రుడు సుదామగా సీఎం దశమత్తు చెప్పారు
దశమత్‌ను ముఖ్యమంత్రి శివరాజ్‌సింగ్ చౌహాన్ సుదామా అని పిలిచారు. అన్నాడు - దశమత్, నువ్వు ఇప్పుడు నా స్నేహితుడు. దశమత్ తో సీఎం పలు అంశాలపై చర్చించారు. అడిగారు - మీరు ఏమి చేస్తారు? ఇంటిని నడిపే సాధనాలు ఏమిటి? ఏ పథకాలు ప్రయోజనం పొందుతున్నాయి? కుమార్తె లక్ష్మి, భార్య లాడ్లీ బహనా యోజన లబ్ధి పొందుతున్నారా లేదా అని కూడా అడిగారు. సీఎం మాట్లాడుతూ- కూతుళ్లు, కూతుళ్లు చదువు చెప్పిస్తూ ముందుకు సాగుతున్నారు.

ఎవరిపైనా వివక్ష చూపవద్దని విజ్ఞప్తి
ఇది మాత్రమే కాదు, బాధితుడు మరియు అతని కుటుంబానికి ప్రభుత్వం అందిస్తున్న పథకాల ప్రయోజనాలను శివరాజ్ సింగ్ చౌహాన్ అడిగి తెలుసుకున్నారు. అలాగే మీకు ఏదైనా అవసరం వచ్చినప్పుడు నాకు తెలియజేయండి అని అన్నారు. నేరస్థుడికి మతం, ఏ పార్టీ, కులం లేవని సీఎం శివరాజ్‌సింగ్ చౌహాన్ అన్నారు. ఈ కారణంగానే నిందితుడిపై కఠిన చర్యలు తీసుకున్నామని, ఎవరి పట్ల వివక్ష చూపవద్దని అందరికి విజ్ఞప్తి చేస్తున్నాను.

సిద్ధి మూత్ర కుంభకోణం అంటే ఏమిటి?
విశేషమేమిటంటే, సిద్ధి జిల్లాలో గిరిజన యువకుడిపై మూత్ర విసర్జన చేసిన ఉదంతం తెరపైకి వచ్చింది. ఓ గిరిజనుడిపై మద్యం మత్తులో మూత్రం పోస్తున్న దృశ్యాలు వీడియోలో కనిపిస్తున్నాయి. వీడియో వైరల్ కావడంతో, పోలీసులు కేసు దర్యాప్తు ప్రారంభించారు. నిందితుడి పేరు ప్రవేశ్‌ శుక్లా అని విచారణలో తేలింది. ప్రవేశ్ శుక్లా బీజేపీ నాయకుడని కాంగ్రెస్ ఆరోపిస్తోంది.వీడియో వైరల్ కావడంతో ప్రవేశ్ శుక్లాను పోలీసులు అరెస్ట్ చేశారు. అతనిపై ఎన్‌ఎస్‌ఏ కింద కూడా చర్యలు తీసుకున్నారు. ప్రవేశ్ శుక్లా యొక్క అక్రమ ఆక్రమణపై బుల్డోజర్ కూడా పరిపాలనచే నిర్వహించబడింది.

NCP వివాదంపై ఢిల్లీలో "పోస్టర్ వార్", బ్యానర్‌లో కటప్ప అని చూపిన అజిత్ దేశద్రోహి అని పిలిచాడు


రాజకీయాల్లో ఓ వైపు మాటల యుద్ధం, మరోవైపు పోస్టర్ వార్ నడుస్తోంది. మహారాష్ట్రలో ఎన్సీపీ వర్సెస్ ఎన్సీపీ పోరు కొనసాగుతోంది. మహారాష్ట్రలో మొదలైన శరద్ పవార్, అజిత్ పవార్ మధ్య పోరు ఇప్పుడు రాజధాని ఢిల్లీకి చేరుకుంది.మహారాష్ట్ర నుంచి ఎన్సీపీ అధినేత శరద్ పవార్ మరికొద్ది సేపట్లో ఢిల్లీకి చేరుకుంటున్నారు. ఢిల్లీలో జరగనున్న ఎన్సీపీ జాతీయ కార్యవర్గ సమావేశానికి శరద్ పవార్ హాజరుకానున్నారు.అయితే ఢిల్లీలో ఎన్సీపీ సమావేశానికి ముందు అజిత్ పవార్‌కు వ్యతిరేకంగా పోస్టర్లు వెలిశాయి.

పోస్టర్‌లో అజిత్‌ పవార్‌ను కట్టప్ప అని పేర్కొన్నారు.
ఎన్సీపీ విద్యార్థి విభాగం నేషనలిస్ట్ విద్యార్థి కాంగ్రెస్ ఢిల్లీలోని పార్టీ కార్యాలయం వెలుపల తన బ్యానర్లను ఏర్పాటు చేసింది. కట్టప్ప బాహుబలిని వెన్నులో కత్తితో ఎలా పొడిచాడో బ్యానర్‌లో చూపించారు. ఈ పోస్టర్ బాహుబలి సినిమా నుండి తీసుకోబడింది, ఇందులో కట్టప్ప బాహుబలిని వెనుక నుండి దాడి చేస్తాడు. పోస్టర్‌లో అజిత్ పవార్‌ను కటప్పగా అభివర్ణించగా, మామ శరద్ పవార్‌ను బాహుబలిగా అభివర్ణించారు. దీంతో పాటు ఈ బ్యానర్‌లో దేశద్రోహి అని పెద్ద అక్షరాలతో రాసి ఉంది.

దేశం మొత్తం శరద్ పవార్ సాహెబ్ వెంట ఉంది
ఎన్సీపీ కార్యకర్తలు ఢిల్లీలో పలు పోస్టర్లు వేశారు. ఢిల్లీలోని శరద్ పవార్ నివాసం వెలుపల ఒక పోస్టర్ ఇలా ఉంది, 'సత్యం మరియు అసత్యం మధ్య పోరాటంలో దేశం మొత్తం శరద్ పవార్ సాహెబ్‌తో ఉంది. మోసగాడిని ఎన్నటికీ క్షమించని చరిత్ర భారతదేశ చరిత్ర.

బుధవారం బలప్రదర్శన చేశారు
ఢిల్లీలో నేడు జరగనున్న ఎన్సీపీ జాతీయ కార్యవర్గ సమావేశానికి ముందు శరద్ పవార్, అజిత్ పవార్ బుధవారం తమ సత్తాను చాటారు. శరద్ పవార్, అజిత్ పవార్ ముంబైలో వేర్వేరుగా మద్దతుదారుల సమావేశాలు నిర్వహించారు. అజిత్ పవార్ వెంట 31 మంది ఎమ్మెల్యేలు, కొందరు ఎమ్మెల్సీలు ఉన్నారు. అదే సమయంలో శరద్ పవార్ వెంట 16 మంది ఎన్సీపీ ఎమ్మెల్యేలు, నలుగురు ఎంపీలు ఉన్నారు. ప్రస్తుతం ఎన్సీపీకి చెందిన 9 మంది ఎమ్మెల్యేలు ఏ పక్షం వహించలేదు. ఈ 9 మంది ఎన్‌సిపి ఎమ్మెల్యేలు అజిత్ పవార్‌కు మద్దతు ఇస్తున్నారా లేదా శరద్ పవార్‌తో కలిసి ఉన్నారా అని అందరూ చూస్తున్నారు.

సంక్షేమం చుట్టూ… పార్టీలు!


సాధారణ ఎన్నికలు కొద్ది నెలల్లో జరగబోతున్నాయి. ప్రధాన పార్టీలన్నీ గెలుపు కోసం వ్యూహాలు పన్నుతున్నాయి. ముఖ్యంగా ఆంధ్రప్రదేశ్ తెలంగాణ పార్టీలు వ్యూహాల్లో నిరంతరం మునిగితేలుతూ ఎన్నికలు ఇప్పుడే వచ్చినట్లుగా వాతావరణం సృష్టిస్తున్నాయి. జుగుప్సాకరంగా విమర్శలు చేసుకుంటున్నాయి. ఒకరికి మించి ఒకరు సంక్షేమ పథకాల పేరుతో వరాల జల్లులు కురిపిస్తున్నాయి. పేదలకు అరచేతిలో వైకుంఠం చూపెడుతున్నాయి. ప్రజలకు, పాలక ప్రభుత్వాలు సంక్షేమ పథకాలు దేని కోసం ప్రకటిస్తున్నాయి, సంక్షేమ పథకాల కోసం పేదలు ఎందుకు చూడవలసి వస్తున్నది, ప్రభుత్వాల దయాదాక్షిణ్యాల కోసం కాకుండా స్వశక్తిపై పేదలు బతకడానికి కావాల్సింది ఏమిటి అన్న విషయాలను అర్థం చేసుకుంటేనే సంక్షేమ పథకాల్లో దాగి ఉన్న కుట్రను అర్ధం చేసుకోగలము.

దేశానికి ‘స్వాతంత్య్రం' వచ్చి 76 సంవత్సరాలు పూర్తయ్యాయి. ఈ కాలంలో పేదల జీవితాల్లో మౌలిక మార్పులు సంభవించాయా అంటే వచ్చే సమాధానం లేదు. పేదల పరిస్థితులు, వారి జీవన ప్రమాణాలు మెరుగు పడ్డాయా అంటే కూడా లేదనే సమాధానం వస్తుంది. ఇందుకు పాలక ప్రభుత్వాలు కారణమా అంటే అవును అని వెంటనే సమాధానం వస్తుంది. పేదల జీవన పరిస్థితులు మెరుగు పడటం అనేది పాలించే పాలక పార్టీల, ప్రభుత్వాల వర్గ స్వభావంపై ప్రధానంగా ఆధారపడి ఉంటుంది. భారత పాలక పార్టీల, ప్రభుత్వాల వర్గ స్వభావం దోపిడీ వర్గాలను కాపాడే స్వభావం. అందువలన అధికార మార్పిడి జరిగిన దగ్గర నుంచి నేటి వరకు ప్రభుత్వాలన్నీ బడా పెట్టుబడిదారుల, భూస్వాముల, సామ్రాజ్యవాదుల దోపిడీ ప్రయోజనాలకు ప్రాతినిధ్య వహిస్తూ ప్రజా వ్యతిరేక, పేదల వ్యతిరేక విధానాలు అనుసరిస్తున్నవే. ప్రజలు ఎదుర్కొంటున్న మౌలిక సమస్యల పరిష్కారాన్ని పక్కన పెడుతున్నవే.

పోరాటాల అణిచివేతే లక్ష్యంగా..
భారత దేశం నేటికీ వ్యవసాయక దేశమని పాలక పార్టీలతో సహా అందరూ అంగీకరిస్తున్నారు. ఇప్పటికీ 68% ప్రజలు గ్రామీణ ప్రాంతంలోనే ఉన్నారు. గ్రామీణ పేదలు ఎదుర్కొంటున్న మౌలిక సమస్యలు, సేద్యానికి కావాల్సిన భూమి, పని చేయడానికి ఉపాధి. 76 సంవత్సరాల ‘స్వాతంత్ర్య' పాలనలో గ్రామీణ పేదలకు ఈ రెండు లభించేది. పట్టణ పేదలకు, శ్రామికులకు, ఉన్న ఉపాధి కూడా తరిగి పోతున్నది. ఫలితంగా గ్రామీణ, పట్టణ పేదలు దుర్భరమైన పేదరికంలో మగ్గుతున్నారు. పేదరికానికి, దుర్భర జీవితాలకు తాము సేద్యం చేసి పంటలు పండించే భూమిపై హక్కు లేక పోవటమని గ్రహించిన గ్రామీణ పేదలు భూమిపై హక్కు కోసం పోరాటం ప్రారంభించారు....

హస్తం గూటికి ఏనుగు రవీందర్ రెడ్డి, ఎన్నం శ్రీనివాస్ రెడ్డి?


హైదరాబాద్:జులై 06
బీజేపీలో ఉన్న మాజీ ఎమ్మెల్యేలు ఏనుగు రవీందర్‌రెడ్డి, ఎన్నం శ్రీనివాసరెడ్డి కాంగ్రెస్‌లో చేరుతారన్న వార్తలు ఊపందుకున్నాయి. పార్టీలో కొంతకాలంగా నెలకొన్న ప్రతిష్టంభన, తాజాగా చోటుచేసుకున్న మార్పులు చేర్పుల నేపథ్యంలో కాంగ్రెస్ నేతలతో వీరిద్దరి సంప్రదింపులు ముమ్మరమయ్యాయి. 

పార్టీలోని తాజా పరిణామాల నేపథ్యంలో అందులో ఇమడలేక వీరు కాంగ్రెస్‌లో చేరాలనే నిర్ణయానికి వచ్చినట్లు వార్తలు వినిపిస్తున్నాయి. ఏనుగు రవీందర్‌రెడ్డి ఇప్పటికే పీసీసీ చీఫ్ రేవంత్‌రెడ్డితో చర్చలు జరిపినట్లు గాంధీభవన్ వర్గాల సమాచారం. మహబూబ్‌నగర్ మాజీ ఎమ్మెల్యే ఎన్నం శ్రీనివాసరెడ్డి కూడా ఆ జిల్లాకే చెందిన జూపల్లి కృష్ణారావుతో చర్చలు జరిపారు. బీజేపీని విడిచిపెట్టి కాంగ్రెస్‌లో చేరడమే వీరి మధ్య జరిగిన చర్చల ప్రధాన ఉద్దేశమని సమాచారం.



రవీందర్ రెడ్డికి టికెట్టుపై నోక్లారిటీ..
ఎల్లారెడ్డి మాజీ ఎమ్మెల్యే ఏనుగు రవీందర్ రెడ్డి రెండేండ్ల క్రితమే బీఆర్ఎస్ నుంచి బీజేపీలో చేరారు. ఈటల రాజేందర్ తో కలిసి నడుస్తున్నారు. ఢిల్లీ వెళ్లినప్పుడల్లా ఈటలతో పాటే కలిసి వెళ్లేవారు. ఇటీవల గౌహాతికి వెళ్లినప్పుడు కూడా ఈటల వెంటే ఉన్నారు. ఇప్పుడు రాష్ట్ర ఎలక్షన్ మేనేజ్‌మెంట్ కమిటీ చైర్మన్ గా ఈటల రాజేందర్‌ను నియమించిన తర్వాత శామీర్‌పేట్‌లోని ఆయన నివాసంలో సందడి నెలకొన్నా, ఏనుగు రవీందర్ రెడ్డి కనిపించకపోవడం చర్చకు దారితీసింది. కిషన్‌రెడ్డిని అధ్యక్షుడిగా, ఈటల రాజేందర్‌ను కమిటీకి చైర్మన్‌గా నియమించడానికి ఐదారు రోజుల ముందే రేవంత్‌తో ఏనుగు రవీందర్ రెడ్డి చర్చలు జరిపినట్లు తెలిసింది. అయితే ఎల్లారెడ్డిలో ఇప్పటికే మదన్‌మోహన్‌రావు, సుభాష్‌రెడ్డి మధ్య టికెట్ వార్ నడుస్తున్నది. ఇలాంటి పరిస్థితుల్లో ఇప్పుడు పార్టీలో చేరినా అక్కడ అవకాశం ఇవ్వడం కష్టమేనని రేవంత్ క్లారిటీ ఇచ్చినట్లు తెలిసింది. బాన్సువాడ నుండి అవకాశం కల్పిస్తామని చెప్పినా, తాను అక్కడ నాన్-లోకల్ అవుతానని, ఇబ్బందులుంటాయని రవీందర్ రెడ్డి సున్నితంగా తిరస్కరించినట్లు సమాచారం. దీంతో టికెట్లు ఇచ్చేవరకు బీజేపీలోనే కొనసాగి స్వతంత్ర అభ్యర్థిగా బరిలోకి దిగాలనే ఆలోచనలో సైతం ఏనుగు రవీందర్ రెడ్డి ఉన్నట్లు తెలిసింది....

తిరుపతి లో తగ్గిన భక్తుల రద్దీ


తిరుపతి:జులై 06
తిరుమలలో నేడు గురువారం భక్తుల రద్దీ కొనసాగుతోంది. టోకెన్ రహిత సర్వదర్శనం కోసం 21 కంపార్టుమెంట్లలో భక్తులు వేచి ఉన్నారు. 

శ్రీవారి సర్వదర్శనానికి 12 గంటల సమయం పడుతోంది. ఇక బుధవారం స్వామివారిని 77,299 మంది భక్తులు దర్శించుకుని మొక్కులు చెల్లించుకున్నారు. 

నిన్న శ్రీవారి హుండీ ఆదాయం 3.93 కోట్ల రూపాయలు వచ్చినట్టు తిరుమల తిరుపతి దేవస్థానం వెల్లడించింది. నిన్న స్వామివారికి 30,479 మంది భక్తులు తలనీలాలు సమర్పించి మొక్కులు చెల్లించుకున్నారు...

కాలేశ్వరం ప్రాజెక్టు కు ఖర్చు చేసింది 80 వేల కోట్లు లక్ష కోట్లు ఎలా అవినీతి జరిగింది ❓️రాహుల్ జీ


కాళేశ్వరంలో లక్ష కోట్ల అవినీతి జరిగిందని రాహుల్ గాంధీ చెప్పడం విడ్డురంగా ఉంది. ఖర్చు పెట్టింది 80 వేల కోట్లు అయితే లక్ష కోట్లు అవినీతి ఏలా జరుగుతుందని? రాహుల్ గాంధీ వాఖ్యల పై రాష్ట్ర ఆర్థిక, వైద్య ఆరోగ్య శాఖ మంత్రి హరీశ్ ఎద్దేవా చేశారు. 

కాంగ్రెస్ ప్రభుత్వ హయాంలో ఒక్క చెరువు అయినా బాగు చేశారా.? నోటికి ఇష్టం వచ్చినట్లు మాట్లాడుతున్నారని, కాంగ్రెస్ వాళ్లది నోరా.. మోరా..?
అంటూ రాష్ట్ర మంత్రి హరీశ్ రావు కాంగ్రెస్ పార్టీ నాయకుల తీరుపై తీవ్రస్థాయిలో ధ్వజమెత్తారు.
రంగనాయక సాగరులో ముంచి లేవడితే కాంగ్రెస్ నాయకులకు నీళ్ళు ఉన్నవి, లేనిది తెలుస్తది కావొచ్చునని రాష్ట్ర మంత్రి హరీశ్ రావు స్పష్టం చేశారు. 

జిల్లా కేంద్రమైన సిద్ధిపేట పత్తి మార్కెట్ యార్డులో బుధవారం ఉద్యాన, పట్టు పరిశ్రమ శాఖ, తెలంగాణ ఆయిల్ ఫెడ్ సిద్ధిపేట జిల్లా ఆధ్వర్యంలో రైతులకు స్పింక్లర్లు-తుంపర సేద్య పరికరాలు పంపిణీ, ఆయిల్ ఫామ్ సాగు అవగాహన సదస్సు కార్యక్రమంలో మంత్రి హరీశ్ రావు హాజరై 1001 స్పింక్లర్లు-తుంపర సేద్య పరికరాలు పంపిణీ చేశారు. ఈ సందర్భంగా మంత్రి మాట్లాడుతూ.. కాళేశ్వరం పూర్తి చేశాం కాబట్టే భూమికి బరువైన పంట పండుతున్నది. కాళేశ్వరం పని కానిదే ఈ ఘనత సాధ్యమౌతదా అంటూ చెప్పుకొచ్చారు. 

గతంలో ఉమ్మడి రాష్ట్రంలోని ఉమ్మడి మెదక్ జిల్లాలో కేవలం 300 స్పింక్లర్లు సెట్లు పంచేదని, కానీ ఇవాళ ఒక్కరోజు 1001 మందికి స్పింక్లర్లు పంపిణీ చేసుకుంటున్నామని, ఇప్పటికే సిద్ధిపేట జిల్లాలో రెండేళ్లలో 17 వేల స్పింక్లర్లు సెట్లు ఇచ్చామని, చిన్నకోడూర్ మండలంలోనే 5100 స్పింక్లర్లు సెట్లు ఇచ్చామని గుర్తు చేశారు. 

రైతులను చైతన్యం చేయాలని, బీఆర్ఎస్ రైతు ప్రభుత్వమని జిల్లా వ్యాప్తంగా 17 వేల స్పింక్లర్లు సెట్లు పంపిణీ చేసేందుకు రూ.20 కోట్ల 18 లక్షల రూపాయలు సబ్సిడీ ప్రభుత్వం భరించిందని, ఇది రైతుల పట్ల ప్రేమ, చిత్తశుద్ధికి నిదర్శనమని చెప్పారు. 

ఈ యేడు కాలమయ్యే అంశం పై సీఎం కేసీఆర్ సమీక్షించి రైతు శ్రేయస్సు కోసం ఆలోచన చేశారని, రైతులకు కాళేశ్వరం మోటార్లు ఆన్ చేసి కాల్వల ద్వారా నీళ్లు ఇవ్వాలని ఆదేశాలు ఇచ్చారని తెలిపారు. 

గతంలో రైతులు ముఖాన్ని మొగులుకు పెట్టి చూసేవారు కానీ., ఇప్పుడు సీఎం కేసీఆర్, కాళేశ్వరం పై నమ్మకంతో నారు పోస్తున్నారని పేర్కొన్నారు. 

కాళేశ్వరం ప్రాజెక్టు నిర్మాణంతో రైతులలో ఎంతో మార్పు వచ్చిందని, కాలంతో నిమిత్తం లేకుండా నీళ్లు అందిస్తున్నట్లు, యాసంగి పంట నూకలుగా మారి తుట్టి అవుతున్నా.., ఆ నష్టాన్ని సీఎం కేసీఆర్ ప్రభుత్వం భరిస్తుందని తెలిపారు. 

రైతులు గుండెజారి పోవొద్దని, రైతుల కోసం చుక్క చుక్క ఒడిసి పట్టి కాళేశ్వరం జలాశయాలు నింపాలని సీఎం కేసీఆర్ స్పష్టంగా ఆదేశించారని, కాలం ఎత్తి పోయినా.. కాళేశ్వరం గేట్లు ఎత్తి రైతులకు కాల్వల ద్వారా పంట పొలాలకు నీళ్లు ఇవ్వాలని నిర్ణయించినట్లు చెప్పారు.

కాళేశ్వరంతో యాసంగిలో 55 లక్షల ఎకరాల పంట పండింది. పండిన పంట 26 వేల కోట్లు రూపాయల ధాన్యం కొన్నాం. ఎక్కడా గుంట, ఎకరం ఎండలేదు. మూడేళ్లలో యుద్ధంలా పనిచేసి కాళేశ్వరం నిర్మించినట్లు వివరించారు.

ఢిల్లీ కేంద్ర ప్రభుత్వం వాడు నూకలు తినమని చెప్తే ముఖ్యమంత్రి కేసీఆర్ నూకల ఖర్చు భరించి అందరికీ బియ్యం అందిస్తున్నారని, గత ప్రభుత్వ హయాంలో 7 గంటలు కూడా కరెంటు ఉండేది కాదనీ, కానీ ఇప్పుడు నిరంతరాయంగా వ్యవసాయ బావుల వద్ద కరెంటు ఉంటుందని చెప్పారు. 

కరెంట్ బిల్లుపోతే పోతుందని, ప్రతి ఒక్క రైతుకు కాళేశ్వరం ద్వారా నీళ్లు అందించాలని ముఖ్యమంత్రి కేసీఆర్ గతంలోనే చెప్పారని గుర్తు చేశారు. ఇంకా వానలు మొదలు కాకున్నా., అన్నీ గ్రామాలలో వాగులు, వంకలు పొంగిపొర్లుతున్నాయని తెలిపారు. 

జిల్లాలో 8 వేల 500 ఏకరాలలో ఆయిల్ ఫామ్ సాగు చేసినట్లు, ఈ సంవత్సరం 1800 ఎకరాలు టార్గెట్ పెట్టుకున్నట్లు, ఆయిల్ ఫామ్ ద్వారా ఎకరాకు లక్ష రూపాయల వరకు ఆదాయం ఉన్నదని, ఆయిల్ ఫామ్ లాభాల పంటగా ఎకరాకు 80 వేల రూపాయల వరకు ప్రభుత్వం సబ్సిడీ ఇస్తున్నదని చెప్పారు.

ఈ మేరకు ఆయిల్ ఫెడ్ సిద్ధిపేట జిల్లా కమిటీ మెంబర్లకు సన్మానించారు. కార్యక్రమంలో జిల్లా రైతుబంధు సమితి అధ్యక్షుడు నాగిరెడ్డి, రాష్ట్ర ఆయిల్ ఫెడ్ వైస్ ఛైర్మన్ సోమిరెడ్డి, జిల్లాలోని పలు మండలాల ఏంపీపీలు, మార్కెట్ కమిటీ చైర్మన్లు, ఇతర ప్రజాప్రతినిధులు, జిల్లా ఉద్యాన, పట్టు పరిశ్రమ శాఖ అధికారి సునీత, అధికార సిబ్బంది తదితరులు పాల్గొన్నారు......

ప్రధాని మోదీ వరంగల్‌ పర్యటన.. షెడ్యూల్‌ ఇదే


హైదరాబాద్‌: ఉమ్మడి వరంగల్‌ జిల్లాలో ఈనెల 8న ప్రధాని నరేంద్ర మోదీ పర్యటనకు సంబంధించిన షెడ్యూల్‌ ఖరారైంది. శనివారం (8న) ప్రత్యేక విమానంలో ప్ర ధాని ఢిల్లీ నుంచి బయలుదేరి ఉదయం 9.50కి హకీంపేట విమానాశ్రయంలో దిగుతారు..

అక్కడి నుంచి హెలికాప్టర్‌లో ఉదయం 10.35 కి వరంగల్‌ హెలిప్యాడ్‌కు చేరుకుంటారు.

ఉదయం 10.45 నుంచి 11.20 వరకు వరంగల్‌లో పలు అభివృద్ధి పనుల్లో పాల్గొనడంతో పాటు వివిధ ప్రాజెక్టు పనులకు శంకుస్థాపన చేస్తారు. ఉదయం 11.30 గంటలకు హనుమ కొండ ఆర్ట్స్‌ కాలేజీ గ్రౌండ్స్‌లో బహిరంగ సభలో పాల్గొంటారు. మధ్యాహ్నం 12.15కి వరంగల్‌ హెలిప్యాడ్‌కు చేరుకుంటారు. అక్కడి నుంచి హెలికాప్టర్‌లో మధ్యాహ్నం 1.10 గంటలకి తిరిగి హకీంపేట ఎయిర్‌పోర్టుకు చేరు కుంటారు. అక్కడి నుంచి ఢిల్లీకి తిరుగు ప్రయాణం అవుతారు..