NLG: ఏఐటీయూసీ 105 వ ఆవిర్భావ దినోత్సవం జయప్రదం చెయ్యండి: పల్లా దేవేందర్ రెడ్డి


  

 
 
  నల్లగొండ: ఈ నెల 31 న ఏఐటీయూసీ 105 వ ఆవిర్భావ దినోత్సవం జిల్లా వ్యాప్తంగా ఘనంగా నిర్వహించాలని  ఏఐటీయూసీ జిల్లా ప్రధాన కార్యదర్శి పల్లా దేవేందర్ రెడ్డి పిలుపునిచ్చారు.
  
మంగళవారం  ఏఐటీయూసీ జిల్లా కౌన్సిల్ సమావేశం జిల్లా అధ్యక్షులు నూనె రామస్వామి అధ్యక్షతన పట్టణంలోని మక్దూమ్ భవన్లో జరిగింది.
  
ఈ మేరకు  ఏఐటీయూసీ జిల్లా ప్రధాన కార్యదర్శి పల్లా దేవేందర్ రెడ్డి మాట్లాడుతూ.. స్వాతంత్ర ఉద్యమం లో ఏఐటీయూసీ కీలక పాత్ర పోషించిన చరిత్ర ఘనమైనది అని, లాలలజపతి రాయ్, జవహర్ లాల్ నెహ్రు, వివి గిరి, సుభాష్ ఛంద్రబోస్, సరోజని దేవి, భగత్ సింగ్, డాంగే, ఇంద్రజిత్ గుప్తా బర్ధన్, గురుదాస్ గుప్తా లాంటి గొప్ప వారు ఏఐటీయూసీ లో నాయకత్వం వహించారని తెలిపారు.
  

  
ఏఐటీయూసీ 1920 అక్టోబర్ 31 న ఏర్పాటు జరిగిన తర్వాత కార్మికుల కు అనేక సంక్షేమ చట్టాలు,హక్కులు, సాధించి 104 ఏళ్ళు పూర్తి చేసుకొని 105వ ఆవిర్భావ వేడుకలు కు సిద్ధం అవుతుందని, జిల్లా మొత్తం అన్ని కార్మిక అడ్డాల వద్ద జెండా ఆవిష్కరణ లు, సభలు, సమావేశాలు నిర్వహించాలని కార్యకర్తల కు విజ్ఞప్తి చేశారు.మోడీ ప్రభుత్వం కార్మికులు పొరాడిసాధించిన 29 చట్టాలని 4 కోడ్ లుగా మార్చి.. హక్కులు లేకుండా చేసి యాజమాన్యం లకు తొత్తులుగా చట్టాలు మార్పులు చేశారని ఆయన ఆరోపించారు.
  

  
దేశంలో ఏర్పడ్డ మొట్టమొదటి కార్మిక సంఘం ఏఐటీయూసీ అని నాటి నుండి నేటి వరకు కార్మికుల హక్కుల కోసం నిరంతరము రాజిలేని సమరశీల పోరాటాలు నడుపుతుందని అన్నారు. కాంటాక్ట్ వ్యవస్థ రద్దు కోసం, కనీస వేతనాలు అమలు కోసం, ఉద్యోగ భద్రత కోసం, రాబోయే కాలంలో సమరశీల పోరాటాలకు సిద్ధం కావాలని ఆయన పేర్కొన్నారు.
  

  
ఈ సమావేశం లో ఏఐటీయూసీ జిల్లా ఉపాధ్యక్షులు ఎండి సయీద్, జిల్లా కోశాధికారి దోనకొండ వెంకటేశ్వర్లు, ఎన్ ఆర్ సి రాజు, దోమల శ్రీను, రెవల్లి యాదయ్య, ఏ.మల్లయ్య, ఎస్.కే. అమీర్, పీ. నరసింహ, జె.విజయ లక్మి, తదితరులు పాల్గొన్నారు.
 

NLG: లెంకలపల్లి లో రుణాలపై రైతులకు అవగాహన కల్పించిన బ్యాంకు మేనేజర్
నల్లగొండ జిల్లా:
మర్రిగూడ మండలం, లెంకలపల్లి గ్రామంలో ఆంధ్రప్రదేశ్ గ్రామీణ వికాస్ బ్యాంక్ ఆధ్వర్యంలో, మంగళవారం రైతులకు అవగాహన సదస్సు నిర్వహించారు. 

  


ఈ సందర్భంగా మేనేజర్ జగదీష్ రెడ్డి మాట్లాడుతూ.. స్థానికంగా ఉన్న ప్రజలు తమ బ్యాంకు ద్వారా రుణాలు పొందాలని, రుణాలపై అతి తక్కువ వడ్డీ రేటు 7 శాతం మాత్రమే ఉంటుందని తెలిపారు. బ్యాంకు సేవలను వినియోగించుకోవాలని సూచించారు.

కొత్త పంట రుణాలు డిపాజిట్లు పై అవగాహన సదస్సు, ప్రధానమంత్రి ఇన్సూరెన్స్ పథకాలు, గోల్డ్ లోన్ల గురించి వారు అవగాహన కల్పించారు. కార్యక్రమంలో క్యాషియర్ సాయికుమార్, గ్రామ ప్రజలు, రైతులు, పాల్గొన్నారు.

నల్లగొండ జిల్లా కు నూతన కలెక్టర్ గా త్రిపాటి


  

 
 
  తెలంగాణ రాష్ట్రంలో పలువురు ఐఏఎస్ అధికారులకు బదిలీలు జరిగాయి. ఈ మేరకు రాష్ట్ర ప్రభుత్వ ప్రధాన కార్యదర్శి శాంతి కుమారి ఉత్తర్వులు జారీ చేశారు.
  

  
నల్లగొండ  జిల్లా ప్రస్తుత కలెక్టర్ సి నారాయణ రెడ్డిని   రంగారెడ్డి జిల్లా కలెక్టర్ గా బదిలీ చేశారు. వీరి స్థానంలో నల్లగొండ జిల్లా కలెక్టర్ గా ఐలా త్రిపాటి నియమించారు.
  

  
ఈ మేరకు రాష్ట్ర ప్రభుత్వ సాధారణ పరిపాలన శాఖ సోమవారం ఉత్తర్వులు జారీ చేసింది.
 

NLG: హాకీ-17 సంవత్సరాల బాలుర జిల్లా జట్టు ఎంపికలు


  

 
 
  నల్లగొండ: జిల్లా విద్యాశాఖ అధికారి   ఆదేశాల ప్రకారం ఉమ్మడి  జిల్లా స్థాయి (సూర్యాపేట ,యాదాద్రి, నల్లగొండ) హాకీ-17 సంవత్సరాల బాలుర జిల్లా జట్టు ఎంపికలు.. నల్గొండ పట్టణంలోని మేకల అభినవ్ అవుట్డోర్ స్టేడియం యందు, ఈ నెల 29 న ఉ. గం.10 లకు నిర్వహించబడుతాయని ఎస్.జి.ఎఫ్  సెక్రటరీ డి. విమల ఒక ప్రకటనలో తెలిపారు. 
  

  
ఈ మేరకు ఆమె మాట్లాడుతూ.. ఈ క్రీడలలో  పాల్గొనే క్రీడాకారులు ఆధార్, బోనఫైడ్ తో  హాజరు కావాల్సిందిగా కోరారు.
 

NLG: ఐకెపి సెంటర్ ను సందర్శించిన బిజెపి జిల్లా అధ్యక్షుడు


  

 
 
  నల్లగొండ జిల్లా, కనగల్ మండలంలోని జి.యడవల్లి గ్రామంలో ఐకెపి సెంటర్ ను, బిజెపి జిల్లా అధ్యక్షులు డా.నాగం వర్షిత్ రెడ్డి సందర్శించారు.
  

  
ఈ మేరకు వారు మాట్లాడుతూ.. రైతులు పంటను ఆరబెట్టిన తర్వాత కూడా ధాన్యాన్ని కొనుగోలు చేయడానికి ఆలస్యం అవుతుందని ఆవేదనతో ఉన్నారని, వెంటనే ధాన్యాన్ని రోజుల తరబడి ఆపకుండా కొనుగోలు చేసి రైతులను ఆదుకోవాలని అన్నారు. పంట నష్టం వాటిల్లిన రైతులకు రాష్ట్ర ప్రభుత్వం నష్టపరిహారం చెల్లించాలని డిమాండ్ చేశారు.
  

  
కిసాన్ మోర్చ మండల అధ్యక్షులు జిల్లా శేఖర్,కిసాన్ మోర్చా అసెంబ్లీ కన్వీనర్ పోలోజు భిక్షమాచారి, కిసాన్ మోర్చా జిల్లా ఉపాధ్యక్షులు వెంకట్ రెడ్డి, బిజెపి జిల్లా అధికార ప్రతినిధి పిండి పాపిరెడ్డి, కనగల్ మండల బిజేపి అధ్యక్షులు పులకరం బిక్షం, ఓబీసీ మోర్చా ప్రధాన కార్యదర్శి తిరందాసు కనకయ్య, ఓ బి సి మోర్చా జిల్లా సోషల్ మీడియా కన్వీనర్ బిక్షం, బండమీది సురేందర్, బొమ్మ కంటి లింగస్వామి, బొమ్మకంటి సైదులు, తదితరులు పాల్గొన్నారు.
 

TG: నెల రోజుల పాటు 144 సెక్షన్


  

 
 
  

  HYD: నెల రోజుల పాటు హైదరాబాద్ లో 144 సెక్షన్ విధిస్తున్నట్లు పోలీస్ కమిషనర్ సివి ఆనంద్ ప్రకటించారు. హైదరాబాద్ నగరంలో  నెలరోజుల పాటు పోలీస్ ఆంక్షలు ఉంటాయని స్పష్టం చేస్తూ  అధికారిక ప్రకటన చేశారు. అశాంతిని సృష్టించడానికి పలు సంస్థలు, పార్టీలు ప్రయత్నిస్తున్నాయని విశ్వాస నీయ సమాచారం ఉందని ఈ సందర్భంగా పేర్కొన్నారు.
  

  
U/S 163 BNS యాక్ట్ ప్రకారం ఆంక్షలు హైదరాబాద్ లో అమలు చేస్తామన్నారు. సభలు, సమావేశాలు, దర్నాలు, రాస్తారోకోలు, ర్యాలీ లు నిషేధం అని తెలిపారు.
  

  
ఐదుగురికి మించి గుమికూడితే చర్యలు తీసుకుంటామని హెచ్చరించారు. నవంబర్ 28 వరకు నెల రోజుల పాటు ఆంక్షలు అమలులో ఉంటాయని సిటి పోలీస్ కమీషనర్ సివి ఆనంద్ ఆదేశాలు జారీ చేశారు.
 

NLG: ఉమ్మడి నల్గొండ జిల్లా స్థాయి SGF వాలీబాల్ పోటీలు


  

 
 
  నల్గొండ: జిల్లా స్కూల్ గేమ్స్ ఫెడరేషన్ కార్యదర్శి దగ్గుపాటి విమల ఆధ్వర్యంలో ఆదివారం పట్టణంలోని మేకల అభినవ్ అవుట్డోర్ స్టేడియంలో ఉమ్మడి నల్గొండ జిల్లా స్థాయి SGF అండర్ 14, 17 బాలబాలికల వాలీబాల్ టోర్నమెంట్ మరియు సెలక్షన్స్ ను నిర్వహించారు.
  ఈ సందర్భంగా స్కూల్ గేమ్స్ ఫెడరేషన్ కార్యదర్శి దగ్గుపాటి విమల మాట్లాడుతూ.. ఉమ్మడి నల్గొండ జిల్లా నుండి దాదాపు 200 మంది క్రీడాకారులు పాల్గొన్నారని, క్రీడాకారులందరికి భోజన మరియు మంచినీటి సదుపాయాలు కల్పించి ఈ కార్యక్రమాన్ని విజయవంతం చేశామని తెలియజేస్తూ, ఈ అవకాశాన్ని కల్పించిన విద్యాశాఖ అధికారి బొల్లారం బిక్షపతి కి SGF పక్షాన కృతజ్ఞతలు తెలిపారు.
  ఈ కార్యక్రమంలో ఫిజికల్ డైరెక్టర్లు నాగరాజు, కవిత, రాజశేఖర్ రెడ్డి, శ్రీనివాస్, శ్రీదేవి, చంద్రయ్య, సురేందర్, కర్ణాకర్ రెడ్డి,  నుష్రత్, బ్రహ్మయ్య, మురళి, లెనిన్, సావిత్రి, రంగా, బొమ్మపాల గిరిబాబు, తస్లీమ్, రెహనా, శ్రీను, అజయ్ మరియు సూర్యపేట, యాదాద్రి భువనగిరి జిల్లాల స్కూల్ గేమ్స్ సెక్రటరీలు మరియు వివిధ మండలాల నుంచి వచ్చిన వ్యాయామ ఉపాధ్యాయులు పాల్గొన్నారు.
 

NLG: స్పెషల్ పబ్లిక్ ప్రాసిక్యూటర్ వేముల రంజిత్ కుమార్ కు ఘన సన్మానం


  

 
 
  నల్లగొండ: పట్టణంలోని జిల్లా పరిషత్ జడ్పీ గెస్ట్ హౌస్ నందు ఎస్సీ ఎస్టీ విద్యార్థి సంఘం తెలంగాణ ఆధ్వర్యంలో ఆదివారం స్పెషల్ పబ్లిక్ ప్రాసిక్యూటర్ వేముల రంజిత్ కుమార్ కు ఘన సన్మానం నిర్వహించారు.
  ఈ మేరకు శాలి గౌరారం మండలం ఉట్కూర్ గ్రామానికి చెందిన రంజిత్ కుమార్ మాట్లాడుతూ.. తన నియామకానికి సహకరించిన జిల్లా మంత్రి కోమటిరెడ్డి వెంకటరెడ్డి, నకిరేకల్ శాసనసభ్యులు వేముల వీరేశం, జిల్లాలోని శాసనసభ్యులు, ఎంపీలు, ఎమ్మెల్సీలు ప్రతి ఒక్కరికి ధన్యవాదాలు తెలిపారు.
  

  
చట్టాలపై పూర్తి అవగాహన సదస్సులు తోపాటు విక్టిమ్స్ కు పూర్తిగా అండగా నిలబడతానని అన్నారు. నేరస్థులకు కచ్చితంగా శిక్ష పడే విధంగా తన కర్తవ్యాన్ని నిర్వహిస్తానని తెలిపారు.
  

  
నా సన్మాన కార్యక్రమాన్ని నిర్వహించిన ఎస్సీ ఎస్టీ విద్యార్థి సంఘం రాష్ట్ర అధ్యక్షులు కట్టెల శివకుమార్ మరియు కమిటీ సభ్యులకు పేరుపేరునా ధన్యవాదాలు అని, వారి యొక్క సంఘానికి ఎల్లవేళలా సాయ సహకారాలు అందిస్తానని తెలియజేశారు.
  

  
ఎస్సీ ఎస్టీ విద్యార్థి సంఘం రాష్ట్ర అధ్యక్షులు కట్టెల శివకుమార్ మాట్లాడుతూ.. ఉమ్మడి నల్గొండ జిల్లా చరిత్రలోనే పోక్సో కోర్టు స్పెషల్ పబ్లిక్ ప్రాసిక్యూటర్ గా ప్రధమంగా నియమించబడిన వేముల రంజిత్ కుమార్ కు హృదయపూర్వక శుభాకాంక్షలు తెలియజేశారు.
  

  
ముఖ్య అతిథులుగా కాంగ్రెస్ నాయకులు ప్రముఖ వ్యాపారవేత యాట వీరారెడ్డి, కాంగ్రెస్ క్రిస్టియన్ ఎస్సీ సెల్ అధ్యక్షులు కందుల విజయ్ కుమార్, కౌన్సిలర్ పల్లె రంజిత్ కుమార్, ఎస్సీ ఎస్టీ విద్యార్థి సంఘం సెంట్రల్ కమిటీ మెంబర్ కొండేటి నరేష్ కుమార్, అడ్వకేట్స్ ఏర్పుల కామేశ్వర్, బర్రె సైదులు, మీడియా యూనియన్ నాయకులు మల్లేష్ యాదవ్, జిల్లా కన్వీనర్ అల్లంపల్లి కొండన్న, రాష్ట్ర కోఆర్డినేటర్ బాకీ తరుణ్, రమేష్, మిత్రాస్ యూనిట్ ఆఫ్ యూత్ చైర్మన్ కంబాలపల్లి శ్రీకాంత్, జిల్లా కార్యవర్గ సభ్యులు గంట సుమంత్, పుట్ట మహేష్ గౌడ్, నియోజకవర్గ కమిటి అధ్యక్షులు పగడాల శివతేజ, కొండల్, తదితరులు పాల్గొన్నారు.
 

TG: కొత్తగా ఏర్పాటైన కోర్టుల్లో ఉద్యోగాల భర్తీకి మంత్రిమండలి ఆమోదం
HYD: రాష్ట్ర ప్రభుత్వ ఉద్యోగులకు ఒక డీఏ ఇవ్వాలని మంత్రిమండలి నిర్ణయించింది. ఈ మేరకు డా.బీఆర్ అంబేద్కర్ సచివాలయంలో ముఖ్యమంత్రి రేవంత్ రెడ్డి అధ్యక్షతన సుధీర్ఘంగా జరిగిన ఈ సమావేశంలో రాష్ట్ర మంత్రిమండలి సమావేశం పలు కీలక నిర్ణయాలు తీసుకుంది. 
రాష్ట్ర ఆర్థిక పరిస్థితులను దృష్టిలో ఉంచుకుని దీపావళి పండుగ సందర్భంగా ఒక డీఏ ను విడుదల చేయాలని మంత్రివర్గం తీర్మానించింది.

  


హైదరాబాద్‌ లో మెట్రో రైలు రెండో దశ విస్తరణకు సంబంధించిన డీపీఆర్‌కు మంత్రివర్గం ఆమోదించింది. నాగోల్ – శంషాబాద్, రాయదుర్గం – కోకాపేట్, ఎంజీబీఎస్ – చాంద్రాయణగుట్ట, మియాపూర్ – పటాన్ చెరు, ఎల్ బీ నగర్ – హయత్ నగర్ మొత్తం 76.4 కిలోమీటర్ల మేరకు విస్తరణ చేపట్టాలని మంత్రిమండలి నిర్ణయించింది. కేంద్ర,రాష్ట్ర ప్రభుత్వాల భాగస్వామ్య విధానంలో చేపట్టే మెట్రో రైలు రెండో దశ ప్రాజెక్టు కోసం రూ. 24,269 కోట్లతో ప్రతిపాదనలతో సిద్ధం చేసిన డీపీఆర్‌ను కేంద్రానికి నివేదించాలి.

జీవో 317 కు సంబంధించి మంత్రివర్గ ఉపసంఘం సిఫారసుల మేరకు ఉద్యోగుల మెడికల్, స్పౌజ్, మ్యూచువల్ బదిలీలకు ఆమోదం. 
జీవో 46 కు సంబంధించి కీలకమైన స్థానికత అంశం రాష్ట్రపతి పరిధిలో ఉన్నందున న్యాయ సలహా తీసుకుని శాసనసభలో చర్చించిన తర్వాత నిర్ణయం.

  

రాష్ట్రంలో నవంబర్ 30 వరకు కుల, ఆర్థిక, సామాజిక గణన సర్వే పూర్తి చేయాలి. ఇందుకోసం 80 వేల మంది ఎన్యుమరేటర్లను నియమించి నవంబర్ 4 నుంచి 19 వరకు రాష్ట్రమంతా ఇంటింటి సర్వే చేపడుతారు.

రాష్ట్రంలో పంచాయతీ రాజ్, ఆర్ అండ్ బీ పరిధిలో చేపట్టాల్సిన రోడ్ల నిర్మాణానికి దాదాపు రూ. 25 నుంచి 28 వేల కోట్లు అవసరమని అంచనా వేయగా పీపీపీ విధానంలో పూర్తి చేయడానికి తగిన ప్రణాళికలు సిద్ధం చేయాలి.ఉస్మానియా ఆస్పత్రి కొత్త భవన నిర్మాణానికి గోషా మహల్ లో పోలీసు శాఖ పరిధిలోని స్థలాన్ని వైద్య శాఖకు బదిలీ.

ములుగులో ప్రతిపాదిత గిరిజన విశ్వవిద్యాలయానికి 211 ఎకరాల స్థలం కేటాయింపు.గచ్చీబౌలీ స్టేడియాన్ని ప్రతిపాదిత యంగ్ ఇండియా ఫిజికల్ ఎడ్యుకేషన్ అండ్ స్పోర్ట్స్ యూనివర్సిటీకి బదలాయింపు. మధిర, వికారాబాద్, హుజూర్ నగర్ ఏటీసీల ఏర్పాటు, కావలసిన పోస్టుల మంజూరు.

దీపావళి కానుకగా ప్రతి అసెంబ్లీ నియోజకవర్గంలో మొదటి విడతగా 3500 ఇళ్ల మంజూరు. రాష్ట్రంలో ప్రాజెక్టులు, రిజర్వాయర్లలో స్టోరేజీ కెపాసిటీ తగ్గిపోతున్న కారణంగా వాటిల్లో స్టిల్ట్ తొలగించాలని నిర్ణయం. పైలట్ ప్రాజెక్టుగా మొదట కడెం ప్రాజెక్టులో సిల్ట్ తొలగింపు. గత ప్రభుత్వ హయాంలో రైస్ మిల్లర్ల వద్ద పేరుకుపోయిన దాదాపు రూ. 20 వేల కోట్ల విలువైన ధాన్యం క్లియరెన్స్ కు సంబంధించి సబ్ కమిటీ సమర్పించిన నివేదికకు ఆమోదం. 
రాష్ట్రంలో కొత్తగా ఏర్పాటైన కోర్టుల్లో ఉద్యోగాల భర్తీకి ఆమోదం.

సమావేశం అనంతరం మంత్రులు పొంగులేటి శ్రీనివాస రెడ్డి, పొన్నం ప్రభాకర్ మీడియాకు ఈ వివరాలను వెల్లడించారు. 

NLG: సిపిఐ శతవార్షికోత్సవాలను జయప్రదం చేయండి


  

 
 
  నల్లగొండ : దోపిడీ లేని వ్యవస్థ కోసం సమ సమాజ స్థాపన కోసం నాడు స్వాతంత్ర పోరాటంలో అగ్రభాగంలో నిలిచి పోరాడిన పార్టీ, భారత కమ్యూనిస్టు పార్టీ అని సిపిఐ జాతీయ సమితి సభ్యులు పల్లా వెంకట రెడ్డి అన్నారు.సిపిఐ వంద సంవత్సరాల  సందర్భంగా శనివారం స్థానిక మగ్దూం భవన్ లో, ఉమ్మడి నల్లగొండ జిల్లా సిపిఐ  శతవార్షికోత్సవ రాష్ట్ర ప్రారంభ సభ సన్నాహాక సమావేశం యాద్రది భువనగిరి జిల్లా కార్యదర్శి గోదా శ్రీరాములు అధ్యకతన జరిగింది.
  ఈ సమావేశానికి పల్లా వెంకట రెడ్డి ముఖ్యతిధిగా హాజరై మాట్లాడుతూ.. 1925 డిసెంబర్ 26వ తేదీన కాన్పూర్ లో సిపిఐ ఆవిర్భావించి బ్రిటిష్ ప్రభుత్వం కు వ్యతిరేకంగా పోరాడి, ఎన్నో నిర్బంధాలను కుట్రలను జైలు జీవితాలను ఎదుర్కొని త్యాగలు చేసిన గొప్ప చరిత్ర కలిగిన పార్టీ సిపిఐ అని గుర్తు చేశారు.
  

  
అదేవిదంగా తెలంగాణ ప్రాంతంలో దొరలు,భూస్వాములకు , వ్యతిరేకంగా వెట్టిచాకిరి విముక్తి కోసం,నైజాం ప్రభుత్వాన్నికి వ్యతిరేకంగా తెలంగాణ రైతంగా సాయుధ పోరాటం నడిపి  4500 మంది అమరత్వం తో లక్షలాది ఎకరాల భూములను పేదలకు పంచి వేలాది గ్రామాలను రజాకార్ల కబంధాస్తాల నుండి విముక్తి కలిగించిందన్నారు. 
  

  
పాలకులు అవలంబిస్తున్న ప్రజావ్యతిరేక విధానాలపై నిరంతరం ప్రజలను చైతన్యం చేస్తూ అనేక పోరాటాలకు నాయకత్వం వహిస్తుందన్నారు.  పెండింగ్లో ఉన్న ప్రాజెక్టులను పూర్తి చేసి ఉమ్మడి నల్లగొండ జిల్లాను సస్యశ్యామలం చేయాలని దశాబ్దాల కాలంగా జిల్లా ప్రజలను పట్టి  పీడిస్తున్న ఫ్లోరైడ్ మహమ్మారి నుంచి ప్రజలకు విముక్తి కలిగించాలని అనేక దపాలుగా పోరాటాలు  నిర్వహించిందన్నారు.
  

  
దేశంలోసిపిఐ ఏర్పడి వంద సంవత్సరాలలో అడుగుపెడుతున్న సందర్భంగా  నల్లగొండ జిల్లా కేంద్రంలో డిసెంబర్ 30వ తేదీన  రాష్ట్ర స్థాయి ప్రారంభ బహిరంగ సభ నిర్వహించడం జరుగుతుంది అన్నారు.
  

  
ఈ సమావేశంలో  నల్లగొండ జిల్లా కార్యదర్శి నెల్లికంటి సత్యం, సూర్యాపేట జిల్లా కార్యదర్శి బెజవాడ వెంకటేశ్వర్లు, రాష్ట్ర కార్యవర్గ సభ్యులు పల్లా నర్సింహా రెడ్డి, సినియర్ నాయకులు ఉజ్జిని రత్నాకర్ రావు, మల్లేపల్లి ఆదిరెడ్డి, ఉజ్జిని యాదగిరావు,నల్లగొండ జిల్లా సహాయ కార్యదర్శులు పల్లా దేవేందర్ రెడ్డి, లోడంగి శ్రవణ్ కుమార్,భువనగిరి జిల్లా సహాయ కార్యదర్శి దామోదర్ రెడ్డి ఉమ్మడి జిల్లా కార్యవర్గ సభ్యులు పాల్గొన్నారు.