బుక్కరాయసముద్రం ప్రాథమిక ఆరోగ్య కేంద్రాన్ని పరిశీలించిన.. ఎంపీపీ దాసరి సునీత..

 
 
  ప్రాథమిక ఆరోగ్య కేంద్రం బుక్కరాయసముద్రంలో ఆశ కార్యకర్తల సమావేశం డాక్టర్ స్వాతి లక్ష్మి మరియు డాక్టర్ తెహర్నిశ ఆధ్వర్యంలో నిర్వహించడం జరిగింది. ఈ కార్యక్రమాన్ని ఆకస్మికంగా మండల ప్రజా పరిషత్ చైర్మన్ దాసరి సునీత గారు సందర్శించడం జరిగింది. వారు మాట్లాడుతూ ఈ ప్రభుత్వం ఉద్యోగుల ప్రభుత్వమని స్నేహపూర్వకంగా పనిచేసుకుంటూ మంచి వాతావరణంలో ఉద్యోగులు ముందుకు వెళ్లాలని తెలియజేశారు. సమస్యలు ఉంటే మాకు తెలియజేస్తే ఎమ్మెల్యే దృష్టికి తీసుకువెళ్లి పరిష్కరించే ప్రయత్నం చేస్తానని తెలియజేశారు. సిబ్బంది అంతా వారి వారి విధులను నిర్వహించి ఈ ప్రభుత్వానికి మంచి పేరు తీసుకురావాలని తెలియజేశారు. వైద్యాధికారి మాట్లాడుతూ ఆశా కార్యకర్తలు 4 నెలల గర్భవతి నుండి కాన్ పైన సంవత్సరం వరకు కిల్ కర్రి ఫోన్ కాల్స్ పైన వారికి అవగాహన కల్పించాలని తెలియజేశారు .అలాగే ఈ నెలలో నిర్వహించే జాతీయ నులి పురుగుల దినోత్సవం అందరూ దిగ్విజయంగా పూర్తి చేయాలని దానికి సంబంధించిన ఏర్పాట్లను ఇప్పటినుంచే అన్ని ప్రభుత్వ ప్రైవేటు అంగన్వాడి పాఠశాలల యందు ప్రధానోపాధ్యాయులకు తెలియజేసి , చేతుల పరిశుభ్రత పైన అవగాహన కల్పించాలని తెలియజేశారు. కలెక్టర్ గారి ఆదేశాల మేరకు ఈరోజు ఆశ కార్యకర్తలు మరియు సిబ్బంది శ్రమదానం చేసి ఆసుపత్రి ఆవరణంలో ఉన్న మొక్కలను తొలగించడం జరిగింది. ఆసుపత్రిలో కాన్పులు అయ్యే విధంగా ఆశ కార్యకర్తలు గర్భవతులుకు అవగాహన కల్పించాలని తెలియజేయడమైనది. ఈ ఆశ యాప్ ను ప్రతిరోజు అప్డేట్ చేసుకొని పెండింగ్ వర్క్ ను ఎప్పటికప్పుడు పూర్తి చేయాలని తెలియజేశారు. అలాగే పొగాకు రహిత సమాజాన్ని నిర్మించడం కోసం పొగాకు ఉత్పత్తులను ప్రజలు వాడకుండా అవగాహన కల్పించాలని తెలియజేశారు. ఈ కార్యక్రమంలో సామాజిక ఆరోగ్య అధికారి మోహన్ రావు, పీహెచ్ఎం చెన్నమ్మ రామలక్ష్మమ్మ, హెల్త్ ఎడ్యుకేటర్ ఫాతిమా, సూపర్వైజర్ ఈశ్వరమ్మ, జానీ రాజ్, సీనియర్ అసిస్టెంట్ సునీత, హెల్త్ అసిస్టెంట్లు ధనుంజయ , ఆనంద్, శివానంద, ఫార్మసిస్ట్ మహబూబ్ బాషా, స్టాఫ్ నర్స్, అన్ని హెల్త్ వెల్నెస్ సెంటర్లలా మిడ్ లెవెల్ హెల్త్ ప్రొవైడర్స్, సచివాలయ మహిళా ఆరోగ్య కార్యకర్తలు, ఆశా కార్యకర్తలు, ఆఫీస్ సిబ్బంది పాల్గొనడం జరిగింది
 

ఘనంగా ప్రపంచ తల్లిపాల వారోత్సవాలు.. ముఖ్య అతిథులుగా హాజరైన ఎంపీపీ దాసరి సునీత గారు ఐ సి డి ఎస్ పి డి శ్రీదేవి.. 

 
 
  ఘనంగా ప్రపంచ తల్లిపాల వారోత్సవాలు.. ముఖ్య అతిథులుగా హాజరైన ఎంపీపీ దాసరి సునీత గారు ఐ సి డి ఎస్ పి డి శ్రీదేవి.. 
  

  
ప్రపంచ తల్లిపాల వారోత్సవాలు సందర్భంగా స్థానిక మండల పరిషత్ కార్యాలయము నందు ఎంపీపీ దాసరి సునీత గారి అధ్యక్షతన ఘనంగా జరిగింది. . ఈ సమావేశానికి ఐసిడిఎస్ ప్రాజెక్ట్ డైరెక్టర్ శ్రీదేవి గారు సిడిపిఓ ఉమా శర్మ గారు ఈ ఓ ఆర్ డి దామోదర్ అమ్మగారు ఏవో శ్రీవాణి గారు అంగన్వాడి సూపర్వైజర్ నాగమణి హేమలత అన్నపూర్ణ గారు అంగన్వాడి టీచర్లు మరియు గర్భవతులు పాలిచ్చు తల్లులు పాల్గొనడం జరిగింది.* - ఈ సందర్భంగా వారు మాట్లాడుతూ ప్రతి తల్లి కాన్పు అయిన గంటలోపు ముర్రు పాలు తన బిడ్డకు తాగించాలని, దీనివల్ల బిడ్డకు వ్యాధి నిరోధక శక్తి పెరిగి ఎటువంటి అంటూ వ్యాధులు రాకుండా తోడ్పడుతాయన్నారు. బిడ్డ అన్ని దశల్లోనూ ఆరోగ్యంగా ఉండడానికి అవకాశం ఉంటుందని, బిడ్డ మానసికంగా ఎదుగుదలకు తల్లిపాలు ఎంతో తోడ్పడతాయని తల్లిపాలుకు మించిన శక్తి, ఆహారం ఎందులోనూ ఉండదని తెలియజేశారు. అంతేకాక పుట్టినది మొదలు ఆరు నెలలు పాటు కేవలం తల్లిపాలే తాగించాలని, ఆరు నెలల తర్వాత రెండు సంవత్సరాలు తల్లిపాలుతోపాటు అనుబంధ ఆహారం ఇవ్వాలని, దీనివల్ల బిడ్డ మరియు తల్లి యొక్క ఆరోగ్యం సంపూర్ణంగా ఉంటుందని తెలియజేశారు. సూపర్వైజర్స్, అంగన్వాడీ టీచర్స్ అంగన్వాడి ఆయాలు, ప్రతి గర్భిణీ స్త్రీ కి, ప్రసవించిన ప్రతి తల్లికి, వారి ఇంటి నందు కుటుంబసభ్యులకు తల్లి పాలు ప్రాముఖ్యత గురించి అవగాహన కల్పించాలని తెలియజేశారు. ఈరోజు నుండే ఈ నెల ఏడో తేదీ దాకా ఏడు రోజులు పాటు ఆరోగ్య శాఖ క్షేత్రస్థాయి సిబ్బంది ప్రతి గ్రామంలోనూ అవగాహన కార్యక్రమాలు ఏర్పాటు చేయాలని తెలియజేశారు. కార్యక్రమం చివర్లో ప్రపంచ తల్లిపాల వారోత్సవాలకు సంబంధించిన పోస్టర్స్ ను విడుదల చేయడం జరిగింది. కార్యక్రమానికి హాజరైన సిబ్బంది చేత తల్లిపాలపై ప్రజలలో అవగాహన కల్పిస్తామని ప్రతిజ్ఞ చేయించడం జరిగింది. విచ్చేసిన గర్భవతులు, పాలిచ్చు తల్లులు మొదలగు వారు పాల్గొన్నారు.
 

Flash.. Flash.. తిరుమల లడ్డు ప్రసాదానికి 308 ఏళ్లు..

 
 
  తిరుమల లడ్డు ప్రసాదానికి 308 ఏళ్లు.. ఆంధ్ర ప్రదేశ్ తిరుమల తిరుపతి వెంకటేశ్వర స్వాములవారి అత్యంత ప్రీతికరమైన ప్రసాదం లడ్డు ఎవరైనా తిరుమల వెళ్లి వస్తే ముందుగా అడిగేది లడ్డు ఎంతో ప్రాముఖ్యత గల లడ్డుని తిరుమలలో ప్రసాదంగా పెట్టడం ప్రారంభించిన నేటి 308 ఏళ్ళు పూర్తయింది 1715 ఆగస్టు 2న లడ్డును ప్రసాదంగా పెట్టడం ప్రారంభించారు. ఆలయం లో స్వచ్ఛమైన శెనగపిండి పట్టిక బెల్లం నెయ్యి ఎండు ద్రాక్ష యాలుకలు జీడిపప్పు పచ్చ కర్పూరంతో ప్రత్యేకంగా తయారు చేస్తారు..
 

కొర్రపాడు ప్రాథమిక ఆరోగ్య కేంద్ర పరిధిలో ని బొమ్మలాటపల్లి విలేజ్ హెల్త్ క్లినిక్ ను ఆకస్మిక తనిఖీ నిర్వహించిన.. జిల్లా స్థాయి వైద్య నిపుణులు..

 
 
  కొర్రపాడు ప్రాథమిక ఆరోగ్య కేంద్ర పరిధిలో ని బొమ్మలాటపల్లి విలేజ్ హెల్త్ క్లినిక్ నకు జిల్లా ఫ్యామిలీ ఫిజిషియన్ కాన్సెప్ట్ అధికారి అయిన డాక్టర్ . V. సుజాత గారు మరియు,డాక్టర్ .V. రవిశంకర్ జిల్లా ప్రోగ్రాం ఆఫీసర్ గారు ఆకస్మికంగా తనిఖీ చేసి రికార్డు లను పరిశీలించి మరియు తల్లి పాల వారోత్సవాల కార్యక్రమం లో పాల్గొని గర్భిణీ లకు బాలింతలకు తల్లిపాలపై అవగాహన కల్పించారు. డాక్టర్ . R. వినోద్ కుమార్ గారు, C. సుధాకర్ రెడ్డి సర్పంచ్ గారు మాట్లాడుతూ తల్లిపాలు బిడ్డకు వరం లాంటివి, అమృతం లాంటివి కనుక ప్రతి గర్భిణీ కాన్పు అయిన వెంటనే బిడ్డకు తల్లి పాలు పట్టించాలని చెప్పడం జరిగినది. ఆరోగ్య విద్యా బోధకురాలు S. పర్వీన్ గారు మాట్లాడుతూ ముర్రు పాల ఆవశ్యకతను, తల్లిపాలవలన తల్లికి, బిడ్డకు కలిగే లాభలను, మరియు దూరమగు జబ్బులను గురించి వివరించడం జరిగింది. అలాగే తల్లిపాల వారోత్సవాలపై ర్యాలీ, గోడ ప్రతికలను విడుదల చేయడం జరిగినది. ఈ కార్యక్రమంలో సూపెర్వైసర్ B. శ్రీదేవి, ఎం. ల్. హెచ్. పి. రమ్యశ్రీ, ఎ. ఎన్. ఎం. S. ప్రియదర్శిని,V. రమేష్ బాబు,అంగన్వాడీ కార్యకర్త, ఆశాలు, గర్భవతులు, బాలింతలు, ఇతర సిబ్బంది కూడా పాల్గొనడం జరిగినది
 

అమ్మవారి పేట గ్రామంలో ఘనంగా తల్లిపాలు వారోత్సవాలు..

 
 
  అనంతపురం జిల్లా బుక్కరాయసముద్రం మండలంలోని అమ్మవారిపేట గ్రామం నందు తల్లిపాల వారోత్సవాల కార్యక్రమము నిర్వహించడం జరిగింది. ఈ కార్యక్రమంల ఐ.సి.డి.ఎస్. సూపర్వైజర్ బి అన్నపూర్ణాదేవి అధ్యక్షతన నిర్వహించడం జరిగినది. ఈ కార్యక్రమంలో తల్లిపాల విశిష్టతను తెలియజేస్తూ, బిడ్డ పుట్టిన గంట లోపల ముర్రుపాలుబిడ్డ కు త్రాగించాలని సూచించారు. అమ్మవారిపేట గ్రామంలోని వీధుల్లో ర్యాలీ నిర్వహించారు. కార్యక్రమంలో MLHP రామ హారిక, ANM నాగరత్నమ్మ, అంగన్వాడీ కార్యకర్తలు వెంకటలక్ష్మి, ఈశ్వరమ్మ, ఆశ ధనలక్ష్మి గ్రామంలోని గర్భవతులు, బాలింతలు, ఇతరులు పాల్గొన్నారు.
 

కుమారుడు ఆలూరు విరాట్ పుట్టినరోజు సందర్భంగా అనాథాశ్రమానికి విరాళం.. మాజీ ఎమ్మెల్యే జొన్నలగడ్డ పద్మావతి, ఆలూరు సాంబ శివారెడ్డి దంపతులు..

 
 
  కుమారుడు ఆలూరు విరాట్ పుట్టినరోజు సందర్భంగా అనాథాశ్రమానికి విరాళం.. ప్రతి ఏటా పుట్టినరోజున లక్ష విరాళం అందిస్తాం .. మాజీ ఎమ్మెల్యే జొన్నలగడ్డ పద్మావతి, ఆలూరు సాంబ శివారెడ్డి దంపతులు. వైసీపీ మాజీ ఎమ్మెల్యే జొన్నలగడ్డ పద్మావతి, ఆలూరు సాంబ శివారెడ్డి దంపతుల తనయుడు ఆలూరు విరాట్ పుట్టిన రోజు వేడుకలు ఘనంగా జరిగాయి. చెరువుకట్ట మీద ఉన్న షిరిడి సాయి దేవాలయానికి కుటుంబ సభ్యులతో వెళ్లి సాయిబాబాను దర్శించుకున్నారు. అర్చకులు పూజలు నిర్వహించారు. నార్పల మండలం కురగానపల్లి గ్రామంలో ఉన్న చిన్న కేశవ అనాథ ఆశ్రమానికి ఆలూరు దంపతుల కుమారుడు ఆలూరు విరాట్ జన్మదినం సందర్భంగా రూ.1,00,000/ లక్ష రూపాయల విరాళాన్ని అందజేశారు. ఈ సందర్భంగా ఆలూరు దంపతులు మాట్లాడుతూ.. తమ కుమారుడు విరాట్ పది సంవత్సరాలు పూర్తి చేసుకుని 11వ సంవత్సరంలోకి అడుగుపెడుతున్నాడని చెప్పారు. తమ కుమారుని పుట్టినరోజున ప్రతి ఏటా చిన్న కేశవ అనాథ ఆశ్రమానికి లక్ష రూపాయలు అందజేస్తామని వారు తెలిపారు. ఆశ్రమంలో ఉన్న అవ్వ తాతలకు ఎలాంటి ఇబ్బందులు లేకుండా చూసుకోవాలి ఆశ్రమ నిర్వాహకులను కోరారు. మీ అందరి ఆశీస్సులు, దీవెనలు తమ కుమారునికి అందించాలని కోరారు.
 

కల్లూరు వద్ద స్టేట్ బ్యాంక్ ఏటిఎం లో చోరి చేసిన దుండుగలు..

 
 
  అనంతపురం జిల్లా గార్లదిన్నె మండలం కల్లూరు వద్ద స్టేట్ బ్యాంక్ ఏటిఎం లో చోరి చేసిన దుండుగలు గ్యాస్ కట్టర్ తో ఏటీఎం ను పగలగొట్టి అందులో ఉన్న నగదు దోచుకెళ్లిన దుండుగులు సంఘటన స్థలనికి పోలీసులు చేరుకొని దర్యాప్తు చేస్తున్నారు.
 

సరసమైన ధరలకు, నాణ్యమైన సరుకుల అమ్మకాలు మరింత పెంచాలి.. జిల్లాలో 51 ప్రత్యేక కౌంటర్ల ఏర్పాటు.. జిల్లా కలెక్టర్ డాక్టర్ వినోద్ కుమార్.వి, ఐ.ఏ.ఎస్.

 
 
  నగరంలోని రైతుబజార్ ని, జిల్లా ఉద్యానశాఖ కార్యాలయాన్ని తనిఖీ చేసిన జిల్లా కలెక్టర్ అనంతపురం, ఆగస్టు 02 సరసమైన ధరలకు అందించే నాణ్యమైన సరుకులు అమ్మకాలను మరింత పెంచాలని జిల్లా కలెక్టర్ డాక్టర్ వినోద్ కుమార్.వి, ఐ.ఏ.ఎస్ సంబంధిత అధికారులను ఆదేశించారు. శుక్రవారం అనంతపురం నగరంలోని రైతుబజార్ లో రైతు బజార్లు మరియు పెద్ద సంస్థాగత దుకాణాల వద్ద సరసమైన ధరలలో అందించే నాణ్యమైన సరుకులు అమ్మకం స్టోర్ ని జిల్లా కలెక్టర్ తనిఖీ చేశారు. ఈ సందర్భంగా జిల్లా కలెక్టర్ మాట్లాడుతూ నాణ్యమైన సరుకుల అమ్మకాలపై విస్తృత ప్రచారం కల్పించాలని ఆదేశించారు. బయట మార్కెట్ కన్నా తక్కువగా అందించే నాణ్యమైన సరుకులు అమ్మకాలను వినియోగదారులు సద్వినియోగం చేసుకునేలా చూడాలన్నారు. వినియోగదారుల వ్యవహారాలు, ఆహార మరియు పౌర సరఫరాల శాఖ ఆధ్వర్యంలో రైతు బజార్లు మరియు పెద్ద సంస్థాగత దుకాణాల వద్ద తక్కువ ధరలకు నిత్యావసర సరుకులను అందించడం జరుగుతోందన్నారు. ప్రస్తుతం బయట మార్కెట్లో నిత్యవసర సరుకులైన కందిపప్పు (దేశవాళి) కిలో ధర 181 రూపాయలు, బియ్యం (స్టీమ్డ్, బిపిటి/సోనామసూరి)కిలో ధర 55.85 రూపాయలు, బియ్యం (పచ్చి, బిపిటి/సోనామసూరి) కిలో ధర 52.40 రూపాయలు ఉందన్నారు. గత నెల జులై 11 వతేదీ నుంచి 31వ తేదీ వరకు రైతు బజార్ లో కందిపప్పు (దేశవాళి) కిలో ధర 160 రూపాయలు, బియ్యం (స్టీమ్డ్, బిపిటి/సోనామసూరి)కిలో ధర 49 రూపాయలు, బియ్యం (పచ్చి, బిపిటి/సోనామసూరి) కిలో ధర 48 రూపాయల తక్కువ ధరకు విక్రయించడం జరిగిందన్నారు. ప్రస్తుతం నాణ్యమైన సరుకుల ధరలను మరింత తగ్గించి జిల్లాలోని రైతు బజార్లు మరియు పెద్ద సంస్థాగత దుకాణాల వద్ద కందిపప్పు (దేశవాళి) కిలో ధర 150 రూపాయలు, బియ్యం (స్టీమ్డ్, బిపిటి/సోనామసూరి)కిలో ధర 48 రూపాయలు, బియ్యం (పచ్చి, బిపిటి/సోనామసూరి) కిలో ధర 47 రూపాయలకు అందించడం జరుగుతోందన్నారు. ఆహార మరియు పౌర సరఫరాల శాఖ ఆధ్వర్యంలో అతి తక్కువ ధరలకు అందించే నాణ్యమైన సరుకులను అందరూ ఉపయోగించుకోవాలని కోరారు. జిల్లాలో 51 ప్రత్యేక కౌంటర్ల ద్వారా అమ్మకాలు చేపట్టాలి. జిల్లాలో 51 ప్రత్యేక కౌంటర్ల ద్వారా సరసమైన ధరలలో అందించే నాణ్యమైన సరుకుల అమ్మకాలు చేపట్టాలన్నారు. అనంతపురం నగరంలోని రైతు బజార్, రుద్రంపేటలోని రెవెన్యూ సూపర్ మార్కెట్ (డి-మార్ట్), శ్రీనివాస్ నగర్ లోని రిలయన్స్ మార్ట్, ఆకుతోటపల్లిలోని రిలయన్స్ రిటైల్ లిమిటెడ్, కళ్యాణదుర్గం బైపాస్ రోడ్డులోని రిలయన్స్ రిటైల్ లిమిటెడ్ లో, రాంనగర్ లోని రిలయన్స్ మార్ట్ లో, రామచంద్ర నగర్ లోని విశాల్ మైగా మార్ట్ లో, టీచర్స్ కాలనీలోని ఎస్సీ డిగ్రీ కాలేజ్ వద్దనున్న మోర్ సూపర్ మార్కెట్లో, ఐదవ రోడ్డులోని మోర్ సూపర్ మార్కెట్లో నాణ్యమైన సరుకుల అమ్మకాలు చెప్పడం జరుగుతుందన్నారు. అలాగే ఆత్మకూరు మండల కేంద్రంలోని వాసవి రిటైల్ షాప్ లో, బెలుగుప్ప మండల కేంద్రంలోని జనరల్ స్టోర్ లో, బుక్కరాయసముద్రంలోని సూపర్ కే మాల్ లో, బొమ్మనహల్ లోని హోల్ సేలర్స్ వద్ద, బ్రహ్మాసముద్రంలోని జనరల్ స్టోర్ లో, డీ.హీరేహల్ లో హోల్ సేలర్స్ వద్ద, గార్లదిన్నెలోని విలేజ్ మార్ట్ లో, గుత్తి పట్టణంలోని హోల్ సేలర్స్ వద్ద మరియు అనంతపురం రోడ్డులోని మోర్ సూపర్ మార్కెట్ లో, గుమ్మగట్ట మండల కేంద్రంలోని జనరల్ స్టోర్ లో, గుంతకల్లు పట్టణంలోని రిలయన్స్ రిటైల్ లిమిటెడ్ లో, గోకుల్ కిరాణా షాప్, ఎస్.ఎల్.వి టాకీస్ వద్ద ఉన్న మోర్ సూపర్ మార్కెట్లో, మున్సిపల్ కార్యాలయం ఎదురుగా ఉన్న సెవెన్ హిల్స్ సూపర్ బజార్ లో, ఎన్టీఆర్ సర్కిల్ లోని హోల్ సేలర్స్ వద్ద అమ్మకాలు జరుగుతాయన్నారు. కళ్యాణదుర్గం పట్టణంలోని కన్యకా పరమేశ్వరి కాంప్లెక్స్ లో, హోల్ సేలర్స్ వద్ద & రిటైలర్స్ వద్ద, కంబదూరు మండల కేంద్రంలోని ఎన్టీఆర్ సర్కిల్ లో ఉన్న హోల్ సేలర్స్ వద్ద, కనేకల్లు పట్టణంలోని శ్రీ చిక్కనేశ్వర షాపులో, కూడేరులోని విలేజ్ మార్ట్ లో, కుందుర్పిలోని హోల్ సేలర్స్ లో, నార్పలలోని మహిళా మార్ట్, పామిడిలోని హైపర్ మార్ట్, పెద్దపప్పూరులోని జనరల్ స్టోర్ లో, పెద్దవడుగూరులోని హోల్ సేలర్స్ లో, పుట్లూరులోని హోల్ సేలర్స్ లో, రాప్తాడులోని సూపర్ మార్ట్ లో, రాయదుర్గం పట్టణంలోని రిలయన్స్ రిటైలర్ లిమిటెడ్, నీలకంటేశ్వర ట్రేడర్స్ వారి హోల్ సేలర్స్ లో, సెట్టూరు మండల కేంద్రంలోని జనరల్ స్టోర్ లో, సింగనమలలోని జనరల్ స్టోర్ లో, తాడిపత్రి పట్టణంలోని తాలూకా కార్యాలయం ఎదురుగా ఉన్న రిలయన్స్ రిటైల్ లిమిటెడ్, కృష్ణాపురం జీరో రోడ్డులోని రిలయన్స్ రిటైల్ లిమిటెడ్, ద మండి మర్చంట్ అసోసియేషన్ వారి హోల్ సేలర్స్ వద్ద, సీబీ రోడ్డులోని మోర్ సూపర్ మార్కెట్లో, ఎల్&టి అల్ట్రాటెక్ క్యాంపస్ లోని మోర్ సూపర్ మార్కెట్లో మరియు రామచంద్ర నగర్ లోని విశాల్ మెగా మార్ట్ లో, ఉరవకొండ పట్టణంలోని ఓల్డ్ బస్టాండ్ వద్దనున్న హోల్ సేలర్స్ వద్ద, కవిత హోటల్ వద్దనే ఉన్న హోల్ సేలర్స్ వద్ద, వజ్రకరూరు మండల కేంద్రంలోని ఆర్కే జనరల్ స్టోర్ లో, విడపనకల్లోని హోల్ సేలర్స్ వద్ద, యాడికిలోని హోల్ సేలర్స్ వద్ద, యల్లనూరు మండల కేంద్రంలోని జనరల్ స్టోర్ లో సరసమైన ధరలలో అందించే నాణ్యమైన సరుకుల అమ్మకం చేపట్టడం జరుగుతోందన్నారు. అమ్మకాలను ప్రతి ఒక్కరూ సద్వినియోగం చేసుకోవాలని సూచించారు. ఈ సందర్భంగా రైతు బజార్ లో ఎన్ని షాపులు ఉన్నాయి, ఎన్ని షాపులను లీజుకు ఇవ్వడం జరిగింది, తదితర వివరాలను జిల్లా కలెక్టర్ అధికారులను అడిగి తెలుసుకున్నారు. అనంతరం షాప్ యజమానులతో మాట్లాడుతూ ఎన్ని సంవత్సరాలు నుంచి షాప్ లను నడుపుతున్నారు, బాగా వ్యాపారం జరుగుతుందా, అంటూ వివరాలు ఆరా తీశారు. జిల్లా ఉద్యానశాఖ కార్యాలయాన్ని తనిఖీ చేసిన జిల్లా కలెక్టర్. అనంతరం జిల్లా ఉద్యానశాఖ కార్యాలయాన్ని, ఎపిఎంఐపి కార్యాలయాన్ని, ఉద్యానశాఖ శిక్షణా కార్యాలయాన్ని జిల్లా కలెక్టర్ తనిఖీ చేశారు. ఆయా కార్యాలయాలకు ISO 9001:2015 సర్టిఫికేట్ లు వచ్చేలా చర్యలు తీసుకోవాలని అధికారులకు జిల్లా కలెక్టర్ సూచించారు. ఆయా కార్యాలయాల ద్వారా నాణ్యమైన సేవలు అందించాలని ఆదేశించారు. ఈ కార్యక్రమంలో ఇన్చార్జ్ ఆర్డీఓ వసంత బాబు, డిఎస్ఓ శోభారాణి, ఉద్యాన శాఖ జిల్లా అధికారి నరసింహారావు, ఏపీఎంఐపి పిడి రఘునాథరెడ్డి, మార్కెటింగ్ ఏడీ సత్యనారాయణ చౌదరి, డిప్యూటీ తహసీల్దార్ పునీత్, రైతు బజార్ అధికారులు, ఆయా శాఖల సిబ్బంది, తదితరులు పాల్గొన్నారు.
 

సుప్రీం కోర్ట్ తీర్పు హర్షినియం.. మాదిగ మందకృష్ణకి, చంద్రబాబు నాయుడుకి, నరేంద్ర మోడీకి ప్రత్యేక ధన్యవాదాలు తెలిపిన.. మొండి పోగుల ఎర్రి స్వామి..

 
 
  సుప్రీం కోర్ట్ తీర్పు హర్షినియం.. మాదిగ మందకృష్ణ గారికి, చంద్రబాబు నాయుడుకి, నరేంద్ర మోడీకి ప్రత్యేక ధన్యవాదాలు తెలిపిన టిడిపి జిల్లా సోషల్ మీడియా కోఆర్డినేటర్ మొండి పోగుల ఎర్రి స్వామి* ఎస్సీ, ఎస్టీ వర్గీకరణపై సుప్రీంకోర్టు తీర్పు వంద తరాల భవిష్యత్తును నిర్దేశించబోతుందని ఈ విజయంతో మాదిగ, ఉపకులాలు ముందడుగు వేస్తాయి. ఈ సందర్భంగా *మొండి పోగుల ఎర్రి స్వామి* మాట్లాడుతూ జాతి గుండెల్లో చిరస్థాయిగా నిలిచి ఉంటారని దశాబ్దల కాలం నుండి ఎస్సీల్లో వెనకబడిన కులాలకు న్యాయం జరగడం లేదని ఏ బి సి డి వర్గీకరణ చేస్తేనే మాదిగ మాదిగ ఉప కులాలకు న్యాయం జరుగుతుందని భావించి పోరాటం కొనసాగించిన మందకృష్ణ మాదిగ గారి పోరాటంతో భారతదేశం మొత్తం మాదిగ మాదిగ ఉపకులలకు జరుగుతున్న అన్యాలను చవి చూసిన నేపథ్యంలో భారతదేశ ప్రధాని నరేంద్ర మోడీ గారు మాదిగ మాదిగ ఉపకులాలకు జరుగుతున్న అన్యాయాలపై ఎస్సీ ఉప కులాలకు వర్గీకరణ చేస్తేనే న్యాయం జరుగుతుందని భావించిన ఏకైక వ్యక్తి భారతదేశ ప్రధాని నరేంద్ర మోడీ గారు మాదిగ మాదిగ ఉపకులకు మద్దతుగ నిలబడి మాదిగ ఉప కులాలకు సంబంధించి హైదరాబాదులో జరిగిన బహిరంగ సభలో ఇచ్చిన మాట మేరకు నెరవేర్చిన ప్రధాని నరేంద్ర
 

మతసామరస్యానికి ప్రత్యేకత గూగూడు కుళ్లాయిస్వామి, ఆంజనేయ స్వాములు వారిని దర్శించుకున్న.. వైసీపీ మాజీ ఎమ్మెల్యే జొన్నలగడ్డ పద్మావతి..

 
 
   మతసామరస్యానికి ప్రత్యేకత గూగూడు కుళ్లాయిస్వామి, ఆంజనేయస్వామి ఆలయాలు దేశంలోనే గొప్ప పుణ్యక్షేత్రంగా నిలిచాయని శింగనమల మాజీ ఎమ్మెల్యే జొన్నలగడ్డ పద్మావతి అన్నారు. నార్పల మండలం గూగూడు గ్రామంలో వెలసిన కుళ్లాయిస్వామి, ఆంజనేయ స్వామి, సమీపంలోని పెద్దమ్మ స్వామిని కుటుంబ సభ్యులతో కలసి దర్శించుకున్నారు. గ్రామస్తులు సన్నాయి వాయిద్యాలతో ఘనంగా స్వాగతం పలికారు. కుళ్లాయి స్వామికి చెక్కర చదివింపులు చేయించారు. ఆంజనేయ స్వామి దేవాలయంలో ప్రత్యేక పూజలు నిర్వహించారు. అర్చకులు ప్రత్యేక దర్శనం చేయించి శాలువాలతో సత్కరించారు. ఈ కార్యక్రమంలో సర్పంచు, వైస్సార్సీపీ నాయకులు, కార్యకర్తలు, తదితరులు పాల్గొన్నారు.