KCR: ఆరు నూరైన తెలంగాణకు అన్యాయం
జరగనివ్వను 

 
 
  
  

  

  [ Streetbuzz News Crime journalist]
  

  
(నల్గొండ 13-పిబ్రవరి):- ఆరు నూరైనా తెలంగాణకు అన్యాయం జరగనివ్వనని భారాస అధినేత కేసీఆర్‌ స్పష్టం చేశారు. నల్గొండ శివారులోని మర్రిగూడ బైపాస్‌ వద్ద ఏర్పాటు చేసిన బహిరంగ సభలో ఆయన పాల్గొని ప్రసంగించారు.కృష్ణా జలాల కోసం చావో రేవో తేల్చుకోవాల్సిన సమయం వచ్చిందని ప్రజలకు పిలుపునిచ్చారు. ‘‘కాలు విరిగినా కట్టె పట్టుకొని నల్గొండకు వచ్చా. ఇది రాజకీయ సభ కాదు.. ఉద్యమ సభ, పోరాట సభ.  ఫ్లోరైడ్‌ వల్ల నల్గొండ ప్రజల నడుములు వొంగిపోయాయి. ఆ నాడు బాధితులను దిల్లీకి తీసుకెళ్లి అప్పటి ప్రధానికి చూపించాం. నీళ్లు లేకపోతే తెలంగాణ ప్రజలకు బతుకు లేదు. 24 ఏళ్లుగా పక్షిలాగా తిరిగి రాష్ట్రం మొత్తం చెప్పాను. తెరాస ప్రభుత్వం వచ్చాకే ఫ్లోరైడ్‌ సమస్య పోయింది. ఇప్పుడు నల్గొండ జిల్లా ఫ్లోరైడ్‌ రహిత జిల్లాగా మారింది. పోరాటం చేసి.. రాష్ట్రం తెచ్చి పదేళ్లు పాలించా. నా పాలనలో ఎవరికీ తక్కువ చేయలేదు. కొందరు ఓట్లు వచ్చినప్పుడే ప్రజల వద్దకు వస్తారు. నా ప్రాంతం, నా గడ్డ అనే ఆరాటం ఉంటే.. ఎక్కడివరకైనా  పోరాడవచ్చు. పక్కనే కృష్ణమ్మ ఉన్నా.. ఫలితం లేకపాయే అని అప్పట్లో నేనే పాట రాశా. బస్వాపూర్‌ ప్రాజెక్టు పూర్తయ్యింది, దిండి ప్రాజెక్టు పూర్తి కావొచ్చింది. పాలమూరు- రంగారెడ్డి ప్రాజెక్టు పనులు 80శాతం పూర్తయ్యాయి. ఖమ్మం, నల్గొండ, మహబూబ్‌నగర్‌, రంగారెడ్డి, హైదరాబాద్‌ జిల్లాల జీవన్మరణ సమస్య కృష్ణా జలాలు. ఏడాది పాటు తాత్కాలిక ప్రాతిపదికన కృష్ణా జలాలు కేటాయించారు. కృష్ణా జలాల్లో తెలంగాణకు సగం వాటా కేటాయించాలని కేంద్రాన్ని ఎన్నో సార్లు అడిగాం. ఇప్పుడు కృష్ణా జలాల్లో వాటా కోసం ట్రైబ్యునల్‌ ముందు పోరాడాలి. తెలంగాణకు అన్యాయం జరిగితే చివరి శ్వాస వరకు పులిలా కొట్లాడతా.. పిల్లి మాదిరిగా ఉండను.  *కాళేశ్వరం ప్రాజెక్టు అంటే ఆట బొమ్మ కాదు..* కేసీఆర్‌ను తిరగనివ్వమంటున్నారు.. అంత మొనగాళ్లా? మీకు దమ్ముంటే మాకంటే గొప్పగా పాలించి చూపించండి. మేడిగడ్డకు వెళ్లి ఏం చేశారు.. అసెంబ్లీ అయ్యాక మేమూ వెళ్తాం. ఇప్పుడు కూడా ప్రాణహితలో 5వేల క్యూసెక్కుల ప్రవాహం ఉంది. దమ్ముంటే.. ప్రాణహితలో నీటిని ఎత్తిపోయాలి. కేసీఆర్‌ను బద్నాం చేయాలని .. పొలాలు ఎండబెడతారా? కాళేశ్వరం ప్రాజెక్టు అంటే ఒక ఆటబొమ్మకాదు. ప్రాజెక్టులో 200 కి.మీ సొరంగాలు, 1500 కి.మీ కాల్వలు ఉంటాయి. రెండు మూడు పిల్లర్లు కుంగిపోయాయన్నది వాస్తవమే. ఎన్నిసార్లు ఇలా పిల్లర్లు కుంగిపోలేదు.. సాగర్‌లో కుంగలేదా? రైతు బంధు అడిగితే చెప్పుతో కొడతానంటారా.. ఎన్ని గుండెలు మీకు. మంత్రులకు అంత కండకావరమా.. కళ్లు నెత్తికెక్కాయా? పంటలు పండించే రైతులకు కూడా చెప్పులు ఉంటాయి. రైతు చెప్పుతో కొడితే మూడు పళ్లు రాలిపోతాయి. మీకు చేతకాకపోతే.. చేతకాదని చెప్పాలి’’ అని కేసీఆర్‌ అన్నారు. భారాస నేతలు కేటీఆర్‌, హరీశ్‌రావు, జగదీశ్‌రెడ్డి, నిరంజన్‌రెడ్డి, కేశవరావు తదితరులు సభలో పాల్గొన్నారు. కొన్ని నెలల విరామం తర్వాత ప్రజాక్షేత్రంలోకి వచ్చిన కేసీఆర్‌కు పార్టీ నేతలు, కార్యకర్తలు ఘన స్వాగతం పలికారు.
 

నేను సైతం అనే కార్యక్రమం లో భాగంగా సీసీ కెమెరాల ఏర్పాటు




రిమ్మనగూడ గ్రామపంచాయతీ పక్కన ఉన్న గల్లీలో నేను సైతం అనే కార్యక్రమంలో భాగంగా నాలుగు సీసీ కెమెరాలు ఏర్పాటు చేశారు
[ Streetbuzz News Crime journalist ]
సిద్దిపేట జిల్లా:

(గజ్వేల్ నియోజకవర్గం 13పిబ్రవరి) :- రిమ్మనగూడ గ్రామంలో గ్రామపంచాయతీ పక్క గల్లిలో గత కొన్ని రోజుల క్రితం ఒక దొంగతనం జరిగింది అట్టి విషయంలో గజ్వేల్ సిఐ సైదా గ్రామాన్ని సందర్శించి కాలనీ రక్షణ గురించి నేను సైతం కార్యక్రమంలో భాగంగా సీసీ కెమెరాలు ఏర్పాటు చేసుకోవాలని గల్లి వాసులకు తెలపగా గల్లీలో ఉన్న పెద్దలు అందరూ కలిసి నాలుగు సీసీ కెమెరాలు ఏర్పాటు చేసుకున్నారు. మంగళవారం రోజు వాటిని గజ్వేల్ సీఐ సైదా ప్రారంభించారు.ఈ సందర్భంగా సీఐ సైదా మాట్లాడుతూ సీసీ కెమెరాల ఏర్పాటుకు సహకరించిన గల్లీ పెద్దలను అభినందించి.సీసీ కెమెరాల వల్ల ఎన్నో ఉపయోగాలు ఉన్నాయని సిసి కెమెరాలు ఉన్న గ్రామాలలో ఎలాంటి కేసులు నమోదు కావడం లేదని, గ్రామంలో ఏ చిన్న సంఘటన జరిగినా సీసీ కెమెరాల ద్వారా వెంటనే తెలుసుకోవచ్చని సీసీ కెమెరాలు మరింత భద్రత కల్పిస్తాయని తెలిపినారు. గ్రామంలో రాత్రింబవళ్లు 24 గంటలు ప్రజలకు రక్షణ గా నిలుస్తాయని తెలిపినారు. మరియు పోలీస్ స్టేషన్ పరిధిలోని సీసీ కెమెరాలు లేని గ్రామస్తులు సీసీ కెమెరాలు ఏర్పాటు గురించి ముందుకు వచ్చి పోలీస్ పోలీస్ శాఖకు సహకరించాలని కోరారు.ఈ సందర్భంగా గ్రామస్తులతో కలసి గ్రామంలో పోలీస్ శాఖ తరపున ఏమైనా రక్షణ అవసరాలు ఉన్నాయా అడిగి తెలుసుకున్నారు. గ్రామంలో ఏ సమస్య ఉన్నా వెంటనే తెలపాలని సూచించారు. గ్రామంలో ఎలాంటి చట్టవ్యతిరేకమైన కార్యక్రమాలు బెల్ట్ షాపులు, గుట్కాలు, ఎవరైనా అమ్మితే మరియు గ్రామంలో పేకాట ఆడితే వెంటనే పోలీస్ స్టేషన్ కు సమాచారం అందించాలని సూచించారు. సమాచారం అందించిన వారి పేర్లు గోప్యంగా ఉంచుతామని తెలిపిన గజ్వేల్ ఇన్స్పెక్టర్ బి. సైదా .

గజ్వేల్ లో రక్తదాన శిబిరం లో పాల్గొని రక్త దానం చేసిన ఏసిపి రమేష్


ఆపన్న హస్త మిత్రబృందం ఆధ్వర్యంలో రక్త దాన శిభిరం



[ Streetbuzz News Crime journalist]



సిద్దిపేట జిల్లా :

(గజ్వేల్):- గజ్వేల్ పట్టణంలోని సమీకృత కూరగాయల మార్కెట్ లో మంగళవారం ఆపన్న హస్త మిత్రబృందం ఆధ్వర్యంలో రక్త దాన శిభిరం ఏర్పాటు చేశారు ఈ రక్త దానం శిబిరాన్ని ప్రారంభించిన ఎమ్మెల్సీ యాదవరెడ్డి, ఏసిపి రమేష్ ముఖ్య అతిథులుగా హాజరై ప్రారంభించారు అలాగే ఏసిపి రమేష్ నేను సైతం అంటూ రక్త దానం చేశారు. ఈ సందర్భంగా వారు మాట్లాడుతూ అప్పన్న హస్త మిత్రబృందం సేవలు అభినందనీయమని వినూత్న సేవా కార్యక్రమాలలో మంచి గుర్తింపు తెచ్చుకుని పలువురికి ఆదర్శంగా నిలుస్తున్న ఆపన్న ఆస్తమిత్ర బృందం సేవలు మరింత విస్తృతం చేయాలని ఈ రోజు ఏర్పాటు చేసిన రక్తదాన శిబిరంలో నాకు కూడా రక్తదానం చేయడానికి అవకాశం కల్పించడం సంతోషంగా ఉందని రక్త దానం ప్రాణదానంతో సమానమని ప్రతి ఒక్కరు రక్తదానం చేయడానికి ముందుకు రావాలని అన్నారు .ఈ కార్యక్రమంలో ఆపన్న ఆస్త మిత్ర బృందం మరియు నాయకులు వైద్య సిబ్బంది తదితరులు పాల్గొన్నారు.

విద్యుత్ షాక్ తో తాటి కమ్మల గుడిసె దగ్దం కావడంతో వారి కుటుంబానికి బియ్యం అందజేసిన జిల్లా యువజన కాంగ్రెస్ నాయకులు



తాటికమ్మలగుడిసే విద్యుత్ షాక్ తో పూర్తి గా దగ్ధం అవ్వగా జిల్లా కాంగ్రెస్ యువజన నాయకులు ముక్కాముల శేఖర్ యాదవ్ వారి కుటుంబానికి బియ్యం అందజేశారు.
[ Streetbuzz News Crime journalist]
నల్లగొండ జిల్లా:

(నకిరేకల్ నియోజకవర్గం):-
 కట్టంగూర్ గాంధీనగర్ జంగాల కాలనీ లో పర్వతం సైదులు తాటి కమ్మలగుడిసె విద్యుత్ షాక్ తో పూర్తి గా దగ్ధం ఐన విషయం తెలిసిన జిల్లా కాంగ్రెస్ యవజన నాయకులు ముక్కాముల శేఖర్ యాదవ్ పరిశీలించి వారి కుటుంబానికి బియ్యం అందజేశారు.వారి వెంట మాజీ వార్డ్ నెంబర్ ఏనుగు సైదులు,పర్వతం మహేష్,సిరిసల ఉపేందర్, కాలేం సైదులు, నర్సింగ్ సంతోష్ గౌడ్,తదితరులు పాల్గొన్నారు.

ఇసుక అక్రమ రవాణా పై, డంపులపై సిద్దిపేట టాస్క్ ఫోర్స్ పోలీసుల దాడులు










ఎలాంటి ప్రభుత్వ అనుమతి లేకుండా కుకునూరు పల్లి గ్రామ శివారులో రెండు ట్రాక్టర్లల్లో అక్రమంగా ఇసుక తరలిస్తుండగా మరియు వంటిమామిడి గ్రామ శివారులో అక్రమ ఇసుక డంపులను పట్టుకున్న సిద్దిపేట టాస్క్ ఫోర్స్ పోలీసులు
[ Streetbuzz News Crime journalist ]
సిద్దిపేట జిల్లా:

(గజ్వేల్ నియోజకవర్గం 12-పిబ్రవరి ):- .కుకునూరు పల్లి గ్రామ శివారులో రెండు ట్రాక్టర్లల్లో అక్రమంగా ఇసుక తరలిస్తున్నారని నమ్మదగిన సమాచారం పై సోమవారం టాస్క్ ఫోర్స్ పోలీస్ అధికారులు సిబ్బంది వెళ్లి దాడి చేసి రెండు టాక్టర్లను పట్టుకొని కుకునూరుపల్లి పోలీసులకు అప్పగించగా వారు విచారణ జరిపి తగు చర్యలు తీసుకుంటారని, మరియు ములుగు పోలీస్ స్టేషన్ పరిధిలోని వంటిమామిడి గ్రామ శివారులో అక్రమంగా ఇసుక డంపులు ఉన్నాయని నమ్మదగిన సమాచారం రాగా వెళ్లి పట్టుకుని ములుగు పోలీసులకు అప్పగించారు. వారు తదుపరి విచారణ జరిపి తగు చర్యలు తీసుకుంటారని ,ఈ సందర్భంగా టాస్క్ ఫోర్స్ అధికారులు మాట్లాడుతూ ఎలాంటి ప్రభుత్వ అనుమతి లేకుండా ఇసుక, పిడిఎస్ రైస్, అక్రమ రవాణా చేసిన మరియు పేకాట, జూదం, గంజాయి ఇతర మత్తు పదార్థాలు విక్రయించిన కలిగి ఉన్న చట్ట వ్యతిరేక కార్యక్రమాలకు పాల్పడుతున్నటువంటి సమాచారం ఉంటే వెంటనే సిద్దిపేట టాస్క్ ఫోర్స్ ఆఫీసర్స్ 8712667447, 8712667446, నెంబర్లకు సమాచారం అందించాలని కోరారు. సమాచారం అందించిన వారి పేర్లను గోప్యంగా ఉంచుతామని అధికారులు ఒక ప్రకటనలో తెలిపారు.

వ్యాపారాల నుండి దాసరం గుట్టను కాపాడాలని కోరుతూ అదనపు కలెక్టర్ గరిమ అగర్వాల్ వారికి వినతి*


[ Streetbuzz News Crime journalist]

[సిద్దిపేట కలెక్టరేట్]

రియలేస్టేట్:
(సిద్దిపేట జిల్లా):- తెలంగాణ రాష్ట్రంలోనే ప్రముఖ పుణ్యక్షేత్రం శ్రీ కొమురవెల్లి మల్లికార్జున స్వామి ఆలయం చుట్టూ ఉన్న దాసరం గుట్టను కబ్జా చేస్తున్నారని వారి నుండి గుట్టను కాపాడాలని సీపీఎం జిల్లా కమిటీ సభ్యులు బద్దీపడిగా కృష్ణారెడ్డి అన్నారు. సోమవారం రోజున ప్రజావాణి లో అదనపు కలెక్టర్ గరిమ అగర్వాల్ కు సీపీఎం అద్వర్యం లో వినతిపత్రాన్ని అందజేశారు.
వందల సంవత్సరాల నుండి దాసారం గుట్ట కొమురవేల్లి మల్లన్న గుడి పరిధి లో ఉందని దీని సర్వేనెంబర్ 305 లో 22 ,ఎకరాల 10 గుంటల భూమి దొరల కాలం నుండి ప్రభుత్వ భూమిని దేవాలయానికి వచ్చే విధంగా చూసేంతవరకు ఈ భూమిని బ్లాక్ లిస్టులో పెట్టాలని కావున దేవాలయం ద్వారా కానీ ప్రభుత్వం ద్వారా ఈ భూమిని కొమరవెల్లి మల్లన్నకు తీసుకోవాలని అప్పటివరకు ఈ భూమి క్రయవిక్రయాలు జరగకుండా ఆపాలని కొమరవెల్లి మండల అన్ని గ్రామాల నుండి ప్రజలు కోరుకుంటున్నారని కావున సీపీఎం కొమురవెల్లి మండల కమిటీ ఆధ్వర్యంలో హైకోర్టులో ఈ భూమిని కొమురవెల్లి మల్లన్నకు కేటాయించాలని కేసు కూడా ఉందని పలుమార్లు దేవాలయ ఈఓ గారిని కలిసి మెమోరాండం కూడా ఇవ్వడం జరిగిందని, కొమురవెల్లి మల్లన్న వసతి గృహాలకు గుట్ట పైకి వెళ్లే రోడ్లకు దాదాపు 7 కోట్ల రూపాయలు రోడ్లకు ఖర్చు పెట్టినారని అయినా ఆ డబ్బులు వృదా అయినవి తప్ప ఉపయోగం లొకి రాలేదు. ప్రజా ప్రతినిధులు వాళ్ల స్వప్రయోజనాలకు కమిషన్లకు కకృతి పడి మల్లన్నకు భూములు తీసుకోవడంలో విఫలమైనారు , డబ్బులు ఖర్చు పెట్టేటప్పుడు దేవాలయానికి పెద్ద ఆస్తి వచ్చేది కావున ఇప్పటికైనా ప్రభుత్వ వారధిగా ప్రధానంగా అధికారులుగా ఈ భూమిని దేవస్థానానికి వచ్చే విధంగా క్రయవిక్రయాలు జరగకుండా భూమిని బ్లాక్ లిస్ట్లో పెట్టించి కొమురవెల్లి మల్లన్న కు దాసారం గుట్ట ని హిటాచీల ద్వారా గుట్టను పారదోలుతున్నారని కావున తక్షణం ఈ భూమిని మల్లన్న ఆస్తిగా మార్చడం కోసం తగిన ఆదేశాలు ఇచ్చేంతవరకు భూమిని కాపాడడం కోసం సిపిఎం కొమురవెల్లి, మల్లన్న భక్తులను మండలంలోని అన్ని గ్రామాల ప్రజలను ఏకం చేసి పోరాటం చేయడానికి సిద్ధంగా ఉన్నామని, కావున ఈ భూమిని బ్లాక్ లిస్టు పెట్టించి క్రయవిక్రయాలు జరగకుండా మన కొమురవెల్లి దేవస్థానానికి తీసుకునే విధంగా ఆదేశాలు ఇచ్చి న్యాయం చేయగలరని అలాగే సుమారు పది ఎకరాల భూమి గుట్ట పక్కకు పార్కింగ్ స్థలం ఉపయోగంగా దీని ద్వారా దేవాలయానికి ఆదాయం
వస్తుందని దేవాలయానికి పెద్ద ఆస్తిఅని
దేవాలయంకు అప్పగించాలని వారు కోరారు . ఈ కార్యక్రమంలో సీపీఎం నాయకులు దాసరి ప్రశాంత్, తడూరి రవీందర్ , తదితరులు పాల్గొన్నారు.

రాష్ట్ర స్థాయి కరాటే చాంపియన్ పోటీలకు పాల్గొని జ్యోతి ప్రజ్వలన చేసిన మంత్రి దనసరి సీతక్క 
అభివృద్ధి పనుల అభివృద్ధి  కు శంకుస్థాపన చేసిన మంత్రి దనసరి సీతక్క,పలు అధికారులు

[ Streetbuzz News Crime journalist ]
ములుగు జిల్లా:

(ఏటూరునాగారం ):- ఐ,టి,డి,ఏ ఏటూరునాగారం ప్రాజెక్టు అధికారి అంకిత్ ఐఏఎస్ అధికారి, గౌరవ తెలంగాణ రాష్ట్ర పంచాయితీ రాజ్ స్త్రీ,శిశు సంక్షేమ మంత్రి సీతక్క, ములుగు జిల్లా కలెక్టర్ ఇలా త్రిపాఠి గారితో ఏజెన్సీ లోని ఆదివాసుల అభివృధి పనులు ఏటూరునాగారం మండలం లోని బుట్టరం నుండి ఎలిసెట్టిపల్లి రోడ్ పై కి.మి.0/200 వద్ద హై లెవల్ వంతెన నిర్మాణ, మరియు రోడ్డు పనుల విలువ రూపాయలు 4కోట్ల 5 లక్షల పనులకు ఆదివారం శంకుస్థాపన చేశారు. ఏటూరునాగారం అకులవారీ ఘనపురం లోని గిరిజన భవన్ లో ఐ,టీ,డీ,ఏ ఏటూరునాగారం అధ్వర్యంలో జరుగుతున్న 6వ తెలంగాణ రాష్ట్ర స్థాయి కరాటే ఛాంపియన్ పోటీలకు ముఖ్య అతిథిగా అంకిత్ ఐ,ఏ,ఎస్ అధికారి పాల్గోని దీపారాధన చేసి ప్రారంభించారు. అనంతరం వారు మాట్లాడుతూ గిరిజన
విద్యార్థులు చదువుతో పాటు అన్ని రంగాల్లో ముందు ఉండాలని గిరిజన విద్యార్థుల భవిష్యత్తు కోసం ఐటీడీఏ ఏటూరునాగారం తరుపున అన్నిరకాల సహకారం ఉంటుందని తెలిపారు.. అలాగే కరాటే పోటీలకు వస్తున్న 600 మంది విద్యార్థినీ, విద్యార్థులకు 40 మంది కోచ్ లకు భోజన సదుపాయంతో పాటు వసతి ఏర్పాట్లను, కావాల్సిన భాహుమతుల ను కూడా ఐటీడీఏ ఏటూరునాగారం తరుపున అంకిత్ ఐఏఎస్ అధికారి ఏర్పాట్లు చేశారు. అలాగే ఈ నెల 14 వ తేదీన బుదవారం రోజు జకారం గట్టమ గుడి వద్ద జరిగే ఎదురు పిల్ల పండుగకు ఐటీడీఏ ఏటూరు నాగారం ప్రోజెక్ట్ అధికారి అంకిత్ ఐఏఎస్ అధికారి గార్లను నాయకపొడ్ గట్టమ్మ దేవత పూజారులు ఆహ్వానించారు.

యువత తమ జీవితాలను నాశనం చేసుకోవద్దు - మొగుళ్ళపల్లి  ఎస్ఐ .తీగల మాధవ్ గౌడ్*


-సైబర్ నేరాల పట్ల అప్రమత్తంగా ఉండాలి

- మొగుళ్ళపల్లి  ఎస్ఐ .తీగల మాధవ్ గౌడ్

[ Streetbuzz News Crime journalist ]

జయశంకర్ భూపాలపల్లి జిల్లా:

(మొగుళ్లపల్లి ):- యువత చెడు వ్యసనాల బారీన పడి తమ జీవితాలను సర్వనాశనం చేసుకోవద్దని, సైబర్ నేరాల పట్ల అప్రమత్తంగా ఉండాలని మొగుళ్ళపల్లి మొగుళ్ళపల్లి ఎస్ఐ.తీగల మాధవ్ గౌడ్ అన్నారు. ఆదివారం ఆయన విలేకరులతో మాట్లాడారు. విద్యార్థులు, యువకులు చదువుతోపాటు క్రమశిక్షణగా మెలిగి ఉన్నత శిఖరాలను అధిరోహించాలన్నారు. అదేవిధంగా రోడ్డు ప్రమాదాలు, డయల్ 100, బాల్య వివాహాలు, బాలకార్మికులు, సిసి కెమేరాలు, గుట్కా, గంజాయి డ్రగ్స్ వాడకం వల్ల కలిగే ఇబ్బందుల గురించి ప్రజలు అవగాహన కలిగి ఉండాలన్నారు. ముఖ్యంగా యువకులు చెడు వ్యసనాల బారీన పడి వారి బాబీ భారత జీవితాలను నాశనం చేసుకోవద్దన్నారు. సైబర్ నేరాల పట్ల అప్రమత్తంగా వుండాలని, 1930 సైబర్ టోల్ ఫ్రీ నంబర్ గురించి అవగాహన ఉండాలన్నారు.

సీఐ మల్లయ్యకు ఆత్మీయ సన్మానం*
-శాలువాతో ఘనంగా సత్కరిస్తున్న నారగోని స్వప్న-మురళి గౌడ్

[ Streetbuzz News Crime journalist]



(వరంగల్ జిల్లా):- వరంగల్ మిల్స్ కాలనీ పోలీస్ స్టేషన్ లో సీఐగా బాధ్యతలను స్వీకరించిన పి మల్లయ్యను అటవీ, పర్యావరణ, దేవాదాయ ధర్మశాఖ మంత్రి కొండా సురేఖ-మురళీల సూచన మేరకు వరంగల్ నగర కాంగ్రెస్ పార్టీ మహిళా అధ్యక్షురాలు నారగోని స్వప్న-మురళి గౌడ్ లు ఆదివారం తన చాంబర్ లో మర్యాదపూర్వకంగా కలిసి..పుష్పగుచ్చం అందించి..స్వీట్లు తినిపించి..శుభాకాంక్షలు తెలిపారు. ఈ సందర్భంగా నారగోని స్వప్న మురళి గౌడ్ లు మాట్లాడారు. వరంగల్ నగరంలోని మిల్స్ కాలనీలో క్రైమ్ రేట్ పెరగకుండా ఉండేందుకు పోలీసులకు సహకరిస్తామని తెలిపారు.

ఆసుపత్రి ని సందర్శించిన ఇన్స్పెక్టర్ సైదా 


[ Streetbuzz News Crime journalist ]

సిద్దిపేట జిల్లా:
ప్రభుత్వ
((గజ్వేల్ ):- గజ్వేల్ ప్రభుత్వ ఆసుపత్రిని సందర్శించిన గజ్వేల్ ఇన్స్పెక్టర్ సైదా. ఈ సందర్భంగా ఆయన డాక్టర్లు స్టాఫ్ నర్స్ తో కలసి భద్రత పరంగా తీసుకోవలసిన చర్యల గురించి అడిగి తెలుసుకున్నారు. ఆసుపత్రిలో ఏదైనా సమస్య ఉంటే వెంటనే పోలీస్ అధికారులకు తెలియపరచాలని నోటీస్ బోర్డ్ లో గజ్వేల్ పోలీస్ స్టేషన్ కు సంబంధించిన పోలీస్ అధికారుల సిబ్బంది యొక్క సెల్ నెంబర్లు అతికించారు. ప్రభుత్వ ఆసుపత్రికి వచ్చే ప్రజలు కూడా సమన్వయం పాటించాలని సూచించారు.
ప్రభుత్వ ఆసుపత్రిలో ప్రజలకు ఏదైనా ట్రీట్మెంట్ విషయంలో సమస్య ఉంటే పోలీసులకు తెలియపరచాలని సూచించారు.