డిగ్రీ పూర్తైన పట్టభద్రులందరూ తమ ఓటు హక్కు నమోదు చేసుకోవాలని అవగాహన కరపత్రం విడుదల చేసిన కేయూ అసిస్టెంట్ ప్రొఫెసర్ 
డిగ్రీ పూర్తైన పట్టభద్రులందరూ తమ ఓటు హక్కు నమోదు చేసుకోవాలని అవగాహన కరపత్రం విడుదల చేసిన కేయూ అసిస్టెంట్ ప్రొఫెసర్ 

కేయూ క్యాంపస్
[Crime journalist]

•ఈనెల 6న గ్రాడ్యుయేట్ ఎమ్మెల్సీ ఓటరు నమోదు కు ఆఖరి తేదీ•

డిగ్రీ పూర్తయిన పట్టభద్రులందరూ తమ ఓటు హక్కు నమోదు చేసుకోవాలని అవగాహన కరపత్రాన్ని విడుదల చేసిన కేయూ అసిస్టెంట్ ప్రొఫెసర్ టిజీఎఫ్ రాష్ట్ర అధ్యక్షులు డాక్టర్ చిర్ర రాజు గౌడ్.


కాకతీయ విశ్వవిద్యాలయంలో ఎగ్జామినేషన్ బ్రాంచ్ ముందు కేయూ తెలంగాణ గ్రాడ్యుయేట్ ఫోరం (టి.జి.ఫ్) అధ్యక్షులు ఎర్రం రమేష్ గారి ఆధ్వర్యంలో త్వరలో జరగబోయే వరంగల్ నల్గొండ ఖమ్మం గ్రాడ్యుయేట్ ఎమ్మెల్సీ ఎన్నికల ఓటర్ నమోదు కార్యక్రమం కరపత్రాన్ని విడుదల చేశారు.ఈ కార్యక్రమానికి ముఖ్యఅతిథిగా హాజరైన తెలంగాణ ప్రభుత్వ డిగ్రీ కళాశాలల అధ్యాపకుల సంఘం రాష్ట్ర నాయకులు డాక్టర్ బి.విజయ్ పాల్ రెడ్డి మాట్లాడుతూ గతంలో ఎమ్మెల్సీ గ్రాడ్యుయేట్ ఓటు ఉన్నా గాని మళ్లీ కొత్తగా ఓటు నమోదు చేసుకున్న వాళ్లకే ఓటు హక్కు ఉంటుందని రాష్ట్ర చీఫ్ ఎలక్షన్ అధికారి వికాస్ రాజు నోటిఫికేషన్ లో తెలిపారు, కావున ఏదైనా డిగ్రీ 2020 నవంబర్ 1 నాటికి పూర్తి చేసినటువంటి గ్రాడ్యుయేట్స్ అందరూ తమ ఓటు హక్కును నమోదు చేసుకోవాలని వారు కోరారు. ఈ కార్యక్రమంలో టి.జి.ఫ్ రాష్ట్ర అధ్యక్షులు కేయూ అసిస్టెంట్ ప్రొఫెసర్ డాక్టర్ చిర్ర రాజు గౌడ్ మాట్లాడుతూ ఈనెల ఫిబ్రవరి 6వ తారీఖు నాడు ఆఖరి తేదీ ఉన్నది కాబట్టి ప్రతి ఒక్కరు తమ ఓటు హక్కును ఆన్లైన్ లో ceotelangana.nic.in link ద్వారా స్వయంగా మీ మొబైల్ ఫోన్లో గాని, ఇంటర్నెట్ సెంటర్లో గాని, మీ సేవలో గాని గ్రాడ్యుయేట్ ఓటర్ నమోదు చేసుకోవాలని వారు కోరారు, ఈ కార్యక్రమంలో ప్రభుత్వ డిగ్రీ కళాశాల అధ్యాపకుల సంఘం రాష్ట్ర నాయకులు ,కాకతీయ డిగ్రీ కళాశాల అసోసియేట్ ప్రొఫెసర్ డాక్టర్ ఎం. రాంబాబు, కాకతీయ యూనివర్సిటీ పోటీ పరీక్షల సంచారకులు డాక్టర్ టి. నాగయ్య, కేయూ ఎస్సీ ఎస్టీ సెల్ డైరెక్టర్ డాక్టర్ కర్రే సదాశివ్, డాక్టర్ మంజుల, డాక్టర్ శ్రీలత, డాక్టర్ సంధ్య, డాక్టర్ ఆగపాటి రాజ్ కుమార్, తదితరులు ఈ కార్యక్రమంలో పాల్గొన్నారు.

శ్రీ సమ్మక్క సారలమ్మ జాతరను సజావుగా జరిగేలా చర్యలు తీసుకోండి 
శ్రీ సమ్మక్క-సారలమ్మ జాతరను సజావుగా జరిగేలా చర్యలు తీసుకోండి -స్పెషల్ అధికారులకు జాతర డైరెక్టర్ల విన్నపం

జయశంకర్ భూపాలపల్లి జిల్లా:
[Crime journalist]:-
 (మొగుళ్ళపల్లి):-  మండలంలోని మొగుళ్ళపల్లి-ముల్కలపల్లి గ్రామాల మధ్యన జరిగే శ్రీ సమ్మక్క-సారలమ్మ జాతర ఉత్సవాలు సజావుగా జరిగేలా చర్యలు తీసుకోవాలని జాతర ఉత్సవ కమిటీ డైరెక్టర్లు మొగుళ్లపల్లి, ముల్కలపల్లి గ్రామాలకు చెందిన స్పెషల్ అధికారులకు ఒక ప్రకటనలో విజ్ఞప్తి చేస్తున్నారు. శ్రీ సమ్మక్క-సారలమ్మ జాతర ప్రారంభమైనప్పటినుండి రాజకీయ పార్టీలకతీతంగా మొగుళ్ళపల్లి, ముల్కలపల్లి గ్రామాలకు చెందిన డైరెక్టర్లందరూ కలిసి జాతర ఉత్సవ కమిటీని ఏకగ్రీవంగా ఎన్నుకొని, ప్రశాంతమైన వాతావరణంలో జాతర ఉత్సవాలను నిర్వహించుకునే వారమని డైరెక్టర్లు తెలిపారు. కాగా ప్రస్తుతం జాతర ఉత్సవ కమిటీలో రాజకీయ నాయకులు జోక్యం చేసుకోవడంతో..జాతర ఉత్సవ కమిటీ ఎన్నికల్లో జాప్యం జరుగుతుందన్నారు. కాగా డైరెక్టర్లమంతా కలిసి జాతర ఉత్సవాలను సజావుగా నడిపించే సమర్థత కలిగిన వారిని ఎంపిక చేసుకుందామనుకుంటే అందులో రాజకీయ నాయకుల ప్రమేయం ఉండడంతో..కొంతమేర జాప్యం జరుగుతుందన్నారు. ఇప్పటికైనా రెండు గ్రామాలకు చెందిన గ్రామపంచాయతీ స్పెషల్ అధికారులు, ఎండోమెంట్ అధికారులు చొరవ తీసుకొని డైరెక్టర్లమంతా కలిసి జాతర ఉత్సవ కమిటీని ఏకగ్రీవంగా ఎన్నుకునేలా చర్యలు తీసుకోవాలని వారు కోరుతున్నారు.

వైసిపి పార్టీ కి రాజీనామా చేసిన మంగళగిరి పట్టణ వైసిపి అధ్యక్షుడు మునగాల మళ్ళేశ్వరరావు 
వైసీపీకి బిగ్  షాక్ 
వైసిపి పార్టీ కి రాజీనామా చేసిన మంగళగిరి పట్టణ వైసిపి అధ్యక్షుడు మునగాల మళ్ళేశ్వరరావు 

[Crime journalist మంగళగిరి ]:-   వైసీపీ అధినేత, రాష్ట్ర ముఖ్యమంత్రి జగన్ నివాసం ఉంటున్న నియోజకవర్గ కేంద్రం మంగళగిరి పట్టణ వైసీపీ అధ్యక్షుడు పార్టీకి రాజీనామా చేయనున్నట్లు ప్రకటించారు.వై సీపీ మంగళగిరి పట్టణ అధ్యక్షులు మునగాల మల్లేశ్వరరావు పార్టీకి రాజీనామా చేస్తున్నట్లు శుక్రవారం ప్రకటించారు. తాను వైసీపీ పార్టీ ఆవిర్భావం నుండి క్రియాశీలకంగా పనిచేశానని కానీ తాజా రాజకీయ పరిణామాల దృష్ట్యా శనివారం నాడు తనకు ఉన్న పట్టణ పార్టీ అధ్యక్ష పదవికి, వైసీపీ పార్టీకి రాజీనామా చేస్తున్నట్లు నేడు ఒక వీడియో ప్రకటన విడుదల చేశారు. ఇప్పటివరకు తనకి సహకరించిన అందరికీ పేరుపేరునా ధన్యవాదాలు తెలిపారు. 

భద్రాచలంలో మాజీ మంత్రి హరీష్ రావు తో తమ ఆవేదన చెప్పిన ఆటో డ్రైవర్ లు 
భద్రాచలంలో మాజీ మంత్రి హరీశ్ రావుతో తమ ఆవేదన చెప్పుకున్న ఆటో డ్రైవర్లు


భద్రాచలం [Crime journalist]:- 


ప్రభుత్వ నిర్ణయంతో నడి రోడ్డుమీద పడ్డామని బాధపడ్డ ఆటో డ్రైవర్లు తెలిపారు.తమను ఆదుకోవాలని, తమ పక్షాన పోరాటం చేయాలని మాజీ మంత్రి హరీశ్ రావును కోరిన ఆటో డ్రైవర్లు.
వచ్చే అసెంబ్లీ సమావేశాల్లో ఆటో డ్రైవర్లు ఎదుర్కొంటున్న సమస్యలు ప్రస్తావించి, ప్రతి నెలా ఆర్థిక సహాయం అందేలా చేస్తామని చెప్పిన హరీశ్ రావు.ఆటో డ్రైవర్ల ఆత్మహత్యలు బాధాకరమన్న హరీశ్ రావు, బీఆర్ఎస్ పార్టీ వారికి అండగా ఉంటుందన్నారు. ప్రభుత్వం దిగివచ్చి న్యాయం చేసే దాకా పోరాటం చేస్తామన్నారు.

భద్రాచలం రాముడిని దర్శించుకున్న మాజీ మంత్రి హరీష్ రావు, ఎంపీ వద్ది రాజు 
మాజీ మంత్రి హరీష్ రావు తో కలిసి భద్రాచలం రాముడిని దర్శించుకున్న ఎంపీ వద్దిరాజు
భద్రాచలం:
[ Crime journalist ఫిబ్రవరి, 3] :- 












మాజీ మంత్రి హరీష్ రావు భద్రాచలం పర్యటన నేపథ్యంలో శనివారం ఉదయం శ్రీ సీతారామచంద్ర స్వామి వారి దేవస్థానాన్ని సందర్శించారు. తొలుత ఆలయ సిబ్బంది పూర్ణకుంభంతో స్వాగతం పలికి.. అంతరాలయంలోకి తోడ్కొని వెళ్లారు. గర్భ గుడిలో స్వామి వారి దివ్య మూర్తులను దర్శించుకుని ప్రత్యేక పూజలు చేశారు. హరీష్ రావు తో పాటు ఎంపీలు వద్దిరాజు రవిచంద్ర, మాలోత్ కవిత, భద్రాచలం ఎమ్మెల్యే డాక్టర్ తెల్లం వెంకట్రావు, భద్రాద్రి జిల్లా బీఆర్ఎస్ పార్టీ అధ్యక్షుడు రేగా కాంతారావు, ఎమ్మెల్సీ తాతా మధు, మాజీ ఎమ్మెల్యే సండ్ర వెంకట వీరయ్య, డాక్టర్ ఎర్రోళ్ల శ్రీనివాస్, దిండిగాల రాజేందర్ తదితరులు ఉన్నారు.

రోడ్డెక్కిన ఆసరా ఫించన్ దారులు 
రోడ్డెక్కిన ఆసరా పింఛన్‌ దారులు
రహదారిపై గంటపాటు ట్రాఫిక్‌ జామ్‌
జనవరి నెల ఆసరా పింఛన్లు అందక లబ్ధిదారులు రోడ్డెక్కారు.
నారాయణపేట జిల్లా:
[Crime journalist]

(నారాయణపేట):-  శుక్రవారం నారాయణపేట జిల్లా జాజాపూర్‌ గ్రామంలో చోటుచేసుకున్నది. ప్రభుత్వం ఆలస్యంగా ఇవ్వడం, పోస్టాఫీస్‌లో బీపీఎంను తొలగించడం వంటి సమస్యతో పింఛన్లు అందకపోవడంతో నిరసన వ్యక్తం చేశారు.స్థానిక గ్రామ పంచాయతీ భవనం ఎదుట మహబూబ్‌నగర్‌-హైదరాబాద్‌-యాద్గీర్‌ ప్రధాన రహదారిపై పింఛన్‌దారులు బైఠాయించారు. దీంతో గంటపాటు వాహనాలు ఎక్కడికక్కడ నిలిచిపోయాయి. పోలీసులు వెంటనే గ్రామానికి చేరుకొని సంబంధిత పోస్టల్‌ అధికారులకు సమాచారం అందించారు. పింఛన్లు అందిస్తామని పోస్టల్‌ అధికారులు హామీ ఇవ్వడంతో ఆందోళన విరమించారు. నారాయణపేట ఎంపీడీవో వెంకయ్య సైతం గ్రామానికి చేరుకుని కారణాలను తెలుసుకున్నారు.

భువనగిరి పార్లమెంట్ కు నాకు అవకాశం కల్పించాలి - ఓయూ విద్యార్థి చనగాని దయాకర్ 
భువనగిరి పార్లమెంట్ కు నాకు అవకాశం కల్పించాలి -ఓయూ విద్యార్థి నేత టీపీసీసీ అధికార ప్రతినిధి చనగాని దయాకర్





గాంధీభవన్: [Crime journalist]:-
భువనగిరి పార్లమెంట్ కు నాకు అవకాశం కల్పించాలని ఓయూ విద్యార్థి నేత టీపీసీసీ అధికార ప్రతినిధి చనగాని దయాకర్ గౌడ్ అన్నారు. నా లాంటి బీసీ బిడ్డ గౌడ బిడ్డ ఎంపిక కోసం అందరూ సహకరించాలని మనవి చేశారు. రాష్ట ముఖ్యమంత్రి రేవంత్ రెడ్డి, డిప్యూటీ సీఎం బట్టి విక్రమార్క, మంత్రులు ఉత్తమ్ కుమార్ రెడ్డి, కోమటిరెడ్డి వెంకట్ రెడ్డి గార్లకు మనవి చేశారు.నేను కూడా కాంగ్రెస్ పార్టీ లో హిడ్మా బొజ్జు లాంటి వన్నీ నాకు అవకాశం ఇస్తే ప్రజులు గెలిపించుకుంటారని తెలిపారు. భువనగిరి పార్లమెంట్ గడ్డ మీద పుట్టిందుకు గర్వపడుతున్నానని అన్నారు.సర్దార్ సర్వాయి పాపన్న, కొండ లక్ష్మణ్ బాపూజీ, బొమ్మగాని ధర్మ భిక్షం, రావి నారాయణ రెడ్డి, యానాల మల్లారెడ్డి ఆశయ సాధనకు కృషి భువనగిరి గడ్డ సామాజిక, విప్లవ, తెలంగాణ పోరాటాలకు పుట్టినిల్లు. పార్టీ మీద నాయక్వతం మీద గౌరవం విశ్వాసం ఉందన్నారు.

ఆలేరు లో జరిగిన భువనగిరి పార్లమెంట్ నియోజకవర్గ మహిళా కాంగ్రెస్ సమీక్ష సమావేశం 
భువనగిరి పార్లమెంట్ నియోజకవర్గ మహిళా కాంగ్రెస్ సమీక్ష సమావేశం 
భువనగిరి జిల్లా: [Crime journalist ]:-
భువనగిరి పార్లమెంట్ నియోజకవర్గ మహిళా కాంగ్రెస్ సమీక్ష సమావేశం శుక్రవారం ఆలేరు లో జరిగింది.ఈ సమావేశానికి ముఖ్య అతిథిగా రాష్ట్ర మహిళా కాంగ్రెస్ అధ్యక్షురాలు మొగిలి సునీత రావు హాజరై మహిళా కాంగ్రెస్ నాయకులకు దిశ నిర్దేశం చేయడం జరిగింది. ఈ కార్యక్రమంలో రాష్ట్ర జనరల్ సెక్రెటరీ గాజుల సుకన్య ( నకిరేకల్ 4 వ వార్డు కౌన్సిలర్), జిల్లా అధ్యక్షురాలు గోపగోని మాధవి గారు, జిల్లా ఉపాధ్యక్షురాలు బొడ్డుపల్లి జానకమ్మ, కట్టంగూర్ మండల మహిళా అధ్యక్షురాలు మేడి ఈశ్వరమ్మ, కట్టంగూర్ టౌన్ అధ్యక్షురాలు తండు పద్మ, ఉపాధ్యక్షురాలు ఊట్కూరి జ్యోతి తదితరులు పాల్గొన్నారు.

గజ్వేల్ శాసన సభ్యునిగా బిఆర్ఎస్ నేతగా భాద్యతలు స్వీకరించిన నేతకు శుభాకాంక్షలు తెలిపిన జూబైర్ పా‌ష
మాజీ ముఖ్యమంత్రి కేసీఆర్ గారికి శుభాకాంక్షలు తెలిపిన తెలంగాణ స్టేట్ బిఆర్ఎస్ యూత్ వింగ్ &ఏజెడ్ ఫౌండేషన్ చైర్మన్ జుబైర్ పాషా.




శుక్రవారం తెలంగాణ అసెంబ్లీలో గజ్వేల్ శాసనసభ్యుడిగా మరియు బిఆర్ఎస్ఎల్పీ నేతగా బాధ్యతలు స్వీకరించిన బిఆర్ఎస్ పార్టీ అధినేత.మాజీ ముఖ్యమంత్రి కేసీఆర్ గారిని మర్యాదపూర్వకంగా కలిసి శుభాకాంక్షలు తెలిపిన తెలంగాణ రాష్ట్ర బిఆర్ఎస్ యూత్ వింగ్ &ఏటూజెడ్ ఫౌండేషన్ చైర్మన్ జూబైర్ పాష.

బాలుడి చికిత్సకు అండగా నిలిచిన కేటీఆర్ - ఇంటికి వెళ్ళి ఆర్థికసాయం అందజేత 

బాలుడి చికిత్సకు అండగా నిలిచిన కేటిఆర్
ఇంటికి వెళ్లి ఆర్థికసాయం అందజేత
కృతజ్ఞతలు చెప్పిన తల్లిదండ్రులు




[Crime journalist ఘట్ కేసర్] :-
ఘట్కేసర్ మండలం మైసమ్మ గుట్ట బస్తీ కి చెందిన కే. శేషు కుమారుడు ప్రదీప్ మూగ, చెవుడు సమస్యతో బాధపడుతున్నాడు. పుట్టుకతోనే ఈ సమస్య ఉన్న ప్రదీప్ చికిత్స కోసం బాలుని తల్లిదండ్రులు ఎన్నో ఆసుపత్రుల చుట్టూ తిరిగారు. తమ బిడ్డకు ఉన్న సమస్య పరిష్కారం కోసం అనేక ఆసుపత్రుల చుట్టూ తిరిగారు. ఆర్దిక కష్టాలపాలైనా ఇందుకు సంబంధించిన ఆపరేషన్ కూడా ఆ తల్లిదండ్రులు చేయించారు.. కానీ దురదృష్టవశాత్తు ఆపరేషన్ సక్సెస్ కాకపోవడంతో మళ్లీ సమస్య మొదటికి వచ్చింది.మరోసారి చికిత్స కోసం ఆస్పత్రిలో సంప్రదిస్తే ఆపరేషన్ కోసం ఏడు లక్షలు ఖర్చు అవుతుందని చెప్పడంతో ప్రదీప్ కుటుంబం అవేదనకు గురయ్యింది. ఈ విషయం తెలుసుకున్న అప్పటి మంత్రి మల్లారెడ్డి చొరవ తీసుకుని అపరేషన్ కు అవసరం అయిన 6లక్షల సహాయాన్ని ఈఎస్ ఐ ద్వారా సాయం చేశారు. అయితే రెక్కాడితే గాని డొక్కాడని ఆ కుటుంబానికి మిగిలిన లక్ష రూపాయలు కూడా జమ చేయడం కష్టంగా మారింది. సమస్యను తెలుసుకున్న బీఆర్ఎస్ స్థానిక కౌన్సిలర్ ఆంజనేయులు విషయాన్ని కేటిఆర్, మాజీ మంత్రి మల్లారెడ్డి దృష్టికి తెచ్చారు. దీంతో నేడు మేడ్చల్ నియోజకవర్గం కృతజ్ఞతా సభలో పాల్గొన్న కేటీఆర్ సభ ముగిసిన తరువాత మల్లారెడ్డితో కలిసి ఘట్కేసర్ మండలం మైసమ్మ గుట్ట బస్తీలోని ప్రదీప్ ఇంటికి వెళ్లి బాలుడిని పరామర్శించారు. తాను అండగా ఉంటానని ఆ కుటుంబానికి లక్ష రూపాయల చెక్కును అందజేశారు. తమ కుమారుడి ఆపరేషన్ కు సాయం చేసిన కేటీఆర్, మల్లారెడ్డి గారికి ఎప్పుడూ ఋణపడి ఉంటామని ప్రదీప్ కుటుంబ సభ్యులు తెలిపారు. బీఅర్ ఎస్ పార్టీకి ధన్యవాదాలు తెలియజేశారు.