వర్షాల వల్ల నష్టపోయిన రైతులకు ఎకరానికి రూ.10వేలు రైతుల ఖాతాలో జమ
తెలంగాణలో అకాల వర్షాల వల్ల పంట నష్టపోయిన రైతులకు ఎకరానికి రూ.10వేలు పంపిణీ చేయాలని రాష్ట్ర ప్రభుత్వం నిర్ణయించింది. . ఈనెల 12 నుంచి రైతులకు నగదు పంపిణీ చేయనునుంది. 

గత నెల 23న సీఎం కేసీఆర్ స్వయంగా వరంగల్ జిల్లాలో పర్యటించారు. అకాల వర్షాలు, వడగళ్ల వానలతో దెబ్బతిన్న పంటలను పరిశీలించి రైతులను ఓదార్చారు. ఈ క్రమంలో ఎకరానికి రూ.10వేల చొప్పున పంట పరిహారం అందజేస్తామని ప్రకటించారు. ఈ నెల 12 నుంచి రైతులకు పంట నష్టపరిహారానికి సంబంధించిన చెక్కులను అందజేయనున్నట్లు ప్రభుత్వం ప్రకటించింది.

అయితే సీఎం కేసీఆర్ పరిహారం ప్రకటించినా ఇంతవరకు అవి రైతుల చెంతకు రాలేవని ప్రతిపక్షాలు విమర్శిస్తున్నాయి. అదే సమయంలో వర్షాలు కూడా ఆగడం లేదు. 

దీంతో వర్షాల వల్ల నష్టపోయిన బాధిత రైతులందరికీ నగదు పంపిణీ చేస్తామన్నారు. కౌలు రైతులకు కూడా పరిహారం చెల్లిస్తామన్నారు. అలాగే నష్టపోయిన కౌలు రైతుల వివరాలను వ్యవసాయ శాఖ అధికారులు కూడా ఇప్పటికే ప్రభుత్వానికి అందించారు.

SB NEWS

మొక్క జొన్న కు రెక్కలు
 అకాల వర్షాలతో నష్టపోయిన రైతులు, మొక్క జొన్నలకు మద్దతు ధర రాని పరిస్థితులో ప్రభుత్వమే మక్కల కొనుగోలుకు కేంద్రాలను సిద్ధం చేస్తుండడంతో రైతుకు ఊరట కలుగుతోంది. ఇప్పటికే జిల్లా మార్క్‌ఫెడ్‌ ఆధ్వర్యంలో మక్కల కొనుగోలు కేంద్రాలు ప్రా రంభానికి సిద్ధమయ్యాయి. 

మొక్కజొన్నలు ప్రభుత్వ మద్దతు ధర కంటే తక్కు వ ధర పలుకుతుండడంతో మక్కల రైతులు ఆందోళనతో ఉండడంతో రాష్ట్ర ప్రభుత్వం స్పందించి మొక్కజొన్న కొనుగోలు కేంద్రాలు ఏర్పాటు చేసి ప్రభుత్వ మద్దతు ధరతో ఖరీదులు చేపట్టాలని ముఖ్యమంత్రి కేసీఆర్‌ ఆదేశించారు.

దీంతో కొనుగోలు కేంద్రాల ప్రారంభమయ్యాయి ముందుగా బయ్యారంలో కొనుగోలు కేంద్రాలు ప్రారంభించి త ర్వాత జిల్లాలోని ఇతర కేంద్రాల్లో ప్రారంభించడానికి జిల్లా మార్క్‌ఫెడ్‌ అధికారులు సన్నాహాలు చేస్తున్నారు. జిల్లాలో 37 కొనుగోలు కేంద్రాలు ఏర్పాటు చేసి వచ్చే ఖరీఫ్‌ సీజన్‌ నాటి వరకు రైతుల వద్దనున్న మొక్కజొన్నలను ఖరీదు చేపడుతారు.

కొనుగోళ్లు ఇలా..
కేసముద్రం, మహబూబాబాద్‌ వ్యవసాయ మా ర్కెట్లలో గత మార్చి నెల నుంచి మక్కల ధరలు త గ్గుముఖం పట్టాయి. మక్కలు గత మార్చి నెలలో రూ.2078 నుంచి రూ.2100 వరకు ఉండగా ఏప్రిల్‌ నెలలో రూ.1749 నుంచి రూ.1849 వరకు ధరలు ప లికాయి. అత్యధికంగా రూ.1700తోనే అధికంగా మక్క లు కొనుగోలు చేశారు. దీంతో రైతులు ప్రభుత్వ మద్ద తు ధర రాక రైతులు నష్టపోయారు. ఇదే మార్కెట్‌ లో కాకుండా రాష్ట్రవ్యాప్తంగా ఉన్న మార్కెట్లలో కూడా ఇవే ధరలు కొనసాగాయి. దీంతో కేసీఆర్‌ స్పం దించి మద్దతు ధరతో కొనుగోలు కేంద్రాలు ఏర్పాటు చేయాలని ఆదేశాలు జారీ చేశారు. ఫలితంగానే జిల్లాలో మార్క్‌ఫెడ్‌ ఆధ్వర్యంలో కొనుగోలు కేంద్రాల ఏర్పాటుకు శ్రీకారం చుడుతున్నారు.

వ్యవసాయ పోర్టల్‌లో నమోదై ఉంటేనే..
రైతు సమగ్ర సమాచార పోర్టల్‌లో మొక్కజొన్నలు సాగు చేస్తున్నట్లు వ్యవసాయాధికారులు నమోదు చేసుకుంటేనే రైతులకు మక్కల కొనుగోలు కేంద్రాల్లో అమ్ముకునే వీలును ప్రభుత్వం కల్పించింది. దీని ద్వారా దళారులకు అడ్డుకట్ట వేసేందుకు ప్రభుత్వం నిర్ణయం తీసుకున్నట్లు తెలుస్తోంది. రైతులు తమ వెంట పట్టాదారు పాస్‌పుస్తకం, ఆధార్‌కార్డుతో వ్యవసాయ విస్తీర్ణ అధికారి వద్దకు వెళ్లి టోకెన్‌ తీసుకున్న తర్వాతనే మొక్కజొన్నలను కొనుగోలు కేంద్రాలకు తరలించాలి. ప్రభుత్వ నిబంధన ప్రకారం మక్కలకు తేమశాతంతో పాటు నాణ్యతగా ఉండేందుకు పూర్తిగా ఎండబెట్టి ఉంటేనే నిర్వాహకులు మక్కలను కొనుగోలు చేసి ఆన్‌లైన్‌లో నమోదు చేస్తా రు. ఆ తర్వాత నేరుగా రైతులకు రైతుబంధు ఖాతాల్లో ఆ ఆకౌంట్లలోనే ప్రభుత్వం నగదు జమ చేస్తుంది.

పొంగులేటి బీజేపీ కి పనికి వస్తాడా ❓️
ఖమ్మం: రాష్ట్రంలో రాబోయే ఎన్నికల్లో గెలుపే లక్ష్యంగా పావులు కదుపుతున్న భారతీయ జనతాపార్టీ ఉమ్మడి ఖమ్మం జిల్లాపై ప్రత్యేక దృష్టి సారించింది. 

భారాస వ్యతిరేక శక్తులను తమవైపు తిప్పుకొనేలా వ్యూహాత్మక అడుగులు వేస్తోంది. ఇందులో భాగంగా భారాస బహిష్కృత నేత, ఖమ్మం మాజీ ఎంపీ పొంగులేటి శ్రీనివాసరెడ్డిని కమలం గూటికి రప్పించేందుకు ముమ్మరంగా యత్నిస్తోంది. 

ఈమేరకు భాజపా చేరికల కమిటీ ఛైర్మన్‌ ఈటల రాజేందర్‌ ఆధ్వర్యంలో ముఖ్యనేతల బృందం గురువారం ఖమ్మానికి వచ్చి పొంగులేటితో భేటీ కానుంది. దుబ్బాక ఎమ్మెల్యే రఘునందన్‌రావు, మాజీ ఎంపీ కొండా విశ్వేశ్వర్‌రెడ్డి, మాజీ ఎమ్మెల్యేలు కోమటిరెడ్డి రాజగోపాల్‌రెడ్డి, ఏనుగు రవీందర్‌రెడ్డి, యెన్నం శ్రీనివాస్‌రెడ్డి ఖమ్మంలో మాజీ ఎంపీ పొంగులేటితో గురువారం భేటీ కానున్నారు. 

వాస్తవానికి భారాస నుంచి బహిష్కరణకు గురైన తర్వాత భాజపాలోకి రావాలని ఈటల రాజేందర్‌ పలుమార్లు పొంగులేటిని ఆహ్వానించినట్లు గతంలోనే ప్రచారం సాగింది. రెండు జాతీయ పార్టీల ముఖ్యనేతలు తనను సంప్రదిస్తున్నారంటూ మాజీ ఎంపీ పలుమార్లు వ్యాఖ్యానించారు.

 భారాసను మూడోసారి అధికారంలోకి రానివ్వకుండా.. కేసీఆర్‌ను సీఎం కాకుండా చేసే పార్టీలోకే వెళతానని ప్రకటించారు. ఉమ్మడి ఖమ్మం జిల్లాలోని పది నియోజకవర్గాలకు సంబంధించి భారాస అభ్యర్థులను అసెంబ్లీ గేటు తాకనివ్వబోనని శపథం చేశారు. మరికొద్దిరోజుల్లోనే ఖమ్మం నగరంలో పొంగులేటి ఆత్మీయ సమ్మేళనానికి సన్నద్ధమవుతున్నారు. ఈలోగా భాజపా ముఖ్యనేతలు పొంగులేటితో భేటీ అవుతున్నారు.

తెలంగాణ హోంమంత్రి మహమూద్అలీ కి ఢిల్లీ పోలీస్ షాక్
హైదరాబాద్: ఢిల్లీలో బీఆర్‌ఎస్ పార్టీ కేంద్ర కార్యాలయాన్ని  ఆ పార్టీ జాతీయ అధ్యక్షుడు, సీఎం కేసీఆర్   అట్టహాసంగా ప్రారంభించారు. అనుకున్న ముహూర్తానికే అంటే సరిగ్గా మధ్యాహ్నం 1:05 గంటలకు కార్యాలయాన్ని ప్రారంభించారు. 

ఈ కార్యక్రమంలో ఎంపీలు, మంత్రులు, ఎమ్మెల్యేలు పాల్గొన్నారు. హోంమంత్రి మహమూద్‌‌ అలీ కి కూడా ఈ కార్యక్రమానికి హాజరుకావాలని పార్టీ ఆదేశాల ప్రకారం ఢిల్లీ వెళ్లారు. హైదరాబాద్  నుంచి విమానంలో ఢిల్లీ వెళ్లిన హోంమత్రి ఎయిర్ పోర్టు నుంచి కారులో పార్టీ ఆఫీసుకు బయలుదేరారు.

 అయితే మహమూద్‌ అలీకి ఢిల్లీ పోలీసులు షాకిచ్చారు. అంతేకాదు ఆయన కారును అడ్డుకుని నడుచుకుంటూ వెళ్లాలని చెప్పారు. పాపం ఢిల్లీ పోలీసులకు మహమూద్‌ అలీ.. తెలంగాణ రాష్ట్రానికి హోం మంత్రి అనే విషయం తెలియదు. సాదారణ పౌరుడు అనుకుని ఆయనపై పోలీసులు జులుం ప్రదర్శించారు. ఇదంతా అవగాహనలేక పోవడం వల్ల జరిగిన పొరపాటు. ఇంతలోనే తాను హోంమంత్రిని అని చెప్పడంతో పోలీసులు కంగుతున్నారు. పొరపాటును సరిదిద్దుకుని ఆయనను అనుమతించారు.

ఇలాంటి అవమానాలు మహమూద్‌ అలీకి ఢిల్లీలోనే కాదు... స్వంత రాష్ట్రం, అది కూడా ప్రగతిభవన్‌లో గతంలో ఎదురైంది. ఆ సమయంలో కరోనా తీవ్రంగా ఉంది. కరోనాను కట్టడి చేసేందుకు ప్రగతిభవన్‌లో సీఎం కేసీఆర్ సమీక్ష నిర్వహిస్తున్నారు. 

ఈ సమావేశానికి అతికొద్ది మందికి మాత్రమే ఆహ్వానాలు పంపారు. మహమూద్‌ అలీ కూడా ఈ సమావేశంలో పాల్గొనేందుకు నేరుగా ప్రగతిభవన్ వెళ్లారు. అక్కడ ఉన్న భద్రతా సిబ్బంది ఆయనను అడ్డుకున్నారు. ఢిల్లీలో చెప్పినట్లే తాను హోంమంత్రినని మహమూద్ అలీ చెప్పారు. అయినా పోలీసులు ఆయనను అనుమతించలేదు. ఇక ఏమీ చేయలేక సమావేశంలో పాల్గొనకుండా ఆయన వెనుతిరిగారు.

ఢిల్లీ లో పార్టీ కార్యాలయాన్ని ప్రారంభించిన సీఎం కేసీఆర్
11 వేల చదరపు అడుగుల స్థలంలో బీఆర్‌ఎస్ పార్టీ కార్యాలయాన్ని నిర్మించారు. జీ ప్లస్ త్రీ విధానంలో భవన నిర్మాణం జరిగింది. లోయర్ గ్రౌండ్, గ్రౌండ్, మొదటి, రెండు, మూడు అంతస్తులతో కలిపి మొత్తం 5 అంతస్తులతో భవనాన్ని నిర్మించారు. 

మొదటి అంతస్తులో పార్టీ అధ్యక్షుడి చాంబర్, పేషీ, కాన్ఫరెన్స్ హాల్‌ను ఏర్పాటు చేశారు. గ్రౌండ్ ఫ్లోర్లో పార్టీ ప్రధాన కార్యదర్శుల కోసం నాలుగు గదులు, కార్యాలయ రిసెప్షన్, క్యాంటీన్‌ను నిర్మించారు. 

2, 3 అంతస్తుల్లో ఢిల్లీలో పార్టీకి సంబంధించిన కార్యక్రమాలకు వచ్చే కార్యకర్తలు, నాయకులు బస చేసేందుకు 18 గదులతో పాటు రెండు ప్రత్యేక సూట్ రూమ్‌లు నిర్మించారు. సూట్ రూమ్‌లో పార్టీ అధ్యక్షుడు, పార్టీ కార్యనిర్వాహక అధ్యక్షుడు బస చేసేందుకు ఏర్పాట్లు జరిగాయి.

మీడియాకు నో ఎంట్రీ...
కాగా.. ఈ కార్యక్రమాన్ని కవరేజ్ చేయడానికి వచ్చిన మీడియాకు బీఆర్ఎస్ కార్యాలయంలోకి అనుమతి లభించలేదు. అధికారుల ఆదేశాల మేరకు మీడియాను బీఆర్ఎస్ పార్టీ ఆఫీస్ ముందు నుంచి పోలీసులు బయటకు పంపించివేశారు. 

పార్టీ ఆఫీస్ ప్రాంగణంలో కూడా మీడియా వాళ్ళు ఎవరు ఉండవద్దంటూ హుకుం జారీ చేశారు. పైనుంచి ఆదేశాలు వచ్చాయని... అందుకోసమే మీడియాకు నో ఎంట్రీ అని ముఖ్యమంత్రి సెక్యూరిటీ సిబ్బంది చెబుతోంది. ఈ ఆంక్షలపై మీడియా ప్రతినిధులు మండిపడుతున్నారు.

హైదరాబాద్ లోని హైకోర్టు ముందు వ్యక్తి దారుణ హత్య
నడి రోడ్డుపై అందరూ చూస్తుండగానే కత్తితో దాడి
రూ. పది వేల కోసం గొడవ.. కోపం పట్టలేక దారుణం
పోలీస్ స్టేషన్ కు వెళ్లి లొంగిపోయిన హంతకుడు

హైదరాబాద్‌లో గురువారం దారుణం చోటు చేసుకుంది. హైకోర్టు ముందు నడి రోడ్డుపై హత్య జరిగింది. ఇద్దరు వ్యక్తుల మధ్య జరిగిన గొడవ ఈ దారుణానికి దారితీసింది. 

అనంతరం హంతకుడు పోలీస్ స్టేషన్ కు వెళ్లి లొంగిపోయాడు. రూ.10 వేల కోసం గొడవ జరగడంతో కోపం పట్టలేక పొడిచానని పోలీసులకు చెప్పాడు. 

చార్మినార్‌ పోలీస్‌ స్టేషన్‌ పరిధిలోని హైకోర్టు గేట్ నెంబర్ 6 వద్ద ఇద్దరు వ్యక్తులు గొడవ పడ్డారు. రూ.10 వేల కోసం వాదులాడుకున్నారు. మాటామాటా పెరగడంతో.. ఓ వ్యక్తి కోపం పట్టలేక కత్తి తీసి మరొకరిని పొడిచాడు. కత్తిపోట్లకు గురైన వ్యక్తి అక్కడికక్కడే చనిపోయాడు. 

సమాచారం అందుకున్న పోలీసులు అక్కడికి చేరుకుని మృతదేహాన్ని పోస్ట్ మార్టం కోసం గాంధీ ఆసుపత్రికి తరలించారు. చనిపోయిన వ్యక్తిని స్థానిక సులభ్ కాంప్లెక్స్ లో పనిచేసే మిథున్‌గా గుర్తించినట్లు పోలీసులు తెలిపారు. కేస్ నమోదు చేసుకుని దర్యాప్తు చేపట్టినట్లు వివరించారు.

గుంట భూమి లేకున్నా పట్టదారు పుస్తకం
మెదక్ జిల్లా : కాసుల కక్కుర్తితో రెవెన్యూ అధికారులు భూమిలేని రైతులకు పట్టాదారు పాస్​ పుస్తకం జారీ చేశారు. 

ఎన్నో ఏళ్లుగా సాగు చేస్తున్న భూములను సైతం రెవెన్యూ రికార్డుల ప్రక్షాళనలో పార్టీ బీ పెట్టిన అధికారులు గుంట భూమి లేని వారికి పాసుపుస్తకం జారీ చేయడం కొల్చారం మండలంలో సర్వసాధారణంగా మారాయి. 

అర్హులైన రైతులకు ముప్పుతిప్పలు పెడుతున్న అధికారులు ఏ విధంగా పుస్తకాలు అందించారని పలువురు రైతులు ప్రశ్నిస్తున్నారు. మండలంలోని సర్వే నంబర్​ 231లో సుమారు 200 ఎకరాల ప్రభుత్వ భూమి ఉండగా ఆ సర్వే నెంబర్​‌లో బై నంబర్​ పెట్టి కొందరికి పాస్​ పుస్తకం జారీ చేశారు. వాస్తవానికి వారికి గుంట భూమి కూడా లేదు. 

సర్వే నంబర్ 231/321లో గుంట భూమి లేని గ్రామానికి చెందిన ఓ వ్యక్తికి 20 గుంటలు సాగులో ఉన్నట్లు పాస్​ పుస్తకం జారీ చేశారు. ఆ రైతుకు 10 విడుతలుగా సుమారు రూ. 50 వేలు రైతుబంధు ఖాతాలో జమ అయింది. 

అలాగే రైతుబీమా కూడా వర్తిస్తున్నది. తప్పని తెలిసినా అధికారులు సరిదిద్దుకోకపోవడం గమనార్హం. ఇప్పటికైనా ఉన్నతాధికారులు స్పందించి చర్యలు తీసుకోవాలని రైతులు కోరుతున్నారు.

9 ఎర్రచందనం దుంగలు స్వాధీనం *ఒకరి అరెస్టు
అన్నమయ్య  జిల్లా సుండుపల్లి ఫారెస్టు బీటు పరిధిలో 9ఎర్రచందనం దుంగలను స్వాధీనం చేసుకోవడంతొ పాటు ఒక తమిళ స్మగ్లర్ ను అరెస్టు చేసినట్లు టాస్క్ ఫోర్సు పోలీసులు తెలిపారు.

 డీఎస్పీలు చెంచురాజు, మురళీధర్ లకు అందిన సమాచారం మేరకు ఆర్ఐలు సురేష్ కుమార్ రెడ్డి, చిరంజీవులకు చెందిన టీమ్ లు కడప సబ్ కంట్రోల్ సుండుపల్లి ఫారెస్టు బీట్ పరిధిలో గురువారంరోజున కూంబింగ్ చేసుకుంటూ వెళ్లారు. 

వానరాశిబిడికి వద్ద చిన్ననాయన చెరువుకు దక్షిణం వైపున కొందరు ఎర్రచందనం దుంగలు మోసుకుని వెళుతూ కనిపించారు. వీరిని ఆర్ఎస్ఐలు విశ్వనాథ్, రాఘవేంద్ర తమ సిబ్బందితో కలసి చుట్టుముట్టేందుకు ప్రయత్నించారు. 

అయితే వారు పారిపోగా అందులో తమిళనాడు కల్లకురుచ్చి వెంగలూరు గ్రామానికి చెందిన శరవణన్ (32)ను పట్టుకున్నారు. 

ఇతను అందించిన సమాచారం మేరకు తమిళనాడుకు చెందిన కామరాజ్, సూర్య, కుప్పుస్వామి, మణికంఠ, కనక కోసం గాలిస్తున్నారు. కేసును తిరుపతి టాస్క్ ఫోర్సు పోలీసు స్టేషన్ లో నమోదు చేయగా, సీఐ బాలకృష్ణ దర్యాప్తు చేస్తున్నారు.

ఖమ్మం గుమ్మం పైనే బిజెపి ఫోకస్
ఖమ్మం జిల్లా రాజకీయాల్లో సస్పెన్స్ కొనసాగుతోంది. పొంగులేటి శ్రీనివాసరెడ్డి కాంగ్రెస్‌ పార్టీలోకి ఎంట్రీ ఖాయమని ప్రచారం జరిగినా, అది ఆచరణలోకి రాలేదు. మరోవైపు నేడు బీజేపీ నేతలు పొంగులేటితో భేటీ కానుండటంతో ఖమ్మం పాలిటిక్స్‌పై సర్వత్రా ఉత్కంఠ నెలకొంది.

మాజీ ఎంపీ పొంగులేటి పొలిటికల్ జర్నీపై ఉత్కంఠ కొనసాగుతోంది. గత కొద్ది నెలలుగా ఈ విషయంలో సస్పెన్స్ వీడటం లేదు. బిఆర్‌ఎస్ పార్టీ నుంచి పొంగులేటి, జూపల్లి కృష్ణారావులను సస్పెండ్ చేసిన తర్వాత పొంగులేటి ఏదొక జాతీయ పార్టీలో చేరుతారనే ప్రచారం జరిగింది. కాంగ్రెస్, బీజేపీలలో పొంగులేటి ఎందులో చేరుతారనే దానిపై రకరకాల ప్రచారాలు జరిగాయి. కొద్ది రోజుల క్రితం కాంగ్రెస్ పార్టీ ఎన్నికల వ్యూహకర్త సునీల్ కనుగోలు బృందంతో కూడా పొంగులేటి చర్చలు జరిపినా అవి కొలిక్కి రాలేదు.

మరోవైపు వచ్చే ఎన్నికల్లో గెలుపే లక్ష్యంగా పావులు కదుపుతున్న భారతీయ జనతాపార్టీ ఉమ్మడి ఖమ్మం జిల్లాపై ప్రత్యేక దృష్టి సారించింది. బిఆర్ఎస్‌ వ్యతిరేక శక్తులను తమవైపు తిప్పుకునేలా అడుగులు వేస్తోంది. ఖమ్మం మాజీ ఎంపీ పొంగులేటి శ్రీనివాసరెడ్డిని బీజేపీ గూటికి రప్పించేందుకు ముమ్మరంగా ప్రయత్నాలు చేస్తోంది. బీజేపీ చేరికల కమిటీ ఛైర్మన్‌ ఈటల రాజేందర్‌ ఆధ్వర్యంలో ముఖ్యనేతల బృందం గురువారం ఖమ్మానికి వచ్చి పొంగులేటితో భేటీ కానుంది.

దుబ్బాక ఎమ్మెల్యే రఘునందన్‌రావు, మాజీ ఎంపీ కొండా విశ్వేశ్వర్‌రెడ్డి, మాజీ ఎమ్మెల్యేలు కోమటిరెడ్డి రాజగోపాల్‌రెడ్డి, ఏనుగు రవీందర్‌రెడ్డి, యెన్నం శ్రీనివాస్‌రెడ్డి ఖమ్మంలో మాజీ ఎంపీ పొంగులేటితో గురువారం భేటీ కానున్నారు. బిఆర్‌ఎస్ నుంచి బహిష్కరణకు గురైన తర్వాత బీజేపీలోకి రావాలని ఈటల రాజేందర్‌ పలుమార్లు పొంగులేటిని ఆహ్వానించినట్లు గతంలోనే ప్రచారం సాగింది. రెండు జాతీయ పార్టీల ముఖ్యనేతలు తనను సంప్రదిస్తున్నారంటూ మాజీ ఎంపీ పలుమార్లు ప్రకటించారు.

తెలంగాణలో బిఆర్‌ఎస్‌ మూడోసారి అధికారంలోకి రానివ్వకుండా.. కేసీఆర్‌ను సీఎం కాకుండా చేసే పార్టీలో చేరుతానని పొంగులేటి గతంలో ప్రకటించారు. ఉమ్మడి ఖమ్మం జిల్లాలోని పది నియోజకవర్గాలకు సంబంధించి బిఆర్‌ఎస్ అభ్యర్థులను అసెంబ్లీ గేటు కూడా తాకనివ్వనని శపథం చేశారు. సునీల్ కనుగోలుతో భేటీ తర్వాత ఖమ్మం జిల్లా కాంగ్రెస్ నేతల నుంచి పొంగులేటిపై విమర్శలు వచ్చాయి.

ఈ నెల నుంచే అంగన్‌వాడీల్లో సన్నబియ్యం
రాష్ట్రంలోని అంగన్‌వాడీ లబ్ధిదారులకు ఈనెల నుంచి సన్నబియ్యంతో కూడిన భోజనం అందనుంది. ఆరేళ్ల కిందటే దీన్ని ప్రకటించినప్పటికీ, సాంకేతిక కారణాలతో అమలుకాలేదు. రాష్ట్ర నూతన సచివాలయం ప్రారంభోత్సవం సందర్భంగా సన్నబియ్యంతో భోజనం ప్రతిపాదనలకు ఆమోదం లభించింది.

ఈ నెల నుంచి 2121 టన్నుల సన్నబియ్యాన్ని పౌరసరఫరాల శాఖ ద్వారా సరఫరా చేయనున్నారు. క్షేత్రస్థాయి అంగన్‌వాడీ కేంద్రాల నిర్వాహకులు ఆరోగ్యలక్ష్మి, అదనపు పౌష్టికాహారం పథకం కింద ఈ ఆహారాన్ని అందించనున్నారు.

ఇందుకు మహిళాశిశు సంక్షేమశాఖ ఏటా దాదాపు రూ.5 కోట్లు అదనంగా ఖర్చు చేయనుంది. అంగన్‌వాడీల్లో ఆరోగ్యలక్ష్మి పథకం కింద గర్భిణులు, బాలింతలకు ఒకపూట భోజనం కింద ప్రభుత్వం ఒక్కొక్కరికి రూ.23.5 ఖర్చుతో పౌష్టికాహారాన్ని అందిస్తోంది. 

ఆయా కేంద్రాల్లో దొడ్డుబియ్యంతో కూడిన ఆహారాన్ని అందించడంతో కొన్నిచోట్ల లబ్ధిదారులు అనాసక్తి చూపించారు.

తాజాగా సన్నబియ్యం ఆహారాన్ని అందించాలని నిర్ణయించడంతో 3-6 ఏళ్లలోపు వయస్సు కలిగిన 5.25 లక్షల మంది చిన్నారులు, 3.75 లక్షల మంది గర్భిణులు, బాలింతలు లబ్ధి పొందనున్నారు. సన్నబియ్యం సరఫరా నేపథ్యంలో ‘ఆరోగ్యలక్ష్మి’ కింద పూర్తి భోజనానికి అయ్యే ఖర్చును పెంచాలని శిశు సంక్షేమశాఖ భావిస్తోంది.