మారకద్రవ్యాల నుండి యువతను కాపాడుదాం
•PYL మండల మహాసభలో ప్రగతిశీల యువజన సంఘం రాష్ట్ర ప్రధాన కార్యదర్శి ఇందూరు సాగర్ 

ప్రగతిశీల యువజన సంఘం (PYL)మోతే మండల ప్రధమ మహాసభ రాయిపాడు గ్రామంలో కోడి లింగరాజు అధ్యక్షతన జరిగింది. ఈ మహాసభకు ముందుగా బిగిపిడికిలి జెండాను పీవైఎల్ జిల్లా అధ్యక్షులు నల్గొండ నాగయ్య ఆవిష్కరించారు. ఈ మహాసభను ప్రారంబిస్తూ ఐఎఫ్ టి యూ జిల్లా కార్యదర్శి గంట నాగయ్య మాట్లాడారు. 

అనంతరం జరిగిన మహాసభలో ముఖ్య అతిథిగా పివైఎల్ రాష్ట్ర ప్రధాన కార్యదర్శి ఇందూరు సాగర్ పాల్గొని మాట్లాడుతూ దేశంలో, రాష్ట్రంలో యువత మద్యం, గంజాయి,గుట్కా, మారకద్రవ్యాలకు అలవాటు పడి చెడు వ్యసనాలకు గురై జీవితాలను కోల్పోతున్నారని, ప్రభుత్వం వీటిని నియంత్రించడంలో ఘోరంగా విఫలం చెందిందని దుయ్యబెట్టారు. 

ఎంజీఎం మెడికల్ కళాశాలలో ప్రీతి అనే విద్యార్థిని ఆత్మహత్యకు ప్రభుత్వమే బాధ్యత వహించాలని, ప్రీతి కుటుంబానికి కోటి రూపాయలు ఎక్స్గ్రేషియా చెల్లించాలని అన్నారు. విద్యాసంస్థలలో డ్రగ్స్, గంజాయి, మారక ద్రావవ్యాలను విక్రయిస్తున్న పోలీసులు చోద్యం చూస్తున్నారని, తెలంగాణ ప్రభుత్వం ఏర్పాటు చేసిన "షి" టీములు "షో" టీములుగానే మారినాయని పేర్కొన్నారు. వెంటనే ప్రభుత్వం మేల్కొని రాష్ట్రంలో యదేచ్ఛగా సాగుతున్న మద్యం, గంజాయి గుట్కా తదితర మారక ద్రవ్యాలను నిషేధించాలని,    షి టీoలను వివిధ కళాశాలలో నిరంతరం ఉంచాలని డిమాండ్ చేశారు.
 ఐఎఫ్ టి యూ జిల్లా కార్యదర్శి గంట నాగయ్య మాట్లాడుతూ దేశంలో,రాష్ట్రంలో మోడీ, కేసీఆర్ ప్రభుత్వాలు నిరుద్యోగులను గాలికి వదిలేసారని, నిరుద్యోగ సమస్యలను పరిష్కరించడంలో ఘోరంగా విఫలం చెందారని అన్నారు. 26 లక్షల మంది నిరుద్యోగులు ప్రభుత్వానికి దరఖాస్తు చేసుకున్నారని ఇప్పటివరకు భారీ నోటిఫికేషన్ ఇవ్వడంలో తెలంగాణ ప్రభుత్వం ఘోరంగా విఫలం చెందిందని, దేశంలో కోటి ఉద్యోగాలు ఇస్తారన్న మోడీ ప్రభుత్వం హిందుత్వం ముసుగులో ప్రజల ఆస్తులను కార్పొరేట్ శక్తులకు, బహుళ జాతి సమస్యలకు అప్పనంగా కట్టబెట్టి ప్రజలను మభ్యపెడుతున్నదని బియ్యబట్టారు. వెంటనే దేశంలో, రాష్ట్రంలో నిరుద్యోగ సమస్యలను పరిష్కరించకపోతే ప్రగతిశీల యువకులు పెద్ద ఎత్తున ఉద్యమాలు నిర్వహిస్తారని హెచ్చరించారు.
 ఈ కార్యక్రమంలో పి వై ఎల్ జిల్లా అధ్యక్ష ,కార్యదర్శులు నల్లగొండ నాగయ్య, కునుకుంట్ల సైదులు, జిల్లా నాయకులు వీరబోయిన రమేష్, భువనగిరి గిరిబాబు, ధరావత్ రవి, ఏఐకేఎంఎస్ జిల్లా నాయకులు కాకి మోహన్ రెడ్డి, కోట్ల మధుసూదన్ రెడ్డి, ఎర్రబోయిన లింగయ్య, ఎర్రబోయిన పుల్లయ్య, భానోత్ శ్రీకాంత్, ఎర్ర ఎంకన్న, ఇరుగు మల్లయ్య, గుణగంటి నాగరాజు, కోడి లింగరాజు, నాగరాజు తదితరులు హాజరయ్యారు.

ఆయుష్మాన్ భారత్ ను అందరూ సద్వినియోగం చేసుకోవాలిి


 నకిరేకల్ నియోజకవర్గం చిట్యాల మండలం ఉరుమడ్ల గ్రామంలో ఈరోజు కేంద్ర ప్రభుత్వం భారత ప్రధాని నరేంద్ర మోడీ గారు పేద ప్రజల ఆరోగ్యం కోసం ప్రవేశపెట్టిన ఆయుష్మాన్ భారత్ హెల్త్ కార్డ్ ను భారతీయ జనతా పార్టీ నల్లగొండ జిల్లా కార్యవర్గ సభ్యులు పల్లపు బుద్ధుడు గారు ఉరుమడ్లలో పాల్గొని ప్రతి ఒక్కరు ఈ హెల్త్ కార్డును ఉపయోగించుకునే 1100 పైగా అన్ని రకాల వైద్య చికిత్సలు అందే విధంగా పేద ప్రజలకు  చేరువగా ఉరుమడ్ల గ్రామంలో బిజెపి  బూత్ కమిటీల ఆధ్వర్యంలో ఏర్పాట్లు చేసినారు. 

ఉరుమడ్ల గ్రామ ప్రజలు ప్రతి ఒక్కరూ నరేంద్ర మోడీ గారు ఇస్తున్న ABHA హెల్త్ కార్డ్ ను తెల్ల రేషన్ కార్డు ఉన్న ప్రతి కుటుంబం ఐదు లక్షల వరకు ఉచిత ఆరోగ్య చికిత్సల కోసం ఏర్పాటుచేసిన ఈ కార్డును సద్వినియోగం చేసుకోవాలని ఈ ఆయుష్మాన్ భారత్ కార్డు ద్వారా రాష్ట్రంలో ప్రతి హాస్పిటల్ లో ఉచితంగా 1100 రకాల  ఆరోగ్య పరీక్షలు చికిత్సలు చేసుకునే వెసులుబాటు ఉంటుందన్నారు. 

తెలంగాణలో పేద బడుగు బలహీన వర్గాల ప్రజలు ఎవరికోసం ఎదురు చూడకుండా కేంద్ర ప్రభుత్వం ఇస్తున్న ఆయుష్మాన్ భారత్ కార్డు ద్వారా ఆపదలో ఉన్న ప్రతి ఒక్కరూ దగ్గరలోని ఆసుపత్రికి వెళ్లి వైద్య చికిత్సలు చేయించుకునే విధంగా భారత ప్రధాని నరేంద్ర మోడీ గారు ఈ సదా అవకాశాన్ని తెలంగాణ ప్రజలకు అందజేశారన్నారు. కావున ఉరుమడ్ల గ్రామ ప్రజలు ప్రతి ఒక్కరు ఈ యొక్క ఆయుష్మాన్ భారత్ కార్డు పొందాలని ఇట్టి కార్డును ఉచితంగా భారతీయ జనతా పార్టీ బూత్ కమిటీ అధ్యక్షులు  ఇంటి ఇంటికి వచ్చి అందజేస్తామన్నారు. ఇంత గొప్ప అవకాశాన్ని ప్రతి ఒక్కరూ సద్వినియోగం చేసుకోవాలని తెలిపారు. ఈ కార్యక్రమంలో బిజెపి  సీనియర్ నాయకులు ఉయ్యాల లింగస్వామి, యువజన నాయకులు  పాకాల దినేష్, బూత్ కమిటీ అధ్యక్షులు ఈదుల పవన్, సుంకరి మల్లేష్, గంగాపురం వెంకన్న, మల్లేష్, జగన్, రాంబాబు, లింగస్వామి, నరసింహ తదితరులు పాల్గొన్నారు.

ఒక్క రోజులో మూడు ఫోన్లు మార్చిన సిసోదియా..!


దిల్లీ: మద్యం కుంభకోణంలో అరెస్టయిన దిల్లీ ఉపముఖ్యమంత్రి మనీశ్‌ సిసోదియా (Manish Sisodia)ను నేడు కోర్టులో హాజరుపర్చనున్నారు. ప్రభుత్వ మద్యం విధాన రూపకల్పన, అమలులో అవకతవకలు చోటుచేసుకున్న వ్యవహారంపై జరుపుతున్న దర్యాప్తులో భాగంగా సిసోదియాను నిన్న సీబీఐ (CBI) అరెస్టు చేసిన విషయం తెలిసిందే. రాత్రంతా ఆయన కేంద్ర దర్యాప్తు సంస్థ ప్రధాన కార్యాలయంలోనే గడిపారు. ఈ ఉదయం ఆయనకు వైద్య పరీక్షలు నిర్వహించనున్నారు. అనంతరం మధ్యాహ్నం 2 గంటలకు రౌస్‌ అవెన్యూ కోర్టులో సిసోదియాను హాజరుపర్చనున్నారు.

ఛార్జ్‌షీట్‌లో పేరు..
సిసోదియా (Manish Sisodia) అరెస్టుపై సీబీఐ అధికారిక ప్రకటన విడుదల చేసింది. విచారణకు సహకరించకపోవడం వల్లే ఆయనను అరెస్టు చేసినట్లు వెల్లడించింది. కీలకమైన అంశాలపై ఆయన సరిగా సమాధానం ఇవ్వలేదని పేర్కొంది. తప్పించుకునే విధంగా సమాధానాలు ఇచ్చారని, విరుద్ధమైన సాక్ష్యాలను ఎదుర్కొన్నప్పటికీ దర్యాప్తునకు సహకరించలేదని ఆరోపించింది. ఈ కేసులో సిసోదియా నుంచి రాబట్టాల్సిన సమాచారం ఎంతో ఉన్నందున.. ఆయనను తమ కస్టడీకి అప్పగించాలని సీబీఐ.. న్యాయస్థానాన్ని కోరనున్నట్లు తెలుస్తోంది. కాగా.. ఈ కేసులో సీబీఐ దాఖలు చేసిన ఛార్జ్‌షీట్‌లో సిసోదియా పేరు కూడా ఉన్నట్లు సీబీఐ (CBI) వర్గాలు తెలిపాయి. అయితే, ఈ కేసులో ఆయనను నిందితుడిగా పేర్కొనలేదని తెలుస్తోంది. ఆయనకు వ్యతిరేకంగా పక్కా సాక్ష్యాధారాలు సేకరించిన తర్వాతే అరెస్టు చేసినట్లు సదరు వర్గాలు పేర్కొన్నాయి.

18 ఫోన్లు ఉపయోగించిన సిసోదియా..
సిసోదియా (Manish Sisodia) ఇతర వ్యక్తుల పేర్ల మీద అనేక ఫోన్‌ నంబర్లు, ఫోన్లు తీసుకున్నారని, ఆ తర్వాత వాటిల్లో కొన్నింటిని ధ్వంసం చేశారని సీబీఐ (CBI) వర్గాలు ఆరోపించాయి. ఆయన 18 ఫోన్లు, నాలుగు ఫోన్‌ నంబర్లు ఉపయోగించేవారని పేర్కొన్నాయి. ఒక్క రోజులోనే ఆయన మూడు ఫోన్లను మార్చినట్లు తమ దర్యాప్తులో తేలిందని చెప్పాయి. అయితే దీనిపై అధికారిక ప్రకటన లేదు.

ఆప్‌ దేశవ్యాప్త నిరసనలు..
సిసోదియా అరెస్టుకు నిరసనగా ఆమ్‌ ఆద్మీ పార్టీ (AAP) నేడు దేశవ్యాప్త నిరసనలు చేపట్టనుంది. ఈ నేపథ్యంలో దేశ రాజధాని దిల్లీలో భద్రతను కట్టుదిట్టం చేశారు. ఆమ్‌ ఆద్మీ పార్టీ కార్యాలయం వద్ద భద్రతా సిబ్బంది భారీగా మోహరించారు. అటు సీబీఐ (CBI) కార్యాలయం ముందూ భద్రతను పెంచారు.

Senior Leader D Srinivas : తీవ్ర అస్వస్థత.. కండిషన్ సీరియస్


హైదరాబాద్ : పీసీసీ మాజీ చీఫ్ డి. శ్రీనివాస్‌కు తీవ్ర అస్వస్థతకు గురయ్యారు. ప్రస్తుతం ఆయన పరిస్థితి విషమంగా ఉన్నట్టు తెలుస్తోంది..

డీఎస్‌కు ఫిట్స్ రావడంతో ఆయన కుటుంబ సభ్యులు ఆయనను హుటాహుటిన సిటీ న్యూరో ఆసుపత్రికి తరలించారు. ప్రస్తుతం చికిత్స జరుగుతోంది. ఈ విషయాన్ని ఆయన కుమారుడు, నిజామాబాద్ ఎంపీ ధర్మపురి అరవింద్ స్వయంగా ట్విటర్ వేదికగా వెల్లడించారు.

తన తండ్రి తీవ్ర అనారోగ్యం బారిన పడ్డారని.. ఆసుపత్రిలో చికిత్స జరుగుతోందని కాబట్టి రెండు రోజుల పాటు అధికారిక కార్యక్రమాల్లో పాల్గొనలేనని ట్విటర్ వేదికగా తన కార్యకర్తలకు తెలిపారు. నేడు రేపు తన కార్యక్రమాలన్నింటినీ రద్దు చేసుకుంటున్నట్టు వెల్లడించారు. ''మా నాన్న డి. శ్రీనివాస్ గారు తీవ్ర అనారోగ్యం కారణంగా ఆసుపత్రిలో చికిత్స తీసుకుంటున్నారు'' అని అరవింద్ తన ట్వీట్‌లో తెలిపారు.

Supreme Court: అమరావతిపై ఏపీ ప్రభుత్వం పిటిషన్లు.. మార్చి 28న విచారణ


దిల్లీ: రాజధాని అమరావతిపై ఏపీ ప్రభుత్వం దాఖలు చేసిన పిటిషన్లపై విచారణను సుప్రీంకోర్టు మరోసారి వాయిదా వేసింది. రాజధానిపై పిటిషన్లను త్వరగా విచారించాలని రాష్ట్ర ప్రభుత్వం కోరింది.

త్వరగా వాదనలు ముగించాలని జస్టిస్‌ కేఎం జోసెఫ్, జస్టిస్‌ బీవీ నాగరత్న ధర్మాసనం ముందు ఏపీ ప్రభుత్వం తరఫున న్యాయవాదులు ప్రత్యేకంగా ప్రస్తావించారు. 

స్పందించిన సుప్రీం ధర్మాసనం.. ఆ పిటిషన్లపై మార్చి 28న విచారణ చేపడతామని స్పష్టం చేసింది. దీనిపై గతవారం విచారణ జరగాల్సి ఉన్నప్పటికీ రాజ్యాంగ ధర్మాసనం బుధ, గురువారాల్లో మిస్‌లేనియస్ పిటిషన్లపై విచారణను నిలుపుదల చేసిన నేపథ్యంలో అప్పుడు వాయిదా పడింది..

తిరుమలలో కొనసాగుతున్న భక్తుల రద్దీ..


Tirupati : తిరుమలలో భక్తుల రద్దీ కొనసాగుతోంది. నేడు శ్రీవారి దర్శనం కోసం భక్తులు 10 కంపార్ట్‌మెంట్లలో వేచి ఉన్నారు. నేడు స్వామివారి టోకెన్ లేని భక్తుల సర్వదర్శనానికి 24 గంటల సమయం పడుతోంది..

ఆదివారం శ్రీవారిని 81,170 భక్తులు దర్శించుకుని మొక్కులు చెల్లించుకున్నారు. 

నిన్న స్వామివారి హుండీ ఆదాయం రూ.4.23 కోట్లు వచ్చినట్టు తిరుమల తిరుపతి దేవస్థానం వెల్లడించింది. శ్రీవారికి నిన్న 27,236 మంది భక్తులు తలనీలాలు సమర్పించారు.

‘కిసాన్‌ సమ్మాన్‌ నిధి’ సాయం నేడు.. రూ.16,800 కోట్లు విడుదల చేయనున్న ప్రధాని


దిల్లీ: దేశ వ్యాప్తంగా ఎనిమిది కోట్ల మంది రైతులకు ‘ప్రధాన మంత్రి కిసాన్‌ సమ్మాన్‌ నిది’ 13వ విడత కింద రూ.16,800 కోట్ల సాయాన్ని సోమవారం ప్రధాని నరేంద్ర మోదీ విడుదల చేయనున్నారు. 

ఈ పథకంలో అర్హులైన రైతులకు ఏడాదిలో రూ.6,000 సాయం చొప్పున మూడు విడతలుగా రైతుల బ్యాంకు ఖాతాలకు నేరుగా కేంద్ర ప్రభుత్వం జమ చేస్తోంది. 

కర్ణాటకలోని బెళగావిలో లక్ష మందికి పైగా కిసాన్‌ సమ్మాన్‌ నిధి, జల్‌ జీవన్‌ మిషన్‌ లబ్ధిదారులతో నిర్వహించనున్న సభలో ప్రధాని 13వ విడత సాయాన్ని విడుదల చేస్తారని అధికారులు ప్రకటించారు. ఇప్పటివరకు ఈ పథకంలో 11 కోట్ల మందికి పైగా రైతులకు రూ.2.25 లక్షల కోట్ల నిధులను పంపిణీ చేసినట్లు పేర్కొన్నారు

మేఘాలయ, నాగాలాండ్‌లలో నేడే ఎన్నికలు


షిల్లాంగ్‌, కోహిమా: ఈశాన్య భారత్‌లోని నాగాలాండ్‌, మేఘాలయ రాష్ట్రాల్లో సోమవారం అసెంబ్లీ ఎన్నికలు జరగనున్నాయి. ఇందుకోసం అధికారులు అన్ని ఏర్పాట్లు పూర్తిచేశారు. ఈ రెండు రాష్ట్రాల్లో 60 శాసనసభ నియోజకవర్గాల చొప్పున ఉన్నాయి. అయితే నాగాలాండ్‌లో ఒక స్థానం (అకులుటో) ఎన్నిక ఏకగ్రీవం కాగా, మేఘాలయలో ఓ అభ్యర్థి (సోహియాంగ్‌ స్థానంలో) మరణించారు. 

ఫలితంగా సోమవారం రెండు రాష్ట్రాల్లోనూ 59 స్థానాలకే ఎన్నికలు జరగనున్నాయి. నాగాలాండ్‌లో మొత్తం 183 మంది అభ్యర్థులు బరిలో ఉన్నారు. ఈ రాష్ట్రంలో దాదాపు 13 లక్షల మంది ఓటర్లు ఉన్నారు. వారికోసం 2,291 పోలింగ్‌ కేంద్రాలను ఏర్పాటుచేశారు. రాష్ట్రంలో అధికార నేషనలిస్ట్‌ డెమోక్రటిక్‌ ప్రోగ్రెసివ్‌ పార్టీ (ఎన్‌డీపీపీ), భాజపా పొత్తు పెట్టుకొని ఎన్నికల బరిలో నిలిచాయి. కాంగ్రెస్‌, ఎన్‌పీపీ, ఎన్సీపీ, జేడీయూల నుంచి వాటికి గట్టి పోటీ ఎదురవుతోంది. మరోవైపు- మేఘాలయలో 369 మంది అభ్యర్థులు తమ అదృష్టాన్ని పరీక్షించుకుంటున్నారు. 

రాష్ట్రంలో 21.6 లక్షల మందికి పైగా ఓటర్లు ఉన్నారు. వారికోసం 3,419 పోలింగ్‌ కేంద్రాలను ఏర్పాటుచేశారు. అధికార నేషనల్‌ పీపుల్స్‌ పార్టీ (ఎన్‌పీపీ), ప్రతిపక్ష కాంగ్రెస్‌, తృణమూల్‌ కాంగ్రెస్‌, భాజపా మధ్య పోటీ తీవ్రంగా కనిపిస్తోంది.
35 మంది ఓటర్ల కోసం..
మేఘాలయలోని పలు ప్రాంతాల్లో అధికారులు తీవ్ర ఇబ్బందులను అధిగమించిమరీ పోలింగ్‌ కేంద్రాలకు చేరుకున్నారు. చాలాచోట్ల వారు వాగులు, నదులు, కొండలు, లోయలు దాటాల్సి వచ్చింది. గంటల కొద్దీ కాలినడకన వెళ్లక తప్పలేదు. అమ్లారెమ్‌ నియోజకవర్గ పరిధిలోని కామ్సింగ్‌ పోలింగ్‌ కేంద్రం పరిధిలో 35 మంది ఓటర్లు ఉన్నారు. ఎన్నికల సిబ్బంది పడవ సాయంతో నదిని దాటి అక్కడికి చేరుకున్నారు.

నూతన జాతీయ విద్యా విధానం 2020 రాజ్యాంగ స్పూర్తి కి విరుద్దం.
•ప్రొ:చక్రధర్ రావు
నూతన జాతీయ విధ్యా విధానం 2020 భారత రాజ్యాంగ సమాఖ్య స్పూర్తి కి,భారత జీవన విధానాన్ని కి,బిన్న సంస్కృతులకు విరుద్దమని విద్యా పరిరక్షణ కమిటీ రాష్ట్ర అధ్యక్షులు ప్రొఫెసర్.కె.చక్రధర్ రావు అన్నారు.

రాష్ట్ర కమిటీ పిలుపు మేరకు తెలంగాణ విద్యా పరిరక్షణ కమిటి అధ్వర్యంలో ఆదివారం నల్లగొండ పట్టణంలో ని టి.ఎన్.జి.ఓ భవన్ లో "నూతన జాతీయ విద్యా విధానం 2020" పై జిల్లా గౌరవాధ్యక్షులు ఆర్.విజయ్ కుమార్ అధ్యక్షత న జిల్లా సదస్సు నిర్వహించడం జరిగింది.ఈ సదస్సు కు ముఖ్య అతిథిగా విచ్చేసిన ప్రొ:చక్రధర్ రావు మాట్లాడుతూ 

నూతన జాతీయ విద్యా విధానం పై కేంద్రం కమిటిలు వేయడం,కమిటిలు ఇచ్చిన రిపోర్టు ను పక్కకు పెట్టడం,పార్లమెంట్ లో చర్చకు పెట్టకుండా క్యాబినెట్ ఆమోదించడం ఇదంతా ప్రజాస్వామ్య స్పూర్తి కి విరుద్దం అన్నారు.సెక్యులర్ విద్యను ప్రోత్సహించకుండా జ్యోతిష్యం,భగవద్గీత, కు సంబంధించిన మత మౌడ్య కోర్సులకు ప్రాధాన్యత ఇచ్చే విధంగా ఉంధన్నారు.కేంద్రం వేసిన కమిటీ లో విద్యా రంగానికి సంబంధించిన విద్యారంగ నిపుణులు లేరన్నారు.అంతా కేంద్ర ప్రభుత్వ అధికారుల బృంధమే ఉంధన్నారు.వారికి విధ్యా విధానాల పై అవగాహన లేదన్నారు.అలాంటి విధానాలు  ఈ దేశ పరిస్థితులకు అనువైనవి కావన్నారు.

సామాన్యులకు అంధని ద్రాక్ష ఎన్.ఇ.పి ప్రొ:లక్ష్మినారాయణ
విద్య అనేది ఉమ్మడి జాబితా లోని అంశం..కాని రాష్ర్టాల ఆలోచనలను,యూనివర్సిటీ ప్రొఫెసర్ ల అభిప్రాయాలను పరిగణలోకి తీసుకోకుండానే ఏకపక్షంగా కేంద్రం నిర్ణయం తీసుకుందన్నారు.
రాష్ర్టాల అభిప్రాయాలను గాని పార్టీ ల అభిప్రాయాలను గాని,కనీసం చర్చ కోసం కూడా యూనివర్సిటీ లకు కూడా పంపలేదన్నారు.కేంద్ర క్యాబినెట్ ఆమోదించి అమలులోకి తెచ్చే ప్రయత్నం చేస్తుంధన్నారు.పాలకులు ప్రజల ఆకాంక్ష ల వెలుగులో విధానాలు రుపొందించకుండా..వారి ప్రయోజనాల కోసం రుపొందిస్తున్నారన్నారు. ఆరవ తరగతి నుండే వృత్తి విద్యల పేరుమీద కుండల తయారీ, వడ్రంగం,కుమ్మరి పని,తోట పని మొదలైన కుల వృత్తులను కోర్సులు గా పెట్టి ప్రాచీన మధ్యయుగ కాలం నాటి కుల వ్యవస్థ ను బలోపేతం చేయాలని చూస్తుంధన్నారు. డిగ్రీ 4 సంవత్సరాల కోర్సు చేయమని ఎవరు కోరలే డిమాండ్ చేయలే.ఇంటర్నేషనల్ యూనివర్సిటీ లను తీసుకొచ్చి ఇక్కడి విద్యా వ్యవస్థను దెబ్బ తీయడం లో భాగమే నూతన జాతీయ విద్యా విధానమన్నారు.ఈ జాతీయ విద్యా విధానం తో ప్రైవేటికరణ,కార్పోరేటికరణ,కాషాయికరణ పెరిగిపోయి సామాన్య విద్యార్థుల కు విద్య అందని ద్రాక్ష గా మారే ప్రమాదం ఉంధన్నారు.

ఈ కార్యక్రమంలో  డి.టి.ఎఫ్ రాష్ట్ర అధ్యక్షులు ఎం.సోమయ్య,డిటిఎఫ్ రాష్ట్ర కార్యదర్శి బాస్కర్,తెలంగాణ విద్యావంతుల వేదిక రాష్ట్ర అధ్యక్షులు అంబటి నాగయ్య,మానవ హక్కుల వేదిక బాధ్యులు గోసుల మోహన్,విద్యా పరిరక్షణ కమిటీ జిల్లా అధ్యక్షులు పి.వెంకులు,ప్రధాన కార్యదర్శి కె.రత్నయ్య,కస్తూరి ప్రభాకర్, యు.టి.ఎఫ్ జిల్లా అధ్యక్షులు ఎడ్ల సైదులు,కె.పర్వతాలు,జ్వాలా వెంకటేశ్వర్లు,ఇందూరి సాగర్,పందుల సైదులు,కొండేటి మురళి,తదితరులు పాల్గొన్నారు.

Congress Plenary: ప్రధాని మోదీ, అదానీ ఒక్కటే.. కాంగ్రెస్ ప్లీనరీలో రాహుల్ ఫైర్..


రాయ్‌పూర్‌: ప్రధాని నరేంద్ర మోదీ, వ్యాపారవేత్త గౌతమ్‌ అదానీ ఒక్కటేనని కాంగ్రెస్ నేత రాహుల్ గాంధీ ధ్వజమెత్తారు. ఛత్తీస్‌గఢ్‌ రాయ్‌పూర్‌లో జరుగుతున్న కాంగ్రెస్ 85వ ప్లీనరీ సమావేశాల మూడో రోజు ఆయన ప్రసంగించారు.
ఈ సందర్భంగా కేంద్రంలోని బీజేపీ ప్రభుత్వంపై విమర్శలతో విరుచుకుపడ్డారు.

అదానీకి, మోదీకి సంబంధమేంటని పార్లమెంటులో తాను ప్రశ్నలు సంధిస్తే ప్రభుత్వంతో పాటు కేంద్ర మంత్రులు ఆయనకు వత్తాసుపలికేలా మాట్లాడుతున్నారని రాహుల్ విమర్శించారు. అదానీ గురించి పార్లమెంటులో ప్రశ్నించవద్దని బీజేపీ నేతలు అంటున్నారని, కానీ వాస్తవం ప్రజలకు తెలిసే వరకు తానూ ఈ విషయంపై ప్రశ్నిస్తూనే ఉంటానని రాహుల్ స్పష్టం చేశారు.

'భారత్‌ జోడో యాత్రలో నేను చాలా విషయాలు నేర్చుకున్నా. ప్రజలు, రైతుల సమస్యలు దగ్గరుండి చూశా. కులం, మతం, వయసుతో సంబంధం లేకుండా అన్ని వర్గాల నుంచి జోడో యాత్రకు విశేష స్పందన లభించింది. ఎండ, వాన, చలిని లెక్కచేయకుండా ప్రజలు నాతోపాటు నడిచారు. ఈ యాత్ర నాకు పాఠాలు నేర్పింది. నాలుగు నెలల పాటు ఓ తపస్సులా ఈ యాత్ర సాగింది. కార్యకర్తలు, పార్టీ శ్రేణుల్లో కొత్త ఉత్సాహాన్ని తెచ్చింది. భారత్ జోడో యాత్ర ద్వారా కాశ్మీర్ యువతలో త్రివర్ణ పతాకంపై ప్రేమను నింపాము. కానీ బీజేపీ దాన్ని తీసుకెళ్లింది.' అని రాహుల్ వ్యాఖ్యానించారు..