Jun 02 2022, 17:31

శ్రీ చైతన్య, నారాయణ విద్యా సంస్థలపై తక్షణమే చర్యలు తీసుకోవాలి - P.D.S.U జిల్లా ప్రధాన కార్యదర్శి

సిద్దిపేట జిల్లా:-

సిద్దిపేట జిల్లా కేంద్రంలో ఉన్న శ్రీ చైతన్య నారాయణ విద్యా సంస్థల పై విద్యాశాఖ అధికారులు తక్షణమే చర్యలు తీసుకోవాలని కోరుతూ  డిఈ ఓ గారికి ప్రోగ్రెసివ్ డెమోక్రటిక్ స్టూడెంట్ యూనియన్ (PDSU) ఆధ్వర్యంలో వినతి పత్రం అందజేశారు.ఈ సందర్భంగా సంఘం సిద్దిపేట జిల్లా ప్రధాన కార్యదర్శి ఎస్ వి శ్రీకాంత్ మాట్లాడుతూ విద్యా శాఖ అనుమతులు లేకుండానే సిబీఎస్ఈ,ఐఐటీ సిలబస్ పేర్లతో సాధారణ జనాలను మరియు తల్లిదండ్రులను అసత్య ప్రచారాలు చేస్తూ ఎక్కడబడితే అక్కడ పట్టణంలో భారీ హోర్డింగ్స్ పెడుతూ మోసం చేస్తున్నారని పేర్కొన్నారు. విద్యా హక్కు నిబంధనలు ఉల్లంఘిస్తూ జిల్లాలోని చాలా ప్రైవేట్ పాఠశాలలు టెక్నో,ఈటెక్నో, కాన్సెప్ట్,ఇంటర్నేషనల్,డీజి వంటి తోకల పేర్లను తగిలించుకొని బోర్డులు పెడుతున్నారని ఇది చట్టవిరుద్ధం అని అన్నారు.
మరోవైపు నారాయణ, శ్రీ చైతన్య లాంటి పాఠశాలలు ఒక స్కూల్ పేరుతో నడుపుతూ మరొక స్కూల్ పేరుతో విద్యార్థులకు పుస్తకాలు, స్కూల్, యూనిఫామ్స్, బ్యాగ్, షూ,టై,బెల్ట్ అమ్ముతున్నారని తక్షణమే వాటిపైన చట్టరీత్యా చర్యలు తీసుకోవాలని డిమాండ్ చేశారు.లేనిపక్షంలో పి.డి.ఎస్.యూ ఆధ్వర్యంలో నిబంధనలు ఉల్లంఘిస్తున్న పాఠశాలలపై భౌతిక దాడులకు సైతం వెనకాడబోమని దీనికి పూర్తి బాధ్యత విద్యాశాఖ అధికారులలే వహించాలని స్పష్టం చేశారు.ఈ కార్యక్రమంలో పి డి ఎస్ యు నాయకులు కొంపల్లి విజయ్ కుమార్ తదితరులు పాల్గొన్నారు.
 

Jun 02 2022, 14:00

మండలంలో వెలుగులు నింపుతున్న విధ్యుత్ ఏఈ ఆస శంకర్


అభివృద్ధి పనులతో ప్రశంసలు



మొగుళ్లపల్లి మండల ఎన్ పి డి సి ఎల్ ఏఈ ఆస శంకర్ మండలంలోని గ్రామాలలో విద్యుత్ వెలుగులను ప్రసరింప చేస్తున్నారు. సబ్ ఇంజనీర్ నుంచి అసిస్టెంట్ ఇంజనీర్ గా పదవి చేపట్టినప్పటి నుంచి విద్యుదీకరణ కోసం అనేక పనులు చేపట్టారు. సిరిసిల్ల జిల్లా ఇల్లంతకుంట మండలం ఆరేపల్లి గ్రామంలో లింగమ్మ- రాఘవులు దంపతులకు జన్మించిన ఆస శంకర్ 1 నుంచి 9వ తరగతి వరకు గోదావరిఖనిలోని యుపిఎస్ పాఠశాలలో, పదవ తరగతి కరీంనగర్ లోని మల్టీపర్పస్ హైస్కూలులో, వనపర్తిలోని కేడిఆర్ పాలిటెక్నిక్ కళాశాలలో డిప్లమా, హైదరాబాదులోని జె ఎన్ టి యు కళాశాలలో బీటెక్ విద్యనభ్యసించిన ఆయన 2005 సంవత్సరంలో సబ్ ఇంజనీర్ గా బాధ్యతలను స్వీకరించి 2005 నుంచి 2010 సంవత్సరం వరకు జయశంకర్ భూపాలపల్లి జిల్లా మల్హార్ మండలంలోని కొయ్యూరులో, 2010 నుంచి 2015 సంవత్సరం వరకు పెద్దపల్లి జిల్లా ముత్తారం మండలంలోని ఓడెడులో, 2015 నుంచి 2017 జూలై వరకు పెద్దపల్లి జిల్లా కమాన్ పూర్ లో సబ్ ఇంజనీర్ గా సమర్ధవంతంగా బాధ్యతలు నిర్వహించి ప్రజల మన్ననలు పొందారు. 2017 సంవత్సరంలో ప్రమోషన్ పొంది మొగుళ్లపల్లి అసిస్టెంట్ ఇంజనీర్ గా బాధ్యతలను స్వీకరించారు. నాటి నుంచి నేటి వరకు వినియోగదారులకు, రైతులకు నాణ్యమైన విద్యుత్ ను అందించడానికి 352 ట్రాన్స్ఫార్మర్లను అమర్చారు. ఉడియుజివివై పథకం కింద 1425 మంది లబ్ధిదారులకు 1032 ఫోల్స్, 33 ట్రాన్స్ఫార్మర్లను అమర్చి గ్రామాలను విద్యుదీకరణ చేశారు. మండలంలో లైన్ కింద 522 ఫోల్స్ వేసి ప్రమాదాలు జరగకుండా చర్యలు తీసుకున్నారు. చిట్యాల నుంచి మొట్లపల్లి వరకు వెళ్లే 33 కెవి లైన్ ఇంటర్ లింకింగ్ కింద మొగుళ్లపల్లి సబ్ స్టేషన్ వద్ద 2.28 మీటర్ల లైన్ వేసి విద్యుత్ కు అంతరాయం ఏర్పడకుండా చర్యలు చేపట్టారు. అకినపల్లి సబ్ స్టేషన్ నుంచి టేకుమట్ల సబ్ స్టేషన్ మధ్యలో 6 కిలోమీటర్ల వరకు 33 కెవి లైన్ వేసి రైతులకు విద్యుత్ అంతరాయం ఏర్పడకుండా కృషి చేశారు. అలాగే మొదటి విడత పల్లె ప్రగతి కార్యక్రమం కింద మండలంలో 474 ఫోల్స్ మరియు 44 కిలోమీటర్ల మేర వీధి దీపాల వైర్లు వేసి గ్రామాలలో వెలుగులు విరజిమ్మేలా కృషి చేశారు. నాలుగో విడత పల్లె ప్రగతి కార్యక్రమంలో భాగంగా మొగుళ్లపల్లి, పాత ఇస్సిపేట, పిడిసిల్ల గ్రామాలలో వీధిలైట్ల సౌకర్యార్థం మూడవ వైర్ వేయడంతో ఆయన విధుల నిర్వహణ పట్ల విద్యుత్ వినియోగదారులు, రైతాంగం నుంచి ప్రశంసలు అందుకుంటున్నారు.
 

Jun 01 2022, 15:08

స్వర్ణకారులపై పోలీసుల వేదింపులను నిరసిస్తూ చేపట్టబోయే రిలే నిరహార దీక్షను విజయవంతం చేయండి - ఓం విశ్వకర్మ టీవీ చానల్ ఎం.డి. కొండోజు నర్సింహ్మచారి
 స్వర్ణకారులను పోలీసులు అక్రమ దొంగ బంగారం కేసులతో వేదించడాన్ని నిరసిస్తూ రెండు రోజుల రిలే నిరహార దీక్ష-ఓం విశ్వకర్మ టీవీ చానల్ ఎండీ



తెలంగాణ:-
తెలంగాణలో స్వర్ణకారులను పోలీసులు అక్రమదొంగబంగారం కేసులపేరుతో వేధించడాన్ని నిరసిస్తూ ఓం విశ్వకర్మ టీవీ చానల్ ఆధ్వర్యంలో ఇందిరాపార్క్ వద్ద రెండురోజుల రిలేనిరహార దీక్ష ప్రతి ఒక్కరు పెద్దఎత్తున పాల్గొని విజయవంతం చేయాలని పిలుపునిచ్చిన ఓం విశ్వకర్మ టీవీ చానల్ ఎం.డి. కొండొజు నర్సింహ్మచారి.త్వరలో తేదీ నిర్ణయించి అన్నీజిల్లాల స్వర్ణకారులకి తెలియచేస్తామని స్వర్ణకారులపైన అక్రమ కేసులు పెట్టాలి అంటేనే పోలీసులు బయపడే విధంగా కార్యాచరణ ఉంటుందని ఓప్రకటనలో తెలిపారు.దయచేసి తెలంగాణ రాష్ట్రవ్యాప్తంగా ఉన్న ప్రతిఒక్క స్వర్ణకార పెద్దలు చిన్నలు పాల్గొని రిలే నిరహార దీక్షను విజయవంతం చేయాలని పిలుపు నిచ్చాన విశ్వకర్మ జాతి బిడ్డ ఓం విశ్వకర్మ టీవీ చానల్ యం.డి. కొండొజు నర్సింహ చారి.
 

Jun 01 2022, 07:22

పిల్లొచ్చి గుడ్డును వెక్కిరించినట్లుంది టీఆర్ఎస్, బీజేపీ ల మాటలు
కాంగ్రేస్ ప్రవేశపెట్టిన సంక్షేమ పథకాలే నేటి దేశాభివృద్ధి - జంగిటి శ్రీనివాస్ ముదిరాజ్ పిసిసి భూ కమిటీ మాజీ సభ్యులు

సిద్దిపేట జిల్లా(చిన్నకోడూర్ ):- కాంగ్రెస్ పార్టీ అంటే దేశ ప్రజలకు ఒక అండ,ఒక భరోసా,ఒక నమ్మకం,నేటి దేశాభివృద్ధికి దిక్చూచి అని పిసిసి భూ కమిటీ మాజీ సభ్యులు జంగిటి శ్రీనివాస్ ముదిరాజ్ అన్నారు.
సిద్దిపేట జిల్లా చిన్నకోడూరులో మంగళవారం బి.సి సెల్ మండల అధ్యక్షుడు బంక చిరంజీవి యదవ్ తో కలసి జంగిటి శ్రీనివాస్ ముదిరాజ్ మాట్లాడుతూ భారత దేశానికి స్వాతంత్ర్యం వచ్చినప్పుడు తెల్లదొరలు ఎమన్నా మడులు మణిక్యాలు వజ్ర వైడూర్యాలు ఎమన్నా వదిలి వెళ్ళారా అని ప్రశ్నించారు. తెల్లదొరలు దేశాన్ని దోసుకుపోతే కాంగ్రేస్ ప్రభుత్వం ఏర్పడినాక అనేక నీటి ప్రాజెక్టులు నిర్మించి వ్యవసాయ ఉత్పత్తులు పెంచిందని అనేక కర్మాగారాలు తీసుకొచ్చి ప్రజలకు ఉపాధి కల్పించి, రోడ్లు వేసి రవాణా సౌకర్యం తెచ్చిందని అనేక శాఖలు ఏర్పాటు చేసి ఉద్యోగాలు ఇచ్చింది, బ్యాంకు తెచ్చింది, వాటిని జాతీయం చేసింది, పేద ప్రజలకు ఇండ్లు కట్టించింది, బట్టలు ఇచ్చింది, తినడానికి రేషన్ బియ్యమిచ్చింది, రైతులకు సబ్సిడి కింద విత్తనాలు, వ్యవసాయ పరికరాలు, ఎరువులు, అందించి, టెలిఫోన్, కంప్యూటర్ టెక్నాలజీ తెచ్చింది, ప్రజలను చైతన్యం చేసి కులమతాలకు అతీతంగా సత్సంబంధాలను పెంచి రాగ ద్వేషాలను తొలగించింది, ఇలా చెప్పుకుంటూ పోతే కాంగ్రేస్ చేసిన అభివృద్ధి చాలా ఉంది. అధికారంలో ఉన్న టీఆర్ఎస్, బిజెపిలు ఇప్పుడుచేస్తుంది ఏమిటీ అని ప్రశ్నించారు. కులాల మధ్యన మతాల మధ్యన చిచ్చు పెడుతూ ఒకరినొకరు కలవకుండా చేసి అలజడి సృష్టిస్తుండ్రని అధికారంలో ఉన్న టీఆర్ఎస్, బిజెపీ లపై మండి పడ్డారు. మళ్ళి అధికారంలోకి రావడానికి అడ్డదారులు తొక్కుతూ ప్రజలను రెచ్చగొడుతున్నారన్నాడు. ధనలక్ష్మి పేరు చెప్పి గద్దెనెక్కిన మీరు నేడు శవాల మీద రాజకీయం చేసిగద్దెనెక్కలనిచూస్తున్నారన్నారు. కాంగ్రెస్ పార్టీ నాయకులు 60 ఏండ్లు పాలనలో ఎన్ని ఆస్తులు సంపాదించారో చెప్పగలరా? అది సూన్యం కానీ కేసీఆర్ అమిత్ శాలకు ఎనమిది సంవత్సరాలల్లో వందల ఎకరాల ఫామౌజ్ లు ఎలా వచ్చాయో చెప్పగలరా అని ప్రశ్నించారు.అవినీతికి పాల్పడి అక్రమంగా సంపాదించుకున్న సంపాదన కదా, మీ అక్రమాలను నిరూపించడాని మేము రెడీ మీకు దమ్ము దైర్యం ఉంటేఎక్కడ ఎప్పుడు కూసుందమో చెప్పండి మా నాయకులను తీసుకొని వస్తాం అని సవాల్ విశిరారు.
 

May 31 2022, 21:38

గ్రూప్-1 నోటిఫికేషన్ దరఖాస్తు గడువు పెంచాలి-P.D.S.U తెలంగాణ రాష్ట్ర ప్రధాన కార్యదర్శి పి.మహేష్
సిద్దిపేట జిల్లా:-

(గజ్వేల్ నియోజకవర్గం) :-గ్రూప్-1 నోటిఫికేషన్ దరఖాస్తు గడువు పెంచి డిగ్రీ ఫైనల్ సెమ్ విద్యార్థులకు దరఖాస్తు చేసుకునే అవకాశాన్ని కల్పించాలని పి.డీ.ఎస్.యు తెలంగాణ రాష్ట్ర ప్రధాన కార్యదర్శి పి.మహేష్ రాష్ట్ర ప్రభుత్వాన్ని కోరారు.మంగళవారం నియోజకవర్గమైన గజ్వేల్ పట్టణంలోని ఉపాధ్యాయ భవన్ లో పి.డీ.ఎస్.యు సిద్ధిపేట జిల్లా కమిటీ సమావేశం నిర్వహించారు. దీనికి హాజరైన మహేష్ మాట్లాడుతూ గ్రూప్-1 నోటిఫికేషన్ దరఖాస్తు గడువు నేటితో ముగియనునుందని కానీ ఇంకా చాలామంది నిరుద్యోగ అభ్యర్థులు దరఖాస్తు చేసుకునే సమయంలో సర్వర్ బిజీ మరియు సాంకేతిక సమస్యలు తలెత్తడంతో దరఖాస్తు చేసుకోలేకపోతున్నారని అన్నారు.తక్షణమే ప్రభుత్వం దరఖాస్తు గడువు పొడిగించాలని కోరారు.అదే విధంగా గ్రూప్-1 ప్రిలిమినరి పరీక్షకు సన్నదం అయ్యే అభ్యర్థులకు అటు మార్కెట్ లో ఇటు తెలుగు అకాడమీలో కూడా మెటీరియల్స్ అందుబాటులో లేవని మరియు జులై లో రైల్వే, బ్యాంకు, ఎస్.ఎస్.సి,ఇతర పోటీ పరీక్షలు ఉన్నాయని,ఆగస్టులో ఎస్సై, కానిస్టేబుల్ పోస్టులకు ప్రిలిమినరి పరీక్ష షెడ్యూల్ విడుదలైందని, గ్రూప్-1 ప్రిలిమినరి పరీక్ష ఈ తేదీలలో కాకుండా వేరే తేదీలలో నిర్వహించేలాచర్యలుతీసుకోవాలని లేదంటే దీనివల్ల అభ్యర్థులు నష్టపోయే అవకాశాలు ఉన్నాయన్నారు. కావున ప్రిలిమినరి పరీక్ష రాసేందుకు తగినంత సమయం ఇవ్వాలని డిమాండ్ చేశారు.ఈ కార్యక్రమంలో పి.డీ.ఎస్.యు సిద్దిపేట జిల్లా అధ్యక్ష,కార్యదర్శిలు కానుగుల రమనకర్, ఎస్.వి.శ్రీకాంత్,జిలా ఉపాధ్యక్షుడు విద్యానాథ్, జిల్లా కమిటీ సభ్యులు గణేష్, రాహుల్,ప్రతాప్ తదితరులు పాల్గొన్నారు.
 

May 31 2022, 19:19

జనం మధ్యలో నుండి బీడీ కంపెనీ తొలగించాలంటూ తహసీల్దార్ కు వినతి పత్రం సమర్పణ
జనం మద్యలో నుంచి బీడీ కంపనీ తొలగించాలి- విబిఏ జిల్లా అధ్యక్షులు గవ్వల శ్రీకాంత్ డిమాండ్



మంచిర్యాల జిల్లా:-
వంచిత్ బహుజన్ ఆఘఢీ జిల్లా అధ్యక్షులు గవ్వల శ్రీకాంత్ మాట్లాడుతూ మంచిర్యాల జిల్లా జన్నారం మండల కేంద్రం జన్నారం గ్రామ పంచాయతీ పరిధిలో ప్రభుత్వ హస్పటల్ రోడ్డులో ఇండ్ల మద్యలో బీడీ కంపనీ ఏర్పాటు చేయడానికి పెద్ద షెడ్ ను నిర్మిస్తున్నారని,దానికి 100 అడుగుల దూరం లో ప్రభుత్వ హస్పటల్ ఉందని చుట్టు నివాస స్థలాలు ఇండ్లు ప్రజలు ఉన్నారని కావున జనం మద్యలో నుండి బీడీ కంపెనీ తొలగించాలని అక్కడ బీడీ కంపెనీ నిర్మిస్తే పొగాకు వలన అనేక రోగాలు వస్తాయని డాక్టర్ లకు ప్రజలకు అధికారులకు ప్రజాప్రతినిధులకు తెలుసునని
అయిన ప్రజల మద్య ఏర్పాటు చేయడం అంటే కావాలని అక్కడ ఏర్పాటు చేస్తున్నట్లు ఉందని మండి పడ్డారు.బీడీ కంపనీ ఏర్పాటు చేయడం వలన తెచ్చిన బీడీ కట్టలను బట్టి పెట్టడం దానివల్ల పొగ రావడం ప్యాకింగ్ చేయడం చెత్త చెదారం పొగ పొగాకు వలన చుట్టు పక్కల ఉన్న జనానికి(ప్రజలకు) ముక్యంగా పిల్లలకు మరియు పెద్ద వాళ్లకు అందరికి ఉపిరితిత్తులు చెడిపోయి టిబి,క్యాన్సర్, లీవర్ మరియు గుండె సంబంధిత వ్యాదులు వచ్చి అనేక అనారోగ్యాలకు గురి కావడానికి అవకాశం ఉందని కావున ఊరికి దూరంగా బీడీ కంపెనీ ఏర్పాటు చేసుకోవాలని వంచిత్ బహుజన్ ఆఘఢీ (విబిఏ) జిల్లా అధ్యక్షులు గవ్వల శ్రీకాంత్ విజ్ఞప్తి చేస్తూ అక్కడి నుండి తొలగించాలని డిమాండ్ చేస్తూ జన్నారం తహసీల్దార్
ఇ.కిసాన్ గారికి వినతి పత్రం సమర్పించారు. ఊరికి దూరంగా ఉండే విదంగా చర్య తీసుకోవాలని తహసీల్దార్ ను గవ్వల శ్రీకాంత్ కోరారు.ఈ కార్యక్రమములో యూత్ మండల అధ్యక్షులు నల్లగొండ అజయ్ కుమార్, రాగుల వెంకటేష్, నల్ల తిరుపతి,అంబటి శరత్ కుమార్ ,జునుగురు భూమయ్య, దుర్గం లింగేశ్వర్ తదితరులు పాల్గొన్నారు.

గవ్వల శ్రీకాంత్ జిల్లా అధ్యక్షులు
ఉమ్మడి కరీంనగర్ జిల్లాల ఇన్చార్జి సెల్ 9492744055
 

May 31 2022, 18:43

తాటిచెట్టు పై నుండి కింద పడి చికిత్స పొందుతున్న గీతాకార్మికున్ని రాష్ట్ర ప్రభుత్వమే ఆదుకోవాలి
పంజాల వెంకన్న గౌడ్ ను రాష్ట్ర ప్రభుత్వం తక్షణమే అదుకొవాలి - గోపా జిల్లా అధ్యక్షులు చిర్ర రాజు గౌడ్ డిమాండ్

వరంగల్ జిల్లా:-
తాటిచెట్టు పై నుండి క్రింద పడి కాలు విరిగి తీవ్ర గాయలతో ఎంజీఎం ఆసుపత్రిలో చికిత్స పొందుతున్న గీతా కార్మికుని రాష్ట్ర ప్రభుత్వం తక్షణమే ఆదుకోవాలని గోపా హనుమకొండ జిల్లా అధ్యక్షులు చిర్ర రాజు గౌడ్ డిమాండ్ చేశారు. మంగళవారం రోజున మహబూబాబాద్ జిల్లా తొర్రూర్ మండలం గుర్తురు గ్రామానికి చెందిన పంజాల వెంకన్న గౌడ్ తాటిచెట్టుపై నుండి కింద పడి కాలు విరగడంతో ఉమ్మడి వరంగల్ జిల్లాలోని ఎంజీఎం ఆస్పత్రికి తరలించగా గోపా జిల్లా అధ్యక్షులు డాక్టర్ చిర్ర రాజు గౌడ్, సర్వాయి పాపన్న గౌడ సంక్షేమ సంఘం రాష్ట్ర కన్వీనర్ జనగాం శ్రీనివాస్ గౌడ్ లు ఎంజీఎం ఆస్పత్రికి వెళ్లి ఆయనను పరామర్శించారు. అంతరం వారు మాట్లాడుతూ గాయాలపాలైన గీతా కార్మికుని కుటుంబానికి రాష్ట్ర ప్రభుత్వం తక్షణమే ఆర్థిక సహాయం అందజేసి వారి కుటుంబాన్ని ఆదుకోవాలని డిమాండ్ చేశారు. ఈ కార్యక్రమంలో గోపా జిల్లా సహాయ కార్యదర్శి పంజాల మధు గౌడ్, సర్వాయి పాపన్న గౌడ సంక్షేమ సంఘం జిల్లా ప్రధాన కార్యదర్శి తాళ్లపల్లి రమేష్ గౌడ్, గోపా ఆర్గనైజింగ్ సెక్రటరీ టీవీ రాజు గౌడ్ తదితరులు పాల్గొన్నారు.
 

May 31 2022, 18:21

రామరాజ్యాన్ని తలపిస్తున్న మోడీ పాలన-బీజేపీ అధికార ప్రతినిధి చందుపట్ల కీర్తిరెడ్డి
 మోడీ 8 ఏండ్ల పాలనలో చేపట్టిన సంక్షేమ పథకాలను ప్రజల్లోకి తీసుకెళ్లండి

 భూపాలపల్లిలో బీజేపీ జెండాను ఎగురవేయడమే లక్ష్యంగా పని చేయండి

మొగుళ్లపల్లి బిజెపి కార్యకర్తలకు దిశానిర్దేశం చేసిన చందుపట్ల కీర్తిరెడ్డి

ప్రధాని నరేంద్ర మోడీ 8 ఏండ్ల పాలన రామ రాజ్యాన్ని తలపిస్తుందని ప్రధాని నరేంద్ర మోడీ గత 8 ఏండ్లుగా ప్రవేశపెట్టిన సంక్షేమ పథకాలను ప్రజల్లోకి తీసుకెళ్లి, బూతు స్థాయిలో పార్టీని బలోపేతం చేసి రాబోయే అసెంబ్లీ ఎన్నికల్లో భూపాలపల్లిలో బిజెపి జెండాను ఎగురవేసి నరేంద్ర మోడీకి కానుకగా ఇవ్వాలని బీజేపీ రాష్ట్ర అధికార ప్రతినిధి, భూపాలపల్లి నియోజకవర్గ ఇంచార్జి చందుపట్ల కీర్తి రెడ్డి కార్యకర్తలకు దిశానిర్దేశం చేశారు. మంగళవారం రోజున మండల కేంద్రంలోని అమ్మ గార్డెన్ లో జరిగిన బిజెపి మండల స్థాయి విస్తృత కార్యకర్తల సమావేశానికి బిజెపి మొగుళ్లపల్లి మండల అధ్యక్షుడు చేవ్వ శేషగిరి యాదవ్ అధ్యక్షతన వహించగా ముఖ్య అతిథిగా పాల్గొన్న బిజేపి అధికార ప్రతినిధి చందుపట్ల కీర్తిరెడ్డి మాట్లాడుతూ కరోనా కష్టకాలంలో దేశ ప్రజలందరిని సురక్షితంగా కాపాడేందుకు ప్రధాని మోడీ తగు చర్యలు తీసుకున్నారని, కేంద్ర ప్రభుత్వం అన్ని రాష్ట్రాలను సమానంగా చూస్తూ నిధులను కేటాయిస్తుందని, కేంద్ర ప్రభుత్వం ఇచ్చే నిధులతో రాష్ట్ర ప్రభుత్వం భోగాలు అనుభవిస్తుందని మండిపడ్డారు. స్థానిక సంస్థలను బలోపేతం చేయడానికి నిధులు విధుల వినియోగంలో సర్వాధికారాలను దేశంలోని సర్పంచులందరికీ కట్టబెడుతూ కేంద్రంలోని బిజెపి ప్రభుత్వం కొత్త చటం తెచ్చిందని, కానీ రాష్ట్రంలోని టిఆర్ఎస్ ప్రభుత్వం రాజ్యాంగ స్ఫూర్తికి విరుద్ధంగా సర్పంచులుగా వారికి ఉన్న అధికారాలను కత్తెర వేస్తూ గ్రామ స్వరాజ్యం లక్ష్యాలను నీరుగారుస్తుందని దుయ్యబట్టారు. పంచాయతీల అభివృద్ధి కోసం టిఆర్ఎస్ పార్టీ 2014లో పెట్టిన మ్యానిఫెస్టోలోని హామీలు నీటి మీద రాతలుగానే మిగిలిపోయాయని పేర్కొన్నారు. కేంద్రం ఇచ్చే నిధులతో గ్రామాలు సస్యశ్యామలమై విరాజిల్లుతుంటే రాష్ట్ర ప్రభుత్వం తీసుకుంటున్న నిర్ణయాల వల్ల సర్పంచులు గ్రామాల్లో ఏమీ పని చేయలేక పోతున్నారని సర్పంచుల బ్యాంక్ అకౌంట్ లను ప్రీజింగ్ చేయడం వలన పారిశుద్ధ్య పనులు, సైడ్ డ్రైనేజీల నిర్మాణ పనులతోపాటు అంతర్గత రోడ్ల నిర్మాణం, సిసి రోడ్ల నిర్మాణం లాంటి పనులను చేపట్టలేక సకల సమస్యలతో గ్రామాలు కూనరిల్లుతున్నాయని తెలిపారు. రాష్ట్ర ప్రభుత్వం తీసుకున్న నిర్ణయాలను వెంటనే వెనక్కి తీసుకోకపోతే సర్పంచులందరితో కలిసి భాజపా ఆధ్వర్యంలో పెద్ద ఎత్తున ఉద్యమాలను నిర్వహిస్తామని హెచ్చరించారు. ఈ కార్యక్రమంలో బిజెపి నియోజకవర్గ కన్వీనర్ మోరే రవీందర్ రెడ్డి, జిల్లా కార్యదర్శి అన్నం శ్రీనివాస్, ఓబీసీ సెల్ రాష్ట్ర కమిటీ సభ్యుడు వేముల రాజా గౌడ్, బిజెపి మండల ప్రధాన కార్యదర్శి బండారి శ్రీనివాస్, బీజేవైఎం మండల అధ్యక్షుడు తూముల సురేష్, కిసాన్ మోర్చ మండల అధ్యక్షులు అన్నం దేవేందర్ రెడ్డి, నాయకులు తక్కల్లపల్లి విజేందర్ రావు, పోతుగంటి సాయిలు, రాస బిక్షపతి, బోయిన తిరుపతి యాదవ్ తదితరులు పాల్గొన్నారు.
 

May 31 2022, 17:57

స్వీపర్ కొడుకు ఇక కలెక్టర్ 
జయశంకర్ భూపాలపల్లి జిల్లా:-

భూపాలపల్లి మున్సిపాలిటీ పరిధిలోని కాశింపల్లి గ్రామానికి చెందిన ఆకునూరి అయిలయ్య, సులోచన దంపతులకు ఇద్దరు కొడుకులు,ఇద్దరు కూతుళ్లు.వీరిలో నరేశ్‌‌‌‌‌‌‌‌ అందరికంటే చిన్నవాడు. 

భూపాలపల్లి సింగరేణి ఏరియాలో డైలీ స్వీపర్‌‌‌‌‌‌‌‌గా సులోచన పనిచేస్తుండగా అయిలయ్య కూలీ పనులు చేసుకుంటూ కుటుంబాన్ని పోషించుకుంటున్నారు. 

ఆకునూరి నరేశ్‌‌‌‌ పదో తరగతి వరకు నర్సంపేట సోషల్‌‌‌‌‌‌‌‌ వెల్ఫేర్‌‌‌‌‌‌‌‌ రెసిడెన్షియల్‌‌‌‌‌‌‌‌ స్కూల్‌‌‌‌‌‌‌‌, ఇంటర్మీడియట్‌‌‌‌‌‌‌‌ హైదరాబాద్‌‌‌‌‌‌‌‌ సోషల్‌‌‌‌‌‌‌‌ వెల్ఫర్‌‌‌‌‌‌‌‌ రెసిడెన్షియల్‌‌‌‌‌‌‌‌ జూనియర్‌‌‌‌‌‌‌‌ కాలేజీలో, మద్రాస్‌‌‌‌‌‌‌‌ కాలేజీలో బీటెక్‌‌‌‌‌‌‌‌ కంప్యూటర్‌‌‌‌‌‌‌‌ సైన్స్‌‌‌‌‌‌‌‌ చదివాడు. తర్వాత సివిల్స్‌‌‌‌కు ప్రిపేర్‌‌‌‌‌‌‌‌ అయ్యాడు.                

2020 ఆగస్టు 4న విడుదలైన సివిల్స్ ఫలితాల్లో 782 ర్యాంకు సాధించి ఇండియన్ రైల్వేస్ పర్సనల్ సర్వీస్‌‌‌‌లో ఉద్యోగం సాధించి శిక్షణలో ఉన్నారు.               

అయితే ఎలాగైనా ఐఏఎస్ కావాలనే పట్టుదలతో ఉన్న నరేశ్‌‌‌‌ మరోసారి సివిల్స్ రాశారు.     

తాజాగా ప్రకటించిన ఫలితాల్లో 117వ ర్యాంకు సాధించాడు.             

నరేశ్ అన్న సురేశ్‌‌‌‌‌‌‌‌ 2018లో ‌‌‌‌గ్రూప్‌‌‌‌‌‌‌‌‒2 అధికారిగా సెలెక్ట్‌‌‌‌‌‌‌‌ అయ్యారు.            వరంగల్‌‌‌‌‌‌‌‌లో అసిస్టెంట్‌‌‌‌‌‌‌‌ ట్యాక్స్‌‌‌‌‌‌‌‌ ఆఫీసర్‌‌‌‌‌‌‌‌గా పనిచేస్తున్నారు.     
     
తన అన్నను ఆదర్శంగా తీసుకొని సివిల్స్​కు ప్రిపేర్‌‌‌‌‌‌‌‌ అయ్యారు.
 

May 31 2022, 17:30

బిజేపిని బలోపేతం చేసి అధికారంలోకి వచ్చేలా పనిచెయ్యాలి-బిజేపి జిల్లా అధ్యక్షుడు
బిజేపినీ బలోపేతం చేసి అధికారంలోకి వచ్చేలా పని చేయ్యలని పిలుపు ఇచ్చిన బిజేపి సిద్దిపేట జిల్లా అధ్యక్షుడు దూది శ్రీకాంత్ రెడ్డి

సిద్దిపేట జిల్లా:-

బిజేపి సిద్దిపేట పట్టణ అధ్యక్షులు పత్రి శ్రీనివాస్ యాదవ్ అద్వర్యంలో సిద్దిపేట పట్టణంలోని రాజేష్ ఫంక్షన్ హాల్లో జరిగిన బిజేపి సిద్దిపేట పట్టణ కార్యవర్గ సమావేశానికి ముఖ్యఅతిథిగా సిద్దిపేట జిల్లా అధ్యక్షుడు శ్రీకాంత్ రేడ్డి హాజరైనారు. ఈ సందర్భంగా ఆయన మాట్లాడుతూ పట్టణంలోని అన్ని బూత్ కమిటిలను పూర్తిచేసి పార్టీని బలోపేతం చేయ్యాలని కార్యకర్తలకు సూచించారు. అదేవిధంగా ప్రధాన మంత్రి నరేంద్ర మోడీ గారు అధికారంలోకి వచ్చి ఏనిమిది సంవత్సరాలు పూర్తైన సందర్భంగా జూన్ 1వ తేదీ నుండి 14వ తేదీ వరకు చేయవలసి కార్యక్రమాల వివరాలను పార్టీ నాయకులకు, కార్యకర్తలకు వివరించారు.తెరాస అరాచక పాలనను ప్రజలకు వివరించి వారు చేస్తున్నా దోపిడీ గురించి తెలపాలన్నారు. స్థానిక సమస్యలను గుర్తించేందుకు త్వరలో బస్తీబాట కార్యక్రమం చేప్పట్టి సమస్యల పరిష్కారం అయ్యేలా పోరాటాలు చేస్తామని చేప్పారు. రానున్న ఏన్నికల్లో రాష్ట్రంలో తెరాస ప్రభుత్వాన్ని గద్దేదించి బిజేపి అధికారంలోకి రావడం ఖాయం అని జోస్యం చెప్పారు.ఈ కార్యక్రమంలో సిద్దిపేట పట్టణ ఇంచార్జ్ బూరుగు పల్లి రాంచందర్ రావు,బిజేపి కార్యాలయ ఇంచార్జ్ గుండ్ల జనార్దన్,సిద్దిపేట జిల్లా ఉపాధ్యక్షులు తోడుపునురి వేంకటేశం, జిల్లా కార్యదర్శి దరిపల్లి శ్రీనివాస్, మహిళ మోర్చ జిల్లా అధ్యక్షురాలు గాడిపల్లి అరుణ రెడ్డి,పట్టణ ప్రధాన కార్యదర్శి బాదనా గారి యాదంరావు,బిజేపి సీనియర్ నాయకులు,వివిధ మోర్చల అధ్యక్షులు, ప్రధాన కార్యదర్శులు, పట్టణ కార్యవర్గ సభ్యులు, నాయకులు,కార్యకర్తలు తదితరులు పాల్గొన్నారు.