ఆర్థిక నిర్వహణ సూచికలో తెలంగాణ‌ రాష్ట్రం అగ్రస్థానం.
గ‌త పాల‌కులు రాష్ట్రాన్ని అప్పులపాలు చేశారు.. ఆర్థిక నిర్వ‌హ‌ణ అస్త‌వ్య‌స్తంగా మారింద‌ని నిత్యం అస‌త్యాలు, అబ‌ద్దాలు చెబుతున్న కాంగ్రెస్ ప్ర‌భుత్వంపై బీఆర్ఎస్ వ‌ర్కింగ్ ప్రెసిడెంట్ కేటీఆర్ నిప్పులు చెరిగారు. త‌మ ప్ర‌భుత్వ హ‌యాంలో ఆర్థిక నిర్వ‌హ‌ణ ఎలా ఉందో చెప్ప‌డానికి ఈ సాక్ష్యం స‌రిపోతోంద‌ని కేటీఆర్ పేర్కొన్నారు.

గ‌త పాల‌కులు రాష్ట్రాన్ని అప్పులపాలు చేశారు.. ఆర్థిక నిర్వ‌హ‌ణ అస్త‌వ్య‌స్తంగా మారింద‌ని నిత్యం అస‌త్యాలు, అబ‌ద్దాలు చెబుతున్న కాంగ్రెస్ ప్ర‌భుత్వంపై బీఆర్ఎస్ వ‌ర్కింగ్ ప్రెసిడెంట్ కేటీఆర్ నిప్పులు చెరిగారు. త‌మ ప్ర‌భుత్వ హ‌యాంలో ఆర్థిక నిర్వ‌హ‌ణ ఎలా ఉందో చెప్ప‌డానికి ఈ సాక్ష్యం స‌రిపోతోంద‌ని కేటీఆర్ పేర్కొన్నారు. ఈ రిపోర్టుతో కాంగ్రెస్, బీజేపీ అబ‌ద్ధాలు బ‌ట్ట‌బ‌య‌లు అయ్యాయ‌ని, ఎప్ప‌టికైనా స‌త్య‌మే గెలుస్తుంద‌న్నారు.

2014-15 నుండి 2022-23 వరకు దేశంలోని అన్ని రాష్ట్రాల ఆర్థిక నిర్వహణ సూచికలో తెలంగాణ‌ రాష్ట్రం అగ్రస్థానంలో ఉంది. ఈ స‌మ‌యంలో ఆర్థిక నిర్వహణలో తెలంగాణ ఓ వెలుగు వెలిగిపోయింది. డెబ్ట్ మేనేజ్‌మెంట్ అండ్ రిసోర్స్ మేనేజ్‌మెంట్ ఇండెక్స్‌లో తెలంగాణ రెండో స్థానంలో నిలిచింది. కేసీఆర్ ఆధ్వర్యంలోని తెలంగాణ ప్రభుత్వం అసాధారణమైన ఆర్థిక వివేకం, క్రమశిక్షణను ప్రదర్శించిందని స్పష్టమవుతోంద‌ని కేటీఆర్ పేర్కొన్నారు. 

దీంతో రాష్ట్రం దివాళా తీసిందంటూ కాంగ్రెస్ పార్టీ చేస్తున్న బూటకపు ప్రచారానికి తెరపడింది. కాంగ్రెస్ నాయకత్వమే ఇవాళ దివాళా తీసింద‌న్నారు. రాష్ట్ర ఆర్థిక వ్యవహారాలను సమర్ధవంతంగా నిర్వహించగల సామర్థ్యాన్ని ప్రదర్శిస్తూ, 10 సంవత్సరాల పాలనలో బీఆర్ఎస్ పార్టీ యొక్క సమర్థవంతమైన పాలనకు ఈ విజయం నిదర్శనం అని కేటీఆర్ పేర్కొన్నారు.

బ్రిక్స్ కోసం రష్యా చేరుకున్న ప్రధాని మోదీ.. 
అక్టోబర్ 22 నుంచి 24వ తేదీ వరకు రష్యా అధ్యక్షతన కజాన్‌లో 16వ బ్రిక్స్ సదస్సు జరుగుతోంది. ఈ సదస్సులో పాల్గొనేందుకు ప్రధాని మోడీ రష్యాలోని కజాన్ నగరానికి చేరుకున్నారు. ఇక్కడ విమానాశ్రయంలో మన ప్రధాని నరేంద్ర మోడీకి భారతీయులు సహా రష్యన్ ప్రజలు ఘన స్వాగతం పలికారు. భారతీయ సాంప్రదాయ దుస్తులైన ధోతీ, చీరలు ధరించి సుస్పష్టంగా కృష్ణుడిని కీర్తిస్తూ రెండు చేతులు జోడించి ప్రధాని మోడీని ఆహ్వానించారు. ఇందుకు సంబంధించిన వీడియో ప్రస్తుతం నెట్టింట్లో చక్కర్లు కొడుతోంది. కాగా ఈ రోజు రష్యా అధ్యక్షుడి పుతిన్ లో ప్రధానమంత్రి మోడీ భేటీ కానున్నారు.

రష్యా అధ్యక్షతన 16వ బ్రిక్స్ సదస్సు నిర్వహిస్తున్నారు. ఈ సదస్సులో పాల్గొనేందుకు ప్రధాని నరేంద్ర మోడీ మంగళవారం రష్యాలోని కజాన్ నగరానికి చేరుకున్నారు. 16వ బ్రిక్స్ సమ్మిట్‌లో పాల్గొనేందుకు రష్యన్ ఫెడరేషన్ అధ్యక్షుడు వ్లాదిమిర్ పుతిన్ ఆహ్వానం మేరకు కజాన్‌కు రెండు రోజుల పర్యటన నిమిత్తం ప్రధాని మోడీ కజాన్ కు చేరుకున్నారు. అయితే భారత ప్రధాని మోడీ.. కజాన్ విమానాశ్రయంలో ఘనం స్వాగతం లభించింది. భారతీయులు సహా రష్యన్ ప్రజలు భారతీయ సాంప్రదాయ దుస్తులను ధరించి భారీగా తరలి వచ్చిన ప్రజలు ప్రధాని మోడీకి కృష్ణ భజనలను కీర్తిస్తూ స్వాగతం చెప్పారు. ఇందుకు సంబంధించిన వీడియో ప్రస్తుతం నేట్టింట్లో చక్కర్లు కొడుతోంది.

రష్యన్ కమ్యూనిటీకి చెందిన కళాకారులు భారతీయ దుస్తులు ధరించి నృత్యం చేసి ప్రధాని మోదీకి స్వాగతం పలికారు. రష్యా పౌరులు భారతీయ దుస్తులను ధరించగా.. మహిళలు చీరలో కనిపించారు. కాగా పురుషులు ఖాదీ కుర్తా, ధోతీ ధరించారు.

ప్రధాని మోడీ భారతీయ ప్రవాసులను కలిశారు, ప్రతిచోటా ప్రజల చేతుల్లో త్రివర్ణ పతాకం కనిపించింది. ప్రధానమంత్రిని చూడటానికి ప్రతి ఒక్కరూ చాలా ఉత్సాహంగా ఉన్నారు. ప్రధాని మోడీ పలువురితో కరచాలనం చేసి చిన్నారులను ఆశీర్వదించారు. పలువురితో ఫొటోలు కూడా దిగారు. రష్యాలో దాదాపు 62 వేల మంది భారతీయ వలసదారులు నివసిస్తున్నారు.

బ్రిక్స్ సభ్య దేశాలకు చెందిన తన సహచరులతో కూడా ప్రధాని మోడీ ద్వైపాక్షిక సమావేశాలు నిర్వహించాలని భావిస్తున్నారు. బ్రిక్స్ సదస్సుకు భారతదేశం చాలా ప్రాముఖ్యతనిస్తుంది. రోజు రష్యా అధ్యక్షుడు పుతిన్ భారత ప్రధాని నరేంద్ర మోడీ, దక్షిణాఫ్రికా అధ్యక్షుడు సిరిల్ రామఫోసా, చైనా అధ్యక్షుడు జి జిన్‌పింగ్ , ఈజిప్ట్ అధ్యక్షుడు అబ్దెల్ ఫత్తా ఎల్-సిసితో మాట్లాడనున్నారు. బ్రిక్స్ సభ్య దేశాల నాయకులు విస్తృతమైన అంశాలపై చర్చిస్తారని భావిస్తున్నట్లు ఓ నివేదిక వెల్లడించింది.

24న నగరానికి కృష్ణాజలాలు బంద్‌..
ఈనెల 24న నగరంలోని పలు ప్రాంతాలకు తాగునీటి సరఫరాలో 24 గంటల పాటు అంతరాయం తలెత్తనున్నది. హైదరాబాద్‌(Hyderabad) మహా నగరానికి తాగునీటిని సరఫరా చేసే కృష్ణా డ్రింకింగ్‌ వాటర్‌ సరఫరా ఫేజ్‌-3లోని 2375 ఎంఎం డయా ఎంఎస్‌ పంపింగ్‌ మెయిన్‌ పైపులైనుకు లీకేజీ ఏర్పడింది.

ఈనెల 24న నగరంలోని పలు ప్రాంతాలకు తాగునీటి సరఫరాలో 24 గంటల పాటు అంతరాయం తలెత్తనున్నది. హైదరాబాద్‌(Hyderabad) మహా నగరానికి తాగునీటిని సరఫరా చేసే కృష్ణా డ్రింకింగ్‌ వాటర్‌ సరఫరా ఫేజ్‌-3లోని 2375 ఎంఎం డయా ఎంఎస్‌ పంపింగ్‌ మెయిన్‌ పైపులైనుకు లీకేజీ ఏర్పడింది. లీకేజీని అరికట్టడానికి ఈ నెల 24న ఉదయం ఆరు గంటల నుంచి మరుసటి రోజు (25వ తేదీ) ఉదయం ఆరు గంటల వరకు మరమ్మతు పనులు చేపట్టనున్నారు.

ఈ నేపథ్యంలో నగరానికి కృష్ణా ఫేజ్‌-3 నుంచి వచ్చే జలాలను 24గంటల పాటు బంద్‌ చేయనున్నట్లు వాటర్‌బోర్డు అధికారులు సోమవారం ప్రకటించారు. దీనివల్ల శాస్త్రీపురం, బండ్లగూడ, భోజగుట్ట, షేక్‌పేట్‌, ఆళ్లబండ, జూబ్లీహిల్స్‌, ఫిల్మ్‌నగర్‌, ప్రశాసన్‌నగర్‌, తట్టిఖానా, లాలాపేట్‌, సాహెబ్‌నగర్‌, ఆటోనగర్‌, సరూర్‌నగర్‌, వాసవి రిజర్వాయర్లు, సైనిక్‌పురి, మౌలాలి, గచ్చిబౌలి, మాదాపూర్‌, అయ్యప్ప సొసైటీ(Gachibowli, Madapur, Ayyappa Society), కావూరిహిల్స్‌, స్నేహపురి, కైలాసగిరి, దేవేంద్రనగర్‌, మధుబన్‌,

దుర్గానగర్‌, బుద్వేల్‌, సులేమాన్‌నగర్‌, గోల్డెన్‌హైట్స్‌, 9 నంబర్‌, కిస్మత్‌పూర్‌, గంధంగూడ, బోడుప్పల్‌, మల్లికార్జుననగర్‌, మాణిక్‌చంద్‌, చెంగిచెర్ల(Manikchand, Chengicherla), భరత్‌నగర్‌, ఫీర్జాదిగూడ, పెద్ద అంబర్‌పేట్‌, ధర్మసాయి (శంషాబాద్‌) రిజర్వాయర్ల పరిధిలోని ప్రాంతాలకు నీటి సరఫరా నిలిచిపోనుంది. ఆయా ప్రాంతాల వినియోగదారులు గమనించి నీటిని పొదుపుగా వాడుకోవాలని అధికారులు సూచించారు.

ఎక్కువ మంది పిల్లలను కనాలని నాయుడు-స్టాలిన్ వాదన , ఇద్దరు నాయకులను భయపెడుతున్న విషయం ఏమిటో తెలుసుకోండి
భారతదేశ జనాభాపై కొత్త చర్చ మొదలైంది. ఇది దక్షిణాది రాష్ట్రాల నుండి మాత్రమే ప్రారంభమవుతుంది. ఆంధ్రప్రదేశ్ ముఖ్యమంత్రి చంద్రబాబు నాయుడు, తమిళనాడు సీఎం ఎంకే స్టాలిన్ తమ తమ రాష్ట్రాల ప్రజలు ఎక్కువ మంది పిల్లలను కనాలని కోరారు. ఆంధ్రప్రదేశ్ సిఎం రాష్ట్ర 'వృద్ధాప్య జనాభా' సమస్యను లేవనెత్తగా, తమిళనాడు ముఖ్యమంత్రి ఎంకె స్టాలిన్ దంపతులు '16 మంది పిల్లలను' పెంచడం గురించి 2026 నాటికి జరిగే డీలిమిటేషన్ కసరత్తుకు 'పరిష్కారం'గా మాట్లాడారు. ఈ వ్యవహారంపై రాజకీయాలు కూడా తారాస్థాయికి చేరుకున్నాయి.

తమిళనాడు ముఖ్యమంత్రి ఎం.కె. డీలిమిటేషన్ ప్రక్రియకు డెమోగ్రాఫిక్ మార్పు అంశాన్ని ముడిపెట్టిన స్టాలిన్ సోమవారం రాష్ట్రంలోని ప్రజలు ఎక్కువ మంది పిల్లలను కనాలని సూచించారు. తమిళనాడు ముఖ్యమంత్రి ఎంకే స్టాలిన్ సోమవారం మాట్లాడుతూ లోక్‌సభ డీలిమిటేషన్ ప్రక్రియ 16 (ఆస్తి) పిల్లలు అనే తమిళ సామెత వైపు తిరిగి చాలా మంది దంపతులకు ఆశలు రేకెత్తించవచ్చని అన్నారు. ఇప్పుడు అక్షరాలా 16 మంది పిల్లలను కలిగి ఉండాలని, చిన్న మరియు సంతోషంగా ఉన్న కుటుంబం అని ప్రజలు భావించే పరిస్థితి ఇప్పుడు తలెత్తిందని స్టాలిన్ అన్నారు. జనాభా లెక్కలు మరియు లోక్‌సభ డీలిమిటేషన్ ప్రక్రియను ప్రస్తావిస్తూ, కొత్తగా పెళ్లయిన జంటలు ఇప్పుడు తక్కువ పిల్లలను కలిగి ఉండాలనే ఆలోచనను విరమించుకోవచ్చని ముఖ్యమంత్రి అన్నారు.



ఎక్కువ మంది పిల్లలను కనడంపై ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు ఇలాంటి ప్రకటన చేసిన మరుసటి రోజు స్టాలిన్ ఈ వ్యాఖ్యలు చేయడం గమనార్హం. ఇద్దరు లేదా అంతకంటే ఎక్కువ మంది పిల్లలు ఉన్న వ్యక్తులు మాత్రమే స్థానిక సంస్థల ఎన్నికల్లో పోటీ చేయగలిగే చట్టాన్ని తీసుకురావాలని తన పరిపాలన యోచిస్తున్నట్లు ఆదివారం అంతకుముందు నాయుడు ప్రకటించారు. రాష్ట్ర వృద్ధాప్య జనాభా మరియు జనాభా సమతుల్యతపై దాని ప్రభావం గురించి ఆందోళనలను ఉటంకిస్తూ, ఎక్కువ మంది పిల్లలను కలిగి ఉండాలని ఆయన కుటుంబాలను కోరారు.

దక్షిణ భారతదేశంలో జనాభా వృద్ధాప్యానికి గురవుతున్నదని చంద్రబాబు నాయుడు అన్నారు. ప్రతి మహిళ తన జీవితకాలంలో ఇద్దరి కంటే ఎక్కువ పిల్లలకు జన్మనివ్వాలని అన్నారు. ఆంధ్రప్రదేశ్ జననాల రేటు ప్రతి స్త్రీకి 2.1 సజీవ జననాలకు ప్రత్యామ్నాయ స్థాయి కంటే తక్కువగా ఉంది. మన జనాభాను మనం నిర్వహించుకోవాల్సిన అవసరం ఉందని నాయుడు అన్నారు. 2047 నాటికి మనకు డెమోగ్రాఫిక్ డివిడెండ్ ఉంటుందని, మరింత యువత పెరుగుతుందని చెప్పారు. 2047 తర్వాత వృద్ధులు ఎక్కువగా ఉంటారు. అటువంటి పరిస్థితిలో, ఇద్దరు పిల్లలు (ఒక మహిళ) కంటే తక్కువ పుడితే, జనాభా తగ్గుతుంది. మీరు (ప్రతి మహిళ) ఇద్దరి కంటే ఎక్కువ పిల్లలకు జన్మనిస్తే, జనాభా పెరుగుతుంది.

2026లో డీలిమిటేషన్ కారణంగా తమిళనాడుతో సహా ఇతర దక్షిణాది రాష్ట్రాలు పార్లమెంటరీ ప్రాతినిధ్యంలో మార్పులను ఎదుర్కొంటున్న తరుణంలో ఈ ప్రకటన వచ్చింది. 2026లో షెడ్యూల్ ప్రకారం భారతదేశంలో డీలిమిటేషన్ నిర్వహిస్తే, 2029లో జరిగే లోక్‌సభ ఎన్నికల్లో ఉత్తరాది రాష్ట్రాలు 32 సీట్లు, దక్షిణాది రాష్ట్రాలు 24 సీట్లు కోల్పోతాయి. థింక్ ట్యాంక్ కార్నెగీ ఎండోమెంట్ ఫర్ ఇంటర్నేషనల్ పీస్ 2019 లోక్‌సభ ఎన్నికలకు ముందు ప్రచురించిన 'ఇండియాస్ లూమింగ్ క్రైసిస్ ఆఫ్ రిప్రజెంటేషన్' అనే అధ్యయనంలో తమిళనాడు, కేరళ రాష్ట్రాలు కలిసి ఈ ప్రక్రియలో 16 స్థానాలను కోల్పోతాయని పేర్కొంది.

వాట్సప్ ద్వారా పౌర సేవలు..
ఆంధ్రప్రదేశ్ ప్రజలకు శుభవార్త. ధ్రువీకరణ పత్రాలు, ఇతరత్రా బిల్లుల చెల్లింపుల కోసం ఇకపై గవర్నమెంట్ ఆఫీసుల చుట్టూ తిరిగే పని ఉండదు. ప్రజలకు పౌరసేవలను మరింత సులభంగా, పారదర్శకంగా అందించేందుకు ఏపీ ప్రభుత్వం కీలక నిర్ణయం తీసుకుంది. యువగళం పాదయాత్రలో ఇచ్చిన హామీ ప్రకారమే ఒక్క క్లిక్ ద్వారా పౌర సేవలను అందించేలా మంత్రి నారా లోకేష్ చర్యలు తీసుకున్నారు. వాట్సప్ ద్వారా పౌర సేవలను అందించేందుకు ఏపీ ప్రభుత్వం మెటాతో అవగాహన ఒప్పందం కుదుర్చుకుంది. మంత్రి నారా లోకేష్ సమక్షంలో ఏపీ అధికారులు, మెటా ప్రతినిధులు ఢిల్లీ ఎంవోయూ చేసుకున్నారు.

ఆండ్రాయిడ్ ఫోన్.. వాట్సప్.. ఏబీసీడీలు రాని వారికి కూడా వీటిపై అవగాహన ఉంటోంది. బ్యాంక్ అకౌంట్ లేకపోయినా కూడా .. వాట్సప్ అకౌంట్ ఉండే పరిస్థితి నేటి జనరేషన్‌ది. అయితే ఇలాంటి వాట్సప్ ద్వారా పౌర సేవలను అందించేందుకు ఏపీ ప్రభుత్వం కీలక నిర్ణయం తీసుకుంది. ప్రజలకు పౌర సేవలను మరింత సులభతరంగా అందించేందుకు గానూ.. ఏపీ ప్రభుత్వం మెటాతో ఒప్పందం కుదుర్చుకుంది. మంత్రి నారా లోకేష్ సమక్షంలో ప్రభుత్వ అధికారులు, వాట్సప్ ప్రతినిధులు అవగాహన ఒప్పంద పత్రాలపై సంతకాలు చేశారు. త్వరలోనే మెటా టెక్నాలజీ ద్వారా పౌర సేవలను ఒక్క క్లిక్ ద్వారా అందిస్తామని నారా లోకేష్ ఒప్పందం అనంతరం ట్వీట్ చేశారు.

ఇక ఈ ఒప్పందం ద్వారా కుల ధ్రువీకరణ పత్రాలు మొదలుకుని ప్రభుత్వం అందించే ధ్రువీకరణ పత్రాలు.. కరెంట్ బిల్లుల దగ్గర నుంచి ఇంటి పన్నులు, నల్లా పన్ను, ఇతరత్రా బిల్లుల చెల్లింపుల వరకూ అన్ని పౌరసేవలనూ వాట్సప్ ద్వారా ఒక్క క్లిక్‌తో అందించేందుకు ఏపీ ప్రభుత్వం మెటాతో కలిసి అడుగులు వేస్తోంది. విపక్షంలో ఉన్నప్పుడు నారా లోకేష్ చేపట్టిన యువగళం పాదయాత్రలో పలువురు విద్యార్థులు, యువత ఈ సమస్యను నారా లోకేష్ దృష్టికి తీసుకువచ్చారు. సకాలంలో సర్టిఫికేట్లు అందక ఇబ్బందులు పడుతున్నామని.. టెక్నాలజీ సాయంతో అన్ని పనులూ ఇంటివద్దకే అందుతున్నప్పుడు.. పౌరసేవలను కూడా ఇలాగే అందించేలా చర్యలు తీసుకోవాలని కోరారు. ఈ నేపథ్యంలో తాము అధికారంలోకి వస్తే ఆ రకంగా చర్యలు తీసుకుంటామని నారా లోకేష్ అప్పట్లో హామీ ఇచ్చారు.

ఇక ఇచ్చిన హామీ ప్రకారమే వాట్సప్ ద్వారా పౌర సేవలను అందించేందుకు ఐటీ శాఖ మంత్రి నారా లోకేష్ చర్యలు తీసుకుంటున్నారు. సర్టిఫికేట్ల కోసం కార్యాలయాల చుట్టూ తిరిగే అవసరం లేకుండా.. వాట్సప్ ద్వారా అందించేలా చర్యలు చేపట్టారు. ఫేస్‌బుక్‌, వాట్సాప్, ఇన్‌స్టాగ్రామ్ వంటి సోషల్ మీడియా మాధ్యమాలకు మాతృసంస్థ మెటా. ఈ నేపథ్యంలో మెటా యాజమాన్యంతో ఏపీ ప్రభుత్వం ఒప్పందం కుదుర్చుకుంది.

ఒప్పందం ద్వారా.. మెటా ఫ్లాట్ ఫామ్‌ వాట్సాప్‌ బిజినెస్ ద్వారా ఇక‌పై స‌ర్టిఫికెట్లు వేగంగా, సుల‌భంగా పొందే వీలుంటుంది, అలాగే ట్యాంప‌రింగ్ అవ‌కాశం లేకుండా పార‌ద‌ర్శకంగా ఆన్‌లైన్‌లోనే స‌ర్టిఫికెట్లు పొందే అవకాశం ఉంటుంది. మెటాతో ఒప్పందం చారిత్రాత్మక‌మైన మైలురాయిగా అభివ‌ర్ణించిన నారా లోకేష్.. యువ‌గ‌ళం పాద‌యాత్రలో హామీ ఇచ్చిన విధంగానే మొబైల్‌లోనే స‌ర్టిఫికెట్లు అందిస్తామని అన్నారు.

ఎమ్మెల్సీ జీవన్ రెడ్డి ప్రధాన అనుచరుడు దారుణ హత్య
జగిత్యాల(Jagithyala) జిల్లాలో దారుణం చోటు చేసుకుంది. ఎమ్మెల్సీ జీవన్ రెడ్డి ప్రధాన అనుచరుడు దారుణ హత్యకు(Brutal murder) గరయ్యాడు.

జిల్లాలో దారుణం చోటు చేసుకుంది. ఎమ్మెల్సీ జీవన్ రెడ్డి ప్రధాన అనుచరుడు దారుణ హత్యకు(Brutal murder) గరయ్యాడు. వివరాల్లోకి వెళ్తే..జగిత్యాల రూరల్ మండలం జాబితాపూర్ గ్రామానికి చెందిన మాజీ ఎంపీటీసీ కాంగ్రెస్ పార్టీ సీనియర్ నాయకుడు(Congress leader Ganga Reddy) మారు గంగారెడ్డిని గుర్తు తెలియని దుండగులు హత్య చేశారు. 

జగిత్యాలలో గంగారెడ్డి హత్యకు నిరసనగా ఎమ్మెల్సీ జీవన్ రెడ్డి ధర్నాకు దిగారు. జగిత్యాల ఎమ్మెల్యే సంజయ్ కుమార్ ప్రోద్బలం వల్లే గంగారెడ్డి హత్య అని ఆరోపించారు. 

కాగా, సమాచారం అందుకున్న పోలీసులు సంఘటన స్థలానికి చేరుకొని కేసు నమోదు చేసుకొని దార్యప్తు చేపట్టారు. పూర్తి వివరాలు తెలియాల్సి ఉంది.

ప్రపంచానికే డ్రోన్ హబ్‌గా ఏపీ.
నేను మంత్రిని అయ్యాక చాలా మంది ముఖ్యమంత్రులు ఎయి‌ర్‌పోర్టులు, హెలిపోర్టుల గురించి అడిగారు. అయితే ఏపీ ముఖ్యమంత్రి మాత్రం ఎయిర్‌పోర్టులతో పాటు కనెక్టివిటీ, డ్రోన్‌ల ప్రాధాన్యం గురించి మాట్లాడారు’’ అని రామ్మోహన్ నాయుడు తెలిపారు.

దేశంలో మొదటిసారి డ్రోన్ సమ్మిట్ ఢిల్లీ బయట జరుగుతోందని కేంద్రం పౌర విమానయాన శాఖామంత్రి రామ్మోహన్ నాయుడు (Union Minister Rammohan Naidu) అన్నారు. మంగళవారం డ్రోన్ సమ్మిట్ కార్యక్రమాన్ని ముఖ్యమంత్రి చంద్రబాబు నాయుడు, కేంద్రమంత్రి రామ్మోహన్ నాయుడు.. జ్యోతి ప్రజ్వలన చేసి ప్రారంభించారు. ఈ సందర్భంగా కేంద్రమంత్రి మాట్లాడుతూ... ‘‘నేను మంత్రిని అయ్యాక చాలా మంది ముఖ్యమంత్రులు ఎయి‌ర్‌పోర్టులు, హెలిపోర్టుల గురించి అడిగారు. అయితే ఏపీ ముఖ్యమంత్రి మాత్రం ఎయిర్‌పోర్టులతో పాటు కనెక్టివిటీ, డ్రోన్‌ల ప్రాధాన్యం గురించి మాట్లాడారు’’ అని తెలిపారు.

ఇంత మంచి వాతావరణంలో డ్రోన్ సమ్మిట్ కోసం ఏర్పాటు చేయడం పట్ల ఏపీ ప్రభుత్వానికి, సీఎం చంద్రబాబుకు ఆయన ధన్యవాదాలు తెలియజేశారు. హైదరాబాద్ భవిష్యత్తును విజన్ చేసి విజన్ 2020 గురించి ఆలోచించారని.. 1996 నాడే ఆయన 2020 గురించి ఆలోచించారని తెలిపారు. వచ్చే ఎన్నికల గురించి చంద్రబాబు ఆలోచించరని.. భవిష్యత్తును ఊహిస్తారని చెప్పారు. అందుకే హైదరాబాద్ అన్ని రంగంగాల్లో నేడు అభివృద్ధి చెందిందని ప్రశంసించారు. 1996లో చంద్రబాబు హైదరాబాద్ గురించి ఎలా మాట్లాడారో అలాగే ఇప్పుడు అదే జీల్‌తో డ్రోన్ గురించి మాట్లాడుతున్నారని అన్నారు. ఎన్డీఏ ప్రభుత్వంలో క్యాబినెట్ మినిస్ట్రీలో ఒక యువకుడికి అవకాశం ఇవ్వాలని భావించి.. తనకు కేంద్రమంత్రి పదవి ఇచ్చారని చెప్పుకొచ్చారు.

డ్రోన్ నెట్‌వర్క్‌లో ఎంతో పొటన్షియల్ ఉందని ఆయన గుర్తించారన్నారు. విజయవాడలో వరదల సమయంలో డ్రోన్‌‌లను సహయ కార్యక్రమాలకు, పుడ్ సప్లైకి వాడారన్నారు. డ్రోన్ ద్వారా ఆహారం, పాలు, మందులు అందించారని తెలిపారు. డ్రోన్‌లను ఇలా వాడడాన్ని ప్రధాని మోడీ కూడా చూసి ఆనందించారని తెలిపారు. ప్రధాని నరేంద్ర మోడీ ఇండియాను ప్రపంచంలోనే గొప్ప పొజిషన్‌లో నిలిపారని కొనియాడారు. ఇండియాను చూసి నేర్చుకోవాలని వివిధ దేశాల నాయకులు అనుకుంటున్నారన్నారు. గత పది సంవత్సరాలుగా సివిల్ ఏవియేషన్‌లో ఎన్నో అద్భుతాలు జరిగాయన్నారు. అంతకుముందు ఇండియాలో 74 ఎయిర్‌పోర్టులు ఉంటే.. ఇప్పుడు 157 ఎయిర్‌పోర్టులు ఏర్పాటయ్యాయన్నారు. రానున్న రోజుల్లో వీటిని మంరింతగా పెంచుతామని స్పష్టం చేశారు.

డ్రోన్‌లో వర్టికల్ టేకాఫ్‌ అండ్ ల్యాండింగ్ వంటి సాంకేతిక పరిజ్ఞానం వచ్చిందన్నారు. ఇలాంటి కొత్త సాంకేతిక పరిజ్ఞానాన్ని ఏపీకి తేవాలని సీఎం చంద్రబాబు ఆలోచిస్తారన్నారు. ఈ డ్రోన్ సెక్టర్‌లో ఇక్కడి వారు ముందుకు రావాలని.. నిర్మాణాలు చేపట్టాలని పిలుపునిచ్చారు. అందుకే డ్రోన్ రూల్స్ 2021ను చాలా సరళతరం చేశామని వెల్లడించారు. దీనికి అదనంగా డ్రోన్ పరిశ్రమలకు ప్రోత్సాహం ఇస్తున్నామని.. డ్రోన్ ఇండస్ట్రీపై మరింత రీసెర్చి జరగాలనేది తమ అభిమతమన్నారు. 26,500 డ్రోన్‌లు రిజిస్టర్ అయి ఉంటే ప్రధాని దాన్ని లక్షకు చేర్చాలని చెప్పారన్నారు. డ్రోన్ దీదీ ప్రోగ్రాం ద్వారా దేశంలో మహిళలకు ఉపాధి కూడా కలుగుతోందన్నారు. ఏపీ ఇప్పుడు డ్రోన్ పాలసీని రూపొందిస్తోందని.. అందరితో మాట్లాడి దాన్ని రూపొందించడంతో ఇదే బెస్ట్ పాలసీ అవుతుందని స్పష్టం చేశారు. 6000 మంది కంటే ఎక్కవ మంది ఈ ఈవెంట్‌లో పాల్గొనాలని ఉత్సాహం చూపారన్నారు. ఇండియాలోనే కాదు ప్రపంచానికే ఏపీ డ్రోన్ హబ్‌గా మారాలని కోరుతున్నానని కేంద్రమంత్రి రామ్మోహన్ నాయుడు పేర్కొన్నారు.

ప్లీజ్ మా గోస చూడండి..
తెలంగాణ ఆర్టీసీ బస్సు ప్రయాణం అంటే జనాలు జడుసుకుంటున్నారు. ఆర్టీసీ ప్రయాణం సురక్షితమనే భావన ఉన్నప్పటికీ.. ఇబ్బంది పడుతూ వెళ్లాల్సి వస్తోందని ఆవేదన వ్యక్తం చేస్తున్నారు. ముఖ్యంగా ప్రయాణికులకు సరిపడినన్ని బస్సులు నడపడం లేదనే ఆరోపణలు అధికమవుతున్నాయి.

తెలంగాణ ఆర్టీసీ బస్సు ప్రయాణం అంటే జనాలు జడుసుకుంటున్నారు. ఆర్టీసీ ప్రయాణం సురక్షితమనే భావన ఉన్నప్పటికీ.. ఇబ్బంది పడుతూ వెళ్లాల్సి వస్తోందని ఆవేదన వ్యక్తం చేస్తున్నారు. ముఖ్యంగా ప్రయాణికులకు సరిపడినన్ని బస్సులు నడపడం లేదనే ఆరోపణలు అధికమవుతున్నాయి. తాజాగా ఇదే సమస్యపై ఆమన్‌ గల్‌కు చెందిన విద్యార్థులు పలువురు ఆర్టీసీ ఎండీ సజ్జనార్‌కు ఓ లేఖ రాశారు. తమ సమస్యను ఆర్థం చేసుకుని.. అవసరమైనన్ని బస్సులు నడపాలని విజ్ఞప్తి చేశారు. అంతేకాదు.. బస్ పాస్ అంశంలో తాను ఎదుర్కొంటున్న అంశాలను సైతం సజ్జనార్ దృష్టికి తీసుకెళ్లారు. ఈ మేరకు ఆర్టీసీ ఎండీకి విద్యార్థులు ఒక లేఖ రాశారు.

తెలంగాణ ఆర్టీసీ ఎండీ సజ్జనార్‌కు రంగారెడ్డి జిల్లాలోని ఆమన్‌గల్ విద్యార్థులు లేఖ రాశారు. ఆర్టీసీ బస్సుల్లో స్కూళ్లు, కాలేజీలకు వెళ్లేందుకు తాము పడుతున్న ఇబ్బందులను సజ్జనార్ దృష్టికి తీసుకెళ్లారు. బస్సుల్లో ఫుట్‌బోర్డుపై వేలాడుతున్న వీడియోలను సజ్జనార్‌కు షేర్ చేశారు. ప్రయాణాల గురించి నిరంతరం ప్రజల్లో అవేర్‌నెస్ కల్పిస్తున్న సజ్జనార్.. బస్సుల్లో తాము ఎదుర్కొంటున్న సమస్యలను కూడా పట్టించుకోవాలని విద్యార్థులు వేడుకున్నారు.

షాద్‌నగర్-ఆమన్ గల్ రూట్లలో బస్సులు లేక ఇబ్బందులు పడుతున్నామంటూ విద్యార్థులు ఆర్టీసీ ఎండీ సజ్జనార్‌కు లేఖ రాశారు. షాద్ నగర్-ఆమన్‌గల్ రూట్‌లో గతంలో 10 బస్సులు నడిపితే.. ఇప్పుడు 4 బస్సులే నడుపుతున్నారని ఆవేదన వ్యక్తం చేశారు. ఈ రూట్‌లో బస్సుల సంఖ్యను పెంచాలంటూ విద్యార్థులు తమ లేఖలో విజ్ఞప్తి చేశారు. అంతేకాదు.. బస్ పాస్ విషయంలో ఆర్టీసీ విధించిన నిబంధన సైతం తమకు ఇబ్బందిగా మారిందని విద్యార్థులు ఆందోళన వ్యక్తం చేశారు. డిగ్రీ కాలేజీలు దూరంగా ఉండటంతో.. ఆర్టీసీ 35 కిలోమీటర్ల పరిమితి సరిపోవడం లేదన్నారు. డిగ్రీ, హైయ్యర్ ఎడ్యూకేషన్ చేసే వారి కోసం 45, 60 కిలోమీటర్ల వరకు బస్ పాస్ పరిమితిని పెంచాలని విద్యార్థులు డిమాండ్ చేస్తున్నారు.

తెలంగాణలో ఆర్టీసీ బలోపేతం కోసం సంస్థ యాజమాన్యం ఎంతగానో కృషి చేస్తోంది. అనేక స్కీమ్స్ ప్రకటిస్తూ ప్రజలను ఆకట్టుకునే ప్రయత్నం చేస్తోంది. ఇక కాంగ్రెస్ ప్రభుత్వం వచ్చాక మహిళలకు ఉచిత బస్సు ప్రయాణం సదుపాయం కల్పించడంతో.. మహిళలంతా ఆర్టీసీ బస్సుల్లోనే ప్రయాణం సాగిస్తున్నారు. అయితే, ఈ ఫ్రీ బస్సు పథకం కారణంగా బస్సుల్లో ప్రయాణించే వారి సంఖ్య భారీగా పెరిగింది. దీంతో సంస్థ నడిపే బస్సులు.. ప్రయాణికులకు సరిపోవడం లేదు. బస్సులో నిలబడి మరీ ప్రయాణం సాగిస్తున్నారు. ఇక స్కూళ్లు, కాలేజీలకు వెళ్లే విద్యార్థులైతే.. ఫుట్‌బోర్డుపై వేలాడుతూ ప్రయాణం సాగిస్తున్నారు. బస్సుల్లో ఫుట్‌బోర్డు‌పై ప్రయాణిస్తూ ఎంతో మంది విద్యార్థులు ప్రమాదానికి గురైన ప్రాణాలు పోగొట్టుకున్న సందర్భాలు కూడా ఉన్నాయి.

కనుమరుగైన ప్రాచీన నగరం
ఆ నగరం పేరు ద్వారకాపురి 12వ శతాబ్దంలో దాని వైభవం అంతా ఇంతా కాదు. ఒకవైపు సిరి సంపదలతో తుల తూగుతుండగా.. మరోవైపు సంగీత, సాహిత్య శిల్పకళలకు కాణాచిగా నిలిచిందని తమ పూర్వీకులు చెప్పేవారని స్థానికులు చెబుతున్నారు.

దుర్గి మండలం ధర్మవరం గ్రామానికి రెండు కిలోమీటర్ల దూరంలో ద్వారకాపురి పట్టణం సుమారు వంద ఎకరాల్లో విస్తరించి ఉంది. ఇందులో సగభాగం బుగ్గవాగు రిజర్వాయర్లో మునిగిపోగా, మిగిలిన సగభాగం వ్యవసాయ భూమిగా మారింది. వ్యవసాయ భూమిలో ఎక్కడ చూసినా పగిలిపోయిన కుండ పెంకులు, గాజు ముక్కలు కనిపిస్తుంటాయి. అంగుళానికి ఈ కుండపెంకులు విస్తరించి కనిపిస్తున్నాయి. దుక్కి దున్నుతున్నప్పుడు మట్టి కుండలు, పిడతలు పైకి రావడం సర్వసాధారణం. పొలం గట్లపై దేవతామూర్తుల విగ్రహాలు పడి దర్శనమిస్తాయి. వీటిలో నాగ దేవత, వినాయకుడు, గజలక్ష్మి, ఏనుగును అదిరోహించిన వీరవనిత తదితర విగ్రహాలు ఉన్నాయి. 

చేనేత వస్త్రాలకు రంగులు తయారుచేసే ఒక యూనిట్ ఈనాటికీ శిదిలావస్థలో అక్కడ దర్శనమిస్తుంది. ప్రాంతంలో కొంతభాగాన్ని నాగులకట్ట, మరి కొంత బాగాన్ని కుమ్మరి గుట్ట అని పిలుస్తుంటారు. ఈ భూములను సాగు చేస్తున్న రైతులకు తరచూ బంగారు నాణాలు, ఆభరణాలు ఇప్పటికీ లభిస్తున్నాయి. ఇక్కడ నాలుగు శిథిలాలయాలు కూడా ఉన్నాయి. ఈ ఊరికి పక్కన నిరంతరం నీరు ప్రవహించే బుగ్గవాగు ఉండగా, వాగుకు ఆవలవైన బుగ్గమల్లేశ్వరస్వామి ఆలయం ఉంది. ఈ ఆలయం మెట్లకు దిగువ భాగాన పాతాళగంగా నిరంతరం భూమిపైకి పొంగుతూ ఉంటుంది. ఆ నీరు ఆనాటి ద్వారకాపురి పట్టణ వాసుల సాగు, తాగునీటి అవసరాలను తీర్చేది. 1964లో నిర్మించిన బుగ్గవాగు రిజర్వాయర్ వల్ల బుగ్గమల్లేశ్వరస్వామి ఆలయంతో పాటు భూమిపైకి ఉబికి వచ్చే పాతళగంగ కూడా మునిగి ఉనికి కోల్పోయాయి.

శిథిల ఆలయం ముందు కనిపిస్తున్న శిలాశాసనంలో ఓరుగల్లు రాజుల ప్రసక్తి ఉంది. దీన్ని బట్టి 12వ శతాబ్దంలో ఈ పట్టణం విలసిల్లినట్లు ఊహించవచ్చు. వైభవ ప్రాభవాన్ని అనుభవించిన ఆ పట్టణం ఎందుకు శిథిలస్థితికి చేరిందో ఇప్పటికీ అర్ధం కాదు. ఆనాటి ముస్లిం రాజుల దండయాత్ర వల్లనో, లేక ప్రకృతి వైపరీత్యాల కారణంగానో ద్వారకావురి విధ్వంసానికి గురై ఉండవచ్చు. అయితే స్థానికులు మరో కథనం చెబుతుంటారు. శ్రీశైలం అడవుల్లో నివసించే చెంచు తెగల దాడి వల్లనే ఈ పట్టణం ధ్వంసమైందని ఈ ప్రాంత వాసులు విశ్వసిస్తున్నారు. వారి కథనం ప్రకారం.. చెంచు తెగకు చెందిన ఓ మహిళ తేనె అమ్మడానికి తన కుక్కతో ఈ పట్టణానికి వచ్చింది. ఓ ఇంట్లో తేనె విక్రయిస్తుండగా అక్కడ తిరుగుతున్న పిల్లిని చూసి ఆ కుక్క దానిపై దాడి చేసి చంపింది.

ఈ విషయమై ఆ చెంచు మహిళకు కుటుంబ సభ్యులకు ఘర్షణ జరిగి చివరకు ఆ తేనే అమ్ముకునే మహిళ హత్యకు దారితీసింది. ఆమె హత్య విషయం తెలుసుకున్న చెంచులు ప్రతీకారంతో రగిలిపోయారు. రాత్రికి రాత్రే ద్వారకాపురి పట్టణంపై దాడి చేసి మగ వారి గొంతులు కోశారని, ఈ దాడితో పట్టణం శవాల గుట్టలతో శ్మశానంగా మారిందని చెబుతుంటారు. మగ దిక్కు కోల్పోయిన మహిళలంతా పట్టణం వీడిపోగా, తప్పించుకున్న మగవారు కొన్నాళ్లకు తిరిగివచ్చారు. వారిలో కొందరు దర్మవరంలో అంతర్భాగంగా ఉన్న దారివేముల గ్రామాన్ని ఏర్పరుచుకోగా.. కొందరు దుర్గి ప్రాంతానికి వచ్చి నేటి దుర్గి గ్రామాన్ని నిర్మించుకున్నారు.

చరిత్ర నుంచి అదృశ్యమైన వాటి ద్వారకాసురి చరిత్ర నేటికీ పురావస్తు శాఖ దృష్టికి రాలేదు. అపురూప శిల్పసంపద, శిలాశాసనాలు, చారిత్రక అవశేషాలకు నిలయమైన ద్వారకాపురి ఏళ్ల తరబడి నిర్లక్ష్యానికి నిలువటద్దంలా నిలిచి ఉంది.

ఎస్ఎస్‌బీఎన్ ఎస్-4 అణు జలాంతర్గామి.
భారతదేశ రక్షణ రంగాన్ని పటిష్టం చేయడంలో కేంద్ర ప్రభుత్వం మరో కీలక అడుగు వేసింది. విశాఖ సముద్ర తీరంలో అణుసామర్థ్యం కలిగిన ఎస్ఎస్‌బీఎన్ ఎస్-4 అనే నాలుగవ జలాంతర్గామిని కేంద్ర రక్షణ శాఖ మంత్రి రాజ్‌నాథ్ సింగ్ ఆవిష్కరించినట్లు కథనాలు వెలవడ్డాయి.

భారతదేశ రక్షణ రంగాన్ని పటిష్టం చేయడంలో కేంద్ర ప్రభుత్వం మరో కీలక అడుగు వేసింది. విశాఖ సముద్ర తీరంలో అణుసామర్థ్యం కలిగిన ఎస్ఎస్‌బీఎన్ ఎస్-4 అనే నాలుగవ జలాంతర్గామిని కేంద్ర రక్షణ శాఖ మంత్రి రాజ్‌నాథ్ సింగ్ ఆవిష్కరించినట్లు కథనాలు వెలవడ్డాయి. 

ఇది బాలిస్టిక్ క్షిపణి వ్యవస్థ కలిగిన మెుట్టమెుదటి జలాంతర్గామి కావడం విశేషం. ఇటీవల తెలంగాణలో నేవీ ర్యాడార్ కేంద్రం ప్రారంభించిన మరసటి రోజే అంటే.. అక్టోబర్ 16న విశాఖ షిప్ బిల్డింగ్ సెంటర్‌లో ఎస్ఎస్‌బీఎన్ ఎస్-4 జలాంతర్గామి ప్రారంభోత్సవ కార్యక్రమం జరిగినట్లు తెలుస్తోంది.

ఈ ఏడాది ఆగస్టు 29వ తేదీన ఎస్ఎస్‌బీఎన్ అరిఘాత్‌ను విశాఖ కేంద్రంగా రాజ్‌నాథ్ సింగ్ జాతికి అంకితం చేశారు. మరోవైపు అక్టోబర్ 9, 2025న అణుశక్తి కలిగిన మరో జలాంతర్గామిని అరిధామాన్‌ను ప్రారంభించనున్నట్లు కేంద్ర ప్రభుత్వం ఇప్పటికే ప్రకటించింది. కొత్తగా ప్రారంభించబడిన ఎస్ఎఎస్‌బీఎన్ ఎస్-4ను దాదాపు 75శాతం స్వదేశీ పరిజ్ఞానంతో తయారు చేశారు.
 
దీనిలో 3,500 కి.మీ. దూరంలో ఉన్న లక్ష్యాన్ని సైతం ఛేదించేలా కె-4 అణు బాలిస్టిక్ క్షిపణులను అమర్చారు. అయితే మెుట్టమెుదటి అణు జలాంతర్గామి అయిన ఐఎన్ఎస్ అరిహంత్ కేవల 750కి.మీ. పరిధి లక్ష్యాన్ని మాత్రమే ఛేదించగలదు. దీనిలో కె-15 అణు క్షిపణులు ఉన్నాయి. కొత్తగా మరో అణు జలాంతర్గామి రక్షణ వ్యవస్థలోకి చేరి దేశానికి సేవలు అందించనుంది.