RR: యువతకు ఉపాది కల్పనలో ప్రభుత్వం విఫలం: మల్ రెడ్డి రంగారెడ్డి
యాచారం మండలం, నందివనపర్తి గ్రామానికి చెందిన 30 మంది యువకులు వివిధ పార్టీల నుండి నేడు కాంగ్రెస్ పార్టీలో చేరడం జరిగింది. టిపిపిసి వైస్ ప్రెసిడెంట్ మల్ రెడ్డి రంగారెడ్డి, వారికీ కాంగ్రెస్ పార్టీ కండువాలు కప్పి పార్టీలోకి సాధరంగా ఆహ్వానించారు.
ఈ సందర్బంగా వారు మాట్లాడుతూ.. గత 10 సంవత్సరాలనుండి కెసిఆర్ ప్రభుత్వం ఉద్యోగాలు ఇవ్వకుండా యువతను మోసం చేసిన విషయాన్నీ యువత తెలుసుకున్నదని, కాబట్టి కాంగ్రెస్ లోకి వలసలు గా వస్తున్నారని అన్నారు. రాబోయే కాంగ్రెస్ ప్రభుత్వం లో యువత కు తప్పకుండా న్యాయం చేయడం జరుగుతుందని, కోరుకొని తెచ్చుకున్న తెలంగాణ లో యువతకు కాంగ్రెస్ పార్టీ అండగా ఉంటుందని అన్నారు.
ఈ కార్యక్రమం లో ఏ బ్లాక్ కాంగ్రెస్ పార్టీ ప్రెసిడెంట్ ఎదుళ్ల పాండు రంగారెడ్డి, మాజీ ఎంపీపీ రాచర్ల వెంకటేశ్వర్లు, ఓబీసి సెల్ చైర్మన్ సుబ్బురు పాండు, మండల పార్టీ ప్రెసిడెంట్ మస్కు నర్సింహా, సీనియర్ నాయకులు, అమృత కేసరి సాగర్, గుండ్లపల్లి ధనరాజ్ గౌడ్, కౌన్సిలర్ కాకుమాను సునీల్,మేతరి దర్శన్, గులాం అక్బర్, మోటే శ్రీశైలం,బిక్షపతి, రామ్ నాథ్ రెడ్డి, మొహమ్మద్ గౌస్, శ్రీశైలం, శ్యామ్ లాల్, విజయ్, తదితరులు పాల్గొన్నారు
శ్రీహరికోట: భారత అంతరిక్ష పరిశోధన సంస్థ ఇస్రో మరో ప్రయోగానికి సిద్ధమైంది. శ్రీహరికోటలోని సతీశ్‌ ధావన్‌ అంతరిక్ష ప్రయోగ కేంద్రం నుండి శనివారం ఉదయం 8.30 గంటలకు గగన్‌యాన్‌ టెస్ట్‌ వెహికల్‌ను ఇస్రో ప్రయోగించనుంది.
దీని ద్వారా క్రూ ఎస్కేప్‌ వ్యవస్థ పనితీరును పరీక్షించనున్నారు. భారత వ్యోమగాములను అంతరిక్షంలోకి పంపేందుకు, ఇస్రో ప్రతిష్టాత్మకంగా గగన్‌యాన్‌ మిషన్‌ చేపట్టిన విషయం తెలిసిందే. ఇందుకు సన్నాహకంగా పలు కీలక పరీక్షలను ఇస్రో చేపట్టనుంది.
నల్లగొండ జిల్లా మర్రిగూడెం మండలం లోని లెంకలపల్లి గ్రామంలో.. శరన్నవరాత్రి ఉత్సవాల సందర్భంగా గాంధీ సెంటర్ వద్ద ఏర్పాటుచేసిన దుర్గామాత మంటపం వద్ద మహిమాన్విత శక్తి స్వరూపిణి దుర్గామాతకు ఐదవ రోజు శుక్రవారం పూజలు ఘనంగా నిర్వహించారు.
5 వ రోజు శుక్రవారం అమ్మవారు సరస్వతీ మాత గా భక్తులకు దర్శనమిస్తున్నారు. ఈ సందర్భంగా భవానీలు మరియు పలువురు భక్తులు సరస్వతి మాతను దర్శించుకుని ప్రత్యేక పూజలు నిర్వహించారు. అనంతరం నిర్వాహకులు అన్నదాన కార్యక్రమాన్ని నిర్వహించారు. కార్యక్రమంలో గ్రామ ప్రజలు అధిక సంఖ్యలో పాల్గొన్నారు.
హైదరాబాద్‌: సింగరేణి కార్మికులకు బోనస్‌ కింద తెలంగాణ ప్రభుత్వం రూ.711 కోట్లు విడుదల చేసింది. దీంతో సింగరేణిలో పనిచేస్తున్న ఒక్కో కార్మికుడికి రూ.1.53 లక్షల బోనస్‌ ఇవ్వనున్నట్టు యాజమాన్యం వెల్లడించింది.
ఈ నిర్ణయంతో సింగరేణి కాలరీస్ లో పనిచేస్తున్న 42వేల మంది కార్మికులకు రూ.1.53 లక్షల చొప్పున బోనస్‌ అందనుంది. ఒకటి రెండు రోజుల్లో పండుగ అడ్వాన్స్‌ కూడా చెల్లించనున్నట్టు అధికారులు తెలిపారు.
కరీంనగర్ జిల్లా: కాంగ్రెస్ అగ్రనేత రాహుల్ గాంధీతో టీజేఎస్ అధ్యక్షులు కోదండరాం భేటీ అయ్యారు. ఇవ్వాళ ఉదయం కరీంనగర్ వీపార్క్‌ హోటల్‌కు చేరుకున్న కోదండరాం.. రాహుల్ గాంధీ తో సమావేశమయ్యారు. కాంగ్రెస్‌తో కలిసి పనిచేయాలని ప్రొఫెసర్‌ను రాహుల్ కోరారు. అసెంబ్లీ ఎన్నికల్లో పోటీ చేయాలని కోదండరాంను రాహుల్ కోరగా.. పోటీకి ఆసక్తి లేదని తేల్చి ప్రొఫెసర్ తేల్చిచెప్పారు. ఎన్నికల్లో అవగాహన, బీఆర్ఎస్‌ ను ఎదుర్కునేందుకు అనుసరించాల్సిన వ్యూహంపై ఇరువురి మధ్య చర్చ జరిగినట్లు తెలుస్తోంది. తెలంగాణ ప్రయోజనల కోసం, రాష్ట్రంలో రాజకీయ పునరేకీకరణ జరగాలని కోదండరాం అన్నారు.
తెలంగాణ ప్రయోజనల కోసం కాంగ్రెస్‌తో పొత్తు పెట్టుకోవాలని జన సమితి నిర్ణయించింది. పొత్తులో భాగంగా కాంగ్రెస్ బలహీనంగా ఉన్న ముథోల్, ఎల్లారెడ్డి, కోరుట్ల, జహీరాబాద్ స్థానాలను తెలంగాణ జనసమితి ఆశిస్తున్నట్లు తెలుస్తోంది. కేసీఆర్ నియంత పాలన దించడానికే టీజేఎస్ ఏర్పడిందని కోదండరాం వెల్లడించారు. ఈ భేటీలో కేసీ వేణు గోపాల్, రేవంత్ రెడ్డి పాల్గొన్నారు.
NLG: సాగర్ నియోజకవర్గం, హాలియా పట్టణ కేంద్రంలో ఉన్న బీఎస్పీ పార్టీ కార్యాలయంలో శుక్రవారం నియోజకవర్గ సమీక్ష సమావేశానికి, నియోజకవర్గ అధ్యక్షుడు ముదిగొండ వెంకటేశ్వర్లు అధ్యక్షత వహించగా, ముఖ్యఅతిథిగా నియోజకవర్గ ఇన్చార్జ్ పోలె పల్లి రాజేష్ హాజరై మాట్లాడుతూ.. వచ్చే సాధారణ ఎన్నికలలో సాగర్ నియోజకవర్గ ఎమ్మెల్యే అభ్యర్థిని త్వరలోనే ప్రకటిస్తామని అందుకుగాను నియోజకవర్గం లో 6 మండలాలలో ఉన్న ఎస్సీ, ఎస్టీ, బీసీ , మైనారిటీ అగ్రకుల పేద ప్రజలు ప్రస్తుతం ఉన్న అగ్రకుల పార్టీ ల మాయ మాటలు నమ్మి మోసపోవద్దని విజ్ఞప్తి చేశారు.
ఈ కార్యక్రమంలో బహుజన్ సమాజ్ పార్టీ సాగర్ నియోజకవర్గ ఉపాధ్యక్షుడు బత్తుల ప్రసాద్, నియోజకవర్గ ప్రధాన కార్యదర్శి రమావత్ రమేష్ రాథోడ్, నియోజకవర్గ సహాయ కార్యదర్శి కుక్కముడి ముత్యాలు , నియోజకవర్గ మహిళా కన్వీనర్ బైరాగి విజయ, అనుముల మండల అధ్యక్షుడు జిల్లా మధు , గుర్రంపోడు మండల అధ్యక్షుడు కొమ్ము రమేష్ , సోషల్ మీడియా ఇన్చార్జ్ మామిడి నరేందర్ , నిడమానూరు మండల మహిళా అధ్యక్షురాలు దుబ్బ జ్యోతి, బహుజన సింగర్ నగేష్ నాయక్ , వలికి సుధాకర్ తదితరులు పాల్గొన్నారు.
మర్రిగూడ: పాలకులు వాగ్దానాలు తప్ప పనులు పూర్తి చేయడంలో విఫలం చెందారని, సంవత్సరాల తరబడి చర్లగూడెం కిష్టరాంపల్లి ప్రాజెక్టులను పూర్తి చేయడంలో విఫలం చెందారని, వెంటనే భూ నిర్వాసితులకు నష్టపరిహారం ఇచ్చి, ప్రాజెక్టులను పూర్తి చేయాలని సిపిఎం నల్లగొండ జిల్లా కార్యదర్శి వర్గ సభ్యులు పాలడుగు నాగార్జున డిమాండ్ చేశారు.
దళిత బంధు పేర్లు ప్రతిపాదన చేయడంలో గోరంగా విఫలం చెందారని విమర్శించారు. దేశ రాజకీయాలలో బిజెపి, ప్రజలను వంచించడానికి మరొకసారి మునుగోడులో ప్రయోగం చేయ చూస్తున్నదని, ప్రజలు తిప్పికొట్టాలని విమర్శించారు. ప్రజా వ్యతిరేక విధానాలు అవలంబిస్తున్న పార్టీలను చిత్తుచిత్తుగా ఓడించాలని ప్రజలకు పిలుపునిచ్చారు. ఎన్నికలలో సిపిఎం తన సత్తా ఏమిటో చూపించనున్నట్లు తెలిపారు.
నల్లగొండ: జిల్లా కేంద్రంలోని మున్సిపల్ కార్యాలయంలో మున్సిపల్ కమిషనర్ కేవీ రమణాచారి మరియు జిల్లా పరిషత్ సీఈవో ఆధ్వర్యంలో గురువారం సమావేశం నిర్వహించి, సిస్టమాటిక్ ఓటర్స్ ఎడ్యుకేషన్ అండ్ ఎలక్టోరల్ పార్టిసిపేషన్ ప్రోగ్రాం SVEEP పై ఆర్పీ లకు, వార్డు ఆఫీసర్లకు శిక్షణ కార్యక్రమం నిర్వహించారు.
ఈ సందర్భంగా వారు మాట్లాడుతూ.. పట్టణ ప్రాంతంలో ఓటు నమోదు శాతాన్ని పెంచాలని, ప్రతి ఓటరు తమ ఓటు హక్కును వినియోగించుకునేలా చర్యలు చేపట్టాలని, ఓటు నమోదు శాతం తక్కువగా ఉన్న ప్రాంతాలని సందర్శించి ఓటర్లకు అవగాహన కార్యక్రమం నిర్వహించి, ఓటు నమోదు శాతాన్ని పెంచాలని అధికారులకు దిశా నిర్దేశం చేశారు.
SB NEWS NALGONDA DIST
భూపాలపల్లి: అసెంబ్లీ ఎన్నికల్లో గెలుపే లక్ష్యంగా కాంగ్రెస్ పార్టీ తెలంగాణలో.. రాహుల్ గాంధీ మూడు రోజులు బస్సు యాత్రలో భాగంగా రెండో రోజైన ఇవాళ జయశంకర్ భూపాలపల్లి జిల్లా కాటారం మీదుగా విజయభేరి బస్సు యాత్ర నిర్వహిస్తున్నారు. మేడిపల్లి వద్ద పార్టీ శ్రేణులు ఆయనకు ఘన స్వాగతం పలికారు. బైక్ ర్యాలీ ద్వార కాటారం కార్నర్ సెంటర్ కి రాహుల్ గాంధీ చేరుకొని ప్రసంగించారు. ఆయన మాట్లాడుతూ.. దేశంలోనే అవినీతి ప్రభుత్వము ఒక తెలంగాణలోనే ఉందని, తెలంగాణలో అన్ని అధికారాలు ఒక్క కుటుంబానికే పరిమితమైందని ఆరోపించారు.
ఈ ఎన్నికలు దొరల తెలంగాణకు, ప్రజల తెలంగాణకు మధ్య ఈ ఎన్నికలు జరగనున్నాయన్నారు. కెసిఆర్ అవినీతిపై ఈడి, సిబిఐ, విచారణ ఎందుకు జరపడం లేదని రాహుల్ గాంధీ ప్రశ్నించారు. కెసిఆర్ అవినీతి పాలన కారణంగా ప్రజలు తీవ్ర ఇబ్బందులు పడ్డారన్నారని విమర్శించారు. తెలంగాణలో పేదల, రైతుల, ప్రభుత్వాన్ని ఏర్పాటు చేస్తాం. మహిళలకు 500 రూపాయలకే గ్యాస్ సిలిండర్ ఏర్పాటు చేస్తామన్నారు.
Oct 21 2023, 22:15
- Whatsapp
- Facebook
- Linkedin
- Google Plus
0- Whatsapp
- Facebook
- Linkedin
- Google Plus
4.3k