నల్లగొండ ప్రభుత్వ మహిళా డిగ్రీ కళాశాలలో ఘనంగా బతుకమ్మ వేడుక

 
 
  నల్లగొండ:  జిల్లా కేంద్రంలోని ప్రభుత్వ మహిళా డిగ్రీ కళాశాల లో శుక్రవారం బతుకమ్మ సంబరాలు కళాశాల ప్రథానా చార్యులు డా. ఘనశ్యాం ఆధ్వర్యంలో ఘనంగా నిర్వహించారు. 
  ఈ ఉత్సవంలో రంగురంగుల పూలతో బతుకమ్మలను పేర్చారు. పండ్లు, ఫలహారాల తో బతుకమ్మలను పూజించారు.ఈ బతుకమ్మ సంబరాలలో ప్రథానాచార్యులు, ఉప ప్రథానాచార్యులు, అధ్యాపక బృందం, ఇతర సిబ్బంది, విద్యార్థులు ఉత్సవంలో పాల్గొన్నారు.  విద్యార్థులు తమ ఆటపాటలతో  ఆకట్టుకున్నారు.
  SB NEWS NALGONDA DIST
  

  
SB NEWS TELANGANA 
  

 

NLG: నాగార్జున ప్రభుత్వ కళాశాలలో ఘనంగా బతుకమ్మ సంబరాలు

 
 
  నల్లగొండ: జిల్లా కేంద్రంలోని నాగార్జున ప్రభుత్వ కళాశాలలో శుక్రవారం బతుకమ్మ సంబరాలు ఘనంగా జరిగాయి. మహిళా అధ్యాపకులు, విద్యార్థులు కలిసి రంగురంగుల పూలతో బతుకమ్మలను పేర్చి అద్భుతంగా ఆడి పాడారు. 
  ఈ సందర్భంగా కళాశాల ప్రధానాచార్యులు డాక్టర్ సముద్రాల ఉపేందర్ మాట్లాడుతూ.. తెలంగాణ సంస్కృతికి ప్రతీకయైన బతుకమ్మ పండుగను, ప్రతి పల్లెలో ఆడపడుచులు ఘనంగా జరుపుకోవడం జరుగుతుందని అన్నారు. పర్యావరణ పరిరక్షణే పరమార్ధంగా ప్రకృతిని ఆరాధించడంలో భాగంగా, ఈ బతుకమ్మ పండుగను జరుపుకోవడం తెలంగాణకు ఎంతో గర్వకారణమని అన్నారు
  సాహిత్య సాంస్కృతిక విభాగం, మహిళా సాధికారత విభాగం, జాతీయ సేవా పథకం ఆధ్వర్యంలో నిర్వహించబడిన ఈ కార్యక్రమంలో ఎన్. లవేందర్ రెడ్డి, డాక్టర్ గంజి భాగ్యలక్ష్మి, డాక్టర్ నాగుల వేణు,ఇ. యాదగిరి రెడ్డి, వెంకట్ రెడ్డి, శివరాణి, డాక్టర్ ఎన్. దీపిక, డాక్టర్ తండు కృష్ణ కౌండిన్య, డాక్టర్ వి. వి. సుబ్బారావు, డాక్టర్ వి. శ్రీధర్, డాక్టర్ ఎ.దుర్గా ప్రసాద్, కె. మల్లేష్, తదితర అధ్యాపకులు, విద్యార్థులు పాల్గొన్నారు.
  

  
SB NEWS NALGONDA DIST
  

  
SB NEWS TELANGANA 
 

ట్రినిటీ స్కూల్ ఆధ్వర్యంలో నిర్వహించిన బతుకమ్మ సంబరాలలో పాల్గొన్న మున్సిపల్ చైర్ పర్సన్ వెన్ రెడ్డి రాజు

 
 
  YBD: చౌటుప్పల్ పట్టణ కేంద్రంలోని బస్ స్టాప్ పక్కన ఉన్నటువంటి ఖాళీ స్థలంలో ట్రినిటీ స్కూల్ యాజమాన్యం బతుకమ్మ సంబరాలు నిర్వహించడం జరిగినది. 
  మున్సిపల్ చైర్ పర్సన్ వెన్ రెడ్డి రాజు సంధ్య దంపతులు ముఖ్య అతిథులుగా పాల్గొన్నారు. ఈ సందర్భంగా వెన్ రెడ్డి రాజు మాట్లాడుతూ.. ప్రకృతిని ఆరాధించే పూల పండుగను ఘనంగా జరుపుకోవాలన్నారు. 
  ఈ కార్యక్రమంలో కౌన్సిలర్ అంతటి విజయలక్ష్మి బాలరాజు, కాసర్ల మంజుల శ్రీనివాస్ రెడ్డి, ట్రినిటీ స్కూల్ డైరెక్టర్ క్రిష్ణారావు, ప్రిన్సిపాల్ ఉజ్జిని మంజుల, గాంధీ గ్లోబల్ ట్రస్టు ప్రధాన కార్యదర్శి యానాల ప్రభాకర్ రెడ్డి, తదితరులు పాల్గొన్నారు
 

TS: ఆసిఫాబాద్ జిల్లా ఎస్పీని బదిలీ చేయండి: ఆర్ఎస్ ప్రవీణ్ కుమార్

 
 
  రాష్ట్ర ఎన్నికల సంఘం కార్యాలయం, హైదరాబాద్: రాబోయే ఎన్నికల్లో అధికార బీఆర్ఎస్ పార్టీకి అనుకూలంగా వ్యవహరిస్తున్న కుమురం భీమ్ అసిఫాబాద్ జిల్లా ఎస్పీ కే.సురేష్ కుమార్ ను తక్షణమే బదిలీ చేయాలని బహుజన్ సమాజ్ పార్టీ రాష్ట్ర అధ్యక్షులు డా.ఆర్.ఎస్ ప్రవీణ్ కుమార్ కేంద్ర ఎన్నికల సంఘానికి ఫిర్యాదు చేశారు.
  

  
ఈ మేరకు హైదారాబాద్ లో రాష్ట్ర ఎన్నికల సంఘం ప్రధాన అధికారి వికాస్ రాజు తో భేటీ తర్వాత మీడియా కు ప్రకటన విడుదల చేశారు. జిల్లా ఎస్పీ కే.సురేష్ కుమార్ స్థానిక ఎమ్మెల్యే కోనేరు కొనప్ప తో అనుకూలంగా వ్యవహరించిన తీరును, ఎన్నికల నియమ నిబంధనలను దుర్వినియోగం చేస్తున్న తీరును ఎన్నికల ప్రధాన అధికారికి వివరించామని తెలిపారు.అన్ని అంశాలను పరిశీలిస్తామని రాష్ట్ర ఎన్నికల ప్రధాన అధికారి హామీ ఇచ్చారన్నారు.
  

  
ప్రభుత్వ నిబంధనలను తుంగలో తొక్కి ఎమ్మెల్యేకు చెందిన ఓ ప్రైవేట్ ట్రస్టుకి జిల్లా ఎస్పీ వెళ్లి ప్రజల ముందు ఎమ్మెల్యేను సన్మానించి అక్కడ ఫోటోలు దిగిన తీరును పిర్యాదు కు జత చేశారు. వచ్చే ఎన్నికల్లో మద్యం, డబ్బు పంపిణీపై ఎన్నికల సంఘం పకడ్బందీగా చర్యలు తీసుకోవాలన్నారు.
  రాష్ట్రంలో ఎన్నికలను ప్రశాంతంగా నిర్వహించడానికి, ప్రవర్తనా నియమావళిని పకడ్బందీగా అమలు చేయాలని కోరారు. ఎమ్మెల్యే కోనేరు కొనప్ప కుటుంబం మట్కా అనేక చట్ట వ్యతిరేక కార్యకలాపాలలో అధికార బీఆర్ఎస్ నేతలు చురుకుగా పాల్గొంటున్నప్పటికీ, స్థానిక పోలీసులకు ఫిర్యాదు చేసినా నిందితులపై కేసు నమోదు చేయడంలేదని ఆరోపించారు.
  

  
జిల్లాలో ప్రతిపక్ష నాయకులపై, రాజకీయ ప్రత్యర్థులపై జిల్లా ఎస్పీ ఎస్సీ, ఎస్టీ అట్రాసిటీ నిరోధక చట్టాన్ని ఉపయోగించి తప్పుడు కేసులు నమోదు చేస్తున్నారని ధ్వజమెత్తారు. అక్రమ కేసుల వెనుక ఎమ్మెల్యే కోనేరు కొనప్ప హస్తం ఉందని ఆరోపించారు. బీఎస్పీకి అనుకూలంగా వ్యవహరిస్తున్న ముగ్గురు ఢిల్లీ యూనివర్శిటీకి చెందిన అమాయక విద్యార్థి వాలంటీర్లను ఎమ్మెల్యే అనుచరులు కిడ్నాప్ చేసి తీవ్రంగా కొట్టినా.. కాగజ్‌నగర్ రూరల్ స్టేషన్ లో ఎఫ్‌ఐఆర్ నమోదు చేయడానికి పోలీసులు భయపడ్డారని అన్నారు.
  

  
స్వయంగా ముగ్గురు సీనియర్  ఐపీఎస్ అధికారులతో మాట్లాడితే తప్ప, ఎఫ్ఐఆర్ నమోదు కాలేదన్నారు. తెలంగాణాలో జరగనున్న రాబోయే ఎన్నికల్లో నిష్పక్షపాతంగా జరిగేలా ఐఏఎస్, ఐపీఎస్ ల బదిలీలు చేపట్టినందుకు ఈ సందర్భంగా కేంద్ర ఎన్నికల సంఘానికి ధన్యవాదాలు తెలిపారు.
 

NLG: జీవో 59 ద్వారా జర్నలిస్టుల ముసుగులో ప్రభుత్వ భూమి క్రమబద్ధీకరణ.. కలెక్టర్ కు ఫిర్యాదు

 
 
  

  
  ఎలాంటి నిర్మాణం లేకుండానే ఇంటి నెంబరు కేటాయించారు..!
  
నల్గొండ: జర్నలిస్టులకు ఇళ్ళ స్థలాల విషయములో పెద్దన్న పాత్ర పోషించేందుకు వెళ్లి తమ సొంత ప్రయోజనం చూసుకొని సమస్త జర్నలిస్టులకు అన్యాయం చేసిన వారిపై చర్యలు తీసుకోవాలని నల్లగొండ సమస్త జర్నలిస్టులు ముక్తకంఠంతో డిమాండ్ చేశారు.
  

  
ప్రభుత్వ భూమిని క్రమబద్దీకరణ జిఓ 59 పేరుతో జర్నలిస్టుల ముసుగులో కొందరు ప్రధాన జర్నలిస్టులు తప్పుడు ధృవీకరణ పత్రాలతో ప్రభుత్వ భూమిని క్రమబద్దీకరణ చేసుకొన్న విషయమై.. విచారణ జరిపి రద్దు చేయాలని సమస్త జర్నలిస్టులు అందరూ గురువారం స్థానిక పీఆర్టీయూ భవన్ లో యూనియన్ లకు అతీతంగా నల్గొండ జర్నలిస్టుల హౌజింగ్ సోసైటీ సాధన సమితి ఆధ్వర్యంలో సమావేశం నిర్వహించి భవిష్యత్ కార్యాచరణపై చర్చించారు.
  

  
అనంతరం జర్నలిస్టుల ముసుగులో 59 జీఓ నియమాలను తుంగలో తొక్కి భూమిని కాజేసిన 10 మంది జర్నలిస్టులపై జిల్లా కలెక్టర్ ఆర్వీ కర్ణన్ కు వినతి పత్రం అందజేశారు. అక్రమంగా ప్రభుత్వ భూమిని కాజేసిన వారి వివరాలను ఫిర్యాదు వెంట జతపరిచామని వెంటనే విచారణ జరిపించి న్యాయం చేయాలని కోరారు. 
  ప్రభుత్వ నిర్ణయం మేరకు జర్నలిస్టులకు ఇళ్ల స్థలాలు ఇప్పించేందుకు నల్లగొండ పట్టణంలోని గొల్లగూడ రెవిన్యూ పరిధిలోని సర్వే నెం. 370, 371లలో కొందరు వ్యక్తులకు రెవిన్యూ, మున్సిపల్ అధికారులు గత 13 సంవత్సరాలుగా ఆయా సర్వే నెంబరులో నివాసముంటున్నట్లు తప్పుడు దృవీకరణ పత్రాలు సృష్టించి.. మున్సిపల్, రెవిన్యూ అధికారుల సహకారంతో రాజకీయ నాయకుల ఆదేశాలకు తలొగ్గి ఇంటి స్థలాలను కేటాయించుకున్నారని ఆరోపించారు.
  

  
జాబితాలో తహశీల్దార్ బంధువులు, ఎంఎల్ఎ అనుచరులు ఉన్నట్లు స్పష్టంగా తెలుస్తోందని, ఆ స్థలంలో ఇప్పటి వరకు ఎలాంటి నిర్మాణం లేకుండానే ఇంటి నెంబరు కేటాయించారని వెంటనే తప్పుడు క్రమబద్దీకరణపై విచారణ జరిపి, రద్దు చేయడంతో పాటు దానికి బాధ్యులైన రెవిన్యూ, మున్సిపల్ అధికారులు, సిబ్బందిపై చట్టరీత్యా తగు చర్యలు తీసుకోవాలని కలెక్టర్ కు వినతి పత్రం అందించి కోరారు.
  

  
ప్రింట్, ఎలాక్రానిక్ మీడియా, ఫోటో, వీడియో జర్నలిస్టుల ఇళ్ళ స్థలాల పేరిట ఎమ్మేల్యే, అధికారులతో చర్చించి చివరకు ఓ పది మంది జర్నలిస్టులు తమ సొంత ప్రయోజనం చేకూర్చుకొని జిల్లా కేంద్రంలోని 200 మంది జర్నలిస్టుల పొట్ట కొట్టారని అవేదన వ్యక్తం చేశారు.
  

  
భవిష్యత్ లో సమస్త జర్నలిస్ట్ లకు న్యాయం జరిగే వరకూ పెద్ద ఎత్తున ఉద్యమాలు చేపడతామని అవసరమైతే రాష్ట్ర సంఘ నాయకత్వంతో చర్చించి జర్నలిస్టుల ముసుగులో భూమిని అక్రమంగా క్రమబద్ధీకరణ చేసుకున్న వారిపై చర్యలు తీసుకునే వరకూ ఉద్యమాలు నిర్వహిస్తామని హెచ్చరించారు. అవసరమైతే వీరి యజమాన్యాలకు సమగ్రమైన నివేదికతో ఫిర్యాదు చేయనున్నట్లు వెల్లడించారు.
  

  
ఈ విషయంపై స్పందించిన కలెక్టర్ కర్ణన్.. జీవో నెంబర్ 59 ద్వారా జర్నలిస్టుల ముసుగులో ప్రభుత్వ భూమిని క్రమబద్ధీకరణ విషయంపై విచారణ జరిపి బాధ్యులపై, అధికారులపై చర్యలు తీసుకుంటామని హామీ ఇచ్చినట్లు నల్గొండ జిల్లా జర్నలిస్టుల హౌసింగ్ సోసైటి సాదన సమితి నాయకులు తెలిపారు..
  

  
SB NEWS NALGONDA DIST
  

  
SB NEWS TELANGANA 
 

TS: హైదరాబాద్ ఇంచార్జి పోలీస్ కమిషనర్ గా విక్రమ్ సింగ్ మాన్

 
 
  హైదరాబాద్‌ ఇన్‌చార్జి పోలీస్‌ కమిషనర్‌గా విక్రమ్‌సింగ్‌ మాన్‌ నియమితులయ్యారు. వచ్చే నెలలో అసెంబ్లీ ఎన్నికలు జరుగనున్న ఐదు రాష్ట్రాల్లో సీనియర్‌ అధికారులను కేంద్ర ఎన్నికల కమీషన్‌ బదిలీ చేసింది. బదిలీ అయిన వారిలో జిల్లా కలెక్టర్లు, పోలీస్‌ కమిషనర్లు, ఎస్పీలు, అదనపు  ఎస్పీలు ఉన్నారు.
  

  
ఇందులో తెలంగాణలో రంగారెడ్డి, మేడ్చల్‌ మల్కాజిగిరి, యాదాద్రి భువనగిరి, నిర్మల్‌ జిల్లాల కలెక్టర్లతో పాటు 13 మంది పోలీసు అధికారులు ఉన్నారు. వీరి స్థానంలో కొత్తవారిని నియమించాలని, వీరి స్థానాల్లో ఇతర అధికారుల నియామకం కోసం ఒక్కో పోస్టుకు ముగ్గురు చొప్పున అధికారుల పేర్లతో అవసరమైన జాబితాను గురువారం సాయంత్రంలోగా అందించాలని ప్రభుత్వాన్ని ఆదేశించింది.
  

  
ఈ నేపథ్యంలో బదిలీ అయినవారి స్థానంలో ఇన్‌ఛార్జ్ లను నియమిస్తూ డీజీపీ అంజనీ కుమార్‌ ఉత్తర్వులు జారీచేశారు. హైదరాబాద్‌ సీపీగా విక్రమ్‌సింగ్‌ మాన్‌, వరంగల్‌ సీపీగా డీ.మురళీధర్‌, నిజామాబాద్‌ సీపీగా ఎస్‌.జయరాం ను నియమించారు.
  

  
సూర్యాపేట ఎస్పీగా ఎం.నాగేశ్వర్‌రావు, సంగారెడ్డి ఎస్పీగా పీ.అశోక్‌, కామారెడ్డి ఎస్పీగా కే.నరసింహారెడ్డి, జగిత్యాల ఎస్పీగా ఆర్‌.ప్రభాకర్‌రావు, మహబూబ్‌నగర్‌ ఎస్పీగా అందె రాములు నియమితులయ్యారు. నాగర్‌ కర్నూల్‌ ఎస్పీగా సీహెచ్‌.రామేశ్వర్‌, గద్వాల ఎస్పీగా ఎన్‌ వి, మహబూబాబాద్‌ ఎస్పీగా జే.చెన్నయ్య, నారాయణ్‌పేట ఎస్పీగా కే.సత్యనారాయణ, భూపాలపల్లి ఎస్పీగా ఏ.రాములును నియమించారు.
  

  
SB NEWS TELANGANA
 

శిర్దేపల్లి ప్రభుత్వ ప్రాథమిక పాఠశాలలో ఘనంగా బతుకమ్మ వేడుక
NLG: చండూరు మండలం, శిర్దేపల్లి ప్రభుత్వ ప్రాథమిక పాఠశాలలో గురువారం ఘనంగా బతుకమ్మ సంబరాలు  నిర్వహించారు. ఈ సందర్భంగా ఉపాధ్యాయులు ,విద్యార్థిని విద్యార్థులు అందరూ కలిసి బతుకమ్మ సంబరాలలో పాల్గొన్నారు.  పాఠశాల ప్రధానోపాధ్యాయులు ఈసం రాంబాబు మాట్లాడుతూ.. బతుకమ్మ పండుగ తీరోక్కపూలతో ప్రకృతిని ఆరాధించే పండుగ అని తెలిపారు. కార్యక్రమంలో ఉపాధ్యాయులు యాదగిరి, సైదులు, విద్యార్థులు పాల్గొన్నారు.

NLG: ప్రీ రిపబ్లిక్ డే పేరెడ్ కు ఎన్.జి కళాశాల విద్యార్థిని ఎంపిక

 
 
  జనవరి 26 రిపబ్లిక్ డే సందర్భంగా న్యూఢిల్లీలో నిర్వహించే పరేడ్ కొరకు, నవంబర్ 1 నుండి విజయవాడలో జరిగే ఎన్ఎస్ఎస్ విద్యార్థుల ప్రి- రిపబ్లిక్ డే పరేడ్ కోసం.. ఈ నెల 4 ఎం.జి యూనివర్సిటీ లో జరిగిన వాలంటీర్ల ఎంపికలో ఎన్జీ కళాశాల విద్యార్దిని డి. కామేశ్వరి ఎంపిక అయిందని కళాశాల ప్రిన్సిపల్ డాక్టర్ ఎస్.ఉపేందర్ గురువారం తెలిపారు. ఈ సందర్భంగా ఎంపికైన కామేశ్వరి ని అభినందిస్తూ  ఒక మొక్కను బహుమతిగా అందించారు. ప్రిన్సిపాల్ మాట్లాడుతూ.. విద్యార్థులలో ఉన్న సృజనాత్మకతను వెలికి తీయడంలో ఎన్ఎస్ఎస్ ప్రోగ్రాం ఆఫీసర్లు ముఖ్యపాత్ర పోషిస్తున్నారని అన్నారు.
  

  
డి. కామేశ్వరి ఎన్ఎస్ఎస్ యూనిట్ 6వ యూనిట్ విభాగం నుండి ఎంపికైనదని, ఈ విభాగం ను ప్రోగ్రాం ఆఫీసర్ కే.శివరాణి పర్యవేక్షణ చేస్తున్నారని తెలిపారు.
  ఈ కార్యక్రమంలో ఎన్ఎస్ఎస్ ప్రోగ్రాం ఆఫీసర్ లు యాదగిరి రెడ్డి, వెంకట రెడ్డి, నాగుల వేణు, భాగ్యలక్ష్మి, శీలం యాదగిరి, లైబ్రరీ విభాగం దుర్గా ప్రసాద్, ఫిజికల్ డైరెక్టర్ మల్లేష్, తదితరులు పాల్గొని విద్యార్థినికి అభినందనలు తెలియజేశారు.
  

  
SB NEWS NALGONDA DIST
 

NLG: ప్రభుత్వ జేబీఎస్ హైస్కూల్ లో ఘనంగా బతుకమ్మ

 
 
  నల్గొండ: పట్టణంలోని పాతబస్తీ మాధవ్ నగర్ లో గల ప్రభుత్వ జేబీఎస్ ఉన్నత పాఠశాలలో, నేడు విద్యార్థినులు బతుకమ్మలతో ఘనంగా సంబరాలు నిర్వహించారు. 
  విద్యార్థినులు ప్రత్యేకంగా రంగురంగుల పూలతో బతుకమ్మలు పేర్చి ఆటపాటలతో కోలాహలంగా బతకమ్మ సంబరాల వేడుకల్ని ఘనంగా నిర్వహించారు. ఈ కార్యక్రమంలో పాఠశాల ప్రధానోపాధ్యాయులు నిర్మల్ రెడ్డి మరియు ఉపాధ్యాయులందరూ పాల్గొన్నారు.
  

  
SB NEWS NALGONDA DIST
 

రైతులను మోసం చేస్తున్న కేసీఆర్: సిపిఎం జిల్లా కార్యదర్శి వర్గ సభ్యులు బండ శ్రీశైలం

 
 
  నల్లగొండ జిల్లా:
  
చండూరు: తెలంగాణ రాష్ట్ర ప్రభుత్వం రైతు ప్రభుత్వం అని చెప్పుకుంటూ రైతులను మోసం చేస్తున్నారని సిపిఎం జిల్లా కార్యదర్శి వర్గ సభ్యులు బండ శ్రీశైలం విమర్శించారు.గురువారం చండూరు మండల కేంద్రంలో సిపిఎం మండల కమిటీ సమావేశం సిపిఎం మండల సహాయ కార్యదర్శి జెర్రిపోతుల ధనంజయ గౌడ్ అధ్యక్షతన సమావేశం జరిగింది.ఈ సందర్భంగా వారు మాట్లాడుతూ.. ప్రభుత్వ భూములు కలిగిన పేద రైతులకు, రుణమాఫీ అయిన రైతులకు.. తిరిగి పంట రుణాలు ఇవ్వాలని వారు అన్నారు. అసైన్డ్, ఇనాం భూములు కలిగిన పేద రైతులకు తిరిగి పంట రుణం ఇవ్వకుండా, బ్యాంకర్లు నిరాకరిస్తున్నారని అన్నారు. ఖరీఫ్ ధాన్యం కొనుగోలు కేంద్రాలు ప్రారంభించాలని, మద్దతు ధరకే ధాన్యం కొనుగోలు చేసి రైతాంగాన్ని ఆదుకోవాలని వారు రాష్ట్ర ప్రభుత్వాన్ని డిమాండ్ చేశారు. 
  ఖరీఫ్ ధాన్యం మార్కెట్ కొనుగోలు కేంద్రాల్లో మౌలిక వసతులు లేక రైతులు తీవ్ర ఇబ్బందులు పడుతున్నారని వారు ఆవేదన వ్యక్తం చేశారు. ప్రభుత్వం కొనుగోలు కేంద్రాలు ప్రారంభించకపోవడం వల్ల, మధ్య దళారులు, మిల్లర్లు, కమిషన్ దారుల చేతిలో రైతులకు మద్దతు ధర లభించక దోపిడీకి గురవుతున్నారని తెలిపారు. రాష్ట్ర ప్రభుత్వం రైతు సంక్షేమమే అంటూ గొప్పలు చెప్పుకోవడం తప్ప రైతు సమస్యలను ఏమాత్రం పట్టించుకోవడంలేదని వారు అన్నారు. రైతు సమస్యలపై ప్రభుత్వం స్పందించి రైతాంగన్ని ఆదుకోవాలని వారు ప్రభుత్వాన్ని కోరారు.
  

  
ఈ కార్యక్రమంలో సిపిఎం మండల కార్యదర్శి మొగుదాల వెంకటేశం, సిపిఎం సీనియర్ నాయకులు చిట్టి మల్ల లింగయ్య, సిపిఎం నాయకులు కొత్తపల్లి నరసింహ, గౌస్యబేగం, బల్లెం స్వామి, తదితరులు పాల్గొన్నారు.