చంద్ర‌బాబు ఆరెస్ట్ ను ఖండించిన : ఏపీ బీజేపీ నేత పురందీశ్వ‌రీ


టీడీపీ అధినేత చంద్రబాబు నాయుడిని ఏపీ సీఐడీ పోలీసులు అరెస్ట్ చేయడంతో రాష్ట్ర వ్యాప్తంగా తీవ్ర ఉద్రిక్త పరిస్థితులు నెలకొన్నాయి. 

మరోవైపు చంద్రబాబు అరెస్ట్ ను ఏపీ బీజేపీ అధ్యక్షురాలు పురందేశ్వరి ఖండించారు.

ట్విట్టర్ ద్వారా ఆమె స్పందిస్తూ ఈరోజు చంద్రబాబును అరెస్ట్ చేయడం జరిగిందని… సరైన నోటీసు ఇవ్వకుండా, ఎఫ్ఐఆర్ లో పేరు పెట్టకుండా, వివరణ తీసుకోకుండా, ప్రొసీజర్ ఫాలో కాకుండా ఆయనను అరెస్ట్ చేయడం సమర్థనీయం కాదని చెప్పారు. చంద్రబాబు అరెస్ట్ ను బీజేపీ ఖండిస్తోందని తెలిపారు...

చంద్రబాబు అరెస్టుపై సీఐడీ అడిషనల్ డీజీ సంజయ్ కామెంట్
స్కిల్‌ డెవలప్‌మెంట్ కేసులో టీడీపీ అధినేత, మాజీ ముఖ్యమంత్రి చంద్రబాబు నాయుడును సీఐడీ అధికారులు అదుపులోకి తీసుకున్న విషయం తెలిసిందే. ఈ నేపథ్యంలో చంద్రబాబు అరెస్టుపై సీఐడీ అడిషనల్ డీజీ సంజయ్ ప్రెస్ మీట్ నిర్వహించారు. ఈ సందర్భంగా ఆయన మాట్లాడుతూ..

ఉదయం 6 గంటలకు నంద్యాలలో చంద్రబాబును అరెస్ట్ చేసినట్లు తెలిపారు. స్కిల్‌ డెవలప్‌మెంట్ ప్రోగ్రాం పేరిట 550 కోట్ల స్కామ్ జరిగినట్లు పేర్కొన్నారు. దీంతో ప్రభుత్వానికి 371 కోట్ల నష్టం వచ్చిందని చెప్పారు. నకిలీ ఇన్ వాయిస్ ద్వారా సెల్ కంపెనీలకు నిధులు మళ్లించినట్లు తెలిపారు. అలాగే తమ దర్యాప్తులో ప్రధాన నిందితుడు చంద్రబాబునాయుడే అని తేలిందన్నారు.

అన్ని లావాదేవవీలు చంద్రబాబుకు తెలిసే జరిగినట్లు చెప్పారు. అలాగే ఈ స్కామ్‌కు సంబంధించి కీలక డాక్యుమెంట్లు మాయం చేశారని ఆరోపించారని తెలిపారు. ఈడీ, జీఎస్‌టీ ఏజెన్సీలు కూడా ఈ స్కాంపై దర్యాప్తు చేశాయన్నారు.

అంతేగాక ఈ స్కామ్‌లో ఫైనల్ బెనిఫిషరీ కూడా చంద్రబాబే అని, న్యాయ పరంగా అన్ని చర్యలు తీసుకునే అరెస్ట్ చేశామని పేర్కొన్నారు. అందుకే చంద్రబాబును కస్టోడియల్ ఇంటరాగేషన్ చేయాల్సిందేనని స్పష్టం చేశారు.

నిధుల దారి మళ్లింపునకు సంబంధించి చంద్రబాబును ప్రశ్నించాల్సి ఉందన్నారు. 2014 జూలై నాటికి స్కిల్ డెవలప్మెంట్ కార్పొరేషన్ ఏర్పాటు చేశారని గుర్తు చేశారు. కార్పొరేషన్ ఏర్పాటుకు ముందే డిజైన్ టెక్‌తో ఒప్పందం కుదిరిందన్నారు. క్యాబినెట్ ఆమోదం లేకుండా కార్పొరేషన్ ఏర్పాటు చేసినట్లు తెలిపారు.

ఈ సంస్థ బాధ్యతలు గంట సుబ్బారావు అప్పగిస్తూ ఏకంగా నాలుగు పదవులు కట్టబెట్టారని చెప్పారు. లోకేష్ పాత్రతో పాటు ఇతరుల పాత్ర ఎంతవరకు ఉందనే దానిపై విచారణ చేస్తామన్నారు..

చంద్రబాబు నాయుడు అరెస్ట్ పై మంత్రి శ్రీ పెద్దిరెడ్డి రామచంద్రారెడ్డి ప్రెస్ మీట్
- అనుభవం ఉంటే అరెస్టు చేయకూడదా?
- స్కిల్ పేరుతో.. రూ. 371 కోట్లు నొక్కేసిన అవినీతిపరుడు బాబు
- హవాలా మార్గంలో ఆ డబ్బులన్నీ బాబుకే చేరాయి.
-ః రాష్ట్ర, విద్యుత్, మైనింగ్ శాఖల మంత్రి పెద్దిరెడ్డి రామచంద్రారెడ్డి

అనుభవం ఉంటే అరెస్ట్ చేయరా..?
-స్కిల్ డెవలప్మెంట్ స్కాం లో చంద్రబాబు అరెస్ట్ అయ్యారు. రాజకీయ అనుభవం ఉంటే, స్కాములు చేస్తే అరెస్టు చేయరా?
- కొన్ని మీడియా సంస్థలు చంద్రబాబు అరెస్ట్ తప్పు అంటూ వాదనలు చేస్తున్నారు
- మొత్తం రూ. 3, 356 కోట్ల ప్రాజక్ట్ లో 90 శాతం సీమెన్స్ కంపెనీ, 10 శాతం, అంటే రూ. 371 కోట్లు ప్రభుత్వం ఖర్చు చేయాల్సిన ప్రాజెక్టులో.. ప్రభుత్వ డబ్బును మాత్రం ఖర్చు చేయించి, రూ. 371 కోట్లు చంద్రబాబు అండ్ కో మింగేశారు. 
- ఏ కారణం లేకుండా ఒక ప్రైవేటు కంపెనీ- ప్రభుత్వం తరపున రూ. 3000 కోట్లు ఎందుకు ఖర్చు చేస్తుంది..? ఈ చిన్న లాజిక్ కూడా తెలియకుండా, చంద్రబాబు స్కామ్ చేశాడు. 
- ఇప్పటికే కేంద్ర ప్రభుత్వ ఏజెన్సీలు, ఈడీలు విచారణలు జరిపి, అరెస్టులు చేశాయి
 -సీమెన్స్, డిజైన్ టెక్, స్కిల్లర్ కంపెనీల ప్రతినిధులను ఇప్పటికే ఈ కేసులో అరెస్ట్ చేశారు
- వారంతా ఈ కుట్రలో పాత్రధారులు... సీమెన్స్ కంపెనీ ఒక్క రూపాయి కూడా ఖర్చు చేయలేదు
- కేవలం ప్రభుత్వం 10 శాతం కింద ఇచ్చిన 371 కోట్ల రూపాయలను మింగేశారు
- షెల్ కంపెనీల ద్వారా, హవాలా మార్గంలో డబ్బులు బదలాయించారు

హవాలా మార్గంలో ఆ డబ్బులన్నీ బాబుకే చేరాయి
- ఆ డబ్బులు అన్ని చంద్రబాబు కు, ఆ పార్టీ వారికి చేరాయి
- ఇది చంద్రబాబు నాయుడు స్వయంగా చేసిన స్కాం కాబట్టే... అయన ఈ విషయం పై ఏమి మాట్లాడలేదు
- అయన పార్టీ వారిని పెట్టుకుని అడ్డగోలుగా వాదిస్తుంటే... చంద్రబాబు సిఐడిని నిలదీశారని ఎల్లో మీడియా ప్రచారం చేసుకుంటుంది
- ఐటి నోటీసులు ఇస్తే... ఆ సర్కిల్ నోటీసు ఇవ్వకూడదని అడ్డోగొలు వాదనలు చేశారు
- ప్రభుత్వ ధనాన్ని దొచేయలనే కుట్రతో ఈ మొత్తం వ్యవహారం జరిగింది
- అన్ని ఆధారాలతోనే చంద్రబాబు నాయుడిని సిఐడి అరెస్ట్ చేసింది
- చంద్రబాబు బంధువు, బీజెపి రాష్ట్ర అధ్యక్షులు పురంధేశ్వరి, దత్త పుత్రుడు పవన్ కళ్యాణ్, సీపీఐ నారాయణ, రామకృష్ణ వీళ్ళందరి కళ్ళకు స్కాము.. కక్ష సాధింపు చర్యగా కనిపించడం దౌర్భాగ్యం. 
- పురంధేశ్వరి గారు ఈ 371 కోట్లు చంద్రబాబు తిన్నారా లేదా అని చెప్పాలి.
- అప్పుడున్న సీపీఐ నారాయణ , ఇప్పుడు ఉన్న నారాయణ వేరు
- అప్పటి నారాయణ కమ్యునిస్ట్ భావజాలం కలిగిన వారు... ఇప్పుడు చంద్రబాబు భావజాలంతో పని చేస్తున్నారు. 

ఓటుకు కోట్లు కేసులోనూ ఇదే అడ్డగోలు వాదన
-ఓటుకు నోటు కేసులో కూడా ఇదేవిధంగా అడ్డగోలుగా వాదించిన వ్యక్తి చంద్రబాబు
 -ఆనాడు కూడా ఎల్లో మీడియా ఇదేవిధంగా చంద్రబాబు కు మద్దతు తెలిపింది... ఎన్టీఆర్ ఘటన సమయంలో, ఇప్పుడు కూడా కొన్ని మీడియా సంస్థలు అదే పని చేస్తున్నాయి 
 -రాజకీయ లబ్ది కోసం ఆయనను కుట్ర పూరితంగా అరెస్ట్ చేశారని మాట్లాడుతున్నారు
 -సిఐడి ఈ కేసును పూర్తి స్థాయిలో వెలికితీసి తప్పనిసరి పరిస్థితుల్లో ఆయన్ను ఆరెస్ట్ చేశారు
- ఇన్నర్ రింగ్ రోడ్, ఏపి ఫైబర్ నెట్  స్కాముల్లో కూడా అవకతవకలు జరిగాయి... అవికూడా విచారిస్తున్నట్టు అధికారులు వెల్లడించారు
- పుంగనూరు అల్లర్ల సమయంలో ఒక్క వైసిపి కార్యకర్త కూడా లేరు
- రూట్ మ్యాప్ మార్చి పుంగనూరు లోకి ప్రవేశించాలని నాడు చంద్రబాబు చూస్తే..... పోలీసులు అడ్డుకున్నారు. 
- ఆరోజు టిడిపి కార్యకర్తలకు, పోలీసులకు మధ్య ఘటన జరిగింది.

తిరుమల నడక మార్గంలో కంచె ఏర్పాటుకు టీటీడీ సన్నాహాలు
తిరుమ‌ల న‌డ‌క మార్గంలో భ‌క్తుల ర‌క్ష‌ణ చ‌ర్య‌ల‌పై టీటీడీ సీరియ‌స్‌గా దృష్టి సారించింది. ఇప్ప‌టికే భ‌క్తుల‌కు క‌ర్ర‌ల పంపిణీకి టీటీడీ శ్రీ‌కారం చుట్టిన సంగ‌తి తెలిసిందే.

క‌ర్ర‌లు ఇవ్వ‌డంతోనే భ‌క్తుల భ‌ద్ర‌త బాధ్య‌త‌లు తీరిపోయిన‌ట్టు కాద‌ని, కొంత వ‌ర‌కూ ఆత్మ స్థైర్యాన్ని ఇచ్చేందుకు దోహ‌దం చేస్తాయ‌ని టీటీడీ చైర్మ‌న్ భూమ‌న క‌రుణాక‌ర‌రెడ్డి చెప్పిన సంగ‌తి తెలిసిందే.న‌డ‌క దారి భ‌క్తులు క్రూర‌మృగాల బారిన ప‌డ‌కుండా ఎలాంటి చ‌ర్య‌లు తీసుకోవాలో ఆలోచిస్తున్నామ‌ని ఆయ‌న అన్నారు.

ఇప్ప‌టికే మూడు నెల‌ల కాలంలో ఐదు చిరుత‌ల‌ను టీటీడీ, అట‌వీఅధికారులు సంయుక్తంగా ప‌ని చేసి ప‌ట్టుకున్నారు. మ‌రిన్ని చిరుత‌లు సంచ‌రిస్తున్నాయ‌ని సీసీ కెమెరాల ద్వారా ప‌సిగ‌ట్టారు. దీంతో న‌డ‌క దారి భ‌క్తుల‌కు ర‌క్ష‌ణ క‌ల్పించేందుకు కంచె ఏర్పాటుకు టీటీడీ క‌స‌ర‌త్తు చేస్తోంది.ఇనుప కంచె ఏర్పాటు చేసేందుకు కేంద్ర ప్ర‌భుత్వ అనుమ‌తిని టీటీడీ కోరింది.

అయితే కంచె ఏర్పాటు చేయ‌డం వ‌ల్ల చిరుత‌ల నుంచి ర‌క్ష‌ణ క‌ల్పించిన‌ట్టు అవుతుంద‌నే అభిప్రాయాన్ని అట‌వీశాఖ అధికారులు కొట్టి పారేస్తున్నారు.

ఈ నేప‌థ్యంలో ఈ నెల 12న ఎక్స్‌పర్ట్‌ కమిటీ సమావేశం నిర్వహించనున్నారు. అలిపిరి, శ్రీ‌వారి మెట్టు నడకమార్గాల్లో పర్యటించి నివేదిక అందజేస్తారి స‌మాచారం. 

ఈ క‌మిటీ నివేదిక ఆధారంగా న‌డ‌క మార్గాల్లో ఎలాంటి చ‌ర్య‌లు చేప‌ట్టాలో టీటీడీ నిర్ణ‌యం తీసుకునే అవ‌కాశం వుంది. మ‌రోవైపు ఆప‌రేష‌న్ చిరుత కార్య‌క్ర‌మాన్ని అట‌వీశాఖ‌తో క‌లిసి టీటీడీ కొన‌సాగిస్తోంది. భ‌క్తుల భ‌ద్ర‌తే మొద‌టి ప్రాధాన్యం కింద చిరుత‌ల‌ను పట్టుకుంటామ‌ని టీటీడీ ఉన్న‌తాధికారులు చెప్ప‌డం విశేషం...

నవంబర్ లో డిఎస్సి ఈనెల 20 నుండి దరఖాస్తుల స్వీకరణ
రాష్ట్రంలో డీఎడ్‌, బీఎడ్‌ పూర్తిచేసిన లక్షల మంది నిరుద్యోగులకు తెలంగాణ సర్కా రు తీపి కబురు చెప్పింది. 5,089 ఉపాధ్యాయ పోస్టుల భర్తీకి గ్రీన్‌ సిగ్నల్‌ ఇవ్వగా, విద్యాశాఖ శుక్రవారం నోటిఫికేషన్‌ విడుదల చేసింది.

నవంబర్‌ 20 నుంచి 30 వరకు కంప్యూటర్‌ ఆధారిత పరీక్షలు, సీబీటీ నిర్వహిస్తామని నోటిఫికేషన్‌లో పేర్కొన్నది. అర్హులైన అభ్యర్థులు సెప్టెంబర్‌ 20 నుంచి అక్టోబరు 21 వరకు ఆన్‌లైన్‌లో దరఖాస్తు చేసుకోవాలని సూచించింది. ఇటీవలే 5,089 ఉపాధ్యాయ ఖాళీలతోపాటు మరో 1,523 స్పెషల్‌ ఎడ్యుకేషన్‌ టీచర్ల ఖాళీలను భర్తీ చేసేందుకు డీఎస్సీ నిర్వహిస్తామని ప్రభుత్వం ప్రకటించింది.

ఇటీవలే ఆ పోస్టులకు ఆర్థికశాఖ అనుమతి ఇచ్చింది. ముందుగా చెప్పినట్టుగానే నోటిఫికేషన్‌ జారీ చేసింది. సెకండరీ గ్రేడ్‌ టీచర్లు,ఎస్జీటీ, స్కూల్ అసిస్టెంట్లు, పీఈటీలు, భాషా పండితుల పోస్టులను భర్తీ చేయనున్నట్టు నోటిఫికేషన్‌లో వెల్లడించింది.

రాష్ట్రవ్యాప్తంగా మహబూబ్‌ నగర్‌, రంగారెడ్డి, హైదరాబాద్‌, మెదక్‌, నిజామాబాద్‌, ఆదిలాబాద్‌, కరీంనగర్‌, వరంగల్‌, ఖమ్మం, నల్లగొండ, సంగారెడ్డి.. మొత్తం 11 జిల్లా కేంద్రాల్లో పరీక్ష సెంటర్లు ఏర్పాటు చేయనున్నారు. కంప్యూటర్‌ బేస్డ్‌ టెస్ట్‌,సీబీటీ విధానంలో ఈ పరీక్షలను నిర్వహించనున్నారు.

త్వరలోనే.. మిగిలిన 1,523 స్పెషల్‌ ఎడ్యుకేషన్‌ టీచర్ల ఖాళీల భర్తీకి సైతం నోటిఫికేషన్‌ ఇవ్వనున్నట్టు సమాచారం. వివరాలకు https://schooledu. telangana. gov.in వెబ్‌సైట్‌లో సంప్రదించాలని విద్యాశాఖ సూచించింది........

తెల్లవారుజామున టీడీపీ అధినేత చంద్రబాబుఅరెస్టు


నంద్యాలలో అర్ధరాత్రి నుంచి హైడ్రామా చోటు చేసుకుంది. నేటి తెల్లవారుజామున టీడీపీ అధినేత చంద్రబాబును పోలీసులు అరెస్ట్‌ చేశారు. చంద్రబాబు అరెస్ట్ వార్తలతో శుక్రవారం అర్ధరాత్రి దాటాక ఒక్కసారిగా కలకలం రేగింది.

నంద్యాలలో చంద్రబాబు బస చేసిన ఫంక్షన్‌ హాల్‌ వద్ద పోలీసులు భారీగా మోహరించడంతో అరెస్ట్‌ చేయవచ్చన్న వార్తలకు బలం చేకూరింది. పోలీసు ఉన్నతాధికారులు అదనపు బలగాలను నంద్యాలకు పంపనున్నారన్న వార్తలతో మరిన్ని అనుమానాలు పెరిగాయి.

అరెస్ట్‌ ప్రచారం నేపథ్యంలో రాష్ట్రవ్యాప్తంగా టీడీపీ శ్రేణులు అప్రమత్తమయ్యాయి. నంద్యాలలో చంద్రబాబు బస చేసిన ఫంక్షన్‌ హాల్‌ వద్దకు టీడీపీ శ్రేణులు భారీగా చేరుకున్నాయి. అనంతరం ఆయనను అరెస్ట్ చేశారు. అయితే చంద్రబాబును విజయవాడకు తరలించేందుకు సన్నాహాలు జరుగుతున్నాయి.

ఈ క్రమంలోనే ముందు జాగ్రత్త చర్యలో భాగంగా ఎక్కడికక్కడ టీడీపీ నేతలను పోలీసులు అరెస్ట్ చేస్తున్నారు. టీడీపీ రాష్ట్ర కార్యాలయం వద్ద కూడా పెద్ద సంఖ్యలో పోలీసులు మోహరించారు...

తెలంగాణ లో మరో రెండు రోజులు భారీ వర్షాలే..
వాయవ్య బంగాళాఖాతంలో ఏర్పడిన అల్పపీడనం బలహీనపడింది. దక్షిణ ఒడిశా పరిసర ప్రాంతాల్లో ఉపరితల ఆవర్తనం కొనసాగుతోంది.

ఈ ప్రభావంతో తెలుగు రాష్ర్టాల్లో మరో రెండు రోజుల పాటు వర్షాలు కురుస్తాయని హైదరాబాద్‌ వాతావరణ కేంద్రం తెలిపింది. శని, ఆదివారాల్లో తెలంగాణలో పలు జిల్లాల్లో భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం వెల్లడించింది.

ప్రత్యేకించి దక్షిణ తెలంగాణను అప్రమత్తం చేసింది. అలాగే.. మూడు, నాలుగు రోజుల పాటు తేలికపాటి నుంచి మోస్తరు వర్షాలు కురిసే అవకాశం ఉందని అంచనా వేసింది.

ఆదిలాబాద్‌, కొమురంభీం ఆసిఫాబాద్‌, మంచిర్యాల, నిర్మల్‌, నిజామాబాద్‌, సిద్దిపేట, కామారెడ్డి, జగిత్యాల, రాజన్న సిరిసిల్ల, కరీంనగర్‌, పెద్దపల్లి, జయశంకర్‌ భూపాలపల్లి జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది.

గంటకు 30-40 కిలోమీటర్ల వేగంతో గాలులు వీచే అవకాశం ఉందని తెలిపింది. కాగా, ఆలస్యంగా ప్రవేశించిన నైరుతి రుతుపవనాలు క్రియాశీలకంగా ఉన్నాయి. సెప్టెంబర్‌ 9వ తేదీ నుంచి అవి తిరోగమించే అవకాశాలు కనిపిస్తున్నాయి.

ఇక ఈ సారి ముందస్తుగానే ఈశాన్య రుతుపవనాల రాక మొదలు కావొచ్చని ఐఎండీ అంచనా వేస్తోంది...

Delhi Liquor Case : ఢిల్లీ లిక్కర్ కేసులో మరో సంచలనం, అప్రూవర్‌గా మారిన వైసీపీ ఎంపీ.. ఏం జరుగుతోంది?
ఢిల్లీ లిక్కర్ కేసులో సంచలనం.. అప్రూవర్గా మారిన వైసీపీ ఎంపీ

ఢిల్లీ లిక్కర్ కేసులో ఎంపీ మాగుంట శ్రీనివాసులు రెడ్డి అప్రూవర్గా మారారు.

 ఈడీకి కీలక సమాచారమిచ్చారు. 
ఈ కేసులో శ్రీనివాసులు రెడ్డి కొడుకు మాగుంట రాఘవరెడ్డి ఇప్పటికే అప్రూవర్ గా మారగా.. HYD నుంచి ఢిల్లీకి నగదు బదిలీపై ఈడీ ఫోకస్ పెట్టింది. 

20 మంది కీలక వ్యక్తులను విచారించింది. 

రాబోయే రోజుల్లో మరికొందరిని ఈడీ ప్రశ్నించే అవకాశముంది. 

జీ-20 సదస్సు ముగిశాక దర్యాప్తు ముమ్మరం చేయనుంది..

G20 Summit: భారత అల్లుణ్ని.. ఈ పర్యటన ఎప్పుడూ ప్రత్యేకమే: రిషి సునాక్‌


లండన్‌: జీ20 శిఖరాగ్ర సదస్సు నిమిత్తం బ్రిటన్‌ ప్రధానమంత్రి రిషి సునాక్‌ భారత్‌కు చేరుకున్నారు. తన సతీమణి అక్షతామూర్తితో కలిసి దిల్లీ ఎయిర్‌పోర్టుకు చేరుకున్న ఆయనకు కేంద్ర మంత్రి ఆశ్వినీ చౌబే, భారత్‌లో బ్రిటన్‌ హైకమిషనర్‌ అలెక్స్‌ ఎలిస్‌ సహా ఇతర సీనియర్‌ దౌత్యవేత్తలు ఆయనకు స్వాగతం పలికారు..

వారి గౌరవార్థం ఎయిర్‌పోర్ట్‌ ఆవరణలో ఏర్పాటు చేసిన సంప్రదాయ నృత్య ప్రదర్శనను వారు ప్రశంసించారు.

అంతకుముందు బ్రిటన్‌లో బయలుదేరే ముందు రిషి సునాక్‌ అక్కడి మీడియాతో ఆసక్తికర వ్యాఖ్యలు చేశారు. భారత్‌కు వెళ్లడం తనకు చాలా ప్రత్యేకమని అన్నారు. తనని 'భారతదేశ అల్లుడు'గా వ్యవహరిస్తుండడాన్ని ఆయన సరదాగా గుర్తుచేసుకున్నారు. ఆప్యాయతతోనే తనని అలా పిలుస్తున్నారని ఆశిస్తున్నానన్నారు. భారత్‌ తన మనసుకు చాలా దగ్గరి దేశమని సునాక్‌ (Rishi Sunak) వ్యాఖ్యానించారు. ఈ పర్యటనలో భాగంగా ఆయన ప్రధాని నరేంద్ర మోదీతో ద్వైపాక్షిక చర్చలు జరపనున్నారు. ప్రపంచ ఆర్థిక వ్యవస్థలో స్థిరత్వం, అంతర్జాతీయ సంబంధాల నిర్మాణం వంటి స్పష్టమైన లక్ష్యాలతో తాను భారత పర్యటనకు వెళుతున్నానని చెప్పారు..

Sunil Yadav: వివేకా హత్యకేసు నిందితుడు సునీల్ యాదవ్‌కు మధ్యంతర బెయిల్‌


హైదరాబాద్‌: మాజీ మంత్రి వైఎస్‌ వివేకానందరెడ్డి హత్య కేసులో నిందితుడు సునీల్ యాదవ్‌కు తెలంగాణ హైకోర్టు మధ్యంతర బెయిల్‌ మంజూరు చేసింది. సునీల్‌ యాదవ్‌ తండ్రి కృష్ణయ్య పులివెందులలో మరణించడంతో అంతిమ సంస్కారాలకు రెండు వారాల మధ్యంతర బెయిల్‌ ఇవ్వాలని హైకోర్టును సునీల్‌ యాదవ్‌ కోరారు..

పిటిషన్‌పై విచారణ జరిపిన హైకోర్టు శని, ఆదివారం, తర్వాత ఈనెల 17,18 తేదీల్లో ఇద్దరు ఎస్కార్ట్‌ సిబ్బంది, వాహనంతో పులివెందుల వెళ్లేందుకు అనుమతి ఇచ్చింది. వాహనం, ఎస్కార్ట్ సిబ్బంది ఖర్చును సునీల్ యాదవే భరించాలని ఉన్నత న్యాయస్థానం స్పష్టం చేసింది.

చంచల్‌గూడ జైల్లో రిమాండ్‌ ఖైదీగా ఉన్న సునీల్‌ యాదవ్‌ మధ్యంతర బెయిల్‌ గడువు ముగియగానే కోర్టులో లొంగిపోవాలని హైకోర్టు ఆదేశించింది. పూర్తి బెయిల్‌ ఇవ్వాలంటూ సునీల్‌ యాదవ్‌ గతంలో దాఖలుచేసిన పిటిషన్‌పై ఇవాళ వాదనలు జరిగాయి. దర్యాప్తు పూర్తయినందున బెయిల్‌ ఇవ్వాలని నిందితుడి తరఫు న్యాయవాది కోరగా.. దర్యాప్తును ప్రభావితం చేసే అవకాశం ఉన్నందున జైల్లోనే ఉంచాలని సీబీఐ వాదించింది. ఇరువైపులా వాదనలు విన్న హైకోర్టు.. సునీల్‌ యాదవ్‌ బెయిల్‌ పిటిషన్‌పై తీర్పును రిజర్వ్‌ చేసింది..