8వ తరగతి గురుకుల పాఠశాల విద్యార్థి ఆత్మహత్య


  

 
 
  హైదరాబాద్, హయత్ నగర్ సమీపంలోని అబ్దుల్లాపూర్ మెట్టులో నేడు విషాదం చోటుచేసుకుంది. మహాత్మా జ్యోతిరావుపూలే గురుకుల పాఠశాలలో 8వ తరగతి చదువుతున్న రంజిత్ అనే విద్యార్థి ఉరి వేసుకుని ఆత్మహత్య కి పాల్పడ్డాడని సమాచారం. మృతుడు రంజిత్ యాదాద్రి జిల్లా చౌటుప్పల్ పరిధిలోని కేసారంకు చెందినట్టు తెలుస్తోంది. కాగా తల్లిదండ్రులు విద్యార్ధి ని సోమవారం (నిన్న) గురుకుల పాఠశాలలో చేరిపించి వెళ్లగా, ఈ రోజు ఆత్మహత్య చేసుకున్నాడని తెలిసి కుటుంబ సభ్యులు కన్నీటి పర్యంతం అయ్యారు. విద్యార్ధి ఆత్మహత్య కి గల కారణాలను పోలీసులు దర్యాప్తు చేస్తున్నారు.
 

జూన్ 30న ఆలేరులో బాలికల ఫుట్బాల్  జట్టు ఎంపిక


  

 
 
  జూలై 8 నుండి 11 వ తేదీ వరకు నిజామాబాద్ జిల్లా లో జరిగే రాష్ట్రస్థాయి సబ్ జూనియర్ బాలికల ఫుట్బాల్
  పోటీలకు, ఉమ్మడి నల్గొండ జిల్లా జట్టు ఎంపిక కార్యక్రమాన్ని జూన్ 30వ తేదీ శుక్రవారం నాడు యాదాద్రి భువనగిరి జిల్లా ఆలేరు పట్టణంలోని జెడ్ పి హెచ్ఎస్ హైస్కూల్ నందు నిర్వహిస్తున్నామని ఉమ్మడి నల్గొండ జిల్లా ఫుట్బాల్ అసోసియేషన్ ప్రధాన కార్యదర్శి బొమ్మపాల గిరిబాబు తెలిపారు. సెలక్షన్ ప్రక్రియలో పాల్గొనదలచిన బాలికలు 1.1.2010 - 31.12.2013 మధ్య జన్మించి, ఉమ్మడి నల్గొండ జిల్లాకు చెందిన యాదాద్రి భువనగిరి, సూర్యాపేట, నల్గొండ జిల్లాలకు సంబంధించిన వారు అర్హులన్నారు. ఆధార్ కార్డు ఒరిజినల్ మరియు జిరాక్స్ కాపీ తో జూన్ 30న ఉదయం 10 గంటలకు హాజరు కావాలని చెప్పారు. వివరాలకు గడసంతుల మధుసూదన్, జాయింట్ సెక్రెటరీ  నల్గొండ జిల్లా ఫుట్బాల్ అసోసియేషన్ సెల్ నెం. 80743 46314 ను సంప్రదించాలని తెలిపారు.
 

ఎస్ఎఫ్ఐ ఆధ్వర్యంలో నల్లగొండ జిల్లా కలెక్టర్ కార్యాలయం ముందు ధర్నా


  

 
 
  నల్లగొండ జిల్లా దేవరకొండ పట్టణంలోని శ్రీమతి దొంతినేని వెంకట నర్సమ్మ ప్రభుత్వ బాలుర జూనియర్ కళాశాల స్థలంలో, వెజ్ మరియు నాన్ వెజ్ సమికృత మార్కెట్ నిర్మాణాన్ని ఉపసంహారణ చేసుకోవాలని ఎస్ఎఫ్ఐ దేవరకొండ డివిజన్ కమిటీ ఆధ్వర్యంలో, కలెక్టరేట్ జారీ చేసిన ఆర్డినెన్స్ రద్దు చేయాలని, నల్లగొండ కలెక్టర్ కార్యాలయం ముందు ధర్నా నిర్వహించారు. అనంతరం ఎస్ఎఫ్ఐ  దేవరకొండ డివిజన్ కార్యదర్శి బుడిగ వెంకటేష్ మాట్లాడుతూ..  ప్రభుత్వ బాలుర జూనియర్ కళాశాల స్థలం లో వెజ్ మరియు నాన్ వెజ్ సమికృత మార్కెట్ నిర్మాణాన్ని ఉపసంహారణ చేసుకొనుట  గురించి గతంలో అధికారులను కలిసి వినతి పత్రం ఇవ్వడం జరిగిందని, కళాశాల ఆవరణ లో ఇప్పటికే కళాశాల ముందు భాగంలో సులబ్ కాంప్లెక్స్ మరియు గ్రంధాలయం నిర్మించడం వల్ల విద్యార్థులకు ఆటలు ఆడుకోవడానికి స్థలం లేక  ఇబ్బంది పడుతున్నారని అన్నారు. మార్కెట్ నిర్మించడం వళ్ళ దుర్వాసనతో, విద్యార్థులకు అనారోగ్యం బారినపడే అవకాశాలు ఎక్కువగా ఉన్నాయని ఆవేదన వ్యక్తం చేశారు. కార్యక్రమంలో ఎస్ఎఫ్ఐ దేవరకొండ డివిజన్ అధ్యక్షులు రమావత్ లక్ష్మణ్ నాయక్, ఉపాధ్యక్షులు, కుర్ర రాహుల్, కేతావత్ శ్రవణ్, దీపావతజ్ శ్రవణ్, దున్న రవి, బుషరాజు రాము, పావని, స్వరూప, అశ్విత, యామిని, శారద, నేనావత్ బాబులాల్, శివ తదితరులు  పాల్గొన్నారు.
 

జూన్ 19 వరకు రిజిస్ట్రేషన్ పూర్తయిన రైతులకు రైతుబంధు: వ్యవసాయ అధికారి


  

 
 
  నల్లగొండ జిల్లా, మర్రిగూడ మండల కేంద్రంలోని పిఎసిఎస్ కేంద్రాల వద్ద జీలుగ, జనుము పచ్చి రొట్టె విత్తనాలు సబ్సిడీ పైన అందిస్తున్నట్లు మర్రిగూడ మండల వ్యవసాయ అధికారి స్పందన తెలిపారు. ఈ సందర్భంగా మర్రిగూడెం మండల కార్యాలయంలో ఆమె మాట్లాడుతూ.. జీలగ విత్తనాలు సబ్సిడీ పైన రూ. 884 కు, జనుము విత్తనాలు రూ.1224 కు అందిస్తున్నట్లు, సబ్సిడీ లేకుండా వరి విత్తనాలు రూ. 883 కు అందిస్తున్నట్లు తెలిపారు. ఇందుకోసం ఆధార్ కార్డు, పట్టా పాస్ బుక్ జిరాక్స్ లను పిఎసిఎస్ కేంద్రాల వద్ద ఇచ్చి విత్తనాలు పొందాలన్నారు. అదేవిధంగా జూన్ 19 వరకు రిజిస్ట్రేషన్ పూర్తయిన రైతులకు రైతుబంధు,, ఎకరాకు రూ. 5000/- చొప్పున అందిస్తున్నట్లు తెలిపారు. ఇందుకోసం నూతనంగా పట్టాదార్ పాస్ బుక్ పొందిన రైతులు.. రైతుబంధు అప్లికేషన్, బ్యాంక్ పాస్ బుక్, ఆధార్ కార్డు, పట్టా పాస్ బుక్ జిరాక్స్ లను కార్యాలయంలో అందజేయాలని అన్నారు.
  

 

తైక్వాండో పోటీలలో నల్లగొండకు 7 బంగారు పతకాలు


  

 
 
  తెలంగాణ తైక్వాండో అసోసియేషన్ ఆధ్వర్యంలో శ్రీరామ్ స్కేటింగ్ అకాడమీ, రంగారెడ్డి జిల్లాలో  నిర్వహించిన 40వ తెలంగాణ రాష్ట్ర జూనియర్ తైక్వాండో పోటీలలో, నల్లగొండకు 7 బంగారు పతకాలు వచ్చాయని,  జూలై 6 నుండి 9 వరకు కర్ణాటక లో తైక్వాండో ఫెడరేషన్ ఆఫ్ ఇండియా వారి ఆద్వర్యం లో జరిగే జాతీయ స్థాయి పోటీలలో వారు తలబతారని నల్లగొండ తైక్వాండో కార్యదర్శి ఎండీ యునుస్ కమాల్ తెలిపారు. బంగారు పతకాలు సాధించిన క్రీడాకారులు
  
1. జి. అక్షయ 42కేజీల విభాగం,
  
2. నాంపల్లి సంచిత 44  కేజీల విభాగం
  
3. సముద్రాల దుర్గంజలి 46కేజీల విభాగం
  
4. సముద్రాల అఖిల 49 కేజీల విభాగం.
  
5. హాఫ్స 55 కేజీల విభాగం
  
6. వల్కి శ్రేష్ఠ చంద్ర 63 కేజీల విభాగం
  
7. ఎం.సదా శివ 48 కేజీల విభాగం
  
తదితరులు కార్యక్రమంలో ఉన్నారు.
 

ఈ నెల 27న ఛలో ఈ.ఎన్‌.సి కార్యలయం: పల్లా దేవేందర్ రెడ్డి పిలుపు



  

 
 
  నల్లగొండ జిల్లా, పానగల్: మిషన్ భగీరథలో పనిచేస్తున్న కార్మికుల సమస్యలు పరిష్కరించాలని, వేతనాలు పెంచాలని డిమాండ్ చేస్తూ.. ఈనెల 27వ తేదీన హైదరాబాదులోని ఈ ఎన్ సి కార్యాలయం ముందు జరిగే ధర్నాను, జయప్రదం చేయాలని ఏఐటీయూసీ జిల్లా ప్రధాన కార్యదర్శి మిషన్ భగీరథ కాంట్రాక్ట్ వర్కర్స్ యూనియన్ జిల్లా గౌరవ అధ్యక్షులు పల్లా దేవేందర్ రెడ్డి పిలుపునిచ్చారు. రాష్ట్ర వ్యాప్తంగా మిషన్‌ భగీరథ కార్మికులు సుమారు 16 వేల మంది పనిచేస్తున్నారు. రాష్ట్ర ప్రభుత్వం తలపెట్టిన ఇంటింటికి త్రాగునీరు ఇవ్వాలనే మిషన్‌ భగీరథ విజయవంతం కావడానికి కార్మికులు తీవ్ర శ్రమ చేస్తున్నప్పటికీ వారి శ్రమకు తగ్గ వేతనాలు మాత్రం రాష్ట్ర ప్రభుత్వం, సంబంధిత కాంట్రాక్టర్లు ఇవ్వకుండా కార్మికులను శ్రమదోపిడికి గురి చేస్తున్నారని దేవేందర్ రెడ్డి విమర్శించారు. తెలంగాణ రాష్ట్ర మిషన్‌ భగీరథ కాంట్రాక్ట్‌ కార్మికుల ఐక్యవేదిక ఆద్వర్యంలో ఈ నెల 27 ఇంజనీర్‌ ఇన్‌ చీఫ్‌ (ఇఎన్‌సి) కార్యాలయం, ఎర్రమంజిల్‌, హైదరాబాద్ వద్ద తలపెట్టిన ముట్టడి కార్యక్రమం  సందర్భంగా, నల్లగొండలోని పానగల్ వాటర్ ప్లాంట్ వద్ద సోమవారం నిర్వహించిన సమావేశంలో ఆయన మాట్లాడుతూ.. రాష్ట్ర ప్రభుత్వం ప్రతిష్టాత్మకంగా ఇంటింటికి త్రాగునీరు అందించేందుకు, మిషన్‌ భగీరథ పేరుతో పథకాన్ని ప్రారంభించటం జరిగిందని, దీని అమలుకు పెద్ద కాంట్రాక్టర్లకు ప్రాజెక్టులను ఇవ్వటం జరిగిందని, ఈ కాంట్రాక్టర్లు కార్మికుల శ్రమను దోచుకొంటూ అతి తక్కువ జీతాలు ఇస్తున్నప్పటికీ, కనీస వేతనాలు, కార్మిక హక్కులు అమలు కాకున్నా రాష్ట్ర ప్రభుత్వ అధికారులు శోద్యం చూస్తున్నారని వారు విమర్శించారు.
  
ఒకవైపు రాష్ట్ర ప్రభుత్వం జి.వో.నెం.60 ని విడుదల చేసి స్కిల్డ్‌ కార్మికులకు రూ.22,750/-, సెమీ స్కిల్డ్‌ కార్మికులకు రూ.19,500/-, అన్‌ స్కిల్డ్‌ కార్మికులకు రూ.15,600/-, అమలు చేస్తున్నప్పటికీ మిషన్‌ భగీరథలో మాత్రం కాంట్రాక్టర్లు కన్‌ష్ట్రక్షన్‌ పేరుతో కార్మికులకు అన్యాయం చేస్తున్నా అధికారులు పట్టించుకోవటం లేదని, గతంలో రాష్ట్ర వ్యాప్తంగా అనేక ఆందోళనలు నిర్వహించినా, లేబర్‌ అధికారుల వద్ద కాంట్రాక్టర్లు కనీస వేతనాలు అమలు చేస్తామని చెప్పి వాటిని అమలు చేయకుండా తప్పించుకు తిరుగుతున్నారని వారు అన్నారు.
  
     అధికారులు, కాంట్రాక్టుర్లు, రాష్ట్ర ప్రభుత్వం కార్మికుల సమస్యలపై స్పందించి కార్మికుల సమస్యలు పరిష్కరించేందుకు ఈనెల 27న ఇ.ఎన్‌.సి కార్యాలయం ముందు పెద్ద ఎత్తున ధర్నా నిర్వహిస్తున్నామని చెప్పారు. ఈ ధర్నా కార్యక్రమంలో జిల్లా నుంచి మిషన్ భగీరథ కార్మికులు అధిక సంఖ్యలో పాల్గొని జయప్రదం చేయాలని దేవేందర్ రెడ్డి పిలుపునిచ్చారు. ఈ కార్యక్రమంలో మిషన్ భగీరథ కాంట్రాక్ట్ వర్కర్స్ యూనియన్ అధ్యక్షులు టి.కృష్ణ ,ప్రధాన కార్యదర్శి ఎం డి జానీ,పాక శ్రీను, ఎన్. నరేందర్, సర్దార్, దయాకర్, ఎడ్ల లింగయ్య, ఎం యాదమ్మ , మంగ, శ్రీనివాస్ రెడ్డి, అజీముద్దీన్, నాగరాజు, విజయ్, మహేష్, జానయ్య తదితరులు పాల్గొన్నారు.
  

 

ఎన్జీ కళాశాలలో ఘనంగా యోగా దినోత్సవం


  

 
 
  
  నల్లగొండ: పట్టణంలోని నాగార్జున ప్రభుత్వ  కళాశాల నందు బుధవారం  అంతర్జాతీయ యోగా దినోత్సవాన్ని,  జాతీయ సేవా పథకం మరియు వ్యాయామ విద్యా విభాగం ల సంయుక్త ఆధ్వర్యంలో ఘనంగా నిర్వహించారు. ఈ సందర్భంగా కళాశాల ప్రిన్సిపల్ డాక్టర్ గన్ శ్యామ్ మాట్లాడుతూ.. నిత్య యోగ సాధన ద్వార సంపూర్ణ ఆరోగ్యాన్ని సాధించవచ్చని సూచించారు. కార్యక్రమంలో యోగా ట్రైనర్ ప్రత్యూష.. విద్యార్థులకు అధ్యాపకులకు యోగా యొక్క ప్రాముఖ్యతను తెలియజేసి వివిధ రకాల యోగా ఆసనాలను వేయించారు. ఈ కార్యక్రమంలో వైస్ ప్రిన్సిపాల్ డాక్టర్ సయ్యద్ మునీర్, అకాడమిక్ కోఆర్డినేటర్ వి. శ్రీనివాసులు, ఎన్ ఎస్ ఎస్ ప్రోగ్రాం అధికారులు ఈ. యాదగిరి రెడ్డి, ఎం. వెంకట్ రెడ్డి, డాక్టర్ ఎస్. యాదగిరి, డాక్టర్ భాగ్యలక్ష్మి, కే. శివరాణి, ఫిజికల్ డైరెక్టర్ కే. మల్లేష్, లైబ్రేరియన్ డాక్టర్ ఏ. దుర్గాప్రసాద్ మరియు అధ్యాపకులు, అధ్యాపకేతర సిబ్బంది, ఎన్సిసి క్యాడెట్లు, విద్యార్థినీ విద్యార్థులు పాల్గొన్నారు
  
 

లెంకలపల్లి లో ఘనంగా విద్యా దినోత్సవం


  

 
 
  
  
  తెలంగాణ రాష్ట్ర అవతరణ దినోత్సవ దశాబ్ది ఉత్సవాలలో భాగంగా, నల్లగొండ జిల్లా మర్రిగూడెం మండలం లెంకలపల్లి గ్రామంలో సర్పంచ్ పాక నగేష్ అధ్యక్షతన నిర్వహించిన విద్యా దినోత్సవ కార్యక్రమానికి రాజ్యసభ ఎంపీ బడుగుల లింగయ్య యాదవ్, మునుగోడు ఎమ్మెల్యే కూసుకుంట్ల ప్రభాకర్ రెడ్డి  ముఖ్యఅతిథిగా విచ్చేసి, మన ఊరు మనబడి కార్యక్రమం కింద రూ. 32.78 లక్షలతో అభివృద్ధి చేసిన ప్రాథమికోన్నత పాఠశాల తరగతి గదులను ప్రారంభించారు. కార్యక్రమంలో జడ్పిటిసి పాశం సురేందర్ రెడ్డి, ఎంపీపీ మెండు మోహన్ రెడ్డి, మాల్ మార్కెట్ యార్డ్ చైర్మన్ జగన్, బిఆర్ఎస్ మండల ప్రధాన కార్యదర్శి వెంకటయ్య, భీమనపల్లి ఎంపీటీసీ విష్ణు, ఎంపీడీవో వెంకటేశ్వర్లు, ఏపీఎం హరి, హెడ్మాస్టర్ యాదగిరి, ఉపాధ్యాయులు, విద్యార్థులు, పలువురు ప్రజాప్రతినిధులు, నాయకులు, అధికారులు, ప్రజలు పాల్గొన్నారు.
 

ఐఐటీ జేఈఈ ఫలితాలలో 515 ర్యాంక్ సాధించిన నల్లగొండ జిల్లా విద్యార్థి


  

 
 
  ఐఐటి జేఈఈ అడ్వాన్స్డ్ ఫలితాలలో నల్లగొండ జిల్లా మర్రిగూడెం మండలం దామెర భీమనపల్లి గ్రామానికి చెందిన ఉపాధ్యాయుడు చంద్రారెడ్డి- మమత ల  కుమారుడు వై. కౌశిక్ రెడ్డి, జాతీయస్థాయిలో 515 ర్యాంక్ సాధించి ఉత్తమ ప్రతిభ కనబరిచారు. హైదరాబాదు వనస్థలిపురం నారాయణ కళాశాలలో చదివినట్లు ర్యాంకు సాధించిన విద్యార్థి తెలిపారు. ఈ సందర్భంగా కౌశిక్ రెడ్డి తల్లిదండ్రులు, భీమనపల్లి సర్పంచ్ కుంభం శ్రీనివాస్ రెడ్డి, గ్రామ ప్రజలు కౌశిక్ రెడ్డి ప్రతిభ పై అభినందన వర్షం కురిపిస్తున్నారు.
 

సరంపేటలో ఘనంగా మంచినీటి పండుగ


  

 
 
  నల్లగొండ జిల్లా మర్రిగూడెం మండలం సరంపేట గ్రామంలో దశాబ్ది ఉత్సవాల్లో భాగంగా ఆదివారం మంచినీళ్ల పండుగ నిర్వహించడం జరిగింది. ఈ సందర్భంగా వాటర్ మాన్ నక్క నరసింహను అభినందిస్తూ, శాలువాతో సత్కరించి సర్పంచ్ వెనమల్ల వెంకటమ్మ సన్మానం చేశారు. ఈ కార్యక్రమంలో గ్రామ సర్పంచ్ వెనమల్ల వెంకటమ్మ, గ్రామ కార్యదర్శి రాకేష్ ,వార్డు మెంబర్లు ,ఫీల్డ్ అసిస్టెంట్ రవి, ఆశా వర్కర్, మహిళా సంఘం సభ్యురాలు గ్రామస్తులు పాల్గొన్నారు.