అనర్హత వేటు ఎఫెక్ట్.. రాహుల్‌ అధికార బంగళా ఖాళీ చేయాల్సిందేనా!
ప్రధాన మంత్రి నరేంద్ర మోదీపై అనుచిత వ్యాఖ్యలు చేసి, పరువు నష్టం కేసులో రాహుల్ గాంధీకి రెండేళ్లు జైలుశిక్ష పడిన విషయం తెలిసిందే. ఈ నేపథ్యంలో వయనాడ్​ లోక్​సభ నియోజకవర్గం నుంచి ప్రాతినిధ్యం వహిస్తున్న ఆయన్ను పదవికి అనర్హుడిగా ప్రకటిస్తున్నట్లు లోక్​సభ సచివాలయం శుక్రవారం ప్రకటించింది. వయనాడ్​ లోక్​సభ నియోజకవర్గం నుంచి ప్రాతినిధ్యం వహిస్తున్న ఆయన్ను పదవికి అనర్హుడిగా ప్రకటిస్తున్నట్లు లోక్​సభ సచివాలయం శుక్రవారం ప్రకటించింది.

  


మరోవైపు అనర్హత వేటు వల్ల రాహుల్ గాంధీ దిల్లీలోని ఆయన అధికార నివాసాన్ని ఖాళీ చేస్తారా అనే విషయంపై క్లారిటీ లేదు. పార్లమెంటు సభ్యత్వానికి అనర్హుడిగా ప్రకటితమైన రాహుల్‌ గాంధీకి క్రిమినల్‌ పరువు నష్టం కేసులో ఉన్నత న్యాయస్థానం నుంచి ఊరట లభించకపోతే.. ఆయన దిల్లీలో అధికార నివాసాన్ని ఖాళీ చేయాల్సి వస్తుంది. 2004లో లోక్‌సభకు ఎన్నికైనప్పటి నుంచి రాహుల్‌కు తుగ్లక్‌ లైనులోని 12వ నంబరు బంగళాను కేటాయించారు. రాహుల్‌కు ఊరట లభిస్తే తప్ప మార్చి 23 నుంచి నెలరోజుల్లోపు తన అధికార బంగళాను ఆయన ఖాళీచేయక తప్పదు. కాంగ్రెస్‌ ప్రధాన కార్యదర్శి ప్రియాంకా గాంధీ భద్రతా బందోబస్తును తగ్గించినందున ఆమె కూడా 2020 జూలైలో తన అధికార బంగళాను ఖాళీ చేశారు.

ఉక్రెయిన్‌-రష్యా పోరులో యుద్ధ ఖైదీలకు నరకం.. తీవ్ర ఆందోళనలో ఐరాస
ఉక్రెయిన్‌-రష్యా మధ్య ఏడాదికిపైగా భీకర యుద్దం జరుగుతున్న విషయం తెలిసిందే. ఇప్పటికే ఈ యుద్ధంలో లక్షల మంది సామాన్య ప్రజలు ప్రాణాలు కోల్పోయారు. వేల మంది సైన్యం మట్టిలో కలిసిపోయారు. లక్షల భవనాలు.. పట్టణాలు నేలమట్టమయ్యాయి. చిన్నపిల్లలు తమ తల్లిదండ్రులకు దూరమయ్యారు. కుటుంబ పెద్దను కోల్పోయి చాలా కుటుంబాలు రోడ్డున పడ్డాయి.

  


మరోవైపు ఉక్రెయిన్ రష్యా మధ్య జరుగుతున్న పోరులో యుద్ధఖైదీలు దారుణమైన వేధింపులకు గురవుతున్నారు. వారిని క్రూరంగా హింసించడంతో పాటు, పోరులో రక్షణ కవచాలుగా వాడుకోవడానికి సైతం ఇరు దేశాలు వెనుకాడటం లేదని ఐక్యరాజ్య సమితి పేర్కొంది. ఈ మేరకు కీవ్‌లోని ఐరాస మానవహక్కుల మిషన్‌ జనవరి నుంచి ఆరు నెలల కాలానికి తయారు చేసిన నివేదికను విడుదల చేసింది.

400 యుద్ధఖైదీలతో తాము మాట్లాడామని, ఇందులో రష్యా విడిచిపెట్టిన ఉక్రెనియన్లు సగం మంది, ఉక్రెయిన్‌లో ఖైదీలుగా ఉన్న రష్యన్లు సగం మంది ఉన్నారని తెలిపింది. మాస్కో అధీనంలోని జైళ్లలో మగ్గుతున్న యుద్ధఖైదీలతో మాట్లాడేందుకు అనుమతి లభించలేదని పేర్కొంది. ‘‘25 మంది రష్యా ఖైదీలకు ఉక్రెయిన్‌ సాయుధ దళాలు మరణశిక్ష విధించాయి. ఇది మాకు ఆందోళన కలిగించింది’’ అని ఐరాస పర్యవేక్షణ మిషన్‌ అధిపతి మటిల్డా బాగ్నర్‌ తెలిపారు. అయితే ఈ దారుణానికి మూలకారణం మాత్రం ఉక్రెయిన్‌పై ఆక్రమణేనని బాగ్నర్‌ పేర్కొన్నారు.

పేదలకు ఉపాధి హామీ వేతనం పెంచిన కేంద్రం
ఉపాధి హామీ కూలీలకు అదిరిపోయే శుభవార్త చెప్పింది కేంద్ర సర్కార్‌. ఉపాధి హామీ వేతనాలను కేంద్రం రూ.15 మేర పెంచింది. ఏప్రిల్ 1 నుంచి అమల్లోకి రానుంది. దీంతో AP, TS రూ. 257 గా ఉన్న కూలీ రూ.272 కు చేరింది.

  


అత్యధికంగా హర్యానాలో రూ. 357, కేరళలో రూ. 333, గోవాలో రూ. 322, కర్ణాటకలో రూ. 316, లక్షద్వీప్ లో రూ. 304, పంజాబ్ లో రూ. 303, పుదుచ్చేరి, తమిళనాడులో రూ. 294 కూలీ దక్కనుంది. అన్ని రాష్ట్రాల్లో సమాన వేతనాలు అమలు చేయాలన్న స్థాయి సంఘం నివేదికను కేంద్రం పట్టించుకోలేదు.

ఉత్తరాఖండ్‌లో అమృత్‌పాల్‌.. అప్రమత్తమైన పంజాబ్ పోలీసులు
ఖలిస్థానీ మద్దతుదారుడు అమృత్‌పాల్‌ సింగ్‌ కోసం పోలీసులు వేట కొనసాగిస్తున్నారు. అమృత్‌పాల్‌ దేశం విడిచిపోయి పారిపోయే అవకాశాలున్నందున పోలీసులు నేపాల్ సరిహద్దుల్లో చెక్‌పోస్టులను అప్రమత్తం చేశారు. మార్చి 20న హరియాణాలో ఉన్న అమృత్‌పాల్‌.. ప్రస్తుతం ఉత్తరాఖండ్‌కు చేరుకున్నట్లు సమాచారం. అక్కడి నుంచి నేపాల్‌ మీదుగా కెనడా వెళ్లేందుకు ప్రయత్నిస్తున్నట్లు పోలీసులు అనుమానిస్తున్నారు. భారత్‌ – నేపాల్‌ సరిహద్దుల వద్ద అతడి పోస్టర్లను అంటించారు.

  


మరోవైపు అమృత్‌పాల్‌ నేరచరిత్రను తవ్వుతున్న అధికారులకు విస్తుపోయే విషయాలు తెలుస్తున్నాయి. డ్రగ్‌ డీలర్లతో సంబంధాలు, డీ అడిక్షన్‌ కేంద్రాల పేరిట ప్రైవేటు సైన్యాలు, హంతకులతో సంబంధాలు.. ఇలా అతడి చరిత్ర భయానకంగా ఉందని అధికారులు చెబుతున్నారు.

‘శిరోమణి గురుద్వార ప్రబంధక్‌ కమిటీ’ తాను అనుకొన్నట్లు సిక్కు చరిత్రను అన్వయించాలని అమృత్‌పాల్‌ భావించాడు. మత ప్రచారం పేరిట హింసాత్మక భావజాలాన్ని వ్యాప్తి చేయడం మొదలుపెట్టాడు. ‘ఆనంద్‌పూర్‌ ఖల్సా ఫోర్స్‌’ (ఏకేఎఫ్‌) పేరిట ప్రైవేటు సైన్యాన్ని సిద్ధం చేశాడు. మాదకద్రవ్యాల డీఅడిక్షన్‌ పేరుతో తన పూర్వీకుల గ్రామంలో ఓ కేంద్రం ఏర్పాటు చేశాడు. అమృత్‌పాల్‌ గన్‌మన్‌ తేజిందర్‌సింగ్‌ గిల్‌ ఫోను నుంచి ఖన్నా పట్టణ పోలీసులు కీలక వీడియోలను స్వాధీనం చేసుకొన్నారు.

యజమానిని చంపిన వాళ్లను పట్టించిన చిలుక.. తొమ్మిదేళ్ల తర్వాత ఇద్దరికి జీవిత ఖైదు
ఉత్తరప్రదేశ్‌లోని ఆగ్రా జిల్లాలో వింత ఘటన చోటుచేసుకుంది. దొంగతనం చేయాలనే ఉద్దేశంతో ఇంట్లో ఒంటరిగా ఉన్న మహిళను హత్య చేశారు. ఈ కేసులో మహిళ పెంపుడు కుక్క కూడా చనిపోయింది. యజమాని తన కొడుకుతో కలిసి పెళ్లికి వెళ్లాడు. ఇంటికి తిరిగి వచ్చి చూసే సరికి తన భార్య, కుక్క మృత్యువాత పడడం చూసి షాక్ అయ్యాడు. ఈ కేసులో తొమ్మిదేళ్ల తర్వాత ఢిల్లీ సెషన్స్ కోర్టు ఇద్దరికి జీవిత ఖైదు విధించింది. మొదట్లో ఈ కేసు నిలబడేందుకు సరైన ఆధారాల్లేక తొమ్మిదేళ్లుగా సాగుతూ వచ్చింది. చివరకు కేసు ఎలా నిలబడింది అనేది ఆసక్తికరం.

  


ఫిబ్రవరి 20, 2014న ఆగ్రాకు చెందిన విజయ్ శర్మ తన కుమారుడితో కలిసి వివాహ నిమిత్తం ఫిరోజాబాద్‌కు వెళ్లాడు. అర్థరాత్రి ఇంటికి వచ్చేసరికి భార్య నీలం మృతదేహం కనిపించింది. ఎదురుగా కనిపించిన దృశ్యాన్ని చూసి ఆశ్చర్యపోయారు. సమీపంలో వారి పెంపుడు కుక్క కూడా చనిపోయి పడి ఉంది. అనంతరం పోలీసులకు సమాచారం అందించాడు. పోలీసులు మృతదేహాన్ని పోస్టుమార్టంకు తరలించారు.

పోస్టుమార్టంలో మహిళ శరీరంపై 14 కత్తిపోట్లు ఉన్నట్లు తేలింది. కుక్కను 9 సార్లు పొడిచారు. పోలీసులు కేసును ఛేదించేందుకు ప్రయత్నించినా ఎలాంటి క్లూ లభించలేదు. ఘటనా స్థలాన్ని పరిశీలిస్తుండగా బోనులో ఉన్న చిలుక ఏదో చెబుతోందని పోలీసులు తెలిపారు. ఈ చిలుక గద్గద స్వరాన్ని పోలీసులు అనుసరించారు. చిలుక సరిగ్గా ఏమి మాట్లాడుతుందోనని పోలీసులు అనుమానించారు. వాళ్లు సావధానంగా వింటున్నప్పుడు అతడు పోలీసులకు.. ‘ఆషు ఆయ థా’.. ‘ఆషు ఆయ థా’ అని చెబుతున్నాడు. ఈ ఆశు ఎవరు అని ఆరా తీస్తే అప్పుడు అసలు విషయం బయటపడింది.

  

ఆశును పోలీసులు తీవ్రంగా గాలించినా ఫలితం లేదు. ఈ కేసులో పద్నాలుగో సాక్షిని పోలీసులు చూపించడంతో అప్పుడే ఓ కొలిక్కి వచ్చింది. చిలుక చెప్పిన ఆశు.. ఆశు.. అన్నది.. అశుతోష్ అని అతడు యజమాని నీలమ్ మేనల్లుడని తేలింది. ఆభరణాల కోసం అశుతోష్‌, రోనీలు.. నీలమ్‌ వద్ద ముడుపులు తీసుకున్నట్లు తేలింది.

చిలుక ఏం చెబుతుందో యజమాని విజయ్ శర్మ పోలీసులకు సరిగ్గా వివరించాడు. పోలీసులు కూడా ఈ చిలుకతో మాట్లాడేందుకు ప్రయత్నించారు. ఆ తర్వాత విజయ్ శర్మ కూడా పోలీసులకు చిలుక భాష వివరించాడు. అనంతరం అశుతోష్, రోనీలను అరెస్టు చేశారు. ఆ తర్వాత వారిద్దరిపై కోర్టులో చార్జిషీటు దాఖలైంది. పోలీసులు చిలుక అరుపులను సాక్ష్యంగా ఛార్జిషీటులో పొందుపరిచారు. అయితే ఈ వాంగ్మూలాన్ని కోర్టు అంగీకరించలేదు. కోర్టులో ఛార్జ్‌షీట్ దాఖలు చేసిన తర్వాత తొమ్మిదేళ్ల పాటు కేసు కొనసాగింది, ఆ తర్వాత కేసు తీర్పును గురువారం చదివారు.

ప్రభుత్వ పక్షం కుక్క చేసిన గాయాల ప్రస్తావన
ఎవరైనా తన యజమానిపై దాడి చేస్తే.. కుక్క సాధారణంగా ఊరుకోదు.. తీవ్రంగా పోరాడతాడు. ఈ ఘటనలో అశుతోష్ గోస్వామి కుక్కకాటుతో తీవ్రంగా గాయపడ్డాడు. అందుకే నీలం పెంపుడు కుక్క స్వామి భక్తురాలి అనే విషయాన్ని కోర్టు దృష్టికి తీసుకెళ్లింది. నిందితులను తీవ్రంగా ప్రతిఘటించాడు. కుక్కను కత్తితో పొడిచి చంపారు. ఈ కేసులో నిందితుడి మేనల్లుడు అశుతోష్ గోస్వామి శరీరంపై కుక్కకాటుకు తీవ్ర గాయాలయ్యాయి.

అజయ్ శర్మ కరోనా కాలంలో మరణించాడు. అయినప్పటికీ, ఆమె కుమార్తెలు తమ తల్లి కేసుపై చివరి వరకు స్థిరంగా కొనసాగించారు. కోర్టు తేదీలకు హాజరవుతున్నారు. ఈ కేసులో ప్రభుత్వం 14 మంది సాక్షులను హాజరుపరిచింది. డిఫెన్స్ ఒక సాక్షిని మాత్రమే సమర్పించింది. లభ్యమైన ఆధారాల ప్రకారం మేనల్లుళ్లు అశుతోష్, రోనీలకు కోర్టు జీవిత ఖైదు విధించింది. నిందితులు అశుతోష్ గోస్వామి, రోనీ మాస్సీ ఇద్దరికీ ప్రత్యేక సెషన్స్ జడ్జి యావజ్జీవ కారాగార శిక్ష విధించారని అధికార పార్టీకి చెందిన మహేంద్ర దీక్షిత్ తెలిపారు.

కాంగ్రెస్ ఎంపీ రాహుల్ గాంధీకి గట్టి ఎదురుదెబ్బ 


  


రాహుల్ గాంధీ పార్లమెంటు సభ్యత్వం ముగిసింది. 

లోక్‌సభ సెక్రటేరియట్ నోటిఫికేషన్ జారీ*
'
మోదీ ఇంటిపేరు' కేసులో దోషిగా తేలడంతో రాహుల్ గాంధీ లోక్‌సభ సభ్యత్వం కోల్పోయారు

గడిచిన 24 గంటల్లో దేశంలో కొత్తగా 1300 కరోనా కేసులు నమోదు...
భారతదేశంలో మరోసారి కరోనా పడగవిప్పుతోంది. నెమ్మదిగా కేసుల సంఖ్యలో పెరుగుదల కనిపిస్తోంది. కొన్నాళ్ల క్రితం కేసుల సంఖ్య కేవలం వెయ్యికి దిగువన మాత్రమే ఉండేవి. 

  


అయితే తాజాగా కేంద్ర ఆరోగ్య శాఖ ప్రకటించిన గణాంకాల ప్రకారం గత రెండు రోజుల్లో 1000 పైగా కేసులు నమోదు అయ్యాయి. గడిచిన 24 గంటల్లో దేశంలో కొత్తగా 1300 కరోనా కేసులు నమోదు అయ్యాయి. 140 రోజుల తర్వాత ఇదే అత్యధికం. కర్ణాటక, గుజరాత్, మహారాష్ట్రల్లో ఒక్కొక్కరు మరణించారు. దీంతో మొత్తం మరణాల సంఖ్య 5,30,816కి పెరిగింది.

దేశంలో ఇప్పటి వరకు 4.46 కోట్లు (4,46,99, 418) కరోనా కేసులు నమోదు అయ్యాయి. వీరిలో 4,41,60,997 మంది మహమ్మారి బారి నుంచి కోలుకున్నారు. యాక్టివ్ కేసుల సంఖ్య 7,605కు చేరింది. డైలీ పాజిటివిటీ రేటు 1.46 శాతం ఉండగా.. వీక్లీ పాజిటివిటీ రేటు 1.08 శాతంగా ఉంది. మొత్తం కేసుల్లో యాక్టివ్ కేసుల సంఖ్య 0.02 శాతం ఉండగా.. రికవరీ రేటు 98.79 శాతంగా ఉంది. ఇప్పటి వరకు 92.06 కోట్ల పరీక్షలు నిర్వహించారు. గడిచిన 24 గంటల్లో 89,078 చేశారు. మొత్తం మరణాల శాతం 1.19 శాతంగా ఉంది. దేశంలో వ్యాక్సినేషన్ డ్రైవ్ లో భాగంగా 220.65 కోట్ల కోవిడ్ వ్యాక్సిన్లు అందించారు.

AI bot as CEO: మానవ చరిత్రలోనూ మొదటిసారి కావటం విశేషం
విశ్వంలో విశేషం చోటుచేసుకుంది. మానవ చరిత్రలో మహాద్భుతం జరిగింది. దేవుడు చేసిన మనిషి స్థానాన్ని.. మనిషి చేసిన రోబో భర్తీ చేసింది. కృత్రిమ మేధ ఆధారంగా పనిచేసే ఏఐ చాట్‌బాట్‌ ఓ కంపెనీకి బాస్‌ అయింది. చైనాలోని హాంకాంగ్‌కు చెందిన ఆన్‌లైన్‌ గేమ్స్‌ డెవలపింగ్‌ సంస్థ నెట్‌డ్రాగన్‌ వెబ్‌సాఫ్ట్‌ ఈ సంచలన నిర్ణయం తీసుకుంది. దీంతో ఈ కంపెనీ స్టాక్‌ మార్కెట్‌లో రికార్డు స్థాయిలో రాణించింది.

  


ప్రపంచంలోనే గతంలో ఎన్నడూ లేనివిధంగా ఒక సంస్థ పగ్గాలను చేజిక్కించుకున్న ఈ చాట్‌బాట్‌ పేరు.. టాంగ్‌ యు. ఇటీవల ఎక్కువగా చాట్‌జీపీటీ గురించి వార్తలు వస్తున్న సంగతి తెలిసిందే. లేటెస్ట్‌ టెక్నాలజీ అప్‌డేట్‌గా అభివర్ణిస్తున్న చాట్‌జీపీటీ భవిష్యత్తులో ఎన్నో వండర్స్‌ క్రియేట్‌ చేస్తుందని భావిస్తున్నారు. అయితే.. దానికన్నా చాలా ముందే ఏఐ చాట్‌బాట్‌ సీఈఓ కావటం చెప్పుకోదగ్గ విషయం.

నెట్‌డ్రాగన్‌ వెబ్‌సాఫ్ట్‌ సంస్థ మల్టీప్లేయర్‌ ఇంటర్నెట్‌ గేమ్స్‌లో భాగంగా మొబైల్‌ అప్లికేషన్లను రూపొందిస్తుంది. ఈ కంపెనీ చైర్మన్‌.. డెజియన్ లియు. కార్పొరేట్‌ మేనేజ్‌మెంట్‌లో ఫ్యూచర్‌ అంతా ఆర్టిఫిషియల్‌ ఇంటలిజెన్స్‌దేనని చెప్పారు. భవిష్యత్తులో తమ బిజినెస్‌ మొత్తం ఏఐ సాయంతోనే జరుగుతుందని తెలిపారు. ఈ లక్ష్యాన్ని చేరుకునే దిశగానే టాంగ్‌ యుని కంపెనీ హెడ్‌గా నియమించామని వివరించారు.

  

ఓపెన్‌, ఇంటరాక్టివ్‌ అండ్‌ ట్రాన్స్‌పరెంట్‌ మేనేజ్‌మెంట్‌ మోడల్‌ని నిర్మిస్తామని, ఈ మేరకు సీఈఓ టాంగ్‌ యుకి కావాల్సిన ఆల్గారిథమ్స్‌ని పెంచుతూనే ఉంటామని చైర్మన్‌ డెజియన్ లియు వెల్లడించారు. రానున్న రోజుల్లో మెటావర్స్‌ బేస్డ్‌ వర్కింగ్‌ కమ్యూనిటీని డెవలప్‌ చేస్తామని స్పష్టం చేశారు. ఈవిధంగా గ్లోబల్‌ మార్కెట్‌లోని ట్యాలెంట్‌లను ఆకర్షించటం ద్వారా మరింత పెద్ద టార్గెట్లను రీచ్‌ అవుతామని ఆశాభావం వ్యక్తం చేశారు.

వరల్డ్‌లోనే ఫస్ట్‌ టైమ్‌ ఒక కంపెనీకి హెడ్‌గా నియమితులైన ఈ హ్యూమనాయిడ్‌ రోబో.. ఆడ మనిషిని పోలి ఉంటుంది. అందుకే.. మిస్‌ టాంగ్‌ యు అని పేర్కొంటున్నారు. ఈ లేడీ లీడర్‌కి.. అప్పుడే.. కీలక బాధ్యతలు అప్పగించారు. ఉన్నత స్థాయి విశ్లేషణలను సమీక్షించటం, నాయకత్వ స్థాయిలో నిర్ణయాలు తీసుకోవటం, ప్రమాదాలను ముందే పసిగట్టడం, పని ప్రదేశాన్ని సమర్థవంతంగా తీర్చిదిద్దటం ఈమె చేయాల్సినవాటిలో కొన్ని.

24/7 పనిచేసే సంస్థను ముందుండి నడుపుతూ.. ఒక్క రూపాయి కూడా శాలరీ తీసుకోని వన్‌ అండ్‌ ఓన్లీ ఎంప్లాయీ.. మిస్‌ టాంగ్‌ యునే కావటం గమనించాల్సిన అంశం. ఈమె.. ఈ కంపెనీలోని వివిధ ప్రక్రియలను సక్రమంగా పట్టాలెక్కించనున్నారు. క్వాలిటీ ఆఫ్‌ వర్క్‌ టాస్క్‌లను పెంపొందించటం ద్వారా సంస్థ కార్యకలాపాలను వేగవంతం చేస్తారు. రోజువారీ వ్యవహారాలను చక్కదిద్దటంతోపాటు సరైన నిర్ణయాలు తీసుకోవటానికి కావాల్సిన రియల్‌ టైమ్‌ డేటా హబ్‌గా వ్యవహరిస్తారు.

ఏఐ చాట్‌బాట్‌ మిస్‌ టాంగ్‌ యుని అధిపతిగా నియమించటం నెట్‌డ్రాగన్‌ వెబ్‌సాఫ్ట్‌ సంస్థకు తక్షణ ఫలితాన్ని ఇచ్చింది. ఈ కంపెనీ షేర్‌ విలువ ఒక్కసారిగా 10 శాతం పెరిగింది. గడచిన 6 నెలలతో పోల్చితే ఇప్పుడు హాంకాంగ్‌ స్టాక్‌ మార్కెట్‌ ఇండెక్స్‌లో అనూహ్యమైన పనితీరును కనబరిచింది. దీనికి ఇతరత్రా కారణాలు ఉన్నప్పటికీ తాజాగా తీసుకున్న ఈ నిర్ణయం శుభసూచికగా నిలిచినట్లు విశ్లేషకులు చెబుతున్నారు.

చెన్నైలో విచారకర సంఘటన...  కోర్టు ఆవరణలో భార్యపై భర్త యాసిడ్ దాడి
చెన్నైలో విచారకర సంఘటన చోటు చేసుకుంది. కోయంబత్తూర్ లోని కోర్టు ఆవరణలో యాసిడ్ దాడి కలకలం రేపింది. తనపై కేసు పెట్టిందని భార్యపై కోర్టు ఆవరణలో యాసిడ్ బాటిల్ ను భార్య మొహంపై విసిరాడు భర్త శివకుమార్. భర్త శివకుమార్ వేదింపులు తట్టుకోలేక కేసు పెట్టింది భార్య చిత్ర.

  


అయితే నేడు కోర్టులో విచారణ ఉన్న నేపథ్యంలో వారు అక్కడికి చేరుకోగానే ఒక్కసారిగా యాసిడ్ దాడి చేయడంతో పక్కకు తప్పుకుంది అతడి భార్య చిత్ర. దీంతో పెను ప్రమాదం తప్పింది. ఆసిడ్ బాటిల్ టేబుల్ పై పడడంతో కోర్టు ఆవరణలో ఉన్న టేబుల్ కాలి బూడిదైంది. దీంతో కోర్టుకు వచ్చిన ఇతర బాధితులు, పోలీసులు శివకుమార్ నీ చితకబాదారు. ఈ ఘటనపై పోలీసులపై సీరియస్ అయింది న్యాయస్థానం.

ప్రతిపక్షాలను అంతం చేసే కుట్ర జరుగుతుంది – కేజ్రీవాల్
పరువు నష్టం కేసులో కాంగ్రెస్ ఆగ్రనేత రాహుల్ గాంధీకి రెండేళ్ల జైలు శిక్ష పడిన విషయం తెలిసిందే. ప్రధాని నరేంద్ర మోడీ ఇంటి పేరును ఉద్దేశించి 2019 ఎన్నికల ప్రచారం వేల కర్ణాటకలోని కోలార్ లో అనుచిత వ్యాఖ్యలు చేసిన కేసులో రాహుల్ గాంధీని దోషిగా తేల్చింది గుజరాత్ సూరత్ లోని న్యాయస్థానం. ఐపీసీ సెక్షన్ 504 ప్రకారం ఉద్దేశపూర్వకంగా అవమానించడం, శాంతి భద్రతలకు విఘాతం కలిగించారని చీఫ్ జ్యుడీషియల్ మెజిస్ట్రేట్ హెచ్ హెచ్ వర్మ స్పష్టం చేశారు.

  


ఇందుకు రెండేళ్ల జైలు శిక్ష విధిస్తున్నట్లు ప్రకటించారు. అయితే రాహుల్ గాంధీకి రెండేళ్ల జైలు శిక్ష విధించడంపై ఢిల్లీ ముఖ్యమంత్రి అరవింద్ కేజ్రీవాల్ స్పందించారు. “ప్రతిపక్ష నేతలను, పార్టీలను అంతం చేసే కుట్ర జరుగుతుంది. కాంగ్రెస్తో మాకు విభేదాలు ఉన్నాయి. అయితే ఈ కేసులో రాహుల్ గాంధీని ఇలా ఇరికించడం సరైనది కాదు. న్యాయస్థానాన్ని గౌరవిస్తా.. కానీ తీర్పుతో ఏకీభవించను’ అని కేజ్రీవాల్ ట్వీట్ చేశారు.