నేరాల నియంత్రణకే కార్డెన్ సెర్చ్ : డిఎస్పీ కరుణాకర్

కొమురం భీం ఆసిఫాబాద్ జిల్లా : నేరాల నియంత్రణకే కార్డెన్ సెర్చ్ నిర్వహించినట్లు కాగజ్ నగర్ డిఎస్పి కరుణాకర్ తెలిపారు. కొమురంభీం ఆసిఫాబాద్ జిల్లా ఎస్పీ డీవీ శ్రీనివాసరావు, అడీషనల్ ఎస్పీ ప్రభాకర్ రెడ్డి ల ఆదేశాల‌ మేరకు కాగజ్‌నగర్‌ పట్టణంలోని భట్పల్లి చౌరస్తా సమీపంలోని కాపువాడలో శనివారం ఉదయం 5 గంటల నుండి పోలీసుల కార్డెన్‌ సెర్చ్‌ నిర్వహించారు. బస్తీలో మొత్తం ఒకేసారిగా 50 మంది పోలీసులు ఇంటింటికి తిరుగుతు తనిఖీలు చేశారు. ఈ తనిఖీలలో సరైన పత్రాలు లేని 100 మోటార్‌సైకిళ్లు, 3ఆటోలను సీజ్‌చేశారు.ఈ సందర్భంగా కాగజ్‌నగర్‌ డీఎస్పీ కరుణాకర్ మాట్లాడుతూ పోలీసులకు శాంతిభద్రతల పరిరక్షణ కోసం సహకరించాలని సూచించారు. కొత్తగా కిరాయిలకు వచ్చే వారి వివరాలను సేకరించాలని కోరారు. అనుమానితులు ఎవరికీ ఇల్లు ఇవ్వరాదని కోరారు.బస్తీలో ఎవరైన అనుమానస్పదంగా సంచురిస్తుంటే పోలీసులకు సమాచారం అందివ్వాలని కోరారు. పోలీసులకు సహకరించాలని కోరారు. బస్తీలో స్వచ్చందంగా సీసీ కెమోరాలు ఏర్పాటు చేసుకునేందుకు తగిన విధంగా దాతలు స్పందించాలని సూచించారు. ఫ్లై ఓవర్ కింద కొందరు యువకులు గంజాయి సేవిస్తున్నారని అట్టి వారు కనిపిస్తె సమాచారం ఇవ్వాలని అన్నారు.మట్కా ఆన్‌లైన్ బెట్టింగ్ లకు పాల్పడితే కఠిన చర్యలు తీసుకుంటామని తెలిపారు. సైబర్ నేరాలపై అవగాహన కల్పించారు. మొబైల్ కు వచ్చే లింకులను క్లిక్ చేయకూడదన్నారు. లింకులను ఓపెన్ చేయ వలన సెల్ ఫోన్లోని సమాచారమంతా సైబర్ నేరగాళ్ళకు వెళుతుంది అని, సైబర్ నేరాలకు గురి అయినవారు డయల్ 1930 నెంబర్ కు సంప్రదించగలరని సూచించారు.ఎలాంటి సమాచారం ఉన్నా పోలీసులకు తెలపాలని కోరారు. పట్టణంలో అన్ని ప్రాంతాల్లో కార్డన్‌సెర్చ్‌లు చేపట్టనున్నట్లు ప్రకటించారు. వాహనాలకు ఎలాంటి పత్రాలు లేకపోయిన సీజ్‌ చేస్తామని, ప్రతీ వాహనానికి నెంబర్ ప్లేట్ తప్పనిసరిగా ఉండాలన్నారు. ఈ కార్యక్రమంలో కాగజ్‌నగర్‌ టౌన్ సీఐ తుత్తూరు శంకరయ్య, రూరల్ సీఐ సత్యనారాయణ, కౌటాల, వాంకిడి సీఐలతో పాటు కాగజ్‌నగర్‌ టౌన్ ఎస్ఐ లు ధీకొండ రమేష్, సుధాకర్ లు, కౌటాల, చింతలమానేపల్లి, రెబ్బెన ఈస్గాం ఎస్‌ఐలు, పోలీస్ సిబ్బంది పాల్గొన్నారు.

రైల్వే ప్రయాణికులకు ముఖ్య గమనిక 

 
 
  

  మంచిర్యాల జిల్లా: రైల్వే ప్రయాణికులకు ముఖ్య గమనిక WGL-హసన్పర్తి-కాజీపేట 'F' క్యాబిన్ మధ్యలో ప్రస్తుతం ఉన్న 2 లైన్ల మార్గాన్ని, 4 లైన్లుగా అందుబాటులోకి తీసుకువచ్చే పనుల నేపథ్యంలో పలు రైళ్ల రాకపోకల్లో తీవ్ర అంతరాయం ఏర్పడనుంది. సికింద్రాబాద్-సిర్పుర్ కాగజ్ నగర్ SEP 23 నుంచి OCT 7, కాజీపేట-సిర్పుర్టెన్ SEP 26 నుంచి OCT 7 వరకు రద్దయ్యాయి. సిక్రింద్రాబాద్- సిర్పూర్ కాగజ్ నగర్, సిర్పూర్ - సికింద్రాబాద్ SEP 23 నుంచి అక్టోబర్ 7 వరకు రద్దు చేశారు.
 

ఇంటర్ ప్రథమ సంవత్సరం అడ్మిషన్ల గడువు పెంపు.

 
 
  

  హైదరాబాద్‌,ఆగస్టు 30 :  తెలంగాణ రాష్ట్రంలోని ప్రభుత్వ జూనియర్‌ కళాశాలల్లో ఇంటర్మీడియట్‌ మొదటి సంవత్సరం ప్రవేశాల గడువును సెప్టెంబరు 7వ తేదీ వరకు పెంచుతున్నట్లు ఇంటర్మీ డియట్‌ బోర్డు అధికారులు తెలిపారు.శుక్రవారం సాయంత్రం తెలిపింది. 2024- 25 విద్యా సంవత్స రానికిగాను ప్రభుత్వ, ప్రైవేటు, ఎయిడెడ్‌, అన్‌ఎయిడెడ్‌, కో-ఆప రేటివ్‌, కేజీబీవీ, మోడల్‌ స్కూల్స్‌, కాంపోజిట్‌ డిగ్రీ, వివిధ సంక్షేమ శాఖల పరిధిలోని గురుకుల కళాశాలల్లో ప్రవేశాలకు ఇదే చివరి అవకాశమని పేర్కొంది. ఈ గడువులోగా విద్యార్థు లకు ప్రవేశాలు కల్పించాలని ప్రిన్సిపాళ్లను ఆదేశించింది. ఇంటర్మీడియట్‌ బోర్డు అనుబంధ అఫిలియేటెడ్‌, కళాశాలల్లోనే చేరాలని విద్యార్థులకు సూచించింది. అనుబంధ కళాశాలల జాబితా ఇంటర్‌ బోర్డు వెబ్‌సైట్‌లో ఉందని తెలిపింది..
 

విద్యార్థులకు అన్ని మౌలిక సదుపాయాలతో నాణ్యమైన విద్య : జిల్లా అదనపు కలెక్టర్

 
 
  

  

  కొమురం భీం ఆసిఫాబాద్ జిల్లా : ప్రభుత్వ పాఠశాలలలో అన్ని సదుపాయాలతో కూడిన నాణ్యమైన విద్యను విద్యార్థులకు అందించేందుకు ప్రభుత్వం చర్యలు తీసుకుంటుందని జిల్లా అదనపు కలెక్టర్ (రెవెన్యూ) దాసరి వేణు అన్నారు. శుక్రవారం జిల్లాలోని కాగజ్ నగర్ మండల కేంద్రంలో గల కస్తూరిబా గాంధీ బాలికల విద్యాలయాన్ని సందర్శించి తరగతిగదులు, వంటశాల, భోజనశాల, వంట సామాగ్రి విలువలను పరిశీలించారు. ఈ సందర్భంగా జిల్లా అదనపు కలెక్టర్ మాట్లాడుతూ ప్రభుత్వం అన్ని ప్రభుత్వ పాఠశాలలో అన్ని మౌలిక సదుపాయాలు కల్పిస్తూ నాణ్యమైన విద్యను అందించేందుకు చర్యలు చేపట్టడం జరిగిందని తెలిపారు. ప్రతి ప్రభుత్వ పాఠశాలలో త్రాగునీరు, విద్యుత్, మూత్రశాలలు ఇతర అన్ని మౌలిక సదుపాయాలు కల్పించడం జరుగుతుందని తెలిపారు. విద్యార్థులకు సమయానుసారంగా మెనూ ప్రకారం పోషక విలువలు కలిగిన ఆహారాన్ని అందించాలని, వారి ఆరోగ్య స్థితిగతులను ఎప్పటికప్పుడు పర్యవేక్షిస్తూ అవసరమైన చర్యలు తీసుకోవాలని తెలిపారు. ఈ కార్యక్రమంలో అధికారులు తదితరులు పాల్గొన్నారు.
 

ఆదివాసి గిరిజన లకు ఆరాధ్య దైవం పూలజి బాబా : జిల్లా ఎస్పీ

 
 
  
  

  కుమ్రం బీం అసిపాబాద్ జిల్లా ప్రతినిధి, ఆగస్టు 30 :కొమురం భీమ్ ఆసిఫాబాద్ జిల్లా జైనూర్ మండల కేంద్రంలోని పట్నాపూర్ లో సద్గురు పూలాజీబాబా 100 వ జయంతి వేడుకలు ఘనంగా నిర్వహించారు. ఈ కార్యక్రమనికి జిల్లా ఎస్పీ డి వి శ్రీనివాస రావు , జిల్లా కలెక్టర్ వెంకటేష్ దొత్రే తో కలిసి హాజరయ్యారు. ఖానాపూర్ ఎమ్మెల్యే వెడ్మా బొజ్జు , మహారాష్ట్ర లోని కిడ్మట్ ఎమ్మెల్యే భీంరావు తో పాటు జిల్లాలోని ఉన్నతాధికారులు, మహారాష్ట్ర తెలంగాణ నుంచి అధిక సంఖ్యలో భక్తులు హాజరయ్యారు. ముందుగా కలెక్టర్ చేతుల మీదుగా ఫ్రీ మెడికల్ క్యాంపు ను ప్రారంభించారు. ఈ కార్యక్రమంలో భాగంగా ఎస్పీ మాట్లాడుతూ లక్షలాది మంది జీవితాల్లో వెలుగులు నింపిన మహనీయుడు సద్గురు పూలాజీ బాబా అని అన్నారు. ఆయన బోధనలతో ఎంతోమంది వ్యసనాలను అసాంఘిక శక్తుల వైపు మళ్ల కుండా ఆధ్యాత్మికత వైపు అడుగులు వేశారని తెలిపారు. దేశవ్యాప్తంగా ఇంతమంది భక్తులను పొందడం బాబా గొప్పతనం అని తెలియజేశారు.ఈ కార్యక్రమంలో బాబా సతీమణి దుర్భతాబాయి, అదనపు కలెక్టర్ దీపక్ తివారి, ఐటీడీఏ పీవో కుష్బూ , జిల్లా ఉన్నత అధికారులతో పాటు మహారాష్ట్ర తెలంగాణ నుంచి అధిక సంఖ్యలో భక్తులు పాల్గొన్నారు.
 

జిల్లాలో గంజాయి కార్యకలాపాలపై ఉక్కు పాదం.

 
 
  

  కుమ్రం బీం అసిపాబాద్ జిల్లా ప్రతినిధి ఆగస్టు 30 : కొమురంభీం ఆసిఫాబాద్ జిల్లా ఎస్పీ డీవీ. శ్రీనివాస రావు, ఆదేశాల మేరకు టాస్క్ ఫోర్స్ అధికారులకు అందిన పక్కా సమాచారం మేరకు ఈస్గం పోలీస్ స్టేషన్ పరిధిలో గంజాయిని విక్రయిస్తున్నారన్న సమాచారం మేరకు శుక్రవారం టాస్క్ ఫోర్స్ పోలీసులు ఇస్గాం పోలీస్ స్టేషన్ పరిధిలోని విలేజ్ నెంబర్ 1 గ్రామం లో తణిఖీలు చేపట్టారు. గ్రామం లోని రాజకుమార్ సర్కార్ ఇంట్లో తనిఖీ చేపట్టగా అతని ఇంట్లో 55 గ్రాముల గంజాయి (విలువ 5000) లభించిందని తెలిపారు. వివరాల్లోకి వెళ్తే ఈస్గోవ్ లోని విలేజ్ నో 1 లో నివాసం ఉండే రాజ్ కుమార్ సర్కర్ అనే వ్యక్తి కాగాజ్నగర్, చింతగూడ మరియు బుర్దగూడ లో నివాసం ఉండే విద్యార్థులు మరియు ఇతర యువకులకు గంజాయి నీ మహారాష్ట్ర నుండి తీసుకొని వచ్చి 5 గ్రాములు మరియు 10 గ్రాముల గంజాయి నీ చిన్న చిన్న ప్యాకెట్లు గా తయారు చేసి వారిని ఈస్గావ్ లోని నిర్మానుష్య ప్రాంతానికి పిలిపించి వారికి 500/- రూపాయలు ఒక్కా పాకెట్ చొప్పున విక్రయాలు జోరుగా జరుగుతున్నాయి అన్న నమ్మదగిన సమాచారం తో టాస్క్ ఫోర్స్ సీఐ రాణా ప్రతాప్ పక్క ప్రణాళికా తయారు చేసి రెండుటీంలను తయారు చేసి కాగజ్నగర్ కి చెందిన యువకులు గంజాయి తీసుకోవడానికి ఈస్గావ్ కి వచ్చే సమయానికి అక్కడ ఉండి గంజాయి చేతులు మారే సమయంలో ఒక్కసారిగా వారిని పట్టుకోవడం జరిగింది అని టాస్క్ ఫోర్స్ సీఐ రాణా ప్రతాప్ తెలియచేశారు. గంజాయిని అమ్ముతున్న మరియు కొంటున్న వారిని అరెస్ట్ చేసి పోలీస్ స్టేషన్ కు తరలించడం అయినది. అదేవిధంగా జిల్లాలో ఎవరైనా అక్రమ కార్యకలపాలకు పాల్పడినట్టు గుర్తించినట్లయితే ,తమకు 8712670505 కి కాల్ చేసి సమాచారం అందివ్వాలని అదేవిధంగా సమాచారం ఇచ్చిన వారి వివరాలు గోప్యంగా ఉంచబడతాయని తెలియజేశారు. ఈ టాస్కులో టాస్క్ ఫోర్స్ సీఐ రాణాప్రతాప్, ఎస్సై వెంకటేష్ ,పీసీలు మధు,రమేష్ పాల్గొన్నారు.
 

ప్రశాంత వాతావరణంలో గణేష్ నవరాత్రి ఉత్సవాలు జరిగేలా చూడాలి : ఎస్పీ

 
 
  

  కుమ్రం బీం అసిపాబాద్ జిల్లా ప్రతినిధి ఆగస్టు 30, : గణేష్ నవరాత్రి ఉత్సవాల సందర్భంగా జిల్లా పరిధిలో గణేష్ నవరాత్రులు ప్రశాంతంగా నిర్వహించేందుకుగాను జిల్లా పోలీస్ శాఖ తరపున గణేష్ మండపాల ఏర్పాటు చేసుకునే నిర్వహకులకు జిల్లా ఎస్పీ డివి శ్రీనివాసరావు శుక్రవారం ఒక ప్రకటన ద్వారా పలు సూచనలు చేశారు. గణేష్ మండపాల నిర్వహకులు తప్పనిసరిగా పోలీసుల అనుమతి తీసుకోవాల్సి వుంటుందని,ఇందుకోసం ముందుగా నిర్వహకులు ఎవరు అయితే గణేష్ మండపానికి ఏర్పాటు చేయదలచారో వారిలో ఒకరి పేరు ద్వారా policeportal.tspolice.gov.in వెబ్సైట్ ద్వారా , ఏర్పాటు చేసే గణేష్ ప్రతిమ ఎత్తు, ఏర్పాటు చేస్తున్న ప్రదేశం,నిమజ్జనం తేదీ,ప్రదేశం మొదలైన సమాచారంతో రిజిస్టర్ చేసుకోవాలి. https://policeportal.tspolice.gov.in ద్వారా మండపాల నిర్వహకులు పూర్తి వివరాలను నమోదుచేసుకోని రిజిస్ట్రేషన్ చేసుకోవాలి. దరఖాస్తు చేసుకున్న అనంతరం, దరఖాస్తు కాపీని సంబంధిత పోలీస్ స్టేషన్లో సమర్పించి, పర్మిషన్ పత్రాన్ని తీసుకోవాల్సి ఉంటుంది గణేష్ మండపాలను ట్రాఫిక్ ఇబ్బంది లేకుండా ఏర్పాటు చేసుకోవాలి. మండపం ఏర్పాటు చేసే స్థలం కోసం సంబంధిత శాఖల వారితో అనుమతులు తప్పనిసరిగా తీసుకోవాలి. గణేష్ మండపాల కొరకు విద్యుత్ శాఖ వారి అనుమతితోనే కనెక్షన్ తీసుకోవాలి. షార్ట్ సర్క్యూట్ జరుగకుండా మంచి నాణ్యత గల వైరును ఉపయోగించాలి. గణేష్ మండపాల నిర్వాహకులు వారి మండపాల కమిటీ వివరాలు,మండపాల బాధ్యత వహించే వారి వివరాలు,ఫోన్ నెంబర్లతో కూడిన ఫ్లెక్సీలను మండపంలో ఏర్పాటు చేయాలి. వృద్ధులు,చదువుకునే విద్యార్ధులకు ఎలాంటి ఇబ్బందులకు కలగకుండా తక్కువ శబ్దకాలుష్యంతో స్పీకర్లను ఏర్పాటు చేసుకోవాలి. సుప్రీంకోర్టు ఉత్తర్వుల మేరకు రాత్రి 10 గంటల వరకు మాత్రమే స్పీకర్లను వినియోగించాలి. మండపాల్లో ఎట్టిపరిస్థితులోను డిజేలను ఏర్పాటు చేయరాదు. గణేష్ ప్రతిమలు కూర్చుండబెట్టే ప్రదేశంలో షెడ్ నిర్మాణంలో మంచి నాణ్యత గల షెడ్ ఏర్పాటు చేసుకోవాలి గణేష్ మండపంలో 24 గంటలు ఒక వాలంటీర్ ఉండే విధంగా నిర్వహకులు తగు చర్యలు తీసుకోవాలి. గణేష్ మండపాలకు వచ్చే భక్తుల సందర్శనను దృష్టిలో వుంచుకోని మండపాలలో భక్తుల కోసం క్యూలైన్లను ఏర్పాటు చేయడంతో పాటు వాలంటీర్లను నియమించాలి. గణేష్ మండపాల వద్ద ఎప్పుడైన అగ్ని ప్రమాదం సంభవించినప్పుడు ముందు జాగ్రత్తలో భాగంగా దగ్గరలో రెండు బకెట్ల నీళ్లు,ఇసుక ఏర్పాటు చేసుకోవాలి. గణేష్ మండపాల వద్ద మద్యం సేవించడం,పేకాటఅడటం,లక్కీ డ్రాలు నిర్వహించడం,అసభ్యకరమైన నృత్యాల ఏర్పాటు,అన్యమతస్తులను కించపరిచే విధంగా ప్రసంగాలు చేయడం,పాటలు పాడటంపై పూర్తిగా నిషేధం. విధిగా పాయింట్ పుస్తకం ఏర్పాటు చేసుకోవాలి,పోలీసు అధికారులు తనిఖీకి వచ్చినప్పుడు అందులో వ్రాసి సంతకం చేస్తారు. మండపాల్లో ఏదైనా అనుమానాస్పదంగా బ్యాగులు,ప్లాస్టిక్ సంచులు,వస్తువులు లేదా వ్యక్తులు కనిపించినట్లుయితే తక్షణమే డయల్ 100గాని లేదా స్థానిక పోలీసులకు సమాచారం అందించాలి. అదేవిధంగా సోషల్ మీడియా గ్రూపులలో అసత్య ప్రచారాలను పోస్ట్ చేసిన లేదా వాటిని షేర్ చేసిన వారి పైన కఠిన చర్యలు తీసుకోవడం జరుగుతుందని తెలియజేశారు.
 

ప్రాణహిత ప్రాజెక్టు నిర్మాణాన్ని వెంటనే మొదలు పెట్టాలి : సిర్పూర్ ఎమ్మెల్యే.

 
 
  

  కొమురం భీం ఆసిఫాబాద్ జిల్లా ,కాగజ్ నగర్,ఆగస్టు30 :ప్రాణహిత ప్రాజెక్టు నిర్మాణాన్ని వెంటనే మొదలు పెట్టాలని సిర్పూర్ టి మండల కేంద్రంలో శుక్రవారం రోజున ఏర్పాటు చేసిన పత్రికా విలేకరుల సమావేశంలో సిర్పూర్ ఎమ్మెల్యే డా.పాల్వాయి హరీష్ బాబు,తెలంగాణ జల సాధన సమితి అధ్యక్షులు నైనాల గోవర్ధన్ లు డిమాండ్ చేశారు.ఈ సందర్భంగా నైనాల గోవర్ధన్ మాట్లాడుతూ ప్రాణహిత ప్రాజెక్టును కాళేశ్వరానికి తరలించడంలో మెగా ఇంజనీరింగ్ ఇన్ఫ్రస్ట్రక్చర్ లిమిటెడ్ (MEIL) అధినేత కృష్ణారెడ్డి హస్తం ఉందని, రాష్ట్ర అప్పును 70 వేల కోట్ల నుంచి 7 లక్షల కోట్లకు పెంచడంలో ఆయన ఎనలేని కృషి చేశారని ఎద్దేవా చేశారు. తద్వారా రాష్ట్రాన్ని అప్పుల్లోకి నెట్టారని, కేసీఆర్ కుటుంబం మొత్తంగా కాళేశ్వరాన్ని అడ్డం పెట్టుకొని అక్రమ సంపాదన చేసిందని ఆరోపించారు.ఈ సందర్భంగా సిర్పూర్ ఎమ్మెల్యే డా.పాల్వాయి హరీష్ బాబు మాట్లాడుతూ ఈ వార్షిక బడ్జెట్లో కేవలం రూ.250కోట్లు ప్రాణహిత ప్రాజెక్టుకు కేటాయించి కాంగ్రెస్ ప్రభుత్వం చేతులు దులుపుకుందని, వెంటనే డీపీఆర్ సిద్ధం చేసి కేంద్ర ప్రభుత్వానికి పంపాలని డిమాండ్ చేశారు. తూర్పు ఆదిలాబాద్ జిల్లాలోని 5 నియోజకవర్గాలకు నీళ్ళు ఇచ్చిన తర్వాతనే హైదరాబాద్ నగరానికి, దక్షిణ తెలంగాణకు నీటిని తరలించాలని, లేని పక్షంలో పెద్ద ఎత్తున ఉద్యమాలు చేస్తామని హెచ్చరించారు.ఈ కార్యక్రమంలో భాజపా జిల్లా కార్యదర్శి బండి రాజేందర్ గౌడ్, మండల అధ్యక్షులు ఎల్ములే శంకర్, ఎల్ములె మల్లయ్య, దుర్గం మోతిరాం, తుకారాం, నేరెళ్ళ అశోక్, ఒడ్డేటి నాని, దుర్గం ప్రశాంత్, సాయి, జావిద్ అహ్మద్, శ్రీను, నానాజీ తదితరులు పాల్గొన్నారు.
 

కల్యాణ లక్ష్మి చెక్కులు పంపిణీ.

 
 
  

  కొమురం భీం ఆసిఫాబాద్ జిల్లా,కాగజ్ నగర్,ఆగస్టు30 : కాగజ్ నగర్ పట్టణంలోని త్రిశూల్ పహాడ్ సమావేశ మందిరంలో ఏర్పాటు చేసిన కార్యక్రమంలో భాగంగా 128 మంది లబ్ధిదారులకు కళ్యాణ లక్ష్మి, షాదీ ముభారక్ చెక్కులను శుక్రవారం రోజున సిర్పూర్ ఎమ్మెల్యే డా.పాల్వాయి హరీష్ బాబు పంపిణీ చేశారు.ఈ సందర్భంగా వారు మాట్లాడుతూ వచ్చే 5 సంవత్సరాలు అర్హులైన ప్రతి ఒక్కరి కళ్యాణ లక్ష్మి కానీ, షాదీ ముభారక్ ఫైల్ తన వద్ద పెండింగ్ లో ఉండవని వెను వెంటనే సంతకాలు చేసి ఎమ్మార్వోలకు పంపుతామని, తనకు ఆ పార్టీ ఈ పార్టీ అనే తేడా లేకుండా ప్రతి ఒక్కరికీ పని చేసి పెడతానని అన్నారు. అలాగే మారుమూల ప్రాంతాల అభివృద్ధి కోసం కేంద్ర ప్రభుత్వ నిధులు కూడాతీసుకువస్తామని తెలియజేశారు.ఈ కార్యక్రమంలో ఎమ్మార్వో కిరణ్, పుష్పలత, మున్సిపల్ చైర్మన్ షాహిన్ సుల్తానా, కౌన్సిలర్లు, భాజపా జిల్లా కోశాధికారి అరుణ్ లోయ, జిల్లా కార్యదర్శి రాజేందర్ గౌడ్, సంజీవ్, మల్లేష్, చప్పిడి సంజీవ్, శ్రీనివాస్, అశోక్, రాజు, సుమన్, తిరుపతి, రాజు, రవీందర్, కోట వేణు తదితరులు పాల్గొన్నారు.
 

విద్యార్థులకు నోట్ బుక్స్ పంపిణీ

 
 
  

  కొమురం భీం ఆసిఫాబాద్ జిల్లా ,కాగజ్ నగర్,ఆగస్టు30 : కొమురం భీం ఆసిఫాబాద్ జిల్లా పెంచికల్పేట్ మండలం గుంట్లపెట్ ప్రాథమిక పాఠశాలలో శుక్రవారం రోజున మిషన్ భగీరథ సిబ్బంది మండిగే మల్లేశ్ ఎలగది పెంటయ్య సహకారంతో 33 మంది విద్యార్థిని, విద్యార్థులకు పిల్లలకు సామాజిక కార్యకర్త చప్పిడి ప్రకాశ్ చేతుల మీదగా నోట్స్ బుక్స్, పెన్సిల్స్ పంపిణీ చేశారు.ఈ సందర్భంగా మాట్లాడుతూ అందరూ బుద్దిగా చదువుకొని మంచి ఉద్యోగం సాధించి పేరు ప్రతిష్టలు,తెచ్చుకొని తల్లిదండ్రుల,ఉపాధ్యాయుల కు మంచి పేరు తేవాలని అన్నారు.ఈ కార్యక్రమంలో హెడ్ మాస్టర్ తేజ్వెని,గ్రామస్తులు చౌదరి గుండయ్య, దనేశ్ లు పాల్గొన్నారు