Jun 17 2024, 20:46

పాస్ బుక్కులు, రేషన్ కార్డు ఉన్న వారికే రుణమాఫీ 
తెలంగాణలో కాంగ్రెస్ ప్రభుత్వం ఎన్నికల్లో ఇచ్చిన రూ.2 లక్షల పంట రుణాల మాఫీపై కసరత్తు చేస్తోంది. పంద్రాగస్టులోపు రుణమాఫీ అమలుకు విధివిధానాలు ఖరారు చేయడంలో నిమగ్నమైంది.

  


అయితే పాస్‌బుక్‌లు, రేషన్‌ కార్డులను ప్రామాణికంగా తీసుకుని అవి ఉన్న వారికే రుణమాఫీ అమలు చేసేలా తాజాగా ఓ ప్రతిపాదనను అధికారులు ప్రభుత్వానికి సూచించినట్లు సమాచారం. ఎంపీలు, ఎమ్మెల్యేలు, ఎమ్మెల్సీలు, ఆదాయపన్ను చెల్లించే వారు, ఉద్యోగులను దీని నుంచి మినహాయించాలని మంత్రిమండలి సమావేశ ఎజెండాలో ప్రతిపాదించినట్లు తెలిసింది.

  

పంట రుణాల మాఫీపై ఈ వారంలో సమావేశం నిర్వహించాలని ప్రభుత్వం భావిస్తోంది.

  

దీనికి సంబంధించిన పూర్తి సమాచారం ఇవ్వాలని ఆదేశించడంతో వ్యవసాయాధికారులు రూ.2 లక్షల వరకు రుణాలు తీసుకున్న వారి జాబితాను బ్యాంకుల నుంచి తెప్పిస్తున్నారు.

  

మరో రెండు, మూడు రోజుల్లో ఈ జాబితా అధికారులకు చేరనుంది. ఈలోపు రుణమాఫీని ఎవరెవరికి అమలు చేయాలనే దానిపై వ్యవసాయశాఖ వివిధ ప్రామాణికాల ప్రాతిపదికన విస్తృతస్థాయిలో అధ్యయనం చేస్తోందని ప్రభుత్వ వర్గాలు వెల్లడించాయి.

Jun 17 2024, 20:03

రాష్ట్ర ప్రభుత్వం ప్రజలకు ఇచ్చిన ఆరు గారెంటీలు వెంటనే అమలు చేయాలి
  ఎన్నికలలో ప్రజలకు ఇచ్చిన వాగ్దానాలైనా 6 గ్యారంటీలు వెంటనే అమలు చేయాలని ఐద్వా రాష్ట్ర ఉపాధ్యక్షురాలు పాలడుగు ప్రభావతి అన్నారు ఈరోజు అఖిల భారత ప్రజాతంత్ర మహిళా సంఘం అయిదువ నల్లగొండ జిల్లా కమిటీ సమావేశం జిల్లా అధ్యక్షురాలు పోలేబోయిన వరలక్ష్మి అధ్యక్షతన దొడ్డి కొమరయ్య భవనంలో జరిగింది.

  


ఈ సందర్భంగా ప్రభావతి మాట్లాడుతూ రాష్ట్ర ప్రభుత్వం విద్యుత్తు బస్సు గ్యాస్ వరకే పరిమితిని కాకుండా ప్రజలకు ఇచ్చిన వాగ్దానాలను వెంటనే అమలు చేసి తమ చిత్తశుద్ధి నిరూపించుకోవాలని కోరారు.

  

ప్రజలకు అవసరమైన విద్యా వైద్యం ఉచితంగా అందించుటకు నిధులు కేటాయించాలని డిమాండ్ చేశారు.

  

సంఘం ఆధ్వర్యంలో ప్రైమరీ హెల్త్ సెంటర్లు జిల్లా కేంద్ర ప్రభుత్వ ఆసుపత్రిలో సమగ్రంగా సర్వేలు నిర్వహించి ప్రజలు ఎదుర్కొంటున్న వైద్య సమస్యలను ప్రభుత్వం దృష్టికి తీసుకుపోవడానికి కార్యక్రమం రూపొందించినట్లు తెలియజేశారు. సమ భావన సంఘాల మహిళలకు అందాల్సిన పావలా వడ్డీ నేటికీ ఇవ్వకపోవడం ఏమిటని ప్రశ్నించారు సమభావన సంఘాల మహిళలకు ప్రతి ఒక్కరికి ప్రభుత్వమే ఇన్సూరెన్స్ సౌకర్యం కల్పించాలని డిమాండ్ చేశారు. దేశంలో మహిళలపై అనేక అగైత్యాలు జరుగుతున్నాయని వృద్ధుల నుండి పసి పిల్లల వరకు అత్యాచారాలు పెరిగిపోయాయని ఆవేదన వ్యక్తం.

  

 చేశారు ప్రభుత్వాలు కఠినంగా వ్యవహరించి దోషులను శిక్షించాలని తెలియజేశారు.

ఐద్వా రాష్ట్ర కమిటీ సభ్యురాలు కొండ అనురాధ, జిల్లా ఉపాధ్యక్షురాలు తుమ్మల పద్మ సహాయ కార్యదర్శి భూతం అరుణకుమారి జనబోయిన నాగమణి పాతూరి గోవర్ధన కారంపూడి ధనలక్ష్మి జిల్లా కమిటీ సభ్యురాలు గోలి వెంకటమ్మ తదితరులు పాల్గొన్నారు. 

  

Jun 17 2024, 15:25

నీట్ యూజీ ఎగ్జామ్ వ్యవహారంలో కేంద్రం తీరుపై మండిపడ్డ కేటీఆర్
లక్షలాది మంది విద్యార్థుల భవిష్యత్ ప్రమాదంలో పడినా పట్టించుకోని కేంద్రం
ఓవైపు గ్రేస్ మార్కుల గందరగోళం.. మరోవైపు పేపర్ లీకేజీల వ్యవహారంతో తల్లిదండ్రుల్లో ఆందోళన
పరీక్షా పే చర్చ నిర్వహించే ప్రధాని మోడీ, కేంద్ర మంత్రులు.. నీట్ వ్యవహారంపై స్పందించాలి
మొత్తం వ్యవహారంలో సమగ్ర విచారణ చేపట్టాలి..వెంటనే బాధ్యులను శిక్షించాలి
కష్టపడి చదివిన విద్యార్థులకు నష్టం జరగకుండా చూడాలి

  


కేంద్రంలోని ఎన్డీఏ ప్రభుత్వానికి రాసిన బహిరంగ లేఖలో బీఆర్ఎస్ వర్కింగ్ ప్రెసిడెంట్ కేటిఆర్ డిమాండ్

  



కష్టపడి చదివే తమ పిల్లలు డాక్టర్ కావాలని కలలు కన్న తల్లిదండ్రుల ఆశలపై గందరగోళంగా మారిన నీట్ పరీక్షా వ్యవహారం నీళ్లు చల్లిందని బీఆర్ఎస్ వర్కింగ్ ప్రెసిడెంట్ కేటిఆర్ మండిపడ్డారు. ఓవైపు బీహార్ లో 30 లక్షల చొప్పున నీట్ ప్రశ్నాపత్రాలు విక్రయించారని, ఇప్పటికే పదుల సంఖ్యలో అరెస్టులు జరుగుతున్నాయని వార్తలొస్తున్నా కేంద్ర ప్రభుత్వం నిమ్మకు నీరెత్తినట్టు వ్యవహరించడం దారుణమని మండిపడ్డారు. ఆది నుంచి నీట్ ఎంట్రెన్స్ ఎగ్జామ్ వ్యవహారంలో కేంద్ర ప్రభుత్వం అత్యంత నిర్లక్ష్య వైఖరిని అనుసరిస్తోందని విమర్శించారు. అత్యంత ప్రతిష్టాత్మకమైన నీట్ ఎగ్జామ్ పై ఇన్ని ఆరోపణలు, అనుమానాలు వ్యక్తమవుతున్నప్పటికీ మోడీ సర్కార్ ఇప్పటి వరకు స్పందించకపోవడం దారుణమని మండిపడ్డారు... ప్రతీసారి విద్యార్థులతో పరీక్షా పే చర్చా కార్యక్రమాన్ని నిర్వహించే ప్రధాని.. కీలకమైన నీట్ పరీక్షపై మాత్రం మాట్లాడకపోవడం విడ్డూరంగా ఉందన్నారు. ఈ మొత్తం వ్యవహారంలో సమగ్ర విచారణ చేపట్టి బాధ్యులైన వారిపై కఠిన చర్యలు తీసుకోవడంతో పాటు, విద్యార్థులకు, లక్షలాదిమంది తల్లిదండ్రులకు భరోసా ఇవ్వాలని కేంద్రంలోని ఎన్డీఏ ప్రభుత్వానికి రాసిన బహిరంగ లేఖలో కేటీఆర్ డిమాండ్ చేశారు. 

  

గతంలో ఎప్పుడూ లేని విధంగా నీట్ ఎగ్జామ్ లో ఏకంగా 67 మందికి ఫస్ట్ ర్యాంక్ రావటం ఎన్నోరకాల అనుమానాలకు తావిస్తోందని ధ్వజమెత్తారు. అందులో కూడా ఒకే సెంటర్ నుంచి ఎనిమిది మంది విద్యార్థులు ఏకంగా 720 మార్కులు సాధించడం చూస్తే.. పేపర్ లీకేజీ వ్యవహారం ఏ స్థాయిలో జరిగిందో అర్థమవుతోందన్నారు. ఒక్క మార్కు తేడాతోనే విద్యార్థుల ర్యాంకులు మారిపోతాయని, ఎంతోమంది అవకాశాలు కోల్పోతారని గుర్తుచేశారు. అలాంటిది.. ఇంత ఒకే సెంటర్ లో ఇంతమంది విద్యార్థులకు పెద్దమొత్తంలో మార్కులు రావడం ఎలా సాధ్యమైందని ప్రశ్నించారు. అలాగే ఫలితాలను 10 రోజులు ముందుకు జరిపి సరిగ్గా ఎన్నికల ఫలితాల రోజే ప్రకటించటం కూడా అనేక సందేహాలకు తావిచ్చిందన్నారు.. అసలు ఈ వ్యవహారం బయటకు రాగానే పూర్తిస్థాయిలో విచారణకు ఆదేశించాల్సిన కేంద్రం ప్రభుత్వం ఎందుకు ఈ అంశాన్ని ఇప్పటిదాకా పట్టించుకోలేదని నిలదీశారు. పైగా కేంద్రమంత్రి ధర్మేంద్ర ప్రదాన్ అంతా సవ్యంగానే జరిగిందంటూ కప్పిపుచ్చే ప్రయత్నం చేయటం విడ్డూరంగా ఉందని విమర్శించారు. 

  

లక్షల మంది విద్యార్థులు ఎన్ని ఫిర్యాదులు చేసిన కేంద్రం స్పందించలేదని, పలువురు ప్రముఖులు సుప్రీంకోర్టులో కేసు వేసినా ఒక్క వివరణ కూడా కేంద్ర ప్రభుత్వం ఇవ్వలేదన్నారు. సుప్రీంకోర్టు జోక్యం చేసుకునేంత వరకు కూడా కేంద్రం ఈ అంశాన్ని పట్టించుకోకపోవటం అందరికీ ఆశ్చర్యం కలిగిస్తోందన్నారు. సుప్రీంకోర్టు ప్రశ్నించిన తర్వాత కూడా నేషనల్ టెస్టింగ్ ఏజెన్సీ (ఎన్టీఏ) చాలా చిత్రమైన సమాధానాలు చెప్పిందన్నారు. ఈ ఏడాది 1563 మందికి గ్రేస్ మార్కులు కలిపినట్లు చెబుతోందని, అసలు నీట్ లాంటి ఎగ్జామ్ లకు గ్రేస్ మార్కులు కలిపే విధానమే లేదని, అయినప్పటికీ ఎందుకిలా చేశారో సమాధానం చెప్పాల్సిన అవసరం ఉందన్నారు. 1563 మంది విద్యార్థులకే ఎందుకు గ్రేస్ మార్కులు ఇచ్చారో.... దానికి ఏ ప్రాతిపదికను తీసుకున్నారో స్పష్టం చేయటం లేదని ఆగ్రహం వ్యక్తంచేశారు. +4, -1 విధానం ఉండే ఈ ఎగ్జామ్ లో సాధ్యం కాని విధంగా కొంతమంది విద్యార్థులకు 718, 719 మార్కులు రావటం కూడా మొత్తం గ్రేస్ మార్కుల విధానంపై అనుమానాలు వ్యక్తమవుతున్నాయన్నారు. ఈ మొత్తం అంశం వివాదం కావటంతో ఇప్పుడు ఎన్టీఏ 1563 మందికి విద్యార్థులకు గ్రేస్ మార్కులు ఇచ్చామని వాటిని ఉపసంహరించుకున్నట్లు ప్రకటించిందన్నారు. గ్రేస్ మార్కులు పొందిన విద్యార్థులకు వాటిని తొలగించి మళ్లీ ఎగ్జామ్ రాయిస్తామని లేదంటే గ్రేస్ మార్కులు లేకుండా ఉన్న ర్యాకింగ్ నే జత చేస్తామని పూటకో మాట మాట్లాడుతోందని మండిపడ్డారు.. లక్షలాది మంది విద్యార్థుల భవిష్యత్ ను ప్రమాదంలోకి నెట్టి ఇప్పుడు వాస్తవాలు బయటకు రాకుండా నానాతంటాలు పడుతున్నారని మండిపడ్డారు. 

ఒక్క గ్రేస్ మార్కుల అంశమే కాకుండా నీట్ పేపరే లీకైందంటూ వస్తున్న ఆరోపణలపై సమగ్ర విచారణ జరిపించాల్సిన అవసరం ఉందని స్పష్టంచేశారు. దీనికి బలం చేకూరే విధంగా గుజరాత్, బీహార్ లో పోలీసులు నీట్ లో అవకతవకలు పాల్పడిన కొంతమందిని అరెస్ట్ చేశారని, వరుసగా బయటపడుతున్న వివాదస్పద వ్యవహారాల కారణంగా నీట్ ఎగ్జామ్ తీరుపై విద్యార్థులతోపాటు వారి తల్లిదండ్రులకు కూడా అనుమానాలు బలపడుతున్నాయన్నారు. 

  



తెలుగు రాష్ట్రాల నుంచి కూడా నీట్ ఎగ్జామ్ ను పెద్దసంఖ్యలో విద్యార్థులు రాశారని, నీట్ లో జరిగిన గ్రేస్ మార్కులు, పేపర్ లీకేజీ ఆరోపణల కారణంగా తెలంగాణ విద్యార్థులు కూడా నష్టపోయే ప్రమాదం ఉందన్నారు. వారికి ఎలాంటి అన్యాయం జరగకుండా ఉండేందుకు మన రాష్ట్ర ఎంపీలు చర్యలు చేపట్టాలని డిమాండ్ చేశారు. ఈ మొత్తం వ్యవహారంపై పూర్తి స్థాయి విచారణ జరిపి బాధ్యులను కఠినంగా శిక్షించే విధంగా రాష్ట్రానికి చెందిన కేంద్రమంత్రులు, ఎంపీలు ఎన్డీఏ సర్కారుపై ఒత్తిడి తేవాలని కోరారు. ఇంత జరగుతున్నా ఇప్పటి వరకు ఒక్కరిపై కూడా కేంద్రం చర్యలు ఎందుకు తీసుకోలేదో చెప్పాల్సిన అవసరముంది. లక్షలాది విద్యార్థుల భవిష్యత్ కు సంబంధించిన ఈ అంశంలో వెంటనే కేంద్ర ప్రభుత్వం చర్యలు చేపట్టాలని, వెంటనే ప్రధాని దీనిపై స్పందించి మొత్తం అవకతవకలకు బాధ్యులెవరన్నది దేశ ప్రజలకు వివరించాలని డిమాండ్ చేశారు.. నీట్ లో జరిగిన అవకతవకల కారణంగా నష్టపోయిన విద్యార్థులకు ఇబ్బంది లేకుండా, వారికి న్యాయం చేసే విధంగా వెంటనే చర్యలు తీసుకోవాలని కోరారు. అలాగే ఇందులో ఎన్టీఏ NTA - పాత్ర పై అత్యున్నత దర్యాప్తు సంస్థతో సమగ్ర విచారణ జరిపించాలని, పేపర్ లీకేజీలకు పాల్పడిన వారితోపాటు.. అక్రమంగా లబ్దిపొందిన వారిపై చర్యలు తీసుకోవాలని కోరారు.. 

అత్యంత ప్రతిష్టాత్మక నీట్ ఎగ్జామ్ మాత్రమే కాదు... దేశంలోని ఎన్నో కాంపిటేటివ్ ఎగ్జామ్స్ ఎన్టీఏ ఆధ్వర్యంలోనే జరుగుతున్నందున తాజాగా బయటపడ్డ వివాదస్పద అంశాల కారణంగా ఎన్టీఏ పై విద్యార్థులు నమ్మకం కోల్పోయే పరిస్థితి వచ్చిందన్నారు. భవిష్యత్ లో ఇలాంటి సంఘటనలు జరగకుండా కట్టుదిట్టమైన చర్యలు చేపట్టాల్సిన అవసరముందన్నారు.. నీట్ లో అక్రమాల కారణంగా కష్టపడి చదివిన మన విద్యార్థులకు ఎలాంటి నష్టం జరిగినా అసలు ఊరుకునే ప్రసక్తే లేదని, వారి తరఫున బీఆర్ఎస్ పోరాటం చేస్తుందని కేటీఆర్ స్పష్టంచేశారు.

Jun 17 2024, 07:00

సీనియర్ జర్నలిస్ట్ యలక సైదులు గౌడ్  హఠాన్మరణం.


  


గత కొన్ని రోజులుగా అనారోగ్యంతో బాధపడుతూ ఆయన ఈరోజు తుదిశ్వాస విడిచారు.

  

వారి పవిత్ర ఆత్మకు శాంతి చేకూరాలని మనసారా కోరుకుందాం..

  

SB news

  

Jun 16 2024, 15:10

రాష్ట్రంలో గాడితప్పిన శాంతిభద్రతలు
రాష్ట్ర ప్రభుత్వ అసమర్థత పాలన కారణంగా రాష్ట్రంలో శాంతిభద్రతలు గాడి తప్పయని నల్గొండ పార్లమెంట్ కాంటెస్ట్ అభ్యర్థి పాలకూరి రవిగౌడ ఆవేదన వ్యక్తం చేశారు
 
ఈ సందర్భంగా రవి గౌడ మాట్లాడుతూ
 తెలంగాణ రాష్ట్రంలో ప్రభుత్వాన్ని ప్రశ్నించాల్సిన ప్రతిపక్ష నాయకులు కరువయ్యారని రవిగౌడ ఎద్దేవా చేశారు..
 ప్రజల పక్షాన పోరాడే ప్రతిపక్ష నాయకులు లేనప్పుడు ప్రజలే ప్రతిపక్ష నాయకత్వాన్ని వహించాలని ప్రజలను కోరారు..
 రాష్ట్రంలో జరుగుతున్న అలజడులను దృష్టిలో పెట్టుకొని తెలంగాణ రాష్ట్ర ప్రభుత్వాన్ని ప్రజలు ప్రశ్నించాలని నల్గొండ పార్లమెంట్ స్వతంత్ర అభ్యర్థి పాలకూరి రవి గౌడ ప్రజలను కోరారు..
గత ప్రభుత్వ వైఫల్య కారణాల వలన భూ సమస్యల పట్ల ప్రజలు కొట్టుకుకోని ప్రాణాలు కోల్పోయే పరిస్థితి ఏర్పడిందని ఇలాంటి కారణాలకు అవగాహన లేనటువంటి పాలకుల విధానాలనే కారణం ఆని రవిగౌడ ఆరోపించారు..
ప్రస్థుత ప్రభుత్వ పాలనలో 

  


రాష్ట్రంలో హత్యలు, పసిపిల్లలపై హత్యాచారాలు మరియు విచ్చలవిడిగా గాంజనీ వినియోగిస్తూన్న యువకులు అసాంఘిక కార్యక్రమాలకు పాల్పడుతున్నారని అలాంటి వారిని కట్టడి చేయడంలో ప్రభుత్వ వైఫల్యం స్పష్టంగా కనిపిస్తుంది అని అన్నారు 

  

తెలంగాణ రాష్ట్రంలో కాంగ్రెస్ పార్టీ ప్రభుత్వాన్ని ఏర్పాటు చేసుకున్న పూర్తిస్థాయిలో పాలనను ఏర్పాటు చేసుకోవడంలో విపలమైన కారణం చేతనే ప్రజలకు పూర్తిస్థాయిలో భద్రత లేదని ఆవేదన వ్యక్తం చేశారు..

  

ప్రభుత్వాన్ని ప్రశ్నించడంలో విఫలమైన బీఆర్ఎస్ పార్టీ, బిజెపి పార్టీలను ఎండగడుతూ ప్రభుత్వంపై పోరాడాలని ప్రజలకు రవిగౌడ విజ్ఞప్తి చేశారు..

Jun 14 2024, 14:08

చట్టసభల్లో, స్థానిక సంస్థల ఎన్నికల్లో జనాభా దామాషా ప్రకారం BC రిజర్వేషన్లను నిర్ణయించాలి


  


చట్టసభల్లో, స్థానిక సంస్థల ఎన్నికల్లో జనాభా దామాషా ప్రకారం BC రిజర్వేషన్లను నిర్ణయించాలని కోరుతూ జరిగే జూన్ 18న భువనగిరిలో జిల్లాస్థాయి రౌండ్ టేబుల్ సమావేశాన్ని జయప్రదం చేయండి. BLF రాష్ట్ర కన్వీనర్, PRPS రాష్ట్ర అధ్యక్షుడు నూనె వెంకట్ స్వామి అభ్యర్థన

  

 స్వాతంత్రం సిద్ధించి 77 సంవత్సరాలు గడుస్తున్న నేటికీ పార్లమెంట్, అసెంబ్లీలో BCలకు రిజర్వేషన్లు లేకపోవడం అత్యంత దుర్మార్గం.

  

దాంతోపాటు రాష్ట్ర శాసనసభల్లో నిర్ణయించుకుని ముందుకు వెళ్లే స్థానిక సంస్థల్లో కూడా గత BRS ప్రభుత్వం 18% మాత్రమే రిజర్వేషన్లను పొందుపరిచి తీవ్ర అన్యాయం చేసింది. ప్రస్తుత కాంగ్రెస్ ప్రభుత్వం ఆ విధంగా చేయడానికి వీలులేదు.

  

జనాభాలో సగానికంటే ఎక్కువ ఉన్న BC ప్రజలకు స్థానిక సంస్థల ఎన్నికల్లో జనాభా దామాషా ప్రకారం రిజర్వేషన్లు పొందుపరచాలంటే, కుల జన గణన దేశంలో, రాష్ట్రంలో తక్షణం చేపట్టాలని డిమాండ్ చేస్తూ యాదాద్రి భువనగిరి జిల్లా స్థాయి రౌండ్ టేబుల్ సమావేశం జూన్ 18న మంగళవారం రోజున ఉదయం 11 గం. భువనగిలోని పెన్షనర్స్ బిల్డింగులో ఏర్పాటు చేస్తున్నాము.

BC సంఘాలు, మేధావులు హాజరుకావాలని PRPS రాష్ట్ర అధ్యక్షుడు నూనె వెంకట్ స్వామి కోరారు.

Jun 14 2024, 11:44

రుణమాఫీ కొందరికే


  


షరతులు, కోతలు విధించే యోచనలో కాంగ్రెస్‌ సర్కార్‌
పీఎం కిసాన్‌ నిబంధనలను రుద్దితే 37 లక్షల మంది అన్నదాతలు పథకానికి దూరం

  

కేసీఆర్‌ ప్రభుత్వం ప్రవేశపెట్టిన రైతుబంధు ద్వారా ప్రతి సీజన్‌లో సుమారు 70 లక్షల మంది రైతులు తమకు ఉన్న మొత్తం వ్యవసాయ భూమికి పెట్టుబడి సాయం పొందారు. కానీ, పీఎం కిసాన్‌ పథకం కింద 33 లక్షల మంది రైతులకే లబ్ది.. అంటే 37 లక్షల మందికి రుణమాఫీ కాదన్న మాట

  

తెలంగాణ రాష్ట్రం ఏర్పడిన తర్వాత రెండుసార్లు బీఆర్‌ఎస్‌ ప్రభుత్వం ప్రతి రైతుకు రూ.లక్ష వరకు ఎలాంటి షరతులు లేకుండా రుణమాఫీ చేసింది. ఇలా 2014లో 35.31 లక్షల మంది రైతులకు చెందిన రూ.16,144 కోట్ల రుణాలను ప్రభుత్వం మాఫీ చేసింది. ఆ తర్వాత 2018లో మరోసారి అధికారంలోకి వచ్చిన తర్వాత సుమారు 23 లక్షల మంది రైతులకు చెందిన రూ. 13 వేల కోట్ల రుణాలను మాఫీ చేసింది.

  

మొత్తం 58 లక్షల మంది రైతులకు బీఆర్‌ఎస్‌ ప్రభుత్వం రుణమాఫీ చేసింది. ఇందుకోసం రూ.29,144 కోట్లను వెచ్చించింది
 
 రావుల శ్రీనివాస్ రెడ్డి మాజీ కౌన్సిలర్ 

Jun 12 2024, 19:18

పాకిస్తాన్ జిహాదీ మూకల దిష్టిబొమ్మ దహనం చేసిన VHP బజరంగ్ దళ్ 


  


జూన్ 9న, ఇస్లామిక్ జిహాదీ పాకిస్థాన్ మద్దతుగల ఉగ్రవాదులు మాతా వైష్ణో దేవి కత్రా నుండి శివ్ ఖోడీకి వెళుతుండగా జమ్మూ మరియు కాశ్మీర్లో మతపరమైన తీర్థయాత్రకు వెళుతున్న హిందూ యాత్రికులపై మెరుపుదాడి చేసి, శివఖోడి సమీపంలో బస్సుపై విచక్షణారహితంగా కాల్పులు జరిపి, బస్సుతో సహా 10 మంది యాత్రికులను చంపారు. డ్రైవర్ తో సహా. దీంతో దేశవ్యాప్తంగా తీవ్ర ఆగ్రహం వ్యక్తమవుతోంది.

  

నల్గొండ జిల్లా కేంద్రంలో హిందూ యాత్రికుల హత్యకు వ్యతిరేకంగా 12 జూన్ 2024న భజరంగ్ దళ్ - తీవ్రవాద దాడిలో మరణించిన హిందూ యాత్రికులకు నివాళులు అర్పిస్తూ- పాకిస్తాన్ ఇస్లామిక్ జిహాదీ ఉగ్రవాదం యొక్క దిష్టిబొమ్మను దహనం ఇట్టి కార్యక్రమంలో
      
 బజరంగ్ దళ్ స్టేట్ కో కన్వీనర్ కన్నే బోయిన 
వెంకట్

  

విశ్వహిందూ పరిషత్ జిల్లా సహకార్యదర్శి జూకూరి 
సంపత్ వర్మ 

  

Jun 11 2024, 19:34

కేసీఆర్‌కు నోటీసులు ఇచ్చాం: జస్టిస్‌ ఎల్.నరసింహారెడ్డ


  


కేసీఆర్‌కు నోటీసులు ఇచ్చాం: జస్టిస్‌ ఎల్.నరసింహారెడ్డి
విద్యుత్‌ కొనుగోళ్లు అంశంపై మాజీ సీఎం కేసీఆర్‌కు నోటీసులు ఇచ్చామని జస్టిస్‌ ఎల్.నరసింహారెడ్డి తెలిపారు.

  

ఈ మేరకు మీడియా సమావేశంలో మాట్లాడారు. 'విద్యుత్‌ కొనుగోళ్లలో కేసీఆర్‌ సహా 25 మందికి నోటీసులు ఇచ్చాము. వివరణ ఇచ్చేందుకు కేసీఆర్‌ జులై 30 వరకు సమయం అడిగారు.

  

జూన్‌ 15 వరకు వివరణ ఇవ్వాలని కేసీఆర్‌కు తెలిపాం. 2016లో రెగ్యులేటరీ కమిషన్‌కు అర్వింద్‌ కుమార్‌ విద్యుత్‌ కొనుగోళ్లపై ఆర్థిక భారం పడుతుందని..

  

ఓపెన్‌ బిడ్డింగ్‌ ద్వారా డబ్బు ఆదా అవుతుందని లేఖ రాశారు. ఆ తర్వాత సెక్రటరీగా లేనని అర్వింద్‌ చెప్పారు' అని అన్నారు.

Jun 11 2024, 15:49

కుల జనగణన చేసిన తర్వాతే స్థానిక సంస్థల ఎన్నికలు నిర్వహించాలి. బీసీ సంఘాలతో కూడిన రౌండ్ టేబుల్ సమావేశంలో బి.ఎల్.ఎఫ్. నాయకుల ఉధ్గాటన
 దేశంలో, రాష్ట్రంలో గత పాలక ప్రభుత్వాలన్నీ జగనాభాలో సగభాగానికంటే ఎక్కువగా ఉన్న బీసీ ప్రజలను మోసం చేస్తున్నారని, నేటికీ బీసీ ప్రజలకు పార్లమెంట్లో, అసెంబ్లీలో రిజర్వేషన్లు లేకపోవడం స్థానిక సంస్థల్లో కూడా బీసీ ప్రజలకు బిచ్చం వేసినట్టుగా పాలకపక్షాలు అతి తక్కువ రిజర్వేషన్లు ఇవ్వడం అత్యంత దుర్మార్గం. ఈ స్థితి ఉండడానికి వీలులేదని కాంగ్రెస్ పార్టీ అసెంబ్లీ ఎన్నికల కంటే ముందు కామారెడ్డి డిక్లరేషన్ లో 42% బీసీ రిజర్వేషన్లు అమలు చేస్తామని చెప్పడం కూడా అశాస్త్రీయమైనది. 42 శాతం కంటే ఎక్కువగా గణనీయమైన సంఖ్యలో బీసీ ప్రజలు ఉంటారని తక్షణం కుల జనగణన చేసిన తర్వాతే స్థానిక సంస్థల ఎన్నికలు నిర్వహించాలని, యధాతధ పరిస్థితుల్లో ఎన్నికలు నిర్వహిస్తే మళ్లీ గత వివక్ష కొనసాగుతుందని, దీనిని సహించబోమని, రేవంత్ రెడ్డి ప్రభుత్వం కులజనగణన చేపట్టే వరకు, బీసీ రిజర్వేషన్లు స్థానిక సంస్థల ఎన్నికల్లో పెంచే వరకు ప్రత్యక్ష పోరాటం సాగిస్తామని" బి.ఎల్.ఎఫ్. రాష్ట్ర నాయకులైన బీ.సీ.పీ. రాష్ట్ర కార్యదర్శి కే. పర్వతాలు, బి.ఎల్.ఎఫ్. రాష్ట్ర నాయకులైన ప్రజా పోరాట సమితి (PRPS) రాష్ట్ర అధ్యక్షుడు నూనె వెంకట్ స్వామి, బి.ఎల్.ఎఫ్. రాష్ట్ర నాయకు లైన ఎం.సి.పి.ఐ.(యు) కేంద్ర కమిటీ సభ్యులు వస్కుల మట్టయ్యలు రాష్ట్ర ప్రభుత్వాన్ని తీవ్రంగా హెచ్చరించారు.

  


 ఈరోజు నల్లగొండలో జరిగిన బీ.సీ. సంఘాల, బి.ఎల్.ఎఫ్. భాగస్వామ్య రాజకీయ పక్షాల సమన్వయ రౌండ్ టేబుల్ సమావేశంలో వారు మాట్లాడారు. నల్లగొండలోని పెన్షనర్స్ బిల్డింగ్ లోని మీటింగ్ హాల్లో జరిగిన రౌండ్ టేబుల్ సమావేశంలో 40 బీసీ సంఘాలకు చెందిన 50 మంది నాయకులు మరియు ప్రతినిధులు పాల్గొన్నారు.

  

 ఈ రౌండ్ టేబుల్ సమావేశం అనంతరం మూకుమ్మడిగా వెళ్లి నల్లగొండ జిల్లా అడిషనల్ కలెక్టర్ శ్రీనివాస్ గారికి కుల గణన చేపట్టిన తర్వాతే స్థానిక సంస్థల ఎన్నికలు నిర్వహించాలని కుల జనగణన చేపట్టకుండా స్థానిక సంస్థల ఎన్నికలు నిర్వహిస్తే బీ.సీ. ప్రజలు మోసపోతారని గత బి.ఆర్.ఎస్ ప్రభుత్వం 23 శాతం అమలు చేస్తామని, చెప్పి కేవలం 18 శాతం మాత్రమే అమలు చేశారని ఈ విషయంలో ఏనాడు ఎవరు ప్రశ్నించలేదని ప్రస్తుతం కూడా ఇదే స్థితి కొనసాగితే, తీవ్రంగా పోరాడుతామని మాట్లాడిన నాయకులు ప్రతినిధులందరూ అభిప్రాయాలను వ్యక్తం చేశారు.

  

 ఈ సమావేశానికి బీ.సీ.పీ. రాష్ట్ర కార్యదర్శి కే పర్వతాలు అధ్యక్షత వహించారు. ఆహుతులు అందరికీ బి.ఎల్.ఎఫ్. తరఫున చర్చకు సాధ్యమయ్యే అంశాలతో రిపోర్టును ప్రజా పోరాట సమితి (PRPS) రాష్ట్ర అధ్యక్షుడు నూనె వెంకట్ స్వామి ప్రవేశపెట్టి మాట్లాడుతూ భవిష్యత్ కార్యాచరణకు సంబంధించిన విషయాలను ప్రతిపాదించారు. వీటిపైన ఈ సమావేశంలో రిటైర్డ్ ఐఏఎస్ చోల్లేటి ప్రభాకర్, రిటైర్డ్ తహసిల్దార్ ప్రకాష్, బిసి సంక్షేమ సంఘం జిల్లా అధ్యక్షుడు దుడుకు లక్ష్మీనారాయణ, బీసీ విద్యార్థి సంఘం జిల్లా అధ్యక్షుడు అయితగోని జనార్దన్ గౌడ్, గంగపుత్ర జిల్లా అధ్యక్షులు మునాస ప్రసన్న, ముదిరాజ్ సంఘం జిల్లా అధ్యక్షులు లోకనబోయిన రమణ ముదిరాజ్, యాదవ సంఘం జిల్లా నాయకులు వేణు కుమార్ యాదవ్, మేర సంఘం జిల్లా నాయకులు తాడూరి రమేష్ మేర, నాయి బ్రాహ్మణ సంఘం జిల్లా అధ్యక్షులు నేలపట్ల రమేష్ నాయి, శాలివాహన సంఘం నాయకులు వెంకన్న ప్రజాపతి, నిమ్మనగోటి కృష్ణయ్య ప్రజాపతి, విశ్వకర్మ జిల్లా నాయకులు ప్రకాష్ చారి, వడ్డెర సంఘం జిల్లా నాయకులు రమేష్, గౌడ సంఘం జిల్లా నాయకులు వడ్డగోని అంజయ్య గౌడ్, రజక సంఘం జిల్లా నాయకులు కొండూరు సత్యనారాయణ, బహుజన ఉద్యమ నాయకులు వంటేపాక యాదగిరి, బీసీ సంఘం నల్లగొండ పట్టణ అధ్యక్షులు సదాశివ, మేళ్ల శంకర్ ముదిరాజ్, ఆంజనేయులు ముదిరాజ్, మేడిద పురుషోత్తం ధర్మరాజు, సింగం వెంకటయ్య, సింగారం మల్లయ్య, శేఖర్ శాలివాహన సంఘం జిల్లా నాయకులు శరత్ బాబు, పి ఆర్ పి ఎస్ జిల్లా నాయకులు బైరు వెంకన్న గౌడ్, గునగంటి సత్తయ్య గౌడ్, సుంకర బోయిన మల్లయ్య, సుంకరి నరసింహ, కప్పల రాకేష్ గౌడ్, ఎంసిపిఐ యు జిల్లా నాయకులు పోతుగంటి కాశి, వస్కుల భరత్, సిపిఐ ఎంఎల్ రెడ్ స్టార్ జిల్లా నాయకులు జక్కుల నరసింహ, బైరి సత్తయ్య తదితరులు పాల్గొన్నారు.

  

 చివరిలో సమావేశానికి సకాలంలో విచ్చేసి విలువైన సూచనలు సలహాలు ఇచ్చి భవిష్యత్తులో వేలాదిమంది బీసీ ప్రజలచే నల్లగొండ జిల్లా కలెక్టరేట్ ను ముట్టడించాలని, కుల జన గణనలతో సంబంధం లేకుండా అతి తక్కువ రిజర్వేషన్లు ఇచ్చి స్థానిక సంస్థల ఎన్నికలకు వెళ్తే ఎలక్షన్ కమిషనర్ ఆఫీసును కూడా ముట్టడించడానికి బీసీ ప్రజలు సిద్ధం కావాలని ఎం సి పి ఐ యు కేంద్ర కమిటీ సభ్యులు వస్కుల మట్టయ్య చెబుతూ విచ్చేసిన వారందరికీ కృతజ్ఞతలు తెలియజేశారు.