Smuggling: బోటులో డ్రగ్స్.. చెరువులో బంగారు బిస్కెట్లు..


Smuggling: గుజరాత్ తీరంలో మరోసారి భారీగా డ్రగ్స్ పట్టుబడ్డాయి. ఇరాన్ నుంచి అక్రమంగా వచ్చిన ఓ బోటులో డగ్స్ కోస్ట్ గార్డ్స్ పట్టుకున్నారు. మొత్తం రూ.425 కోట్ల విలువైన 61 కిలోల డ్రగ్స్ స్వాధీనం చేసుకుని, ఐదుగురిని అరెస్ట్ చేశారు. గుజరాత్ ఏటీఎస్ ఇచ్చిన సమాచారం మేరకు ఇరాన్ పడవను కోస్ట్ గార్డ్స్ పట్టుకున్నారు. 
కోస్ట్ గార్డ్స్ గుజరాత్ తీరంలో సముద్రంలో పెట్రోలింగ్ చేస్తున్న సమంలో ఓఖా తీరానికి దాదాపుగా 340 కిలోమీటర్ల దూరంలో భారత జలాల్లో ఓ పడవ అనుమానాస్పదంగా ఉందని గమనించారు. కోస్ట్ గార్డ్స్ నుంచి తప్పించుకునే ప్రయత్నంలో చేస్తుండగా, వెంబడించి పట్టుకున్నారు.

చెరువులో బంగారు బిస్కెట్లు..
పశ్చిమ బెంగాల్ లోని నాడియా జిల్లాల్లో కళ్యాణి సరిహద్దు ఔట్ పోస్టు ప్రాంతంలోని చెరువులో సుమారు రూ. 2.57 కోట్ల విలువైన బంగారు బిస్కెట్లను బీఎస్ఎఫ్ సోమవారం స్వాధీనం చేసుకుంది. విశ్వసనీయ సమచారం రావడంతో బీఎస్ఎఫ్ చెరువులో తనిఖీ చేపట్టింది. సుమారుగా 40 బంగారు బిస్కెట్లను స్వాధీనం చేసుకున్నారు. దీని మార్కెట్ విలువ రూ. 2.57 కోట్ల ఉంటుందని బీఎస్ఎఫ్ తెలిపింది. కొన్ని నెలల క్రితం ఓ స్లగ్మర్ చెరువులోకి దూకి బంగారం దాచిపెట్టినట్లు తెలిపారు. అదును చూసి బంగారాన్ని తీసేందుకు స్మగ్లర్ ప్రయత్నిస్తున్న నేపథ్యంలో బీఎస్ఎఫ్ ఈ బంగారాన్ని స్వాధీనం చేసుకుంది.

Mamata Banerjee: మీరు తల తీసేసినా.. డీఏ మాత్రం పెంచలేను..!
కోల్‌కతా: కరవు భత్యం(DA) పెంపు కోసం రాష్ట్ర ఉద్యోగులు చేస్తోన్న నిరసనపై పశ్చిమ బెంగాల్(West Bengal) ముఖ్యమంత్రి మమతా బెనర్జీ(Mamata Banerjee) అసహనం వ్యక్తం చేశారు..

ప్రస్తుతం ఉన్న డీఏను పెంచేందుకు రాష్ట్రం వద్ద నిధులు లేవని వెల్లడించారు. కేంద్రంతో సమానంగా రాష్ట్రంలో కూడా డీఏను పెంచాలని ఉద్యోగులకు మద్దతుగా విపక్ష పార్టీలైన భాజపా, కాంగ్రెస్, వామపక్షాలు డిమాండ్‌ చేస్తున్నాయి. 
'వారు తరచూ డీఏ పెంచాలని డిమాండ్ చేస్తున్నారు. ప్రస్తుతమున్నదానికంటే పెంచడం కుదరదు. ప్రభుత్వం దగ్గర నిధులు లేవు. ఇప్పటికే అదనంగా మూడు శాతం డీఏ ప్రకటించాం. మీకు ఇంకా ఎంత కావాలి..? ఆ పెంపుతో మీరు సంతోషంగా లేకపోతే.. నా తల తీసేయండి' అని మమత(Mamata Banerjee) ఆగ్రహం వ్యక్తం చేశారు. ఇక ఇటీవల బెంగాల్‌(West Bengal) ప్రభుత్వం ప్రవేశపెట్టిన బడ్జెట్‌లో అదనంగా మూడు శాతం డీఏ పెంపును ప్రకటించింది. రాష్ట్ర ప్రభుత్వ ఉద్యోగులు, పెన్షనర్లకు మార్చి నుంచి ఇది అమలవుతుందని అందులో పేర్కొంది.

కేంద్ర ప్రభుత్వం ఇస్తోన్న డీఏతో సమానంగా తమకు ఇవ్వాలంటూ ఉద్యోగులు చేస్తోన్న నిరసనకు ప్రతిపక్షాలు మద్దతు ఇస్తుండటంపై మమత మండిపడ్డారు. 'కేంద్రరాష్ట్ర ప్రభుత్వాల పే స్కేల్ వేర్వేరు. వేతనంతో కూడిన ఇన్ని సెలవులను ఏ ప్రభుత్వం ఇస్తోంది? డీఏ కోసం రూ.1.79 లక్షల కోట్లు ఖర్చుచేశాం. 40 రోజులు వేతనంతో కూడిన సెలవులు ఇస్తున్నాం. మీరెందుకు కేంద్ర ప్రభుత్వంతో పోలుస్తున్నారు. మేం ఉచితంగా బియ్యం ఇస్తున్నాం. కానీ గ్యాస్‌ ధర చూడండి ఎంతుందో..? ఎన్నికల తర్వాత రోజే ధరలు పెరుగుతాయి' అని ప్రతిపక్ష పార్టీలపై విరుచుకుపడ్డారు..

పార్టీ కార్యకర్తకు ఆర్థిక సహాయం : శేపూరి రవీందర్ 
•కార్యకర్తలకు ఎల్లప్పుడూ అండగా ఉంటాము : పల్లపు బుద్ధుడు


 నకిరేకల్ నియోజకవర్గం చిట్యాల మండలం వనిపాకల గ్రామ భారతీయ జనతా పార్టీ కార్యకర్తకు అండగా నిలిచిన బిజెపి నాయకులు, వనిపాకల బూత్ కమిటీ అధ్యక్షుడికి  యాక్సిడెంట్ అయ్యి కాలు తొడ బాగం విరిగి ఇంటిదగ్గర విశ్రాంతి తీసుకుంటున్న అక్కెనపల్లి అనిల్ గారిని పరామర్శించిన  భారతీయ జనతా పార్టీ జిల్లా కార్యవర్గ సభ్యులు పల్లపు బుద్ధుడు. 

భారతీయ జనతా పార్టీ రాష్ట్ర నాయకులు శేపూరి రవీందర్ గారు అందజేసిన 5000 రూపాయలను బిజెపి కార్యకర్తలకు అందుబాటులో ఉండాలని కార్యకర్తకు ఏ కష్టం ఏ ఇబ్బంది వచ్చినా నేను ఉంటాను అనే భరోసాతో 5000 రూపాయలు ఆర్థిక సహాయం అందజేయడం జరిగింది. 



ఇట్టి ఆర్థిక సహాయాన్ని బిజెపి జిల్లా నాయకులు పల్లపు బుద్ధుడు గారు అనిల్ గారికి అందజేయడం జరిగింది. నకిరేకల్ నియోజకవర్గం లో భారతీయ జనతా పార్టీ కార్యకర్తలకు ఏ ఇబ్బంది వచ్చినా ఎల్లవేళలా అండగా ఉంటానని హామీ ఇవ్వడం జరిగింది. ఈ కార్యక్రమంలో బిజెపి మండల పార్టీ అధ్యక్షులు పొట్లపల్లి నరసింహ గౌడ్ సీనియర్ నాయకులు చిక్కుల మెట్ల అశోక్ శక్తి కేంద్రం ఇంచార్జ్ పీకే వెంకన్న జిల్లా కార్యవర్గ సభ్యులు పాలడుగు నగేష్ నడికుడి నవీన్ తదితరులు పాల్గొన్నారు.

కోమటిరెడ్డి వెంకటరెడ్డి పై జిల్లా ఎస్పీకి ఫిర్యాదు చేసిన నేతలు.. అరెస్ట్ చేయాలని డిమాండ్..
•మాజీ జడ్పీటీసీ తండు సైదులు గౌడ్
తెలంగాణ ఉద్యమకారుడు డాక్టర్ చెరుకు సుధాకర్ పైన దుర్భాషలాడిన,సంపుతానని బెదిరించిన భువనగిరి పార్లమెంట్ సభ్యులు కోమటిరెడ్డి వెంకటరెడ్డి పై చట్టపరమైన చర్యలు తీసుకోవాలని మాజీ జడ్పీటీసీ తండు సైదులు గౌడ్ ప్రభుత్వానికి విజ్ఞప్తి చేసారు.

సోమవారం డాక్టర్ చెరుకు సవాహస్ మాజీ జిడ్పిటిసి తండు సైదులు గౌడ్,కాంగ్రెస్ ఎస్సి.సెల్ జిల్లా అధ్యక్షులు ఆదిమల్ల శంకర్,బి.సి సంక్షేమ సంఘం జిల్లా అధ్యక్షులు దుడుకు లక్ష్మీ నారాయణ తో కలిసి జిల్లా ఎస్పీ గారికి కోమటిరెడ్డి వెంకట్ రెడ్డి పై పిర్యాదు చేయడం జరిగింది.ఈ సందర్భంగా తండు సైదులు గౌడ్ మాట్లాడుతూ నిన్నటి రోజున వన్ టౌన్ పోలీస్ స్టేషన్ లో ఫిర్యాదు చేస్తే ఇప్పటివరకు ఎఫ్ఐఆర్ చేయలేదని అతని అరెస్టు చేయలేదని అందుకే జిల్లా ఎస్పీని కలిసి విన్నవించామన్నారు. 

తక్షణమే కోమటిరెడ్డి వెంకటరెడ్డి అరెస్ట్ చేసి చెరుకు సుధాకర్ కు చెరుకు సుధాకర్ కుటుంబానికి రక్షణ కల్పించాలని డిమాండ్ చేశారు. జిల్లాలో ఏ బహుజన నాయకుడు ఎదిగినా ఓర్వనితనం వెంకట్ రెడ్డి ది అన్నారు.చెరుకు సుధాకర్ కు పిసిసి ఉపాధ్యక్ష పదవి ఇవ్వడం కోమటిరెడ్డి వెంకటరెడ్డికి గిట్టకనే ఈ తథంగానికి తెరలేపారు అన్నాడు. ఒక పార్లమెంటు సభ్యుడు అయి ఉండి నీతి నిజాయితీ విలువలు లేకుండా అహంభావంతో అహంకారపూరితంగా ఒక ఉద్యమకారునిపై మాట్లాడం కోమటిరెడ్డి వెంకటరెడ్డి అజ్ఞానానికి నిదర్శనం అన్నారు.



కాంగ్రెస్ పార్టీ అధిష్ఠానం కూడా స్పందించాలన్నారు. వెంకటరెడ్డి మతిస్థిమితం కోల్పోయి చెరుకు సుధాకర్ నన్ను తిట్టాడని ఊరికే పదేపదే అనడం కంటే ఏమన్నాడో మీడియా ముందు రుజువు చేయాలని డిమాండ్ చేశాడు. నీ చిల్లర మాటలు ప్రజలు గమనిస్తున్నారని నీ నోరు అదుపులో పెట్టుకోకపోతే పరిణామాలు తీవ్రంగా ఉంటాయని హెచ్చరించారు.



చెరుకు సుధాకర్ కుమారుడు డాక్టర్ చెరుకు సువాస్ మాట్లాడుతూ మా కుటుంబానికి వెంకటరెడ్డి నుండి ప్రాణహాని ఉందని మాకు రక్షణ కల్పించాలని జిల్లా ఎస్పీ గారికి విజ్ఞప్తి చేయడం జరిగిందన్నారు. తక్షణమే అరెస్టు చేయాలని కూడా కోరడం జరిగిందన్నారు.

ఈ కార్యక్రమంలో తెలంగాణ జాయింట్ యాక్షన్ కమిటీ జిల్లా చైర్మన్ పందుల సైదులు, తెలంగాణ గౌడ సంక్షేమ విద్యార్థి సంఘం రాష్ట్ర అధ్యక్షులు శ్రీకాంత్ గౌడ్,గౌడ సంక్షేమ సంఘం రాష్ట్ర ప్రధాన కార్యదర్శి గుండాల మల్లేశ్, బీసీ సంక్షేమ సంఘం జిల్లా కార్యదర్శి వడ్డే బోయిన సైదులు బీసీ విద్యార్థి సంఘం జిల్లా అధ్యక్షుడు అయితగోని జనార్దన్ గౌడ్,బిసి సంక్షేమ సంఘం జిల్లా నాయకులు మొగుళ్ళ వినోద్ కుమార్, బీసీ యువజన సంఘం జిల్లా ఉపాధ్యక్షులు కారింగు నరేష్ గౌడ్, శ్రీ గౌడ విద్యార్థి సంఘం జిల్లా అధ్యక్షులు కొంపెల్లి రామన్న గౌడ్ యూసూఫ్,జాకీర్ తదితరులు పాల్గొన్నారు.

Viveka Case: ఇవాళ సీబీఐ విచారణకు ఎంపీ అవినాష్ రెడ్డి గైర్హాజరు..


వివేకా హత్య కేసులో నేడు హైదరాబాదులో జరిగే సిబిఐ విచారణకు హాజరు కావడం లేదు కడప ఎంపి అవినాష్ రెడ్డి. పులివెందుల నియోజకవర్గంలో ముందస్తు కార్యక్రమాలు ఉన్నందు వలన హాజరు కాలేనని తెలిపారు ఎంపి అవినాష్ రెడ్డి..

దీనిపై ఇంతవరకు సమాచారం ఇవ్వలేదు సీబీఐ అధికారులు. ఈరోజు వేంపల్లి మండలంలో గృహసారధుల కార్యక్రమంలో పాల్గొననున్నారు ఎంపి అవినాష్ రెడ్డి. 



వేంపల్లి మధు రెడ్డి కళ్యాణ మండపంలో వైసిపి సమావేశం జరగనుంది. ఈరోజు కడప సెంట్రల్ జైలు లోని అతిధి గృహంలో సిబిఐ విచారణకు ఎంపి తండ్రి భాస్కర రెడ్డి హాజరయ్యే అవకాశం వుందని తెలుస్తోంది..

Yuvagalam-Nara Lokesh: నారా లోకేశ్‌ యువగళం పాదయాత్రలో స్వల్ప ఉద్రిక్తత..


పీలేరు: తెదేపా జాతీయ ప్రధాన కార్యదర్శి నారా లోకేశ్‌ చేపట్టిన 'యువగళం' పాదయాత్ర 35వ రోజు ఉత్సాహంగా సాగింది. ఎంజేఆర్‌ కళాశాల అగ్రహారం వద్ద అన్నమయ్య జిల్లా పీలేరు నియోజకవర్గంలోకి పాదయాత్ర ప్రవేశించింది..

అగ్రహారం వద్ద తెలుగుదేశం నేతలు, కార్యకర్తలు ఘన స్వాగతం పలికారు. పార్టీ నియోజకవర్గ ఇన్‌ఛార్జి నల్లారి కిశోర్‌కుమార్‌రెడ్డి, కార్యకర్తలు లోకేశ్‌తో కలిసి నడిచారు. పాదయాత్ర పీలేరు వ్యవసాయ మార్కెట్‌ కమిటీ దాటాక స్వల్ప ఉద్రిక్తత నెలకొంది. 



వ్యవసాయ మార్కెట్‌ సమీపంలో లోకేశ్‌ పాదయాత్రను చూసి కొందరు వైకాపా కార్యకర్తలు జై జగన్‌ అని నినాదాలు చేశారు. ఇది గమనించిన తెదేపా కార్యకర్తలు వారిని తరిమికొట్టారు. దీంతో వారు తప్పించుకొని అక్కడి నుంచి పరారయ్యారు. రాయచోటి డీఎస్పీ శ్రీధర్‌, పోలీసు సిబ్బంది సంఘటనా స్థలానికి చేరుకుని పరిస్థితిని అదుపులోకి తెచ్చారు.

గవర్నర్‌, కేంద్ర మంత్రి వ్యాఖ్యలపై మంత్రి హరీశ్‌రావు వరుస ట్వీట్లు


హైదరాబాద్‌: వైద్య కళాశాలల (Medical colleges) కేటాయింపు విషయంలో కేంద్ర ప్రభుత్వం తెలంగాణపై వివక్ష చూపిందని వైద్యారోగ్య శాఖ మంత్రి హరీశ్ రావు (Minister Harish Rao) ఆరోపించారు. దేశవ్యాప్తంగా 157 మెడికల్ కాలేజీల ఏర్పాటుకు శ్రీకారం చుట్టిన కేంద్రం.. రాష్ట్ర ప్రభుత్వం పలుమార్లు విన్నవించినా తెలంగాణకు ఒక్క కాలేజీ కూడా కేటాయించలేదని ధ్వజమెత్తారు. 

ఈ మేరకు అప్పటి వైద్యారోగ్య శాఖ మంత్రి ఈటల రాజేందర్‌ (Etela Rajender) కేంద్రాన్ని మెడికల్ కాలేజీలు మంజూరు చేయాలని కోరారని.. అందుకు కేంద్రం సైతం సానుకూలంగా స్పందించిందని పేర్కొంటూ ఓ వీడియోను మంత్రి ట్విటర్‌లో పోస్ట్ చేశారు. 
తెలంగాణ ప్రభుత్వం సకాలంలో మెడికల్ కాలేజీల కోసం దరఖాస్తు చేసుకోలేదంటూ గవర్నర్ తమిళిసై సౌందర రాజన్ (Governor Tamilisai Soundararajan) ట్వీట్‌ చేశారు. దీనిపై స్పందించిన హరీశ్ రావు ఈ అంశంపై వరుస ట్వీట్లు చేశారు. మెడికల్ కాలేజీల కేటాయింపులో కేంద్ర మంత్రులు పొంతన లేని వ్యాఖ్యలు చేస్తున్నారని మండిపడ్డారు. 



ఒకరు తెలంగాణ మెడికల్ కాలేజీలు కావాలని కోరలేదంటే... మరొకరు ప్రైవేటు మెడికల్ కాలేజీలున్న ఖమ్మం, కరీంనగర్‌లో కొత్త కాలేజీల కోసం దరఖాస్తు చేసుకోవటం వల్లే కొత్తవి మంజూరు చేయలేదంటున్నారని మండిపడ్డారు. ఈ మేరకు కేంద్రమంత్రి నిర్మలా సీతారామన్ (Nirmala Sitharaman) చేసిన వ్యాఖ్యలకు సంబంధించిన వీడియోని సైతం మంత్రి ట్వీట్‌కు జతచేశారు. ప్రతి లక్ష మందికి 19 మెడికల్ సీట్లతో తెలంగాణ దేశంలోనే అగ్రస్థానంలో ఉందన్న హరీశ్ రావు.. జిల్లాకో మెడికల్ కాలేజీ ఉండాలన్న లక్ష్యంతోనే సీఎం కేసీఆర్... రాష్ట్ర నిధులతో 12 మెడికల్ కాలేజీలు ఏర్పాటు చేశారన్నారు. కేంద్రం, గవర్నర్ అనవసరంగా విమర్శలు చేసే బదులుగా ఒకే రోజు 8 మెడికల్ కాలేజీలు ప్రారంభించిన తెలంగాణను అభినందించాలన్నారు. 

బీబీనగర్ ఎయిమ్స్‌కి నిధుల కొరత ఉందన్న హరీశ్‌రావు.. దేశవ్యాప్తంగా ఎయిమ్స్ వృద్ధి కోసం రూ.1,365 కోట్లు మంజూరు చేస్తే అందులో తెలంగాణకు మాత్రం కేవలం రూ.156 కోట్లే కేటాయించటానికి గల కారణం ఏంటని ప్రశ్నించారు. గుజరాత్ ఎయిమ్స్‌కి 52 శాతం , తెలంగాణ 11.4 శాతం నిధులు ఇచ్చిన కేంద్రం.. తెలంగాణపై బురదజల్లే ప్రయత్నం చేస్తోందని మండిపడ్డారు. తెలంగాణ గవర్నర్ తన పంథాను మార్చుకొని... ట్రైబల్ యూనివర్సిటీ, రైల్ కోచ్‌లు ఇచ్చేలా కేంద్ర ప్రభుత్వంపై ఒత్తిడి తీసుకువస్తే రాష్ట్ర ప్రజలకు మేలు చేసిన వారవుతారని హరీశ్‌రావు పేర్కొన్నారు.

మోదీకి కేసీఆర్‌ సహా 9 మంది ప్రతిపక్ష నేతల లేఖ


దిల్లీ: మద్యం కుంభకోణం కేసులో దిల్లీ మాజీ ఉపముఖ్యమంత్రి మనీశ్‌ సిసోదియా అరెస్టును ఖండిస్తూ ప్రధాని నరేంద్ర మోదీకి తొమ్మిది మంది ప్రతిపక్ష నేతలు లేఖ రాశారు. 

దేశం ప్రజాస్వామ్యం నుంచి నిరంకుశత్వం వైపు పయనిస్తోందని నేతలు ధ్వజమెత్తారు. ప్రతిపక్షాలపై ఇలాంటి చర్యలు నిరంకుశత్వానికి నిదర్శనమని మండిపడ్డారు. 



లేఖ రాసిన వారిలో దిల్లీ సీఎం కేజ్రీవాల్‌, తెలంగాణ సీఎం కేసీఆర్‌, భగవంత్‌ మాన్‌, మమతా బెనర్జీ, ఉద్ధవ్‌ ఠాక్రే, ఫరూక్‌ అబ్దుల్లా, శరద్‌ పవార్‌, అఖిలేశ్, తేజస్వి యాదవ్‌ ఉన్నారు. ప్రజాస్వామ్యంలో ప్రజల అధికారాలు, ఆకాంక్షలే అన్నిటికంటే కీలకమన్నారు. ప్రజలు ఇచ్చిన తీర్పును శిరసావహించాలని పేర్కొన్నారు.

కోమటిరెడ్డి వెంకట్ రెడ్డి పై నల్గొండ వన్ టౌన్ పోలీస్టేషన్ లో పిర్యాదు...
  నల్లగొండ వన్ టౌన్ పోలీస్ స్టేషన్ లో సి.ఐ గోపి గారికి డాక్టర్ చెరుకు సుధాకర్ గారి కుమారుడు డాక్టర్ చెరుకు సువాహస్..భువనగిరి పార్లమెంటు సభ్యులు కోమటిరెడ్డి వెంకటరెడ్డి గారి పై ఫిర్యాదు చేయడం జరిగింది ఈ సందర్భంగా డాక్టర్ చెరుకు సువాస్,తిప్పర్తి మాజీ జడ్పిటిసి తండు సైదులు గౌడ్ మాట్లాడుతూ తక్షణమే వెంకట్ రెడ్డి గారిని అరెస్టు చేయాలని..ప్రభుత్వం వారి కుటుంభానికి రక్షణ కల్పించాలని విజ్ఞప్తి చేయడం జరిగింది..

కోమటిరెడ్డి వెంకట్ రెడ్డి పై నల్గొండ వన్ టౌన్ పోలీస్టేషన్ లో పిర్యాదు...
కోమటిరెడ్డి వెంకట్ రెడ్డి పై నల్గొండ వన్ టౌన్ పోలీస్టేషన్ లో పిర్యాదు...

నల్లగొండ వన్ టౌన్ పోలీస్ స్టేషన్ లో సి.ఐ గోపి గారికి డాక్టర్ చెరుకు సుధాకర్ గారి కుమారుడు డాక్టర్ చెరుకు సువాహస్..భువనగిరి పార్లమెంటు సభ్యులు కోమటిరెడ్డి వెంకటరెడ్డి గారి పై ఫిర్యాదు చేయడం జరిగింది.

ఈ సందర్భంగా డాక్టర్ చెరుకు సువాస్, తిప్పర్తి మాజీ జడ్పిటిసి తండు సైదులు గౌడ్ మాట్లాడుతూ తక్షణమే వెంకట్ రెడ్డి గారిని అరెస్టు చేయాలని..ప్రభుత్వం వారి కుటుంభానికి రక్షణ కల్పించాలని విజ్ఞప్తి చేయడం జరిగింది..