యాదగిరిగుట్ట శ్రీ లక్ష్మీనరసింహస్వామి హర్షిక బ్రహ్మోత్సవాలకు ముహూర్తం ఖరారు అయింది
యాదగిరిగుట్ట శ్రీ లక్ష్మీనరసింహస్వామి హర్షిక బ్రహ్మోత్సవాలకు ముహూర్తం ఖరారు అయింది
Streetbuzz news :నల్గొండ జిల్లా :
యాదగిరిగుట్ట; యాదగిరిగుట్ట లక్ష్మీనరసింహస్వామి వార్షిక బ్రహ్మోత్సవాలకు ముహూర్తం ఖరారైంది ఈ నెల 21 మాఘ శుద్ధ పాడ్యమిన స్వస్తివాచనం, అంకురారోపణం, విష్వక్సేనారాధన, రక్షాబంధనంతో ఉత్సవాలకు శ్రీకారం చుట్టనున్నారు. మార్చి 3 వరకు అత్యంత వైభవోపేతంగా సాగే వేడుకల్లో 27న ఎదుర్కోలు, 28న స్వామివారి తిరుకల్యాణోత్సవం, మార్చి ఒకటిన దివ్య విమాన రథోత్సవం నిర్వహించనున్నారు. నాలుగు రోజులపాటు అలంకార సేవలు చేపట్టనున్నారు. కల్యాణోత్సవంలో ముఖ్యమంత్రి కేసీఆర్‌ దంపతులు పాల్గొని, రాష్ట్ర ప్రభుత్వం తరఫున స్వామి, అమ్మవారికి పట్టువస్ర్తాలు సమర్పించనున్నారు. సీఎం కేసీఆర్‌ సంకల్పంతో రూ. 1,250 కోట్లతో మహాద్భుతంగా రూపుదిద్దుకున్న ప్రధానాలయం పునఃప్రారంభం అనంతరం వస్తున్న తొలి బ్రహ్మోత్సవాలు అవడంతో కనీవినిఎరుగని రీతిలో నిర్వహించనున్నట్లు ఆలయ ఇన్‌చార్జి ఈఓరామకృష్ణారావు తెలిపారు. అందుకోసం రాష్ట్ర ప్రభుత్వం రూ.1.50 కోట్ల నిధులు కేటాయించినట్లు వెల్లడించారు. కల్యాణోత్సవాన్ని గతంలో మాదిరి కాకుండా ఈసారి కొండపైన తిరుమాఢవీధుల్లో నిర్వహించనున్నట్లు చెప్పారు. 10 వేల మంది భక్తులు కూర్చుని వీక్షించే విధంగా ఏర్పాట్లు చేయనున్నట్లు మంగళవారం విలేకరుల సమావేశంలో వివరించారు.

కొండపైనే స్వామివారి తిరు కల్యాణం 

ప్రధానాలయం ప్రాంగణంలోనే స్వామి, అమ్మవార్ల తిరు కల్యాణోత్సవం చేపట్టనున్నారు. ప్రధానాలయం ఉత్తర ప్రాంతంలోని వాయుదిశలో నిర్మించిన లిఫ్ట్‌, రథశాల ప్రాంతంలో కల్యాణోత్సవం నిర్వహించనున్నారు. 28న రాత్రి 8 గంటలకు తిరు కల్యాణోత్సవం జరుపనుండగా అదే రోజు ఉదయం 9 గంటలకు శ్రీరామ అలంకారం(హనుమంత సేవ), రాత్రి 8 గంటల నుంచి గజవాహన సేవ నిర్వహించనున్నారు. ఇందుకోసం 56 ఫీట్ల పొడవు, 28 ఫీట్ల వెడల్పుతో ప్రత్యేక కల్యాణ మండపాన్ని ఏర్పాటు చేస్తున్నారు. కల్యాణ మండపం ఎదురుగా ఉత్తర మాఢ వీధుల్లో 10 వేల మంది భక్తులు కూర్చునే విధంగా వసతులు కల్పించనున్నారు. వీవీఐపీ, వీఐపీలతోపాటు కల్యాణంలో పాల్గొనే భక్తులు, అర్చకులు, డోనర్లు, మీడియా కోసం ప్రత్యేకమైన లాబీలు ఏర్పాటు చేస్తున్నారు. భక్తులకు కల్యాణతంతు స్పష్టంగా కనినిపించే విధంగా 8 ఎల్‌ఈడీ స్క్రీన్లను బిగించనున్నారు. స్వామివారి కల్యాణం చేయించుకునే భక్తులకు రూ. 3,000 టికెట్‌ ధరను నిర్ణయించారు. కల్యాణం అనంతరం దాతలకు శేష వస్త్రంగా ఒక ఉత్తరీయం, కనుము, అభిషేకం లడ్డూ, 2 వడలు ప్రసాదంగా ఇవ్వనున్నారు. గతంలో స్వామివారి కల్యాణం ఉదయం కొండకింద పాత హైస్కూల్‌ మైదానంలో నిర్వహించేవారు. పునర్నిర్మాణం అనంతరం ప్రధానాలయంతోపాటు ఆలయ మాఢ వీధులు విశాలంగా ఉండడంతో ఈసారి బ్రహ్మోత్సవాలను కొండపైనే నిర్వహిస్తున్నారు.

కల్యాణోత్సవంలో పాల్గొననున్న ప్రముఖులు 

స్వయంభూ ప్రధానాలయంలో ఈ నెల 28న రాత్రి 8 జరిగే తిరు కల్యాణ మహోత్సవంలో ముఖ్యమంత్రి కేసీఆర్‌ దంపతులు పాల్గొననున్నట్లు ఆలయ ఇన్‌చార్జి ఈఓ రామకృష్ణరావు తెలిపారు. రాష్ట్ర దేవాదాయ శాఖ మంత్రి అలోల ఇంద్రకరణ్‌రెడ్డి, విద్యుత్‌శాఖ మంత్రి గుంటకండ్ల జగదీశ్‌రెడ్డి, ప్రభుత్వవిప్‌ గొంగిడి సునీతామహేందర్‌రెడ్డి దంపతులు, మంత్రులు, ఎంపీలు, ఎమ్మెల్సీలు, ఎమ్మెల్యేలు, ప్రజాప్రతినిధులు హాజరుకానున్నారు.

కొండపైకి 10 నిమిషాలకో బస్సు 

బ్రహ్మోత్సవాలకు బస్సు మార్గంలో వచ్చే భక్తులకు ఆటంకం కలుగకుండా ఆర్టీసీ అధికారులు చర్యలు తీసుకుంటున్నారు. హైదరాబాద్‌తోపాటు నల్లగొండ, వివిధ ప్రాంతాల నుంచి నుంచి భక్తులు ఎక్కువగా వస్తారని ఆలయ అధికారులు అంచనా వేస్తున్నారు. హైదరాబాద్‌- సికింద్రాబాద్‌ నుంచి ప్రతి అరగంటకు గుట్టకు ఒక బస్సు ఉన్నది. రాష్ట్రంలోని వివిధ డిపోల నుంచి కూడా బస్సులు నడుస్తున్నాయి. బ్రహ్మోత్సవాల్లో భాగంగా యాదగిరిగుట్ట బస్టాండ్‌ నుంచి కొండపైకి ప్రతి 10 నిమిషాలకు ఒక బస్సును అందుబాటులోకి తీసుకురానున్నారు. ఇప్పటికే 4 బస్సులు కొండపైకి నడుస్తుండగా అదనంగా మరో 3 బస్సులను ఏర్పాటు చేయనున్నారు.

మొక్కు సేవలు రద్దు 

యాదగిరీశుడి బ్రహ్మోత్సవాలను దృష్టిలో ఉంచుకుని ఈ నెల 21 నుంచి 3 వరకు నిత్య కల్యాణం, బ్రహ్మోత్సవం, సుదర్శన నారసింహ హోమం, మొక్కు సేవలను రద్దు చేస్తున్నట్లు ఆలయ ఇన్‌చార్జి ఈఓ రామకృష్ణ తెలిపారు. స్వామివారి రాత్రి నివేదన అర్చన తదుపరి 8.15 నుంచి 9.00 గంటల వరకు బలిహరణ, ఆరగింపు రద్దు చేయనున్నారు. 21వ తేదీ నుంచి మార్చి 3 సాయంత్రం వరకు భక్తులతో నిర్వహించే అర్చనలు, బాలభోగాలు నిలిపివేస్తున్నట్లు తెలిపారు. 27 నుంచి మార్చి 1 వరకు అభిషేకం, అర్చనలు రద్దు చేయనున్నట్లు చెప్పారు.

విష్ణు పుష్కరిణిలో చక్రతీర్థం 

ఆలయ పునర్నిర్మాణంలో మరో అద్భుత కట్టడం విష్ణు పుష్కరిణి. కొండపైన క్యూ కాంప్లెక్స్‌ పక్కన రూ. 5.3 కోట్లతో దీనిని నిర్మించారు. పొడవు 19 మీటర్లు, వెడల్పు 21 మీటర్ల వెడల్పుతో మండపంతో నిర్మించిన పుష్కరిణిలో చక్రతీర్థ స్నానం నిర్వహించనున్నారు. చక్రతీర్థం అనంతరం స్వామివారికి వినియోగించిన శుద్ధ జలాలను ప్రచారం రథంతో ఊరేగింపుగా వెళ్లి కొండకింద లక్ష్మీ పుష్కరిణిలో కలుపుతారు. అనంతరం లక్ష్మీ పుష్కరిణిలో భక్తులకు పుణ్యస్నానాలకు అనుమతినిస్తారు.

వైభవంగా నిర్వహించేందుకు ఏర్పాట్లు 

ఆలయాన్ని విశాలంగా కృష్ణ శిలలతో మహాద్భుతంగా నిర్మించారు. ఎంత మంది భక్తులు వచ్చినా ఇబ్బంది లేకుండా మాఢ వీధులను తీర్చిదిద్దారు. ఆలయ పునర్నిర్మాణం తర్వాత మొదటిసారిగా జరిగే బ్రహ్మోత్సవాలు కనివినీ ఎరుగని రీతిలో నిర్వహించాలని ఆలయ అధికారులు ఏర్పాట్లలో నిమగ్నమయ్యారు. ఆలయాన్ని వివిధ రకాల పూలు, విద్యుత్‌ దీపాలతో అలంకరించనున్నారు. ఆలయ ప్రధాన రహదారుల్లో లైటింగ్‌తో కూడిన స్వాగత తోరణాలు బిగించనున్నారు. ఇందుకు కావాల్సిన టెండర్‌ ప్రక్రియను పూర్తి చేశారు.

వైటీడీఏ ఆధ్వర్యంలో సాంస్కృతిక కార్యక్రమాలు 

బ్రహ్మోత్సవాల సందర్భంగా వైటీడీఏ ఆధ్వర్యంలో సాంస్కృతిక కార్యక్రమాలు నిర్వహించనున్నారు. ఇందుకోసం తూర్పు మాఢ వీధుల్లోని బ్రహ్మోత్సవ మండపం వద్ద ప్రత్యేక వేదికను ఏర్పాటు చేయనున్నారు. 24 నుంచి 27 వరకు ఉత్సవాలు అత్యంత వైభవంగా కొనసాగనున్నాయి. దీంతో పాటు వీఐపీ వాహనాల పార్కింగ్‌ ప్రాంతంలో దేవస్థానం ఆధ్వర్యంలో 26 నుంచి ఉదయం, సాయంత్రం సాంస్కృతిక, ధార్మిక, సంగీత, సాహిత్య సభలు ఉంటాయని ఆలయ డీఈఓ భాస్కర్‌శర్మ వెల్లడించారు.

రూ.1.50 కోట్లు కేటాయింపు 

గతేడాది బ్రహ్మోత్సవాలకు రూ. 72 లక్షల ఖర్చు వచ్చింది. ఈ సారి వేడుకలను వైభవంగా నిర్వహించేందుకు ప్రభుత్వం రూ. 1.50 కోట్లు కేటాయించింది. ఇందులో రూ.50 లక్షలు ప్రధానాలయం, పురవీధులు, కొండకింద గల ప్రధాన రహదారి, పాత బస్టాండ్‌తోపాటు వివిధ ప్రాంతాల్లో డెకరేషన్‌ లైటింగ్‌కు వినియోగించనున్నారు. మరో రూ. 20 లక్షలు పూలు కొనుగోలు చేయనున్నారు. మరో రూ. 80 లక్షలు బ్రహ్మోత్సవాల్లో వివిధ కార్యక్రమాలకు ఖర్చు చేయనున్నారు. ఈసారి చలువ పందిళ్లు, సౌండ్‌ సిస్టమ్‌ ఏర్పాటు చేయనున్నారు.

మాఢవీధుల్లో అలంకార సేవలు 

బ్రహ్మోత్సవాల్లో భాగంగా అలంకార సేవలు ఈ నెల 23న ఉదయం 9 గంటలకు మత్స్యాలంకారంతో ప్రారంభం కానున్నాయి. మార్చి 1న ఉదయం 9 గంటలకు మహావిష్ణువు అలంకారంపై గరుఢ వాహన సేవతో సేవలు ముగుస్తాయి. మొదటి ప్రాకార మండపంలో స్వామివారి సేవలను అలంకరించనున్నారు. సేవలను ఉత్తర రాజగోపురం గుండా మాఢవీధుల్లో ఊరేగిస్తారు. అక్కడి నుంచి తూర్పు రాజగోపురం ఎదురుగా ఏర్పాటు చేసిన ఆస్థానం వద్ద భక్తులకు దర్శన భాగ్యం కల్పిస్తారు. అక్కడి నుంచి దక్షిణ భాగం మాఢ వీధుల గుండా పశ్చిమ రాజగోపురం, ఉత్తర గోపురం నుంచి సేవను లోపలికి ప్రవేశింపజేస్తారు.

*19న శివాజీ జయంతి ర్యాలీని విజయవంతం చేయండి*
19న శివాజీ జయంతి ర్యాలీని విజయవంతం చేయండి
Streetbuzz news : నల్గొండ జిల్లా :
ఈనెల 19వ తేదీన హిందూ వాహిని ఆధ్వర్యంలో నిర్వహించబోయే హిందూ సామ్రాట్ ఛత్రపతి శివాజీ మహారాజ్ జయంతి బైక్ ర్యాలీని పురస్కరించుకొని ఈరోజు రామగిరి రామాలయంలో వాల్ పోస్టల్ ఆవిష్కరించడం జరిగింది.
 హిందూ వాహిని ఉమ్మడి జిల్లా ప్రముఖ్ సంగపాక రాంబాబు గారు మాట్లాడుతూ ఈ ఆదివారం 19వ తేది సాయంత్రం 4.00 గంటలకు స్థానిక రామగిరి రామాలయం నుండి బైక్ ర్యాలీ ప్రారంభం అయితుందని, ఈ ర్యాలీలో సంఘ వివిధ క్షేత్ర ప్రముఖులు పెద్దలు ,కార్యకర్తలు మరియు హిందూ బంధువులందరూ ఈ ర్యాలీలో పాల్గొని విజయవంతం చేయాలని, అదేవిధంగా రాజకీయాలకు అతీతంగా ప్రతి ఒక్క హిందూ సోదరులు పాల్గొనాలని పిలుపునిచ్చారు..
ఈ కార్యక్రమంలో జిల్లా అధ్యక్షులు పెద్ద బోయిన రామకృష్ణ, ఉపాధ్యక్షుడు గండికోట రాజు, ఉపాధ్యక్షుడు తారల నరేష్, జిల్లా కమిటీ మెంబర్ దొండ నరేందర్, ఉపాధ్యక్షుడు పందిరి మాధు, గురు, సతీష్ ,హరి ,తదితరులు పాల్గొన్నారు.

కల సాకారం.. కడప స్టీల్‌ప్లాంట్‌కు సీఎం జగన్‌ భూమిపూజ
కల సాకారం.. కడప స్టీల్‌ప్లాంట్‌కు సీఎం జగన్‌ భూమిపూజ
Streetbuzz news :
అమరావతి: వైఎస్సార్‌ జిల్లాలో ముఖ్యమంత్రి వైఎస్‌ జగన్‌మోహన్‌రెడ్డి పర్యటిస్తున్నారు. జమ్మలమడుగు మండలం సున్నపురాళ్ళపల్లెలో జేఎస్‌డబ్ల్యూ స్టీల్‌ప్లాంట్‌ నిర్మాణానికి సీఎం జగన్‌ భూమిపూజ చేశారు.
అనంతరం స్టీల్‌ప్లాంట్‌ నమూనాను సీఎం పరిశీలించారు. స్టీల్‌ ప్లాంట్‌ మౌలిక సదుపాయాలపై జరిగే సమావేశంలో పాల్గొంటారు. తర్వాత అక్కడి నుంచి బయలుదేరి పులివెందుల చేరుకుంటారు.

Godavari Express: పట్టాలు తప్పిన గోదావరి ఎక్స్‌ప్రెస్‌.. తప్పిన పెనుముప్పు.  
Godavari Express: పట్టాలు తప్పిన గోదావరి ఎక్స్‌ప్రెస్‌.. తప్పిన పెనుముప్పు.
బీబీనగర్‌: విశాఖపట్నం నుంచి హైదరాబాద్‌ వెళ్తున్న గోదావరి ఎక్స్‌ప్రెస్‌ (12727) (Godavari Express)కు పెను ముప్పు తప్పింది..
మేడ్చల్‌ జిల్లా ఘట్‌కేసర్‌ రైల్వేస్టేషన్‌ పరిధిలోని ఎన్‌ఎఫ్‌సీ నగర్‌ సమీపంలో ఈ రైలు పట్టాలు తప్పింది. నాలుగు బోగీలు పట్టాల నుంచి పక్కకు జరిగాయి. దీంతో అందులోని ప్రయాణికులు ఒక్కసారిగా భయాందోళనకు గురయ్యారు. అయితే ప్రమాదమేమీ లేదని తెలుసుకుని ఊపిరి పీల్చుకున్నారు. గోదావరి ఎక్స్‌ప్రెస్‌ పట్టాలు తప్పడంతో కాజీపేట-సికింద్రాబాద్‌ మార్గంలో రైళ్ల రాకపోకలకు అంతరాయం ఏర్పడింది. అనంతరం రైల్వే సిబ్బంది ట్రాక్ పునరుద్ధరణ పనులు చేపట్టారు.
రైలు వేగం తక్కువగా ఉండటంతో ఎలాంటి ప్రాణహాని, గాయాలు కాలేదని.. ప్రయాణికులంతా సురక్షితంగా ఉన్నట్లు రైల్వేశాఖ అధికారులు తెలిపారు. ఎస్‌-1, ఎస్‌-4, జీఎస్‌, ఎస్‌ఎల్‌ఆర్‌ కోచ్‌లు పట్టాలు తప్పినట్లు దక్షిణ మధ్య రైల్వే తెలిపింది. పట్టాలు తప్పిన బోగీలను వేరు చేశామని.. అదే రైలులో ప్రయాణికులను పంపిస్తున్నట్లు వెల్లడించింది. 

ఎల్ ఓ సి చెక్కును అందజేసిన. నకిరేకల్  ఎమ్మెల్యే చిరుమర్తి*    
 ఎల్ ఓ సి చెక్కును అందజేసిన. నకిరేకల్ ఎమ్మెల్యే చిరుమర్తి   
Streetbuzz news: నల్గొండ జిల్లా:
చిట్యాల మండల కేంద్రానికి చెందిన యం. మల్లయ్య కి సీఎం సహాయ నిధి పధకం కింద మంజూరైన రూ. 1లక్ష రూపాయల ఎల్ ఓ సి ని నకిరేకల్ ఎమ్మెల్యే చిరుమర్తి లింగయ్య బుధవారం మండల కేంద్రంలో కుటుంబ సభ్యులకు అందజేశారు. 

రామన్న పేట మండలం వెల్లంకి ఎంపీటీసీ తిమ్మాపురం మహేందర్ రెడ్డి పుట్టిన రోజు సందర్బంగా కేక్ కట్ చేసి శుభాకాంక్షలు తెలియజేసిన నకిరేకల్ ఎమ్మెల్యే చిరుమర్తి లింగయ్య,

Ap :ఇంటర్ ఫస్టియర్ విద్యార్థులకు ఆ రెండు పరీక్షలు నేడు, ఎల్లుండి 
ఇంటర్ ఫస్టియర్ విద్యార్థులకు ఆ రెండు పరీక్షలు నేడు, ఎల్లుండి 
Streetbuzz news :
అమరావతి,*: ఇంటర్ ఫస్టియర్ విద్యార్ధులు తప్పనిసరిగా క్వాలిఫై కావాల్సిన ఎథిక్స్ అండ్ హ్యుమన్ వాల్యూస్ పరీక్ష, ఎన్విరాన్మెంటల్ ఎడ్యుకేషన్ < పరీక్షను బుధ, శుక్రవారాల్లో నిర్వహిస్తున్న ఇంటర్ బోర్డు తెలిపింది. ఈ రెండు పరీక్షల్లో ఇంటర్ ఫస్టియర్ విద్యార్ధులు తప్పనిసరిగా క్వాలిఫై కావాలని పేర్కొంది. ఈ పరీక్షలను పబ్లిక్ ఎగ్జామీనేషన్స్ రిజిస్టర్డ్ నెంబర్స్తో జరుపుతామని, ఆ నెంబర్లను ఇప్పటికే ప్రిన్సిపాళ్లకు పంపించామని తెలిపింది. ఫస్టియర్లో ఈ పరీక్షల్లో తప్పిన వారు, లేక రాయలేకపోయిన సెకండీయర్ విద్యార్ధులు తమ పాత హాల్ టిక్కెట్ నెంబర్లతో ఈ పరీక్షలు రాయాల్సి ఉంటుంది. ఈ పరీక్షల్లో పాసయితేనే ఇంటర్ పాసైనట్లు సర్టిఫికెట్ ఇస్తారు. సెకండియర్ విద్యార్ధులకు ఈ పరీక్షలు రాసేందుకు ఎటువంటి పరీక్ష ఫీజు లేదు.

కడప జిల్లా..  నేడు జిల్లాలో రాష్ట్ర ముఖ్యమంత్రి వైయస్ జగన్మోహన్ రెడ్డి పర్యటన..
కడప జిల్లా..
నేడు జిల్లాలో రాష్ట్ర ముఖ్యమంత్రి వైయస్ జగన్మోహన్ రెడ్డి పర్యటన..
జమ్మలమడుగు నియోజకవర్గంలోని సున్నపురాళ్లపల్లి లో స్టీల్ ప్లాంట్ నిర్మాణానికి కొబ్బరికాయ కొట్టనున్న సీఎం..
జమ్మలమడుగు నియోజకవర్గ పరిధిలోని కన్యతీర్ధం వద్ద ఏర్పాటు చేస్తున్న జిందాల్ స్టిల్ కంపెనీ పరిశ్రమ ...

గన్నవరం విమానాశ్రయం నుంచి ప్రత్యేక విమానం ద్వారా కడపకు రానున్న సీఎం..

అనంతరం నేరుగా స్టీల్ ప్లాంట్ శంకుస్థాపన ప్రాంగణానికి రానున్న సీఎం...

జిందాల్ స్టీల్ ప్లాంట్ నిర్మాణానికి సంబంధించి భూమి పూజ కార్యక్రమంలో పాల్గొననున్న ముఖ్యమంత్రి వైయస్ జగన్..

అనంతరం కంపెనీ ప్రతినిధులతో సమావేశం..

అనంతరం అక్కడి నుండి నేరుగా పులివెందులకు చేరుకొని ఓ ప్రైవేట్ ఫంక్షన్ లో పాల్గొననున్న ముఖ్యమంత్రి..

తర్వాత కడప విమానాశ్రయం చేరుకుని గన్నవరం బయలుదేరి వెళ్లనున్న ముఖ్యమంత్రి

బీబీనగర్ వద్ద పట్టాలు తప్పిన గోదావరి ఎక్స్‌ప్రెస్*
బీబీనగర్ వద్ద పట్టాలు తప్పిన గోదావరి ఎక్స్‌ప్రెస్
Streetbuzz news : నల్గొండ జిల్లా :
గోదావరి ఎక్స్‌ప్రెస్‌కు పెను ప్రమాదం తప్పింది. ఆంధ్రప్రదేశ్‌లోని విశాఖ నుంచి హైదరాబాద్‌ వస్తుండగా.. మేడ్చల్‌-మల్కాజిగిరి జిల్లా ఘట్‌కేసర్‌ రైల్వేస్టేషన్‌ పరిధిలోని ఎన్‌ఎఫ్‌సీ నగర్‌ సమీపంలో ట్రైన్‌ పట్టాలు తప్పింది. మొత్తం 4 బోగీలు పట్టాల నుంచి పక్కకు జరిగాయి. ఊహించని ఘటనతో రైలులోని ప్రయాణికులంతా భయాందోళనకు గురయ్యారు. ఏం జరుగుతుందో తెలియక హాహాకారాలు చేశారు. రైలు వేగం తక్కువగానే ఉండటంతో లోకో పైలట్‌ వెంటనే ట్రైన్‌ను నిలిపివేశాడు. దీంతో ప్రయాణికులంతా రైలులోంచి కిందకు దిగేశారు.ప్రమాదంలో పలువురు స్వల్పంగా గాయపడ్డారు. బోగీలు పట్టాలు తప్పినప్పటికీ.. కిందపడకపోవడంతో ప్రాణాలతో బయటపడ్డామని ప్రయాణికులు వెల్లడించారు. ఘటనలో అందరూ సురక్షితంగా బయటపడ్డట్లు రైల్వే అధికారులు వెల్లడించారు. ప్రయాణికులందరినీ గమ్యస్థానాలకు చేర్చినట్లు తెలిపారు. ఇదిలా ఉండగా.. ప్రమాదంతో ఆ మార్గంలో వెళ్లే రైళ్ల రాకపోకలకు అంతరాయం ఏర్పడింది.

సైకిల్ తొక్కండి ఆరోగ్యాన్ని మెరుగుపరచుకొని ప్రకృతిని కాపాడండి   పెద్దపళ్ల పీహెచ్సీ వైద్యులు డాక్టర్ భవాని శంకర్..
సైకిల్ తొక్కండి ఆరోగ్యాన్ని మెరుగుపరచుకొని ప్రకృతిని కాపాడండి 
పెద్దపళ్ల పీహెచ్సీ వైద్యులు డాక్టర్ భవాని శంకర్..
Streetbuzz news :
భారత ప్రభుత్వం ఆరోగ్య మరియు కుటుంబ సంక్షేమ మంత్రిత్వ శాఖ వారి నేతృత్వంలో అంబేద్కర్ కోనసీమ జిల్లా ఆలమూరు మండలం పెదపళ్ల పీహెచ్సీ పరిధిలో డాక్టర్ భవాని శంకర్ ఆధ్వర్యంలో సైకిల్ తొక్కండి ఆరోగ్యాన్ని మెరుగుపరచుకొని ప్రకృతిని కాపాడండి అనే కార్యక్రమం ద్వారా మంగళవారం మండలంలోని పలు గ్రామాలలో ఏఎన్ఎం,ఆశ వర్కర్లు సహకారంతో సైకిల్ ర్యాలీ నిర్వహించారు.ఈ సందర్భంగా హెల్త్ సూపర్వైజర్ పీవీ రమణారావు మాట్లాడుతూ శారీరక వ్యాయామంతో పాటు సైకిల్ తొక్కి ఆరోగ్యం,శారీర దృఢత్వం రక్షించుకోవాలని తెలియజేసి మోటార్ వాహనాలకు బదులుగా సైకిల్ తొక్కడం వల్ల ఆరోగ్యం మెరుగు చెందడమే కాకుండా వాతావరణ కాలుష్యాన్ని నివారించి ప్రకృతిని కాపాడుకోవచ్చని ఆయన తెలియజేశారు.అనంతరం వైద్య ఆరోగ్య మేలా కార్యక్రమాలు నిర్వహించి మధుమేహం(షుగర్),అధిక రక్తపోటు (బిపి),సీజనల్ వ్యాధులు వంటి వాటికి వైద్య పరీక్షలు నిర్వహించి ఉచిత మందులు పంపిణీ చేయడం జరిగింది.ఈ కార్యక్రమంలో కమ్యూనిటీ హెల్త్ ఆఫీసర్ వెంకటరత్నం,హెల్త్ విజిటర్ ఉమా,హెల్త్ ఎగ్జిక్యూటర్,ఎంహెచ్ఎల్పిలు, ఏఎన్ఎం,ఆశ వర్కర్లు,తదితరులు పాల్గొన్నారు.*

పరిశ్రమల స్థాపనకు పర్ఫెక్ట్ ప్లేస్ ఏపీ : ఏపీఐఐసీ ఛైర్మన్ మెట్టు గోవింద రెడ్డి*
పరిశ్రమల స్థాపనకు పర్ఫెక్ట్ ప్లేస్ ఏపీ : ఏపీఐఐసీ ఛైర్మన్ మెట్టు గోవింద రెడ్డి
మౌలిక సదుపాయాలతోనే పరిశ్రమలు తరలివస్తాయి
తక్కువ మాట్లాడి ఎక్కువ పని చేయడమే మా ధ్యేయం.
పని ఎక్కువ..ప్రచారం తక్కువ ఉండాలనేది ముఖ్యమంత్రి లక్ష్యం.
పరిశ్రమలకు అవసరమైన భూమి, నీరు, విద్యుత్ లకు ఏపీలో లోటు లేదు.
నైపుణ్య వనరులు పుష్కలం..అన్ని రంగాల్లో పెట్టుబడులకు అనుకూలం
బెంగళూరు పారిశ్రామిక సదస్సులో ఏపీఐఐసీ ఛైర్మన్ మెట్టు గోవింద రెడ్డి
జిల్లాకో ప్రత్యేకత ఉంది..ప్రాంతానికో ప్రాధాన్యత మాది
ఉద్యానవన పంటలకు రాయలసీమ చిరునామా
పారిశ్రామికవేత్తలకు కావలసిన పోర్టులు, ఎయిర్ పోర్టులు, రహదారుల వంటి వసతులున్నాయి