ఆర్థిక సహాయం అందజేసిన AJR  ఫౌండేషన్ అధినేత

 
 
  
  
యాదాద్రి భువనగిరి జిల్లా  వలిగొండ మండల పరిధిలోని రెడ్లరేపాక గ్రామానికి చెందిన సుక్క నర్సమ్మ తన రెండు కిడ్నీలు చెడిపోయి అనారోగ్యంతో బాధపడుతూ హైదరాబాదులోని మేడిపల్లి జెపి ఆసుపత్రిలో చికిత్స పొందుతున్నారు. విషయం తెలుసుకున్న ఏజెఆర్ ఫౌండేషన్ అధినేత ఎలిమినేటి జంగారెడ్డి ఆసుపత్రికి వెళ్లి నర్సమ్మ కుటుంబాన్ని పరామర్శించి,ఆరోగ్యంపై వైద్యులను అడిగి తెలుసుకున్నారు. అనంతరం రూ.10000/- ఆర్థిక సాయం అందజేశారు. ఈ సందర్భంగా ఆయన మాట్లాడుతూ కష్టాల్లో ప్రతి ఒక్కరికి తోడుగా నిలుస్తామన్నారు. ఈ కార్యక్రమంలో ఏజేఆర్ టీం సభ్యులు రెడ్ల రేపాక గ్రామ ప్రజలు తదితరులు పాల్గొన్నారు.
 

అడ్డ గూడూరు మండలంలో ప్రభుత్వ పాఠశాలల బంద్ విజయవంతం: AISF 

 
 
  
  
 విద్యాశాఖ మంత్రి లేకుండా సంవత్సరం పాలనా విద్యావ్యవస్థపై సమీక్షా ఏది? గురుకుల, సంక్షేమ హాస్టల్లు, జిల్లా పరిషత్, ప్రాథమిక పాఠశాలల్లో మధ్యాహ్న భోజనం నాణ్యత లేని కారణంగా రాష్ట్ర వ్యాపితంగా విద్యార్థులు ఫుడ్ ఫయిజాన్ తో అస్వస్థకు గురవుతున్నారు. వరుస ఘటనలపై ముఖ్యమంత్రి బాధ్యత వహించాలి రాష్ట్ర ప్రభుత్వ వైఖరిని నిరసిస్తూ వామపక్ష విద్యార్థి సంఘాలు (ఏఐఎస్ఎఫ్) నవంబర్ 30న ప్రభుత్వ పాఠశాలల బంద్ ఇచ్చిన పిలుపులో భాగంగా ఈరోజు అడ్డగూడూరు మండలం లో ఉన్నటువంటి ప్రభుత్వ పాఠశాలలు బంద్ చేయడం జరిగింది ఈ సందర్భంగా ఆయన మాట్లాడుతూ రాష్ట్రంలో ప్రభుత్వ పాఠశాలల్లో గురుకుల పాఠశాలల్లో, కేజీబీవీ మోడల్ స్కూల్ లలో వరసగా ఫుడ్ పాయిజన్ జరిగి విద్యార్థులు చనిపోతున్న రాష్ట్ర ప్రభుత్వం స్పందించకపోవడంపై విద్యాశాఖ మంత్రి లేకపోవడంపై ఏఐఎస్ఎఫ్ రాష్ట్ర కౌన్సిల్ ఆవేదన వ్యక్తం చేస్తుందని అన్నారు యాదాద్రి భువనగిరి జిల్లాలో మధ్యాహ్నం భోజనం అందజేస్తున్న సరిగా ఉడకక విద్యార్థులు అవస్థలు పడుతున్నారని నిన్న మోత్కూర్ మండల కేంద్రంలో విద్యార్థులు మధ్యాహ్న భోజనం తినలేక బయట హోటల్లో టిఫిన్ చేస్తున్న పరిస్థితిని చూసామని ఇలాంటి ఘటనలు జరగకుండా విద్యాశాఖ ఉన్నతాధికారులు స్థానిక ఎమ్మెల్యేలు చర్యలు తీసుకోవాలని ప్రభుత్వాన్ని డిమాండ్ చేశారు రాష్ట్ర ప్రభుత్వం వెంటనే విద్యాశాఖ మంత్రిని నియమించాలని విద్యా కమిషన్ ఏర్పాటు చేయాలని అన్నారు ఈ కార్యక్రమంలో ఏఐఎస్ఎఫ్ జిల్లా నాయకులు వంశి, సాయి తదితరులు పాల్గొన్నారు
 

జర్నలిస్ట్  నరేందర్  కి ఆర్థిక సహాయం అందజేసిన TJU జిల్లా అధ్యక్షులు మొహమ్మద్ షానూర్

 
 
  
  
యాదాద్రి భువనగిరి జిల్లా వలిగొండ మండలం గోపరాజుపల్లి గ్రామానికి చెందిన తెలంగాణ జర్నలిస్ట్ యూనియన్ జిల్లా కోశాధికారి నీలం నరేందర్ తల్లి గారు ఇటీవల అనారోగ్యంతో స్వర్గస్తులైనారు. విషయం తెలుసుకొని గురువారం రోజున *తెలంగాణ జర్నలిస్ట్ యూనియన్ యాదాద్రి భువనగిరి జిల్లా అధ్యక్షులు మొహమ్మద్.షానూర్ బాబా మరియు జిల్లా కమిటీ సభ్యులు కలిసి వారి ఇంటికి వెళ్లి పరమార్శించి, మనోధైర్యాన్ని కల్పిస్తూ రూ. 5000/- ఆర్థిక సహాయం వారికి అందజేశారు* ఈ సందర్భంగా వారు మాట్లాడుతూ జర్నలిస్టులకు తెలంగాణ జర్నలిస్టు యూనియన్ ఎల్లప్పుడు అండగా ఉంటుందని తెలిపారు. భవిష్యత్తులో వారి కుటుంబానికి అండగా ఉంటామని అన్నారు. ఈ కార్యక్రమానికి సహకరించిన టి జె యు సభ్యులందరికీ ధన్యవాదాలు తెలిపారు. ఈ కార్యక్రమంలో తెలంగాణ జర్నలిస్ట్ యూనియన్ జిల్లా కార్యదర్శి గుర్రాల నాగరాజు, జిల్లా మహిళా విభాగం కార్యదర్శి కంది చంద్ర కళ రెడ్డి,జిల్లా ఉపాధ్యక్షులు గుర్రం మల్లేష్, రవ్వ శివ,జిల్లా కార్యవర్గ సభ్యులు షేక్ అజీజ్ , విజయ్ పాల్గొన్నారు.
 

ఢిల్లీ సెంట్రల్ యూనివర్సిటీలో కౌన్సిలర్ గా ఎన్నికైన గోకారం కు చెందిన బైరు మణికంఠ గౌడ్,

 
 
  ఢిల్లీ యూనివర్సిటీలో జరిగిన సెంట్రల్ కౌన్సిలర్ ఎన్నికల్లో దక్షిణ భారతదేశ నుండి నిలిచి భారీ మెజార్టీతో గెలుపొందిన యాదాద్రి భువనగిరి జిల్లా వలిగొండ మండలం గోకారం గ్రామానికి చెందిన బైరు మణికంఠ గౌడ్ తండ్రి వెంకటేశం మంత్రి పొన్నం ప్రభాకర్ అభినందించారు. వీరితోపాటు ఏపీ పీసీసీ
  
మాజీ అధ్యక్షులు గిడుగు రుద్రరాజు, శ్రీనివాస్ తదితరులు ఉన్నారు. ఈ సందర్భంగా గోకారం గ్రామ ప్రజలు, బంధుమిత్రులు సంతోషం వ్యక్తం చేసి, శుభాకాంక్షలు తెలిపారు.
 

AJR  ఫౌండేషన్ ఆధ్వర్యంలో ఆర్థిక సహాయం అందజేత

 
 
  
  
యాదాద్రి భువనగిరి జిల్లా వలిగొండ మండలం లోని మొగిలి పాక గ్రామానికి చెందిన మచ్చ పాపయ్య  అనారోగ్యంతో మరణించారు. వారి కుటుంబ దీనస్థితిని తెలుసుకొని సమాచారం తెలిసిన వెంటనే  AJR ఫౌండేషన్ అధినేత ఎలిమినేటి జంగారెడ్డి రూ .5000వేలు రూపాయలు ఆర్థిక సాయం అందజేశారు. ఈ కార్యక్రమంలో మొగిలి పాక గ్రామ ప్రజలు, యువత ఏజేఆర్  టీం సభ్యులు పాల్గొన్నారు.
 

AJR  ఫౌండేషన్ ఆధ్వర్యంలో ఆర్థిక సహాయం

 
 
  
  
 యాదాద్రి భువనగిరి జిల్లా వలిగొండ మండల పరిధిలోని వెలువర్తి గ్రామానికి చెందిన బూడిద నరసింహ అనారోగ్యంతో ఇటీవల మృతి చెందగా సోమవారం మృతుని కుటుంబ సభ్యులకు ఏజేఆర్ ఫౌండేషన్ చైర్మన్ ఎలిమినేటి జంగారెడ్డి సహకారంతో ఐదు వేల రూపాయలను ఏజేఆర్ ఫౌండేషన్ సభ్యులు అందజేశారు. ఈ కార్యక్రమంలో మృతుని కుటుంబ సభ్యులు, గ్రామ ప్రజలు, ఏజేఆర్ ఫౌండేషన్ టీం సభ్యులు తదితరులు పాల్గొన్నారు.
 

విద్యుత్ పెండింగ్ సమస్యలు వెంటనే పరిష్కరించాలి:  కొడారి వెంకటేష్  వినియోగదారుల సంఘం జిల్లా అధ్యక్షులు 

 
 
  

  

  యాదాద్రి భువనగిరి  జిల్లాలో దీర్ఘకాలంగా అపరిష్కృతంగా ఉన్న విద్యుత్ వినియోగదారుల సమస్యలను వెంటనే పరిష్కరించాలని వినియోగదారుల సంఘం జిల్లా అధ్యక్షులు కొడారి వెంకటేష్ డిమాండ్ చేశారు. శనివారం భువనగిరి జిల్లా కేంద్రంలోని డివిజనల్ ఇంజనీర్ ఆఫ్ ఎలక్ట్రికల్ కార్యాలయం లో "విద్యుత్ వినియోగదారుల సమస్యల పరిష్కార వేదిక (ప్రత్యేక కోర్టు)" సమావేశం నిర్వహించారు. ఈ సందర్భంగా వినియోగదారుల సంఘం జిల్లా అధ్యక్షులు కొడారి వెంకటేష్ మాట్లాడుతూ భువనగిరి డీఈ కార్యాలయం లో "ఫ్యూజ్ ఆఫ్ కాల్ రిజిష్టర్" ను విద్యుత్ వినియోగదారులకు అందుబాటులోకి తేవాలని కోరారు. వినియోగదారుల సేవా కేంద్రం(సీ ఎస్ సీ)లో సేవల వివరాలను, గృహ అవసరాలకు (డొమెస్టిక్), వ్యాపారం (కమర్షియల్), వ్యవసాయ (అగ్రికల్చర్) అవసరాలకు కావలసిన మీటర్లకు డీడీ అమౌంట్, డీడీ ఎవరి పేరుమీద తీయాలి అనే వివరాలను పొందుపరచాలని ఆయన కోరారు. రూరల్ ఏఈ, పట్టణ ఏఈ , ఈ ఆర్ ఓ కార్యాలయాల పేర్లను సూచించే బోర్డులను ఏర్పాటు చేయాలని ఆయన డిమాండ్ చేశారు. కొందరు విద్యుత్ అధికారులు, విధులను సక్రమంగా నిర్వర్తించడం లేదని , సమయపాలన కూడా పాటించడం లేదని ఆయన ఆరోపించారు. విద్యుత్ వినియోగదారుల సమస్యల పరిష్కార వేదిక(ఈ సీ జి ఆర్ ఎఫ్) చైర్మన్ పి. నాగేశ్వరరావు మాట్లాడుతూ ఫ్యూజ్ ఆఫ్ కాల్ కొరకు 1912 నంబర్ ను ఉపయోగించాలని కోరారు. వేదిక ద్వారా ప్రతి నెలా సమావేశాలు నిర్వహిస్తూ, విద్యుత్ సమస్యలైన లో- ఓల్టేజ్, కొత్త కనెక్షన్స్ , మీటర్ బిల్లింగ్, పేరు మార్పు మొదలగు సమస్యలు పరిష్కారం చేస్తున్నామన్నారు. సిటిజన్ చార్టర్ లో పేర్కొన్న ప్రకారం సకాలంలో సేవలందిస్తామన్నారు. భువనగిరి వినియోగదారుల సేవా కేంద్రం లో వారం లోపు సూచికలు ఏర్పాటు చేయాలని, వివిధ కార్యాలయాల బోర్డులను కూడా ఏర్పాటు చేయాలని డీఈ ని ఆదేశించారు. ఈ సమావేశంలో విద్యుత్ వినియోగదారుల సమస్యల పరిష్కార వేదిక మెంబర్ ఫైనాన్స్ ఎస్. రామాంజనేయ నాయక్, యాదాద్రి భువనగిరి జిల్లా ఎస్ ఈ సుధీర్ కుమార్, డీ ఈ ఎస్. వెంకటేశ్వర్లు, ఎస్ ఏ ఓ లు బాలచంద్రుడు, శ్రీనివాసాచారి, ఏడీ లు ఆనంద్ రెడ్డి (భువనగిరి) మచ్చేంధర్ ( బీబీనగర్) రాజశేఖర్ ( ఆలేరు) బాలు (మోత్కూరు), ఏఈ , సాయికృష్ణ , వినియోగదారుల సంఘాల ప్రతినిధులు మాటూరి బాలేశ్వర్, పొలిశెట్టి అనిల్ కుమార్, విద్యుత్ వినియోగదారులు, విద్యుత్ సిబ్బంది పాల్గొన్నారు.
  

  

 

అరూరులో శ్రీ మల్లికార్జున గొర్రెల పెంపకం దారుల సహకార సంఘం నూతన కమిటీ ఎన్నిక

 
 
  
  
యాదాద్రి భువనగిరి జిల్లా వలిగొండ మండల పరిధిలోని అరూరు గ్రామంలోని శ్రీ మల్లికార్జున గొర్రెల పెంపకం దారుల సహకార సంఘం నూతన కమిటీని ఎన్నుకున్నారు. శ్రీ మల్లికార్జున గొర్రెల పెంపకం దారుల సహకార సంఘం నూతన అధ్యక్షులుగా కసర బోయిన లింగయ్య, ఉపాధ్యక్షులు జినుకల వెంకటేశం, కార్యదర్శి తుమ్మల సంతోష్ కుమార్, డైరెక్టర్లు మర్రి ముత్యాలు, బుర్ర అనిత , మోదాల సుధాకర్, చెముడాల మంజుల ఎన్నికైనారు. నూతనంగా ఎన్నికైన కమిటీ సభ్యులను ఘనంగా సన్మానించడం జరిగింది. ఈ కార్యక్రమంలో సహకార సంఘం పెద్దలు, సభ్యులు, తదితరులు పాల్గొన్నారు.
 

తెలంగాణ ములాయం సింగ్ యాదవ్ యూత్ బ్రిగ్రేడ్ రాష్ట్ర అధ్యక్షులు మేకల బాలు యాదవ్ ఆధ్వర్యంలో ములాయం సింగ్ యాదవ్ జయంతి వేడుకలు

 
 
  

  తెలంగాణ ములాయం సింగ్ యాదవ్ యూత్ బ్రిగేడ్ రాష్ర్ట అధ్యక్షులు మేకల బాలు యాదవ్ *కాకలుతీరిన యోధుడు నేడు ములాయం 85 వ జన్మదినం* అరవై ఏళ్ళ రాజకీయ జీవితం* ఎన్నికల బరిలో 18 సార్లు* తాతతండ్రులకు పెద్దగా ఆస్తులూ లేవు,చదువసంధ్యలు లేవు. అసలే కులాల సమాజం. అలాగని పెత్తందారీ కులమూ కాదు. దానికి తగ్గట్టుగా రహదారి కూడా లేని చిన్న పల్లెటూరు. ఇదిగో ఈ నేపథ్యంలో సాధారణ యాదవ కుల కుటుంబంలో 85 ఏళ్ళ క్రితం 1939 నవంబరు 22న జన్మించాడు ములాయం సింగ్ యాదవ్. బీసీ కులస్థుడైన ఆయన పుట్టిన ఊరు పేరు ఉత్తర ప్రదేశ్ లోని ఇటావా జిల్లా సేఫయీ. కనీసం బడి కూడా లేని పల్లె. తండ్రి షుగర్ సింగ్ కు ఐదుగురు కొడుకులు, ఒక కూతురులలో మూలయం మూడో సంతానం. చిన్న వ్యవసాయ కమతం, ఆవులు, గేదెలు వీటి సంరక్షణే ఆ తండ్రి జీవనవృత్తి. పిల్లలు కూడా పశువుల పెంపకంలో కొనసాగాలని ఆయన కోరుకున్నారు. కానీ బాలుడు ములాయం చదువుకుంటానని మారంచేసి విద్యాభ్యాసం చేశాడు. సమీపంలో ఉన్న పట్టణంలో డిగ్రీ పూర్తి చేసి ఉపాధ్యాయ వృత్తి చేయాలనే మమకారంతో బీయిడీ చేశాడు. కొద్ది కాలం పాఠాలు కూడా బోధించాడు. విద్యార్థిగా ఉంటూనే కుస్తీ పోటీల్లో పాల్గొని మల్లయోధుడుగా పేరొంది ఎక్కడ పోటీకెళ్ళినా ఆయనే విజేత. 14 ఏళ్ళ వయసులో 1953లో వ్యవసాయ నీటి పన్ను పెంపుదలకు వ్యతిరేకంగా సోషలిస్టు పార్టీ వ్యవస్థాపకుడు డాక్టర్ రామ్ మనోహర్ లోహియా చేపట్టిన ఆందోళనలో పాల్గొని అరెస్టయి నెల రోజులు జైల్లో ఉన్నాడు. అదిగో అలా రాజకీయ ప్రజాజీవితంలో ప్రవేశించిన ములాయం సింగ్ యాదవ్ ఇప్పటి వరకూ 11 అసెంబ్లీ ఎన్నికల్లో, 7 లోక్ సభ ఎన్నికల్లో మొత్తం 18 సార్లు పోటీ చేసాడు. 16 సార్లు గెలిచాడు. 1967లో 27 ఏళ్ళ వయసులో తన స్వంత నియోజకవర్గం జశ్వంత్ పూర్ అసెంబ్లీకి తొలిసారి తన రాజకీయ గురువు, మార్గదర్శి రామ్ మనోహర్ లోహియా ప్రోత్సాహంతో ఆయన పార్టీ సంయుక్త సోషలిస్టు పార్టీ టికెట్ పై పోటీ చేసి గెలిచాడు. అప్పటి అసెంబ్లీ ఎన్నికల్లో పోటీ చేసి గెలిచిన వాళ్ళల్లో ములాయమే చిన్న వయస్కుడు. అదే స్థానంలో స్థానంలో రెండు సార్లు 1969,1980 లలో పోటీ చేసి ఓటమి చవిచూశారు. ఏడు సార్లు పోటీ చేసిన లోక్ సభ ఎన్నికల్లో ఏనాడూ ఓటమి లేదు. ప్రస్తుతం ఆయన తన స్వగ్రామం ఉన్న మైనాపురి లోక్ సభ నియోజకవర్గం నుండి ఎంపీగా కొనసాగుతున్నారు. "సోషలిస్టు సింద్ధాంతం అలవర్చుకుని అది నేర్పిన పోరాట పటిమ ములాయంను ఎప్పుడూ పోటీకి జంకని వ్యక్తిగా తీర్చిదిద్దింది" అని ఆయన కజిన్ బ్రదర్ రామ్ గోపాల్ యాదవ్ ఒక సందర్భంలో అన్న మాట నిజం. అలాగే దంగల్ పోటీల్లో (కుస్తీ) ఎప్పుడూ ప్రత్యర్ధిని చిత్తుచేసే అలవాటు రాజకీయాల్లో కూడా ములాయంను ప్రభావితం చేసింది. ఆరు దశాబ్దాల ములాయం రాజకీయం ఏడు రాజకీయ పార్టీల గుండా గడిచింది. ఈ ప్రయాణంలో ఆయన ఎక్కడా మత తత్వ పార్టీ వైపు గానీ, సుధీర్ఘ కాలం పరిపాలన చేసిన కాంగ్రెస్ వైపు గానీ మరలలేదు. 1967లో గురువు లోహియా మరణంతో సోషలిస్టు పార్టీ చీలికలు పేలికలైంది. ములాయంకు రాజకీయ నిర్ధేశకత్వం కొరవడింది. ఈ దశలో ఆయన రైతు నాయకుడు, ఉత్తర ప్రదేశ్ ముఖ్యమంత్రిగా, తర్వాత దేశ ప్రధానిగా పని చేసిన చౌదరీ చరణ్ సింగ్ నాయకత్వంలో పని చేయలని నిర్ణయించుకున్నారు. చరణ్ సింగ్ పార్టీ భారతీయ లోక్ దళ్ తో పాటు పలు పార్టీలు 1977లో ఇందిర ను ఓడించడానికి జనతా పార్టీ గా ఏకమయ్యాయి. 77లో దేశంలో పాటు ఉత్తర ప్రదేశ్ లో కూడా రామ్ నరేష్ యాదవ్ నాయకత్వంలో జనతా పార్టీ విజయం సాధించింది. రామ్ నరేష్ యాదవ్ ముఖ్యమంత్రిగా ఏర్పడిన మంత్రి వర్గంలో మొదటి సారి సహకార శాఖా మంత్రి పదవి చేపట్టారు. ఇందిర 1980లో మళ్ళీ ప్రధానై ఉత్తర ప్రదేశ్ ప్రభుత్వాన్ని రద్దు చేయడంతో జరిగిన ఉపఎన్నికలో ములాయం ఓడిపోయారు. ఇది ఆయనకు రెండో ఓటమి. తర్వాత జరిగిన శాసనమండలి ఎన్నికల్లో చరణ్ సింగ్ ప్రోత్సాహంతో ఆయన పోటీ చేసి ఎన్నికై మండలిలో లోక్ దళ్ పార్టీ ప్రధాన ప్రతిపక్ష నేతగా ఎన్నుకోబడి అధికార పార్టీని ముప్పు తిప్పలు పెట్టారు. 1985 యు.పి అసెంబ్లీ కి జరిగిన ఎన్నికల్లో మళ్ళీ పోటీ చేసి గెలిచాడు. ఈసారి 425 స్థానాలున్న అసెంబ్లీకి లోక్ దళ్ పార్టీ నుండి 86 మంది ఎమ్మెల్యేలు గెలిచారు. అసెంబ్లీ లో లోక్ దళ్ ప్రధాన ప్రతిపక్షంగా అవతరించింది. ప్రధాన ప్రతిపక్ష నేతగా ములాయం ఎన్నికై ఆ అసెంబ్లీ కాలమంతా అధికార పార్టీని ధీటుగా ఎదుర్కొని రాష్ట్ర రాజకీయాల్లో ప్రధాన నాయకుడుగా గుర్తింపు పొందారు. బోఫోర్స్ ఉదంతంతో 1989లో ప్రధాని రాజీవ్ ను ఓడించడానికి నాలుగు పార్టీల కలయికతో ఏర్పడిన జనతాదళ్ లో ములాయం ప్రాతినిధ్యం వహిస్తున్న లోక్ దళ్ కూడా విలీనం అయ్యింది. లోక్ సభ, అసెంబ్లీ కి 89లో ఏక కాలంలో జరిగిన ఎన్నికల్లో జనతాదళ్ కేంద్రంలోను ఇటు యు.పి.లో విజయం సాధించింది. ములాయం ఎమ్మెల్యేగా గెలిచారు. రాష్ట్రంలో జనతాదళ్ ప్రభుత్వం ఏర్పడ్డానికి అవసరమైన మెజారిటీ లేదు. కమ్యూనిస్టుల మద్దతుతో ములాయం సింగ్ యాదవ్ 24 కోట్ల జనాభాతో దేశంలో అతిపెద్ద ఉత్తర ప్రదేశ్ రాష్ట్రానికి మొదటి సారి ముఖ్యమంత్రి అయ్యారు. జనతాదళ్ ప్రభుత్వం మండల్ బీసీ రిజర్వేషన్లు అమలు చేయాలని నిర్ణయించడంతో ఈ నిర్ణయాన్ని వ్యతిరేకిస్తూ బిజెపి ఆందోళన అనంతర పరిణామాల మధ్య బీజేపీ తన ఎంపీల మద్దతు ఉపసంహరించుకోవటంతో అటు కేంద్రంలో ఇటు యు.పి.లో ప్రభుత్వాలు పడిపోయాయి. తర్వాత 1993లో జరిగిన అసెంబ్లీ ఎన్నికల్లో బీఎస్పీ మద్దతుతో ములాయం రెండో సారి ముఖ్యమంత్రి అయ్యారు. *కేంద్ర రక్షణ శాఖ మంత్రిగా* 1996లో ములాయం మొదటి సారి లోక్ సభకు పోటీ చేసి విజయం సాధించారు. అది మొదలు గత 2019 వరకూ జరిగిన అన్ని లోక్ సభ ఎన్నికల్లో ఆయన పోటీ చేసి వరసగా విజయం సాధించడం పెద్ద విశేషం. 1996లో కేంద్రంలో ఏర్పడిన యునైటెడ్ ఫ్రంట్ ప్రభుత్వంలో ములాయం కీలకమైన రక్షణ శాఖ మంత్రి పదవి దక్కించుకోవటం విశేషం. 2003 లో మూడో దఫా ములాయం యు.పి ముఖ్యమంత్రి అయ్యారు. చేజారిన ప్రధాన మంత్రి పదవి* బహుశా దేశంలో ఇప్పటి రాజకీయ నాయకులందరికంటే ప్రధాన మంత్రి సమర్థవంతంగా నిర్వహించడానికి అవసరమైన అర్హతలున్న నాయకుడు ఎవరని పరిశీలిస్తే....మొదటి వినిపించే పేరు ములాయం సింగ్ యాదవ్ పేరునే. కోట్ల మంది అభిమానానికి తోడు సుధీర్ఘ 60 ఏళ్ళ పాటు క్రియాశీలక రాజకీయాల్లో పాల్గొనటం, మెజారిటీ ప్రజల ప్రజల ఆకాంక్షలను ప్రతిబింబించే విధానాన్ని వ్యవహరశైలిగా మార్చుకునే స్వభావం, అటు సామాజిక జీవితానుభవం, ఇటు రాజకీయ రంగ అనుభవం, మొత్తంగా ఆయన నేపధ్యం ప్రధాన మంత్రి పదవి కి అర్హతకు ముందుంచుతుంది. ఇలా అన్ని అర్హతలు ఉన్న ఆయనకు ఒక సందర్భంలో ప్రధాని అయ్యే అవకాశం సంపూర్ణంగా ఏర్పడింది. కానీ కొందరి చేసిన వెన్నుపోటు రాజకీయాల వల్ల ఖరారైన ములాయం పేరు స్థానంలో ఐ.కె.గుజ్రాల్ పేరు ఆఖరిలో వచ్చి చేరింది. ఆనాడు 1997లో యునైటెడ్ ఫ్రంట్ ప్రభుత్వంలో దేవగౌడ ప్రధాని పదవికి రాజీనామా చేసిన సందర్భంలో ఇది జరిగింది. అప్పుడు లోపల,బయట జరిగిన పరిణామాలను ఇండియన్ ఎక్స్ ప్రెస్ పత్రిక మాజీ సంపాదకుడు శేఖర్ గుప్తా 2012 సెప్టెంబర్ నెలలో వివరంగా రాశాడు. యునైటెడ్ ఫ్రంట్ ప్రభుత్వం ఏర్పడటంలో, అలాగే కూటమిలో తలెత్తే ఘర్షణలను సర్దుబాటు చేసి సంక్షోభ నివారణా నిపుణుడిగా పేరొందిన అప్పటి సిపిఎం కేంద్ర కమిటీ కార్యదర్శి హరికిషన్ సూర్జిత్ సింగ్ ను ఎన్.డి.టి.వి. ఇంగ్లీషు ఛానల్ తరపున "వాక్ అండ్ టాక్ " లో ఇంటర్వ్యూ చేసిన సందర్భంలో ఈ వివరాలు తనక తెలిసాయని గుప్తా రాశాడు. ములాయం లోహియా సోషలిస్టు సింద్ధాంత వాది అయినా కమ్యూనిస్టు నాయకుడు సూర్జిత్ తో కూడా సన్నిహితంగా ఉండేవాడని, అలాగే అందరినీ కలుపుకుని వెళ్లే స్వభావం ములాయమదని, ములాయం ను ప్రధాని చేయడానికి తాను ప్రయత్నాలు చేసిన సంగతులు, అలాగే పార్టీలో ఆయనకు వచ్చిన మద్దతుతో ములాయం పేరు ఖరారైన తర్వాత కొందరి నిరోధక చర్యలు వల్ల ఆయన ప్రధాని కాలేకపోయారు" అని సూర్జిత్ తనతో జరిగిన సంభాషణల్లో చెప్పారని శేఖర్ గుప్తా రాశాడు.
 

మత్స్యగిరి గుట్ట  లక్ష్మీనరసింహస్వామి ధర్మకర్త బండి రవికుమార్ కు ఘన సన్మానం

 
 
  
  
యాదాద్రి భువనగిరి జిల్లా అరూరు గ్రామంలో శ్రీ మత్స్యగిరి లక్ష్మీ నరసింహ స్వామి గుట్ట ధర్మకర్తగా బండి రవికుమార్ నియామకం అయిన సందర్భంగా అరూరు గ్రామానికి చెందిన యూత్ సభ్యులు మంగళవారం రాత్రి ఘనంగా సన్మానించారు. ఈ కార్యక్రమంలో మాజీ ఎంపీపీ చిట్టేడి జనార్దన్ రెడ్డి, వలిగొండ మండల కాంగ్రెస్ పార్టీ ఓబీసీ సెల్ అధ్యక్షులు చిలకమర్రి కనకాచారి, మాజీ ఎంపీటీసీ పోలే పాక చంద్రయ్య ,మాజీ సర్పంచ్ పోలేపాక చెమ్మయ్య, పిట్టల సుధాకర్, బత్తిని వెంకటేష్, ఎలిమినేటి సంతోష్, ఓరుగంటి మధు, లోతుకుంట నాగరాజు, బైకాన్ని మల్లేశం, ఎలిమినేటి రాము, ఆకుల గణేష్, బత్తిని మచ్చ గిరి, బుర్ర శివ, నిమ్మల నిఖిల్, నిమ్మల నరేష్ ,కళ్లెం ఉమేష్, ఎండి సలీం, మహేష్ తదితరులు పాల్గొని ఘనంగా సన్మానించారు.