సమగ్ర సర్వే నుండి ప్రభుత్వ ఉపాధ్యాయులను మినహాయించాలి; వెంకట్ రెడ్డి జాతీయ కన్వీనర్ ఎం వి ఫౌండేషన్

 
 
  
  
తేదీ: 04-11-2024 గౌరవ శ్రీ . ఎనుముల రేవంత్ రెడ్డి గారు తెలంగాణ ముఖ్యమంత్రి, హైదారాబాద్, తెలంగాణ రాష్ట్రం. విషయం : విద్యా హక్కు చట్టాన్ని మరియు బాలల విద్యను దృష్టిలో ఉంచుకొని “సమగ్ర ఇంటింటి కుటుంబ సర్వే” నుండి ప్రభుత్వ ప్రాథమిక పాఠశాలల ఉపాధ్యాయులను మినహాయించాలని ముఖ్యమంత్రికి విజ్ఞప్తి ఆర్యా ! రాష్ట్ర ప్రభుత్వం తలపెట్టిన “సమగ్ర ఇంటింటి కుటుంబ సర్వే” కోసం ప్రాథమిక పాఠశాల ఉపాధ్యాయుల సేవలను తీసుకోవడానికి విద్యాశాఖప్రధాన కార్యదర్శి 1.11.2024 నాడు మెమో నెంబర్ 1112 ద్వారా 36,559 SGT ఉపాధ్యాయులను, 3414 ప్రధానోపాధ్యాయులకు ఉత్తర్వులు జారీ చేసింది. అంతే కాకుండా పాఠశాలలను ఉదయం 9 గంటల నుండి మ. 1 గంటల వరకే (ఒంటి పుట)నే నిర్వహించాలని ఈ ఉత్తర్వుల సారాశం. ప్రభుత్వ పాఠశాలపై దిగజారుతున్న విశ్వాసానికి ఈ ఆదేశాలు తల్లిదండ్రులలో మరింత ఆవేదనకు గురి చేస్తుంది. విద్యా హక్కు చట్ట ప్రకారం సంవత్సరం లో ప్రాథమిక పాతాశాలలు 200 పనిదినాలు మరియు 8౦౦ బోధనా గంటలుగా నిర్దారించాడమైనది. అంతే కాకుండా ఉపాధ్యాయులకు జనాభా గణన లెక్కలు, ప్రకృతి వైపరిత్యాలలో సహాయ విధులు మరియు పార్లమెంటు, రాష్ట్ర శాసన సభ, స్థానిక ప్రభుత్వాలకు జరిగే ఎన్నికలకు సంబందించిన విధులను మినహాయించి టిచర్లను ఏ ఇతర విద్యేతర పనులకు పంపకూడదని విద్యా హక్కు చట్టం నిర్దేశిస్తుంది.రాష్ట్ర ప్రభుత్వం కుల గణన కోసం ఉపాధ్యాయులను వినియోగించుటకు జారీచేసిన ఉత్తర్వులు విద్యా హక్కు చట్ట ఉల్లంఘన కిందికి రావడమే కాకుండా బాలల విద్యా హక్కు ను కూడా ఉల్లంగించినట్లు అయితుంది. మనందరికి తెలుసు ప్రభుత్వ బడులలో చదివే పిల్లల తల్లిదండ్రులు అత్యధిక శాతం కూలి నాలి చేసుకునే వారే .దళిత బహుజనులే . సగం పూట బడులు నడపడం వలన పిల్లలు ఇంటికి వస్తే ఎవరు ఉండరు కాబట్టి ఆ సగం పూట కూడా బడికి కాకుండా పనికి వెళ్లే తల్లిదండ్రులు పిల్లలను తమ వెంట తీసుకుపోతారు . చాలా ప్రమాదం ఈ చర్య. మళ్లీ బడులకు రావడం అలవాటు కు సమయం పడుతుంది. దసరా దీపావళి పండుగల తరువాత ఇంకా అందరు పిల్లలు బడులకు తిరిగి రాలేదు. అంతలోనే ఈ సర్వే పనుల వలన బడులు మూత. పిల్లల సామర్థ్యాల పై చాలా ప్రభావం పడుతుంది . అసలే నాణ్యమైన విద్య అందించడంలో రాష్ట్రం చాలా వెనుకబడి ఉంది. దేశవ్యాప్తంగా నిర్వహించిన నేషనల్ అచీవ్ మెంట్ సర్వే (NAS) నివేదిక ద్వారా తెలియ వచ్చింది. ఇక ప్రభుత్వ పాఠశాలలల్లో ఎస్ సి, బి సి, ఎస్టీ సామజిక వర్గాల విద్యార్థుల అభ్యసన సామర్ధ్యాలు ఇంకా ఎక్కువ ఆందోళనకరంగా ఉన్నాయి. మొత్తంగా ఈ మన రాష్ట్రం, అన్ని రాష్ట్రాలలో కంటే మన రాష్ట్రం బాలలు తక్కువ అభ్యసన సామర్ధ్యాలు కలిగి ఉన్నారు. ఈ మద్యనే మీ ప్రభుత్వ హయాంలో నాణ్యమైన విద్య అందించడానికి వేలాది మంది ఉపాధ్యాయులను నియమించి నందుకు తల్లిదండ్రులు ఫౌర సమాజం హర్షించింది. కాని ఈ సంతోషం ప్రాథమిక పాతశాల్ల ఉపాధ్యాయులను బోదనేతర పనులు అప్పజెప్పడం వలన విద్యార్థుల బోధన కుంటుపదడమే కాకుండా విద్యార్థులు బడిమానేసి ప్రమాదం ఎంతైనా ఉంది. విద్యా హక్కు చట్టాన్ని దృష్టిలో ఉంచుకొని సమగ్ర ఇంటింటి కుటుంబ సర్వే నుండి ప్రభుత్వ ప్రాథమిక పాఠశాలల ఉపాధ్యాయులను మినహాయించాలని విజ్ఞప్తి ఇట్లు ఆర్. వెంకట రెడ్డి జాతీయ కన్వీనర్, ఎం. వి. ఫౌండేషన్
 

DYFI భువనగిరి మండల అధ్యక్ష కార్యదర్శులుగా మైలారం శివప్రసాద్ , దయ్యాల మల్లేష్ ఎన్నిక

 
 
  
  
భారత ప్రజాతంత్ర యువజన సమాఖ్య (DYFI) భువనగిరి మండల అధ్యక్ష కార్యదర్శులుగా మైలారం శివప్రసాద్, దయ్యాల మల్లేష్ లను ఎన్నుకున్నట్లు సంఘం జిల్లా కార్యదర్శి గడ్డం వెంకటేష్ అన్నారు. ఆదివారం జరిగిన మండల మహాసభలో DYFI అభివృద్ధి కోసం యువత ఉపాధి అవకాశాల కోసం స్థానిక యువతకు ఉద్యోగావకాశాలు కల్పించాలని భవిష్యత్తులో అనేక పోరాటాలు నిర్వహిస్తామని వారు తెలిపారు వీరితోపాటు మండల ఉపాధ్యక్షులుగా కుసుమ మధు, గడ్డం కనకరాజు, సహాయ కార్యదర్షులుగా పల్లెర్ల వినోద్, చందుపట్ల బిక్షపతి కమిటి సభ్యులుగా జాన సురేష్,ముడుగుల శేఖర్, గడ్డం చాణక్య లను ఎన్నుకున్నారు.
 

ఉద్యమకారుల లక్ష్యం ఆత్మగౌరవం సంక్షేమం

 
 
  
  
 తెలంగాణ రాష్ట్ర సాధన కోసం పోరాటాలు చేసిన ఉద్యమకారుల లక్ష్యం ఆత్మగౌరవం సంక్షేమము. అని మలిదశ.ఉద్యమకారులు సోమవారం వలిగొండ మండల కేంద్రంలో మాట్లాడుతూ అన్నారు ఉద్యమకారులకు కనీసం గుర్తింపు లేకుండా పోయిందని ని వారు ఆవేదన వ్యక్తం చేశారు ఉద్యమకారులు పార్టీలకు అతీతంగా సంఘాలకు అతీతంగా ఏ పార్టీలో ఉన్న అందరి లక్ష్యం ఉద్యమకారుల ఐక్యత ని వారన్నారు ఈ సందర్భంగా వారు మాట్లాడుతూ కాంగ్రెస్ ప్రభుత్వం ఉద్యమకారులకు ఇచ్చిన హామీలను వెంటనే అమలు చేసి వారికి న్యాయం చేయాలని వారి డిమాండ్ చేశారు ప్రభుత్వం ఉద్యమకారులను గుర్తించాలి. ఈ కార్యక్రమంలో సంగిశెట్టి క్రిస్టఫర్. పిట్టల విజయలక్ష్మి కొత్త రామచందర్ గంగదారి సత్తయ్య పబ్బు. లక్ష్మయ్య. బైరు సైదులు. మంచి లింగయ్య జోగు యాదయ్య. నల్లబోలు వెంకటేశం. మొగిలి పాక నరసింహ. తదితరులు పాల్గొన్నారు.
 

విద్యుత్ వినియోగదారుల సమస్యలు పరిష్కరించాలి: కొడారి వెంకటేష్ వినియోగదారుల సంఘం జిల్లా అధ్యక్షులు

 
 
  
  
 విద్యుత్ వినియోగదారుల సమస్యలు పరిష్కరించాలని లేనిచో విద్యుత్ గ్రీవెన్స్ రెడ్రేసెల్ ఫోరం లో పిర్యాదు చేస్తామని వినియోగదారుల సంఘం జిల్లా అధ్యక్షులు కొడారి వెంకటేష్ అన్నారు. ఆదివారం భువనగిరి జిల్లా కేంద్రంలోని డివిజనల్ ఇంజనీర్ ఆఫ్ ఎలక్ట్రికల్ కార్యాలయం లో "విద్యుత్ వినియోగదారుల దినోత్సవం" సమావేశం నిర్వహించారు. ఈ సందర్భంగా వినియోగదారుల సంఘం జిల్లా అధ్యక్షులు కొడారి వెంకటేష్ మాట్లాడుతూ తాను స్థానికంగా అందుబాటు లో లేని కారణంగా పలు విద్యుత్ సమస్యలు పరిష్కరించాలని కోరుతూ ఆన్ లైన్ ద్వారా డి ఈ కి వినతి పత్రం అందజేసినట్లు ఆయన తెలిపారు. భువనగిరి డి ఈ కార్యాలయం లో ఫ్యూజ్ ఆఫ్ కాల్ రిజిష్టర్ ను, సంబంధిత అధికారి పోన్ నెంబర్ నూ వినియోగదారులకు అందుబాటులో ఉంచాలని ఆయన డిమాండ్ చేశారు. వినియోగదారుల సేవా కేంద్రం లో సేవల వివరాలు, గృహ అవసరాలకు, కమర్షియల్ అవసరాలకు మీటర్ల డీడీ అమౌంట్, డీడీ ఎవరి పేరుమీద తీయాలి అనే వివరాలను పొందుపరచాలని ఆయన కోరారు. రూరల్ ఏఈ, పట్టణ ఏఈ కార్యాలయాలు , డీఈ కార్యాలయం పేర్లను ఏర్పాటు చేయాలని ఆయన డిమాండ్ చేశారు.కొందరు విద్యుత్ అధికారులు విధులను సక్రమంగా నిర్వర్తించడం లేదని , సమయపాలన కూడా పాటించడం లేదని ఆయన ఆరోపించారు. విద్యుత్ కార్యాలయాల్లో బయోమెట్రిక్ విధానం ప్రవేశపెట్టాలని డిమాండ్ చేశారు. కొందరు విద్యుత్ అధికారులు, ప్రైవేట్ వ్యక్తులతో విద్యుత్ సేవలు అందిస్తున్నారని, ఒకవేళ ఏదైనా ప్రమాదం జరిగితే ఎవరు బాధ్యత వహిస్తారని ఆయన ప్రశ్నించారు. ఇటీవల కొందరు విద్యుత్ అధికారులు , బినామీ పేర్లతో కాంట్రాక్టర్ గా చెలామణి అవుతూ, విధులు పట్ల నిర్లక్ష్యం, అవినీతి ఆరోపణలపై మీడియా లో వార్తలు వస్తున్నాయని వాటిపై సమగ్ర విచారణ జరిపి, చట్ట ప్రకారం కఠిన చర్యలు తీసుకోవాలని ఆయన డిమాండ్ చేశారు.
 

కొండూరు భాస్కర్ సౌజన్యంతో ఆర్థిక సహాయం అందజేత
యాదాద్రి భువనగిరి జిల్లా వలిగొండ మండలం లో ఇటీవల అనారోగ్యం తో  గ్రామ పంచాయితీ సిబ్బంది పల్లెర్ల యాదయ్య మరణించినారు . ఈ సందర్భంగా వారి కుటుంబాన్ని కొండూరు భాస్కర్ పరామర్శించి  , కొండూరు భాస్కర్ సౌజన్యం తో 5000 రూపాయలను ఆర్థిక సాయం అంద జేశారు. ఈ కార్యక్రమంలో పల్లెర్ల రాజు, కాసుల వెంకన్న, పల్లెర్ల సుధాకర్,కొండూరు సాయి, పల్లెర్ల పెంటయ్య, నాగరాజు, మచ్ఛగిరి,స్వామి, పడిగే0 లింగుస్వామి, పల్లెర్ల క్రిష్ణ, సహదేవ్ తదితరాలు పాల్గొన్నారు.

చదువుల తల్లి ఎండి సానియా కి రూ. 82వేలు ఆర్థిక సహాయం అందించిన అంబేద్కర్ సొసైటీ శోభనాద్రిపురం

 
 
  
  
యాదాద్రి భువనగిరి జిల్లా రామన్నపేట మండలం పరిధిలోని శోభనాద్రి పురం గ్రామానికి చెందిన ఎండి సానియా నీట్ 2024 మొదటి ప్రయత్నంలోనే మంచి ర్యాంకు సాధించి ప్రభుత్వ మెడికల్ కాలేజీలో ఎంబిబిఎస్ సీటు పొందిన పేద విద్యార్థిని చదువు ఆటంకం కలగకుండా తన తండ్రి జహంగీర్ దాతలను ఆర్థిక సహాయం కోరారు. అంబేద్కర్ సొసైటీ శోభనాద్రిపురం ఆధ్వర్యంలో సానియా చదువులకు ఇబ్బంది కలగకుండా రూ.82,000 ఆర్థిక సహాయం సొసైటీ నుంచి అందించారు. సొసైటీ ఆధ్వర్యంలో ఘనంగా సన్మానించారు. భవిష్యత్తులో చదువులకు ఎలాంటి ఇబ్బంది కలిగిన తాము అండగా ఉంటామని అన్నారు . గ్రామంలో ఎవరైనా పేద విద్యార్థులు ఉన్నత చదువుల కోసం ఇబ్బంది పడితే వారికి తప్పకుండా అంబేద్కర్ సొసైటీ ఆధ్వర్యంలో సహాయం చేస్తామని తెలిపారు .ఆర్థిక సహకారం అందించి వారు కంచి ముత్తయ్య మాజీ అడిషనల్ డీజీపీ రూ.5000 కంచి మల్లేశం మాజీ ఆర్టీసీ డ్రైవర్ రూ.3000, కంచి రమేష్ సివిల్ ఇంజనీర్ రూ .8000,కంచి నరసింహ మాజీ సిజిఎం రూ .20,000 కంచి బాలస్వామి టీచర్ రూ.5000 కంచి దశరథ హెచ్ఎం ₹1000 కంచి రామలింగం రూ .500 కంచి మధుసూదన్ రూ.5000 కంచి సత్తయ్య ప్రైవేట్ టీచర్ రూ.2000 కంచి సుమన్ సిఐ రూ .20,000 డాక్టర్ కంచి రాజేంద్రప్రసాద్ ప్రొఫెసర్ రూ .2500 డాక్టర్ ఝాన్సీ డిప్యూటీ సివిల్ సర్జన్ రూ 10,000 మొత్తం 82,000 ఆర్థిక సహాయం అందించారు.
 

AISF పోరాట ఫలితమే మెస్ కాస్మోటిక్ చార్జీల పెంపు

 
 
  
  
యాదాద్రి భువనగిరి జిల్లా: గత 14 ఏళ్లగా అర్ధా ఆకలితో అలమటిస్తూ అరకోర సౌకర్యాలతో కాలం వెళ్లదీస్తున్న వసతి గృహాల విద్యార్థులకు ఏఐఎస్ఎఫ్ పోరాటం ఫలితంగానే మెస్ ఫాస్మోటిక్ చార్జీలు పెంచడం జరిగిందని ఏఐఎస్ఎఫ్ జిల్లా ప్రధాన కార్యదర్శి ఉప్పుల శాంతి కుమార్ ప్రభుత్వం పెంచడం అభినందనీయమన్నారు. AISF ముఖ్య నాయకుల సమావేశంలో ఆయన పాల్గొని మాట్లాడుతూ.. 3 నుంచి7, వ తరగతి విద్యార్థిని విద్యార్థులకు 950 నుంచి 1330, 8,నుంచి 10 పదవ తరగతి విద్యార్థిని విద్యార్థులకు 1100నుంచి 1540, ఇంటర్మీడియట్ నుండి పీజీ వరకు విద్యార్థిని విద్యార్థులకు 1500 నుంచి 2100 వరకు దీనితోపాటు కాస్మోటిక్ చార్జీలు 3,నుండి 7వ తరగతి వరకు విద్యార్థులకు 55 నుండి 175 వరకు 8,నుండి 10వ తరగతి విద్యార్థులకు 75 నుండి 275 వరకు 3,నుంచి 7 తరగతి విద్యార్థులకు 62 నుండి 150 వరకు 8,నుండి 10 వరకు 62 నుండి 200 వరకు పెంపుదల చేయడం జరిగిందని ఇది ఏఐఎస్ఎఫ్ పోరాట ఫలితమేనని ఆయన పేర్కొన్నారు. చలికాలం సమీపిస్తున్న నేపథ్యంలో విద్యార్థులకు తక్షణమే దుప్పట్లు పంపిణీ చేయడంతో పాటు వసతి గృహాల భవనాలకు మరమ్మతులు చేయించి కిటికీలు తలుపులను తక్షణమే ఏర్పాటు చేయాలని ఆయన సూచించారు. తక్షణమే పెండింగ్లో ఉన్న డైట్ బిల్లులను చెల్లించాలని ఆయన డిమాండ్ చేశారు. లేనియెడల రానున్న రోజుల్లో విద్యార్థులు ఎదుర్కొంటున్న సమస్యలపై మరిన్ని పోరాటాలకు శ్రీకారం చుట్టునున్నట్లు. ఆయన తెలిపారు. ఈ కార్యక్రమంలో జిల్లా అధ్యక్షులు వస్టుపుల అభిలాష్ ఉపాధ్యక్షులు సూరారం జానీ ,సుమన్ భను ప్రసాద్,తదితరులు పాల్గొన్నారు..
 

 నవంబర్ 3న మిర్యాలగూడలో జరిగే బీసీ గర్జన ను జయప్రదం చేయండి:  చిల్లర స్వామి యాదవ్

 
 
  

  యాదాద్రి భువనగిరి జిల్లా వలిగొండ మండల పరిధిలోని గోపరాజుపల్లి గ్రామంలో గురువారం బిసి మండల నాయకులు గ్రామ యాదవ సంఘం అధ్యక్షులు చిల్లర స్వామి యాదవ్ మాట్లాడుతూ నవంబర్ మూడవ తేదీన మిర్యాలగూడలో నిర్వహించే బీసీ గర్జన ను విజయవంతం చేయాలని అన్నారు. ఈ సందర్భంగా వారు మాట్లాడుతూ... 1947 దేశానికి స్వాతంత్రం వస్తే 1993 మండల్ కమిషన్ అమలు చేసే వరకు దాదాపు నాలుగు దశబ్దాలు బీసీలకు ఎలాంటి రిజర్వేషన్ లేదు. రాజకీయ రంగంలో నేటికి లేదు .మండల్ అమలుతో వచ్చిన ఇరువై ఏడు శాతం రిజర్వేషన్ విద్యా, ఉద్యోగ రంగాలలో మాత్రమే ఇది కూడా అరకొరగా అమలవుతుందని, ఈడబ్ల్యూఎస్ రిజర్వేషన్ బిల్లు తెచ్చి ఉన్న కొద్ది అవకాశాలు గండి కొట్టారని అన్నారు. ఈ మహాసభలో తమ్మడబోయిన అర్జున్ కోకన్వీనర్ బీసీ జాతీయ చైతన్య వేదిక, సూరజ్ యాదవ్ మండల్ ఢిల్లీ యూనివర్సిటీ ప్రొఫెసర్, ఎమ్మెల్సీ తీన్మార్ మల్లన్న ,ఆర్ కృష్ణయ్య మాజీ ఎంపీ బీసీ సంక్షేమ సంఘం జాతీయ అధ్యక్షులు ,దేశ, రాష్ట్ర నాయకులు పాల్గొంటారని తెలిపారు.
 

PACS వరి ధాన్యం కొనుగోలు కేంద్రాలను ప్రారంభించిన వైస్ చైర్మన్ ఎల్లంకి స్వామి

 
 
  
  
యాదాద్రి భువనగిరి జిల్లా వలిగొండ మండలంలోని వలిగొండ పిఏసిఎస్ ఆధ్వర్యంలో ఏర్పాటుచేసిన వరి ధాన్యం కొనుగోలు కేంద్రాలను బుధవారం కేర్చుపల్లి, వర్కట్ పల్లి, సుంకిశాల, దాసిరెడ్డిగూడెం, ఎద్దుల్ల గూడెం చైతన్యపురి గ్రామాలలో పిఏసిఎస్ వైస్ చైర్మన్ ఎల్లంకి స్వామి ప్రారంభించారు.ఈ కార్యక్రమంలో కొమురెల్లి సంజీవరెడ్డి, నానచర్ల శ్రీనివాస్, సి ఓ బోనగిరి ముత్యాలు, తదితరులు పాల్గొన్నారు.
  

  

  
 

మహాత్మ జ్యోతిబా పూలే జాతీయ అవార్డు రావడం గర్వకారణం:  తోటకూర యాదయ్య ప్రిన్సిపల్

 
 
  
  
 భువనగిరి కి చెందిన సామాజిక కార్యకర్త కొడారి వెంకటేష్ కు మహాత్మా జ్యోతిభా పూలే జాతీయ అవార్డు రావడం యాదాద్రి భువనగిరి జిల్లా కే గర్వకారణమని శ్రీ సాయి ప్రశాంతి విద్యా నికేతన్ ప్రిన్సిపాల్ తోటకూర యాదయ్య అన్నారు. బుధవారం పాఠశాల ప్రార్థనా సమయంలో జాతీయ అవార్డు గ్రహీత కొడారి వెంకటేష్ ను శాలువాతో ఘనంగా సన్మానించారు. ఈ సందర్భంగా ప్రిన్సిపాల్ యాదయ్య మాట్లాడుతూ గత మూడు దశాబ్దాలుగా సమాజంలోని రుగ్మతల నివారణకు కృషి చేస్తున్న కొడారి వెంకటేష్ కు భవిష్యత్తులో మరెన్నో అవార్డులు , గుర్తింపులు రావాలని కోరారు. ముఖ్యంగా బడి ఈడు పిల్లలు బడిలో ఉండాలని, బాలకార్మిక వ్యవస్థ నిర్మూలనకు, బాల్య వివాహాల నిర్మూలనకు, పిల్లలందరికీ నాణ్యమైన విద్య అందించడం కోసం వెంకటేష్ చేస్తున్న కృషి చాలా గొప్పదని ఆయన అన్నారు. ఈ సన్మాన కార్యక్రమంలో శ్రీ సాయి ప్రశాంతి విద్యా నికేతన్ కరస్పాండెంట్ తోటకూర కృష్ణ, ఉపాధ్యాయులు రవీందర్ , షఫీ , జోసఫ్, సురేందర్, కళ్యాణి, భవ్య , మౌనిక, ప్రమీల ,సరిత, కనక లక్ష్మీ, ఇంద్రయ్య మరియు విద్యార్థులు పాల్గొన్నారు.